మైత్రేయ ఉవాచ
జనేషు ప్రగృణత్స్వేవం పృథుం పృథులవిక్రమమ్ ।
తత్రోపజగ్ముర్మునయశ్చత్వారః సూర్యవర్చసః ॥ ౧ ॥
జనేషు ప్రగృణత్స్వేవం పృథుం పృథులవిక్రమమ్ ।
తత్రోపజగ్ముర్మునయశ్చత్వారః సూర్యవర్చసః ॥ ౧ ॥
తాంస్తు సిద్ధేశ్వరాన్ రాజా వ్యోమ్నోఽవతరతోఽర్చిషా ।
లోకానపాపాన్ కుర్వాణాన్ సానుగోఽచష్ట లక్షితాన్ ॥ ౨ ॥
లోకానపాపాన్ కుర్వాణాన్ సానుగోఽచష్ట లక్షితాన్ ॥ ౨ ॥
తద్దర్శనోద్గతాన్ ప్రాణాన్ ప్రత్యాదిత్సురివోత్థితః ।
ససదస్యానుగో వైన్య ఇన్ద్రియేశో గుణానివ ॥ ౩ ॥
ససదస్యానుగో వైన్య ఇన్ద్రియేశో గుణానివ ॥ ౩ ॥
గౌరవాద్యన్త్రితః సభ్యః ప్రశ్రయానతకన్ధరః ।
విధివత్పూజయాం చక్రే గృహీతాధ్యర్హణాసనాన్ ॥ ౪ ॥
విధివత్పూజయాం చక్రే గృహీతాధ్యర్హణాసనాన్ ॥ ౪ ॥
తత్పాదశౌచసలిలైర్మార్జితాలకబన్ధనః ।
తత్ర శీలవతాం వృత్తమాచరన్మానయన్నివ ॥ ౫ ॥
తత్ర శీలవతాం వృత్తమాచరన్మానయన్నివ ॥ ౫ ॥
హాటకాసన ఆసీనాన్ స్వధిష్ణ్యేష్వివ పావకాన్ ।
శ్రద్ధాసంయమసంయుక్తః ప్రీతః ప్రాహ భవాగ్రజాన్ ॥ ౬ ॥
శ్రద్ధాసంయమసంయుక్తః ప్రీతః ప్రాహ భవాగ్రజాన్ ॥ ౬ ॥
పృథురువాచ
అహో ఆచరితం కిం మే మఙ్గలం మఙ్గలాయనాః ।
యస్య వో దర్శనం హ్యాసీద్దుర్దర్శానాం చ యోగిభిః ॥ ౭ ॥
అహో ఆచరితం కిం మే మఙ్గలం మఙ్గలాయనాః ।
యస్య వో దర్శనం హ్యాసీద్దుర్దర్శానాం చ యోగిభిః ॥ ౭ ॥
కిం తస్య దుర్లభతరమిహ లోకే పరత్ర చ ।
యస్య విప్రాః ప్రసీదన్తి శివో విష్ణుశ్చ సానుగః ॥ ౮ ॥
యస్య విప్రాః ప్రసీదన్తి శివో విష్ణుశ్చ సానుగః ॥ ౮ ॥
నైవ లక్షయతే లోకో లోకాన్ పర్యటతోఽపి యాన్ ।
యథా సర్వదృశం సర్వ ఆత్మానం యేఽస్య హేతవః ॥ ౯ ॥
యథా సర్వదృశం సర్వ ఆత్మానం యేఽస్య హేతవః ॥ ౯ ॥
అధనా అపి తే ధన్యాః సాధవో గృహమేధినః ।
యద్గృహా హ్యర్హవర్యామ్బుతృణభూమీశ్వరావరాః ॥ ౧౦ ॥
యద్గృహా హ్యర్హవర్యామ్బుతృణభూమీశ్వరావరాః ॥ ౧౦ ॥
