ஶ்ரீமத்பாகவதம் ௫.௧௭

ஶ்ரீஶுக உவாச
தத்ர பகவதஃ ஸாக்ஷாத்யஜ்ஞலிங்கஸ்ய விஷ்ணோர்விக்ரமதோ வாமபாதாங்குஷ்டநகநிர்பிந்நோர்த்வாண்டகடாஹவிவரேணாந்தஃப்ரவிஷ்டா யா பாஹ்யஜலதாரா தச்சரணபங்கஜாவநேஜநாருணகிஞ்ஜல்கோபரஞ்ஜிதாகிலஜகதகமலாபஹோபஸ்பர்ஶநாமலா ஸாக்ஷாத்பகவத்பதீத்யநுபலக்ஷிதவசோ'பிதீயமாநாதிமஹதா காலேந யுகஸஹஸ்ரோபலக்ஷணேந திவோ மூர்தந்யவததார யத்தத்விஷ்ணுபதமாஹுஃ ॥ ௧ ॥

யத்ர ஹ வாவ வீரவ்ரத ஔத்தாநபாதிஃ பரமபாகவதோ'ஸ்மத்குலதேவதாசரணாரவிந்தோதகமிதி யாமநுஸவநமுத்க்ரு'ஷ்யமாணபகவத்பக்தியோகேந த்ரு'டம் க்லித்யமாநாந்தர்ஹ்ரு'தய ஔத்கண்ட்யவிவஶாமீலிதலோசநயுகலகுட்மலவிகலிதாமலபாஷ்பகலயாபிவ்யஜ்யமாநரோமபுலககுலகோ'துநாபி பரமாதரேண ஶிரஸா பிபர்தி ॥ ௨ ॥

ததஃ ஸப்த ரு'ஷயஸ்தத்ப்ரபாவாபிஜ்ஞா யாம் நநு தபஸஆத்யந்திகீ ஸித்திரேதாவதீ பகவதி ஸர்வாத்மநி வாஸுதேவே'நுபரதபக்தியோகலாபேநைவோபேக்ஷிதாந்யார்தாத்மகதயோ முக்திமிவாகதாம் முமுக்ஷவ இவ ஸபஹுமாநமத்யாபி ஜடாஜூடைருத்வஹந்தி ॥ ௩ ॥

ததோ'நேகஸஹஸ்ரகோடிவிமாநாநீகஸங்குலதேவயாநேநாவதரந்தீந்துமண்டலமாவார்ய ப்ரஹ்மஸதநே நிபததி ॥ ௪ ॥

தத்ர சதுர்தா பித்யமாநா சதுர்பிர்நாமபிஶ்சதுர்திஶமபிஸ்பந்தந்தீ நதநதீபதிமேவாபிநிவிஶதி ஸீதாலகநந்தா சக்ஷுர்பத்ரேதி ॥ ௫ ॥

ஸீதா து ப்ரஹ்மஸதநாத்கேஸராசலாதிகிரிஶிகரேப்யோ'தோ'தஃ ப்ரஸ்ரவந்தீ கந்தமாதநமூர்தஸு பதித்வாந்தரேண பத்ராஶ்வவர்ஷம் ப்ராச்யாம் திஶி க்ஷாரஸமுத்ரமபிப்ரவிஶதி ॥ ௬ ॥

ஏவம் மால்யவச்சிகராந்நிஷ்பதந்தீ ததோ'நுபரதவேகா கேதுமாலமபி சக்ஷுஃ ப்ரதீச்யாம் திஶி ஸரித்பதிம் ப்ரவிஶதி ॥ ௭ ॥

பத்ரா சோத்தரதோ மேருஶிரஸோ நிபதிதா கிரிஶிகராத்கிரிஶிகரமதிஹாய ஶ்ரு'ங்கவதஃ ஶ்ரு'ங்காதவஸ்யந்தமாநா உத்தராம்ஸ்து குரூநபித உதீச்யாம் திஶி ஜலதிமபிப்ரவிஶதி ॥ ௮ ॥

ததைவாலகநந்தா தக்ஷிணேந ப்ரஹ்மஸதநாத்பஹூநி கிரிகூடாந்யதிக்ரம்ய ஹேமகூடாத்தைமகூடாந்யதிரபஸதரரம்ஹஸா லுடயந்தீ பாரதமபிவர்ஷம் தக்ஷிணஸ்யாம் திஶி ஜலதிமபிப்ரவிஶதி யஸ்யாம் ஸ்நாநார்தம் சாகச்சதஃ பும்ஸஃ பதே பதே'ஶ்வமேதராஜஸூயாதீநாம் பலம் ந துர்லபமிதி ॥ ௯ ॥

அந்யே ச நதா நத்யஶ்ச வர்ஷே வர்ஷே ஸந்தி பஹுஶோ மேர்வாதிகிரிதுஹிதரஃ ஶதஶஃ ॥ ௧௦ ॥

தத்ராபி பாரதமேவ வர்ஷம் கர்மக்ஷேத்ரமந்யாந்யஷ்ட வர்ஷாணி ஸ்வர்கிணாம் புண்யஶேஷோபபோகஸ்தாநாநி பௌமாநி ஸ்வர்கபதாநி வ்யபதிஶந்தி ॥ ௧௧ ॥

ஏஷு புருஷாணாமயுதபுருஷாயுர்வர்ஷாணாம் தேவகல்பாநாம் நாகாயுதப்ராணாநாம் வஜ்ரஸம்ஹநநபலவயோமோதப்ரமுதிதமஹாஸௌரதமிதுநவ்யவாயாபவர்கவர்ஷத்ரு'தைககர்ப கலத்ராணாம் தத்ர து த்ரேதாயுகஸமஃ காலோ வர்ததே ॥ ௧௨ ॥

