ஶ்ரீமத்பாகவதம் ௬.௧

ஶ்ரீபரீக்ஷிதுவாச
நிவ்ரு'த்திமார்கஃ கதித ஆதௌ பகவதா யதா ।
க்ரமயோகோபலப்தேந ப்ரஹ்மணா யதஸம்ஸ்ரு'திஃ ॥ ௧ ॥

ப்ரவ்ரு'த்திலக்ஷணஶ்சைவ த்ரைகுண்யவிஷயோ முநே ।
யோ'ஸாவலீநப்ரக்ரு'தேர்குணஸர்கஃ புநஃ புநஃ ॥ ௨ ॥

அதர்மலக்ஷணா நாநா நரகாஶ்சாநுவர்ணிதாஃ ।
மந்வந்தரஶ்ச வ்யாக்யாத ஆத்யஃ ஸ்வாயம்புவோ யதஃ ॥ ௩ ॥

ப்ரியவ்ரதோத்தாநபதோர்வம்ஶஸ்தச்சரிதாநி ச ।
த்வீபவர்ஷஸமுத்ராத்ரிநத்யுத்யாநவநஸ்பதீந் ॥ ௪ ॥

தராமண்டலஸம்ஸ்தாநம் பாகலக்ஷணமாநதஃ ।
ஜ்யோதிஷாம் விவராணாம் ச யதேதமஸ்ரு'ஜத்விபுஃ ॥ ௫ ॥

அதுநேஹ மஹாபாக யதைவ நரகாந்நரஃ ।
நாநோக்ரயாதநாந்நேயாத்தந்மே வ்யாக்யாதுமர்ஹஸி ॥ ௬ ॥

ஶ்ரீஶுக உவாச
ந சேதிஹைவாபசிதிம் யதாம்ஹஸஃ
க்ரு'தஸ்ய குர்யாந்மநஉக்தபாணிபிஃ ।
த்ருவம் ஸ வை ப்ரேத்ய நரகாநுபைதி
யே கீர்திதா மே பவதஸ்திக்மயாதநாஃ ॥ ௭ ॥

தஸ்மாத்புரைவாஶ்விஹ பாபநிஷ்க்ரு'தௌ
யதேத ம்ரு'த்யோரவிபத்யதாத்மநா ।
தோஷஸ்ய த்ரு'ஷ்ட்வா குருலாகவம் யதா
பிஷக் சிகித்ஸேத ருஜாம் நிதாநவித் ॥ ௮ ॥

ஶ்ரீராஜோவாச
த்ரு'ஷ்டஶ்ருதாப்யாம் யத்பாபம் ஜாநந்நப்யாத்மநோ'ஹிதம் ।
கரோதி பூயோ விவஶஃ ப்ராயஶ்சித்தமதோ கதம் ॥ ௯ ॥

க்வசிந்நிவர்ததே'பத்ராத்க்வசிச்சரதி தத்புநஃ ।
ப்ராயஶ்சித்தமதோ'பார்தம் மந்யே குஞ்ஜரஶௌசவத் ॥ ௧௦ ॥

ஶ்ரீபாதராயணிருவாச
கர்மணா கர்மநிர்ஹாரோ ந ஹ்யாத்யந்திக இஷ்யதே ।
அவித்வததிகாரித்வாத்ப்ராயஶ்சித்தம் விமர்ஶநம் ॥ ௧௧ ॥

நாஶ்நதஃ பத்யமேவாந்நம் வ்யாதயோ'பிபவந்தி ஹி ।
ஏவம் நியமக்ரு'த்ராஜந் ஶநைஃ க்ஷேமாய கல்பதே ॥ ௧௨ ॥

தபஸா ப்ரஹ்மசர்யேண ஶமேந ச தமேந ச ।
த்யாகேந ஸத்யஶௌசாப்யாம் யமேந நியமேந வா ॥ ௧௩ ॥

தேஹவாக்புத்திஜம் தீரா தர்மஜ்ஞாஃ ஶ்ரத்தயாந்விதாஃ ।
க்ஷிபந்த்யகம் மஹதபி வேணுகுல்மமிவாநலஃ ॥ ௧௪ ॥

கேசித்கேவலயா பக்த்யா வாஸுதேவபராயணாஃ ।
அகம் துந்வந்தி கார்த்ஸ்ந்யேந நீஹாரமிவ பாஸ்கரஃ ॥ ௧௫ ॥

ந ததா ஹ்யகவாந் ராஜந்பூயேத தபஆதிபிஃ ।
யதா க்ரு'ஷ்ணார்பிதப்ராணஸ்தத்புருஷநிஷேவயா ॥ ௧௬ ॥

