ஶ்ரீமத்பாகவதம் ௫.௧௦

ஶ்ரீஶுக உவாச
அத ஸிந்துஸௌவீரபதே ரஹூகணஸ்ய வ்ரஜத இக்ஷுமத்யாஸ்தடே தத்குலபதிநா ஶிபிகாவாஹபுருஷாந்வேஷணஸமயே தைவேநோபஸாதிதஃ ஸ த்விஜவர உபலப்த ஏஷ பீவா யுவா ஸம்ஹநநாங்கோ கோகரவத்துரம் வோடுமலமிதி பூர்வவிஷ்டிக்ரு'ஹீதைஃ ஸஹ க்ரு'ஹீதஃ ப்ரஸபமததர்ஹ உவாஹ ஶிபிகாம் ஸ மஹாநுபாவஃ ॥ ௧ ॥

யதா ஹி த்விஜவரஸ்யேஷுமாத்ராவலோகாநுகதேர்ந ஸமாஹிதா புருஷகதிஸ்ததா விஷமகதாம் ஸ்வஶிபிகாம் ரஹூகண உபதார்ய புருஷாநதிவஹத ஆஹ ஹே வோடாரஃ ஸாத்வதிக்ரமத கிமிதி விஷமமுஹ்யதே யாநமிதி ॥ ௨ ॥

அத த ஈஶ்வரவசஃ ஸோபாலம்பமுபாகர்ண்யோபாயதுரீயாச்சங்கிதமநஸஸ்தம் விஜ்ஞாபயாம்பபூவுஃ ॥ ௩ ॥

ந வயம் நரதேவ ப்ரமத்தா பவந்நியமாநுபதாஃ ஸாத்வேவ வஹாமஃ । அயமதுநைவ நியுக்தோ'பி ந த்ருதம் வ்ரஜதி நாநேந ஸஹ வோடுமு ஹ வயம் பாரயாம இதி ॥ ௪ ॥

ஸாம்ஸர்கிகோ தோஷ ஏவ நூநமேகஸ்யாபி ஸர்வேஷாம் ஸாம்ஸர்கிகாணாம் பவிதுமர்ஹதீதி நிஶ்சித்ய நிஶம்ய க்ரு'பணவசோ ராஜா ரஹூகண உபாஸிதவ்ரு'த்தோ'பி நிஸர்கேண பலாத்க்ரு'த ஈஷதுத்திதமந்யுரவிஸ்பஷ்டப்ரஹ்மதேஜஸம் ஜாதவேதஸமிவ ரஜஸா''வ்ரு'தமதிராஹ ॥ ௫ ॥

அஹோ கஷ்டம் ப்ராதர்வ்யக்தமுருபரிஶ்ராந்தோ தீர்கமத்வாநமேக ஏவ ஊஹிவாந் ஸுசிரம் நாதிபீவா ந ஸம்ஹநநாங்கோ ஜரஸா சோபத்ருதோ பவாந் ஸகே நோ ஏவாபர ஏதே ஸங்கட்டிந இதி பஹுவிப்ரலப்தோ'ப்யவித்யயா ரசிதத்ரவ்யகுணகர்மாஶயஸ்வசரமகலேவரே'வஸ்துநி ஸம்ஸ்தாநவிஶேஷே'ஹம் மமேத்யநத்யாரோபிதமித்யாப்ரத்யயோ ப்ரஹ்மபூதஸ்தூஷ்ணீம் ஶிபிகாம் பூர்வவதுவாஹ ॥ ௬ ॥

அத புநஃ ஸ்வஶிபிகாயாம் விஷமகதாயாம் ப்ரகுபித உவாசரஹூகணஃ கிமிதமரே த்வம் ஜீவந்ம்ரு'தோ மாம் கதர்தீக்ரு'த்ய பர்த்ரு'ஶாஸநமதிசரஸி ப்ரமத்தஸ்ய ச தே கரோமி சிகித்ஸாம் தண்டபாணிரிவ ஜநதாயா யதா ப்ரக்ரு'திம் ஸ்வாம் பஜிஷ்யஸ இதி ॥ ௭ ॥

ஏவம் பஹ்வபத்தமபி பாஷமாணம் நரதேவாபிமாநம் ரஜஸா தமஸாநுவித்தேந மதேந திரஸ்க்ரு'தாஶேஷபகவத்ப்ரியநிகேதம் பண்டிதமாநிநம் ஸ பகவாந் ப்ராஹ்மணோ ப்ரஹ்மபூதஸர்வபூதஸுஹ்ரு'தாத்மா யோகேஶ்வரசர்யாயாம் நாதிவ்யுத்பந்நமதிம் ஸ்மயமாந இவ விகதஸ்மய இதமாஹ ॥ ௮ ॥

ப்ராஹ்மண உவாச
த்வயோதிதம் வ்யக்தமவிப்ரலப்தம்
பர்துஃ ஸ மே ஸ்யாத்யதி வீர பாரஃ ।
கந்துர்யதி ஸ்யாததிகம்யமத்வா
பீவேதி ராஶௌ ந விதாம் ப்ரவாதஃ ॥ ௯ ॥

ஸ்தௌல்யம் கார்ஶ்யம் வ்யாதய ஆதயஶ்ச
க்ஷுத்த்ரு'ட் பயம் கலிரிச்சா ஜரா ச ।
நித்ரா ரதிர்மந்யுரஹம்மதஃ ஶுசோ
தேஹேந ஜாதஸ்ய ஹி மே ந ஸந்தி ॥ ௧௦ ॥

