মৈত্রেয উবাচ
ইত্যজেনানুনীতেন ভবেন পরিতুষ্যতা ।
অভ্যধাযি মহাবাহো প্রহস্য শ্রূযতামিতি ॥ ১ ॥
ইত্যজেনানুনীতেন ভবেন পরিতুষ্যতা ।
অভ্যধাযি মহাবাহো প্রহস্য শ্রূযতামিতি ॥ ১ ॥
মহাদেব উবাচ
নাঘং প্রজেশ বালানাং বর্ণযে নানুচিন্তযে ।
দেবমাযাভিভূতানাং দণ্ডস্তত্র ধৃতো মযা ॥ ২ ॥
নাঘং প্রজেশ বালানাং বর্ণযে নানুচিন্তযে ।
দেবমাযাভিভূতানাং দণ্ডস্তত্র ধৃতো মযা ॥ ২ ॥
প্রজাপতের্দগ্ধশীর্ষ্ণো ভবত্বজমুখং শিরঃ ।
মিত্রস্য চক্ষুষেক্ষেত ভাগং স্বং বর্হিষো ভগঃ ॥ ৩ ॥
মিত্রস্য চক্ষুষেক্ষেত ভাগং স্বং বর্হিষো ভগঃ ॥ ৩ ॥
পূষা তু যজমানস্য দদ্ভির্জক্ষতু পিষ্টভুক্ ।
দেবাঃ প্রকৃতসর্বাঙ্গা যে ম উচ্ছেষণং দদুঃ ॥ ৪ ॥
দেবাঃ প্রকৃতসর্বাঙ্গা যে ম উচ্ছেষণং দদুঃ ॥ ৪ ॥
বাহুভ্যামশ্বিনোঃ পূষ্ণো হস্তাভ্যাং কৃতবাহবঃ ।
ভবন্ত্বধ্বর্যবশ্চান্যে বস্তশ্মশ্রুর্ভৃগুর্ভবেত্ ॥ ৫ ॥
ভবন্ত্বধ্বর্যবশ্চান্যে বস্তশ্মশ্রুর্ভৃগুর্ভবেত্ ॥ ৫ ॥
মৈত্রেয উবাচ
তদা সর্বাণি ভূতানি শ্রুত্বা মীঢুষ্টমোদিতম্ ।
পরিতুষ্টাত্মভিস্তাত সাধু সাধ্বিত্যথাব্রুবন্ ॥ ৬ ॥
তদা সর্বাণি ভূতানি শ্রুত্বা মীঢুষ্টমোদিতম্ ।
পরিতুষ্টাত্মভিস্তাত সাধু সাধ্বিত্যথাব্রুবন্ ॥ ৬ ॥
ততো মীঢ্বাংসমামন্ত্র্য শুনাসীরাঃ সহর্ষিভিঃ ।
ভূযস্তদ্দেবযজনং সমীঢ্বদ্বেধসো যযুঃ ॥ ৭ ॥
ভূযস্তদ্দেবযজনং সমীঢ্বদ্বেধসো যযুঃ ॥ ৭ ॥
বিধায কার্ত্স্ন্যেন চ তদ্যদাহ ভগবান্ ভবঃ ।
সন্দধুঃ কস্য কাযেন সবনীযপশোঃ শিরঃ ॥ ৮ ॥
সন্দধুঃ কস্য কাযেন সবনীযপশোঃ শিরঃ ॥ ৮ ॥
সন্ধীযমানে শিরসি দক্ষো রুদ্রাভিবীক্ষিতঃ ।
সদ্যঃ সুপ্ত ইবোত্তস্থৌ দদৃশে চাগ্রতো মৃডম্ ॥ ৯ ॥
সদ্যঃ সুপ্ত ইবোত্তস্থৌ দদৃশে চাগ্রতো মৃডম্ ॥ ৯ ॥
তদা বৃষধ্বজদ্বেষকলিলাত্মা প্রজাপতিঃ ।
শিবাবলোকাদভবচ্ছরদ্ধ্রদ ইবামলঃ ॥ ১০ ॥
শিবাবলোকাদভবচ্ছরদ্ধ্রদ ইবামলঃ ॥ ১০ ॥
ভবস্তবায কৃতধীর্নাশক্নোদনুরাগতঃ ।
ঔত্কণ্ঠ্যাদ্বাষ্পকলযা সম্পরেতাং সুতাং স্মরন্ ॥ ১১ ॥
