ஶ்ரீமத்பாகவதம் ௪.௭

மைத்ரேய உவாச
இத்யஜேநாநுநீதேந பவேந பரிதுஷ்யதா ।
அப்யதாயி மஹாபாஹோ ப்ரஹஸ்ய ஶ்ரூயதாமிதி ॥ ௧ ॥

மஹாதேவ உவாச
நாகம் ப்ரஜேஶ பாலாநாம் வர்ணயே நாநுசிந்தயே ।
தேவமாயாபிபூதாநாம் தண்டஸ்தத்ர த்ரு'தோ மயா ॥ ௨ ॥

ப்ரஜாபதேர்தக்தஶீர்ஷ்ணோ பவத்வஜமுகம் ஶிரஃ ।
மித்ரஸ்ய சக்ஷுஷேக்ஷேத பாகம் ஸ்வம் பர்ஹிஷோ பகஃ ॥ ௩ ॥

பூஷா து யஜமாநஸ்ய தத்பிர்ஜக்ஷது பிஷ்டபுக் ।
தேவாஃ ப்ரக்ரு'தஸர்வாங்கா யே ம உச்சேஷணம் ததுஃ ॥ ௪ ॥

பாஹுப்யாமஶ்விநோஃ பூஷ்ணோ ஹஸ்தாப்யாம் க்ரு'தபாஹவஃ ।
பவந்த்வத்வர்யவஶ்சாந்யே பஸ்தஶ்மஶ்ருர்ப்ரு'குர்பவேத் ॥ ௫ ॥

மைத்ரேய உவாச
ததா ஸர்வாணி பூதாநி ஶ்ருத்வா மீடுஷ்டமோதிதம் ।
பரிதுஷ்டாத்மபிஸ்தாத ஸாது ஸாத்வித்யதாப்ருவந் ॥ ௬ ॥

ததோ மீட்வாம்ஸமாமந்த்ர்ய ஶுநாஸீராஃ ஸஹர்ஷிபிஃ ।
பூயஸ்தத்தேவயஜநம் ஸமீட்வத்வேதஸோ யயுஃ ॥ ௭ ॥

விதாய கார்த்ஸ்ந்யேந ச தத்யதாஹ பகவாந் பவஃ ।
ஸந்ததுஃ கஸ்ய காயேந ஸவநீயபஶோஃ ஶிரஃ ॥ ௮ ॥

ஸந்தீயமாநே ஶிரஸி தக்ஷோ ருத்ராபிவீக்ஷிதஃ ।
ஸத்யஃ ஸுப்த இவோத்தஸ்தௌ தத்ரு'ஶே சாக்ரதோ ம்ரு'டம் ॥ ௯ ॥

ததா வ்ரு'ஷத்வஜத்வேஷகலிலாத்மா ப்ரஜாபதிஃ ।
ஶிவாவலோகாதபவச்சரத்த்ரத இவாமலஃ ॥ ௧௦ ॥

பவஸ்தவாய க்ரு'ததீர்நாஶக்நோதநுராகதஃ ।
ஔத்கண்ட்யாத்பாஷ்பகலயா ஸம்பரேதாம் ஸுதாம் ஸ்மரந் ॥ ௧௧ ॥

க்ரு'ச்ச்ராத்ஸம்ஸ்தப்ய ச மநஃ ப்ரேமவிஹ்வலிதஃ ஸுதீஃ ।
ஶஶம்ஸ நிர்வ்யலீகேந பாவேநேஶம் ப்ரஜாபதிஃ ॥ ௧௨ ॥

தக்ஷ உவாச
பூயாநநுக்ரஹ அஹோ பவதா க்ரு'தோ மே
தண்டஸ்த்வயா மயி ப்ரு'தோ யதபி ப்ரலப்தஃ ।
ந ப்ரஹ்மபந்துஷு ச வாம் பகவந்நவஜ்ஞா
துப்யம் ஹரேஶ்ச குத ஏவ த்ரு'தவ்ரதேஷு ॥ ௧௩ ॥

வித்யாதபோவ்ரததராந் முகதஃ ஸ்ம விப்ராந்
ப்ரஹ்மாத்மதத்த்வமவிதும் ப்ரதமம் த்வமஸ்ராக் ।
தத்ப்ராஹ்மணாந் பரம ஸர்வவிபத்ஸு பாஸி
பாலஃ பஶூநிவ விபோ ப்ரக்ரு'ஹீததண்டஃ ॥ ௧௪ ॥

