ঋষিরুবাচ
ইতি তাসাং স্বশক্তীনাং সতীনামসমেত্য সঃ ।
প্রসুপ্তলোকতন্ত্রাণাং নিশাম্য গতিমীশ্বরঃ ॥ ১ ॥
ইতি তাসাং স্বশক্তীনাং সতীনামসমেত্য সঃ ।
প্রসুপ্তলোকতন্ত্রাণাং নিশাম্য গতিমীশ্বরঃ ॥ ১ ॥
কালসংজ্ঞাং তদা দেবীং বিভ্রচ্ছক্তিমুরুক্রমঃ ।
ত্রযোবিংশতিতত্ত্বানাং গণং যুগপদাবিশত্ ॥ ২ ॥
ত্রযোবিংশতিতত্ত্বানাং গণং যুগপদাবিশত্ ॥ ২ ॥
সোঽনুপ্রবিষ্টো ভগবাংশ্চেষ্টারূপেণ তং গণম্ ।
ভিন্নং সংযোজযমাস সুপ্তং কর্ম প্রবোধযন্ ॥ ৩ ॥
ভিন্নং সংযোজযমাস সুপ্তং কর্ম প্রবোধযন্ ॥ ৩ ॥
প্রবুদ্ধকর্মা দৈবেন ত্রযোবিংশতিকো গণঃ ।
প্রেরিতোঽজনযত্স্বাভির্মাত্রাভিরধিপূরুষম্ ॥ ৪ ॥
প্রেরিতোঽজনযত্স্বাভির্মাত্রাভিরধিপূরুষম্ ॥ ৪ ॥
পরেণ বিশতা স্বস্মিন্মাত্রযা বিশ্বসৃগ্গণঃ ।
চুক্ষোভান্যোন্যমাসাদ্য যস্মিন্লোকাশ্চরাচরাঃ ॥ ৫ ॥
চুক্ষোভান্যোন্যমাসাদ্য যস্মিন্লোকাশ্চরাচরাঃ ॥ ৫ ॥
হিরণ্মযঃ স পুরুষঃ সহস্রপরিবত্সরান্ ।
আণ্ডকোশ উবাসাপ্সু সর্বসত্ত্বোপবৃংহিতঃ ॥ ৬ ॥
আণ্ডকোশ উবাসাপ্সু সর্বসত্ত্বোপবৃংহিতঃ ॥ ৬ ॥
স বৈ বিশ্বসৃজাং গর্ভো দেবকর্মাত্মশক্তিমান্ ।
বিবভাজাত্মনাত্মানমেকধা দশধা ত্রিধা ॥ ৭ ॥
বিবভাজাত্মনাত্মানমেকধা দশধা ত্রিধা ॥ ৭ ॥
এষ হ্যশেষসত্ত্বানামাত্মাংশঃ পরমাত্মনঃ ।
আদ্যোঽবতারো যত্রাসৌ ভূতগ্রামো বিভাব্যতে ॥ ৮ ॥
আদ্যোঽবতারো যত্রাসৌ ভূতগ্রামো বিভাব্যতে ॥ ৮ ॥
সাধ্যাত্মঃ সাধিদৈবশ্চ সাধিভূত ইতি ত্রিধা ।
বিরাট্ প্রাণো দশবিধ একধা হৃদযেন চ ॥ ৯ ॥
বিরাট্ প্রাণো দশবিধ একধা হৃদযেন চ ॥ ৯ ॥
স্মরন্ বিশ্বসৃজামীশো বিজ্ঞাপিতমধোক্ষজঃ ।
বিরাজমতপত্স্বেন তেজসৈষাং বিবৃত্তযে ॥ ১০ ॥
বিরাজমতপত্স্বেন তেজসৈষাং বিবৃত্তযে ॥ ১০ ॥
অথ তস্যাভিতপ্তস্য কতিধাযতনানি হ ।