ঔত্কণ্ঠ্যাদ্বাষ্পকলযা সম্পরেতাং সুতাং স্মরন্ ॥ ১১ ॥
কৃচ্ছ্রাত্সংস্তভ্য চ মনঃ প্রেমবিহ্বলিতঃ সুধীঃ ।
শশংস নির্ব্যলীকেন ভাবেনেশং প্রজাপতিঃ ॥ ১২ ॥
শশংস নির্ব্যলীকেন ভাবেনেশং প্রজাপতিঃ ॥ ১২ ॥
দক্ষ উবাচ
ভূযাননুগ্রহ অহো ভবতা কৃতো মে
দণ্ডস্ত্বযা মযি ভৃতো যদপি প্রলব্ধঃ ।
ন ব্রহ্মবন্ধুষু চ বাং ভগবন্নবজ্ঞা
তুভ্যং হরেশ্চ কুত এব ধৃতব্রতেষু ॥ ১৩ ॥
ভূযাননুগ্রহ অহো ভবতা কৃতো মে
দণ্ডস্ত্বযা মযি ভৃতো যদপি প্রলব্ধঃ ।
ন ব্রহ্মবন্ধুষু চ বাং ভগবন্নবজ্ঞা
তুভ্যং হরেশ্চ কুত এব ধৃতব্রতেষু ॥ ১৩ ॥
বিদ্যাতপোব্রতধরান্ মুখতঃ স্ম বিপ্রান্
ব্রহ্মাত্মতত্ত্বমবিতুং প্রথমং ত্বমস্রাক্ ।
তদ্ব্রাহ্মণান্ পরম সর্ববিপত্সু পাসি
পালঃ পশূনিব বিভো প্রগৃহীতদণ্ডঃ ॥ ১৪ ॥
ব্রহ্মাত্মতত্ত্বমবিতুং প্রথমং ত্বমস্রাক্ ।
তদ্ব্রাহ্মণান্ পরম সর্ববিপত্সু পাসি
পালঃ পশূনিব বিভো প্রগৃহীতদণ্ডঃ ॥ ১৪ ॥
যোঽসৌ মযাবিদিততত্ত্বদৃশা সভাযাং
ক্ষিপ্তো দুরুক্তিবিশিখৈর্বিগণয্য তন্মাম্ ।
অর্বাক্ পতন্তমর্হত্তমনিন্দযাপাদ্
দৃষ্টযার্দ্রযা স ভগবান্স্বকৃতেন তুষ্যেত্ ॥ ১৫ ॥
ক্ষিপ্তো দুরুক্তিবিশিখৈর্বিগণয্য তন্মাম্ ।
অর্বাক্ পতন্তমর্হত্তমনিন্দযাপাদ্
দৃষ্টযার্দ্রযা স ভগবান্স্বকৃতেন তুষ্যেত্ ॥ ১৫ ॥
মৈত্রেয উবাচ
ক্ষমাপ্যৈবং স মীঢ্বাংসং ব্রহ্মণা চানুমন্ত্রিতঃ ।
কর্ম সন্তানযামাস সোপাধ্যাযর্ত্বিগাদিভিঃ ॥ ১৬ ॥
ক্ষমাপ্যৈবং স মীঢ্বাংসং ব্রহ্মণা চানুমন্ত্রিতঃ ।
কর্ম সন্তানযামাস সোপাধ্যাযর্ত্বিগাদিভিঃ ॥ ১৬ ॥
বৈষ্ণবং যজ্ঞসন্তত্যৈ ত্রিকপালং দ্বিজোত্তমাঃ ।
পুরোডাশং নিরবপন্ বীরসংসর্গশুদ্ধযে ॥ ১৭ ॥
পুরোডাশং নিরবপন্ বীরসংসর্গশুদ্ধযে ॥ ১৭ ॥
অধ্বর্যুণাত্তহবিষা যজমানো বিশাম্পতে ।
ধিযা বিশুদ্ধযা দধ্যৌ তথা প্রাদুরভূদ্ধরিঃ ॥ ১৮ ॥
ধিযা বিশুদ্ধযা দধ্যৌ তথা প্রাদুরভূদ্ধরিঃ ॥ ১৮ ॥
তদা স্বপ্রভযা তেষাং দ্যোতযন্ত্যা দিশো দশ ।
মুষ্ণংস্তেজ উপানীতস্তার্ক্ষ্যেণ স্তোত্রবাজিনা ॥ ১৯ ॥
