শ্রীমদ্ভাগবতম্ ৫.১৪

স হোবাচ
স এষ দেহাত্মমানিনাং সত্ত্বাদিগুণবিশেষবিকল্পিতকুশলাকুশলসমবহারবিনির্মিতবিবিধদেহাবলিভির্বিযোগসংযোগাদ্যনাদিসংসারানুভবস্য দ্বারভূতেনষডিন্দ্রিযবর্গেণ তস্মিন্দুর্গাধ্ববদসুগমেঽধ্বন্যাপতিত ঈশ্বরস্য ভগবতো বিষ্ণোর্বশবর্তিন্যা মাযযা জীবলোকোঽযং যথা বণিক্সার্থোঽর্থপরঃ স্বদেহনিষ্পাদিতকর্মানুভবঃ শ্মশানবদশিবতমাযাং সংসারাটব্যাং গতো নাদ্যাপি বিফলবহুপ্রতিযোগেহস্তত্তাপোপশমনীং হরিগুরুচরণারবিন্দমধুকরানুপদবীমবরুন্ধে ॥ ১ ॥

যস্যামু হ বা এতে ষডিন্দ্রিযনামানঃ কর্মণা দস্যব এব তে । তদ্যথা পুরুষস্য ধনং যত্কিঞ্চিদ্ধর্মৌপযিকং বহুকৃচ্ছ্রাধিগতং সাক্ষাত্পরমপুরুষারাধনলক্ষণো যোঽসৌ ধর্মস্তং তু সাম্পরায উদাহরন্তি । তদ্ধর্ম্যং ধনং দর্শনস্পর্শনশ্রবণাস্বাদনাবঘ্রাণসঙ্কল্পব্যবসাযগৃহগ্রাম্যোপভোগেন কুনাথস্যাজিতাত্মনো যথা সার্থস্য বিলুম্পন্তি ॥ ২ ॥

অথ চ যত্র কৌটুম্বিকা দারাপত্যাদযো নাম্না কর্মণা বৃকসৃগালা এবানিচ্ছতোঽপি কদর্যস্য কুটুম্বিন উরণকবত্সংরক্ষ্যমাণং মিষতোঽপি হরন্তি ॥ ৩ ॥

যথা হ্যনুবত্সরং কৃষ্যমাণমপ্যদগ্ধবীজং ক্ষেত্রং পুনরেবাবপনকালে গুল্মতৃণবীরুদ্ভির্গহ্বরমিব ভবত্যেবমেব গৃহাশ্রমঃ কর্মক্ষেত্রং যস্মিন্ন হি কর্মাণ্যুত্সীদন্তি যদযং কামকরণ্ড এষ আবসথঃ ॥ ৪ ॥

তত্রগতো দংশমশকসমাপসদৈর্মনুজৈঃ শলভশকুন্ততস্করমূষকাদিভিরুপরুধ্যমানবহিঃপ্রাণঃ ক্বচিত্ পরিবর্তমানোঽস্মিন্নধ্বন্যবিদ্যাকামকর্মভিরুপরক্তমনসানুপপন্নার্থং নরলোকং গন্ধর্বনগরমু পপন্নমিতি মিথ্যাদৃষ্টিরনুপশ্যতি ॥ ৫ ॥

তত্র চ ক্বচিদাতপোদকনিভান্ বিষযানুপধাবতি পানভোজনব্যবাযাদিব্যসনলোলুপঃ ॥ ৬ ॥

ক্বচিচ্চাশেষদোষনিষদনং পুরীষবিশেষং তদ্বর্ণগুণনির্মিতমতিঃ সুবর্ণমুপাদিত্সত্যগ্নিকামকাতর ইবোল্মুকপিশাচম্ ॥ ৭ ॥

অথ কদাচিন্নিবাসপানীযদ্রবিণাদ্যনেকাত্মোপজীবনাভিনিবেশ এতস্যাং সংসারাটব্যামিতস্ততঃ পরিধাবতি ॥ ৮ ॥