নিরভিদ্যন্ত দেবানাং তানি মে গদতঃ শৃণু ॥ ১১ ॥
নিরভিদ্যন্ত দেবানাং তানি মে গদতঃ শৃণু ॥ ১১ ॥
তস্যাগ্নিরাস্যং নির্ভিন্নং লোকপালোঽবিশত্পদম্ ।
বাচা স্বাংশেন বক্তব্যং যযাসৌ প্রতিপদ্যতে ॥ ১২ ॥
বাচা স্বাংশেন বক্তব্যং যযাসৌ প্রতিপদ্যতে ॥ ১২ ॥
নির্ভিন্নং তালু বরুণো লোকপালোঽবিশদ্ধরেঃ ।
জিহ্বযাংশেন চ রসং যযাসৌ প্রতিপদ্যতে ॥ ১৩ ॥
জিহ্বযাংশেন চ রসং যযাসৌ প্রতিপদ্যতে ॥ ১৩ ॥
নির্ভিন্নে অশ্বিনৌ নাসে বিষ্ণোরাবিশতাং পদম্ ।
ঘ্রাণেনাংশেন গন্ধস্য প্রতিপত্তির্যতো ভবেত্ ॥ ১৪ ॥
ঘ্রাণেনাংশেন গন্ধস্য প্রতিপত্তির্যতো ভবেত্ ॥ ১৪ ॥
নির্ভিন্নে অক্ষিণী ত্বষ্টা লোকপালোঽবিশদ্বিভোঃ ।
চক্ষুষাংশেন রূপাণাং প্রতিপত্তির্যতো ভবেত্ ॥ ১৫ ॥
চক্ষুষাংশেন রূপাণাং প্রতিপত্তির্যতো ভবেত্ ॥ ১৫ ॥
নির্ভিন্নান্যস্য চর্মাণি লোকপালোঽনিলোঽবিশত্ ।
প্রাণেনাংশেন সংস্পর্শং যেনাসৌ প্রতিপদ্যতে ॥ ১৬ ॥
প্রাণেনাংশেন সংস্পর্শং যেনাসৌ প্রতিপদ্যতে ॥ ১৬ ॥
কর্ণাবস্য বিনির্ভিন্নৌ ধিষ্ণ্যং স্বং বিবিশুর্দিশঃ ।
শ্রোত্রেণাংশেন শব্দস্য সিদ্ধিং যেন প্রপদ্যতে ॥ ১৭ ॥
শ্রোত্রেণাংশেন শব্দস্য সিদ্ধিং যেন প্রপদ্যতে ॥ ১৭ ॥
ত্বচমস্য বিনির্ভিন্নাং বিবিশুর্ধিষ্ণ্যমোষধীঃ ।
অংশেন রোমভিঃ কণ্ডূং যৈরসৌ প্রতিপদ্যতে ॥ ১৮ ॥
অংশেন রোমভিঃ কণ্ডূং যৈরসৌ প্রতিপদ্যতে ॥ ১৮ ॥
মেঢ্রং তস্য বিনির্ভিন্নং স্বধিষ্ণ্যং ক উপাবিশত্ ।
রেতসাংশেন যেনাসাবানন্দং প্রতিপদ্যতে ॥ ১৯ ॥
রেতসাংশেন যেনাসাবানন্দং প্রতিপদ্যতে ॥ ১৯ ॥
গুদং পুংসো বিনির্ভিন্নং মিত্রো লোকেশ আবিশত্ ।
পাযুনাংশেন যেনাসৌ বিসর্গং প্রতিপদ্যতে ॥ ২০ ॥
পাযুনাংশেন যেনাসৌ বিসর্গং প্রতিপদ্যতে ॥ ২০ ॥
হস্তাবস্য বিনির্ভিন্নাবিন্দ্রঃ স্বর্পতিরাবিশত্ ।