মুষ্ণংস্তেজ উপানীতস্তার্ক্ষ্যেণ স্তোত্রবাজিনা ॥ ১৯ ॥
শ্যামো হিরণ্যরশনোঽর্ককিরীটজুষ্টো
নীলালকভ্রমরমণ্ডিতকুণ্ডলাস্যঃ ।
শঙ্খাব্জচক্রশরচাপগদাসিচর্ম-
ব্যগ্রৈর্হিরণ্মযভুজৈরিব কর্ণিকারঃ ॥ ২০ ॥
নীলালকভ্রমরমণ্ডিতকুণ্ডলাস্যঃ ।
শঙ্খাব্জচক্রশরচাপগদাসিচর্ম-
ব্যগ্রৈর্হিরণ্মযভুজৈরিব কর্ণিকারঃ ॥ ২০ ॥
বক্ষস্যধিশ্রিতবধূর্বনমাল্যুদার
হাসাবলোককলযা রমযংশ্চ বিশ্বম্ ।
পার্শ্বভ্রমদ্বযজনচামররাজহংসঃ
শ্বেতাতপত্রশশিনোপরি রজ্যমানঃ ॥ ২১ ॥
হাসাবলোককলযা রমযংশ্চ বিশ্বম্ ।
পার্শ্বভ্রমদ্বযজনচামররাজহংসঃ
শ্বেতাতপত্রশশিনোপরি রজ্যমানঃ ॥ ২১ ॥
তমুপাগতমালক্ষ্য সর্বে সুরগণাদযঃ ।
প্রণেমুঃ সহসোত্থায ব্রহ্মেন্দ্রত্র্যক্ষনাযকাঃ ॥ ২২ ॥
প্রণেমুঃ সহসোত্থায ব্রহ্মেন্দ্রত্র্যক্ষনাযকাঃ ॥ ২২ ॥
তত্তেজসা হতরুচঃ সন্নজিহ্বাঃ সসাধ্বসাঃ ।
মূর্ধ্না ধৃতাঞ্জলিপুটা উপতস্থুরধোক্ষজম্ ॥ ২৩ ॥
মূর্ধ্না ধৃতাঞ্জলিপুটা উপতস্থুরধোক্ষজম্ ॥ ২৩ ॥
অপ্যর্বাগ্বৃত্তযো যস্য মহি ত্বাত্মভুবাদযঃ ।
যথামতি গৃণন্তি স্ম কৃতানুগ্রহবিগ্রহম্ ॥ ২৪ ॥
যথামতি গৃণন্তি স্ম কৃতানুগ্রহবিগ্রহম্ ॥ ২৪ ॥
দক্ষো গৃহীতার্হণসাদনোত্তমং
যজ্ঞেশ্বরং বিশ্বসৃজাং পরং গুরুম্ ।
সুনন্দনন্দাদ্যনুগৈর্বৃতং মুদা
গৃণন্ প্রপেদে প্রযতঃ কৃতাঞ্জলিঃ ॥ ২৫ ॥
যজ্ঞেশ্বরং বিশ্বসৃজাং পরং গুরুম্ ।
সুনন্দনন্দাদ্যনুগৈর্বৃতং মুদা
গৃণন্ প্রপেদে প্রযতঃ কৃতাঞ্জলিঃ ॥ ২৫ ॥
দক্ষ উবাচ
শুদ্ধং স্বধাম্ন্যুপরতাখিলবুদ্ধ্যবস্থং
চিন্মাত্রমেকমভযং প্রতিষিধ্য মাযাম্ ।
তিষ্ঠংস্তযৈব পুরুষত্বমুপেত্য তস্যা-
মাস্তে ভবানপরিশুদ্ধ ইবাত্মতন্ত্রঃ ॥ ২৬ ॥
শুদ্ধং স্বধাম্ন্যুপরতাখিলবুদ্ধ্যবস্থং
চিন্মাত্রমেকমভযং প্রতিষিধ্য মাযাম্ ।
তিষ্ঠংস্তযৈব পুরুষত্বমুপেত্য তস্যা-
মাস্তে ভবানপরিশুদ্ধ ইবাত্মতন্ত্রঃ ॥ ২৬ ॥
ঋত্বিজ ঊচুঃ
তত্ত্বং ন তে বযমনঞ্জন রুদ্রশাপাত্
কর্মণ্যবগ্রহধিযো ভগবন্বিদামঃ ।
ধর্মোপলক্ষণমিদং ত্রিবৃদধ্বরাখ্যং