யோ'ஸௌ மயாவிதிததத்த்வத்ரு'ஶா ஸபாயாம்
க்ஷிப்தோ துருக்திவிஶிகைர்விகணய்ய தந்மாம் ।
அர்வாக் பதந்தமர்ஹத்தமநிந்தயாபாத்
த்ரு'ஷ்டயார்த்ரயா ஸ பகவாந்ஸ்வக்ரு'தேந துஷ்யேத் ॥ ௧௫ ॥

மைத்ரேய உவாச
க்ஷமாப்யைவம் ஸ மீட்வாம்ஸம் ப்ரஹ்மணா சாநுமந்த்ரிதஃ ।
கர்ம ஸந்தாநயாமாஸ ஸோபாத்யாயர்த்விகாதிபிஃ ॥ ௧௬ ॥

வைஷ்ணவம் யஜ்ஞஸந்தத்யை த்ரிகபாலம் த்விஜோத்தமாஃ ।
புரோடாஶம் நிரவபந் வீரஸம்ஸர்கஶுத்தயே ॥ ௧௭ ॥

அத்வர்யுணாத்தஹவிஷா யஜமாநோ விஶாம்பதே ।
தியா விஶுத்தயா தத்யௌ ததா ப்ராதுரபூத்தரிஃ ॥ ௧௮ ॥

ததா ஸ்வப்ரபயா தேஷாம் த்யோதயந்த்யா திஶோ தஶ ।
முஷ்ணம்ஸ்தேஜ உபாநீதஸ்தார்க்ஷ்யேண ஸ்தோத்ரவாஜிநா ॥ ௧௯ ॥

ஶ்யாமோ ஹிரண்யரஶநோ'ர்ககிரீடஜுஷ்டோ
நீலாலகப்ரமரமண்டிதகுண்டலாஸ்யஃ ।
ஶங்காப்ஜசக்ரஶரசாபகதாஸிசர்ம-
வ்யக்ரைர்ஹிரண்மயபுஜைரிவ கர்ணிகாரஃ ॥ ௨௦ ॥

வக்ஷஸ்யதிஶ்ரிதவதூர்வநமால்யுதார
ஹாஸாவலோககலயா ரமயம்ஶ்ச விஶ்வம் ।
பார்ஶ்வப்ரமத்வயஜநசாமரராஜஹம்ஸஃ
ஶ்வேதாதபத்ரஶஶிநோபரி ரஜ்யமாநஃ ॥ ௨௧ ॥

தமுபாகதமாலக்ஷ்ய ஸர்வே ஸுரகணாதயஃ ।
ப்ரணேமுஃ ஸஹஸோத்தாய ப்ரஹ்மேந்த்ரத்ர்யக்ஷநாயகாஃ ॥ ௨௨ ॥

தத்தேஜஸா ஹதருசஃ ஸந்நஜிஹ்வாஃ ஸஸாத்வஸாஃ ।
மூர்த்நா த்ரு'தாஞ்ஜலிபுடா உபதஸ்துரதோக்ஷஜம் ॥ ௨௩ ॥

அப்யர்வாக்வ்ரு'த்தயோ யஸ்ய மஹி த்வாத்மபுவாதயஃ ।
யதாமதி க்ரு'ணந்தி ஸ்ம க்ரு'தாநுக்ரஹவிக்ரஹம் ॥ ௨௪ ॥

தக்ஷோ க்ரு'ஹீதார்ஹணஸாதநோத்தமம்
யஜ்ஞேஶ்வரம் விஶ்வஸ்ரு'ஜாம் பரம் குரும் ।
ஸுநந்தநந்தாத்யநுகைர்வ்ரு'தம் முதா
க்ரு'ணந் ப்ரபேதே ப்ரயதஃ க்ரு'தாஞ்ஜலிஃ ॥ ௨௫ ॥

தக்ஷ உவாச
ஶுத்தம் ஸ்வதாம்ந்யுபரதாகிலபுத்த்யவஸ்தம்
சிந்மாத்ரமேகமபயம் ப்ரதிஷித்ய மாயாம் ।
திஷ்டம்ஸ்தயைவ புருஷத்வமுபேத்ய தஸ்யா-
மாஸ்தே பவாநபரிஶுத்த இவாத்மதந்த்ரஃ ॥ ௨௬ ॥

ரு'த்விஜ ஊசுஃ
தத்த்வம் ந தே வயமநஞ்ஜந ருத்ரஶாபாத்
கர்மண்யவக்ரஹதியோ பகவந்விதாமஃ ।
தர்மோபலக்ஷணமிதம் த்ரிவ்ரு'தத்வராக்யம்
ஜ்ஞாதம் யதர்தமதிதைவமதோ வ்யவஸ்தாஃ ॥ ௨௭ ॥

