শ্ৰীমদ্ভাগৱতম্ ৫.১৭

শ্ৰীশুক উৱাচ
তত্ৰ ভগৱতঃ সাক্ষাদ্যজ্ঞলিঙ্গস্য ৱিষ্ণোৰ্ৱিক্ৰমতো ৱামপাদাঙ্গুষ্ঠনখনিৰ্ভিন্নোৰ্ধ্ৱাণ্ডকটাহৱিৱৰেণান্তঃপ্ৰৱিষ্টা যা বাহ্যজলধাৰা তচ্চৰণপঙ্কজাৱনেজনাৰুণকিঞ্জল্কোপৰঞ্জিতাখিলজগদঘমলাপহোপস্পৰ্শনামলা সাক্ষাদ্ভগৱত্পদীত্যনুপলক্ষিতৱচোঽভিধীযমানাতিমহতা কালেন যুগসহস্ৰোপলক্ষণেন দিৱো মূৰ্ধন্যৱততাৰ যত্তদ্ৱিষ্ণুপদমাহুঃ ॥ ১ ॥

যত্ৰ হ ৱাৱ ৱীৰৱ্ৰত ঔত্তানপাদিঃ পৰমভাগৱতোঽস্মত্কুলদেৱতাচৰণাৰৱিন্দোদকমিতি যামনুসৱনমুত্কৃষ্যমাণভগৱদ্ভক্তিযোগেন দৃঢং ক্লিদ্যমানান্তৰ্হৃদয ঔত্কণ্ঠ্যৱিৱশামীলিতলোচনযুগলকুড্মলৱিগলিতামলবাষ্পকলযাভিৱ্যজ্যমানৰোমপুলককুলকোঽধুনাপি পৰমাদৰেণ শিৰসা বিভৰ্তি ॥ ২ ॥

ততঃ সপ্ত ঋষযস্তত্প্ৰভাৱাভিজ্ঞা যাং ননু তপসআত্যন্তিকী সিদ্ধিৰেতাৱতী ভগৱতি সৰ্ৱাত্মনি ৱাসুদেৱেঽনুপৰতভক্তিযোগলাভেনৈৱোপেক্ষিতান্যাৰ্থাত্মগতযো মুক্তিমিৱাগতাং মুমুক্ষৱ ইৱ সবহুমানমদ্যাপি জটাজূটৈৰুদ্ৱহন্তি ॥ ৩ ॥

ততোঽনেকসহস্ৰকোটিৱিমানানীকসঙ্কুলদেৱযানেনাৱতৰন্তীন্দুমণ্ডলমাৱাৰ্য ব্ৰহ্মসদনে নিপততি ॥ ৪ ॥

তত্ৰ চতুৰ্ধা ভিদ্যমানা চতুৰ্ভিৰ্নামভিশ্চতুৰ্দিশমভিস্পন্দন্তী নদনদীপতিমেৱাভিনিৱিশতি সীতালকনন্দা চক্ষুৰ্ভদ্ৰেতি ॥ ৫ ॥

সীতা তু ব্ৰহ্মসদনাত্কেসৰাচলাদিগিৰিশিখৰেভ্যোঽধোঽধঃ প্ৰস্ৰৱন্তী গন্ধমাদনমূৰ্ধসু পতিত্ৱান্তৰেণ ভদ্ৰাশ্ৱৱৰ্ষং প্ৰাচ্যাং দিশি ক্ষাৰসমুদ্ৰমভিপ্ৰৱিশতি ॥ ৬ ॥

এৱং মাল্যৱচ্ছিখৰান্নিষ্পতন্তী ততোঽনুপৰতৱেগা কেতুমালমভি চক্ষুঃ প্ৰতীচ্যাং দিশি সৰিত্পতিং প্ৰৱিশতি ॥ ৭ ॥

ভদ্ৰা চোত্তৰতো মেৰুশিৰসো নিপতিতা গিৰিশিখৰাদ্গিৰিশিখৰমতিহায শৃঙ্গৱতঃ শৃঙ্গাদৱস্যন্দমানা উত্তৰাংস্তু কুৰূনভিত উদীচ্যাং দিশি জলধিমভিপ্ৰৱিশতি ॥ ৮ ॥

তথৈৱালকনন্দা দক্ষিণেন ব্ৰহ্মসদনাদ্বহূনি গিৰিকূটান্যতিক্ৰম্য হেমকূটাদ্ধৈমকূটান্যতিৰভসতৰৰংহসা লুঠযন্তী ভাৰতমভিৱৰ্ষং দক্ষিণস্যাং দিশি জলধিমভিপ্ৰৱিশতি যস্যাং স্নানাৰ্থং চাগচ্ছতঃ পুংসঃ পদে পদেঽশ্ৱমেধৰাজসূযাদীনাং ফলং ন দুৰ্লভমিতি ॥ ৯ ॥

অন্যে চ নদা নদ্যশ্চ ৱৰ্ষে ৱৰ্ষে সন্তি বহুশো মেৰ্ৱাদিগিৰিদুহিতৰঃ শতশঃ ॥ ১০ ॥

তত্ৰাপি ভাৰতমেৱ ৱৰ্ষং কৰ্মক্ষেত্ৰমন্যান্যষ্ট ৱৰ্ষাণি স্ৱৰ্গিণাং পুণ্যশেষোপভোগস্থানানি ভৌমানি স্ৱৰ্গপদানি ৱ্যপদিশন্তি ॥ ১১ ॥

