মৈত্রেয উবাচ
এতাবদুক্ত্বা বিররাম শঙ্করঃ
পত্ন্যঙ্গনাশং হ্যুভযত্র চিন্তযন্ ।
সুহৃদ্দিদৃক্ষুঃ পরিশঙ্কিতা ভবান্
নিষ্ক্রামতী নির্বিশতী দ্বিধাস সা ॥ ১ ॥
এতাবদুক্ত্বা বিররাম শঙ্করঃ
পত্ন্যঙ্গনাশং হ্যুভযত্র চিন্তযন্ ।
সুহৃদ্দিদৃক্ষুঃ পরিশঙ্কিতা ভবান্
নিষ্ক্রামতী নির্বিশতী দ্বিধাস সা ॥ ১ ॥
সুহৃদ্দিদৃক্ষাপ্রতিঘাতদুর্মনাঃ
স্নেহাদ্রুদত্যশ্রুকলাতিবিহ্বলা ।
ভবং ভবান্যপ্রতিপূরুষং রুষা
প্রধক্ষ্যতীবৈক্ষত জাতবেপথুঃ ॥ ২ ॥
স্নেহাদ্রুদত্যশ্রুকলাতিবিহ্বলা ।
ভবং ভবান্যপ্রতিপূরুষং রুষা
প্রধক্ষ্যতীবৈক্ষত জাতবেপথুঃ ॥ ২ ॥
ততো বিনিঃশ্বস্য সতী বিহায তং
শোকেন রোষেণ চ দূযতা হৃদা ।
পিত্রোরগাত্স্ত্রৈণবিমূঢধীর্গৃহান্
প্রেম্ণাত্মনো যোঽর্ধমদাত্সতাং প্রিযঃ ॥ ৩ ॥
শোকেন রোষেণ চ দূযতা হৃদা ।
পিত্রোরগাত্স্ত্রৈণবিমূঢধীর্গৃহান্
প্রেম্ণাত্মনো যোঽর্ধমদাত্সতাং প্রিযঃ ॥ ৩ ॥
তামন্বগচ্ছন্ দ্রুতবিক্রমাং সতীম্
একাং ত্রিনেত্রানুচরাঃ সহস্রশঃ ।
সপার্ষদযক্ষা মণিমন্মদাদযঃ
পুরোবৃষেন্দ্রাস্তরসা গতব্যথাঃ ॥ ৪ ॥
একাং ত্রিনেত্রানুচরাঃ সহস্রশঃ ।
সপার্ষদযক্ষা মণিমন্মদাদযঃ
পুরোবৃষেন্দ্রাস্তরসা গতব্যথাঃ ॥ ৪ ॥
তাং সারিকাকন্দুকদর্পণাম্বুজ
শ্বেতাতপত্রব্যজনস্রগাদিভিঃ ।
গীতাযনৈর্দুন্দুভিশঙ্খবেণুভি-
র্বৃষেন্দ্রমারোপ্য বিটঙ্কিতা যযুঃ ॥ ৫ ॥
শ্বেতাতপত্রব্যজনস্রগাদিভিঃ ।
গীতাযনৈর্দুন্দুভিশঙ্খবেণুভি-
র্বৃষেন্দ্রমারোপ্য বিটঙ্কিতা যযুঃ ॥ ৫ ॥
আব্রহ্মঘোষোর্জিতযজ্ঞবৈশসং
বিপ্রর্ষিজুষ্টং বিবুধৈশ্চ সর্বশঃ ।
মৃদ্দার্বযঃকাঞ্চনদর্ভচর্মভি-
র্নিসৃষ্টভাণ্ডং যজনং সমাবিশত্ ॥ ৬ ॥
বিপ্রর্ষিজুষ্টং বিবুধৈশ্চ সর্বশঃ ।
মৃদ্দার্বযঃকাঞ্চনদর্ভচর্মভি-
র্নিসৃষ্টভাণ্ডং যজনং সমাবিশত্ ॥ ৬ ॥
তামাগতাং তত্র ন কশ্চনাদ্রিযদ্
বিমানিতাং যজ্ঞকৃতো ভযাজ্জনঃ ।