জ্ঞাতং যদর্থমধিদৈবমদো ব্যবস্থাঃ ॥ ২৭ ॥
তত্ত্বং ন তে বযমনঞ্জন রুদ্রশাপাত্
কর্মণ্যবগ্রহধিযো ভগবন্বিদামঃ ।
ধর্মোপলক্ষণমিদং ত্রিবৃদধ্বরাখ্যং
জ্ঞাতং যদর্থমধিদৈবমদো ব্যবস্থাঃ ॥ ২৭ ॥
সদস্যা ঊচুঃ
উত্পত্ত্যধ্বন্যশরণ উরুক্লেশদুর্গেঽন্তকোগ্র
ব্যালান্বিষ্টে বিষযমৃগতৃষ্যাত্মগেহোরুভারঃ ।
দ্বন্দ্বশ্বভ্রে খলমৃগভযে শোকদাবেঽজ্ঞসার্থঃ
পাদৌকস্তে শরণদ কদা যাতি কামোপসৃষ্টঃ ॥ ২৮ ॥
উত্পত্ত্যধ্বন্যশরণ উরুক্লেশদুর্গেঽন্তকোগ্র
ব্যালান্বিষ্টে বিষযমৃগতৃষ্যাত্মগেহোরুভারঃ ।
দ্বন্দ্বশ্বভ্রে খলমৃগভযে শোকদাবেঽজ্ঞসার্থঃ
পাদৌকস্তে শরণদ কদা যাতি কামোপসৃষ্টঃ ॥ ২৮ ॥
রুদ্র উবাচ
তব বরদ বরাঙ্ঘ্রাবাশিষেহাখিলার্থে
হ্যপি মুনিভিরসক্তৈরাদরেণার্হণীযে ।
যদি রচিতধিযং মাবিদ্যলোকোঽপবিদ্ধং
জপতি ন গণযে তত্ত্বত্পরানুগ্রহেণ ॥ ২৯ ॥
তব বরদ বরাঙ্ঘ্রাবাশিষেহাখিলার্থে
হ্যপি মুনিভিরসক্তৈরাদরেণার্হণীযে ।
যদি রচিতধিযং মাবিদ্যলোকোঽপবিদ্ধং
জপতি ন গণযে তত্ত্বত্পরানুগ্রহেণ ॥ ২৯ ॥
ভৃগুরুবাচ
যন্মাযযা গহনযাপহৃতাত্মবোধা
ব্রহ্মাদযস্তনুভৃতস্তমসি স্বপন্তঃ ।
নাত্মন্ শ্রিতং তব বিদন্ত্যধুনাপি তত্ত্বং
সোঽযং প্রসীদতু ভবান্প্রণতাত্মবন্ধুঃ ॥ ৩০ ॥
যন্মাযযা গহনযাপহৃতাত্মবোধা
ব্রহ্মাদযস্তনুভৃতস্তমসি স্বপন্তঃ ।
নাত্মন্ শ্রিতং তব বিদন্ত্যধুনাপি তত্ত্বং
সোঽযং প্রসীদতু ভবান্প্রণতাত্মবন্ধুঃ ॥ ৩০ ॥
ব্রহ্মোবাচ
নৈতত্স্বরূপং ভবতোঽসৌ পদার্থ
ভেদগ্রহৈঃ পুরুষো যাবদীক্ষেত্ ।
জ্ঞানস্য চার্থস্য গুণস্য চাশ্রযো
মাযামযাদ্বযতিরিক্তো মতস্ত্বম্ ॥ ৩১ ॥
নৈতত্স্বরূপং ভবতোঽসৌ পদার্থ
ভেদগ্রহৈঃ পুরুষো যাবদীক্ষেত্ ।
জ্ঞানস্য চার্থস্য গুণস্য চাশ্রযো
মাযামযাদ্বযতিরিক্তো মতস্ত্বম্ ॥ ৩১ ॥
ইন্দ্র উবাচ
ইদমপ্যচ্যুত বিশ্বভাবনং
বপুরানন্দকরং মনোদৃশাম্ ।
সুরবিদ্বিট্ক্ষপণৈরুদাযুধৈ
র্ভুজদণ্ডৈরুপপন্নমষ্টভিঃ ॥ ৩২ ॥
ইদমপ্যচ্যুত বিশ্বভাবনং
বপুরানন্দকরং মনোদৃশাম্ ।
সুরবিদ্বিট্ক্ষপণৈরুদাযুধৈ
