শ্রীশুক উবাচ
ঊচতুর্মৃতকোপান্তে পতিতং মৃতকোপমম্ ।
শোকাভিভূতং রাজানং বোধযন্তৌ সদুক্তিভিঃ ॥ ১ ॥
ঊচতুর্মৃতকোপান্তে পতিতং মৃতকোপমম্ ।
শোকাভিভূতং রাজানং বোধযন্তৌ সদুক্তিভিঃ ॥ ১ ॥
কোঽযং স্যাত্তব রাজেন্দ্র ভবান্ যমনুশোচতি ।
ত্বং চাস্য কতমঃ সৃষ্টৌ পুরেদানীমতঃ পরম্ ॥ ২ ॥
ত্বং চাস্য কতমঃ সৃষ্টৌ পুরেদানীমতঃ পরম্ ॥ ২ ॥
যথা প্রযান্তি সংযান্তি স্রোতোবেগেন বালুকাঃ ।
সংযুজ্যন্তে বিযুজ্যন্তে তথা কালেন দেহিনঃ ॥ ৩ ॥
সংযুজ্যন্তে বিযুজ্যন্তে তথা কালেন দেহিনঃ ॥ ৩ ॥
যথা ধানাসু বৈ ধানা ভবন্তি ন ভবন্তি চ ।
এবং ভূতানি ভূতেষু চোদিতানীশমাযযা ॥ ৪ ॥
এবং ভূতানি ভূতেষু চোদিতানীশমাযযা ॥ ৪ ॥
বযং চ ত্বং চ যে চেমে তুল্যকালাশ্চরাচরাঃ ।
জন্মমৃত্যোর্যথা পশ্চাত্ প্রাঙ্নৈবমধুনাপি ভোঃ ॥ ৫ ॥
জন্মমৃত্যোর্যথা পশ্চাত্ প্রাঙ্নৈবমধুনাপি ভোঃ ॥ ৫ ॥
ভূতৈর্ভূতানি ভূতেশঃ সৃজত্যবতি হন্তি চ ।
আত্মসৃষ্টৈরস্বতন্ত্রৈরনপেক্ষোঽপি বালবত্ ॥ ৬ ॥
আত্মসৃষ্টৈরস্বতন্ত্রৈরনপেক্ষোঽপি বালবত্ ॥ ৬ ॥
দেহেন দেহিনো রাজন্ দেহাদ্দেহোঽভিজাযতে ।
বীজাদেব যথা বীজং দেহ্যর্থ ইব শাশ্বতঃ ॥ ৭ ॥
বীজাদেব যথা বীজং দেহ্যর্থ ইব শাশ্বতঃ ॥ ৭ ॥
দেহদেহিবিভাগোঽযমবিবেককৃতঃ পুরা ।
জাতিব্যক্তিবিভাগোঽযং যথা বস্তুনি কল্পিতঃ ॥ ৮ ॥
জাতিব্যক্তিবিভাগোঽযং যথা বস্তুনি কল্পিতঃ ॥ ৮ ॥
শ্রীশুক উবাচ
এবমাশ্বাসিতো রাজা চিত্রকেতুর্দ্বিজোক্তিভিঃ ।
বিমৃজ্য পাণিনা বক্ত্রমাধিম্লানমভাষত ॥ ৯ ॥
এবমাশ্বাসিতো রাজা চিত্রকেতুর্দ্বিজোক্তিভিঃ ।
বিমৃজ্য পাণিনা বক্ত্রমাধিম্লানমভাষত ॥ ৯ ॥
শ্রীরাজোবাচ
কৌ যুবাং জ্ঞানসম্পন্নৌ মহিষ্ঠৌ চ মহীযসাম্ ।
অবধূতেন বেষেণ গূঢাবিহ সমাগতৌ ॥ ১০ ॥
কৌ যুবাং জ্ঞানসম্পন্নৌ মহিষ্ঠৌ চ মহীযসাম্ ।
অবধূতেন বেষেণ গূঢাবিহ সমাগতৌ ॥ ১০ ॥
চরন্তি হ্যবনৌ কামং ব্রাহ্মণা ভগবত্প্রিযাঃ ।
মাদৃশাং গ্রাম্যবুদ্ধীনাং বোধাযোন্মত্তলিঙ্গিনঃ ॥ ১১ ॥
মাদৃশাং গ্রাম্যবুদ্ধীনাং বোধাযোন্মত্তলিঙ্গিনঃ ॥ ১১ ॥
কুমারো নারদ ঋভুরঙ্গিরা দেবলোঽসিতঃ ।
অপান্তরতমা ব্যাসো মার্কণ্ডেযোঽথ গৌতমঃ ॥ ১২ ॥
অপান্তরতমা ব্যাসো মার্কণ্ডেযোঽথ গৌতমঃ ॥ ১২ ॥
বসিষ্ঠো ভগবান্ রামঃ কপিলো বাদরাযণিঃ ।
দুর্বাসা যাজ্ঞবল্ক্যশ্চ জাতুকর্ণস্তথারুণিঃ ॥ ১৩ ॥
দুর্বাসা যাজ্ঞবল্ক্যশ্চ জাতুকর্ণস্তথারুণিঃ ॥ ১৩ ॥
রোমশশ্চ্যবনো দত্ত আসুরিঃ সপতঞ্জলিঃ ।
ঋষির্বেদশিরা ধৌম্যো মুনিঃ পঞ্চশিখস্তথা ॥ ১৪ ॥
ঋষির্বেদশিরা ধৌম্যো মুনিঃ পঞ্চশিখস্তথা ॥ ১৪ ॥
হিরণ্যনাভঃ কৌশল্যঃ শ্রুতদেব ঋতধ্বজঃ ।