వ్యాలాలయద్రుమా వై తేష్వరిక్తాఖిలసమ్పదః ।
యద్గృహాస్తీర్థపాదీయపాదతీర్థవివర్జితాః ॥ ౧౧ ॥
యద్గృహాస్తీర్థపాదీయపాదతీర్థవివర్జితాః ॥ ౧౧ ॥
స్వాగతం వో ద్విజశ్రేష్ఠా యద్వ్రతాని ముముక్షవః ।
చరన్తి శ్రద్ధయా ధీరా బాలా ఏవ బృహన్తి చ ॥ ౧౨ ॥
చరన్తి శ్రద్ధయా ధీరా బాలా ఏవ బృహన్తి చ ॥ ౧౨ ॥
కచ్చిన్నః కుశలం నాథా ఇన్ద్రియార్థార్థవేదినామ్ ।
వ్యసనావాప ఏతస్మిన్పతితానాం స్వకర్మభిః ॥ ౧౩ ॥
వ్యసనావాప ఏతస్మిన్పతితానాం స్వకర్మభిః ॥ ౧౩ ॥
భవత్సు కుశలప్రశ్న ఆత్మారామేషు నేష్యతే ।
కుశలాకుశలా యత్ర న సన్తి మతివృత్తయః ॥ ౧౪ ॥
కుశలాకుశలా యత్ర న సన్తి మతివృత్తయః ॥ ౧౪ ॥
తదహం కృతవిశ్రమ్భః సుహృదో వస్తపస్వినామ్ ।
సమ్పృచ్ఛే భవ ఏతస్మిన్ క్షేమః కేనాఞ్జసా భవేత్ ॥ ౧౫ ॥
సమ్పృచ్ఛే భవ ఏతస్మిన్ క్షేమః కేనాఞ్జసా భవేత్ ॥ ౧౫ ॥
వ్యక్తమాత్మవతామాత్మా భగవానాత్మభావనః ।
స్వానామనుగ్రహాయేమాం సిద్ధరూపీ చరత్యజః ॥ ౧౬ ॥
స్వానామనుగ్రహాయేమాం సిద్ధరూపీ చరత్యజః ॥ ౧౬ ॥
మైత్రేయ ఉవాచ
పృథోస్తత్సూక్తమాకర్ణ్య సారం సుష్ఠు మితం మధు ।
స్మయమాన ఇవ ప్రీత్యా కుమారః ప్రత్యువాచహ ॥ ౧౭ ॥
పృథోస్తత్సూక్తమాకర్ణ్య సారం సుష్ఠు మితం మధు ।
స్మయమాన ఇవ ప్రీత్యా కుమారః ప్రత్యువాచహ ॥ ౧౭ ॥
సనత్కుమార ఉవాచ
సాధు పృష్టం మహారాజ సర్వభూతహితాత్మనా ।
భవతా విదుషా చాపి సాధూనాం మతిరీదృశీ ॥ ౧౮ ॥
సాధు పృష్టం మహారాజ సర్వభూతహితాత్మనా ।
భవతా విదుషా చాపి సాధూనాం మతిరీదృశీ ॥ ౧౮ ॥
సఙ్గమః ఖలు సాధూనాముభయేషాం చ సమ్మతః ।
యత్సమ్భాషణసమ్ప్రశ్నః సర్వేషాం వితనోతి శమ్ ॥ ౧౯ ॥
యత్సమ్భాషణసమ్ప్రశ్నః సర్వేషాం వితనోతి శమ్ ॥ ౧౯ ॥
అస్త్యేవ రాజన్ భవతో మధుద్విషః
పాదారవిన్దస్య గుణానువాదనే ।
రతిర్దురాపా విధునోతి నైష్ఠికీ
కామం కషాయం మలమన్తరాత్మనః ॥ ౨౦ ॥
పాదారవిన్దస్య గుణానువాదనే ।
రతిర్దురాపా విధునోతి నైష్ఠికీ