র্ভুজদণ্ডৈরুপপন্নমষ্টভিঃ ॥ ৩২ ॥
পত্ন্য ঊচুঃ
যজ্ঞোঽযং তব যজনায কেন সৃষ্টো
বিধ্বস্তঃ পশুপতিনাদ্য দক্ষকোপাত্ ।
তং নস্ত্বং শবশযনাভশান্তমেধং
যজ্ঞাত্মন্নলিনরুচা দৃশা পুনীহি ॥ ৩৩ ॥
যজ্ঞোঽযং তব যজনায কেন সৃষ্টো
বিধ্বস্তঃ পশুপতিনাদ্য দক্ষকোপাত্ ।
তং নস্ত্বং শবশযনাভশান্তমেধং
যজ্ঞাত্মন্নলিনরুচা দৃশা পুনীহি ॥ ৩৩ ॥
ঋষয ঊচুঃ
অনন্বিতং তে ভগবন্ বিচেষ্টিতং
যদাত্মনা চরসি হি কর্ম নাজ্যসে ।
বিভূতযে যত উপসেদুরীশ্বরীং
ন মন্যতে স্বযমনুবর্ততীং ভবান্ ॥ ৩৪ ॥
অনন্বিতং তে ভগবন্ বিচেষ্টিতং
যদাত্মনা চরসি হি কর্ম নাজ্যসে ।
বিভূতযে যত উপসেদুরীশ্বরীং
ন মন্যতে স্বযমনুবর্ততীং ভবান্ ॥ ৩৪ ॥
সিদ্ধা ঊচুঃ
অযং ত্বত্কথামৃষ্টপীযূষনদ্যাং
মনোবারণঃ ক্লেশদাবাগ্নিদগ্ধঃ ।
তৃষার্তোঽবগাঢো ন সস্মার দাবং
ন নিষ্ক্রামতি ব্রহ্মসম্পন্নবন্নঃ ॥ ৩৫ ॥
অযং ত্বত্কথামৃষ্টপীযূষনদ্যাং
মনোবারণঃ ক্লেশদাবাগ্নিদগ্ধঃ ।
তৃষার্তোঽবগাঢো ন সস্মার দাবং
ন নিষ্ক্রামতি ব্রহ্মসম্পন্নবন্নঃ ॥ ৩৫ ॥
যজমান্যুবাচ
স্বাগতং তে প্রসীদেশ তুভ্যং নমঃ
শ্রীনিবাস শ্রিযা কান্তযা ত্রাহি নঃ ।
ত্বামৃতেঽধীশ নাঙ্গৈর্মখঃ শোভতে
শীর্ষহীনঃ কবন্ধো যথা পুরুষঃ ॥ ৩৬ ॥
স্বাগতং তে প্রসীদেশ তুভ্যং নমঃ
শ্রীনিবাস শ্রিযা কান্তযা ত্রাহি নঃ ।
ত্বামৃতেঽধীশ নাঙ্গৈর্মখঃ শোভতে
শীর্ষহীনঃ কবন্ধো যথা পুরুষঃ ॥ ৩৬ ॥
লোকপালা ঊচুঃ
দৃষ্টঃ কিং নো দৃগ্ভিরসদ্গ্রহৈস্ত্বং
প্রত্যগ্দ্রষ্টা দৃশ্যতে যেন বিশ্বম্ ।
মাযা হ্যেষা ভবদীযা হি ভূমন্
যস্ত্বং ষষ্ঠঃ পঞ্চভির্ভাসি ভূতৈঃ ॥ ৩৭ ॥
দৃষ্টঃ কিং নো দৃগ্ভিরসদ্গ্রহৈস্ত্বং
প্রত্যগ্দ্রষ্টা দৃশ্যতে যেন বিশ্বম্ ।
মাযা হ্যেষা ভবদীযা হি ভূমন্
যস্ত্বং ষষ্ঠঃ পঞ্চভির্ভাসি ভূতৈঃ ॥ ৩৭ ॥
যোগেশ্বরা ঊচু
প্রেযান্ন তেঽন্যোঽস্ত্যমুতস্ত্বযি প্রভো
বিশ্বাত্মনীক্ষেন্ন পৃথগ্য আত্মনঃ ।
অথাপি ভক্ত্যেশ তযোপধাবতা-
মনন্যবৃত্ত্যানুগৃহাণ বত্সল ॥ ৩৮ ॥
প্রেযান্ন তেঽন্যোঽস্ত্যমুতস্ত্বযি প্রভো
