ସ ହୋଵାଚ
ସ ଏଷ ଦେହାତ୍ମମାନିନାଂ ସତ୍ତ୍ଵାଦିଗୁଣଵିଶେଷଵିକଲ୍ପିତକୁଶଲାକୁଶଲସମଵହାରଵିନିର୍ମିତଵିଵିଧଦେହାଵଲିଭିର୍ଵିଯୋଗସଂଯୋଗାଦ୍ଯନାଦିସଂସାରାନୁଭଵସ୍ଯ ଦ୍ଵାରଭୂତେନଷଡିନ୍ଦ୍ରିଯଵର୍ଗେଣ ତସ୍ମିନ୍ଦୁର୍ଗାଧ୍ଵଵଦସୁଗମେଽଧ୍ଵନ୍ଯାପତିତ ଈଶ୍ଵରସ୍ଯ ଭଗଵତୋ ଵିଷ୍ଣୋର୍ଵଶଵର୍ତିନ୍ଯା ମାଯଯା ଜୀଵଲୋକୋଽଯଂ ଯଥା ଵଣିକ୍ସାର୍ଥୋଽର୍ଥପରଃ ସ୍ଵଦେହନିଷ୍ପାଦିତକର୍ମାନୁଭଵଃ ଶ୍ମଶାନଵଦଶିଵତମାଯାଂ ସଂସାରାଟଵ୍ଯାଂ ଗତୋ ନାଦ୍ଯାପି ଵିଫଲବହୁପ୍ରତିଯୋଗେହସ୍ତତ୍ତାପୋପଶମନୀଂ ହରିଗୁରୁଚରଣାରଵିନ୍ଦମଧୁକରାନୁପଦଵୀମଵରୁନ୍ଧେ ॥ ୧ ॥
ସ ଏଷ ଦେହାତ୍ମମାନିନାଂ ସତ୍ତ୍ଵାଦିଗୁଣଵିଶେଷଵିକଲ୍ପିତକୁଶଲାକୁଶଲସମଵହାରଵିନିର୍ମିତଵିଵିଧଦେହାଵଲିଭିର୍ଵିଯୋଗସଂଯୋଗାଦ୍ଯନାଦିସଂସାରାନୁଭଵସ୍ଯ ଦ୍ଵାରଭୂତେନଷଡିନ୍ଦ୍ରିଯଵର୍ଗେଣ ତସ୍ମିନ୍ଦୁର୍ଗାଧ୍ଵଵଦସୁଗମେଽଧ୍ଵନ୍ଯାପତିତ ଈଶ୍ଵରସ୍ଯ ଭଗଵତୋ ଵିଷ୍ଣୋର୍ଵଶଵର୍ତିନ୍ଯା ମାଯଯା ଜୀଵଲୋକୋଽଯଂ ଯଥା ଵଣିକ୍ସାର୍ଥୋଽର୍ଥପରଃ ସ୍ଵଦେହନିଷ୍ପାଦିତକର୍ମାନୁଭଵଃ ଶ୍ମଶାନଵଦଶିଵତମାଯାଂ ସଂସାରାଟଵ୍ଯାଂ ଗତୋ ନାଦ୍ଯାପି ଵିଫଲବହୁପ୍ରତିଯୋଗେହସ୍ତତ୍ତାପୋପଶମନୀଂ ହରିଗୁରୁଚରଣାରଵିନ୍ଦମଧୁକରାନୁପଦଵୀମଵରୁନ୍ଧେ ॥ ୧ ॥
