শ্রীশুক উবাচ
এবং ব্রুবাণং মৈত্রেযং দ্বৈপাযনসুতো বুধঃ ।
প্রীণযন্নিব ভারত্যা বিদুরঃ প্রত্যভাষত ॥ ১ ॥
এবং ব্রুবাণং মৈত্রেযং দ্বৈপাযনসুতো বুধঃ ।
প্রীণযন্নিব ভারত্যা বিদুরঃ প্রত্যভাষত ॥ ১ ॥
বিদুর উবাচ
ব্রহ্মন্ কথং ভগবতশ্চিন্মাত্রস্যাবিকারিণঃ ।
লীলযা চাপি যুজ্যেরন্নির্গুণস্য গুণাঃ ক্রিযাঃ ॥ ২ ॥
ব্রহ্মন্ কথং ভগবতশ্চিন্মাত্রস্যাবিকারিণঃ ।
লীলযা চাপি যুজ্যেরন্নির্গুণস্য গুণাঃ ক্রিযাঃ ॥ ২ ॥
ক্রীডাযামুদ্যমোঽর্ভস্য কামশ্চিক্রীডিষান্যতঃ ।
স্বতস্তৃপ্তস্য চ কথং নিবৃত্তস্য সদান্যতঃ ॥ ৩ ॥
স্বতস্তৃপ্তস্য চ কথং নিবৃত্তস্য সদান্যতঃ ॥ ৩ ॥
অস্রাক্ষীদ্ভগবান্ বিশ্বং গুণময্যাত্মমাযযা ।
তযা সংস্থাপযত্যেতদ্ভূযঃ প্রত্যপিধাস্যতি ॥ ৪ ॥
তযা সংস্থাপযত্যেতদ্ভূযঃ প্রত্যপিধাস্যতি ॥ ৪ ॥
দেশতঃ কালতো যোঽসাববস্থাতঃ স্বতোঽন্যতঃ ।
অবিলুপ্তাববোধাত্মা স যুজ্যেতাজযা কথম্ ॥ ৫ ॥
অবিলুপ্তাববোধাত্মা স যুজ্যেতাজযা কথম্ ॥ ৫ ॥
ভগবানেক এবৈষ সর্বক্ষেত্রেষ্ববস্থিতঃ ।
অমুষ্য দুর্ভগত্বং বা ক্লেশো বা কর্মভিঃ কুতঃ ॥ ৬ ॥
অমুষ্য দুর্ভগত্বং বা ক্লেশো বা কর্মভিঃ কুতঃ ॥ ৬ ॥
এতস্মিন্মে মনো বিদ্বন্ খিদ্যতেঽজ্ঞানসঙ্কটে ।
তন্নঃ পরাণুদ বিভো কশ্মলং মানসং মহত্ ॥ ৭ ॥
তন্নঃ পরাণুদ বিভো কশ্মলং মানসং মহত্ ॥ ৭ ॥
শ্রীশুক উবাচ
স ইত্থং চোদিতঃ ক্ষত্ত্রা তত্ত্বজিজ্ঞাসুনা মুনিঃ ।
প্রত্যাহ ভগবচ্চিত্তঃ স্মযন্নিব গতস্মযঃ ॥ ৮ ॥
স ইত্থং চোদিতঃ ক্ষত্ত্রা তত্ত্বজিজ্ঞাসুনা মুনিঃ ।
প্রত্যাহ ভগবচ্চিত্তঃ স্মযন্নিব গতস্মযঃ ॥ ৮ ॥
মৈত্রেয উবাচ
সেযং ভগবতো মাযা যন্নযেন বিরুধ্যতে ।
ঈশ্বরস্য বিমুক্তস্য কার্পণ্যমুত বন্ধনম্ ॥ ৯ ॥
সেযং ভগবতো মাযা যন্নযেন বিরুধ্যতে ।
ঈশ্বরস্য বিমুক্তস্য কার্পণ্যমুত বন্ধনম্ ॥ ৯ ॥
যদর্থেন বিনামুষ্য পুংস আত্মবিপর্যযঃ ।
প্রতীযত উপদ্রষ্টুঃ স্বশিরশ্ছেদনাদিকঃ ॥ ১০ ॥