ஜீவந்ம்ரு'தத்வம் நியமேந ராஜந்
ஆத்யந்தவத்யத்விக்ரு'தஸ்ய த்ரு'ஷ்டம் ।
ஸ்வஸ்வாம்யபாவோ த்ருவ ஈட்ய யத்ர
தர்ஹ்யுச்யதே'ஸௌ விதிக்ரு'த்யயோகஃ ॥ ௧௧ ॥

விஶேஷபுத்தேர்விவரம் மநாக் ச
பஶ்யாம யந்ந வ்யவஹாரதோ'ந்யத் ।
க ஈஶ்வரஸ்தத்ர கிமீஶிதவ்யம்
ததாபி ராஜந் கரவாம கிம் தே ॥ ௧௨ ॥

உந்மத்தமத்தஜடவத்ஸ்வஸம்ஸ்தாம்
கதஸ்ய மே வீர சிகித்ஸிதேந ।
அர்தஃ கியாந் பவதா ஶிக்ஷிதேந
ஸ்தப்தப்ரமத்தஸ்ய ச பிஷ்டபேஷஃ ॥ ௧௩ ॥

ஶ்ரீஶுக உவாச
ஏதாவதநுவாதபரிபாஷயா ப்ரத்யுதீர்ய முநிவர உபஶமஶீல உபரதாநாத்ம்யநிமித்த உபபோகேந கர்மாரப்தம் வ்யபநயந் ராஜயாநமபி ததோவாஹ ॥ ௧௪ ॥

ஸ சாபி பாண்டவேய ஸிந்துஸௌவீரபதிஸ்தத்த்வஜிஜ்ஞாஸாயாம் ஸம்யக்ஶ்ரத்தயாதிக்ரு'தாதிகாரஸ்தத்த்ரு'தயக்ரந்திமோசநம் த்விஜவச ஆஶ்ருத்ய பஹுயோகக்ரந்தஸம்மதம் த்வரயாவருஹ்ய ஶிரஸா பாதமூலமுபஸ்ரு'தஃ க்ஷமாபயந் விகதந்ரு'பதேவஸ்மய உவாச॥ ௧௫ ॥

கஸ்த்வம் நிகூடஶ்சரஸி த்விஜாநாம்
பிபர்ஷி ஸூத்ரம் கதமோ'வதூதஃ ।
கஸ்யாஸி குத்ரத்ய இஹாபி கஸ்மாத்
க்ஷேமாய நஶ்சேதஸி நோத ஶுக்லஃ ॥ ௧௬ ॥

நாஹம் விஶங்கே ஸுரராஜவஜ்ரா-
ந்ந த்ர்யக்ஷஶூலாந்ந யமஸ்ய தண்டாத் ।
நாக்ந்யர்கஸோமாநிலவித்தபாஸ்த்ரா-
ச்சங்கே ப்ரு'ஶம் ப்ரஹ்மகுலாவமாநாத் ॥ ௧௭ ॥

தத்ப்ரூஹ்யஸங்கோ ஜடவந்நிகூட-
விஜ்ஞாநவீர்யோ விசரஸ்யபாரஃ ।
வசாம்ஸி யோகக்ரதிதாநி ஸாதோ
ந நஃ க்ஷமந்தே மநஸாபி பேத்தும் ॥ ௧௮ ॥

அஹம் ச யோகேஶ்வரமாத்மதத்த்வ-
விதாம் முநீநாம் பரமம் குரும் வை ।
ப்ரஷ்டும் ப்ரவ்ரு'த்தஃ கிமிஹாரணம் தத்
ஸாக்ஷாத்தரிம் ஜ்ஞாநகலாவதீர்ணம் ॥ ௧௯ ॥

ஸ வை பவாஂல்லோகநிரீக்ஷணார்த-
மவ்யக்தலிங்கோ விசரத்யபிஸ்வித் ।
யோகேஶ்வராணாம் கதிமந்தபுத்திஃ
கதம் விசக்ஷீத க்ரு'ஹாநுபந்தஃ ॥ ௨௦ ॥

த்ரு'ஷ்டஃ ஶ்ரமஃ கர்மத ஆத்மநோ வை
பர்துர்கந்துர்பவதஶ்சாநுமந்யே ।
யதாஸதோதாநயநாத்யபாவாத்
ஸமூல இஷ்டோ வ்யவஹாரமார்கஃ ॥ ௨௧ ॥

ஸ்தால்யக்நிதாபாத்பயஸோ'பிதாப-
ஸ்தத்தாபதஸ்தண்டுலகர்பரந்திஃ ।
தேஹேந்த்ரியாஸ்வாஶயஸந்நிகர்ஷாத்
தத்ஸம்ஸ்ரு'திஃ புருஷஸ்யாநுரோதாத் ॥ ௨௨ ॥

ஶாஸ்தாபிகோப்தா ந்ரு'பதிஃ ப்ரஜாநாம்யஃ கிங்கரோ வை ந பிநஷ்டி பிஷ்டம் । ஸ்வதர்மமாராதநமச்யுதஸ்யயதீஹமாநோ விஜஹாத்யகௌகம் ॥ ௨௩ ॥

தந்மே பவாந்நரதேவாபிமாந-மதேந துச்சீக்ரு'தஸத்தமஸ்ய । க்ரு'ஷீஷ்ட மைத்ரீத்ரு'ஶமார்தபந்தோயதா தரே ஸதவத்யாநமம்ஹஃ ॥ ௨௪ ॥

ந விக்ரியா விஶ்வஸுஹ்ரு'த்ஸகஸ்யஸாம்யேந வீதாபிமதேஸ்தவாபி । மஹத்விமாநாத் ஸ்வக்ரு'தாத்தி மாத்ரு'ங்நங்க்ஷ்யத்யதூராதபி ஶூலபாணிஃ ॥ ௨௫ ॥