శ్రీపరీక్షిదువాచ
నివృత్తిమార్గః కథిత ఆదౌ భగవతా యథా ।
క్రమయోగోపలబ్ధేన బ్రహ్మణా యదసంసృతిః ॥ ౧ ॥
నివృత్తిమార్గః కథిత ఆదౌ భగవతా యథా ।
క్రమయోగోపలబ్ధేన బ్రహ్మణా యదసంసృతిః ॥ ౧ ॥
ప్రవృత్తిలక్షణశ్చైవ త్రైగుణ్యవిషయో మునే ।
యోఽసావలీనప్రకృతేర్గుణసర్గః పునః పునః ॥ ౨ ॥
యోఽసావలీనప్రకృతేర్గుణసర్గః పునః పునః ॥ ౨ ॥
అధర్మలక్షణా నానా నరకాశ్చానువర్ణితాః ।
మన్వన్తరశ్చ వ్యాఖ్యాత ఆద్యః స్వాయమ్భువో యతః ॥ ౩ ॥
మన్వన్తరశ్చ వ్యాఖ్యాత ఆద్యః స్వాయమ్భువో యతః ॥ ౩ ॥
ప్రియవ్రతోత్తానపదోర్వంశస్తచ్చరితాని చ ।
ద్వీపవర్షసముద్రాద్రినద్యుద్యానవనస్పతీన్ ॥ ౪ ॥
ద్వీపవర్షసముద్రాద్రినద్యుద్యానవనస్పతీన్ ॥ ౪ ॥
ధరామణ్డలసంస్థానం భాగలక్షణమానతః ।
జ్యోతిషాం వివరాణాం చ యథేదమసృజద్విభుః ॥ ౫ ॥
జ్యోతిషాం వివరాణాం చ యథేదమసృజద్విభుః ॥ ౫ ॥
అధునేహ మహాభాగ యథైవ నరకాన్నరః ।
నానోగ్రయాతనాన్నేయాత్తన్మే వ్యాఖ్యాతుమర్హసి ॥ ౬ ॥
నానోగ్రయాతనాన్నేయాత్తన్మే వ్యాఖ్యాతుమర్హసి ॥ ౬ ॥
శ్రీశుక ఉవాచ
న చేదిహైవాపచితిం యథాంహసః
కృతస్య కుర్యాన్మనఉక్తపాణిభిః ।
ధ్రువం స వై ప్రేత్య నరకానుపైతి
యే కీర్తితా మే భవతస్తిగ్మయాతనాః ॥ ౭ ॥
న చేదిహైవాపచితిం యథాంహసః
కృతస్య కుర్యాన్మనఉక్తపాణిభిః ।
ధ్రువం స వై ప్రేత్య నరకానుపైతి
యే కీర్తితా మే భవతస్తిగ్మయాతనాః ॥ ౭ ॥
తస్మాత్పురైవాశ్విహ పాపనిష్కృతౌ
యతేత మృత్యోరవిపద్యతాత్మనా ।
దోషస్య దృష్ట్వా గురులాఘవం యథా
భిషక్ చికిత్సేత రుజాం నిదానవిత్ ॥ ౮ ॥
యతేత మృత్యోరవిపద్యతాత్మనా ।
దోషస్య దృష్ట్వా గురులాఘవం యథా
భిషక్ చికిత్సేత రుజాం నిదానవిత్ ॥ ౮ ॥
శ్రీరాజోవాచ
దృష్టశ్రుతాభ్యాం యత్పాపం జానన్నప్యాత్మనోఽహితమ్ ।
కరోతి భూయో వివశః ప్రాయశ్చిత్తమథో కథమ్ ॥ ౯ ॥
దృష్టశ్రుతాభ్యాం యత్పాపం జానన్నప్యాత్మనోఽహితమ్ ।
కరోతి భూయో వివశః ప్రాయశ్చిత్తమథో కథమ్ ॥ ౯ ॥
క్వచిన్నివర్తతేఽభద్రాత్క్వచిచ్చరతి తత్పునః ।
ప్రాయశ్చిత్తమథోఽపార్థం మన్యే కుఞ్జరశౌచవత్ ॥ ౧౦ ॥
ప్రాయశ్చిత్తమథోఽపార్థం మన్యే కుఞ్జరశౌచవత్ ॥ ౧౦ ॥