ஸதஸ்யா ஊசுஃ
உத்பத்த்யத்வந்யஶரண உருக்லேஶதுர்கே'ந்தகோக்ர
வ்யாலாந்விஷ்டே விஷயம்ரு'கத்ரு'ஷ்யாத்மகேஹோருபாரஃ ।
த்வந்த்வஶ்வப்ரே கலம்ரு'கபயே ஶோகதாவே'ஜ்ஞஸார்தஃ
பாதௌகஸ்தே ஶரணத கதா யாதி காமோபஸ்ரு'ஷ்டஃ ॥ ௨௮ ॥

ருத்ர உவாச
தவ வரத வராங்க்ராவாஶிஷேஹாகிலார்தே
ஹ்யபி முநிபிரஸக்தைராதரேணார்ஹணீயே ।
யதி ரசிததியம் மாவித்யலோகோ'பவித்தம்
ஜபதி ந கணயே தத்த்வத்பராநுக்ரஹேண ॥ ௨௯ ॥

ப்ரு'குருவாச
யந்மாயயா கஹநயாபஹ்ரு'தாத்மபோதா
ப்ரஹ்மாதயஸ்தநுப்ரு'தஸ்தமஸி ஸ்வபந்தஃ ।
நாத்மந் ஶ்ரிதம் தவ விதந்த்யதுநாபி தத்த்வம்
ஸோ'யம் ப்ரஸீதது பவாந்ப்ரணதாத்மபந்துஃ ॥ ௩௦ ॥

ப்ரஹ்மோவாச
நைதத்ஸ்வரூபம் பவதோ'ஸௌ பதார்த
பேதக்ரஹைஃ புருஷோ யாவதீக்ஷேத் ।
ஜ்ஞாநஸ்ய சார்தஸ்ய குணஸ்ய சாஶ்ரயோ
மாயாமயாத்வயதிரிக்தோ மதஸ்த்வம் ॥ ௩௧ ॥

இந்த்ர உவாச
இதமப்யச்யுத விஶ்வபாவநம்
வபுராநந்தகரம் மநோத்ரு'ஶாம் ।
ஸுரவித்விட்க்ஷபணைருதாயுதை
ர்புஜதண்டைருபபந்நமஷ்டபிஃ ॥ ௩௨ ॥

பத்ந்ய ஊசுஃ
யஜ்ஞோ'யம் தவ யஜநாய கேந ஸ்ரு'ஷ்டோ
வித்வஸ்தஃ பஶுபதிநாத்ய தக்ஷகோபாத் ।
தம் நஸ்த்வம் ஶவஶயநாபஶாந்தமேதம்
யஜ்ஞாத்மந்நலிநருசா த்ரு'ஶா புநீஹி ॥ ௩௩ ॥

ரு'ஷய ஊசுஃ
அநந்விதம் தே பகவந் விசேஷ்டிதம்
யதாத்மநா சரஸி ஹி கர்ம நாஜ்யஸே ।
விபூதயே யத உபஸேதுரீஶ்வரீம்
ந மந்யதே ஸ்வயமநுவர்ததீம் பவாந் ॥ ௩௪ ॥

ஸித்தா ஊசுஃ
அயம் த்வத்கதாம்ரு'ஷ்டபீயூஷநத்யாம்
மநோவாரணஃ க்லேஶதாவாக்நிதக்தஃ ।
த்ரு'ஷார்தோ'வகாடோ ந ஸஸ்மார தாவம்
ந நிஷ்க்ராமதி ப்ரஹ்மஸம்பந்நவந்நஃ ॥ ௩௫ ॥

யஜமாந்யுவாச
ஸ்வாகதம் தே ப்ரஸீதேஶ துப்யம் நமஃ
ஶ்ரீநிவாஸ ஶ்ரியா காந்தயா த்ராஹி நஃ ।
த்வாம்ரு'தே'தீஶ நாங்கைர்மகஃ ஶோபதே
ஶீர்ஷஹீநஃ கபந்தோ யதா புருஷஃ ॥ ௩௬ ॥

