ஶ்ரீமத்பாகவதம் ௬.௧௦

ஶ்ரீபாதராயணிருவாச
இந்த்ரமேவம் ஸமாதிஶ்ய பகவாந் விஶ்வபாவநஃ ।
பஶ்யதாமநிமேஷாணாம் தத்ரைவாந்தர்ததே ஹரிஃ ॥ ௧ ॥

ததாபியாசிதோ தேவைர்ரு'ஷிராதர்வணோ மஹாந் ।
மோதமாந உவாசேதம் ப்ரஹஸந்நிவ பாரத ॥ ௨ ॥

அபி வ்ரு'ந்தாரகா யூயம் ந ஜாநீத ஶரீரிணாம் ।
ஸம்ஸ்தாயாம் யஸ்த்வபித்ரோஹோ துஃஸஹஶ்சேதநாபஹஃ ॥ ௩ ॥

ஜிஜீவிஷூணாம் ஜீவாநாமாத்மா ப்ரேஷ்ட இஹேப்ஸிதஃ ।
க உத்ஸஹேத தம் தாதும் பிக்ஷமாணாய விஷ்ணவே ॥ ௪ ॥

ஶ்ரீதேவா ஊசுஃ
கிம் நு தத் துஸ்த்யஜம் ப்ரஹ்மந் பும்ஸாம் பூதாநுகம்பிநாம் ।
பவத்விதாநாம் மஹதாம் புண்யஶ்லோகேட்யகர்மணாம் ॥ ௫ ॥

நூநம் ஸ்வார்தபரோ லோகோ ந வேத பரஸங்கடம் ।
யதி வேத ந யாசேத நேதி நாஹ யதீஶ்வரஃ ॥ ௬ ॥

ஶ்ரீரு'ஷிருவாச
தர்மம் வஃ ஶ்ரோதுகாமேந யூயம் மே ப்ரத்யுதாஹ்ரு'தாஃ ।
ஏஷ வஃ ப்ரியமாத்மாநம் த்யஜந்தம் ஸந்த்யஜாம்யஹம் ॥ ௭ ॥

யோ'த்ருவேணாத்மநா நாதா ந தர்மம் ந யஶஃ புமாந் ।
ஈஹேத பூததயயா ஸ ஶோச்யஃ ஸ்தாவரைரபி ॥ ௮ ॥

ஏதாவாநவ்யயோ தர்மஃ புண்யஶ்லோகைருபாஸிதஃ ।
யோ பூதஶோகஹர்ஷாப்யாமாத்மா ஶோசதி ஹ்ரு'ஷ்யதி ॥ ௯ ॥

அஹோ தைந்யமஹோ கஷ்டம் பாரக்யைஃ க்ஷணபங்குரைஃ ।
யந்நோபகுர்யாதஸ்வார்தைர்மர்த்யஃ ஸ்வஜ்ஞாதிவிக்ரஹைஃ ॥ ௧௦ ॥

ஶ்ரீபாதராயணிருவாச
ஏவம் க்ரு'தவ்யவஸிதோ தத்யங்ஙாதர்வணஸ்தநும் ।
பரே பகவதி ப்ரஹ்மண்யாத்மாநம் ஸந்நயஞ்ஜஹௌ ॥ ௧௧ ॥

யதாக்ஷாஸுமநோபுத்திஸ்தத்த்வத்ரு'க் த்வஸ்தபந்தநஃ ।
ஆஸ்திதஃ பரமம் யோகம் ந தேஹம் புபுதே கதம் ॥ ௧௨ ॥

அதேந்த்ரோ வஜ்ரமுத்யம்ய நிர்மிதம் விஶ்வகர்மணா ।
முநேஃ ஶக்திபிருத்ஸிக்தோ பகவத்தேஜஸாந்விதஃ ॥ ௧௩ ॥

வ்ரு'தோ தேவகணைஃ ஸர்வைர்கஜேந்த்ரோபர்யஶோபத ।
ஸ்தூயமாநோ முநிகணைஸ்த்ரைலோக்யம் ஹர்ஷயந்நிவ ॥ ௧௪ ॥

வ்ரு'த்ரமப்யத்ரவச்சத்ருமஸுராநீகயூதபைஃ ।
பர்யஸ்தமோஜஸா
ராஜந் க்ருத்தோ ருத்ர இவாந்தகம் ॥ ௧௫ ॥

ததஃ ஸுராணாமஸுரை ரணஃ பரமதாருணஃ ।
த்ரேதாமுகே
நர்மதாயாமபவத்ப்ரதமே யுகே ॥ ௧௬ ॥

ருத்ரைர்வஸுபிராதித்யைரஶ்விப்யாம் பித்ரு'வஹ்நிபிஃ ।
மருத்பிர்ரு'புபிஃ ஸாத்யைர்விஶ்வேதேவைர்மருத்பதிம் ॥ ௧௭ ॥

த்ரு'ஷ்ட்வா வஜ்ரதரம் ஶக்ரம் ரோசமாநம் ஸ்வயா ஶ்ரியா ।
நாம்ரு'ஷ்யந்நஸுரா ராஜந்ம்ரு'தே வ்ரு'த்ரபுரஃஸராஃ ॥ ௧௮ ॥