కామం కషాయం మలమన్తరాత్మనః ॥ ౨౦ ॥
శాస్త్రేష్వియానేవ సునిశ్చితో నృణాం
క్షేమస్య సధ్ర్యగ్విమృశేషు హేతుః ।
అసఙ్గ ఆత్మవ్యతిరిక్త ఆత్మని
దృఢా రతిర్బ్రహ్మణి నిర్గుణే చ యా ॥ ౨౧ ॥
క్షేమస్య సధ్ర్యగ్విమృశేషు హేతుః ।
అసఙ్గ ఆత్మవ్యతిరిక్త ఆత్మని
దృఢా రతిర్బ్రహ్మణి నిర్గుణే చ యా ॥ ౨౧ ॥
సా శ్రద్ధయా భగవద్ధర్మచర్యయా
జిజ్ఞాసయాధ్యాత్మికయోగనిష్ఠయా ।
యోగేశ్వరోపాసనయా చ నిత్యం
పుణ్యశ్రవఃకథయా పుణ్యయా చ ॥ ౨౨ ॥
జిజ్ఞాసయాధ్యాత్మికయోగనిష్ఠయా ।
యోగేశ్వరోపాసనయా చ నిత్యం
పుణ్యశ్రవఃకథయా పుణ్యయా చ ॥ ౨౨ ॥
అర్థేన్ద్రియారామసగోష్ఠ్యతృష్ణయా
తత్సమ్మతానామపరిగ్రహేణ చ ।
వివిక్తరుచ్యా పరితోష ఆత్మని
వినా హరేర్గుణపీయూషపానాత్ ॥ ౨౩ ॥
తత్సమ్మతానామపరిగ్రహేణ చ ।
వివిక్తరుచ్యా పరితోష ఆత్మని
వినా హరేర్గుణపీయూషపానాత్ ॥ ౨౩ ॥
అహింసయా పారమహంస్యచర్యయా
స్మృత్యా ముకున్దాచరితాగ్ర్యసీధునా ।
యమైరకామైర్నియమైశ్చాప్యనిన్దయా
నిరీహయా ద్వన్ద్వతితిక్షయా చ ॥ ౨౪ ॥
స్మృత్యా ముకున్దాచరితాగ్ర్యసీధునా ।
యమైరకామైర్నియమైశ్చాప్యనిన్దయా
నిరీహయా ద్వన్ద్వతితిక్షయా చ ॥ ౨౪ ॥
హరేర్ముహుస్తత్పరకర్ణపూర
గుణాభిధానేన విజృమ్భమాణయా ।
భక్త్యా హ్యసఙ్గః సదసత్యనాత్మని
స్యాన్నిర్గుణే బ్రహ్మణి చాఞ్జసా రతిః ॥ ౨౫ ॥
గుణాభిధానేన విజృమ్భమాణయా ।
భక్త్యా హ్యసఙ్గః సదసత్యనాత్మని
స్యాన్నిర్గుణే బ్రహ్మణి చాఞ్జసా రతిః ॥ ౨౫ ॥
యదా రతిర్బ్రహ్మణి నైష్ఠికీ పుమా-
నాచార్యవాన్ జ్ఞానవిరాగరంహసా ।
దహత్యవీర్యం హృదయం జీవకోశం
పఞ్చాత్మకం యోనిమివోత్థితోఽగ్నిః ॥ ౨౬ ॥
నాచార్యవాన్ జ్ఞానవిరాగరంహసా ।
దహత్యవీర్యం హృదయం జీవకోశం
పఞ్చాత్మకం యోనిమివోత్థితోఽగ్నిః ॥ ౨౬ ॥
దగ్ధాశయో ముక్తసమస్తతద్గుణో
నైవాత్మనో బహిరన్తర్విచష్టే ।
పరాత్మనోర్యద్వయవధానం పురస్తాత్
స్వప్నే యథా పురుషస్తద్వినాశే ॥ ౨౭ ॥