శ్రీబాదరాయణిరువాచ
కర్మణా కర్మనిర్హారో న హ్యాత్యన్తిక ఇష్యతే ।
అవిద్వదధికారిత్వాత్ప్రాయశ్చిత్తం విమర్శనమ్ ॥ ౧౧ ॥
కర్మణా కర్మనిర్హారో న హ్యాత్యన్తిక ఇష్యతే ।
అవిద్వదధికారిత్వాత్ప్రాయశ్చిత్తం విమర్శనమ్ ॥ ౧౧ ॥
నాశ్నతః పథ్యమేవాన్నం వ్యాధయోఽభిభవన్తి హి ।
ఏవం నియమకృద్రాజన్ శనైః క్షేమాయ కల్పతే ॥ ౧౨ ॥
ఏవం నియమకృద్రాజన్ శనైః క్షేమాయ కల్పతే ॥ ౧౨ ॥
తపసా బ్రహ్మచర్యేణ శమేన చ దమేన చ ।
త్యాగేన సత్యశౌచాభ్యాం యమేన నియమేన వా ॥ ౧౩ ॥
త్యాగేన సత్యశౌచాభ్యాం యమేన నియమేన వా ॥ ౧౩ ॥
దేహవాగ్బుద్ధిజం ధీరా ధర్మజ్ఞాః శ్రద్ధయాన్వితాః ।
క్షిపన్త్యఘం మహదపి వేణుగుల్మమివానలః ॥ ౧౪ ॥
క్షిపన్త్యఘం మహదపి వేణుగుల్మమివానలః ॥ ౧౪ ॥
కేచిత్కేవలయా భక్త్యా వాసుదేవపరాయణాః ।
అఘం ధున్వన్తి కార్త్స్న్యేన నీహారమివ భాస్కరః ॥ ౧౫ ॥
అఘం ధున్వన్తి కార్త్స్న్యేన నీహారమివ భాస్కరః ॥ ౧౫ ॥
న తథా హ్యఘవాన్ రాజన్పూయేత తపఆదిభిః ।
యథా కృష్ణార్పితప్రాణస్తత్పురుషనిషేవయా ॥ ౧౬ ॥
యథా కృష్ణార్పితప్రాణస్తత్పురుషనిషేవయా ॥ ౧౬ ॥
సధ్రీచీనో హ్యయం లోకే పన్థాః క్షేమోఽకుతోభయః ।
సుశీలాః సాధవో యత్ర నారాయణపరాయణాః ॥ ౧౭ ॥
సుశీలాః సాధవో యత్ర నారాయణపరాయణాః ॥ ౧౭ ॥
ప్రాయశ్చిత్తాని చీర్ణాని నారాయణపరాఙ్ముఖమ్ ।
న నిష్పునన్తి రాజేన్ద్ర సురాకుమ్భమివాపగాః ॥ ౧౮ ॥
న నిష్పునన్తి రాజేన్ద్ర సురాకుమ్భమివాపగాః ॥ ౧౮ ॥
సకృన్మనః కృష్ణపదారవిన్దయో-
ర్నివేశితం తద్గుణరాగి యైరిహ ।
న తే యమం పాశభృతశ్చ తద్భటాన్
స్వప్నేఽపి పశ్యన్తి హి చీర్ణనిష్కృతాః ॥ ౧౯ ॥
ర్నివేశితం తద్గుణరాగి యైరిహ ।
న తే యమం పాశభృతశ్చ తద్భటాన్
స్వప్నేఽపి పశ్యన్తి హి చీర్ణనిష్కృతాః ॥ ౧౯ ॥
అత్ర చోదాహరన్తీమమితిహాసం పురాతనమ్ ।
దూతానాం విష్ణుయమయోః సంవాదస్తం నిబోధ మే ॥ ౨౦ ॥
దూతానాం విష్ణుయమయోః సంవాదస్తం నిబోధ మే ॥ ౨౦ ॥
కాన్యకుబ్జే ద్విజః కశ్చిద్దాసీపతిరజామిలః ।
నామ్నా నష్టసదాచారో దాస్యాః సంసర్గదూషితః ॥ ౨౧ ॥
నామ్నా నష్టసదాచారో దాస్యాః సంసర్గదూషితః ॥ ౨౧ ॥