বার্তযাংশেন পুরুষো যযা বৃত্তিং প্রপদ্যতে ॥ ২১ ॥
বার্তযাংশেন পুরুষো যযা বৃত্তিং প্রপদ্যতে ॥ ২১ ॥
পাদাবস্য বিনির্ভিন্নৌ লোকেশো বিষ্ণুরাবিশত্ ।
গত্যা স্বাংশেন পুরুষো যযা প্রাপ্যং প্রপদ্যতে ॥ ২২ ॥
গত্যা স্বাংশেন পুরুষো যযা প্রাপ্যং প্রপদ্যতে ॥ ২২ ॥
বুদ্ধিং চাস্য বিনির্ভিন্নাং বাগীশো ধিষ্ণ্যমাবিশত্ ।
বোধেনাংশেন বোদ্ধব্যম্ প্রতিপত্তির্যতো ভবেত্ ॥ ২৩ ॥
বোধেনাংশেন বোদ্ধব্যম্ প্রতিপত্তির্যতো ভবেত্ ॥ ২৩ ॥
হৃদযং চাস্য নির্ভিন্নং চন্দ্রমা ধিষ্ণ্যমাবিশত্ ।
মনসাংশেন যেনাসৌ বিক্রিযাং প্রতিপদ্যতে ॥ ২৪ ॥
মনসাংশেন যেনাসৌ বিক্রিযাং প্রতিপদ্যতে ॥ ২৪ ॥
আত্মানং চাস্য নির্ভিন্নমভিমানোঽবিশত্পদম্ ।
কর্মণাংশেন যেনাসৌ কর্তব্যং প্রতিপদ্যতে ॥ ২৫ ॥
কর্মণাংশেন যেনাসৌ কর্তব্যং প্রতিপদ্যতে ॥ ২৫ ॥
সত্ত্বং চাস্য বিনির্ভিন্নং মহান্ধিষ্ণ্যমুপাবিশত্ ।
চিত্তেনাংশেন যেনাসৌ বিজ্ঞানং প্রতিপদ্যতে ॥ ২৬ ॥
চিত্তেনাংশেন যেনাসৌ বিজ্ঞানং প্রতিপদ্যতে ॥ ২৬ ॥
শীর্ষ্ণোঽস্য দ্যৌর্ধরা পদ্ভ্যাং খং নাভেরুদপদ্যত ।
গুণানাং বৃত্তযো যেষু প্রতীযন্তে সুরাদযঃ ॥ ২৭ ॥
গুণানাং বৃত্তযো যেষু প্রতীযন্তে সুরাদযঃ ॥ ২৭ ॥
আত্যন্তিকেন সত্ত্বেন দিবং দেবাঃ প্রপেদিরে ।
ধরাং রজঃস্বভাবেন পণযো যে চ তাননু ॥ ২৮ ॥
ধরাং রজঃস্বভাবেন পণযো যে চ তাননু ॥ ২৮ ॥
তার্তীযেন স্বভাবেন ভগবন্নাভিমাশ্রিতাঃ ।
উভযোরন্তরং ব্যোম যে রুদ্রপার্ষদাং গণাঃ ॥ ২৯ ॥
উভযোরন্তরং ব্যোম যে রুদ্রপার্ষদাং গণাঃ ॥ ২৯ ॥
মুখতোঽবর্তত ব্রহ্ম পুরুষস্য কুরূদ্বহ ।
যস্তূন্মুখত্বাদ্বর্ণানাং মুখ্যোঽভূদ্ব্রাহ্মণো গুরুঃ ॥ ৩০ ॥
যস্তূন্মুখত্বাদ্বর্ণানাং মুখ্যোঽভূদ্ব্রাহ্মণো গুরুঃ ॥ ৩০ ॥
বাহুভ্যোঽবর্তত ক্ষত্রং ক্ষত্রিযস্তদনুব্রতঃ ।