ঋতে স্বসৃর্বৈ জননীং চ সাদরাঃ
প্রেমাশ্রুকণ্ঠ্যঃ পরিষস্বজুর্মুদা ॥ ৭ ॥
বিমানিতাং যজ্ঞকৃতো ভযাজ্জনঃ ।
ঋতে স্বসৃর্বৈ জননীং চ সাদরাঃ
প্রেমাশ্রুকণ্ঠ্যঃ পরিষস্বজুর্মুদা ॥ ৭ ॥
সৌদর্যসম্প্রশ্নসমর্থবার্তযা
মাত্রা চ মাতৃষ্বসৃভিশ্চ সাদরম্ ।
দত্তাং সপর্যাং বরমাসনং চ সা
নাদত্ত পিত্রাপ্রতিনন্দিতা সতী ॥ ৮ ॥
মাত্রা চ মাতৃষ্বসৃভিশ্চ সাদরম্ ।
দত্তাং সপর্যাং বরমাসনং চ সা
নাদত্ত পিত্রাপ্রতিনন্দিতা সতী ॥ ৮ ॥
অরুদ্রভাগং তমবেক্ষ্য চাধ্বরং
পিত্রা চ দেবে কৃতহেলনং বিভৌ ।
অনাদৃতা যজ্ঞসদস্যধীশ্বরী
চুকোপ লোকানিব ধক্ষ্যতী রুষা ॥ ৯ ॥
পিত্রা চ দেবে কৃতহেলনং বিভৌ ।
অনাদৃতা যজ্ঞসদস্যধীশ্বরী
চুকোপ লোকানিব ধক্ষ্যতী রুষা ॥ ৯ ॥
জগর্হ সামর্ষবিপন্নযা গিরা
শিবদ্বিষং ধূমপথশ্রমস্মযম্ ।
স্বতেজসা ভূতগণান্সমুত্থিতান্
নিগৃহ্য দেবী জগতোঽভিশৃণ্বতঃ ॥ ১০ ॥
শিবদ্বিষং ধূমপথশ্রমস্মযম্ ।
স্বতেজসা ভূতগণান্সমুত্থিতান্
নিগৃহ্য দেবী জগতোঽভিশৃণ্বতঃ ॥ ১০ ॥
দেব্যুবাচ
ন যস্য লোকেঽস্ত্যতিশাযনঃ প্রিয-
স্তথাপ্রিযো দেহভৃতাং প্রিযাত্মনঃ ।
তস্মিন্সমস্তাত্মনি মুক্তবৈরকে
ঋতে ভবন্তং কতমঃ প্রতীপযেত্ ॥ ১১ ॥
ন যস্য লোকেঽস্ত্যতিশাযনঃ প্রিয-
স্তথাপ্রিযো দেহভৃতাং প্রিযাত্মনঃ ।
তস্মিন্সমস্তাত্মনি মুক্তবৈরকে
ঋতে ভবন্তং কতমঃ প্রতীপযেত্ ॥ ১১ ॥
দোষান্ পরেষাং হি গুণেষু সাধবো
গৃহ্ণন্তি কেচিন্ন ভবাদৃশো দ্বিজ ।
গুণাংশ্চ ফল্গূন্ বহুলীকরিষ্ণবো
মহত্তমাস্তেষ্ববিদদ্ভবানঘম্ ॥ ১২ ॥
গৃহ্ণন্তি কেচিন্ন ভবাদৃশো দ্বিজ ।
গুণাংশ্চ ফল্গূন্ বহুলীকরিষ্ণবো
মহত্তমাস্তেষ্ববিদদ্ভবানঘম্ ॥ ১২ ॥
নাশ্চর্যমেতদ্যদসত্সু সর্বদা
মহদ্বিনিন্দা কুণপাত্মবাদিষু ।
সের্ষ্যং মহাপূরুষপাদপাংসুভি-
র্নিরস্ততেজঃসু তদেব শোভনম্ ॥ ১৩ ॥
মহদ্বিনিন্দা কুণপাত্মবাদিষু ।
সের্ষ্যং মহাপূরুষপাদপাংসুভি-
