ஶ்ரீமத்பாகவதம் ௫.௧௮

ஶ்ரீஶுக உவாச
ததா ச பத்ரஶ்ரவா நாம தர்மஸுதஸ்தத்குலபதயஃ புருஷா பத்ராஶ்வவர்ஷே ஸாக்ஷாத்பகவதோ வாஸுதேவஸ்ய ப்ரியாம்தநும் தர்மமயீம் ஹயஶீர்ஷாபிதாநாம் பரமேண ஸமாதிநா ஸந்நிதாப்யேதமபிக்ரு'ணந்த உபதாவந்தி ॥ ௧ ॥

பத்ரஶ்ரவஸ ஊசுஃ
ௐ நமோ பகவதே தர்மாயாத்மவிஶோதநாய நம இதி ॥ ௨ ॥

அஹோ விசித்ரம் பகவத்விசேஷ்டிதம்க்நந்தம் ஜநோ'யம் ஹி மிஷந்ந பஶ்யதி । த்யாயந்நஸத்யர்ஹி விகர்ம ஸேவிதும்நிர்ஹ்ரு'த்ய புத்ரம் பிதரம் ஜிஜீவிஷதி ॥ ௩ ॥

வதந்தி விஶ்வம் கவயஃ ஸ்ம நஶ்வரம்பஶ்யந்தி சாத்யாத்மவிதோ விபஶ்சிதஃ । ததாபி முஹ்யந்தி தவாஜ மாயயாஸுவிஸ்மிதம் க்ரு'த்யமஜம் நதோ'ஸ்மி தம் ॥ ௪ ॥

விஶ்வோத்பவஸ்தாநநிரோதகர்ம தேஹ்யகர்துரங்கீக்ரு'தமப்யபாவ்ரு'தஃ । யுக்தம் ந சித்ரம் த்வயி கார்யகாரணேஸர்வாத்மநி வ்யதிரிக்தே ச வஸ்துதஃ ॥ ௫ ॥

வேதாந் யுகாந்தே தமஸா திரஸ்க்ரு'தாந்ரஸாதலாத்யோ ந்ரு'துரங்கவிக்ரஹஃ । ப்ரத்யாததே வை கவயே'பியாசதேதஸ்மை நமஸ்தே'விததேஹிதாய இதி ॥ ௬ ॥

ஹரிவர்ஷே சாபி பகவாந்நரஹரிரூபேணாஸ்தே । தத்ரூபக்ரஹணநிமித்தமுத்தரத்ராபிதாஸ்யே । தத்தயிதம் ரூபம் மஹாபுருஷகுணபாஜநோ மஹாபாகவதோ தைத்யதாநவகுலதீர்தீகரணஶீலாசரிதஃ ப்ரஹ்லாதோ'வ்யவதாநாநந்யபக்தியோகேந ஸஹ தத்வர்ஷபுருஷைருபாஸ்தே இதம் சோதாஹரதி ॥ ௭ ॥

ௐ நமோ பகவதே நரஸிம்ஹாய நமஸ்தேஜஸ்தேஜஸே ஆவிராவிர்பவ வஜ்ரநக வஜ்ரதம்ஷ்ட்ர கர்மாஶயாந் ரந்தய ரந்தய தமோ க்ரஸ க்ரஸ ௐ ஸ்வாஹா । அபயமபயமாத்மநி பூயிஷ்டா ௐ க்ஷ்ரௌம் ॥ ௮ ॥

ஸ்வஸ்த்யஸ்து விஶ்வஸ்ய கலஃ ப்ரஸீததாம்
த்யாயந்து பூதாநி ஶிவம் மிதோ தியா ।
மநஶ்ச பத்ரம் பஜதாததோக்ஷஜே
ஆவேஶ்யதாம் நோ மதிரப்யஹைதுகீ ॥ ௯ ॥

