ஶ்ரீமத்பாகவதம் ௫.௧

ராஜோவாச
ப்ரியவ்ரதோ பாகவத ஆத்மாராமஃ கதம் முநே ।
க்ரு'ஹே'ரமத யந்மூலஃ கர்மபந்தஃ பராபவஃ ॥ ௧ ॥

ந நூநம் முக்தஸங்காநாம் தாத்ரு'ஶாநாம் த்விஜர்ஷப ।
க்ரு'ஹேஷ்வபிநிவேஶோ'யம் பும்ஸாம் பவிதுமர்ஹதி ॥ ௨ ॥

மஹதாம் கலு விப்ரர்ஷே உத்தமஶ்லோகபாதயோஃ ।
சாயாநிர்வ்ரு'தசித்தாநாம் ந குடும்பே ஸ்ப்ரு'ஹாமதிஃ ॥ ௩ ॥

ஸம்ஶயோ'யம் மஹாந் ப்ரஹ்மந் தாராகாரஸுதாதிஷு ।
ஸக்தஸ்ய யத்ஸித்திரபூத்க்ரு'ஷ்ணே ச மதிரச்யுதா ॥ ௪ ॥

ஶ்ரீஶுக உவாச
பாடமுக்தம் பகவத உத்தமஶ்லோகஸ்ய ஶ்ரீமச்சரணாரவிந்தமகரந்தரஸ ஆவேஶிதசேதஸோ பாகவதபரமஹம்ஸ தயிதகதாம் கிஞ்சிதந்தராயவிஹதாம் ஸ்வாம் ஶிவதமாம் பதவீம் ந ப்ராயேண ஹிந்வந்தி ॥ ௫ ॥

யர்ஹி வாவ ஹ ராஜந் ஸ ராஜபுத்ரஃ ப்ரியவ்ரதஃ பரமபாகவதோ நாரதஸ்ய சரணோபஸேவயாஞ்ஜஸாவகதபரமார்தஸதத்த்வோ ப்ரஹ்மஸத்ரேண தீக்ஷிஷ்யமாணஃ அவநிதலபரிபாலநாயாம்நாதப்ரவரகுணகணைகாந்தபாஜநதயா ஸ்வபித்ரோபாமந்த்ரிதோ பகவதி வாஸுதேவ ஏவாவ்யவதாநஸமாதியோகேந ஸமாவேஶித-ஸகலகாரகக்ரியாகலாபோ நைவாப்யநந்தத்யத்யபி ததப்ரத்யாம்நாதவ்யம் தததிகரண ஆத்மநோ'ந்யஸ்மாத ஸதோ'பி பராபவமந்வீக்ஷமாணஃ ॥ ௬ ॥

அத ஹ பகவாநாதிதேவ ஏதஸ்ய குணவிஸர்கஸ்ய பரிப்ரு'ம்ஹணாநுத்யாநவ்யவஸித ஸகலஜகதபிப்ராய
ஆத்மயோநிரகிலநிகமநிஜகணபரிவேஷ்டிதஃ ஸ்வபவநாதவததார ॥ ௭ ॥

ஸ தத்ர தத்ர ககநதல உடுபதிரிவ விமாநாவலிபிரநுபதமமரபரிவ்ரு'டைரபிபூஜ்யமாநஃ பதி பதி ச வரூதஶஃ ஸித்தகந்தர்வஸாத்யசாரணமுநிகணைருபகீயமாநோ கந்தமாதநத்ரோணீமவபாஸயந்நுபஸஸர்ப ॥ ௮ ॥

தத்ர ஹ வா ஏநம் தேவர்ஷிர்ஹம்ஸயாநேந பிதரம் பகவந்தம் ஹிரண்யகர்பமுபலபமாநஃ ஸஹஸைவோத்தாயார்ஹணேந ஸஹ பிதாபுத்ராப்யாமவஹிதாஞ்ஜலிருபதஸ்தே ॥ ௯ ॥

பகவாநபி பாரத ததுபநீதார்ஹணஃ ஸூக்தவாகேநாதிதராமுதிதகுணகணாவதாரஸுஜயஃ ப்ரியவ்ரதமாதி புருஷஸ்தம் ஸதயஹாஸாவலோக இதி ஹோவாச ॥ ௧௦ ॥

