প্রাচীনবর্হিরুবাচ
ভগবংস্তে বচোঽস্মাভির্ন সম্যগবগম্যতে ।
কবযস্তদ্বিজানন্তি ন বযং কর্মমোহিতাঃ ॥ ১ ॥
ভগবংস্তে বচোঽস্মাভির্ন সম্যগবগম্যতে ।
কবযস্তদ্বিজানন্তি ন বযং কর্মমোহিতাঃ ॥ ১ ॥
নারদ উবাচ
পুরুষং পুরঞ্জনং বিদ্যাদ্যদ্ ব্যনক্ত্যাত্মনঃ পুরম্ ।
একদ্বিত্রিচতুষ্পাদং বহুপাদমপাদকম্ ॥ ২ ॥
পুরুষং পুরঞ্জনং বিদ্যাদ্যদ্ ব্যনক্ত্যাত্মনঃ পুরম্ ।
একদ্বিত্রিচতুষ্পাদং বহুপাদমপাদকম্ ॥ ২ ॥
যোঽবিজ্ঞাতাহৃতস্তস্য পুরুষস্য সখেশ্বরঃ ।
যন্ন বিজ্ঞাযতে পুম্ভির্নামভির্বা ক্রিযাগুণৈঃ ॥ ৩ ॥
যন্ন বিজ্ঞাযতে পুম্ভির্নামভির্বা ক্রিযাগুণৈঃ ॥ ৩ ॥
যদা জিঘৃক্ষন্ পুরুষঃ কার্ত্স্ন্যেন প্রকৃতের্গুণান্ ।
নবদ্বারং দ্বিহস্তাঙ্ঘ্রি তত্রামনুত সাধ্বিতি ॥ ৪ ॥
নবদ্বারং দ্বিহস্তাঙ্ঘ্রি তত্রামনুত সাধ্বিতি ॥ ৪ ॥
বুদ্ধিং তু প্রমদাং বিদ্যান্মমাহমিতি যত্কৃতম্ ।
যামধিষ্ঠায দেহেঽস্মিন্ পুমান্ ভুঙ্ক্তেঽক্ষভির্গুণান্ ॥ ৫ ॥
যামধিষ্ঠায দেহেঽস্মিন্ পুমান্ ভুঙ্ক্তেঽক্ষভির্গুণান্ ॥ ৫ ॥
সখায ইন্দ্রিযগণা জ্ঞানং কর্ম চ যত্কৃতম্ ।
সখ্যস্তদ্বৃত্তযঃ প্রাণঃ পঞ্চবৃত্তির্যথোরগঃ ॥ ৬ ॥
সখ্যস্তদ্বৃত্তযঃ প্রাণঃ পঞ্চবৃত্তির্যথোরগঃ ॥ ৬ ॥
বৃহদ্বলং মনো বিদ্যাদুভযেন্দ্রিযনাযকম্ ।
পঞ্চালাঃ পঞ্চ বিষযা যন্মধ্যে নবখং পুরম্ ॥ ৭ ॥
পঞ্চালাঃ পঞ্চ বিষযা যন্মধ্যে নবখং পুরম্ ॥ ৭ ॥
অক্ষিণী নাসিকে কর্ণৌ মুখং শিশ্নগুদাবিতি ।
দ্বে দ্বে দ্বারৌ বহির্যাতি যস্তদিন্দ্রিযসংযুতঃ ॥ ৮ ॥
দ্বে দ্বে দ্বারৌ বহির্যাতি যস্তদিন্দ্রিযসংযুতঃ ॥ ৮ ॥
অক্ষিণী নাসিকে আস্যমিতি পঞ্চপুরঃ কৃতাঃ ।
দক্ষিণা দক্ষিণঃ কর্ণ উত্তরা চোত্তরঃ স্মৃতঃ ।
পশ্চিমে ইত্যধোদ্বারৌ গুদং শিশ্নমিহোচ্যতে ॥ ৯ ॥
দক্ষিণা দক্ষিণঃ কর্ণ উত্তরা চোত্তরঃ স্মৃতঃ ।
পশ্চিমে ইত্যধোদ্বারৌ গুদং শিশ্নমিহোচ্যতে ॥ ৯ ॥
খদ্যোতাবির্মুখী চাত্র নেত্রে একত্র নির্মিতে ।
রূপং বিভ্রাজিতং তাভ্যাং বিচষ্টে চক্ষুষেশ্বরঃ ॥ ১০ ॥
রূপং বিভ্রাজিতং তাভ্যাং বিচষ্টে চক্ষুষেশ্বরঃ ॥ ১০ ॥