బన్ద్యక్షైః కైతవైశ్చౌర్యైర్గర్హితాం వృత్తిమాస్థితః ।
బిభ్రత్కుటుమ్బమశుచిర్యాతయామాస దేహినః ॥ ౨౨ ॥
బిభ్రత్కుటుమ్బమశుచిర్యాతయామాస దేహినః ॥ ౨౨ ॥
ఏవం నివసతస్తస్య లాలయానస్య తత్సుతాన్ ।
కాలోఽత్యగాన్మహాన్ రాజన్నష్టాశీత్యాయుషః సమాః ॥ ౨౩ ॥
కాలోఽత్యగాన్మహాన్ రాజన్నష్టాశీత్యాయుషః సమాః ॥ ౨౩ ॥
తస్య ప్రవయసః పుత్రా దశ తేషాం తు యోఽవమః ।
బాలో నారాయణో నామ్నా పిత్రోశ్చ దయితో భృశమ్ ॥ ౨౪ ॥
బాలో నారాయణో నామ్నా పిత్రోశ్చ దయితో భృశమ్ ॥ ౨౪ ॥
స బద్ధహృదయస్తస్మిన్నర్భకే కలభాషిణి ।
నిరీక్షమాణస్తల్లీలాం ముముదే జరఠో భృశమ్ ॥ ౨౫ ॥
నిరీక్షమాణస్తల్లీలాం ముముదే జరఠో భృశమ్ ॥ ౨౫ ॥
భుఞ్జానః ప్రపిబన్ ఖాదన్ బాలకం స్నేహయన్త్రితః ।
భోజయన్ పాయయన్ మూఢో న వేదాగతమన్తకమ్ ॥ ౨౬ ॥
భోజయన్ పాయయన్ మూఢో న వేదాగతమన్తకమ్ ॥ ౨౬ ॥
స ఏవం వర్తమానోఽజ్ఞో మృత్యుకాల ఉపస్థితే ।
మతిం చకార తనయే బాలే నారాయణాహ్వయే ॥ ౨౭ ॥
మతిం చకార తనయే బాలే నారాయణాహ్వయే ॥ ౨౭ ॥
స పాశహస్తాంస్త్రీన్దృష్ట్వా పురుషానతిదారుణాన్ ।
వక్రతుణ్డానూర్ధ్వరోమ్ణ ఆత్మానం నేతుమాగతాన్ ॥ ౨౮ ॥
వక్రతుణ్డానూర్ధ్వరోమ్ణ ఆత్మానం నేతుమాగతాన్ ॥ ౨౮ ॥
దూరే క్రీడనకాసక్తం పుత్రం నారాయణాహ్వయమ్ ।
ప్లావితేన స్వరేణోచ్చైరాజుహావాకులేన్ద్రియః ॥ ౨౯ ॥
ప్లావితేన స్వరేణోచ్చైరాజుహావాకులేన్ద్రియః ॥ ౨౯ ॥
నిశమ్య మ్రియమాణస్య ముఖతో హరికీర్తనమ్ ।
భర్తుర్నామ మహారాజ పార్షదాః సహసాపతన్ ॥ ౩౦ ॥
భర్తుర్నామ మహారాజ పార్షదాః సహసాపతన్ ॥ ౩౦ ॥
వికర్షతోఽన్తర్హృదయాద్దాసీపతిమజామిలమ్ ।
యమప్రేష్యాన్ విష్ణుదూతా వారయామాసురోజసా ॥ ౩౧ ॥
యమప్రేష్యాన్ విష్ణుదూతా వారయామాసురోజసా ॥ ౩౧ ॥
ఊచుర్నిషేధితాస్తాంస్తే వైవస్వతపురఃసరాః ।
కే యూయం ప్రతిషేద్ధారో ధర్మరాజస్య శాసనమ్ ॥ ౩౨ ॥
కే యూయం ప్రతిషేద్ధారో ధర్మరాజస్య శాసనమ్ ॥ ౩౨ ॥
కస్య వా కుత ఆయాతాః కస్మాదస్య నిషేధథ ।
కిం దేవా ఉపదేవా యా యూయం కిం సిద్ధసత్తమాః ॥ ౩౩ ॥
కిం దేవా ఉపదేవా యా యూయం కిం సిద్ధసత్తమాః ॥ ౩౩ ॥