বিশ্বাত্মনীক্ষেন্ন পৃথগ্য আত্মনঃ ।
অথাপি ভক্ত্যেশ তযোপধাবতা-
মনন্যবৃত্ত্যানুগৃহাণ বত্সল ॥ ৩৮ ॥
জগদুদ্ভবস্থিতিলযেষু দৈবতো
বহুভিদ্যমানগুণযাত্মমাযযা ।
রচিতাত্মভেদমতযে স্বসংস্থযা
বিনিবর্তিতভ্রমগুণাত্মনে নমঃ ॥ ৩৯ ॥
বহুভিদ্যমানগুণযাত্মমাযযা ।
রচিতাত্মভেদমতযে স্বসংস্থযা
বিনিবর্তিতভ্রমগুণাত্মনে নমঃ ॥ ৩৯ ॥
ব্রহ্মোবাচ
নমস্তে শ্রিতসত্ত্বায ধর্মাদীনাং চ সূতযে ।
নির্গুণায চ যত্কাষ্ঠাং নাহং বেদাপরেঽপি চ ॥ ৪০ ॥
নমস্তে শ্রিতসত্ত্বায ধর্মাদীনাং চ সূতযে ।
নির্গুণায চ যত্কাষ্ঠাং নাহং বেদাপরেঽপি চ ॥ ৪০ ॥
অগ্নিরুবাচ
যত্তেজসাহং সুসমিদ্ধতেজা
হব্যং বহে স্বধ্বর আজ্যসিক্তম্ ।
তং যজ্ঞিযং পঞ্চবিধং চ পঞ্চভিঃ
স্বিষ্টং যজুর্ভিঃ প্রণতোঽস্মি যজ্ঞম্ ॥ ৪১ ॥
যত্তেজসাহং সুসমিদ্ধতেজা
হব্যং বহে স্বধ্বর আজ্যসিক্তম্ ।
তং যজ্ঞিযং পঞ্চবিধং চ পঞ্চভিঃ
স্বিষ্টং যজুর্ভিঃ প্রণতোঽস্মি যজ্ঞম্ ॥ ৪১ ॥
দেবা ঊচুঃ
পুরা কল্পাপাযে স্বকৃতমুদরীকৃত্য বিকৃতং
ত্বমেবাদ্যস্তস্মিন্ সলিল উরগেন্দ্রাধিশযনে ।
পুমান্শেষে সিদ্ধৈর্হৃদি বিমৃশিতাধ্যাত্মপদবিঃ
স এবাদ্যাক্ষ্ণোর্যঃ পথি চরসি ভৃত্যানবসি নঃ ॥ ৪২ ॥
পুরা কল্পাপাযে স্বকৃতমুদরীকৃত্য বিকৃতং
ত্বমেবাদ্যস্তস্মিন্ সলিল উরগেন্দ্রাধিশযনে ।
পুমান্শেষে সিদ্ধৈর্হৃদি বিমৃশিতাধ্যাত্মপদবিঃ
স এবাদ্যাক্ষ্ণোর্যঃ পথি চরসি ভৃত্যানবসি নঃ ॥ ৪২ ॥
গন্ধর্বা ঊচুঃ
অংশাংশাস্তে দেব মরীচ্যাদয এতে
ব্রহ্মেন্দ্রাদ্যা দেবগণা রুদ্রপুরোগাঃ ।
ক্রীডাভাণ্ডং বিশ্বমিদং যস্য বিভূমন্
তস্মৈ নিত্যং নাথ নমস্তে করবাম ॥ ৪৩ ॥
অংশাংশাস্তে দেব মরীচ্যাদয এতে
ব্রহ্মেন্দ্রাদ্যা দেবগণা রুদ্রপুরোগাঃ ।
ক্রীডাভাণ্ডং বিশ্বমিদং যস্য বিভূমন্
তস্মৈ নিত্যং নাথ নমস্তে করবাম ॥ ৪৩ ॥
বিদ্যাধরা ঊচুঃ
ত্বন্মাযযার্থমভিপদ্য কলেবরেঽস্মিন্
কৃত্বা মমাহমিতি দুর্মতিরুত্পথৈঃ স্বৈঃ ।
ক্ষিপ্তোঽপ্যসদ্বিষযলালস আত্মমোহং
যুষ্মত্কথামৃতনিষেবক উদ্বযুদস্যেত্ ॥ ৪৪ ॥