নলিনী নালিনী নাসে গন্ধঃ সৌরভ উচ্যতে ।
ঘ্রাণোঽবধূতো মুখ্যাস্যং বিপণো বাগ্রসবিদ্রসঃ ॥ ১১ ॥
ঘ্রাণোঽবধূতো মুখ্যাস্যং বিপণো বাগ্রসবিদ্রসঃ ॥ ১১ ॥
আপণো ব্যবহারোঽত্র চিত্রমন্ধো বহূদনম্ ।
পিতৃহূর্দক্ষিণঃ কর্ণ উত্তরো দেবহূঃ স্মৃতঃ ॥ ১২ ॥
পিতৃহূর্দক্ষিণঃ কর্ণ উত্তরো দেবহূঃ স্মৃতঃ ॥ ১২ ॥
প্রবৃত্তং চ নিবৃত্তং চ শাস্ত্রং পঞ্চালসংজ্ঞিতম্ ।
পিতৃযানং দেবযানং শ্রোত্রাচ্ছ্রুতধরাদ্ব্রজেত্ ॥ ১৩ ॥
পিতৃযানং দেবযানং শ্রোত্রাচ্ছ্রুতধরাদ্ব্রজেত্ ॥ ১৩ ॥
আসুরী মেঢ্রমর্বাগ্দ্বার্ব্যবাযো গ্রামিণাং রতিঃ ।
উপস্থো দুর্মদঃ প্রোক্তো নিঋর্তির্গুদ উচ্যতে ॥ ১৪ ॥
উপস্থো দুর্মদঃ প্রোক্তো নিঋর্তির্গুদ উচ্যতে ॥ ১৪ ॥
বৈশসং নরকং পাযুর্লুব্ধকোঽন্ধৌ তু মে শৃণু ।
হস্তপাদৌ পুমাংস্তাভ্যাং যুক্তো যাতি করোতি চ ॥ ১৫ ॥
হস্তপাদৌ পুমাংস্তাভ্যাং যুক্তো যাতি করোতি চ ॥ ১৫ ॥
অন্তঃপুরং চ হৃদযং বিষূচির্মন উচ্যতে ।
তত্র মোহং প্রসাদং বা হর্ষং প্রাপ্নোতি তদ্গুণৈঃ ॥ ১৬ ॥
তত্র মোহং প্রসাদং বা হর্ষং প্রাপ্নোতি তদ্গুণৈঃ ॥ ১৬ ॥
যথা যথা বিক্রিযতে গুণাক্তো বিকরোতি বা ।
তথা তথোপদ্রষ্টাত্মা তদ্বৃত্তীরনুকার্যতে ॥ ১৭ ॥
তথা তথোপদ্রষ্টাত্মা তদ্বৃত্তীরনুকার্যতে ॥ ১৭ ॥
দেহো রথস্ত্বিন্দ্রিযাশ্বঃ সংবত্সররযোঽগতিঃ ।
দ্বিকর্মচক্রস্ত্রিগুণধ্বজঃ পঞ্চাসুবন্ধুরঃ ॥ ১৮ ॥
দ্বিকর্মচক্রস্ত্রিগুণধ্বজঃ পঞ্চাসুবন্ধুরঃ ॥ ১৮ ॥
মনোরশ্মির্বুদ্ধিসূতো হৃন্নীডো দ্বন্দ্বকূবরঃ ।
পঞ্চেন্দ্রিযার্থপ্রক্ষেপঃ সপ্তধাতুবরূথকঃ ॥ ১৯ ॥
পঞ্চেন্দ্রিযার্থপ্রক্ষেপঃ সপ্তধাতুবরূথকঃ ॥ ১৯ ॥
আকূতির্বিক্রমো বাহ্যো মৃগতৃষ্ণাং প্রধাবতি ।
একাদশেন্দ্রিযচমূঃ পঞ্চসূনাবিনোদকৃত্ ॥ ২০ ॥
একাদশেন্দ্রিযচমূঃ পঞ্চসূনাবিনোদকৃত্ ॥ ২০ ॥
সংবত্সরশ্চণ্ডবেগঃ কালো যেনোপলক্ষিতঃ ।
তস্যাহানীহ গন্ধর্বা গন্ধর্ব্যো রাত্রযঃ স্মৃতাঃ ।
হরন্ত্যাযুঃ পরিক্রান্ত্যা ষষ্ট্যুত্তরশতত্রযম্ ॥ ২১ ॥
তস্যাহানীহ গন্ধর্বা গন্ধর্ব্যো রাত্রযঃ স্মৃতাঃ ।
হরন্ত্যাযুঃ পরিক্রান্ত্যা ষষ্ট্যুত্তরশতত্রযম্ ॥ ২১ ॥