র্নিরস্ততেজঃসু তদেব শোভনম্ ॥ ১৩ ॥
যদ্বযক্ষরং নাম গিরেরিতং নৃণাং
সকৃত্প্রসঙ্গাদঘমাশু হন্তি তত্ ।
পবিত্রকীর্তিং তমলঙ্ঘ্যশাসনং
ভবানহো দ্বেষ্টি শিবং শিবেতরঃ ॥ ১৪ ॥
সকৃত্প্রসঙ্গাদঘমাশু হন্তি তত্ ।
পবিত্রকীর্তিং তমলঙ্ঘ্যশাসনং
ভবানহো দ্বেষ্টি শিবং শিবেতরঃ ॥ ১৪ ॥
যত্পাদপদ্মং মহতাং মনোঽলিভি-
র্নিষেবিতং ব্রহ্মরসাসবার্থিভিঃ ।
লোকস্য যদ্বর্ষতি চাশিষোঽর্থিন-
স্তস্মৈ ভবান্দ্রুহ্যতি বিশ্ববন্ধবে ॥ ১৫ ॥
র্নিষেবিতং ব্রহ্মরসাসবার্থিভিঃ ।
লোকস্য যদ্বর্ষতি চাশিষোঽর্থিন-
স্তস্মৈ ভবান্দ্রুহ্যতি বিশ্ববন্ধবে ॥ ১৫ ॥
কিং বা শিবাখ্যমশিবং ন বিদুস্ত্বদন্যে
ব্রহ্মাদযস্তমবকীর্য জটাঃ শ্মশানে ।
তন্মাল্যভস্মনৃকপাল্যবসত্পিশাচৈ-
র্যে মূর্ধভির্দধতি তচ্চরণাবসৃষ্টম্ ॥ ১৬ ॥
ব্রহ্মাদযস্তমবকীর্য জটাঃ শ্মশানে ।
তন্মাল্যভস্মনৃকপাল্যবসত্পিশাচৈ-
র্যে মূর্ধভির্দধতি তচ্চরণাবসৃষ্টম্ ॥ ১৬ ॥
কর্ণৌ পিধায নিরযাদ্যদকল্প ঈশে
ধর্মাবিতর্যসৃণিভির্নৃভিরস্যমানে ।
ছিন্দ্যাত্প্রসহ্য রুশতীমসতীং প্রভুশ্চে-
জ্জিহ্বামসূনপি ততো বিসৃজেত্স ধর্মঃ ॥ ১৭ ॥
ধর্মাবিতর্যসৃণিভির্নৃভিরস্যমানে ।
ছিন্দ্যাত্প্রসহ্য রুশতীমসতীং প্রভুশ্চে-
জ্জিহ্বামসূনপি ততো বিসৃজেত্স ধর্মঃ ॥ ১৭ ॥
অতস্তবোত্পন্নমিদং কলেবরং
ন ধারযিষ্যে শিতিকণ্ঠগর্হিণঃ ।
জগ্ধস্য মোহাদ্ধি বিশুদ্ধিমন্ধসো
জুগুপ্সিতস্যোদ্ধরণং প্রচক্ষতে ॥ ১৮ ॥
ন ধারযিষ্যে শিতিকণ্ঠগর্হিণঃ ।
জগ্ধস্য মোহাদ্ধি বিশুদ্ধিমন্ধসো
জুগুপ্সিতস্যোদ্ধরণং প্রচক্ষতে ॥ ১৮ ॥
ন বেদবাদাননুবর্ততে মতিঃ
স্ব এব লোকে রমতো মহামুনেঃ ।
যথা গতির্দেবমনুষ্যযোঃ পৃথক্
স্ব এব ধর্মে ন পরং ক্ষিপেত্স্থিতঃ ॥ ১৯ ॥
স্ব এব লোকে রমতো মহামুনেঃ ।
যথা গতির্দেবমনুষ্যযোঃ পৃথক্
স্ব এব ধর্মে ন পরং ক্ষিপেত্স্থিতঃ ॥ ১৯ ॥
কর্ম প্রবৃত্তং চ নিবৃত্তমপ্যৃতং