ଯସ୍ଯାମୁ ହ ଵା ଏତେ ଷଡିନ୍ଦ୍ରିଯନାମାନଃ କର୍ମଣା ଦସ୍ଯଵ ଏଵ ତେ । ତଦ୍ଯଥା ପୁରୁଷସ୍ଯ ଧନଂ ଯତ୍କିଞ୍ଚିଦ୍ଧର୍ମୌପଯିକଂ ବହୁକୃଚ୍ଛ୍ରାଧିଗତଂ ସାକ୍ଷାତ୍ପରମପୁରୁଷାରାଧନଲକ୍ଷଣୋ ଯୋଽସୌ ଧର୍ମସ୍ତଂ ତୁ ସାମ୍ପରାଯ ଉଦାହରନ୍ତି । ତଦ୍ଧର୍ମ୍ଯଂ ଧନଂ ଦର୍ଶନସ୍ପର୍ଶନଶ୍ରଵଣାସ୍ଵାଦନାଵଘ୍ରାଣସଙ୍କଲ୍ପଵ୍ଯଵସାଯଗୃହଗ୍ରାମ୍ଯୋପଭୋଗେନ କୁନାଥସ୍ଯାଜିତାତ୍ମନୋ ଯଥା ସାର୍ଥସ୍ଯ ଵିଲୁମ୍ପନ୍ତି ॥ ୨ ॥
ଅଥ ଚ ଯତ୍ର କୌଟୁମ୍ବିକା ଦାରାପତ୍ଯାଦଯୋ ନାମ୍ନା କର୍ମଣା ଵୃକସୃଗାଲା ଏଵାନିଚ୍ଛତୋଽପି କଦର୍ଯସ୍ଯ କୁଟୁମ୍ବିନ ଉରଣକଵତ୍ସଂରକ୍ଷ୍ଯମାଣଂ ମିଷତୋଽପି ହରନ୍ତି ॥ ୩ ॥
ଯଥା ହ୍ଯନୁଵତ୍ସରଂ କୃଷ୍ଯମାଣମପ୍ଯଦଗ୍ଧବୀଜଂ କ୍ଷେତ୍ରଂ ପୁନରେଵାଵପନକାଲେ ଗୁଲ୍ମତୃଣଵୀରୁଦ୍ଭିର୍ଗହ୍ଵରମିଵ ଭଵତ୍ଯେଵମେଵ ଗୃହାଶ୍ରମଃ କର୍ମକ୍ଷେତ୍ରଂ ଯସ୍ମିନ୍ନ ହି କର୍ମାଣ୍ଯୁତ୍ସୀଦନ୍ତି ଯଦଯଂ କାମକରଣ୍ଡ ଏଷ ଆଵସଥଃ ॥ ୪ ॥
ତତ୍ରଗତୋ ଦଂଶମଶକସମାପସଦୈର୍ମନୁଜୈଃ ଶଲଭଶକୁନ୍ତତସ୍କରମୂଷକାଦିଭିରୁପରୁଧ୍ଯମାନବହିଃପ୍ରାଣଃ କ୍ଵଚିତ୍ ପରିଵର୍ତମାନୋଽସ୍ମିନ୍ନଧ୍ଵନ୍ଯଵିଦ୍ଯାକାମକର୍ମଭିରୁପରକ୍ତମନସାନୁପପନ୍ନାର୍ଥଂ ନରଲୋକଂ ଗନ୍ଧର୍ଵନଗରମୁ ପପନ୍ନମିତି ମିଥ୍ଯାଦୃଷ୍ଟିରନୁପଶ୍ଯତି ॥ ୫ ॥
ତତ୍ର ଚ କ୍ଵଚିଦାତପୋଦକନିଭାନ୍ ଵିଷଯାନୁପଧାଵତି ପାନଭୋଜନଵ୍ଯଵାଯାଦିଵ୍ଯସନଲୋଲୁପଃ ॥ ୬ ॥
କ୍ଵଚିଚ୍ଚାଶେଷଦୋଷନିଷଦନଂ ପୁରୀଷଵିଶେଷଂ ତଦ୍ଵର୍ଣଗୁଣନିର୍ମିତମତିଃ ସୁଵର୍ଣମୁପାଦିତ୍ସତ୍ଯଗ୍ନିକାମକାତର ଇଵୋଲ୍ମୁକପିଶାଚମ୍ ॥ ୭ ॥