నైవాత్మనో బహిరన్తర్విచష్టే ।
పరాత్మనోర్యద్వయవధానం పురస్తాత్
స్వప్నే యథా పురుషస్తద్వినాశే ॥ ౨౭ ॥
ఆత్మానమిన్ద్రియార్థం చ పరం యదుభయోరపి ।
సత్యాశయ ఉపాధౌ వై పుమాన్ పశ్యతి నాన్యదా ॥ ౨౮ ॥
సత్యాశయ ఉపాధౌ వై పుమాన్ పశ్యతి నాన్యదా ॥ ౨౮ ॥
నిమిత్తే సతి సర్వత్ర జలాదావపి పూరుషః ।
ఆత్మనశ్చ పరస్యాపి భిదాం పశ్యతి నాన్యదా ॥ ౨౯ ॥
ఆత్మనశ్చ పరస్యాపి భిదాం పశ్యతి నాన్యదా ॥ ౨౯ ॥
ఇన్ద్రియైర్విషయాకృష్టైరాక్షిప్తం ధ్యాయతాం మనః ।
చేతనాం హరతే బుద్ధేః స్తమ్బస్తోయమివ హ్రదాత్ ॥ ౩౦ ॥
చేతనాం హరతే బుద్ధేః స్తమ్బస్తోయమివ హ్రదాత్ ॥ ౩౦ ॥
భ్రశ్యత్యనుస్మృతిశ్చిత్తం జ్ఞానభ్రంశః స్మృతిక్షయే ।
తద్రోధం కవయః ప్రాహురాత్మాపహ్నవమాత్మనః ॥ ౩౧ ॥
తద్రోధం కవయః ప్రాహురాత్మాపహ్నవమాత్మనః ॥ ౩౧ ॥
నాతః పరతరో లోకే పుంసః స్వార్థవ్యతిక్రమః ।
యదధ్యన్యస్య ప్రేయస్త్వమాత్మనః స్వవ్యతిక్రమాత్ ॥ ౩౨ ॥
యదధ్యన్యస్య ప్రేయస్త్వమాత్మనః స్వవ్యతిక్రమాత్ ॥ ౩౨ ॥
అర్థేన్ద్రియార్థాభిధ్యానం సర్వార్థాపహ్నవో నృణామ్ ।
భ్రంశితో జ్ఞానవిజ్ఞానాద్యేనావిశతి ముఖ్యతామ్ ॥ ౩౩ ॥
భ్రంశితో జ్ఞానవిజ్ఞానాద్యేనావిశతి ముఖ్యతామ్ ॥ ౩౩ ॥
న కుర్యాత్కర్హిచిత్సఙ్గం తమస్తీవ్రం తితీరిషుః ।
ధర్మార్థకామమోక్షాణాం యదత్యన్తవిఘాతకమ్ ॥ ౩౪ ॥
ధర్మార్థకామమోక్షాణాం యదత్యన్తవిఘాతకమ్ ॥ ౩౪ ॥
తత్రాపి మోక్ష ఏవార్థ ఆత్యన్తికతయేష్యతే ।
త్రైవర్గ్యోఽర్థో యతో నిత్యం కృతాన్తభయసంయుతః ॥ ౩౫ ॥
త్రైవర్గ్యోఽర్థో యతో నిత్యం కృతాన్తభయసంయుతః ॥ ౩౫ ॥
పరేఽవరే చ యే భావా గుణవ్యతికరాదను ।
న తేషాం విద్యతే క్షేమమీశవిధ్వంసితాశిషామ్ ॥ ౩౬ ॥
న తేషాం విద్యతే క్షేమమీశవిధ్వంసితాశిషామ్ ॥ ౩౬ ॥
తత్త్వం నరేన్ద్ర జగతామథ తస్థూషాం చ
దేహేన్ద్రియాసుధిషణాత్మభిరావృతానామ్ ।
యః క్షేత్రవిత్తపతయా హృది విశ్వగావిః