যো জাতস্ত্রাযতে বর্ণান্ পৌরুষঃ কণ্টকক্ষতাত্ ॥ ৩১ ॥
যো জাতস্ত্রাযতে বর্ণান্ পৌরুষঃ কণ্টকক্ষতাত্ ॥ ৩১ ॥
বিশোঽবর্তন্ত তস্যোর্বোর্লোকবৃত্তিকরীর্বিভোঃ ।
বৈশ্যস্তদুদ্ভবো বার্তাং নৃণাং যঃ সমবর্তযত্ ॥ ৩২ ॥
বৈশ্যস্তদুদ্ভবো বার্তাং নৃণাং যঃ সমবর্তযত্ ॥ ৩২ ॥
পদ্ভ্যাং ভগবতো জজ্ঞে শুশ্রূষা ধর্মসিদ্ধযে ।
তস্যাং জাতঃ পুরা শূদ্রো যদ্বৃত্ত্যা তুষ্যতে হরিঃ ॥ ৩৩ ॥
তস্যাং জাতঃ পুরা শূদ্রো যদ্বৃত্ত্যা তুষ্যতে হরিঃ ॥ ৩৩ ॥
এতে বর্ণাঃ স্বধর্মেণ যজন্তি স্বগুরুং হরিম্ ।
শ্রদ্ধযাত্মবিশুদ্ধ্যর্থং যজ্জাতাঃ সহ বৃত্তিভিঃ ॥ ৩৪ ॥
শ্রদ্ধযাত্মবিশুদ্ধ্যর্থং যজ্জাতাঃ সহ বৃত্তিভিঃ ॥ ৩৪ ॥
এতত্ক্ষত্তর্ভগবতো দৈবকর্মাত্মরূপিণঃ ।
কঃ শ্রদ্দধ্যাদুপাকর্তুং যোগমাযাবলোদযম্ ॥ ৩৫ ॥
কঃ শ্রদ্দধ্যাদুপাকর্তুং যোগমাযাবলোদযম্ ॥ ৩৫ ॥
তথাপি কীর্তযাম্যঙ্গ যথামতি যথাশ্রুতম্ ।
কীর্তিং হরেঃ স্বাং সত্কর্তুং গিরমন্যাভিধাসতীম্ ॥ ৩৬ ॥
কীর্তিং হরেঃ স্বাং সত্কর্তুং গিরমন্যাভিধাসতীম্ ॥ ৩৬ ॥
একান্তলাভং বচসো নু পুংসাং
সুশ্লোকমৌলের্গুণবাদমাহুঃ ।
শ্রুতেশ্চ বিদ্বদ্ভিরুপাকৃতাযাং
কথাসুধাযামুপসম্প্রযোগম্ ॥ ৩৭ ॥
সুশ্লোকমৌলের্গুণবাদমাহুঃ ।
শ্রুতেশ্চ বিদ্বদ্ভিরুপাকৃতাযাং
কথাসুধাযামুপসম্প্রযোগম্ ॥ ৩৭ ॥
আত্মনোঽবসিতো বত্স মহিমা কবিনাদিনা ।
সংবত্সরসহস্রান্তে ধিযা যোগবিপক্কযা ॥ ৩৮ ॥
সংবত্সরসহস্রান্তে ধিযা যোগবিপক্কযা ॥ ৩৮ ॥
অতো ভগবতো মাযা মাযিনামপি মোহিনী ।
যত্স্বযং চাত্মবর্ত্মাত্মা ন বেদ কিমুতাপরে ॥ ৩৯ ॥
যত্স্বযং চাত্মবর্ত্মাত্মা ন বেদ কিমুতাপরে ॥ ৩৯ ॥
যতোঽপ্রাপ্য ন্যবর্তন্ত বাচশ্চ মনসা সহ ।
অহং চান্য ইমে দেবাস্তস্মৈ ভগবতে নমঃ ॥ ৪০ ॥
অহং চান্য ইমে দেবাস্তস্মৈ ভগবতে নমঃ ॥ ৪০ ॥