শ্রীবাদরাযণিরুবাচ
ইন্দ্রমেবং সমাদিশ্য ভগবান্ বিশ্বভাবনঃ ।
পশ্যতামনিমেষাণাং তত্রৈবান্তর্দধে হরিঃ ॥ ১ ॥
ইন্দ্রমেবং সমাদিশ্য ভগবান্ বিশ্বভাবনঃ ।
পশ্যতামনিমেষাণাং তত্রৈবান্তর্দধে হরিঃ ॥ ১ ॥
তথাভিযাচিতো দেবৈর্ঋষিরাথর্বণো মহান্ ।
মোদমান উবাচেদং প্রহসন্নিব ভারত ॥ ২ ॥
মোদমান উবাচেদং প্রহসন্নিব ভারত ॥ ২ ॥
অপি বৃন্দারকা যূযং ন জানীথ শরীরিণাম্ ।
সংস্থাযাং যস্ত্বভিদ্রোহো দুঃসহশ্চেতনাপহঃ ॥ ৩ ॥
সংস্থাযাং যস্ত্বভিদ্রোহো দুঃসহশ্চেতনাপহঃ ॥ ৩ ॥
জিজীবিষূণাং জীবানামাত্মা প্রেষ্ঠ ইহেপ্সিতঃ ।
ক উত্সহেত তং দাতুং ভিক্ষমাণায বিষ্ণবে ॥ ৪ ॥
ক উত্সহেত তং দাতুং ভিক্ষমাণায বিষ্ণবে ॥ ৪ ॥
শ্রীদেবা ঊচুঃ
কিং নু তদ্ দুস্ত্যজং ব্রহ্মন্ পুংসাং ভূতানুকম্পিনাম্ ।
ভবদ্বিধানাং মহতাং পুণ্যশ্লোকেড্যকর্মণাম্ ॥ ৫ ॥
কিং নু তদ্ দুস্ত্যজং ব্রহ্মন্ পুংসাং ভূতানুকম্পিনাম্ ।
ভবদ্বিধানাং মহতাং পুণ্যশ্লোকেড্যকর্মণাম্ ॥ ৫ ॥
নূনং স্বার্থপরো লোকো ন বেদ পরসঙ্কটম্ ।
যদি বেদ ন যাচেত নেতি নাহ যদীশ্বরঃ ॥ ৬ ॥
যদি বেদ ন যাচেত নেতি নাহ যদীশ্বরঃ ॥ ৬ ॥
শ্রীঋষিরুবাচ
ধর্মং বঃ শ্রোতুকামেন যূযং মে প্রত্যুদাহৃতাঃ ।
এষ বঃ প্রিযমাত্মানং ত্যজন্তং সন্ত্যজাম্যহম্ ॥ ৭ ॥
ধর্মং বঃ শ্রোতুকামেন যূযং মে প্রত্যুদাহৃতাঃ ।
এষ বঃ প্রিযমাত্মানং ত্যজন্তং সন্ত্যজাম্যহম্ ॥ ৭ ॥
যোঽধ্রুবেণাত্মনা নাথা ন ধর্মং ন যশঃ পুমান্ ।
ঈহেত ভূতদযযা স শোচ্যঃ স্থাবরৈরপি ॥ ৮ ॥
ঈহেত ভূতদযযা স শোচ্যঃ স্থাবরৈরপি ॥ ৮ ॥
এতাবানব্যযো ধর্মঃ পুণ্যশ্লোকৈরুপাসিতঃ ।
যো ভূতশোকহর্ষাভ্যামাত্মা শোচতি হৃষ্যতি ॥ ৯ ॥
যো ভূতশোকহর্ষাভ্যামাত্মা শোচতি হৃষ্যতি ॥ ৯ ॥
অহো দৈন্যমহো কষ্টং পারক্যৈঃ ক্ষণভঙ্গুরৈঃ ।
যন্নোপকুর্যাদস্বার্থৈর্মর্ত্যঃ স্বজ্ঞাতিবিগ্রহৈঃ ॥ ১০ ॥
যন্নোপকুর্যাদস্বার্থৈর্মর্ত্যঃ স্বজ্ঞাতিবিগ্রহৈঃ ॥ ১০ ॥
শ্রীবাদরাযণিরুবাচ
এবং কৃতব্যবসিতো দধ্যঙ্ঙাথর্বণস্তনুম্ ।
পরে ভগবতি ব্রহ্মণ্যাত্মানং সন্নযঞ্জহৌ ॥ ১১ ॥
এবং কৃতব্যবসিতো দধ্যঙ্ঙাথর্বণস্তনুম্ ।
পরে ভগবতি ব্রহ্মণ্যাত্মানং সন্নযঞ্জহৌ ॥ ১১ ॥
যতাক্ষাসুমনোবুদ্ধিস্তত্ত্বদৃগ্ ধ্বস্তবন্ধনঃ ।