ক্বচিচ্চ বাত্যৌপম্যযা প্রমদযাঽঽরোহমারোপিতস্তত্কালরজসা রজনীভূত ইবাসাধুমর্যাদো রজস্বলাক্ষোঽপি দিগ্দেবতা অতিরজস্বলমতির্ন বিজানাতি ॥ ৯ ॥

ক্বচিত্সকৃদবগতবিষযবৈতথ্যঃ স্বযং পরাভিধ্যানেন বিভ্রংশিতস্মৃতিস্তযৈব মরীচিতোযপ্রাযাংস্তানেবাভিধাবতি ॥ ১০ ॥

ক্বচিদুলূকঝিল্লীস্বনবদতিপরুষরভসাটোপং প্রত্যক্ষং পরোক্ষং বা রিপুরাজকুলনির্ভর্ত্সিতেনাতিব্যথিতকর্ণমূলহৃদযঃ ॥ ১১ ॥

স যদা দুগ্ধপূর্বসুকৃতস্তদা কারস্করকাকতুণ্ডাদ্যপুণ্যদ্রুমলতাবিষোদপানবদুভযার্থশূন্যদ্রবিণান্জীবন্মৃতান্ স্বযং জীবন্ম্রিযমাণ উপধাবতি ॥ ১২ ॥

একদাসত্প্রসঙ্গান্নিকৃতমতির্ব্যুদকস্রোতঃস্খলনবদ্ উভযতোঽপি দুঃখদং পাখণ্ডমভিযাতি ॥ ১৩ ॥

যদা তু পরবাধযান্ধ আত্মনে নোপনমতি তদা হি পিতৃপুত্রবর্হিষ্মতঃ পিতৃপুত্রান্ বা স খলু ভক্ষযতি ॥ ১৪ ॥

ক্বচিদাসাদ্য গৃহং দাববত্প্রিযার্থবিধুরমসুখোদর্কং শোকাগ্নিনা দহ্যমানো ভৃশং নির্বেদমুপগচ্ছতি ॥ ১৫ ॥

ক্বচিত্কালবিষমিতরাজকুলরক্ষসাপহৃতপ্রিযতমধনাসুঃ প্রমৃতক ইব বিগতজীবলক্ষণ আস্তে ॥ ১৬ ॥

কদাচিন্মনোরথোপগতপিতৃপিতামহাদ্যসত্সদিতি স্বপ্ননির্বৃতিলক্ষণমনুভবতি ॥ ১৭ ॥

ক্বচিদ্ গৃহাশ্রমকর্মচোদনাতিভরগিরিমারুরুক্ষমাণো লোকব্যসনকর্ষিতমনাঃ কণ্টকশর্করাক্ষেত্রং প্রবিশন্নিব সীদতি ॥ ১৮ ॥

ক্বচিচ্চ দুঃসহেন কাযাভ্যন্তরবহ্নিনা গৃহীতসারঃ স্বকুটুম্বায ক্রুধ্যতি ॥ ১৯ ॥

স এব পুনর্নিদ্রাজগরগৃহীতোঽন্ধে তমসি মগ্নঃ শূন্যারণ্য ইব শেতে নান্যত্কিঞ্চন বেদ শব ইবাপবিদ্ধঃ ॥ ২০ ॥

কদাচিদ্ভগ্নমানদংষ্ট্রো দুর্জনদন্দশূকৈরলব্ধনিদ্রাক্ষণো ব্যথিতহৃদযেনানুক্ষীযমাণবিজ্ঞানোঽন্ধকূপেঽন্ধবত্পততি ॥ ২১ ॥

কর্হি স্ম চিত্কামমধুলবান্ বিচিন্বন্ যদা পরদারপরদ্রব্যাণ্যবরুন্ধানো রাজ্ঞা স্বামিভির্বা নিহতঃ পতত্যপারে নিরযে ॥ ২২ ॥