ஶ்ரீபகவாநுவாச
நிபோத தாதேதம்ரு'தம் ப்ரவீமி
மாஸூயிதும் தேவமர்ஹஸ்யப்ரமேயம் ।
வயம் பவஸ்தே தத ஏஷ மஹர்ஷி-
ர்வஹாம ஸர்வே விவஶா யஸ்ய திஷ்டம் ॥ ௧௧ ॥

ந தஸ்ய கஶ்சித்தபஸா வித்யயா வா
ந யோகவீர்யேண மநீஷயா வா ।
நைவார்ததர்மைஃ பரதஃ ஸ்வதோ வா
க்ரு'தம் விஹந்தும் தநுப்ரு'த்விபூயாத் ॥ ௧௨ ॥

பவாய நாஶாய ச கர்ம கர்தும்
ஶோகாய மோஹாய ஸதா பயாய ।
ஸுகாய துஃகாய ச தேஹயோக-
மவ்யக்ததிஷ்டம் ஜநதாங்க தத்தே ॥ ௧௩ ॥

யத்வாசி தந்த்யாம் குணகர்மதாமபிஃ
ஸுதுஸ்தரைர்வத்ஸ வயம் ஸுயோஜிதாஃ ।
ஸர்வே வஹாமோ பலிமீஶ்வராய
ப்ரோதா நஸீவ த்விபதே சதுஷ்பதஃ ॥ ௧௪ ॥

ஈஶாபிஸ்ரு'ஷ்டம் ஹ்யவருந்த்மஹே'ங்க
துஃகம் ஸுகம் வா குணகர்மஸங்காத் ।
ஆஸ்தாய தத்தத்யதயுங்க்த நாத-
ஶ்சக்ஷுஷ்மதாந்தா இவ நீயமாநாஃ ॥ ௧௫ ॥

முக்தோ'பி தாவத்பிப்ரு'யாத்ஸ்வதேஹ-
மாரப்தமஶ்நந்நபிமாநஶூந்யஃ ।
யதாநுபூதம் ப்ரதியாதநித்ரஃ
கிம் த்வந்யதேஹாய குணாந்ந வ்ரு'ங்க்தே ॥ ௧௬ ॥

பயம் ப்ரமத்தஸ்ய வநேஷ்வபி ஸ்யாத்
யதஃ ஸ ஆஸ்தே
ஸஹஷட்ஸபத்நஃ ।
ஜிதேந்த்ரியஸ்யாத்மரதேர்புதஸ்ய
க்ரு'ஹாஶ்ரமஃ
கிம் நு
கரோத்யவத்யம் ॥ ௧௭ ॥

யஃ ஷட் ஸபத்நாந் விஜிகீஷமாணோ
க்ரு'ஹேஷு நிர்விஶ்ய யதேத பூர்வம் ।
அத்யேதி துர்காஶ்ரித ஊர்ஜிதாரீந்
க்ஷீணேஷு காமம் விசரேத்விபஶ்சித் ॥ ௧௮ ॥

த்வம் த்வப்ஜநாபாங்க்ரிஸரோஜகோஶ-
துர்காஶ்ரிதோ நிர்ஜிதஷட்ஸபத்நஃ ।
புங்க்ஷ்வேஹ போகாந் புருஷாதிதிஷ்டாந்
விமுக்தஸங்கஃ ப்ரக்ரு'திம் பஜஸ்வ ॥ ௧௯ ॥

ஶ்ரீஶுக உவாச
இதி ஸமபிஹிதோ மஹாபாகவதோ பகவதஸ்த்ரிபுவநகுரோரநுஶாஸநமாத்மநோ லகுதயாவநதஶிரோதரோ பாடமிதி ஸபஹுமாநமுவாஹ ॥ ௨௦ ॥

பகவாநபி மநுநா யதாவதுபகல்பிதாபசிதிஃ ப்ரியவ்ரதநாரதயோரவிஷமமபிஸமீக்ஷமாணயோராத்மஸமவஸ்தாநமவாங்மநஸம் க்ஷயமவ்யவஹ்ரு'தம் ப்ரவர்தயந்நகமத் ॥ ௨௧ ॥

மநுரபி பரேணைவம் ப்ரதிஸந்திதமநோரதஃ ஸுரர்ஷிவராநுமதேநாத்மஜமகிலதராமண்டலஸ்திதிகுப்தய ஆஸ்தாப்ய ஸ்வயமதிவிஷமவிஷயவிஷஜலாஶயாஶாயா உபரராம ॥ ௨௨ ॥