யத்ர ஹ தேவபதயஃ ஸ்வைஃ ஸ்வைர்கணநாயகைர்விஹிதமஹார்ஹணாஃ ஸர்வர்துகுஸுமஸ்தபகபலகிஸலயஶ்ரியா''நம்யமாநவிடபலதா விடபிபிருபஶும்பமாநருசிரகாநநாஶ்ரமாயதநவர்ஷகிரித்ரோணீஷு ததா சாமலஜலாஶயேஷு விகசவிவிதநவவநருஹாமோதமுதிதராஜஹம்ஸஜலகுக்குடகாரண்டவஸாரஸசக்ரவாகாதிபிர்மதுகரநிகராக்ரு'திபிருபகூஜிதேஷு ஜலக்ரீடாதிபிர்விசித்ரவிநோதைஃ ஸுலலிதஸுரஸுந்தரீணாம் காமகலிலவிலாஸஹாஸலீலாவலோகாக்ரு'ஷ்டமநோத்ரு'ஷ்டயஃ ஸ்வைரம் விஹரந்தி ॥ ௧௩ ॥

நவஸ்வபி வர்ஷேஷு பகவாந்நாராயணோ மஹாபுருஷஃ புருஷாணாம் ததநுக்ரஹாயாத்மதத்த்வவ்யூஹேநாத்மநாத்யாபி ஸந்நிதீயதே ॥ ௧௪ ॥

இலாவ்ரு'தே து பகவாந் பவ ஏக ஏவ புமாந்ந ஹ்யந்யஸ்தத்ராபரோ நிர்விஶதி பவாந்யாஃ ஶாபநிமித்தஜ்ஞோ யத்ப்ரவேக்ஷ்யதஃ ஸ்த்ரீபாவஸ்தத்பஶ்சாத்வக்ஷ்யாமி ॥ ௧௫ ॥

பவாநீநாதைஃ ஸ்த்ரீகணார்புதஸஹஸ்ரைரவருத்யமாநோ பகவதஶ்சதுர்மூர்தேர்மஹாபுருஷஸ்ய துரீயாம் தாமஸீம் மூர்திம் ப்ரக்ரு'திமாத்மநஃ ஸங்கர்ஷணஸம்ஜ்ஞாமாத்மஸமாதிரூபேண ஸந்நிதாப்யைததபிக்ரு'ணந் பவ உப-தாவதி ॥ ௧௬ ॥

ஶ்ரீபகவாநுவாச
ௐ நமோ பகவதே மஹாபுருஷாய ஸர்வகுணஸங்க்யாநாயாநந்தாயாவ்யக்தாய நம இதி ॥ ௧௭ ॥

பஜே பஜந்யாரணபாதபங்கஜம்பகஸ்ய க்ரு'த்ஸ்நஸ்ய பரம் பராயணம் । பக்தேஷ்வலம் பாவிதபூதபாவநம்பவாபஹம் த்வா பவபாவமீஶ்வரம் ॥ ௧௮ ॥

ந யஸ்ய மாயாகுணசித்தவ்ரு'த்திபி-ர்நிரீக்ஷதோ ஹ்யண்வபி த்ரு'ஷ்டிரஜ்யதே । ஈஶே யதா நோ'ஜிதமந்யுரம்ஹஸாம்கஸ்தம் ந மந்யேத ஜிகீஷுராத்மநஃ ॥ ௧௯ ॥

அஸத்த்ரு'ஶோ யஃ ப்ரதிபாதி மாயயா க்ஷீபேவ மத்வாஸவதாம்ரலோசநஃ । ந நாகவத்வோ'ர்ஹண ஈஶிரே ஹ்ரியாயத்பாதயோஃ ஸ்பர்ஶநதர்ஷிதேந்த்ரியாஃ ॥ ௨௦ ॥

யமாஹுரஸ்ய ஸ்திதிஜந்மஸம்யமம்த்ரிபிர்விஹீநம் யமநந்தம்ரு'ஷயஃ । ந வேத ஸித்தார்தமிவ க்வசித்ஸ்திதம்பூமண்டலம் மூர்தஸஹஸ்ரதாமஸு ॥ ௨௧ ॥

யஸ்யாத்ய ஆஸீத் குணவிக்ரஹோ மஹாந்விஜ்ஞாநதிஷ்ண்யோ பகவாநஜஃ கில । யத்ஸம்பவோ'ஹம் த்ரிவ்ரு'தா ஸ்வதேஜஸாவைகாரிகம் தாமஸமைந்த்ரியம் ஸ்ரு'ஜே ॥ ௨௨ ॥

ஏதே வயம் யஸ்ய வஶே மஹாத்மநஃஸ்திதாஃ ஶகுந்தா இவ ஸூத்ரயந்த்ரிதாஃ । மஹாநஹம் வைக்ரு'ததாமஸேந்த்ரியாஃஸ்ரு'ஜாம ஸர்வே யதநுக்ரஹாதிதம் ॥ ௨௩ ॥

யந்நிர்மிதாம் கர்ஹ்யபி கர்மபர்வணீம்மாயாம் ஜநோ'யம் குணஸர்கமோஹிதஃ । ந வேத நிஸ்தாரணயோகமஞ்ஜஸாதஸ்மை நமஸ்தே விலயோதயாத்மநே ॥ ௨௪ ॥