শ্রীশুক উবাচ
নাভিরপত্যকামোঽপ্রজযা মেরুদেব্যা ভগবন্তং যজ্ঞপুরুষমবহিতাত্মাযজত ॥ ১ ॥
নাভিরপত্যকামোঽপ্রজযা মেরুদেব্যা ভগবন্তং যজ্ঞপুরুষমবহিতাত্মাযজত ॥ ১ ॥
তস্য হ বাব শ্রদ্ধযা বিশুদ্ধভাবেন যজতঃ প্রবর্গ্যেষু প্রচরত্সু দ্রব্যদেশকালমন্ত্রর্ত্বিগ্দক্ষিণাবিধানযোগোপপত্ত্যা দুরধিগমোঽপি ভগবান্ ভাগবতবাত্সল্যতযা সুপ্রতীক আত্মানমপরাজিতং নিজজনাভিপ্রেতার্থবিধিত্সযা গৃহীতহৃদযো হৃদযঙ্গমং মনোনযনানন্দনাবযবাভিরামমাবিশ্চকার ॥ ২ ॥
অথ হ তমাবিষ্কৃতভুজযুগলদ্বযং হিরণ্মযং পুরুষবিশেষং কপিশকৌশেযাম্বরধরমুরসি বিলসচ্ছ্রীবত্সললামং দরবরবনরুহবনমালাচ্ছূর্যমৃতমণিগদাদিভিরুপলক্ষিতং স্ফুটকিরণপ্রবরমুকুটকুণ্ডলকটককটিসূত্রহারকেযূরনূপুরাদ্যঙ্গভূষণবিভূষিতমৃত্বিক্ সদস্যগৃহপতযোঽধনা ইবোত্তমধনমুপলভ্য সবহুমানমর্হণেনাবনতশীর্ষাণ উপতস্থুঃ ॥ ৩ ॥
ঋত্বিজ ঊচুঃ
অর্হসি মুহুরর্হত্তমার্হণমস্মাকমনুপথানাং নমো নম ইত্যেতাবত্সদুপশিক্ষিতং কোঽর্হতি পুমান্ প্রকৃতিগুণব্যতিকরমতিরনীশ ঈশ্বরস্য পরস্য প্রকৃতিপুরুষযোরর্বাক্তনাভির্নামরূপাকৃতিভী রূপনিরূপণম্ ॥ ৪ ॥
অর্হসি মুহুরর্হত্তমার্হণমস্মাকমনুপথানাং নমো নম ইত্যেতাবত্সদুপশিক্ষিতং কোঽর্হতি পুমান্ প্রকৃতিগুণব্যতিকরমতিরনীশ ঈশ্বরস্য পরস্য প্রকৃতিপুরুষযোরর্বাক্তনাভির্নামরূপাকৃতিভী রূপনিরূপণম্ ॥ ৪ ॥
সকলজননিকাযবৃজিননিরসনশিবতমপ্রবরগুণগণৈকদেশকথনাদৃতে ॥ ৫ ॥
পরিজনানুরাগবিরচিতশবলসংশব্দসলিলসিতকিসলযতুলসিকাদূর্বাঙ্কুরৈরপি সম্ভৃতযা সপর্যযা কিল পরম পরিতুষ্যসি ॥ ৬ ॥
অথানযাপি ন ভবত ইজ্যযোরুভারভরযা সমুচিতমর্থমিহোপলভামহে ॥ ৭ ॥
আত্মন এবানুসবনমঞ্জসাব্যতিরেকেণ বোভূযমানাশেষপুরুষার্থস্বরূপস্য কিন্তু নাথাশিষ আশাসানানামেতদভিসংরাধনমাত্রং ভবিতুমর্হতি ॥ ৮ ॥
শ্লোক ৫.৩.৯
তদ্যথা বালিশানাং স্বযমাত্মনঃ শ্রেযঃ পরমবিদুষাং পরমপরমপুরুষ প্রকর্ষকরুণযা স্বমহিমানং চাপবর্গাখ্যমুপকল্পযিষ্যন্ স্বযং নাপচিত এবেতরবদিহোপলক্ষিতঃ ॥ ৯ ॥
তদ্যথা বালিশানাং স্বযমাত্মনঃ শ্রেযঃ পরমবিদুষাং পরমপরমপুরুষ প্রকর্ষকরুণযা স্বমহিমানং চাপবর্গাখ্যমুপকল্পযিষ্যন্ স্বযং নাপচিত এবেতরবদিহোপলক্ষিতঃ ॥ ৯ ॥
