শ্রীমদ্ভাগবতম্ ৫.১৭

শ্রীশুক উবাচ
তত্র ভগবতঃ সাক্ষাদ্যজ্ঞলিঙ্গস্য বিষ্ণোর্বিক্রমতো বামপাদাঙ্গুষ্ঠনখনির্ভিন্নোর্ধ্বাণ্ডকটাহবিবরেণান্তঃপ্রবিষ্টা যা বাহ্যজলধারা তচ্চরণপঙ্কজাবনেজনারুণকিঞ্জল্কোপরঞ্জিতাখিলজগদঘমলাপহোপস্পর্শনামলা সাক্ষাদ্ভগবত্পদীত্যনুপলক্ষিতবচোঽভিধীযমানাতিমহতা কালেন যুগসহস্রোপলক্ষণেন দিবো মূর্ধন্যবততার যত্তদ্বিষ্ণুপদমাহুঃ ॥ ১ ॥

যত্র হ বাব বীরব্রত ঔত্তানপাদিঃ পরমভাগবতোঽস্মত্কুলদেবতাচরণারবিন্দোদকমিতি যামনুসবনমুত্কৃষ্যমাণভগবদ্ভক্তিযোগেন দৃঢং ক্লিদ্যমানান্তর্হৃদয ঔত্কণ্ঠ্যবিবশামীলিতলোচনযুগলকুড্মলবিগলিতামলবাষ্পকলযাভিব্যজ্যমানরোমপুলককুলকোঽধুনাপি পরমাদরেণ শিরসা বিভর্তি ॥ ২ ॥

ততঃ সপ্ত ঋষযস্তত্প্রভাবাভিজ্ঞা যাং ননু তপসআত্যন্তিকী সিদ্ধিরেতাবতী ভগবতি সর্বাত্মনি বাসুদেবেঽনুপরতভক্তিযোগলাভেনৈবোপেক্ষিতান্যার্থাত্মগতযো মুক্তিমিবাগতাং মুমুক্ষব ইব সবহুমানমদ্যাপি জটাজূটৈরুদ্বহন্তি ॥ ৩ ॥

ততোঽনেকসহস্রকোটিবিমানানীকসঙ্কুলদেবযানেনাবতরন্তীন্দুমণ্ডলমাবার্য ব্রহ্মসদনে নিপততি ॥ ৪ ॥

তত্র চতুর্ধা ভিদ্যমানা চতুর্ভির্নামভিশ্চতুর্দিশমভিস্পন্দন্তী নদনদীপতিমেবাভিনিবিশতি সীতালকনন্দা চক্ষুর্ভদ্রেতি ॥ ৫ ॥

সীতা তু ব্রহ্মসদনাত্কেসরাচলাদিগিরিশিখরেভ্যোঽধোঽধঃ প্রস্রবন্তী গন্ধমাদনমূর্ধসু পতিত্বান্তরেণ ভদ্রাশ্ববর্ষং প্রাচ্যাং দিশি ক্ষারসমুদ্রমভিপ্রবিশতি ॥ ৬ ॥

এবং মাল্যবচ্ছিখরান্নিষ্পতন্তী ততোঽনুপরতবেগা কেতুমালমভি চক্ষুঃ প্রতীচ্যাং দিশি সরিত্পতিং প্রবিশতি ॥ ৭ ॥

ভদ্রা চোত্তরতো মেরুশিরসো নিপতিতা গিরিশিখরাদ্গিরিশিখরমতিহায শৃঙ্গবতঃ শৃঙ্গাদবস্যন্দমানা উত্তরাংস্তু কুরূনভিত উদীচ্যাং দিশি জলধিমভিপ্রবিশতি ॥ ৮ ॥

তথৈবালকনন্দা দক্ষিণেন ব্রহ্মসদনাদ্বহূনি গিরিকূটান্যতিক্রম্য হেমকূটাদ্ধৈমকূটান্যতিরভসতররংহসা লুঠযন্তী ভারতমভিবর্ষং দক্ষিণস্যাং দিশি জলধিমভিপ্রবিশতি যস্যাং স্নানার্থং চাগচ্ছতঃ পুংসঃ পদে পদেঽশ্বমেধরাজসূযাদীনাং ফলং ন দুর্লভমিতি ॥ ৯ ॥

অন্যে চ নদা নদ্যশ্চ বর্ষে বর্ষে সন্তি বহুশো মের্বাদিগিরিদুহিতরঃ শতশঃ ॥ ১০ ॥

তত্রাপি ভারতমেব বর্ষং কর্মক্ষেত্রমন্যান্যষ্ট বর্ষাণি স্বর্গিণাং পুণ্যশেষোপভোগস্থানানি ভৌমানি স্বর্গপদানি ব্যপদিশন্তি ॥ ১১ ॥