இதி ஹ வாவ ஸ ஜகதீபதிரீஶ்வரேச்சயாதிநிவேஶிதகர்மாதிகாரோ'கிலஜகத்பந்தத்வம்ஸநபராநுபாவஸ்ய பகவத ஆதிபுருஷஸ்யாங்க்ரியுகலாநவரதத்யாநாநுபாவேந பரிரந்திதகஷாயாஶயோ'வதாதோ'பி மாநவர்தநோ மஹதாம் மஹீதலமநுஶஶாஸ ॥ ௨௩ ॥

அத ச துஹிதரம் ப்ரஜாபதேர்விஶ்வகர்மண உபயேமே பர்ஹிஷ்மதீம் நாம தஸ்யாமு ஹ வாவ ஆத்மஜாநாத்மஸமாநஶீலகுணகர்மரூபவீர்யோதாராந்தஶ பாவயாம்பபூவ கந்யாம் ச யவீயஸீமூர்ஜஸ்வதீம் நாம ॥ ௨௪ ॥

ஆக்நீத்ரேத்மஜிஹ்வயஜ்ஞபாஹுமஹாவீரஹிரண்யரேதோக்ரு'தப்ரு'ஷ்டஸவநமேதாதிதிவீதிஹோத்ரகவய இதி ஸர்வ ஏவாக்நிநாமாநஃ ॥ ௨௫ ॥

ஏதேஷாம் கவிர்மஹாவீரஃ ஸவந இதி த்ரய ஆஸந்நூர்த்வரேதஸஸ்த ஆத்மவித்யாயாமர்பபாவாதாரப்ய க்ரு'தபரிசயாஃ பாரமஹம்ஸ்யமேவாஶ்ரமமபஜந் ॥ ௨௬ ॥

தஸ்மிந்நு ஹ வா உபஶமஶீலாஃ பரமர்ஷயஃ ஸகலஜீவநிகாயாவாஸஸ்ய பகவதோ வாஸுதேவஸ்ய பீதாநாம் ஶரணபூதஸ்ய ஶ்ரீமச்சரணாரவிந்தாவிரதஸ்மரணாவிகலிதபரமபக்தியோகாநுபாவேந பரிபாவிதாந்தர்ஹ்ரு'தயாதிகதே பகவதி ஸர்வேஷாம் பூதாநாமாத்மபூதே ப்ரத்யகாத்மந்யேவா- த்மநஸ்தாதாத்ம்யமவிஶேஷேண ஸமீயுஃ ॥ ௨௭ ॥

அந்யஸ்யாமபி ஜாயாயாம் த்ரயஃ புத்ரா ஆஸந்நுத்தமஸ்தாமஸோ ரைவத இதி மந்வந்தராதிபதயஃ ॥ ௨௮ ॥

ஏவமுபஶமாயநேஷு ஸ்வதநயேஷ்வத ஜகதீபதிர்ஜகதீமர்புதாந்யேகாதஶ பரிவத்ஸராணாமவ்யாஹதாகிலபுருஷகாரஸாரஸம்ப்ரு'ததோர்தண்டயுகலாபீடிதமௌர்வீகுணஸ்தநிதவிரமிததர்மப்ரதிபக்ஷோ பர்ஹிஷ்மத்யாஶ்சாநுதிநமேதமாநப்ரமோதப்ரஸரணயௌஷிண்யவ்ரீடாப்ரமுஷிதஹாஸாவலோகருசிரக்ஷ்வேல்யாதிபிஃ பராபூயமாநவிவேக இவாநவபுத்யமாந இவ மஹாமநா புபுஜே ॥ ௨௯ ॥

யாவதவபாஸயதி ஸுரகிரிமநுபரிக்ராமந் பகவாநாதித்யோ வஸுதாதலமர்தேநைவ ப்ரதபத்யர்தேநாவச்சாதயதி ததா ஹி பகவதுபாஸநோபசிதாதிபுருஷப்ரபாவஸ்ததநபிநந்தந் ஸமஜவேந ரதேந ஜ்யோதிர்மயேந ரஜநீமபி திநம் கரிஷ்யாமீதி ஸப்தக்ரு'த்வஸ்தரணிமநுபர்யக்ராமத் த்விதீய இவ பதங்கஃ ॥ ௩௦ ॥

யே வா உ ஹ தத்ரதசரணநேமிக்ரு'தபரிகாதாஸ்தே ஸப்த ஸிந்தவ ஆஸந் யத ஏவ க்ரு'தாஃ ஸப்த புவோ த்வீபாஃ ॥ ௩௧ ॥