ప్రత్యక్ చకాస్తి భగవాంస్తమవేహి సోఽస్మి ॥ ౩౭ ॥
దేహేన్ద్రియాసుధిషణాత్మభిరావృతానామ్ ।
యః క్షేత్రవిత్తపతయా హృది విశ్వగావిః
ప్రత్యక్ చకాస్తి భగవాంస్తమవేహి సోఽస్మి ॥ ౩౭ ॥
యస్మిన్నిదం సదసదాత్మతయా విభాతి
మాయా వివేకవిధుతి స్రజి వాహిబుద్ధిః ।
తం నిత్యముక్తపరిశుద్ధవిశుద్ధతత్త్వం
ప్రత్యూఢకర్మకలిలప్రకృతిం ప్రపద్యే ॥ ౩౮ ॥
మాయా వివేకవిధుతి స్రజి వాహిబుద్ధిః ।
తం నిత్యముక్తపరిశుద్ధవిశుద్ధతత్త్వం
ప్రత్యూఢకర్మకలిలప్రకృతిం ప్రపద్యే ॥ ౩౮ ॥
యత్పాదపఙ్కజపలాశవిలాసభక్త్యా
కర్మాశయం గ్రథితముద్గ్రథయన్తి సన్తః ।
తద్వన్న రిక్తమతయో యతయోఽపి రుద్ధ
స్రోతోగణాస్తమరణం భజ వాసుదేవమ్ ॥ ౩౯ ॥
కర్మాశయం గ్రథితముద్గ్రథయన్తి సన్తః ।
తద్వన్న రిక్తమతయో యతయోఽపి రుద్ధ
స్రోతోగణాస్తమరణం భజ వాసుదేవమ్ ॥ ౩౯ ॥
కృచ్ఛ్రో మహానిహ భవార్ణవమప్లవేశాం
షడ్వర్గనక్రమసుఖేన తితీర్షన్తి ।
తత్త్వం హరేర్భగవతో భజనీయమఙ్ఘ్రిం
కృత్వోడుపం వ్యసనముత్తర దుస్తరార్ణమ్ ॥ ౪౦ ॥
షడ్వర్గనక్రమసుఖేన తితీర్షన్తి ।
తత్త్వం హరేర్భగవతో భజనీయమఙ్ఘ్రిం
కృత్వోడుపం వ్యసనముత్తర దుస్తరార్ణమ్ ॥ ౪౦ ॥
మైత్రేయ ఉవాచ
స ఏవం బ్రహ్మపుత్రేణ కుమారేణాత్మమేధసా ।
దర్శితాత్మగతిః సమ్యక్ప్రశస్యోవాచ తం నృపః ॥ ౪౧ ॥
స ఏవం బ్రహ్మపుత్రేణ కుమారేణాత్మమేధసా ।
దర్శితాత్మగతిః సమ్యక్ప్రశస్యోవాచ తం నృపః ॥ ౪౧ ॥
రాజోవాచ
కృతో మేఽనుగ్రహః పూర్వం హరిణార్తానుకమ్పినా ।
తమాపాదయితుం బ్రహ్మన్ భగవన్ యూయమాగతాః ॥ ౪౨ ॥
కృతో మేఽనుగ్రహః పూర్వం హరిణార్తానుకమ్పినా ।
తమాపాదయితుం బ్రహ్మన్ భగవన్ యూయమాగతాః ॥ ౪౨ ॥
నిష్పాదితశ్చ కార్త్స్న్యేన భగవద్భిర్ఘృణాలుభిః ।
సాధూచ్ఛిష్టం హి మే సర్వమాత్మనా సహ కిం దదే ॥ ౪౩ ॥
సాధూచ్ఛిష్టం హి మే సర్వమాత్మనా సహ కిం దదే ॥ ౪౩ ॥
ప్రాణా దారాః సుతా బ్రహ్మన్ గృహాశ్చ సపరిచ్ఛదాః ।
రాజ్యం బలం మహీ కోశ ఇతి సర్వం నివేదితమ్ ॥ ౪౪ ॥