ত্বন্মাযযার্থমভিপদ্য কলেবরেঽস্মিন্
কৃত্বা মমাহমিতি দুর্মতিরুত্পথৈঃ স্বৈঃ ।
ক্ষিপ্তোঽপ্যসদ্বিষযলালস আত্মমোহং
যুষ্মত্কথামৃতনিষেবক উদ্বযুদস্যেত্ ॥ ৪৪ ॥
ব্রাহ্মণা ঊচুঃ
ত্বং ক্রতুস্ত্বং হবিস্ত্বং হুতাশঃ স্বযংত্বং হি মন্ত্রঃ সমিদ্দর্ভপাত্রাণি চ । ত্বং সদস্যর্ত্বিজো দম্পতী দেবতাঅগ্নিহোত্রং স্বধা সোম আজ্যং পশুঃ ॥ ৪৫ ॥
ত্বং ক্রতুস্ত্বং হবিস্ত্বং হুতাশঃ স্বযংত্বং হি মন্ত্রঃ সমিদ্দর্ভপাত্রাণি চ । ত্বং সদস্যর্ত্বিজো দম্পতী দেবতাঅগ্নিহোত্রং স্বধা সোম আজ্যং পশুঃ ॥ ৪৫ ॥
ত্বং পুরা গাং রসাযা মহাসূকরো
দংষ্ট্রযা পদ্মিনীং বারণেন্দ্রো যথা ।
স্তূযমানো নদল্লীলযা যোগিভি-
র্ব্যুজ্জহর্থ ত্রযীগাত্র যজ্ঞক্রতুঃ ॥ ৪৬ ॥
দংষ্ট্রযা পদ্মিনীং বারণেন্দ্রো যথা ।
স্তূযমানো নদল্লীলযা যোগিভি-
র্ব্যুজ্জহর্থ ত্রযীগাত্র যজ্ঞক্রতুঃ ॥ ৪৬ ॥
স প্রসীদ ত্বমস্মাকমাকাঙ্ক্ষতাং
দর্শনং তে পরিভ্রষ্টসত্কর্মণাম্ ।
কীর্ত্যমানে নৃভির্নাম্নি যজ্ঞেশ তে
যজ্ঞবিঘ্নাঃ ক্ষযং যান্তি তস্মৈ নমঃ ॥ ৪৭ ॥
দর্শনং তে পরিভ্রষ্টসত্কর্মণাম্ ।
কীর্ত্যমানে নৃভির্নাম্নি যজ্ঞেশ তে
যজ্ঞবিঘ্নাঃ ক্ষযং যান্তি তস্মৈ নমঃ ॥ ৪৭ ॥
মৈত্রেয উবাচ
ইতি দক্ষঃ কবির্যজ্ঞং ভদ্র রুদ্রাভিমর্শিতম্ ।
কীর্ত্যমানে হৃষীকেশে সন্নিন্যে যজ্ঞভাবনে ॥ ৪৮ ॥
ইতি দক্ষঃ কবির্যজ্ঞং ভদ্র রুদ্রাভিমর্শিতম্ ।
কীর্ত্যমানে হৃষীকেশে সন্নিন্যে যজ্ঞভাবনে ॥ ৪৮ ॥
ভগবান্ স্বেন ভাগেন সর্বাত্মা সর্বভাগভুক্ ।
দক্ষং বভাষ আভাষ্য প্রীযমাণ ইবানঘ ॥ ৪৯ ॥
দক্ষং বভাষ আভাষ্য প্রীযমাণ ইবানঘ ॥ ৪৯ ॥
শ্রীভগবানুবাচ
অহং ব্রহ্মা চ শর্বশ্চ জগতঃ কারণং পরম্ ।
আত্মেশ্বর উপদ্রষ্টা স্বযংদৃগবিশেষণঃ ॥ ৫০ ॥
অহং ব্রহ্মা চ শর্বশ্চ জগতঃ কারণং পরম্ ।
আত্মেশ্বর উপদ্রষ্টা স্বযংদৃগবিশেষণঃ ॥ ৫০ ॥
আত্মমাযাং সমাবিশ্য সোঽহং গুণমযীং দ্বিজ ।
সৃজন্ রক্ষন্ হরন্ বিশ্বং দধ্রে সংজ্ঞাং ক্রিযোচিতাম্ ॥ ৫১ ॥