ଅଥ କଦାଚିନ୍ନିଵାସପାନୀଯଦ୍ରଵିଣାଦ୍ଯନେକାତ୍ମୋପଜୀଵନାଭିନିଵେଶ ଏତସ୍ଯାଂ ସଂସାରାଟଵ୍ଯାମିତସ୍ତତଃ ପରିଧାଵତି ॥ ୮ ॥
କ୍ଵଚିଚ୍ଚ ଵାତ୍ଯୌପମ୍ଯଯା ପ୍ରମଦଯାଽଽରୋହମାରୋପିତସ୍ତତ୍କାଲରଜସା ରଜନୀଭୂତ ଇଵାସାଧୁମର୍ଯାଦୋ ରଜସ୍ଵଲାକ୍ଷୋଽପି ଦିଗ୍ଦେଵତା ଅତିରଜସ୍ଵଲମତିର୍ନ ଵିଜାନାତି ॥ ୯ ॥
କ୍ଵଚିତ୍ସକୃଦଵଗତଵିଷଯଵୈତଥ୍ଯଃ ସ୍ଵଯଂ ପରାଭିଧ୍ଯାନେନ ଵିଭ୍ରଂଶିତସ୍ମୃତିସ୍ତଯୈଵ ମରୀଚିତୋଯପ୍ରାଯାଂସ୍ତାନେଵାଭିଧାଵତି ॥ ୧୦ ॥
କ୍ଵଚିଦୁଲୂକଝିଲ୍ଲୀସ୍ଵନଵଦତିପରୁଷରଭସାଟୋପଂ ପ୍ରତ୍ଯକ୍ଷଂ ପରୋକ୍ଷଂ ଵା ରିପୁରାଜକୁଲନିର୍ଭର୍ତ୍ସିତେନାତିଵ୍ଯଥିତକର୍ଣମୂଲହୃଦଯଃ ॥ ୧୧ ॥
ସ ଯଦା ଦୁଗ୍ଧପୂର୍ଵସୁକୃତସ୍ତଦା କାରସ୍କରକାକତୁଣ୍ଡାଦ୍ଯପୁଣ୍ଯଦ୍ରୁମଲତାଵିଷୋଦପାନଵଦୁଭଯାର୍ଥଶୂନ୍ଯଦ୍ରଵିଣାନ୍ଜୀଵନ୍ମୃତାନ୍ ସ୍ଵଯଂ ଜୀଵନ୍ମ୍ରିଯମାଣ ଉପଧାଵତି ॥ ୧୨ ॥
ଏକଦାସତ୍ପ୍ରସଙ୍ଗାନ୍ନିକୃତମତିର୍ଵ୍ଯୁଦକସ୍ରୋତଃସ୍ଖଲନଵଦ୍ ଉଭଯତୋଽପି ଦୁଃଖଦଂ ପାଖଣ୍ଡମଭିଯାତି ॥ ୧୩ ॥
ଯଦା ତୁ ପରବାଧଯାନ୍ଧ ଆତ୍ମନେ ନୋପନମତି ତଦା ହି ପିତୃପୁତ୍ରବର୍ହିଷ୍ମତଃ ପିତୃପୁତ୍ରାନ୍ ଵା ସ ଖଲୁ ଭକ୍ଷଯତି ॥ ୧୪ ॥
କ୍ଵଚିଦାସାଦ୍ଯ ଗୃହଂ ଦାଵଵତ୍ପ୍ରିଯାର୍ଥଵିଧୁରମସୁଖୋଦର୍କଂ ଶୋକାଗ୍ନିନା ଦହ୍ଯମାନୋ ଭୃଶଂ ନିର୍ଵେଦମୁପଗଚ୍ଛତି ॥ ୧୫ ॥
କ୍ଵଚିତ୍କାଲଵିଷମିତରାଜକୁଲରକ୍ଷସାପହୃତପ୍ରିଯତମଧନାସୁଃ ପ୍ରମୃତକ ଇଵ ଵିଗତଜୀଵଲକ୍ଷଣ ଆସ୍ତେ ॥ ୧୬ ॥