రాజ్యం బలం మహీ కోశ ఇతి సర్వం నివేదితమ్ ॥ ౪౪ ॥
సైనాపత్యం చ రాజ్యం చ దణ్డనేతృత్వమేవ చ ।
సర్వ లోకాధిపత్యం చ వేదశాస్త్రవిదర్హతి ॥ ౪౫ ॥
సర్వ లోకాధిపత్యం చ వేదశాస్త్రవిదర్హతి ॥ ౪౫ ॥
స్వమేవ బ్రాహ్మణో భుఙ్క్తే స్వం వస్తే స్వం దదాతి చ ।
తస్యైవానుగ్రహేణాన్నం భుఞ్జతే క్షత్రియాదయః ॥ ౪౬ ॥
తస్యైవానుగ్రహేణాన్నం భుఞ్జతే క్షత్రియాదయః ॥ ౪౬ ॥
యైరీదృశీ భగవతో గతిరాత్మవాద
ఏకాన్తతో నిగమిభిః ప్రతిపాదితా నః ।
తుష్యన్త్వదభ్రకరుణాః స్వకృతేన నిత్యం
కో నామ తత్ప్రతికరోతి వినోదపాత్రమ్ ॥ ౪౭ ॥
ఏకాన్తతో నిగమిభిః ప్రతిపాదితా నః ।
తుష్యన్త్వదభ్రకరుణాః స్వకృతేన నిత్యం
కో నామ తత్ప్రతికరోతి వినోదపాత్రమ్ ॥ ౪౭ ॥
మైత్రేయ ఉవాచ
త ఆత్మయోగపతయ ఆదిరాజేన పూజితాః ।
శీలం తదీయం శంసన్తః ఖేఽభవన్మిషతాం నృణామ్ ॥ ౪౮ ॥
త ఆత్మయోగపతయ ఆదిరాజేన పూజితాః ।
శీలం తదీయం శంసన్తః ఖేఽభవన్మిషతాం నృణామ్ ॥ ౪౮ ॥
వైన్యస్తు ధుర్యో మహతాం సంస్థిత్యాధ్యాత్మశిక్షయా ।
ఆప్తకామమివాత్మానం మేన ఆత్మన్యవస్థితః ॥ ౪౯ ॥
ఆప్తకామమివాత్మానం మేన ఆత్మన్యవస్థితః ॥ ౪౯ ॥
కర్మాణి చ యథాకాలం యథాదేశం యథాబలమ్ ।
యథోచితం యథావిత్తమకరోద్బ్రహ్మసాత్కృతమ్ ॥ ౫౦ ॥
యథోచితం యథావిత్తమకరోద్బ్రహ్మసాత్కృతమ్ ॥ ౫౦ ॥
ఫలం బ్రహ్మణి సంన్యస్య నిర్విషఙ్గః సమాహితః ।
కర్మాధ్యక్షం చ మన్వాన ఆత్మానం ప్రకృతేః పరమ్ ॥ ౫౧ ॥
కర్మాధ్యక్షం చ మన్వాన ఆత్మానం ప్రకృతేః పరమ్ ॥ ౫౧ ॥
గృహేషు వర్తమానోఽపి స సామ్రాజ్యశ్రియాన్వితః ।
నాసజ్జతేన్ద్రియార్థేషు నిరహంమతిరర్కవత్ ॥ ౫౨ ॥
నాసజ్జతేన్ద్రియార్థేషు నిరహంమతిరర్కవత్ ॥ ౫౨ ॥
ఏవమధ్యాత్మయోగేన కర్మాణ్యనుసమాచరన్ ।
పుత్రానుత్పాదయామాస పఞ్చార్చిష్యాత్మసమ్మతాన్ ॥ ౫౩ ॥
పుత్రానుత్పాదయామాస పఞ్చార్చిష్యాత్మసమ్మతాన్ ॥ ౫౩ ॥
విజితాశ్వం ధూమ్రకేశం హర్యక్షం ద్రవిణం