প্রতীযত উপদ্রষ্টুঃ স্বশিরশ্ছেদনাদিকঃ ॥ ১০ ॥
যথা জলে চন্দ্রমসঃ কম্পাদিস্তত্কৃতো গুণঃ ।
দৃশ্যতেঽসন্নপি দ্রষ্টুরাত্মনোঽনাত্মনো গুণঃ ॥ ১১ ॥
দৃশ্যতেঽসন্নপি দ্রষ্টুরাত্মনোঽনাত্মনো গুণঃ ॥ ১১ ॥
স বৈ নিবৃত্তিধর্মেণ বাসুদেবানুকম্পযা ।
ভগবদ্ভক্তিযোগেন তিরোধত্তে শনৈরিহ ॥ ১২ ॥
ভগবদ্ভক্তিযোগেন তিরোধত্তে শনৈরিহ ॥ ১২ ॥
যদেন্দ্রিযোপরামোঽথ দ্রষ্ট্রাত্মনি পরে হরৌ ।
বিলীযন্তে তদা ক্লেশাঃ সংসুপ্তস্যেব কৃত্স্নশঃ ॥ ১৩ ॥
বিলীযন্তে তদা ক্লেশাঃ সংসুপ্তস্যেব কৃত্স্নশঃ ॥ ১৩ ॥
অশেষসংক্লেশশমং বিধত্তে গুণানুবাদশ্রবণং মুরারেঃ ।
কিং বা পুনস্তচ্চরণারবিন্দপরাগসেবারতিরাত্মলব্ধা ॥ ১৪ ॥
কিং বা পুনস্তচ্চরণারবিন্দপরাগসেবারতিরাত্মলব্ধা ॥ ১৪ ॥
বিদুর উবাচ
সংছিন্নঃ সংশযো মহ্যং তব সূক্তাসিনা বিভো ।
উভযত্রাপি ভগবন্মনো মে সম্প্রধাবতি ॥ ১৫ ॥
সংছিন্নঃ সংশযো মহ্যং তব সূক্তাসিনা বিভো ।
উভযত্রাপি ভগবন্মনো মে সম্প্রধাবতি ॥ ১৫ ॥
সাধ্বেতদ্ ব্যাহৃতং বিদ্বন্নাত্মমাযাযনং হরেঃ ।
আভাত্যপার্থং নির্মূলং বিশ্বমূলং ন যদ্বহিঃ ॥ ১৬ ॥
আভাত্যপার্থং নির্মূলং বিশ্বমূলং ন যদ্বহিঃ ॥ ১৬ ॥
যশ্চ মূঢতমো লোকে যশ্চ বুদ্ধেঃ পরং গতঃ ।
তাবুভৌ সুখমেধেতে ক্লিশ্যত্যন্তরিতো জনঃ ॥ ১৭ ॥
তাবুভৌ সুখমেধেতে ক্লিশ্যত্যন্তরিতো জনঃ ॥ ১৭ ॥
অর্থাভাবং বিনিশ্চিত্য প্রতীতস্যাপি নাত্মনঃ ।
তাং চাপি যুষ্মচ্চরণসেবযাহং পরাণুদে ॥ ১৮ ॥
তাং চাপি যুষ্মচ্চরণসেবযাহং পরাণুদে ॥ ১৮ ॥
যত্সেবযা ভগবতঃ কূটস্থস্য মধুদ্বিষঃ ।
রতিরাসো ভবেত্তীব্রঃ পাদযোর্ব্যসনার্দনঃ ॥ ১৯ ॥
রতিরাসো ভবেত্তীব্রঃ পাদযোর্ব্যসনার্দনঃ ॥ ১৯ ॥
দুরাপা হ্যল্পতপসঃ সেবা বৈকুণ্ঠবর্ত্মসু ।
যত্রোপগীযতে নিত্যং দেবদেবো জনার্দনঃ ॥ ২০ ॥
যত্রোপগীযতে নিত্যং দেবদেবো জনার্দনঃ ॥ ২০ ॥
সৃষ্ট্বাগ্রে মহদাদীনি সবিকারাণ্যনুক্রমাত্ ।
তেভ্যো বিরাজমুদ্ধৃত্য তমনু প্রাবিশদ্বিভুঃ ॥ ২১ ॥