லோகபாலா ஊசுஃ
த்ரு'ஷ்டஃ கிம் நோ த்ரு'க்பிரஸத்க்ரஹைஸ்த்வம்
ப்ரத்யக்த்ரஷ்டா த்ரு'ஶ்யதே யேந விஶ்வம் ।
மாயா ஹ்யேஷா பவதீயா ஹி பூமந்
யஸ்த்வம் ஷஷ்டஃ பஞ்சபிர்பாஸி பூதைஃ ॥ ௩௭ ॥

யோகேஶ்வரா ஊசு
ப்ரேயாந்ந தே'ந்யோ'ஸ்த்யமுதஸ்த்வயி ப்ரபோ
விஶ்வாத்மநீக்ஷேந்ந ப்ரு'தக்ய ஆத்மநஃ ।
அதாபி பக்த்யேஶ தயோபதாவதா-
மநந்யவ்ரு'த்த்யாநுக்ரு'ஹாண வத்ஸல ॥ ௩௮ ॥

ஜகதுத்பவஸ்திதிலயேஷு தைவதோ
பஹுபித்யமாநகுணயாத்மமாயயா ।
ரசிதாத்மபேதமதயே ஸ்வஸம்ஸ்தயா
விநிவர்திதப்ரமகுணாத்மநே நமஃ ॥ ௩௯ ॥

ப்ரஹ்மோவாச
நமஸ்தே ஶ்ரிதஸத்த்வாய தர்மாதீநாம் ச ஸூதயே ।
நிர்குணாய ச யத்காஷ்டாம் நாஹம் வேதாபரே'பி ச ॥ ௪௦ ॥

அக்நிருவாச
யத்தேஜஸாஹம் ஸுஸமித்ததேஜா
ஹவ்யம் வஹே ஸ்வத்வர ஆஜ்யஸிக்தம் ।
தம் யஜ்ஞியம் பஞ்சவிதம் ச பஞ்சபிஃ
ஸ்விஷ்டம் யஜுர்பிஃ ப்ரணதோ'ஸ்மி யஜ்ஞம் ॥ ௪௧ ॥

தேவா ஊசுஃ
புரா கல்பாபாயே ஸ்வக்ரு'தமுதரீக்ரு'த்ய விக்ரு'தம்
த்வமேவாத்யஸ்தஸ்மிந் ஸலில உரகேந்த்ராதிஶயநே ।
புமாந்ஶேஷே ஸித்தைர்ஹ்ரு'தி விம்ரு'ஶிதாத்யாத்மபதவிஃ
ஸ ஏவாத்யாக்ஷ்ணோர்யஃ பதி சரஸி ப்ரு'த்யாநவஸி நஃ ॥ ௪௨ ॥

கந்தர்வா ஊசுஃ
அம்ஶாம்ஶாஸ்தே தேவ மரீச்யாதய ஏதே
ப்ரஹ்மேந்த்ராத்யா தேவகணா ருத்ரபுரோகாஃ ।
க்ரீடாபாண்டம் விஶ்வமிதம் யஸ்ய விபூமந்
தஸ்மை நித்யம் நாத நமஸ்தே கரவாம ॥ ௪௩ ॥

வித்யாதரா ஊசுஃ
த்வந்மாயயார்தமபிபத்ய கலேவரே'ஸ்மிந்
க்ரு'த்வா மமாஹமிதி துர்மதிருத்பதைஃ ஸ்வைஃ ।
க்ஷிப்தோ'ப்யஸத்விஷயலாலஸ ஆத்மமோஹம்
யுஷ்மத்கதாம்ரு'தநிஷேவக உத்வயுதஸ்யேத் ॥ ௪௪ ॥

ப்ராஹ்மணா ஊசுஃ
த்வம் க்ரதுஸ்த்வம் ஹவிஸ்த்வம் ஹுதாஶஃ ஸ்வயம்த்வம் ஹி மந்த்ரஃ ஸமித்தர்பபாத்ராணி ச । த்வம் ஸதஸ்யர்த்விஜோ தம்பதீ தேவதாஅக்நிஹோத்ரம் ஸ்வதா ஸோம ஆஜ்யம் பஶுஃ ॥ ௪௫ ॥

த்வம் புரா காம் ரஸாயா மஹாஸூகரோ
தம்ஷ்ட்ரயா பத்மிநீம் வாரணேந்த்ரோ யதா ।
ஸ்தூயமாநோ நதல்லீலயா யோகிபி-
ர்வ்யுஜ்ஜஹர்த த்ரயீகாத்ர யஜ்ஞக்ரதுஃ ॥ ௪௬ ॥