কালকন্যা জরা সাক্ষাল্লোকস্তাং নাভিনন্দতি ।
স্বসারং জগৃহে মৃত্যুঃ ক্ষযায যবনেশ্বরঃ ॥ ২২ ॥
স্বসারং জগৃহে মৃত্যুঃ ক্ষযায যবনেশ্বরঃ ॥ ২২ ॥
আধযো ব্যাধযস্তস্য সৈনিকা যবনাশ্চরাঃ ।
ভূতোপসর্গাশুরযঃ প্রজ্বারো দ্বিবিধো জ্বরঃ ॥ ২৩ ॥
ভূতোপসর্গাশুরযঃ প্রজ্বারো দ্বিবিধো জ্বরঃ ॥ ২৩ ॥
এবং বহুবিধৈর্দুঃখৈর্দৈবভূতাত্মসম্ভবৈঃ ।
ক্লিশ্যমানঃ শতং বর্ষং দেহে দেহী তমোবৃতঃ ॥ ২৪ ॥
ক্লিশ্যমানঃ শতং বর্ষং দেহে দেহী তমোবৃতঃ ॥ ২৪ ॥
প্রাণেন্দ্রিযমনোধর্মানাত্মন্যধ্যস্য নির্গুণঃ ।
শেতে কামলবান্ধ্যাযন্মমাহমিতি কর্মকৃত্ ॥ ২৫ ॥
শেতে কামলবান্ধ্যাযন্মমাহমিতি কর্মকৃত্ ॥ ২৫ ॥
যদাত্মানমবিজ্ঞায ভগবন্তং পরং গুরুম্ ।
পুরুষস্তু বিষজ্জেত গুণেষু প্রকৃতেঃ স্বদৃক্ ॥ ২৬ ॥
পুরুষস্তু বিষজ্জেত গুণেষু প্রকৃতেঃ স্বদৃক্ ॥ ২৬ ॥
গুণাভিমানী স তদা কর্মাণি কুরুতেঽবশঃ ।
শুক্লং কৃষ্ণং লোহিতং বা যথাকর্মাভিজাযতে ॥ ২৭ ॥
শুক্লং কৃষ্ণং লোহিতং বা যথাকর্মাভিজাযতে ॥ ২৭ ॥
শুক্লাত্প্রকাশভূযিষ্ঠাঁল্লোকানাপ্নোতি কর্হিচিত্ ।
দুঃখোদর্কান্ ক্রিযাযাসাংস্তমঃশোকোত্কটান্ ক্বচিত্ ॥ ২৮ ॥
দুঃখোদর্কান্ ক্রিযাযাসাংস্তমঃশোকোত্কটান্ ক্বচিত্ ॥ ২৮ ॥
ক্বচিত্পুমান্ ক্বচিচ্চ স্ত্রী ক্বচিন্নোভযমন্ধধীঃ ।
দেবো মনুষ্যস্তির্যগ্বা যথাকর্মগুণং ভবঃ ॥ ২৯ ॥
দেবো মনুষ্যস্তির্যগ্বা যথাকর্মগুণং ভবঃ ॥ ২৯ ॥
ক্ষুত্পরীতো যথা দীনঃ সারমেযো গৃহং গৃহম্ ।
চরন্বিন্দতি যদ্দিষ্টং দণ্ডমোদনমেব বা ॥ ৩০ ॥
চরন্বিন্দতি যদ্দিষ্টং দণ্ডমোদনমেব বা ॥ ৩০ ॥
তথা কামাশযো জীব উচ্চাবচপথা ভ্রমন্ ।
উপর্যধো বা মধ্যে বা যাতি দিষ্টং প্রিযাপ্রিযম্ ॥ ৩১ ॥
উপর্যধো বা মধ্যে বা যাতি দিষ্টং প্রিযাপ্রিযম্ ॥ ৩১ ॥
দুঃখেষ্বেকতরেণাপি দৈবভূতাত্মহেতুষু ।
জীবস্য ন ব্যবচ্ছেদঃ স্যাচ্চেত্তত্তত্প্রতিক্রিযা ॥ ৩২ ॥
জীবস্য ন ব্যবচ্ছেদঃ স্যাচ্চেত্তত্তত্প্রতিক্রিযা ॥ ৩২ ॥
যথা হি পুরুষো ভারং শিরসা গুরুমুদ্বহন্ ।
তং স্কন্ধেন স আধত্তে তথা সর্বাঃ প্রতিক্রিযাঃ ॥ ৩৩ ॥