তেভ্যো বিরাজমুদ্ধৃত্য তমনু প্রাবিশদ্বিভুঃ ॥ ২১ ॥
যমাহুরাদ্যং পুরুষং সহস্রাঙ্ঘ্র্যূরুবাহুকম্ ।
যত্র বিশ্ব ইমে লোকাঃ সবিকাশং ত আসতে ॥ ২২ ॥
যত্র বিশ্ব ইমে লোকাঃ সবিকাশং ত আসতে ॥ ২২ ॥
যস্মিন্ দশবিধঃ প্রাণঃ সেন্দ্রিযার্থেন্দ্রিযস্ত্রিবৃত্ ।
ত্বযেরিতো যতো বর্ণাস্তদ্বিভূতীর্বদস্ব নঃ ॥ ২৩ ॥
ত্বযেরিতো যতো বর্ণাস্তদ্বিভূতীর্বদস্ব নঃ ॥ ২৩ ॥
যত্র পুত্রৈশ্চ পৌত্রৈশ্চ নপ্তৃভিঃ সহ গোত্রজৈঃ ।
প্রজা বিচিত্রাকৃতয আসন্ যাভিরিদং ততম্ ॥ ২৪ ॥
প্রজা বিচিত্রাকৃতয আসন্ যাভিরিদং ততম্ ॥ ২৪ ॥
প্রজাপতীনাং স পতিশ্চক্লৃপে কান্ প্রজাপতীন্ ।
সর্গাংশ্চৈবানুসর্গাংশ্চ মনূন্মন্বন্তরাধিপান্ ॥ ২৫ ॥
সর্গাংশ্চৈবানুসর্গাংশ্চ মনূন্মন্বন্তরাধিপান্ ॥ ২৫ ॥
উপর্যধশ্চ যে লোকা ভূমের্মিত্রাত্মজাসতে ।
তেষাং সংস্থাং প্রমাণং চ ভূর্লোকস্য চ বর্ণয ॥ ২৬ ॥
তেষাং সংস্থাং প্রমাণং চ ভূর্লোকস্য চ বর্ণয ॥ ২৬ ॥
তির্যঙ্মানুষদেবানাং সরীসৃপপতত্ত্রিণাম্ ।
বদ নঃ সর্গসংব্যূহং গার্ভস্বেদদ্বিজোদ্ভিদাম্ ॥ ২৭ ॥
বদ নঃ সর্গসংব্যূহং গার্ভস্বেদদ্বিজোদ্ভিদাম্ ॥ ২৭ ॥
গুণাবতারৈর্বিশ্বস্য সর্গস্থিত্যপ্যযাশ্রযম্ ।
সৃজতঃ শ্রীনিবাসস্য ব্যাচক্ষ্বোদারবিক্রমম্ ॥ ২৮ ॥
সৃজতঃ শ্রীনিবাসস্য ব্যাচক্ষ্বোদারবিক্রমম্ ॥ ২৮ ॥
বর্ণাশ্রমবিভাগাংশ্চ রূপশীলস্বভাবতঃ ।
ঋষীণাং জন্মকর্মাণি বেদস্য চ বিকর্ষণম্ ॥ ২৯ ॥
ঋষীণাং জন্মকর্মাণি বেদস্য চ বিকর্ষণম্ ॥ ২৯ ॥
যজ্ঞস্য চ বিতানানি যোগস্য চ পথঃ প্রভো ।
নৈষ্কর্ম্যস্য চ সাংখ্যস্য তন্ত্রং বা ভগবত্স্মৃতম্ ॥ ৩০ ॥
নৈষ্কর্ম্যস্য চ সাংখ্যস্য তন্ত্রং বা ভগবত্স্মৃতম্ ॥ ৩০ ॥
পাষণ্ডপথবৈষম্যং প্রতিলোমনিবেশনম্ ।
জীবস্য গতযো যাশ্চ যাবতীর্গুণকর্মজাঃ ॥ ৩১ ॥
জীবস্য গতযো যাশ্চ যাবতীর্গুণকর্মজাঃ ॥ ৩১ ॥
ধর্মার্থকামমোক্ষাণাং নিমিত্তান্যবিরোধতঃ ।
বার্তাযা দণ্ডনীতেশ্চ শ্রুতস্য চ বিধিং পৃথক্ ॥ ৩২ ॥