ஸத்ரீசீநோ ஹ்யயம் லோகே பந்தாஃ க்ஷேமோ'குதோபயஃ ।
ஸுஶீலாஃ ஸாதவோ யத்ர நாராயணபராயணாஃ ॥ ௧௭ ॥

ப்ராயஶ்சித்தாநி சீர்ணாநி நாராயணபராங்முகம் ।
ந நிஷ்புநந்தி ராஜேந்த்ர ஸுராகும்பமிவாபகாஃ ॥ ௧௮ ॥

ஸக்ரு'ந்மநஃ க்ரு'ஷ்ணபதாரவிந்தயோ-
ர்நிவேஶிதம் தத்குணராகி யைரிஹ ।
ந தே யமம் பாஶப்ரு'தஶ்ச தத்படாந்
ஸ்வப்நே'பி பஶ்யந்தி ஹி சீர்ணநிஷ்க்ரு'தாஃ ॥ ௧௯ ॥

அத்ர சோதாஹரந்தீமமிதிஹாஸம் புராதநம் ।
தூதாநாம் விஷ்ணுயமயோஃ ஸம்வாதஸ்தம் நிபோத மே ॥ ௨௦ ॥

காந்யகுப்ஜே த்விஜஃ கஶ்சித்தாஸீபதிரஜாமிலஃ ।
நாம்நா நஷ்டஸதாசாரோ தாஸ்யாஃ ஸம்ஸர்கதூஷிதஃ ॥ ௨௧ ॥

பந்த்யக்ஷைஃ கைதவைஶ்சௌர்யைர்கர்ஹிதாம் வ்ரு'த்திமாஸ்திதஃ ।
பிப்ரத்குடும்பமஶுசிர்யாதயாமாஸ தேஹிநஃ ॥ ௨௨ ॥

ஏவம் நிவஸதஸ்தஸ்ய லாலயாநஸ்ய தத்ஸுதாந் ।
காலோ'த்யகாந்மஹாந் ராஜந்நஷ்டாஶீத்யாயுஷஃ ஸமாஃ ॥ ௨௩ ॥

தஸ்ய ப்ரவயஸஃ புத்ரா தஶ தேஷாம் து யோ'வமஃ ।
பாலோ நாராயணோ நாம்நா பித்ரோஶ்ச தயிதோ ப்ரு'ஶம் ॥ ௨௪ ॥

ஸ பத்தஹ்ரு'தயஸ்தஸ்மிந்நர்பகே கலபாஷிணி ।
நிரீக்ஷமாணஸ்தல்லீலாம் முமுதே ஜரடோ ப்ரு'ஶம் ॥ ௨௫ ॥

புஞ்ஜாநஃ ப்ரபிபந் காதந் பாலகம் ஸ்நேஹயந்த்ரிதஃ ।
போஜயந் பாயயந் மூடோ ந வேதாகதமந்தகம் ॥ ௨௬ ॥

ஸ ஏவம் வர்தமாநோ'ஜ்ஞோ ம்ரு'த்யுகால உபஸ்திதே ।
மதிம் சகார தநயே பாலே நாராயணாஹ்வயே ॥ ௨௭ ॥

ஸ பாஶஹஸ்தாம்ஸ்த்ரீந்த்ரு'ஷ்ட்வா புருஷாநதிதாருணாந் ।
வக்ரதுண்டாநூர்த்வரோம்ண ஆத்மாநம் நேதுமாகதாந் ॥ ௨௮ ॥

தூரே க்ரீடநகாஸக்தம் புத்ரம் நாராயணாஹ்வயம் ।
ப்லாவிதேந ஸ்வரேணோச்சைராஜுஹாவாகுலேந்த்ரியஃ ॥ ௨௯ ॥

நிஶம்ய ம்ரியமாணஸ்ய முகதோ ஹரிகீர்தநம் ।
பர்துர்நாம மஹாராஜ பார்ஷதாஃ ஸஹஸாபதந் ॥ ௩௦ ॥

விகர்ஷதோ'ந்தர்ஹ்ரு'தயாத்தாஸீபதிமஜாமிலம் ।
யமப்ரேஷ்யாந் விஷ்ணுதூதா வாரயாமாஸுரோஜஸா ॥ ௩௧ ॥

ஊசுர்நிஷேதிதாஸ்தாம்ஸ்தே வைவஸ்வதபுரஃஸராஃ ।
கே யூயம் ப்ரதிஷேத்தாரோ தர்மராஜஸ்ய ஶாஸநம் ॥ ௩௨ ॥

கஸ்ய வா குத ஆயாதாஃ கஸ்மாதஸ்ய நிஷேதத ।
கிம் தேவா உபதேவா யா யூயம் கிம் ஸித்தஸத்தமாஃ ॥ ௩௩ ॥