অথাযমেব বরো হ্যর্হত্তম যর্হি বর্হিষি রাজর্ষের্বরদর্ষভো ভবান্নিজপুরুষেক্ষণবিষয আসীত্ ॥ ১০ ॥
অসঙ্গনিশিতজ্ঞানানলবিধূতাশেষমলানাং ভবত্স্বভাবানামাত্মারামাণাং মুনীনামনবরতপরিগুণিতগুণগণ পরমমঙ্গলাযনগুণগণকথনোঽসি ॥ ১১ ॥
অথ কথঞ্চিত্স্খলনক্ষুত্পতনজৃম্ভণদুরবস্থানাদিষু বিবশানাং নঃ স্মরণায জ্বরমরণদশাযামপি সকলকশ্মলনিরসনানি তব গুণকৃতনামধেযানি বচনগোচরাণি ভবন্তু ॥ ১২ ॥
কিঞ্চাযং রাজর্ষিরপত্যকামঃ প্রজাং ভবাদৃশীমাশাসান ঈশ্বরমাশিষাং স্বর্গাপবর্গযোরপি ভবন্তমুপধাবতি প্রজাযামর্থপ্রত্যযো ধনদমিবাধনঃ ফলীকরণম্ ॥ ১৩ ॥
কো বা ইহ তেঽপরাজিতোঽপরাজিতযা মাযযানবসিতপদব্যানাবৃতমতির্বিষযবিষরযানাবৃতপ্রকৃতিরনুপাসিতমহচ্চরণঃ ॥ ১৪ ॥
যদু হ বাব তব পুনরদভ্রকর্তরিহ সমাহূতস্তত্রার্থধিযাং মন্দানাং নস্তদ্যদ্দেবহেলনং দেবদেবার্হসি সাম্যেন সর্বান্ প্রতিবোঢুমবিদুষাম্ ॥ ১৫ ॥
শ্রীশুক উবাচ
ইতি নিগদেনাভিষ্টূযমানো ভগবাননিমিষর্ষভো বর্ষধরাভিবাদিতাভিবন্দিতচরণঃ সদযমিদমাহ ॥ ১৬ ॥
ইতি নিগদেনাভিষ্টূযমানো ভগবাননিমিষর্ষভো বর্ষধরাভিবাদিতাভিবন্দিতচরণঃ সদযমিদমাহ ॥ ১৬ ॥
শ্রীভগবানুবাচ
অহো বতাহমৃষযো ভবদ্ভিরবিতথগীর্ভির্বরমসুলভমভিযাচিতো যদমুষ্যাত্মজো মযা সদৃশো ভূযাদিতি মমাহমেবাভিরূপঃ কৈবল্যাদথাপি ব্রহ্মবাদো ন মৃষা ভবিতুমর্হতি মমৈব হি মুখং যদ্ দ্বিজদেবকুলম্ ॥ ১৭ ॥
অহো বতাহমৃষযো ভবদ্ভিরবিতথগীর্ভির্বরমসুলভমভিযাচিতো যদমুষ্যাত্মজো মযা সদৃশো ভূযাদিতি মমাহমেবাভিরূপঃ কৈবল্যাদথাপি ব্রহ্মবাদো ন মৃষা ভবিতুমর্হতি মমৈব হি মুখং যদ্ দ্বিজদেবকুলম্ ॥ ১৭ ॥
তত আগ্নীধ্রীযেংঽশকলযাবতরিষ্যাম্যাত্মতুল্যমনুপলভমানঃ ॥ ১৮ ॥
শ্রীশুক উবাচ
ইতি নিশামযন্ত্যা মেরুদেব্যাঃ পতিমভিধাযান্তর্দধে ভগবান্ ॥ ১৯ ॥
ইতি নিশামযন্ত্যা মেরুদেব্যাঃ পতিমভিধাযান্তর্দধে ভগবান্ ॥ ১৯ ॥
বর্হিষি তস্মিন্নেব বিষ্ণুদত্ত ভগবান্ পরমর্ষিভিঃ প্রসাদিতো নাভেঃ প্রিযচিকীর্ষযা তদবরোধাযনে মেরুদেব্যাং ধর্মান্দর্শযিতুকামো বাতরশনানাং শ্রমণানামৃষীণামূর্ধ্বমন্থিনাং শুক্লযা তনুবাবততার ॥ ২০ ॥