এতে পরে চ সিদ্ধেশাশ্চরন্তি জ্ঞানহেতবঃ ॥ ১৫ ॥
এতে পরে চ সিদ্ধেশাশ্চরন্তি জ্ঞানহেতবঃ ॥ ১৫ ॥
তস্মাদ্যুবাং গ্রাম্যপশোর্মম মূঢধিযঃ প্রভূ ।
অন্ধে তমসি মগ্নস্য জ্ঞানদীপ উদীর্যতাম্ ॥ ১৬ ॥
অন্ধে তমসি মগ্নস্য জ্ঞানদীপ উদীর্যতাম্ ॥ ১৬ ॥
শ্রীঅঙ্গিরা উবাচ
অহং তে পুত্রকামস্য পুত্রদোঽস্ম্যঙ্গিরা নৃপ ।
এষ ব্রহ্মসুতঃ সাক্ষান্নারদো ভগবানৃষিঃ ॥ ১৭ ॥
অহং তে পুত্রকামস্য পুত্রদোঽস্ম্যঙ্গিরা নৃপ ।
এষ ব্রহ্মসুতঃ সাক্ষান্নারদো ভগবানৃষিঃ ॥ ১৭ ॥
ইত্থং ত্বাং পুত্রশোকেন মগ্নং তমসি দুস্তরে ।
অতদর্হমনুস্মৃত্য মহাপুরুষগোচরম্ ॥ ১৮ ॥
অতদর্হমনুস্মৃত্য মহাপুরুষগোচরম্ ॥ ১৮ ॥
অনুগ্রহায ভবতঃ প্রাপ্তাবাবামিহ প্রভো ।
ব্রহ্মণ্যো ভগবদ্ভক্তো নাবাসাদিতুমর্হসি ॥ ১৯ ॥
ব্রহ্মণ্যো ভগবদ্ভক্তো নাবাসাদিতুমর্হসি ॥ ১৯ ॥
তদৈব তে পরং জ্ঞানং দদামি গৃহমাগতঃ ।
জ্ঞাত্বান্যাভিনিবেশং তে পুত্রমেব দদাম্যহম্ ॥ ২০ ॥
জ্ঞাত্বান্যাভিনিবেশং তে পুত্রমেব দদাম্যহম্ ॥ ২০ ॥
অধুনা পুত্রিণাং তাপো ভবতৈবানুভূযতে ।
এবং দারা গৃহা রাযো বিবিধৈশ্বর্যসম্পদঃ ॥ ২১ ॥
এবং দারা গৃহা রাযো বিবিধৈশ্বর্যসম্পদঃ ॥ ২১ ॥
শব্দাদযশ্চ বিষযাশ্চলা রাজ্যবিভূতযঃ ।
মহী রাজ্যং বলং কোষো ভৃত্যামাত্যসুহৃজ্জনাঃ ॥ ২২ ॥
মহী রাজ্যং বলং কোষো ভৃত্যামাত্যসুহৃজ্জনাঃ ॥ ২২ ॥
সর্বেঽপি শূরসেনেমে শোকমোহভযার্তিদাঃ ।
গন্ধর্বনগরপ্রখ্যাঃ স্বপ্নমাযামনোরথাঃ ॥ ২৩ ॥
গন্ধর্বনগরপ্রখ্যাঃ স্বপ্নমাযামনোরথাঃ ॥ ২৩ ॥
দৃশ্যমানা বিনার্থেন ন দৃশ্যন্তে মনোভবাঃ ।
কর্মভির্ধ্যাযতো নানাকর্মাণি মনসোঽভবন্ ॥ ২৪ ॥
কর্মভির্ধ্যাযতো নানাকর্মাণি মনসোঽভবন্ ॥ ২৪ ॥
অযং হি দেহিনো দেহো দ্রব্যজ্ঞানক্রিযাত্মকঃ ।
দেহিনো বিবিধক্লেশসন্তাপকৃদুদাহৃতঃ ॥ ২৫ ॥
দেহিনো বিবিধক্লেশসন্তাপকৃদুদাহৃতঃ ॥ ২৫ ॥
তস্মাত্ স্বস্থেন মনসা বিমৃশ্য গতিমাত্মনঃ ।
দ্বৈতে ধ্রুবার্থবিশ্রম্ভং ত্যজোপশমমাবিশ ॥ ২৬ ॥
দ্বৈতে ধ্রুবার্থবিশ্রম্ভং ত্যজোপশমমাবিশ ॥ ২৬ ॥
শ্রীনারদ উবাচ
এতাং মন্ত্রোপনিষদং প্রতীচ্ছ প্রযতো মম ।
যাং ধারযন্ সপ্তরাত্রাদ্ দ্রষ্টা সঙ্কর্ষণং বিভুম্ ॥ ২৭ ॥
এতাং মন্ত্রোপনিষদং প্রতীচ্ছ প্রযতো মম ।
যাং ধারযন্ সপ্তরাত্রাদ্ দ্রষ্টা সঙ্কর্ষণং বিভুম্ ॥ ২৭ ॥
যত্পাদমূলমুপসৃত্য নরেন্দ্র পূর্বে
শর্বাদযো ভ্রমমিমং দ্বিতযং বিসৃজ্য ।
সদ্যস্তদীযমতুলানধিকং মহিত্বং
প্রাপুর্ভবানপি পরং ন চিরাদুপৈতি ॥ ২৮ ॥
শর্বাদযো ভ্রমমিমং দ্বিতযং বিসৃজ্য ।
সদ্যস্তদীযমতুলানধিকং মহিত্বং
প্রাপুর্ভবানপি পরং ন চিরাদুপৈতি ॥ ২৮ ॥