କଦାଚିନ୍ମନୋରଥୋପଗତପିତୃପିତାମହାଦ୍ଯସତ୍ସଦିତି ସ୍ଵପ୍ନନିର୍ଵୃତିଲକ୍ଷଣମନୁଭଵତି ॥ ୧୭ ॥
କ୍ଵଚିଦ୍ ଗୃହାଶ୍ରମକର୍ମଚୋଦନାତିଭରଗିରିମାରୁରୁକ୍ଷମାଣୋ ଲୋକଵ୍ଯସନକର୍ଷିତମନାଃ କଣ୍ଟକଶର୍କରାକ୍ଷେତ୍ରଂ ପ୍ରଵିଶନ୍ନିଵ ସୀଦତି ॥ ୧୮ ॥
କ୍ଵଚିଚ୍ଚ ଦୁଃସହେନ କାଯାଭ୍ଯନ୍ତରଵହ୍ନିନା ଗୃହୀତସାରଃ ସ୍ଵକୁଟୁମ୍ବାଯ କ୍ରୁଧ୍ଯତି ॥ ୧୯ ॥
ସ ଏଵ ପୁନର୍ନିଦ୍ରାଜଗରଗୃହୀତୋଽନ୍ଧେ ତମସି ମଗ୍ନଃ ଶୂନ୍ଯାରଣ୍ଯ ଇଵ ଶେତେ ନାନ୍ଯତ୍କିଞ୍ଚନ ଵେଦ ଶଵ ଇଵାପଵିଦ୍ଧଃ ॥ ୨୦ ॥
କଦାଚିଦ୍ଭଗ୍ନମାନଦଂଷ୍ଟ୍ରୋ ଦୁର୍ଜନଦନ୍ଦଶୂକୈରଲବ୍ଧନିଦ୍ରାକ୍ଷଣୋ ଵ୍ଯଥିତହୃଦଯେନାନୁକ୍ଷୀଯମାଣଵିଜ୍ଞାନୋଽନ୍ଧକୂପେଽନ୍ଧଵତ୍ପତତି ॥ ୨୧ ॥
କର୍ହି ସ୍ମ ଚିତ୍କାମମଧୁଲଵାନ୍ ଵିଚିନ୍ଵନ୍ ଯଦା ପରଦାରପରଦ୍ରଵ୍ଯାଣ୍ଯଵରୁନ୍ଧାନୋ ରାଜ୍ଞା ସ୍ଵାମିଭିର୍ଵା ନିହତଃ ପତତ୍ଯପାରେ ନିରଯେ ॥ ୨୨ ॥
ଅଥ ଚ ତସ୍ମାଦୁଭଯଥାପି ହି କର୍ମାସ୍ମିନ୍ନାତ୍ମନଃ ସଂସାରାଵପନମୁଦାହରନ୍ତି ॥ ୨୩ ॥
ମୁକ୍ତସ୍ତତୋ ଯଦି ବନ୍ଧାଦ୍ଦେଵଦତ୍ତ ଉପାଚ୍ଛିନତ୍ତି ତସ୍ମାଦପି ଵିଷ୍ଣୁମିତ୍ର ଇତ୍ଯନଵସ୍ଥିତିଃ ॥ ୨୪ ॥
କ୍ଵଚିଚ୍ଚ ଶୀତଵାତାଦ୍ଯନେକାଧିଦୈଵିକଭୌତିକାତ୍ମୀଯାନାଂ ଦଶାନାଂ ପ୍ରତିନିଵାରଣେଽକଲ୍ପୋ ଦୁରନ୍ତଚିନ୍ତଯା ଵିଷଣ୍ଣ ଆସ୍ତେ ॥ ୨୫ ॥
କ୍ଵଚିନ୍ମିଥୋ ଵ୍ଯଵହରନ୍ ଯତ୍କିଞ୍ଚିଦ୍ଧନମନ୍ଯେଭ୍ଯୋ ଵା କାକିଣିକାମାତ୍ରମପ୍ଯପହରନ୍ ଯତ୍କିଞ୍ଚିଦ୍ଵା ଵିଦ୍ଵେଷମେତି ଵିତ୍ତଶାଠ୍ଯାତ୍ ॥ ୨୬ ॥