மாகாரதாராத்மஜவித்தபந்துஷு
ஸங்கோ யதி ஸ்யாத்பகவத்ப்ரியேஷு நஃ ।
யஃ ப்ராணவ்ரு'த்த்யா பரிதுஷ்ட ஆத்மவாந்
ஸித்த்யத்யதூராந்ந ததேந்த்ரியப்ரியஃ ॥ ௧௦ ॥

யத்ஸங்கலப்தம் நிஜவீர்யவைபவம்
தீர்தம் முஹுஃ ஸம்ஸ்ப்ரு'ஶதாம் ஹி மாநஸம் ।
ஹரத்யஜோ'ந்தஃ ஶ்ருதிபிர்கதோ'ங்கஜம்
கோ வை ந ஸேவேத முகுந்தவிக்ரமம் ॥ ௧௧ ॥

யஸ்யாஸ்தி பக்திர்பகவத்யகிஞ்சநா
ஸர்வைர்குணைஸ்தத்ர ஸமாஸதே ஸுராஃ ।
ஹராவபக்தஸ்ய குதோ மஹத்குணா
மநோரதேநாஸதி தாவதோ பஹிஃ ॥ ௧௨ ॥

ஹரிர்ஹி ஸாக்ஷாத்பகவாந் ஶரீரிணா-
மாத்மா சஷாணாமிவ தோயமீப்ஸிதம் ।
ஹித்வா மஹாம்ஸ்தம் யதி ஸஜ்ஜதே க்ரு'ஹே
ததா மஹத்த்வம் வயஸா தம்பதீநாம் ॥ ௧௩ ॥

தஸ்மாத்ரஜோராகவிஷாதமந்யு-
மாநஸ்ப்ரு'ஹாபயதைந்யாதிமூலம் ।
ஹித்வா க்ரு'ஹம் ஸம்ஸ்ரு'திசக்ரவாலம்
ந்ரு'ஸிம்ஹபாதம் பஜதாகுதோபயமிதி ॥ ௧௪ ॥

கேதுமாலே'பி பகவாந் காமதேவஸ்வரூபேண லக்ஷ்ம்யாஃ ப்ரியசிகீர்ஷயா ப்ரஜாபதேர்துஹித்ரு'ணாம் புத்ராணாம் தத்வர்ஷபதீநாம் புருஷாயுஷாஹோராத்ரபரிஸங்க்யாநாநாம் யாஸாம் கர்பா மஹாபுருஷமஹாஸ்த்ரதேஜஸோத்வேஜிதமநஸாம் வித்வஸ்தா வ்யஸவஃ ஸம்வத்ஸராந்தே விநிபதந்தி ॥ ௧௫ ॥

அதீவ ஸுலலிதகதிவிலாஸவிலஸிதருசிரஹாஸலேஶாவலோகலீலயா கிஞ்சிதுத்தம்பிதஸுந்தரப்ரூமண்டலஸுபகவதநாரவிந்தஶ்ரியா ரமாம் ரமயந்நிந்த்ரியாணி ரமயதே ॥ ௧௬ ॥

தத்பகவதோ மாயாமயம் ரூபம் பரமஸமாதியோகேந ரமா தேவீ ஸம்வத்ஸரஸ்ய ராத்ரிஷு ப்ரஜாபதேர்துஹித்ரு'பிருபேதாஹஃஸு ச தத்பர்த்ரு'பிருபாஸ்தே இதம் சோதாஹரதி ॥ ௧௭ ॥

ௐ ஹ்ராம் ஹ்ரீம் ஹ்ரூம் ௐ நமோ பகவதே ஹ்ரு'ஷீகேஶாய ஸர்வகுணவிஶேஷைர்விலக்ஷிதாத்மநே ஆகூதீநாம் சித்தீநாம் சேதஸாம் விஶேஷாணாம் சாதிபதயே ஷோடஶகலாயச்சந்தோமயாயாந்நமயாயாம்ரு'தமயாய ஸர்வமயாய ஸஹஸே ஓஜஸே பலாய காந்தாய காமாய நமஸ்தே உபயத்ர பூயாத் ॥ ௧௮ ॥