তং স্কন্ধেন স আধত্তে তথা সর্বাঃ প্রতিক্রিযাঃ ॥ ৩৩ ॥
নৈকান্ততঃ প্রতীকারঃ কর্মণাং কর্ম কেবলম্ ।
দ্বযং হ্যবিদ্যোপসৃতং স্বপ্নে স্বপ্ন ইবানঘ ॥ ৩৪ ॥
দ্বযং হ্যবিদ্যোপসৃতং স্বপ্নে স্বপ্ন ইবানঘ ॥ ৩৪ ॥
অর্থে হ্যবিদ্যমানেঽপি সংসৃতির্ন নিবর্ততে ।
মনসা লিঙ্গরূপেণ স্বপ্নে বিচরতো যথা ॥ ৩৫ ॥
মনসা লিঙ্গরূপেণ স্বপ্নে বিচরতো যথা ॥ ৩৫ ॥
অথাত্মনোঽর্থভূতস্য যতোঽনর্থপরম্পরা ।
সংসৃতিস্তদ্বযবচ্ছেদো ভক্ত্যা পরমযা গুরৌ ॥ ৩৬ ॥
সংসৃতিস্তদ্বযবচ্ছেদো ভক্ত্যা পরমযা গুরৌ ॥ ৩৬ ॥
বাসুদেবে ভগবতি ভক্তিযোগঃ সমাহিতঃ ।
সধ্রীচীনেন বৈরাগ্যং জ্ঞানং চ জনযিষ্যতি ॥ ৩৭ ॥
সধ্রীচীনেন বৈরাগ্যং জ্ঞানং চ জনযিষ্যতি ॥ ৩৭ ॥
সোঽচিরাদেব রাজর্ষে স্যাদচ্যুতকথাশ্রযঃ ।
শৃণ্বতঃ শ্রদ্দধানস্য নিত্যদা স্যাদধীযতঃ ॥ ৩৮ ॥
শৃণ্বতঃ শ্রদ্দধানস্য নিত্যদা স্যাদধীযতঃ ॥ ৩৮ ॥
যত্র ভাগবতা রাজন্ সাধবো বিশদাশযাঃ ।
ভগবদ্গুণানুকথনশ্রবণব্যগ্রচেতসঃ ॥ ৩৯ ॥
ভগবদ্গুণানুকথনশ্রবণব্যগ্রচেতসঃ ॥ ৩৯ ॥
তস্মিন্মহন্মুখরিতা মধুভিচ্চরিত্র-
পীযূষশেষসরিতঃ পরিতঃ স্রবন্তি ।
তা যে পিবন্ত্যবিতৃষো নৃপ গাঢকর্ণৈ-
স্তান্ন স্পৃশন্ত্যশনতৃড্ভযশোকমোহাঃ ॥ ৪০ ॥
পীযূষশেষসরিতঃ পরিতঃ স্রবন্তি ।
তা যে পিবন্ত্যবিতৃষো নৃপ গাঢকর্ণৈ-
স্তান্ন স্পৃশন্ত্যশনতৃড্ভযশোকমোহাঃ ॥ ৪০ ॥
এতৈরুপদ্রুতো নিত্যং জীবলোকঃ স্বভাবজৈঃ ।
ন করোতি হরের্নূনং কথামৃতনিধৌ রতিম্ ॥ ৪১ ॥
ন করোতি হরের্নূনং কথামৃতনিধৌ রতিম্ ॥ ৪১ ॥
প্রজাপতিপতিঃ সাক্ষাদ্ভগবান্ গিরিশো মনুঃ ।
দক্ষাদযঃ প্রজাধ্যক্ষা নৈষ্ঠিকাঃ সনকাদযঃ ॥ ৪২ ॥
দক্ষাদযঃ প্রজাধ্যক্ষা নৈষ্ঠিকাঃ সনকাদযঃ ॥ ৪২ ॥
মরীচিরত্র্যঙ্গিরসৌ পুলস্ত্যঃ পুলহঃ ক্রতুঃ ।
ভৃগুর্বসিষ্ঠ ইত্যেতে মদন্তা ব্রহ্মবাদিনঃ ॥ ৪৩ ॥
ভৃগুর্বসিষ্ঠ ইত্যেতে মদন্তা ব্রহ্মবাদিনঃ ॥ ৪৩ ॥
অদ্যাপি বাচস্পতযস্তপোবিদ্যাসমাধিভিঃ ।
পশ্যন্তোঽপি ন পশ্যন্তি পশ্যন্তং পরমেশ্বরম্ ॥ ৪৪ ॥
পশ্যন্তোঽপি ন পশ্যন্তি পশ্যন্তং পরমেশ্বরম্ ॥ ৪৪ ॥