ଅଧ୍ଵନ୍ଯମୁଷ୍ମିନ୍ନିମ ଉପସର୍ଗାସ୍ତଥା ସୁଖଦୁଃଖରାଗଦ୍ଵେଷଭଯାଭିମାନପ୍ରମାଦୋନ୍ମାଦଶୋକମୋହଲୋଭମାତ୍ସର୍ଯେର୍ଷ୍ଯାଵମାନକ୍ଷୁତ୍ପିପାସାଧିଵ୍ଯାଧିଜନ୍ମଜରାମରଣାଦଯଃ ॥ ୨୭ ॥
କ୍ଵାପି ଦେଵମାଯଯା ସ୍ତ୍ରିଯା ଭୁଜଲତୋପଗୂଢଃ ପ୍ରସ୍କନ୍ନଵିଵେକଵିଜ୍ଞାନୋ ଯଦ୍ଵିହାରଗୃହାରମ୍ଭାକୁଲହୃଦଯସ୍ତଦାଶ୍ରଯାଵସକ୍ତସୁତଦୁହିତୃକଲତ୍ରଭାଷିତାଵଲୋକଵିଚେଷ୍ଟିତାପହୃତହୃଦଯ ଆତ୍ମାନମଜିତାତ୍ମାପାରେଽନ୍ଧେ ତମସି ପ୍ରହିଣୋତି ॥ ୨୮ ॥
କଦାଚିଦୀଶ୍ଵରସ୍ଯ ଭଗଵତୋ ଵିଷ୍ଣୋଶ୍ଚକ୍ରାତ୍ପରମାଣ୍ଵାଦିଦ୍ଵିପରାର୍ଧାପଵର୍ଗକାଲୋପଲକ୍ଷଣାତ୍ପରିଵର୍ତିତେନ ଵଯସା ରଂହସା ହରତ ଆବ୍ରହ୍ମତୃଣସ୍ତମ୍ବାଦୀନାଂ ଭୂତାନାମନିମିଷତୋ ମିଷତାଂ ଵିତ୍ରସ୍ତହୃଦଯସ୍ତମେଵେଶ୍ଵରଂ କାଲଚକ୍ରନିଜାଯୁଧଂ ସାକ୍ଷାଦ୍ଭଗଵନ୍ତଂ ଯଜ୍ଞପୁରୁଷମନାଦୃତ୍ଯ ପାଖଣ୍ଡଦେଵତାଃ କଙ୍କଗୃଧ୍ରବକଵଟପ୍ରାଯା ଆର୍ଯସମଯପରିହୃତାଃ ସାଙ୍କେତ୍ଯେନାଭିଧତ୍ତେ ॥ ୨୯ ॥
ଯଦା ପାଖଣ୍ଡିଭିରାତ୍ମଵଞ୍ଚିତୈସ୍ତୈରୁରୁ ଵଞ୍ଚିତୋ ବ୍ରହ୍ମକୁଲଂ ସମାଵସଂସ୍ତେଷାଂ ଶୀଲମୁପନଯନାଦିଶ୍ରୌତସ୍ମାର୍ତକର୍ମାନୁଷ୍ଠାନେନ ଭଗଵତୋ ଯଜ୍ଞପୁରୁଷସ୍ଯାରାଧନମେଵ ତଦରୋଚଯନ୍ ଶୂଦ୍ରକୁଲଂ ଭଜତେ ନିଗମାଚାରେଽଶୁଦ୍ଧିତୋ ଯସ୍ଯ ମିଥୁନୀଭାଵଃ କୁଟୁମ୍ବଭରଣଂ ଯଥା ଵାନରଜାତେଃ ॥ ୩୦ ॥
ତତ୍ରାପି ନିରଵରୋଧଃ ସ୍ଵୈରେଣ ଵିହରନ୍ନତିକୃପଣବୁଦ୍ଧିରନ୍ଯୋନ୍ଯମୁଖନିରୀକ୍ଷଣାଦିନା ଗ୍ରାମ୍ଯକର୍ମଣୈଵ ଵିସ୍ମୃତକାଲାଵଧିଃ ॥ ୩୧ ॥