ஸ ப்ரஸீத த்வமஸ்மாகமாகாங்க்ஷதாம்
தர்ஶநம் தே பரிப்ரஷ்டஸத்கர்மணாம் ।
கீர்த்யமாநே ந்ரு'பிர்நாம்நி யஜ்ஞேஶ தே
யஜ்ஞவிக்நாஃ க்ஷயம் யாந்தி தஸ்மை நமஃ ॥ ௪௭ ॥

மைத்ரேய உவாச
இதி தக்ஷஃ கவிர்யஜ்ஞம் பத்ர ருத்ராபிமர்ஶிதம் ।
கீர்த்யமாநே ஹ்ரு'ஷீகேஶே ஸந்நிந்யே யஜ்ஞபாவநே ॥ ௪௮ ॥

பகவாந் ஸ்வேந பாகேந ஸர்வாத்மா ஸர்வபாகபுக் ।
தக்ஷம் பபாஷ ஆபாஷ்ய ப்ரீயமாண இவாநக ॥ ௪௯ ॥

ஶ்ரீபகவாநுவாச
அஹம் ப்ரஹ்மா ச ஶர்வஶ்ச ஜகதஃ காரணம் பரம் ।
ஆத்மேஶ்வர உபத்ரஷ்டா ஸ்வயம்த்ரு'கவிஶேஷணஃ ॥ ௫௦ ॥

ஆத்மமாயாம் ஸமாவிஶ்ய ஸோ'ஹம் குணமயீம் த்விஜ ।
ஸ்ரு'ஜந் ரக்ஷந் ஹரந் விஶ்வம் தத்ரே ஸம்ஜ்ஞாம் க்ரியோசிதாம் ॥ ௫௧ ॥

தஸ்மிந் ப்ரஹ்மண்யத்விதீயே கேவலே பரமாத்மநி ।
ப்ரஹ்மருத்ரௌ ச பூதாநி பேதேநாஜ்ஞோ'நுபஶ்யதி ॥ ௫௨ ॥

யதா புமாந்ந ஸ்வாங்கேஷு ஶிரஃபாண்யாதிஷு க்வசித் ।
பாரக்யபுத்திம் குருதே ஏவம் பூதேஷு மத்பரஃ ॥ ௫௩ ॥

த்ரயாணாமேகபாவாநாம் யோ ந பஶ்யதி வை பிதாம் ।
ஸர்வபூதாத்மநாம் ப்ரஹ்மந் ஸ ஶாந்திமதிகச்சதி ॥ ௫௪ ॥

மைத்ரேய உவாச
ஏவம் பகவதாதிஷ்டஃ ப்ரஜாபதிபதிர்ஹரிம் ।
அர்சித்வா க்ரதுநா ஸ்வேந தேவாநுபயதோ'யஜத் ॥ ௫௫ ॥

ருத்ரம் ச ஸ்வேந பாகேந ஹ்யுபாதாவத்ஸமாஹிதஃ ।
கர்மணோதவஸாநேந ஸோமபாநிதராநபி ।
உதவஸ்ய ஸஹர்த்விக்பிஃ ஸஸ்நாவவப்ரு'தம் ததஃ ॥ ௫௬ ॥

தஸ்மா அப்யநுபாவேந ஸ்வேநைவாவாப்தராதஸே ।
தர்ம ஏவ மதிம் தத்த்வா த்ரிதஶாஸ்தே திவம் யயுஃ ॥ ௫௭ ॥

ஏவம் தாக்ஷாயணீ ஹித்வா ஸதீ பூர்வகலேவரம் ।
ஜஜ்ஞே ஹிமவதஃ க்ஷேத்ரே மேநாயாமிதி ஶுஶ்ரும ॥ ௫௮ ॥

தமேவ தயிதம் பூய ஆவ்ரு'ங்க்தே பதிமம்பிகா ।
அநந்யபாவைககதிம் ஶக்திஃ ஸுப்தேவ பூருஷம் ॥ ௫௯ ॥

ஏதத்பகவதஃ ஶம்போஃ கர்ம தக்ஷாத்வரத்ருஹஃ ।
ஶ்ருதம் பாகவதாச்சிஷ்யாதுத்தவாந்மே ப்ரு'ஹஸ்பதேஃ ॥ ௬௦ ॥

இதம் பவித்ரம் பரமீஶசேஷ்டிதம்
யஶஸ்யமாயுஷ்யமகௌகமர்ஷணம் ।
யோ நித்யதாகர்ண்ய நரோ'நுகீர்தயேத்
துநோத்யகம் கௌரவ பக்திபாவதஃ ॥ ௬௧ ॥