এষু পুৰুষাণামযুতপুৰুষাযুৰ্ৱৰ্ষাণাং দেৱকল্পানাং নাগাযুতপ্ৰাণানাং ৱজ্ৰসংহননবলৱযোমোদপ্ৰমুদিতমহাসৌৰতমিথুনৱ্যৱাযাপৱৰ্গৱৰ্ষধৃতৈকগৰ্ভ কলত্ৰাণাং তত্ৰ তু ত্ৰেতাযুগসমঃ কালো ৱৰ্ততে ॥ ১২ ॥

যত্ৰ হ দেৱপতযঃ স্ৱৈঃ স্ৱৈৰ্গণনাযকৈৰ্ৱিহিতমহাৰ্হণাঃ সৰ্ৱৰ্তুকুসুমস্তবকফলকিসলযশ্ৰিযাঽঽনম্যমানৱিটপলতা ৱিটপিভিৰুপশুম্ভমানৰুচিৰকাননাশ্ৰমাযতনৱৰ্ষগিৰিদ্ৰোণীষু তথা চামলজলাশযেষু ৱিকচৱিৱিধনৱৱনৰুহামোদমুদিতৰাজহংসজলকুক্কুটকাৰণ্ডৱসাৰসচক্ৰৱাকাদিভিৰ্মধুকৰনিকৰাকৃতিভিৰুপকূজিতেষু জলক্ৰীডাদিভিৰ্ৱিচিত্ৰৱিনোদৈঃ সুললিতসুৰসুন্দৰীণাং কামকলিলৱিলাসহাসলীলাৱলোকাকৃষ্টমনোদৃষ্টযঃ স্ৱৈৰং ৱিহৰন্তি ॥ ১৩ ॥

নৱস্ৱপি ৱৰ্ষেষু ভগৱান্নাৰাযণো মহাপুৰুষঃ পুৰুষাণাং তদনুগ্ৰহাযাত্মতত্ত্ৱৱ্যূহেনাত্মনাদ্যাপি সন্নিধীযতে ॥ ১৪ ॥

ইলাৱৃতে তু ভগৱান্ ভৱ এক এৱ পুমান্ন হ্যন্যস্তত্ৰাপৰো নিৰ্ৱিশতি ভৱান্যাঃ শাপনিমিত্তজ্ঞো যত্প্ৰৱেক্ষ্যতঃ স্ত্ৰীভাৱস্তত্পশ্চাদ্ৱক্ষ্যামি ॥ ১৫ ॥

ভৱানীনাথৈঃ স্ত্ৰীগণাৰ্বুদসহস্ৰৈৰৱৰুধ্যমানো ভগৱতশ্চতুৰ্মূৰ্তেৰ্মহাপুৰুষস্য তুৰীযাং তামসীং মূৰ্তিং প্ৰকৃতিমাত্মনঃ সঙ্কৰ্ষণসংজ্ঞামাত্মসমাধিৰূপেণ সন্নিধাপ্যৈতদভিগৃণন্ ভৱ উপ-ধাৱতি ॥ ১৬ ॥

শ্ৰীভগৱানুৱাচ
ওঁ নমো ভগৱতে মহাপুৰুষায সৰ্ৱগুণসঙ্খ্যানাযানন্তাযাৱ্যক্তায নম ইতি ॥ ১৭ ॥

ভজে ভজন্যাৰণপাদপঙ্কজংভগস্য কৃত্স্নস্য পৰং পৰাযণম্ । ভক্তেষ্ৱলং ভাৱিতভূতভাৱনংভৱাপহং ত্ৱা ভৱভাৱমীশ্ৱৰম্ ॥ ১৮ ॥

ন যস্য মাযাগুণচিত্তৱৃত্তিভি-ৰ্নিৰীক্ষতো হ্যণ্ৱপি দৃষ্টিৰজ্যতে । ঈশে যথা নোঽজিতমন্যুৰংহসাংকস্তং ন মন্যেত জিগীষুৰাত্মনঃ ॥ ১৯ ॥

অসদ্দৃশো যঃ প্ৰতিভাতি মাযযা ক্ষীবেৱ মধ্ৱাসৱতাম্ৰলোচনঃ । ন নাগৱধ্ৱোঽৰ্হণ ঈশিৰে হ্ৰিযাযত্পাদযোঃ স্পৰ্শনধৰ্ষিতেন্দ্ৰিযাঃ ॥ ২০ ॥

যমাহুৰস্য স্থিতিজন্মসংযমংত্ৰিভিৰ্ৱিহীনং যমনন্তমৃষযঃ । ন ৱেদ সিদ্ধাৰ্থমিৱ ক্ৱচিত্স্থিতংভূমণ্ডলং মূৰ্ধসহস্ৰধামসু ॥ ২১ ॥

যস্যাদ্য আসীদ্ গুণৱিগ্ৰহো মহান্ৱিজ্ঞানধিষ্ণ্যো ভগৱানজঃ কিল । যত্সম্ভৱোঽহং ত্ৰিৱৃতা স্ৱতেজসাৱৈকাৰিকং তামসমৈন্দ্ৰিযং সৃজে ॥ ২২ ॥

এতে ৱযং যস্য ৱশে মহাত্মনঃস্থিতাঃ শকুন্তা ইৱ সূত্ৰযন্ত্ৰিতাঃ । মহানহং ৱৈকৃততামসেন্দ্ৰিযাঃসৃজাম সৰ্ৱে যদনুগ্ৰহাদিদম্ ॥ ২৩ ॥

যন্নিৰ্মিতাং কৰ্হ্যপি কৰ্মপৰ্ৱণীংমাযাং জনোঽযং গুণসৰ্গমোহিতঃ । ন ৱেদ নিস্তাৰণযোগমঞ্জসাতস্মৈ নমস্তে ৱিলযোদযাত্মনে ॥ ২৪ ॥