ஸர்வே பத்மபலாஶாக்ஷாஃ பீதகௌஶேயவாஸஸஃ ।
கிரீடிநஃ குண்டலிநோ லஸத்புஷ்கரமாலிநஃ ॥ ௩௪ ॥

ஸர்வே ச நூத்நவயஸஃ ஸர்வே சாருசதுர்புஜாஃ ।
தநுர்நிஷங்காஸிகதாஶங்கசக்ராம்புஜஶ்ரியஃ ॥ ௩௫ ॥

திஶோ விதிமிராலோகாஃ குர்வந்தஃ ஸ்வேந தேஜஸா ।
கிமர்தம் தர்மபாலஸ்ய கிங்கராந்நோ நிஷேதத ॥ ௩௬ ॥

ஶ்ரீஶுக உவாச
இத்யுக்தே யமதூதைஸ்தே வாஸுதேவோக்தகாரிணஃ ।
தாந் ப்ரத்யூசுஃ ப்ரஹஸ்யேதம் மேகநிர்ஹ்ராதயா கிரா ॥ ௩௭ ॥

ஶ்ரீவிஷ்ணுதூதா ஊசுஃ
யூயம் வை தர்மராஜஸ்ய யதி நிர்தேஶகாரிணஃ ।
ப்ரூத தர்மஸ்ய நஸ்தத்த்வம் யச்சாதர்மஸ்ய லக்ஷணம் ॥ ௩௮ ॥

கதம் ஸ்வித் த்ரியதே தண்டஃ கிம் வாஸ்ய ஸ்தாநமீப்ஸிதம் ।
தண்ட்யாஃ கிம் காரிணஃ ஸர்வே ஆஹோ ஸ்வித்கதிசிந்ந்ரு'ணாம் ॥ ௩௯ ॥

யமதூதா ஊசுஃ
வேதப்ரணிஹிதோ தர்மோ ஹ்யதர்மஸ்தத்விபர்யயஃ ।
வேதோ நாராயணஃ ஸாக்ஷாத்ஸ்வயம்பூரிதி ஶுஶ்ரும ॥ ௪௦ ॥

யேந ஸ்வதாம்ந்யமீ பாவா ரஜஃஸத்த்வதமோமயாஃ ।
குணநாமக்ரியாரூபைர்விபாவ்யந்தே யதாததம் ॥ ௪௧ ॥

ஸூர்யோ'க்நிஃ கம் மருத்தேவஃ ஸோமஃ ஸந்த்யாஹநீ திஶஃ ।
கம் குஃ ஸ்வயம் தர்ம இதி ஹ்யேதே தைஹ்யஸ்ய ஸாக்ஷிணஃ ॥ ௪௨ ॥

ஏதைரதர்மோ விஜ்ஞாதஃ ஸ்தாநம் தண்டஸ்ய யுஜ்யதே ।
ஸர்வே கர்மாநுரோதேந தண்டமர்ஹந்தி காரிணஃ ॥ ௪௩ ॥

ஸம்பவந்தி ஹி பத்ராணி விபரீதாநி சாநகாஃ ।
காரிணாம் குணஸங்கோ'ஸ்தி தேஹவாந்ந ஹ்யகர்மக்ரு'த் ॥ ௪௪ ॥

யேந யாவாந்யதாதர்மோ தர்மோ வேஹ ஸமீஹிதஃ ।
ஸ ஏவ தத்பலம் புங்க்தே ததா தாவதமுத்ர வை ॥ ௪௫ ॥

யதேஹ தேவப்ரவராஸ்த்ரைவித்யமுபலப்யதே ।
பூதேஷு குணவைசித்ர்யாத்ததாந்யத்ராநுமீயதே ॥ ௪௬ ॥

வர்தமாநோ'ந்யயோஃ காலோ குணாபிஜ்ஞாபகோ யதா ।
ஏவம் ஜந்மாந்யயோரேதத்தர்மாதர்மநிதர்ஶநம் ॥ ௪௭ ॥

மநஸைவ புரே தேவஃ பூர்வரூபம் விபஶ்யதி ।
அநுமீமாம்ஸதே'பூர்வம் மநஸா பகவாநஜஃ ॥ ௪௮ ॥

யதாஜ்ஞஸ்தமஸா யுக்த உபாஸ்தே வ்யக்தமேவ ஹி ।
ந வேத பூர்வமபரம் நஷ்டஜந்மஸ்ம்ரு'திஸ்ததா ॥ ௪௯ ॥

பஞ்சபிஃ குருதே ஸ்வார்தாந் பஞ்ச வேதாத பஞ்சபிஃ ।
ஏகஸ்து ஷோடஶேந த்ரீந் ஸ்வயம் ஸப்ததஶோ'ஶ்நுதே ॥ ௫௦ ॥