କ୍ଵଚିଦ୍ ଦ୍ରୁମଵଦୈହିକାର୍ଥେଷୁ ଗୃହେଷୁ ରଂସ୍ଯନ୍ ଯଥା ଵାନରଃ ସୁତଦାରଵତ୍ସଲୋ ଵ୍ଯଵାଯକ୍ଷଣଃ ॥ ୩୨ ॥
ଏଵମଧ୍ଵନ୍ଯଵରୁନ୍ଧାନୋ ମୃତ୍ଯୁଗଜଭଯାତ୍ତମସି ଗିରିକନ୍ଦରପ୍ରାଯେ ॥ ୩୩ ॥
କ୍ଵଚିଚ୍ଛୀତଵାତାଦ୍ଯନେକଦୈଵିକଭୌତିକାତ୍ମୀଯାନାଂ ଦୁଃଖାନାଂ ପ୍ରତିନିଵାରଣେଽକଲ୍ପୋ ଦୁରନ୍ତଵିଷଯଵିଷଣ୍ଣ ଆସ୍ତେ ॥ ୩୪ ॥
କ୍ଵଚିନ୍ମିଥୋ ଵ୍ଯଵହରନ୍ ଯତ୍କିଞ୍ଚିଦ୍ଧନମୁପଯାତି ଵିତ୍ତଶାଠ୍ଯେନ ॥ ୩୫ ॥
କ୍ଵଚିତ୍କ୍ଷୀଣଧନଃ ଶଯ୍ଯାସନାଶନାଦ୍ଯୁପଭୋଗଵିହୀନୋ ଯାଵଦପ୍ରତିଲବ୍ଧମନୋରଥୋପଗତାଦାନେଽଵସିତମତିସ୍ତତସ୍ତତୋଽଵମାନାଦୀନି ଜନାଦଭିଲଭତେ ॥ ୩୬ ॥
ଏଵଂ ଵିତ୍ତଵ୍ଯତିଷଙ୍ଗଵିଵୃଦ୍ଧଵୈରାନୁବନ୍ଧୋଽପି ପୂର୍ଵଵାସନଯା ମିଥ
ଉଦ୍ଵହତ୍ଯଥାପଵହତି ॥ ୩୭ ॥
ଉଦ୍ଵହତ୍ଯଥାପଵହତି ॥ ୩୭ ॥
ଏତସ୍ମିନ୍ ସଂସାରାଧ୍ଵନି ନାନାକ୍ଲେଶୋପସର୍ଗବାଧିତ ଆପନ୍ନଵିପନ୍ନୋ ଯତ୍ର ଯସ୍ତମୁ ହ ଵାଵେତରସ୍ତତ୍ର ଵିସୃଜ୍ଯ ଜାତଂ ଜାତମୁପାଦାଯ ଶୋଚନ୍ମୁହ୍ଯନ୍ ବିଭ୍ଯଦ୍ଵିଵଦନ୍ କ୍ରଦନ୍ ସଂହୃଷ୍ଯନ୍ଗାଯନ୍ନହ୍ଯମାନଃ ସାଧୁଵର୍ଜିତୋ ନୈଵାଵର୍ତତେଽଦ୍ଯାପି ଯତ ଆରବ୍ଧ ଏଷ ନରଲୋକସାର୍ଥୋ ଯମଧ୍ଵନଃ ପାରମୁପଦିଶନ୍ତି ॥ ୩୮ ॥
ଯଦିଦଂ ଯୋଗାନୁଶାସନଂ ନ ଵା ଏତଦଵରୁନ୍ଧତେ ଯନ୍ନ୍ଯସ୍ତଦଣ୍ଡା ମୁନଯ ଉପଶମଶୀଲା ଉପରତାତ୍ମାନଃ ସମଵଗଚ୍ଛନ୍ତି ॥ ୩୯ ॥