আস্থিতঃ পরমং যোগং ন দেহং বুবুধে গতম্ ॥ ১২ ॥
আস্থিতঃ পরমং যোগং ন দেহং বুবুধে গতম্ ॥ ১২ ॥
অথেন্দ্রো বজ্রমুদ্যম্য নির্মিতং বিশ্বকর্মণা ।
মুনেঃ শক্তিভিরুত্সিক্তো ভগবত্তেজসান্বিতঃ ॥ ১৩ ॥
মুনেঃ শক্তিভিরুত্সিক্তো ভগবত্তেজসান্বিতঃ ॥ ১৩ ॥
বৃতো দেবগণৈঃ সর্বৈর্গজেন্দ্রোপর্যশোভত ।
স্তূযমানো মুনিগণৈস্ত্রৈলোক্যং হর্ষযন্নিব ॥ ১৪ ॥
স্তূযমানো মুনিগণৈস্ত্রৈলোক্যং হর্ষযন্নিব ॥ ১৪ ॥
বৃত্রমভ্যদ্রবচ্ছত্রুমসুরানীকযূথপৈঃ ।
পর্যস্তমোজসা
রাজন্ ক্রুদ্ধো রুদ্র ইবান্তকম্ ॥ ১৫ ॥
পর্যস্তমোজসা
রাজন্ ক্রুদ্ধো রুদ্র ইবান্তকম্ ॥ ১৫ ॥
ততঃ সুরাণামসুরৈ রণঃ পরমদারুণঃ ।
ত্রেতামুখে
নর্মদাযামভবত্প্রথমে যুগে ॥ ১৬ ॥
ত্রেতামুখে
নর্মদাযামভবত্প্রথমে যুগে ॥ ১৬ ॥
রুদ্রৈর্বসুভিরাদিত্যৈরশ্বিভ্যাং পিতৃবহ্নিভিঃ ।
মরুদ্ভির্ঋভুভিঃ সাধ্যৈর্বিশ্বেদেবৈর্মরুত্পতিম্ ॥ ১৭ ॥
মরুদ্ভির্ঋভুভিঃ সাধ্যৈর্বিশ্বেদেবৈর্মরুত্পতিম্ ॥ ১৭ ॥
দৃষ্ট্বা বজ্রধরং শক্রং রোচমানং স্বযা শ্রিযা ।
নামৃষ্যন্নসুরা রাজন্মৃধে বৃত্রপুরঃসরাঃ ॥ ১৮ ॥
নামৃষ্যন্নসুরা রাজন্মৃধে বৃত্রপুরঃসরাঃ ॥ ১৮ ॥
নমুচিঃ শম্বরোঽনর্বা দ্বিমূর্ধা ঋষভোঽসুরঃ ।
হযগ্রীবঃ শঙ্কুশিরা বিপ্রচিত্তিরযোমুখঃ ॥ ১৯ ॥
হযগ্রীবঃ শঙ্কুশিরা বিপ্রচিত্তিরযোমুখঃ ॥ ১৯ ॥
পুলোমা বৃষপর্বা চ প্রহেতির্হেতিরুত্কলঃ ।
দৈতেযা দানবা যক্ষা রক্ষাংসি চ সহস্রশঃ ॥ ২০ ॥
দৈতেযা দানবা যক্ষা রক্ষাংসি চ সহস্রশঃ ॥ ২০ ॥
সুমালিমালিপ্রমুখাঃ কার্তস্বরপরিচ্ছদাঃ ।
প্রতিষিধ্যেন্দ্রসেনাগ্রং মৃত্যোরপি দুরাসদম্ ॥ ২১ ॥
প্রতিষিধ্যেন্দ্রসেনাগ্রং মৃত্যোরপি দুরাসদম্ ॥ ২১ ॥
অভ্যর্দযন্নসম্ভ্রান্তাঃ সিংহনাদেন দুর্মদাঃ ।
গদাভিঃ পরিঘৈর্বাণৈঃ প্রাসমুদ্গরতোমরৈঃ ॥ ২২ ॥
গদাভিঃ পরিঘৈর্বাণৈঃ প্রাসমুদ্গরতোমরৈঃ ॥ ২২ ॥
শূলৈঃ পরশ্বধৈঃ খড্গৈঃ শতঘ্নীভির্ভুশুণ্ডিভিঃ ।
সর্বতোঽবাকিরন্ শস্ত্রৈরস্ত্রৈশ্চ বিবুধর্ষভান্ ॥ ২৩ ॥
সর্বতোঽবাকিরন্ শস্ত্রৈরস্ত্রৈশ্চ বিবুধর্ষভান্ ॥ ২৩ ॥
ন তেঽদৃশ্যন্ত সঞ্ছন্নাঃ শরজালৈঃ সমন্ততঃ ।
পুঙ্খানুপুঙ্খপতিতৈর্জ্যোতীংষীব নভোঘনৈঃ ॥ ২৪ ॥
পুঙ্খানুপুঙ্খপতিতৈর্জ্যোতীংষীব নভোঘনৈঃ ॥ ২৪ ॥
ন তে শস্ত্রাস্ত্রবর্ষৌঘা হ্যাসেদুঃ সুরসৈনিকান্ ।