వృకమ్ ।
సర్వేషాం లోకపాలానాం దధారైకః పృథుర్గుణాన్ ॥ ౫౪ ॥
వృకమ్ ।
సర్వేషాం లోకపాలానాం దధారైకః పృథుర్గుణాన్ ॥ ౫౪ ॥
గోపీథాయ జగత్సృష్టేః కాలే స్వే
స్వేఽచ్యుతాత్మకః ।
మనోవాగ్వృత్తిభిః సౌమ్యైర్గుణైః సంరఞ్జయన్
ప్రజాః ॥ ౫౫ ॥
స్వేఽచ్యుతాత్మకః ।
మనోవాగ్వృత్తిభిః సౌమ్యైర్గుణైః సంరఞ్జయన్
ప్రజాః ॥ ౫౫ ॥
రాజేత్యధాన్నామధేయం సోమరాజ ఇవాపరః ।
సూర్యవద్విసృజన్ గృహ్ణన్ ప్రతపంశ్చ భువో వసు ॥ ౫౬ ॥
సూర్యవద్విసృజన్ గృహ్ణన్ ప్రతపంశ్చ భువో వసు ॥ ౫౬ ॥
దుర్ధర్షస్తేజసేవాగ్నిర్మహేన్ద్ర ఇవ దుర్జయః ।
తితిక్షయా ధరిత్రీవ ద్యౌరివాభీష్టదో నృణామ్ ॥ ౫౭ ॥
తితిక్షయా ధరిత్రీవ ద్యౌరివాభీష్టదో నృణామ్ ॥ ౫౭ ॥
వర్షతి స్మ యథాకామం పర్జన్య ఇవ తర్పయన్ ।
సముద్ర ఇవ దుర్బోధః సత్త్వేనాచలరాడివ ॥ ౫౮ ॥
సముద్ర ఇవ దుర్బోధః సత్త్వేనాచలరాడివ ॥ ౫౮ ॥
ధర్మరాడివ శిక్షాయామాశ్చర్యే హిమవానివ ।
కువేర ఇవ కోశాఢ్యో గుప్తార్థో వరుణో యథా ॥ ౫౯ ॥
కువేర ఇవ కోశాఢ్యో గుప్తార్థో వరుణో యథా ॥ ౫౯ ॥
మాతరిశ్వేవ సర్వాత్మా బలేన మహసౌజసా ।
అవిషహ్యతయా దేవో భగవాన్ భూతరాడివ ॥ ౬౦ ॥
అవిషహ్యతయా దేవో భగవాన్ భూతరాడివ ॥ ౬౦ ॥
కన్దర్ప ఇవ సౌన్దర్యే మనస్వీ మృగరాడివ ।
వాత్సల్యే మనువన్నృణాం ప్రభుత్వే భగవానజః ॥ ౬౧ ॥
వాత్సల్యే మనువన్నృణాం ప్రభుత్వే భగవానజః ॥ ౬౧ ॥
బృహస్పతిర్బ్రహ్మవాదే ఆత్మవత్త్వే స్వయం హరిః ।
భక్త్యా గోగురువిప్రేషు విష్వక్సేనానువర్తిషు ।
హ్రియా ప్రశ్రయశీలాభ్యామాత్మతుల్యః పరోద్యమే ॥ ౬౨ ॥
భక్త్యా గోగురువిప్రేషు విష్వక్సేనానువర్తిషు ।
హ్రియా ప్రశ్రయశీలాభ్యామాత్మతుల్యః పరోద్యమే ॥ ౬౨ ॥
కీర్త్యోర్ధ్వగీతయా పుమ్భిస్త్రైలోక్యే తత్ర తత్ర హ ।
ప్రవిష్టః కర్ణరన్ధ్రేషు స్త్రీణాం రామః సతామివ ॥ ౬౩ ॥
ప్రవిష్టః కర్ణరన్ధ్రేషు స్త్రీణాం రామః సతామివ ॥ ౬౩ ॥