సర్వే పద్మపలాశాక్షాః పీతకౌశేయవాససః ।
కిరీటినః కుణ్డలినో లసత్పుష్కరమాలినః ॥ ౩౪ ॥
కిరీటినః కుణ్డలినో లసత్పుష్కరమాలినః ॥ ౩౪ ॥
సర్వే చ నూత్నవయసః సర్వే చారుచతుర్భుజాః ।
ధనుర్నిషఙ్గాసిగదాశఙ్ఖచక్రామ్బుజశ్రియః ॥ ౩౫ ॥
ధనుర్నిషఙ్గాసిగదాశఙ్ఖచక్రామ్బుజశ్రియః ॥ ౩౫ ॥
దిశో వితిమిరాలోకాః కుర్వన్తః స్వేన తేజసా ।
కిమర్థం ధర్మపాలస్య కిఙ్కరాన్నో నిషేధథ ॥ ౩౬ ॥
కిమర్థం ధర్మపాలస్య కిఙ్కరాన్నో నిషేధథ ॥ ౩౬ ॥
శ్రీశుక ఉవాచ
ఇత్యుక్తే యమదూతైస్తే వాసుదేవోక్తకారిణః ।
తాన్ ప్రత్యూచుః ప్రహస్యేదం మేఘనిర్హ్రాదయా గిరా ॥ ౩౭ ॥
ఇత్యుక్తే యమదూతైస్తే వాసుదేవోక్తకారిణః ।
తాన్ ప్రత్యూచుః ప్రహస్యేదం మేఘనిర్హ్రాదయా గిరా ॥ ౩౭ ॥
శ్రీవిష్ణుదూతా ఊచుః
యూయం వై ధర్మరాజస్య యది నిర్దేశకారిణః ।
బ్రూత ధర్మస్య నస్తత్త్వం యచ్చాధర్మస్య లక్షణమ్ ॥ ౩౮ ॥
యూయం వై ధర్మరాజస్య యది నిర్దేశకారిణః ।
బ్రూత ధర్మస్య నస్తత్త్వం యచ్చాధర్మస్య లక్షణమ్ ॥ ౩౮ ॥
కథం స్విద్ ధ్రియతే దణ్డః కిం వాస్య స్థానమీప్సితమ్ ।
దణ్డ్యాః కిం కారిణః సర్వే ఆహో స్విత్కతిచిన్నృణామ్ ॥ ౩౯ ॥
దణ్డ్యాః కిం కారిణః సర్వే ఆహో స్విత్కతిచిన్నృణామ్ ॥ ౩౯ ॥
యమదూతా ఊచుః
వేదప్రణిహితో ధర్మో హ్యధర్మస్తద్విపర్యయః ।
వేదో నారాయణః సాక్షాత్స్వయమ్భూరితి శుశ్రుమ ॥ ౪౦ ॥
వేదప్రణిహితో ధర్మో హ్యధర్మస్తద్విపర్యయః ।
వేదో నారాయణః సాక్షాత్స్వయమ్భూరితి శుశ్రుమ ॥ ౪౦ ॥
యేన స్వధామ్న్యమీ భావా రజఃసత్త్వతమోమయాః ।
గుణనామక్రియారూపైర్విభావ్యన్తే యథాతథమ్ ॥ ౪౧ ॥
గుణనామక్రియారూపైర్విభావ్యన్తే యథాతథమ్ ॥ ౪౧ ॥
సూర్యోఽగ్నిః ఖం మరుద్దేవః సోమః సన్ధ్యాహనీ దిశః ।
కం కుః స్వయం ధర్మ ఇతి హ్యేతే దైహ్యస్య సాక్షిణః ॥ ౪౨ ॥
కం కుః స్వయం ధర్మ ఇతి హ్యేతే దైహ్యస్య సాక్షిణః ॥ ౪౨ ॥
ఏతైరధర్మో విజ్ఞాతః స్థానం దణ్డస్య యుజ్యతే ।
సర్వే కర్మానురోధేన దణ్డమర్హన్తి కారిణః ॥ ౪౩ ॥
సర్వే కర్మానురోధేన దణ్డమర్హన్తి కారిణః ॥ ౪౩ ॥
సమ్భవన్తి హి భద్రాణి విపరీతాని చానఘాః ।