শব্দব্রহ্মণি দুষ্পারে চরন্ত উরুবিস্তরে ।
মন্ত্রলিঙ্গৈর্ব্যবচ্ছিন্নং ভজন্তো ন বিদুঃ পরম্ ॥ ৪৫ ॥
মন্ত্রলিঙ্গৈর্ব্যবচ্ছিন্নং ভজন্তো ন বিদুঃ পরম্ ॥ ৪৫ ॥
যদা যস্যানুগৃহ্ণাতি ভগবানাত্মভাবিতঃ ।
স জহাতি মতিং লোকে বেদে চ পরিনিষ্ঠিতাম্ ॥ ৪৬ ॥
স জহাতি মতিং লোকে বেদে চ পরিনিষ্ঠিতাম্ ॥ ৪৬ ॥
তস্মাত্কর্মসু বর্হিষ্মন্নজ্ঞানাদর্থকাশিষু ।
মার্থদৃষ্টিং কৃথাঃ শ্রোত্রস্পর্শিষ্বস্পৃষ্টবস্তুষু ॥ ৪৭ ॥
মার্থদৃষ্টিং কৃথাঃ শ্রোত্রস্পর্শিষ্বস্পৃষ্টবস্তুষু ॥ ৪৭ ॥
স্বং লোকং ন বিদুস্তে বৈ যত্র দেবো জনার্দনঃ ।
আহুর্ধূম্রধিযো বেদং সকর্মকমতদ্বিদঃ ॥ ৪৮ ॥
আহুর্ধূম্রধিযো বেদং সকর্মকমতদ্বিদঃ ॥ ৪৮ ॥
আস্তীর্য দর্ভৈঃ প্রাগগ্রৈঃ কার্ত্স্ন্যেন ক্ষিতিমণ্ডলম্ ।
স্তব্ধো বৃহদ্বধান্মানী কর্ম নাবৈষি যত্পরম্ ।
তত্কর্ম হরিতোষং যত্সা বিদ্যা তন্মতির্যযা ॥ ৪৯ ॥
স্তব্ধো বৃহদ্বধান্মানী কর্ম নাবৈষি যত্পরম্ ।
তত্কর্ম হরিতোষং যত্সা বিদ্যা তন্মতির্যযা ॥ ৪৯ ॥
হরির্দেহভৃতামাত্মা স্বযং প্রকৃতিরীশ্বরঃ ।
তত্পাদমূলং শরণং যতঃ ক্ষেমো নৃণামিহ ॥ ৫০ ॥
তত্পাদমূলং শরণং যতঃ ক্ষেমো নৃণামিহ ॥ ৫০ ॥
স বৈ প্রিযতমশ্চাত্মা যতো ন ভযমণ্বপি ।
ইতি বেদ স বৈ বিদ্বান্যো বিদ্বান্স গুরুর্হরিঃ ॥ ৫১ ॥
ইতি বেদ স বৈ বিদ্বান্যো বিদ্বান্স গুরুর্হরিঃ ॥ ৫১ ॥
নারদ উবাচ
প্রশ্ন এবং হি সঞ্ছিন্নো ভবতঃ পুরুষর্ষভ ।
অত্র মে বদতো গুহ্যং নিশাময সুনিশ্চিতম্ ॥ ৫২ ॥
প্রশ্ন এবং হি সঞ্ছিন্নো ভবতঃ পুরুষর্ষভ ।
অত্র মে বদতো গুহ্যং নিশাময সুনিশ্চিতম্ ॥ ৫২ ॥
ক্ষুদ্রং চরং সুমনসাং শরণে মিথিত্বা
রক্তং ষডঙ্ঘ্রিগণসামসু লুব্ধকর্ণম্ ।
অগ্রে বৃকানসুতৃপোঽবিগণয্য যান্তং
পৃষ্ঠে মৃগং মৃগয লুব্ধকবাণভিন্নম্ ॥ ৫৩ ॥
রক্তং ষডঙ্ঘ্রিগণসামসু লুব্ধকর্ণম্ ।
অগ্রে বৃকানসুতৃপোঽবিগণয্য যান্তং
পৃষ্ঠে মৃগং মৃগয লুব্ধকবাণভিন্নম্ ॥ ৫৩ ॥