ஜம்பூப்லக்ஷஶால்மலிகுஶக்ரௌஞ்சஶாகபுஷ்கரஸம்ஜ்ஞாஸ்தேஷாம் பரிமாணம் பூர்வஸ்மாத்பூர்வஸ்மாதுத்தர உத்தரோ யதாஸம்க்யம் த்விகுணமாநேந பஹிஃ ஸமந்தத உபக்ல்ரு'ப்தாஃ ॥ ௩௨ ॥

க்ஷாரோதேக்ஷுரஸோதஸுரோதக்ரு'தோதக்ஷீரோதததிமண்டோதஶுத்தோதாஃ ஸப்த ஜலதயஃ ஸப்த த்வீபபரிகா இவாப்யந்தரத்வீபஸமாநா ஏகைகஶ்யேந யதாநுபூர்வம் ஸப்தஸ்வபி பஹிர்த்வீபேஷு ப்ரு'தக்பரித உபகல்பிதாஸ்தேஷு ஜம்ப்வாதிஷு பர்ஹிஷ்மதீபதிரநுவ்ரதாநாத்மஜாநாக்நீத்ரேத்மஜிஹ்வயஜ்ஞபாஹுஹிரண்யரேதோக்ரு'தப்ரு'ஷ்டமேதாதிதிவீதிஹோத்ரஸம்ஜ்ஞாந் யதா ஸம்க்யேநைகைகஸ்மிந்நேகமேவாதிபதிம் விததே ॥ ௩௩ ॥

துஹிதரம் சோர்ஜஸ்வதீம் நாமோஶநஸே ப்ராயச்சத்யஸ்யாமாஸீத் தேவயாநீ நாம காவ்யஸுதா ॥ ௩௪ ॥

நைவம்விதஃ புருஷகார உருக்ரமஸ்யபும்ஸாம் ததங்க்ரிரஜஸா ஜிதஷட்குணாநாம் । சித்ரம் விதூரவிகதஃ ஸக்ரு'தாததீதயந்நாமதேயமதுநா ஸ ஜஹாதி பந்தம் ॥ ௩௫ ॥

ஸ ஏவமபரிமிதபலபராக்ரம ஏகதா து தேவர்ஷிசரணாநுஶயநாநுபதிதகுணவிஸர்கஸம்ஸர்கேணாநிர்வ்ரு'தமிவாத்மாநம் மந்யமாந ஆத்மநிர்வேத இதமாஹ ॥ ௩௬ ॥

அஹோ அஸாத்வநுஷ்டிதம் யதபிநிவேஶிதோ'ஹமிந்த்ரியைரவித்யாரசிதவிஷமவிஷயாந்தகூபே ததலமலமமுஷ்யா வநிதாயா விநோதம்ரு'கம் மாம் திக்திகிதி கர்ஹயாஞ்சகார ॥ ௩௭ ॥

பரதேவதாப்ரஸாதாதிகதாத்மப்ரத்யவமர்ஶேநாநுப்ரவ்ரு'த்தேப்யஃ புத்ரேப்ய இமாம் யதாதாயம் விபஜ்ய புக்தபோகாம் ச மஹிஷீம் ம்ரு'தகமிவ ஸஹ மஹாவிபூதிமபஹாய ஸ்வயம் நிஹிதநிர்வேதோ ஹ்ரு'தி க்ரு'ஹீதஹரிவிஹாராநுபாவோ பகவதோ நாரதஸ்ய பதவீம் புநரேவாநுஸஸார ॥ ௩௮ ॥

தஸ்ய ஹ வா ஏதே ஶ்லோகாஃ—
ப்ரியவ்ரதக்ரு'தம் கர்ம கோ நு குர்யாத்விநேஶ்வரம் । யோ நேமிநிம்நைரகரோச்சாயாம் க்நந் ஸப்த வாரிதீந் ॥ ௩௯ ॥

பூஸம்ஸ்தாநம் க்ரு'தம் யேந ஸரித்கிரிவநாதிபிஃ । ஸீமா ச பூதநிர்வ்ரு'த்யை த்வீபே த்வீபே விபாகஶஃ ॥ ௪௦ ॥

பௌமம் திவ்யம் மாநுஷம் ச மஹித்வம் கர்மயோகஜம் । யஶ்சக்ரே நிரயௌபம்யம் புருஷாநுஜநப்ரியஃ ॥ ௪௧ ॥