కారిణాం గుణసఙ్గోఽస్తి దేహవాన్న హ్యకర్మకృత్ ॥ ౪౪ ॥
కారిణాం గుణసఙ్గోఽస్తి దేహవాన్న హ్యకర్మకృత్ ॥ ౪౪ ॥
యేన యావాన్యథాధర్మో ధర్మో వేహ సమీహితః ।
స ఏవ తత్ఫలం భుఙ్క్తే తథా తావదముత్ర వై ॥ ౪౫ ॥
స ఏవ తత్ఫలం భుఙ్క్తే తథా తావదముత్ర వై ॥ ౪౫ ॥
యథేహ దేవప్రవరాస్త్రైవిధ్యముపలభ్యతే ।
భూతేషు గుణవైచిత్ర్యాత్తథాన్యత్రానుమీయతే ॥ ౪౬ ॥
భూతేషు గుణవైచిత్ర్యాత్తథాన్యత్రానుమీయతే ॥ ౪౬ ॥
వర్తమానోఽన్యయోః కాలో గుణాభిజ్ఞాపకో యథా ।
ఏవం జన్మాన్యయోరేతద్ధర్మాధర్మనిదర్శనమ్ ॥ ౪౭ ॥
ఏవం జన్మాన్యయోరేతద్ధర్మాధర్మనిదర్శనమ్ ॥ ౪౭ ॥
మనసైవ పురే దేవః పూర్వరూపం విపశ్యతి ।
అనుమీమాంసతేఽపూర్వం మనసా భగవానజః ॥ ౪౮ ॥
అనుమీమాంసతేఽపూర్వం మనసా భగవానజః ॥ ౪౮ ॥
యథాజ్ఞస్తమసా యుక్త ఉపాస్తే వ్యక్తమేవ హి ।
న వేద పూర్వమపరం నష్టజన్మస్మృతిస్తథా ॥ ౪౯ ॥
న వేద పూర్వమపరం నష్టజన్మస్మృతిస్తథా ॥ ౪౯ ॥
పఞ్చభిః కురుతే స్వార్థాన్ పఞ్చ వేదాథ పఞ్చభిః ।
ఏకస్తు షోడశేన త్రీన్ స్వయం సప్తదశోఽశ్నుతే ॥ ౫౦ ॥
ఏకస్తు షోడశేన త్రీన్ స్వయం సప్తదశోఽశ్నుతే ॥ ౫౦ ॥
తదేతత్షోడశకలం లిఙ్గం శక్తిత్రయం మహత్ ।
ధత్తేఽనుసంసృతిం పుంసి హర్షశోకభయార్తిదామ్ ॥ ౫౧ ॥
ధత్తేఽనుసంసృతిం పుంసి హర్షశోకభయార్తిదామ్ ॥ ౫౧ ॥
దేహ్యజ్ఞోఽజితషడ్వర్గో నేచ్ఛన్కర్మాణి కార్యతే ।
కోశకార ఇవాత్మానం కర్మణాచ్ఛాద్య ముహ్యతి ॥ ౫౨ ॥
కోశకార ఇవాత్మానం కర్మణాచ్ఛాద్య ముహ్యతి ॥ ౫౨ ॥
న హి కశ్చిత్క్షణమపి జాతు తిష్ఠత్యకర్మకృత్ ।
కార్యతే హ్యవశః కర్మ గుణైః స్వాభావికైర్బలాత్ ॥ ౫౩ ॥
కార్యతే హ్యవశః కర్మ గుణైః స్వాభావికైర్బలాత్ ॥ ౫౩ ॥
లబ్ధ్వా నిమిత్తమవ్యక్తం వ్యక్తావ్యక్తం భవత్యుత ।
యథాయోని యథాబీజం స్వభావేన బలీయసా ॥ ౫౪ ॥
యథాయోని యథాబీజం స్వభావేన బలీయసా ॥ ౫౪ ॥
ఏష ప్రకృతిసఙ్గేన పురుషస్య విపర్యయః ।
ఆసీత్స ఏవ నచిరాదీశసఙ్గాద్విలీయతే ॥ ౫౫ ॥
ఆసీత్స ఏవ నచిరాదీశసఙ్గాద్విలీయతే ॥ ౫౫ ॥
అయం హి శ్రుతసమ్పన్నః శీలవృత్తగుణాలయః ।
ధృతవ్రతో మృదుర్దాన్తః సత్యవాఙ్మన్త్రవిచ్ఛుచిః ॥ ౫౬ ॥