সুমনঃসমধর্মণাং স্ত্রীণাং শরণ আশ্রমে পুষ্পমধুগন্ধবত্ক্ষুদ্রতমং কাম্যকর্মবিপাকজং কামসুখলবং জৈহ্ব্যৌপস্থ্যাদি বিচিন্বন্তং মিথুনীভূয তদভিনিবেশিতমনসংষডঙ্ঘ্রিগণসামগীত বদতিমনোহরবনিতাদিজনালাপেষ্বতিতরামতিপ্রলোভিতকর্ণমগ্রে বৃকযূথবদাত্মন আযুর্হরতোঽহোরাত্রান্তান্ কাললববিশেষানবিগণয্য গৃহেষু বিহরন্তং পৃষ্ঠত এব পরোক্ষমনুপ্রবৃত্তো লুব্ধকঃ কৃতান্তোঽন্তঃশরেণ যমিহ পরাবিধ্যতি তমিমমাত্মানমহো রাজন্ ভিন্নহৃদযং দ্রষ্টুমর্হসীতি ॥ ৫৪ ॥
স ত্বং বিচক্ষ্য মৃগচেষ্টিতমাত্মনোঽন্ত-
শ্চিত্তং নিযচ্ছ হৃদি কর্ণধুনীং চ চিত্তে ।
জহ্যঙ্গনাশ্রমমসত্তমযূথগাথং
প্রীণীহি হংসশরণং বিরম ক্রমেণ ॥ ৫৫ ॥
শ্চিত্তং নিযচ্ছ হৃদি কর্ণধুনীং চ চিত্তে ।
জহ্যঙ্গনাশ্রমমসত্তমযূথগাথং
প্রীণীহি হংসশরণং বিরম ক্রমেণ ॥ ৫৫ ॥
রাজোবাচ
শ্রুতমন্বীক্ষিতং ব্রহ্মন্ ভগবান্ যদভাষত ।
নৈতজ্জানন্ত্যুপাধ্যাযাঃ কিং ন ব্রূযুর্বিদুর্যদি ॥ ৫৬ ॥
শ্রুতমন্বীক্ষিতং ব্রহ্মন্ ভগবান্ যদভাষত ।
নৈতজ্জানন্ত্যুপাধ্যাযাঃ কিং ন ব্রূযুর্বিদুর্যদি ॥ ৫৬ ॥
সংশযোঽত্র তু মে বিপ্র সঞ্ছিন্নস্তত্কৃতো মহান্ ।
ঋষযোঽপি হি মুহ্যন্তি যত্র নেন্দ্রিযবৃত্তযঃ ॥ ৫৭ ॥
ঋষযোঽপি হি মুহ্যন্তি যত্র নেন্দ্রিযবৃত্তযঃ ॥ ৫৭ ॥
কর্মাণ্যারভতে যেন পুমানিহ বিহায তম্ ।
অমুত্রান্যেন দেহেন জুষ্টানি স যদশ্নুতে ॥ ৫৮ ॥
অমুত্রান্যেন দেহেন জুষ্টানি স যদশ্নুতে ॥ ৫৮ ॥
ইতি বেদবিদাং বাদঃ শ্রূযতে তত্র তত্র হ ।
কর্ম যত্ক্রিযতে প্রোক্তং পরোক্ষং ন প্রকাশতে ॥ ৫৯ ॥
কর্ম যত্ক্রিযতে প্রোক্তং পরোক্ষং ন প্রকাশতে ॥ ৫৯ ॥
নারদ উবাচ
যেনৈবারভতে কর্ম তেনৈবামুত্র তত্পুমান্ ।
ভুঙ্ক্তে হ্যব্যবধানেন লিঙ্গেন মনসা স্বযম্ ॥ ৬০ ॥
যেনৈবারভতে কর্ম তেনৈবামুত্র তত্পুমান্ ।
ভুঙ্ক্তে হ্যব্যবধানেন লিঙ্গেন মনসা স্বযম্ ॥ ৬০ ॥
শযানমিমমুত্সৃজ্য শ্বসন্তং পুরুষো যথা ।
কর্মাত্মন্যাহিতং ভুঙ্ক্তে তাদৃশেনেতরেণ বা ॥ ৬১ ॥
কর্মাত্মন্যাহিতং ভুঙ্ক্তে তাদৃশেনেতরেণ বা ॥ ৬১ ॥
মমৈতে মনসা যদ্যদসাবহমিতি ব্রুবন্ ।
গৃহ্ণীযাত্তত্পুমান্ রাদ্ধং কর্ম যেন পুনর্ভবঃ ॥ ৬২ ॥
গৃহ্ণীযাত্তত্পুমান্ রাদ্ধং কর্ম যেন পুনর্ভবঃ ॥ ৬২ ॥