ছিন্নাঃ সিদ্ধপথে দেবৈর্লঘুহস্তৈঃ সহস্রধা ॥ ২৫ ॥
ছিন্নাঃ সিদ্ধপথে দেবৈর্লঘুহস্তৈঃ সহস্রধা ॥ ২৫ ॥
অথ ক্ষীণাস্ত্রশস্ত্রৌঘা গিরিশৃঙ্গদ্রুমোপলৈঃ ।
অভ্যবর্ষন্ সুরবলং চিচ্ছিদুস্তাংশ্চ পূর্ববত্ ॥ ২৬ ॥
অভ্যবর্ষন্ সুরবলং চিচ্ছিদুস্তাংশ্চ পূর্ববত্ ॥ ২৬ ॥
তানক্ষতান্ স্বস্তিমতো নিশাম্য
শস্ত্রাস্ত্রপূগৈরথ বৃত্রনাথাঃ ।
দ্রুমৈর্দৃষদ্ভির্বিবিধাদ্রিশৃঙ্গৈ
রবিক্ষতাংস্তত্রসুরিন্দ্রসৈনিকান্ ॥ ২৭ ॥
শস্ত্রাস্ত্রপূগৈরথ বৃত্রনাথাঃ ।
দ্রুমৈর্দৃষদ্ভির্বিবিধাদ্রিশৃঙ্গৈ
রবিক্ষতাংস্তত্রসুরিন্দ্রসৈনিকান্ ॥ ২৭ ॥
সর্বে প্রযাসা অভবন্ বিমোঘাঃ
কৃতাঃ কৃতা দেবগণেষু দৈত্যৈঃ ।
কৃষ্ণানুকূলেষু যথা মহত্সু
ক্ষুদ্রৈঃ প্রযুক্তা ঊষতী রূক্ষবাচঃ ॥ ২৮ ॥
কৃতাঃ কৃতা দেবগণেষু দৈত্যৈঃ ।
কৃষ্ণানুকূলেষু যথা মহত্সু
ক্ষুদ্রৈঃ প্রযুক্তা ঊষতী রূক্ষবাচঃ ॥ ২৮ ॥
তে স্বপ্রযাসং বিতথং নিরীক্ষ্য
হরাবভক্তা হতযুদ্ধদর্পাঃ ।
পলাযনাযাজিমুখে বিসৃজ্য
পতিং মনস্তে দধুরাত্তসারাঃ ॥ ২৯ ॥
হরাবভক্তা হতযুদ্ধদর্পাঃ ।
পলাযনাযাজিমুখে বিসৃজ্য
পতিং মনস্তে দধুরাত্তসারাঃ ॥ ২৯ ॥
বৃত্রোঽসুরাংস্তাননুগান্ মনস্বী
প্রধাবতঃ প্রেক্ষ্য বভাষ এতত্ ।
পলাযিতং প্রেক্ষ্য বলং চ ভগ্নং
ভযেন তীব্রেণ বিহস্য বীরঃ ॥ ৩০ ॥
প্রধাবতঃ প্রেক্ষ্য বভাষ এতত্ ।
পলাযিতং প্রেক্ষ্য বলং চ ভগ্নং
ভযেন তীব্রেণ বিহস্য বীরঃ ॥ ৩০ ॥
কালোপপন্নাং রুচিরাং মনস্বিনাং
জগাদ বাচং পুরুষপ্রবীরঃ ।
হে বিপ্রচিত্তে নমুচে পুলোমন্
মযানর্বঞ্ছম্বর মে শৃণুধ্বম্ ॥ ৩১ ॥
জগাদ বাচং পুরুষপ্রবীরঃ ।
হে বিপ্রচিত্তে নমুচে পুলোমন্
মযানর্বঞ্ছম্বর মে শৃণুধ্বম্ ॥ ৩১ ॥
জাতস্য মৃত্যুর্ধ্রুব এব সর্বতঃ
প্রতিক্রিযা যস্য ন চেহ ক্লৃপ্তা ।
লোকো যশশ্চাথ ততো যদি হ্যমুং
কো নাম মৃত্যুং ন বৃণীত যুক্তম্ ॥ ৩২ ॥
প্রতিক্রিযা যস্য ন চেহ ক্লৃপ্তা ।
লোকো যশশ্চাথ ততো যদি হ্যমুং
কো নাম মৃত্যুং ন বৃণীত যুক্তম্ ॥ ৩২ ॥
দ্বৌ সম্মতাবিহ মৃত্যূ দুরাপৌ
যদ্ ব্রহ্মসন্ধারণযা জিতাসুঃ ।
কলেবরং যোগরতো বিজহ্যাদ্
যদগ্রণীর্বীরশযেঽনিবৃত্তঃ ॥ ৩৩ ॥
যদ্ ব্রহ্মসন্ধারণযা জিতাসুঃ ।
কলেবরং যোগরতো বিজহ্যাদ্
যদগ্রণীর্বীরশযেঽনিবৃত্তঃ ॥ ৩৩ ॥