সৃজন্ রক্ষন্ হরন্ বিশ্বং দধ্রে সংজ্ঞাং ক্রিযোচিতাম্ ॥ ৫১ ॥
তস্মিন্ ব্রহ্মণ্যদ্বিতীযে কেবলে পরমাত্মনি ।
ব্রহ্মরুদ্রৌ চ ভূতানি ভেদেনাজ্ঞোঽনুপশ্যতি ॥ ৫২ ॥
ব্রহ্মরুদ্রৌ চ ভূতানি ভেদেনাজ্ঞোঽনুপশ্যতি ॥ ৫২ ॥
যথা পুমান্ন স্বাঙ্গেষু শিরঃপাণ্যাদিষু ক্বচিত্ ।
পারক্যবুদ্ধিং কুরুতে এবং ভূতেষু মত্পরঃ ॥ ৫৩ ॥
পারক্যবুদ্ধিং কুরুতে এবং ভূতেষু মত্পরঃ ॥ ৫৩ ॥
ত্রযাণামেকভাবানাং যো ন পশ্যতি বৈ ভিদাম্ ।
সর্বভূতাত্মনাং ব্রহ্মন্ স শান্তিমধিগচ্ছতি ॥ ৫৪ ॥
সর্বভূতাত্মনাং ব্রহ্মন্ স শান্তিমধিগচ্ছতি ॥ ৫৪ ॥
মৈত্রেয উবাচ
এবং ভগবতাদিষ্টঃ প্রজাপতিপতির্হরিম্ ।
অর্চিত্বা ক্রতুনা স্বেন দেবানুভযতোঽযজত্ ॥ ৫৫ ॥
এবং ভগবতাদিষ্টঃ প্রজাপতিপতির্হরিম্ ।
অর্চিত্বা ক্রতুনা স্বেন দেবানুভযতোঽযজত্ ॥ ৫৫ ॥
রুদ্রং চ স্বেন ভাগেন হ্যুপাধাবত্সমাহিতঃ ।
কর্মণোদবসানেন সোমপানিতরানপি ।
উদবস্য সহর্ত্বিগ্ভিঃ সস্নাববভৃথং ততঃ ॥ ৫৬ ॥
কর্মণোদবসানেন সোমপানিতরানপি ।
উদবস্য সহর্ত্বিগ্ভিঃ সস্নাববভৃথং ততঃ ॥ ৫৬ ॥
তস্মা অপ্যনুভাবেন স্বেনৈবাবাপ্তরাধসে ।
ধর্ম এব মতিং দত্ত্বা ত্রিদশাস্তে দিবং যযুঃ ॥ ৫৭ ॥
ধর্ম এব মতিং দত্ত্বা ত্রিদশাস্তে দিবং যযুঃ ॥ ৫৭ ॥
এবং দাক্ষাযণী হিত্বা সতী পূর্বকলেবরম্ ।
জজ্ঞে হিমবতঃ ক্ষেত্রে মেনাযামিতি শুশ্রুম ॥ ৫৮ ॥
জজ্ঞে হিমবতঃ ক্ষেত্রে মেনাযামিতি শুশ্রুম ॥ ৫৮ ॥
তমেব দযিতং ভূয আবৃঙ্ক্তে পতিমম্বিকা ।
অনন্যভাবৈকগতিং শক্তিঃ সুপ্তেব পূরুষম্ ॥ ৫৯ ॥
অনন্যভাবৈকগতিং শক্তিঃ সুপ্তেব পূরুষম্ ॥ ৫৯ ॥
এতদ্ভগবতঃ শম্ভোঃ কর্ম দক্ষাধ্বরদ্রুহঃ ।
শ্রুতং ভাগবতাচ্ছিষ্যাদুদ্ধবান্মে বৃহস্পতেঃ ॥ ৬০ ॥
শ্রুতং ভাগবতাচ্ছিষ্যাদুদ্ধবান্মে বৃহস্পতেঃ ॥ ৬০ ॥
ইদং পবিত্রং পরমীশচেষ্টিতং
যশস্যমাযুষ্যমঘৌঘমর্ষণম্ ।
যো নিত্যদাকর্ণ্য নরোঽনুকীর্তযেদ্
ধুনোত্যঘং কৌরব ভক্তিভাবতঃ ॥ ৬১ ॥
যশস্যমাযুষ্যমঘৌঘমর্ষণম্ ।
যো নিত্যদাকর্ণ্য নরোঽনুকীর্তযেদ্
ধুনোত্যঘং কৌরব ভক্তিভাবতঃ ॥ ৬১ ॥