বেদে বিবিচ্যোভযলিঙ্গমাশ্রিতম্ ।
বিরোধি তদ্যৌগপদৈককর্তরি
দ্বযং তথা ব্রহ্মণি কর্ম নর্চ্ছতি ॥ ২০ ॥
বেদে বিবিচ্যোভযলিঙ্গমাশ্রিতম্ ।
বিরোধি তদ্যৌগপদৈককর্তরি
দ্বযং তথা ব্রহ্মণি কর্ম নর্চ্ছতি ॥ ২০ ॥
মা বঃ পদব্যঃ পিতরস্মদাস্থিতা
যা যজ্ঞশালাসু ন ধূমবর্ত্মভিঃ ।
তদন্নতৃপ্তৈরসুভৃদ্ভিরীডিতা
অব্যক্তলিঙ্গা অবধূতসেবিতাঃ ॥ ২১ ॥
যা যজ্ঞশালাসু ন ধূমবর্ত্মভিঃ ।
তদন্নতৃপ্তৈরসুভৃদ্ভিরীডিতা
অব্যক্তলিঙ্গা অবধূতসেবিতাঃ ॥ ২১ ॥
নৈতেন দেহেন হরে কৃতাগসো
দেহোদ্ভবেনালমলং কুজন্মনা ।
ব্রীডা মমাভূত্কুজনপ্রসঙ্গত-
স্তজ্জন্ম ধিগ্যো মহতামবদ্যকৃত্ ॥ ২২ ॥
দেহোদ্ভবেনালমলং কুজন্মনা ।
ব্রীডা মমাভূত্কুজনপ্রসঙ্গত-
স্তজ্জন্ম ধিগ্যো মহতামবদ্যকৃত্ ॥ ২২ ॥
গোত্রং ত্বদীযং ভগবান্বৃষধ্বজো
দাক্ষাযণীত্যাহ যদা সুদুর্মনাঃ ।
ব্যপেতনর্মস্মিতমাশু তদাঽহং
ব্যুত্স্রক্ষ্য এতত্কুণপং ত্বদঙ্গজম্ ॥ ২৩ ॥
দাক্ষাযণীত্যাহ যদা সুদুর্মনাঃ ।
ব্যপেতনর্মস্মিতমাশু তদাঽহং
ব্যুত্স্রক্ষ্য এতত্কুণপং ত্বদঙ্গজম্ ॥ ২৩ ॥
মৈত্রেয উবাচ
ইত্যধ্বরে দক্ষমনূদ্য শত্রুহন্
ক্ষিতাবুদীচীং নিষসাদ শান্তবাক্ ।
স্পৃষ্ট্বা জলং পীতদুকূলসংবৃতা
নিমীল্য দৃগ্যোগপথং সমাবিশত্ ॥ ২৪ ॥
ইত্যধ্বরে দক্ষমনূদ্য শত্রুহন্
ক্ষিতাবুদীচীং নিষসাদ শান্তবাক্ ।
স্পৃষ্ট্বা জলং পীতদুকূলসংবৃতা
নিমীল্য দৃগ্যোগপথং সমাবিশত্ ॥ ২৪ ॥
কৃত্বা সমানাবনিলৌ জিতাসনা
সোদানমুত্থাপ্য চ নাভিচক্রতঃ ।
শনৈর্হৃদি স্থাপ্য ধিযোরসি স্থিতং
কণ্ঠাদ্ভ্রুবোর্মধ্যমনিন্দিতানযত্ ॥ ২৫ ॥
সোদানমুত্থাপ্য চ নাভিচক্রতঃ ।
শনৈর্হৃদি স্থাপ্য ধিযোরসি স্থিতং
কণ্ঠাদ্ভ্রুবোর্মধ্যমনিন্দিতানযত্ ॥ ২৫ ॥
এবং স্বদেহং মহতাং মহীযসা
মুহুঃ সমারোপিতমঙ্কমাদরাত্ ।
জিহাসতী দক্ষরুষা মনস্বিনী
দধার গাত্রেষ্বনিলাগ্নিধারণাম্ ॥ ২৬ ॥