நமுசிஃ ஶம்பரோ'நர்வா த்விமூர்தா ரு'ஷபோ'ஸுரஃ ।
ஹயக்ரீவஃ ஶங்குஶிரா விப்ரசித்திரயோமுகஃ ॥ ௧௯ ॥

புலோமா வ்ரு'ஷபர்வா ச ப்ரஹேதிர்ஹேதிருத்கலஃ ।
தைதேயா தாநவா யக்ஷா ரக்ஷாம்ஸி ச ஸஹஸ்ரஶஃ ॥ ௨௦ ॥

ஸுமாலிமாலிப்ரமுகாஃ கார்தஸ்வரபரிச்சதாஃ ।
ப்ரதிஷித்யேந்த்ரஸேநாக்ரம் ம்ரு'த்யோரபி துராஸதம் ॥ ௨௧ ॥

அப்யர்தயந்நஸம்ப்ராந்தாஃ ஸிம்ஹநாதேந துர்மதாஃ ।
கதாபிஃ பரிகைர்பாணைஃ ப்ராஸமுத்கரதோமரைஃ ॥ ௨௨ ॥

ஶூலைஃ பரஶ்வதைஃ கட்கைஃ ஶதக்நீபிர்புஶுண்டிபிஃ ।
ஸர்வதோ'வாகிரந் ஶஸ்த்ரைரஸ்த்ரைஶ்ச விபுதர்ஷபாந் ॥ ௨௩ ॥

ந தே'த்ரு'ஶ்யந்த ஸஞ்சந்நாஃ ஶரஜாலைஃ ஸமந்ததஃ ।
புங்காநுபுங்கபதிதைர்ஜ்யோதீம்ஷீவ நபோகநைஃ ॥ ௨௪ ॥

ந தே ஶஸ்த்ராஸ்த்ரவர்ஷௌகா ஹ்யாஸேதுஃ ஸுரஸைநிகாந் ।
சிந்நாஃ ஸித்தபதே தேவைர்லகுஹஸ்தைஃ ஸஹஸ்ரதா ॥ ௨௫ ॥

அத க்ஷீணாஸ்த்ரஶஸ்த்ரௌகா கிரிஶ்ரு'ங்கத்ருமோபலைஃ ।
அப்யவர்ஷந் ஸுரபலம் சிச்சிதுஸ்தாம்ஶ்ச பூர்வவத் ॥ ௨௬ ॥

தாநக்ஷதாந் ஸ்வஸ்திமதோ நிஶாம்ய
ஶஸ்த்ராஸ்த்ரபூகைரத வ்ரு'த்ரநாதாஃ ।
த்ருமைர்த்ரு'ஷத்பிர்விவிதாத்ரிஶ்ரு'ங்கை
ரவிக்ஷதாம்ஸ்தத்ரஸுரிந்த்ரஸைநிகாந் ॥ ௨௭ ॥

ஸர்வே ப்ரயாஸா அபவந் விமோகாஃ
க்ரு'தாஃ க்ரு'தா தேவகணேஷு தைத்யைஃ ।
க்ரு'ஷ்ணாநுகூலேஷு யதா மஹத்ஸு
க்ஷுத்ரைஃ ப்ரயுக்தா ஊஷதீ ரூக்ஷவாசஃ ॥ ௨௮ ॥

தே ஸ்வப்ரயாஸம் விததம் நிரீக்ஷ்ய
ஹராவபக்தா ஹதயுத்ததர்பாஃ ।
பலாயநாயாஜிமுகே விஸ்ரு'ஜ்ய
பதிம் மநஸ்தே ததுராத்தஸாராஃ ॥ ௨௯ ॥

வ்ரு'த்ரோ'ஸுராம்ஸ்தாநநுகாந் மநஸ்வீ
ப்ரதாவதஃ ப்ரேக்ஷ்ய பபாஷ ஏதத் ।
பலாயிதம் ப்ரேக்ஷ்ய பலம் ச பக்நம்
பயேந தீவ்ரேண விஹஸ்ய வீரஃ ॥ ௩௦ ॥

காலோபபந்நாம் ருசிராம் மநஸ்விநாம்
ஜகாத வாசம் புருஷப்ரவீரஃ ।
ஹே விப்ரசித்தே நமுசே புலோமந்
மயாநர்வஞ்சம்பர மே ஶ்ரு'ணுத்வம் ॥ ௩௧ ॥

ஜாதஸ்ய ம்ரு'த்யுர்த்ருவ ஏவ ஸர்வதஃ
ப்ரதிக்ரியா யஸ்ய ந சேஹ க்ல்ரு'ப்தா ।
லோகோ யஶஶ்சாத ததோ யதி ஹ்யமும்
கோ நாம ம்ரு'த்யும் ந வ்ரு'ணீத யுக்தம் ॥ ௩௨ ॥

த்வௌ ஸம்மதாவிஹ ம்ரு'த்யூ துராபௌ
யத் ப்ரஹ்மஸந்தாரணயா ஜிதாஸுஃ ।
கலேவரம் யோகரதோ விஜஹ்யாத்
யதக்ரணீர்வீரஶயே'நிவ்ரு'த்தஃ ॥ ௩௩ ॥