ஸ்த்ரியோ வ்ரதைஸ்த்வா ஹ்ரு'ஷீகேஶ்வரம் ஸ்வதோ
ஹ்யாராத்ய லோகே பதிமாஶாஸதே'ந்யம் ।
தாஸாம் ந தே வை பரிபாந்த்யபத்யம்
ப்ரியம் தநாயூம்ஷி யதோ'ஸ்வதந்த்ராஃ ॥ ௧௯ ॥

ஸ வை பதிஃ ஸ்யாதகுதோபயஃ ஸ்வயம்
ஸமந்ததஃ பாதி பயாதுரம் ஜநம் ।
ஸ ஏக ஏவேதரதா மிதோ பயம்
நைவாத்மலாபாததி மந்யதே பரம் ॥ ௨௦ ॥

யா தஸ்ய தே பாதஸரோருஹார்ஹணம்
நிகாமயேத்ஸாகிலகாமலம்படா ।
ததேவ ராஸீப்ஸிதமீப்ஸிதோ'ர்சிதோ
யத்பக்நயாச்ஞா பகவந் ப்ரதப்யதே ॥ ௨௧ ॥

மத்ப்ராப்தயே'ஜேஶஸுராஸுராதய-
ஸ்தப்யந்த உக்ரம் தப ஐந்த்ரியேதியஃ ।
ரு'தே பவத்பாதபராயணாந்ந மாம்
விந்தந்த்யஹம் த்வத்த்ரு'தயா யதோ'ஜித ॥ ௨௨ ॥

ஸ த்வம் மமாப்யச்யுத ஶீர்ஷ்ணி வந்திதம்
கராம்புஜம் யத்த்வததாயி ஸாத்வதாம் ।
பிபர்ஷி மாம் லக்ஷ்ம வரேண்ய மாயயா
க ஈஶ்வரஸ்யேஹிதமூஹிதும் விபுரிதி ॥ ௨௩ ॥

ரம்யகே ச பகவதஃ ப்ரியதமம் மாத்ஸ்யமவதாரரூபம் தத்வர்ஷபுருஷஸ்ய மநோஃ ப்ராக்ப்ரதர்ஶிதம் ஸ இதாநீமபி மஹதா பக்தியோகேநாராதயதீதம் சோதாஹரதி ॥ ௨௪ ॥

ௐ நமோ பகவதே முக்யதமாய நமஃ ஸத்த்வாய ப்ராணாயௌஜஸே ஸஹஸே பலாய மஹாமத்ஸ்யாய நம இதி ॥ ௨௫ ॥

அந்தர்பஹிஶ்சாகிலலோகபாலகை-
ரத்ரு'ஷ்டரூபோ விசரஸ்யுருஸ்வநஃ ।
ஸ ஈஶ்வரஸ்த்வம் ய இதம் வஶே'நய-
ந்நாம்நா யதா தாருமயீம் நரஃ ஸ்த்ரியம் ॥ ௨௬ ॥

யம் லோகபாலாஃ கில மத்ஸரஜ்வரா
ஹித்வா யதந்தோ'பி ப்ரு'தக்ஸமேத்ய ச ।
பாதும் ந ஶேகுர்த்விபதஶ்சதுஷ்பதஃ
ஸரீஸ்ரு'பம் ஸ்தாணு யதத்ர த்ரு'ஶ்யதே ॥ ௨௭ ॥

பவாந் யுகாந்தார்ணவ ஊர்மிமாலிநி
க்ஷோணீமிமாமோஷதிவீருதாம் நிதிம் ।
மயா ஸஹோரு க்ரமதே'ஜ ஓஜஸா
தஸ்மை ஜகத்ப்ராணகணாத்மநே நம இதி ॥ ௨௮ ॥

ஹிரண்மயே'பி பகவாந்நிவஸதி கூர்மதநும் பிப்ராணஸ்தஸ்ய தத்ப்ரியதமாம் தநுமர்யமா ஸஹ வர்ஷபுருஷைஃ பித்ரு'கணாதிபதிருபதாவதி மந்த்ரமிமம் சாநுஜபதி ॥ ௨௯ ॥