যথানুমীযতে চিত্তমুভযৈরিন্দ্রিযেহিতৈঃ ।
এবং প্রাগ্দেহজং কর্ম লক্ষ্যতে চিত্তবৃত্তিভিঃ ॥ ৬৩ ॥
এবং প্রাগ্দেহজং কর্ম লক্ষ্যতে চিত্তবৃত্তিভিঃ ॥ ৬৩ ॥
নানুভূতং ক্ব চানেন দেহেনাদৃষ্টমশ্রুতম্ ।
কদাচিদুপলভ্যেত যদ্রূপং যাদৃগাত্মনি ॥ ৬৪ ॥
কদাচিদুপলভ্যেত যদ্রূপং যাদৃগাত্মনি ॥ ৬৪ ॥
তেনাস্য তাদৃশং রাজঁল্লিঙ্গিনো দেহসম্ভবম্ ।
শ্রদ্ধত্স্বাননুভূতোঽর্থো ন মনঃ স্প্রষ্টুমর্হতি ॥ ৬৫ ॥
শ্রদ্ধত্স্বাননুভূতোঽর্থো ন মনঃ স্প্রষ্টুমর্হতি ॥ ৬৫ ॥
মন এব মনুষ্যস্য পূর্বরূপাণি শংসতি ।
ভবিষ্যতশ্চ ভদ্রং তে তথৈব ন ভবিষ্যতঃ ॥ ৬৬ ॥
ভবিষ্যতশ্চ ভদ্রং তে তথৈব ন ভবিষ্যতঃ ॥ ৬৬ ॥
অদৃষ্টমশ্রুতং চাত্র ক্বচিন্মনসি দৃশ্যতে ।
যথা তথানুমন্তব্যং দেশকালক্রিযাশ্রযম্ ॥ ৬৭ ॥
যথা তথানুমন্তব্যং দেশকালক্রিযাশ্রযম্ ॥ ৬৭ ॥
সর্বে ক্রমানুরোধেন মনসীন্দ্রিযগোচরাঃ ।
আযান্তি বহুশো যান্তি সর্বে সমনসো জনাঃ ॥ ৬৮ ॥
আযান্তি বহুশো যান্তি সর্বে সমনসো জনাঃ ॥ ৬৮ ॥
সত্ত্বৈকনিষ্ঠে মনসি ভগবত্পার্শ্ববর্তিনি ।
তমশ্চন্দ্রমসীবেদমুপরজ্যাবভাসতে ॥ ৬৯ ॥
তমশ্চন্দ্রমসীবেদমুপরজ্যাবভাসতে ॥ ৬৯ ॥
নাহং মমেতি ভাবোঽযং পুরুষে ব্যবধীযতে ।
যাবদ্ বুদ্ধিমনোঽক্ষার্থগুণব্যূহো হ্যনাদিমান্ ॥ ৭০ ॥
যাবদ্ বুদ্ধিমনোঽক্ষার্থগুণব্যূহো হ্যনাদিমান্ ॥ ৭০ ॥
সুপ্তিমূর্চ্ছোপতাপেষু প্রাণাযনবিঘাততঃ ।
নেহতেঽহমিতি জ্ঞানং মৃত্যুপ্রজ্বারযোরপি ॥ ৭১ ॥
নেহতেঽহমিতি জ্ঞানং মৃত্যুপ্রজ্বারযোরপি ॥ ৭১ ॥
গর্ভে বাল্যেঽপ্যপৌষ্কল্যাদেকাদশবিধং তদা ।
লিঙ্গং ন দৃশ্যতে যূনঃ কুহ্বাং চন্দ্রমসো যথা ॥ ৭২ ॥
লিঙ্গং ন দৃশ্যতে যূনঃ কুহ্বাং চন্দ্রমসো যথা ॥ ৭২ ॥
অর্থে হ্যবিদ্যমানেঽপি সংসৃতির্ন নিবর্ততে ।
ধ্যাযতো বিষযানস্য স্বপ্নেঽনর্থাগমো যথা ॥ ৭৩ ॥
ধ্যাযতো বিষযানস্য স্বপ্নেঽনর্থাগমো যথা ॥ ৭৩ ॥
এবং পঞ্চবিধং লিঙ্গং ত্রিবৃত্ ষোডশ বিস্তৃতম্ ।
এষ চেতনযা যুক্তো জীব ইত্যভিধীযতে ॥ ৭৪ ॥
এষ চেতনযা যুক্তো জীব ইত্যভিধীযতে ॥ ৭৪ ॥
অনেন পুরুষো দেহানুপাদত্তে বিমুঞ্চতি ।