ధృతవ్రతో మృదుర్దాన్తః సత్యవాఙ్మన్త్రవిచ్ఛుచిః ॥ ౫౬ ॥
గుర్వగ్న్యతిథివృద్ధానాం శుశ్రూషురనహఙ్కృతః ।
సర్వభూతసుహృత్సాధుర్మితవాగనసూయకః ॥ ౫౭ ॥
సర్వభూతసుహృత్సాధుర్మితవాగనసూయకః ॥ ౫౭ ॥
ఏకదాసౌ వనం యాతః పితృసన్దేశకృద్ ద్విజః ।
ఆదాయ తత ఆవృత్తః ఫలపుష్పసమిత్కుశాన్ ॥ ౫౮ ॥
ఆదాయ తత ఆవృత్తః ఫలపుష్పసమిత్కుశాన్ ॥ ౫౮ ॥
దదర్శ కామినం కఞ్చిచ్ఛూద్రం సహ భుజిష్యయా ।
పీత్వా చ మధు మైరేయం మదాఘూర్ణితనేత్రయా ॥ ౫౯ ॥
పీత్వా చ మధు మైరేయం మదాఘూర్ణితనేత్రయా ॥ ౫౯ ॥
మత్తయా విశ్లథన్నీవ్యా వ్యపేతం నిరపత్రపమ్ ।
క్రీడన్తమనుగాయన్తం హసన్తమనయాన్తికే ॥ ౬౦ ॥
క్రీడన్తమనుగాయన్తం హసన్తమనయాన్తికే ॥ ౬౦ ॥
దృష్ట్వా తాం కామలిప్తేన బాహునా పరిరమ్భితామ్ ।
జగామ హృచ్ఛయవశం సహసైవ విమోహితః ॥ ౬౧ ॥
జగామ హృచ్ఛయవశం సహసైవ విమోహితః ॥ ౬౧ ॥
స్తమ్భయన్నాత్మనాత్మానం యావత్సత్త్వం యథాశ్రుతమ్ ।
న శశాక సమాధాతుం మనో మదనవేపితమ్ ॥ ౬౨ ॥
న శశాక సమాధాతుం మనో మదనవేపితమ్ ॥ ౬౨ ॥
తన్నిమిత్తస్మరవ్యాజగ్రహగ్రస్తో విచేతనః ।
తామేవ మనసా ధ్యాయన్ స్వధర్మాద్విరరామ హ ॥ ౬౩ ॥
తామేవ మనసా ధ్యాయన్ స్వధర్మాద్విరరామ హ ॥ ౬౩ ॥
తామేవ తోషయామాస పిత్ర్యేణార్థేన యావతా ।
గ్రామ్యైర్మనోరమైః కామైః ప్రసీదేత యథా తథా ॥ ౬౪ ॥
గ్రామ్యైర్మనోరమైః కామైః ప్రసీదేత యథా తథా ॥ ౬౪ ॥
విప్రాం స్వభార్యామప్రౌఢాం కులే మహతి లమ్భితామ్ ।
విససర్జాచిరాత్పాపః స్వైరిణ్యాపాఙ్గవిద్ధధీః ॥ ౬౫ ॥
విససర్జాచిరాత్పాపః స్వైరిణ్యాపాఙ్గవిద్ధధీః ॥ ౬౫ ॥
యతస్తతశ్చోపనిన్యే న్యాయతోఽన్యాయతో ధనమ్ ।
బభారాస్యాః కుటుమ్బిన్యాః కుటుమ్బం మన్దధీరయమ్ ॥ ౬౬ ॥
బభారాస్యాః కుటుమ్బిన్యాః కుటుమ్బం మన్దధీరయమ్ ॥ ౬౬ ॥
యదసౌ శాస్త్రముల్లఙ్ఘ్య స్వైరచార్యతిగర్హితః ।
అవర్తత చిరం కాలమఘాయురశుచిర్మలాత్ ॥ ౬౭ ॥
అవర్తత చిరం కాలమఘాయురశుచిర్మలాత్ ॥ ౬౭ ॥
తత ఏనం దణ్డపాణేః సకాశం కృతకిల్బిషమ్ ।
నేష్యామోఽకృతనిర్వేశం యత్ర దణ్డేన శుద్ధ్యతి ॥ ౬౮ ॥
నేష్యామోఽకృతనిర్వేశం యత్ర దణ్డేన శుద్ధ్యతి ॥ ౬౮ ॥