মুহুঃ সমারোপিতমঙ্কমাদরাত্ ।
জিহাসতী দক্ষরুষা মনস্বিনী
দধার গাত্রেষ্বনিলাগ্নিধারণাম্ ॥ ২৬ ॥
ততঃ স্বভর্তুশ্চরণাম্বুজাসবং
জগদ্গুরোশ্চিন্তযতী ন চাপরম্ ।
দদর্শ দেহো হতকল্মষঃ সতী
সদ্যঃ প্রজজ্বাল সমাধিজাগ্নিনা ॥ ২৭ ॥
জগদ্গুরোশ্চিন্তযতী ন চাপরম্ ।
দদর্শ দেহো হতকল্মষঃ সতী
সদ্যঃ প্রজজ্বাল সমাধিজাগ্নিনা ॥ ২৭ ॥
তত্পশ্যতাং খে ভুবি চাদ্ভুতং মহদ্
হাহেতি বাদঃ সুমহানজাযত ।
হন্ত প্রিযা দৈবতমস্য দেবী
জহাবসূন্ কেন সতী প্রকোপিতা ॥ ২৮ ॥
হাহেতি বাদঃ সুমহানজাযত ।
হন্ত প্রিযা দৈবতমস্য দেবী
জহাবসূন্ কেন সতী প্রকোপিতা ॥ ২৮ ॥
অহো অনাত্ম্যং মহদস্য পশ্যত
প্রজাপতের্যস্য চরাচরং প্রজাঃ ।
জহাবসূন্ যদ্বিমতাত্মজা সতী
মনস্বিনী মানমভীক্ষ্ণমর্হতি ॥ ২৯ ॥
প্রজাপতের্যস্য চরাচরং প্রজাঃ ।
জহাবসূন্ যদ্বিমতাত্মজা সতী
মনস্বিনী মানমভীক্ষ্ণমর্হতি ॥ ২৯ ॥
সোঽযং দুর্মর্ষহৃদযো ব্রহ্মধ্রুক্ চ
লোকেঽপকীর্তিং মহতীমবাপ্স্যতি ।
যদঙ্গজাং স্বাং পুরুষদ্বিডুদ্যতাং
ন প্রত্যষেধন্মৃতযেঽপরাধতঃ ॥ ৩০ ॥
লোকেঽপকীর্তিং মহতীমবাপ্স্যতি ।
যদঙ্গজাং স্বাং পুরুষদ্বিডুদ্যতাং
ন প্রত্যষেধন্মৃতযেঽপরাধতঃ ॥ ৩০ ॥
বদত্যেবং জনে সত্যা দৃষ্ট্বাসুত্যাগমদ্ভুতম্ ।
দক্ষং তত্পার্ষদা হন্তুমুদতিষ্ঠন্নুদাযুধাঃ ॥ ৩১ ॥
দক্ষং তত্পার্ষদা হন্তুমুদতিষ্ঠন্নুদাযুধাঃ ॥ ৩১ ॥
তেষামাপততাং বেগং নিশাম্য ভগবান্ ভৃগুঃ ।
যজ্ঞঘ্নঘ্নেন যজুষা দক্ষিণাগ্নৌ জুহাব হ ॥ ৩২ ॥
যজ্ঞঘ্নঘ্নেন যজুষা দক্ষিণাগ্নৌ জুহাব হ ॥ ৩২ ॥
অধ্বর্যুণা হূযমানে দেবা উত্পেতুরোজসা ।
ঋভবো নাম তপসা সোমং প্রাপ্তাঃ সহস্রশঃ ॥ ৩৩ ॥
ঋভবো নাম তপসা সোমং প্রাপ্তাঃ সহস্রশঃ ॥ ৩৩ ॥
তৈরলাতাযুধৈঃ সর্বে প্রমথাঃ সহগুহ্যকাঃ ।
হন্যমানা দিশো ভেজুরুশদ্ভির্ব্রহ্মতেজসা ॥ ৩৪ ॥
হন্যমানা দিশো ভেজুরুশদ্ভির্ব্রহ্মতেজসা ॥ ৩৪ ॥