হর্ষং শোকং ভযং দুঃখং সুখং চানেন বিন্দতি ॥ ৭৫ ॥
হর্ষং শোকং ভযং দুঃখং সুখং চানেন বিন্দতি ॥ ৭৫ ॥
যথা তৃণজলূকেযং নাপযাত্যপযাতি চ ।
ন ত্যজেন্ম্রিযমাণোঽপি প্রাগ্দেহাভিমতিং জনঃ ॥ ৭৬ ॥
ন ত্যজেন্ম্রিযমাণোঽপি প্রাগ্দেহাভিমতিং জনঃ ॥ ৭৬ ॥
যাবদন্যং ন বিন্দেত ব্যবধানেন কর্মণাম্ ।
মন এব মনুষ্যেন্দ্র ভূতানাং ভবভাবনম্ ॥ ৭৭ ॥
মন এব মনুষ্যেন্দ্র ভূতানাং ভবভাবনম্ ॥ ৭৭ ॥
যদাক্ষৈশ্চরিতান্ ধ্যাযন্ কর্মাণ্যাচিনুতেঽসকৃত্ ।
সতি কর্মণ্যবিদ্যাযাং বন্ধঃ কর্মণ্যনাত্মনঃ ॥ ৭৮ ॥
সতি কর্মণ্যবিদ্যাযাং বন্ধঃ কর্মণ্যনাত্মনঃ ॥ ৭৮ ॥
অতস্তদপবাদার্থং ভজ সর্বাত্মনা হরিম্ ।
পশ্যংস্তদাত্মকং বিশ্বং স্থিত্যুত্পত্ত্যপ্যযা যতঃ ॥ ৭৯ ॥
পশ্যংস্তদাত্মকং বিশ্বং স্থিত্যুত্পত্ত্যপ্যযা যতঃ ॥ ৭৯ ॥
মৈত্রেয উবাচ
ভাগবতমুখ্যো ভগবান্নারদো হংসযোর্গতিম্ ।
প্রদর্শ্য হ্যমুমামন্ত্র্য সিদ্ধলোকং ততোঽগমত্ ॥ ৮০ ॥
ভাগবতমুখ্যো ভগবান্নারদো হংসযোর্গতিম্ ।
প্রদর্শ্য হ্যমুমামন্ত্র্য সিদ্ধলোকং ততোঽগমত্ ॥ ৮০ ॥
প্রাচীনবর্হী রাজর্ষিঃ প্রজাসর্গাভিরক্ষণে ।
আদিশ্য পুত্রানগমত্তপসে কপিলাশ্রমম্ ॥ ৮১ ॥
আদিশ্য পুত্রানগমত্তপসে কপিলাশ্রমম্ ॥ ৮১ ॥
তত্রৈকাগ্রমনা ধীরো গোবিন্দচরণাম্বুজম্ ।
বিমুক্তসঙ্গোঽনুভজন্ ভক্ত্যা তত্সাম্যতামগাত্ ॥ ৮২ ॥
বিমুক্তসঙ্গোঽনুভজন্ ভক্ত্যা তত্সাম্যতামগাত্ ॥ ৮২ ॥
এতদধ্যাত্মপারোক্ষ্যং গীতং দেবর্ষিণানঘ ।
যঃ শ্রাবযেদ্যঃ শৃণুযাত্স লিঙ্গেন বিমুচ্যতে ॥ ৮৩ ॥
যঃ শ্রাবযেদ্যঃ শৃণুযাত্স লিঙ্গেন বিমুচ্যতে ॥ ৮৩ ॥
এতন্মুকুন্দযশসা ভুবনং পুনানং
দেবর্ষিবর্যমুখনিঃসৃতমাত্মশৌচম্ ।
যঃ কীর্ত্যমানমধিগচ্ছতি পারমেষ্ঠ্যং
নাস্মিন্ ভবে ভ্রমতি মুক্তসমস্তবন্ধঃ ॥ ৮৪ ॥
দেবর্ষিবর্যমুখনিঃসৃতমাত্মশৌচম্ ।
যঃ কীর্ত্যমানমধিগচ্ছতি পারমেষ্ঠ্যং
নাস্মিন্ ভবে ভ্রমতি মুক্তসমস্তবন্ধঃ ॥ ৮৪ ॥
অধ্যাত্মপারোক্ষ্যমিদং মযাধিগতমদ্ভুতম্ ।
এবং স্ত্রিযাশ্রমঃ পুংসশ্ছিন্নোঽমুত্র চ সংশযঃ ॥ ৮৫ ॥
এবং স্ত্রিযাশ্রমঃ পুংসশ্ছিন্নোঽমুত্র চ সংশযঃ ॥ ৮৫ ॥