ததேதத்ஷோடஶகலம் லிங்கம் ஶக்தித்ரயம் மஹத் ।
தத்தே'நுஸம்ஸ்ரு'திம் பும்ஸி ஹர்ஷஶோகபயார்திதாம் ॥ ௫௧ ॥

தேஹ்யஜ்ஞோ'ஜிதஷட்வர்கோ நேச்சந்கர்மாணி கார்யதே ।
கோஶகார இவாத்மாநம் கர்மணாச்சாத்ய முஹ்யதி ॥ ௫௨ ॥

ந ஹி கஶ்சித்க்ஷணமபி ஜாது திஷ்டத்யகர்மக்ரு'த் ।
கார்யதே ஹ்யவஶஃ கர்ம குணைஃ ஸ்வாபாவிகைர்பலாத் ॥ ௫௩ ॥

லப்த்வா நிமித்தமவ்யக்தம் வ்யக்தாவ்யக்தம் பவத்யுத ।
யதாயோநி யதாபீஜம் ஸ்வபாவேந பலீயஸா ॥ ௫௪ ॥

ஏஷ ப்ரக்ரு'திஸங்கேந புருஷஸ்ய விபர்யயஃ ।
ஆஸீத்ஸ ஏவ நசிராதீஶஸங்காத்விலீயதே ॥ ௫௫ ॥

அயம் ஹி ஶ்ருதஸம்பந்நஃ ஶீலவ்ரு'த்தகுணாலயஃ ।
த்ரு'தவ்ரதோ ம்ரு'துர்தாந்தஃ ஸத்யவாங்மந்த்ரவிச்சுசிஃ ॥ ௫௬ ॥

குர்வக்ந்யதிதிவ்ரு'த்தாநாம் ஶுஶ்ரூஷுரநஹங்க்ரு'தஃ ।
ஸர்வபூதஸுஹ்ரு'த்ஸாதுர்மிதவாகநஸூயகஃ ॥ ௫௭ ॥

ஏகதாஸௌ வநம் யாதஃ பித்ரு'ஸந்தேஶக்ரு'த் த்விஜஃ ।
ஆதாய தத ஆவ்ரு'த்தஃ பலபுஷ்பஸமித்குஶாந் ॥ ௫௮ ॥

ததர்ஶ காமிநம் கஞ்சிச்சூத்ரம் ஸஹ புஜிஷ்யயா ।
பீத்வா ச மது மைரேயம் மதாகூர்ணிதநேத்ரயா ॥ ௫௯ ॥

மத்தயா விஶ்லதந்நீவ்யா வ்யபேதம் நிரபத்ரபம் ।
க்ரீடந்தமநுகாயந்தம் ஹஸந்தமநயாந்திகே ॥ ௬௦ ॥

த்ரு'ஷ்ட்வா தாம் காமலிப்தேந பாஹுநா பரிரம்பிதாம் ।
ஜகாம ஹ்ரு'ச்சயவஶம் ஸஹஸைவ விமோஹிதஃ ॥ ௬௧ ॥

ஸ்தம்பயந்நாத்மநாத்மாநம் யாவத்ஸத்த்வம் யதாஶ்ருதம் ।
ந ஶஶாக ஸமாதாதும் மநோ மதநவேபிதம் ॥ ௬௨ ॥

தந்நிமித்தஸ்மரவ்யாஜக்ரஹக்ரஸ்தோ விசேதநஃ ।
தாமேவ மநஸா த்யாயந் ஸ்வதர்மாத்விரராம ஹ ॥ ௬௩ ॥

தாமேவ தோஷயாமாஸ பித்ர்யேணார்தேந யாவதா ।
க்ராம்யைர்மநோரமைஃ காமைஃ ப்ரஸீதேத யதா ததா ॥ ௬௪ ॥

விப்ராம் ஸ்வபார்யாமப்ரௌடாம் குலே மஹதி லம்பிதாம் ।
விஸஸர்ஜாசிராத்பாபஃ ஸ்வைரிண்யாபாங்கவித்ததீஃ ॥ ௬௫ ॥

யதஸ்ததஶ்சோபநிந்யே ந்யாயதோ'ந்யாயதோ தநம் ।
பபாராஸ்யாஃ குடும்பிந்யாஃ குடும்பம் மந்ததீரயம் ॥ ௬௬ ॥

யதஸௌ ஶாஸ்த்ரமுல்லங்க்ய ஸ்வைரசார்யதிகர்ஹிதஃ ।
அவர்தத சிரம் காலமகாயுரஶுசிர்மலாத் ॥ ௬௭ ॥

தத ஏநம் தண்டபாணேஃ ஸகாஶம் க்ரு'தகில்பிஷம் ।
நேஷ்யாமோ'க்ரு'தநிர்வேஶம் யத்ர தண்டேந ஶுத்த்யதி ॥ ௬௮ ॥