বার্তাযা দণ্ডনীতেশ্চ শ্রুতস্য চ বিধিং পৃথক্ ॥ ৩২ ॥
শ্রাদ্ধস্য চ বিধিং ব্রহ্মন্ পিতৃণাং সর্গমেব চ ।
গ্রহনক্ষত্রতারাণাং কালাবযবসংস্থিতিম্ ॥ ৩৩ ॥
গ্রহনক্ষত্রতারাণাং কালাবযবসংস্থিতিম্ ॥ ৩৩ ॥
দানস্য তপসো বাপি যচ্চেষ্টাপূর্তযোঃ ফলম্ ।
প্রবাসস্থস্য যো ধর্মো যশ্চ পুংস উতাপদি ॥ ৩৪ ॥
প্রবাসস্থস্য যো ধর্মো যশ্চ পুংস উতাপদি ॥ ৩৪ ॥
যেন বা ভগবাংস্তুষ্যেদ্ধর্মযোনির্জনার্দনঃ ।
সম্প্রসীদতি বা যেষামেতদাখ্যাহি মেঽনঘ ॥ ৩৫ ॥
সম্প্রসীদতি বা যেষামেতদাখ্যাহি মেঽনঘ ॥ ৩৫ ॥
অনুব্রতানাং শিষ্যাণাং পুত্রাণাং চ দ্বিজোত্তম ।
অনাপৃষ্টমপি ব্রূযুর্গুরবো দীনবত্সলাঃ ॥ ৩৬ ॥
অনাপৃষ্টমপি ব্রূযুর্গুরবো দীনবত্সলাঃ ॥ ৩৬ ॥
তত্ত্বানাং ভগবংস্তেষাং কতিধা প্রতিসংক্রমঃ ।
তত্রেমং ক উপাসীরন্ ক উ স্বিদনুশেরতে ॥ ৩৭ ॥
তত্রেমং ক উপাসীরন্ ক উ স্বিদনুশেরতে ॥ ৩৭ ॥
পুরুষস্য চ সংস্থানং স্বরূপং বা পরস্য চ ।
জ্ঞানং চ নৈগমং যত্তদ্গুরুশিষ্যপ্রযোজনম্ ॥ ৩৮ ॥
জ্ঞানং চ নৈগমং যত্তদ্গুরুশিষ্যপ্রযোজনম্ ॥ ৩৮ ॥
নিমিত্তানি চ তস্যেহ প্রোক্তান্যনঘসূরিভিঃ ।
স্বতো জ্ঞানং কুতঃ পুংসাং ভক্তির্বৈরাগ্যমেব বা ॥ ৩৯ ॥
স্বতো জ্ঞানং কুতঃ পুংসাং ভক্তির্বৈরাগ্যমেব বা ॥ ৩৯ ॥
এতান্মে পৃচ্ছতঃ প্রশ্নান্ হরেঃ কর্মবিবিত্সযা ।
ব্রূহি মেঽজ্ঞস্য মিত্রত্বাদজযা নষ্টচক্ষুষঃ ॥ ৪০ ॥
ব্রূহি মেঽজ্ঞস্য মিত্রত্বাদজযা নষ্টচক্ষুষঃ ॥ ৪০ ॥
সর্বে বেদাশ্চ যজ্ঞাশ্চ তপো দানানি চানঘ ।
জীবাভযপ্রদানস্য ন কুর্বীরন্ কলামপি ॥ ৪১ ॥
জীবাভযপ্রদানস্য ন কুর্বীরন্ কলামপি ॥ ৪১ ॥
শ্রীশুক উবাচ
স ইত্থমাপৃষ্টপুরাণকল্পঃ কুরুপ্রধানেন মুনিপ্রধানঃ ।
প্রবৃদ্ধহর্ষো ভগবত্কথাযাং সঞ্চোদিতস্তং প্রহসন্নিবাহ ॥ ৪২ ॥
স ইত্থমাপৃষ্টপুরাণকল্পঃ কুরুপ্রধানেন মুনিপ্রধানঃ ।
প্রবৃদ্ধহর্ষো ভগবত্কথাযাং সঞ্চোদিতস্তং প্রহসন্নিবাহ ॥ ৪২ ॥