অথ চ তস্মাদুভযথাপি হি কর্মাস্মিন্নাত্মনঃ সংসারাবপনমুদাহরন্তি ॥ ২৩ ॥

মুক্তস্ততো যদি বন্ধাদ্দেবদত্ত উপাচ্ছিনত্তি তস্মাদপি বিষ্ণুমিত্র ইত্যনবস্থিতিঃ ॥ ২৪ ॥

ক্বচিচ্চ শীতবাতাদ্যনেকাধিদৈবিকভৌতিকাত্মীযানাং দশানাং প্রতিনিবারণেঽকল্পো দুরন্তচিন্তযা বিষণ্ণ আস্তে ॥ ২৫ ॥

ক্বচিন্মিথো ব্যবহরন্ যত্কিঞ্চিদ্ধনমন্যেভ্যো বা কাকিণিকামাত্রমপ্যপহরন্ যত্কিঞ্চিদ্বা বিদ্বেষমেতি বিত্তশাঠ্যাত্ ॥ ২৬ ॥

অধ্বন্যমুষ্মিন্নিম উপসর্গাস্তথা সুখদুঃখরাগদ্বেষভযাভিমানপ্রমাদোন্মাদশোকমোহলোভমাত্সর্যের্ষ্যাবমানক্ষুত্পিপাসাধিব্যাধিজন্মজরামরণাদযঃ ॥ ২৭ ॥

ক্বাপি দেবমাযযা স্ত্রিযা ভুজলতোপগূঢঃ প্রস্কন্নবিবেকবিজ্ঞানো যদ্বিহারগৃহারম্ভাকুলহৃদযস্তদাশ্রযাবসক্তসুতদুহিতৃকলত্রভাষিতাবলোকবিচেষ্টিতাপহৃতহৃদয আত্মানমজিতাত্মাপারেঽন্ধে তমসি প্রহিণোতি ॥ ২৮ ॥

কদাচিদীশ্বরস্য ভগবতো বিষ্ণোশ্চক্রাত্পরমাণ্বাদিদ্বিপরার্ধাপবর্গকালোপলক্ষণাত্পরিবর্তিতেন বযসা রংহসা হরত আব্রহ্মতৃণস্তম্বাদীনাং ভূতানামনিমিষতো মিষতাং বিত্রস্তহৃদযস্তমেবেশ্বরং কালচক্রনিজাযুধং সাক্ষাদ্ভগবন্তং যজ্ঞপুরুষমনাদৃত্য পাখণ্ডদেবতাঃ কঙ্কগৃধ্রবকবটপ্রাযা আর্যসমযপরিহৃতাঃ সাঙ্কেত্যেনাভিধত্তে ॥ ২৯ ॥

যদা পাখণ্ডিভিরাত্মবঞ্চিতৈস্তৈরুরু বঞ্চিতো ব্রহ্মকুলং সমাবসংস্তেষাং শীলমুপনযনাদিশ্রৌতস্মার্তকর্মানুষ্ঠানেন ভগবতো যজ্ঞপুরুষস্যারাধনমেব তদরোচযন্ শূদ্রকুলং ভজতে নিগমাচারেঽশুদ্ধিতো যস্য মিথুনীভাবঃ কুটুম্বভরণং যথা বানরজাতেঃ ॥ ৩০ ॥

তত্রাপি নিরবরোধঃ স্বৈরেণ বিহরন্নতিকৃপণবুদ্ধিরন্যোন্যমুখনিরীক্ষণাদিনা গ্রাম্যকর্মণৈব বিস্মৃতকালাবধিঃ ॥ ৩১ ॥

ক্বচিদ্ দ্রুমবদৈহিকার্থেষু গৃহেষু রংস্যন্ যথা বানরঃ সুতদারবত্সলো ব্যবাযক্ষণঃ ॥ ৩২ ॥

এবমধ্বন্যবরুন্ধানো মৃত্যুগজভযাত্তমসি গিরিকন্দরপ্রাযে ॥ ৩৩ ॥

ক্বচিচ্ছীতবাতাদ্যনেকদৈবিকভৌতিকাত্মীযানাং দুঃখানাং প্রতিনিবারণেঽকল্পো দুরন্তবিষযবিষণ্ণ আস্তে ॥ ৩৪ ॥