ௐ நமோ பகவதே அகூபாராய ஸர்வஸத்த்வகுணவிஶேஷணாயாநுபலக்ஷிதஸ்தாநாய நமோ வர்ஷ்மணே நமோ பூம்நே நமோ நமோ'வஸ்தாநாய நமஸ்தே ॥ ௩௦ ॥

யத்ரூபமேதந்நிஜமாயயார்பித-
மர்தஸ்வரூபம் பஹுரூபரூபிதம் ।
ஸங்க்யா ந யஸ்யாஸ்த்யயதோபலம்பநாத்-
தஸ்மை நமஸ்தே'வ்யபதேஶரூபிணே ॥ ௩௧ ॥

ஜராயுஜம் ஸ்வேதஜமண்டஜோத்பிதம்
சராசரம் தேவர்ஷிபித்ரு'பூதமைந்த்ரியம் ।
த்யௌஃ கம் க்ஷிதிஃ ஶைலஸரித்ஸமுத்ர-
த்வீபக்ரஹர்க்ஷேத்யபிதேய ஏகஃ ॥ ௩௨ ॥

யஸ்மிந்நஸங்க்யேயவிஶேஷநாம-
ரூபாக்ரு'தௌ கவிபிஃ கல்பிதேயம் ।
ஸங்க்யா யயா தத்த்வத்ரு'ஶாபநீயதே
தஸ்மை நமஃ ஸாங்க்யநிதர்ஶநாய தே இதி ॥ ௩௩ ॥

உத்தரேஷு ச குருஷு பகவாந் யஜ்ஞபுருஷஃ க்ரு'தவராஹரூப ஆஸ்தே தம் து தேவீ ஹைஷா பூஃ ஸஹ குருபிரஸ்கலிதபக்தியோகேநோபதாவதி இமாம் ச பரமாமுபநிஷதமாவர்தயதி ॥ ௩௪ ॥

ௐ நமோ பகவதே மந்த்ரதத்த்வலிங்காய யஜ்ஞக்ரதவே மஹாத்வராவயவாய மஹாபுருஷாய நமஃ கர்மஶுக்லாய த்ரியுகாய நமஸ்தே ॥ ௩௫ ॥ ।

யஸ்ய ஸ்வரூபம் கவயோ விபஶ்சிதோ
குணேஷு தாருஷ்விவ ஜாதவேதஸம் ।
மத்நந்தி மத்நா மநஸா தித்ரு'க்ஷவோ
கூடம் க்ரியார்தைர்நம ஈரிதாத்மநே ॥ ௩௬ ॥

த்ரவ்யக்ரியாஹேத்வயநேஶகர்த்ரு'பி-
ர்மாயாகுணைர்வஸ்துநிரீக்ஷிதாத்மநே ।
அந்வீக்ஷயாங்காதிஶயாத்மபுத்திபி-
ர்நிரஸ்தமாயாக்ரு'தயே நமோ நமஃ ॥ ௩௭ ॥

கரோதி விஶ்வஸ்திதிஸம்யமோதயம்
யஸ்யேப்ஸிதம் நேப்ஸிதமீக்ஷிதுர்குணைஃ ।
மாயா யதாயோ ப்ரமதே ததாஶ்ரயம்
க்ராவ்ணோ நமஸ்தே குணகர்மஸாக்ஷிணே ॥ ௩௮ ॥

ப்ரமத்ய தைத்யம் ப்ரதிவாரணம் ம்ரு'தே
யோ மாம் ரஸாயா ஜகதாதிஸூகரஃ ।
க்ரு'த்வாக்ரதம்ஷ்ட்ரே நிரகாதுதந்வதஃ
க்ரீடந்நிவேபஃ ப்ரணதாஸ்மி தம் விபுமிதி ॥ ௩௯ ॥