ଯଦପି ଦିଗିଭଜଯିନୋ ଯଜ୍ଵିନୋ ଯେ ଵୈ ରାଜର୍ଷଯଃ କିଂ ତୁ ପରଂ ମୃଧେ ଶଯୀରନ୍ନସ୍ଯାମେଵ ମମେଯମିତି କୃତଵୈରାନୁବନ୍ଧାଯାଂ ଵିସୃଜ୍ଯ ସ୍ଵଯମୁପସଂହୃତାଃ ॥ ୪୦ ॥
କର୍ମଵଲ୍ଲୀମଵଲମ୍ବ୍ଯ ତତ ଆପଦଃ କଥଞ୍ଚିନ୍ନରକାଦ୍ଵିମୁକ୍ତଃ ପୁନରପ୍ଯେଵଂ ସଂସାରାଧ୍ଵନି ଵର୍ତମାନୋ ନରଲୋକସାର୍ଥମୁପଯାତି ଏଵମୁପରି ଗତୋଽପି ॥ ୪୧ ॥
ତସ୍ଯେଦମୁପଗାଯନ୍ତି—
ଆର୍ଷଭସ୍ଯେହ ରାଜର୍ଷେର୍ମନସାପି ମହାତ୍ମନଃ । ନାନୁଵର୍ତ୍ମାର୍ହତି ନୃପୋ ମକ୍ଷିକେଵ ଗରୁତ୍ମତଃ ॥ ୪୨ ॥
ଆର୍ଷଭସ୍ଯେହ ରାଜର୍ଷେର୍ମନସାପି ମହାତ୍ମନଃ । ନାନୁଵର୍ତ୍ମାର୍ହତି ନୃପୋ ମକ୍ଷିକେଵ ଗରୁତ୍ମତଃ ॥ ୪୨ ॥
ଯୋ ଦୁସ୍ତ୍ଯଜାନ୍ଦାରସୁତାନ୍ ସୁହୃଦ୍ରାଜ୍ଯଂ ହୃଦିସ୍ପୃଶଃ । ଜହୌ ଯୁଵୈଵ ମଲଵଦୁତ୍ତମଶ୍ଲୋକଲାଲସଃ ॥ ୪୩ ॥
ଯୋ ଦୁସ୍ତ୍ଯଜାନ୍ କ୍ଷିତିସୁତସ୍ଵଜନାର୍ଥଦାରାନ୍ପ୍ରାର୍ଥ୍ଯାଂ ଶ୍ରିଯଂ ସୁରଵରୈଃ ସଦଯାଵଲୋକାମ୍ । ନୈଚ୍ଛନ୍ନୃପସ୍ତଦୁଚିତଂ ମହତାଂ ମଧୁଦ୍ଵିଟ-ସେଵାନୁରକ୍ତମନସାମଭଵୋଽପି ଫଲ୍ଗୁଃ ॥ ୪୪ ॥
ଯଜ୍ଞାଯ ଧର୍ମପତଯେ ଵିଧିନୈପୁଣାଯଯୋଗାଯ ସାଙ୍ଖ୍ଯଶିରସେ ପ୍ରକୃତୀଶ୍ଵରାଯ । ନାରାଯଣାଯ ହରଯେ ନମ ଇତ୍ଯୁଦାରଂହାସ୍ଯନ୍ମୃଗତ୍ଵମପି ଯଃ ସମୁଦାଜହାର ॥ ୪୫ ॥
ଯ ଇଦଂ ଭାଗଵତସଭାଜିତାଵଦାତଗୁଣକର୍ମଣୋ ରାଜର୍ଷେର୍ଭରତସ୍ଯାନୁଚରିତଂ ସ୍ଵସ୍ତ୍ଯଯନମାଯୁଷ୍ଯଂ ଧନ୍ଯଂ ଯଶସ୍ଯଂ ସ୍ଵର୍ଗ୍ଯାପଵର୍ଗ୍ଯଂ ଵାନୁଶୃଣୋତ୍ଯାଖ୍ଯାସ୍ଯତ୍ଯଭିନନ୍ଦତି ଚ ସର୍ଵା ଏଵାଶିଷ ଆତ୍ମନ ଆଶାସ୍ତେ ନ କାଞ୍ଚନ ପରତ ଇତି ॥ ୪୬ ॥