ক্বচিন্মিথো ব্যবহরন্ যত্কিঞ্চিদ্ধনমুপযাতি বিত্তশাঠ্যেন ॥ ৩৫ ॥

ক্বচিত্ক্ষীণধনঃ শয্যাসনাশনাদ্যুপভোগবিহীনো যাবদপ্রতিলব্ধমনোরথোপগতাদানেঽবসিতমতিস্ততস্ততোঽবমানাদীনি জনাদভিলভতে ॥ ৩৬ ॥

এবং বিত্তব্যতিষঙ্গবিবৃদ্ধবৈরানুবন্ধোঽপি পূর্ববাসনযা মিথ
উদ্বহত্যথাপবহতি ॥ ৩৭ ॥

এতস্মিন্ সংসারাধ্বনি নানাক্লেশোপসর্গবাধিত আপন্নবিপন্নো যত্র যস্তমু হ বাবেতরস্তত্র বিসৃজ্য জাতং জাতমুপাদায শোচন্মুহ্যন্ বিভ্যদ্বিবদন্ ক্রদন্ সংহৃষ্যন্গাযন্নহ্যমানঃ সাধুবর্জিতো নৈবাবর্ততেঽদ্যাপি যত আরব্ধ এষ নরলোকসার্থো যমধ্বনঃ পারমুপদিশন্তি ॥ ৩৮ ॥

যদিদং যোগানুশাসনং ন বা এতদবরুন্ধতে যন্ন্যস্তদণ্ডা মুনয উপশমশীলা উপরতাত্মানঃ সমবগচ্ছন্তি ॥ ৩৯ ॥

যদপি দিগিভজযিনো যজ্বিনো যে বৈ রাজর্ষযঃ কিং তু পরং মৃধে শযীরন্নস্যামেব মমেযমিতি কৃতবৈরানুবন্ধাযাং বিসৃজ্য স্বযমুপসংহৃতাঃ ॥ ৪০ ॥

কর্মবল্লীমবলম্ব্য তত আপদঃ কথঞ্চিন্নরকাদ্বিমুক্তঃ পুনরপ্যেবং সংসারাধ্বনি বর্তমানো নরলোকসার্থমুপযাতি এবমুপরি গতোঽপি ॥ ৪১ ॥

তস্যেদমুপগাযন্তি—
আর্ষভস্যেহ রাজর্ষের্মনসাপি মহাত্মনঃ । নানুবর্ত্মার্হতি নৃপো মক্ষিকেব গরুত্মতঃ ॥ ৪২ ॥

যো দুস্ত্যজান্দারসুতান্ সুহৃদ্রাজ্যং হৃদিস্পৃশঃ । জহৌ যুবৈব মলবদুত্তমশ্লোকলালসঃ ॥ ৪৩ ॥

যো দুস্ত্যজান্ ক্ষিতিসুতস্বজনার্থদারান্প্রার্থ্যাং শ্রিযং সুরবরৈঃ সদযাবলোকাম্ । নৈচ্ছন্নৃপস্তদুচিতং মহতাং মধুদ্বিট-সেবানুরক্তমনসামভবোঽপি ফল্গুঃ ॥ ৪৪ ॥

যজ্ঞায ধর্মপতযে বিধিনৈপুণাযযোগায সাঙ্খ্যশিরসে প্রকৃতীশ্বরায । নারাযণায হরযে নম ইত্যুদারংহাস্যন্মৃগত্বমপি যঃ সমুদাজহার ॥ ৪৫ ॥

য ইদং ভাগবতসভাজিতাবদাতগুণকর্মণো রাজর্ষের্ভরতস্যানুচরিতং স্বস্ত্যযনমাযুষ্যং ধন্যং যশস্যং স্বর্গ্যাপবর্গ্যং বানুশৃণোত্যাখ্যাস্যত্যভিনন্দতি চ সর্বা এবাশিষ আত্মন আশাস্তে ন কাঞ্চন পরত ইতি ॥ ৪৬ ॥