এষু পুরুষাণামযুতপুরুষাযুর্বর্ষাণাং দেবকল্পানাং নাগাযুতপ্রাণানাং বজ্রসংহননবলবযোমোদপ্রমুদিতমহাসৌরতমিথুনব্যবাযাপবর্গবর্ষধৃতৈকগর্ভ কলত্রাণাং তত্র তু ত্রেতাযুগসমঃ কালো বর্ততে ॥ ১২ ॥

যত্র হ দেবপতযঃ স্বৈঃ স্বৈর্গণনাযকৈর্বিহিতমহার্হণাঃ সর্বর্তুকুসুমস্তবকফলকিসলযশ্রিযাঽঽনম্যমানবিটপলতা বিটপিভিরুপশুম্ভমানরুচিরকাননাশ্রমাযতনবর্ষগিরিদ্রোণীষু তথা চামলজলাশযেষু বিকচবিবিধনববনরুহামোদমুদিতরাজহংসজলকুক্কুটকারণ্ডবসারসচক্রবাকাদিভির্মধুকরনিকরাকৃতিভিরুপকূজিতেষু জলক্রীডাদিভির্বিচিত্রবিনোদৈঃ সুললিতসুরসুন্দরীণাং কামকলিলবিলাসহাসলীলাবলোকাকৃষ্টমনোদৃষ্টযঃ স্বৈরং বিহরন্তি ॥ ১৩ ॥

নবস্বপি বর্ষেষু ভগবান্নারাযণো মহাপুরুষঃ পুরুষাণাং তদনুগ্রহাযাত্মতত্ত্বব্যূহেনাত্মনাদ্যাপি সন্নিধীযতে ॥ ১৪ ॥

ইলাবৃতে তু ভগবান্ ভব এক এব পুমান্ন হ্যন্যস্তত্রাপরো নির্বিশতি ভবান্যাঃ শাপনিমিত্তজ্ঞো যত্প্রবেক্ষ্যতঃ স্ত্রীভাবস্তত্পশ্চাদ্বক্ষ্যামি ॥ ১৫ ॥

ভবানীনাথৈঃ স্ত্রীগণার্বুদসহস্রৈরবরুধ্যমানো ভগবতশ্চতুর্মূর্তের্মহাপুরুষস্য তুরীযাং তামসীং মূর্তিং প্রকৃতিমাত্মনঃ সঙ্কর্ষণসংজ্ঞামাত্মসমাধিরূপেণ সন্নিধাপ্যৈতদভিগৃণন্ ভব উপ-ধাবতি ॥ ১৬ ॥

শ্রীভগবানুবাচ
ওঁ নমো ভগবতে মহাপুরুষায সর্বগুণসঙ্খ্যানাযানন্তাযাব্যক্তায নম ইতি ॥ ১৭ ॥

ভজে ভজন্যারণপাদপঙ্কজংভগস্য কৃত্স্নস্য পরং পরাযণম্ । ভক্তেষ্বলং ভাবিতভূতভাবনংভবাপহং ত্বা ভবভাবমীশ্বরম্ ॥ ১৮ ॥

ন যস্য মাযাগুণচিত্তবৃত্তিভি-র্নিরীক্ষতো হ্যণ্বপি দৃষ্টিরজ্যতে । ঈশে যথা নোঽজিতমন্যুরংহসাংকস্তং ন মন্যেত জিগীষুরাত্মনঃ ॥ ১৯ ॥

অসদ্দৃশো যঃ প্রতিভাতি মাযযা ক্ষীবেব মধ্বাসবতাম্রলোচনঃ । ন নাগবধ্বোঽর্হণ ঈশিরে হ্রিযাযত্পাদযোঃ স্পর্শনধর্ষিতেন্দ্রিযাঃ ॥ ২০ ॥

যমাহুরস্য স্থিতিজন্মসংযমংত্রিভির্বিহীনং যমনন্তমৃষযঃ । ন বেদ সিদ্ধার্থমিব ক্বচিত্স্থিতংভূমণ্ডলং মূর্ধসহস্রধামসু ॥ ২১ ॥

যস্যাদ্য আসীদ্ গুণবিগ্রহো মহান্বিজ্ঞানধিষ্ণ্যো ভগবানজঃ কিল । যত্সম্ভবোঽহং ত্রিবৃতা স্বতেজসাবৈকারিকং তামসমৈন্দ্রিযং সৃজে ॥ ২২ ॥

এতে বযং যস্য বশে মহাত্মনঃস্থিতাঃ শকুন্তা ইব সূত্রযন্ত্রিতাঃ । মহানহং বৈকৃততামসেন্দ্রিযাঃসৃজাম সর্বে যদনুগ্রহাদিদম্ ॥ ২৩ ॥

যন্নির্মিতাং কর্হ্যপি কর্মপর্বণীংমাযাং জনোঽযং গুণসর্গমোহিতঃ । ন বেদ নিস্তারণযোগমঞ্জসাতস্মৈ নমস্তে বিলযোদযাত্মনে ॥ ২৪ ॥