ஶ்ரீமத்பாகவதம் ௬.௧௬

ஶ்ரீபாதராயணிருவாச
அத தேவரு'ஷீ ராஜந் ஸம்பரேதம் ந்ரு'பாத்மஜம் ।
தர்ஶயித்வேதி ஹோவாச ஜ்ஞாதீநாமநுஶோசதாம் ॥ ௧ ॥

ஶ்ரீநாரத உவாச
ஜீவாத்மந் பஶ்ய பத்ரம் தே மாதரம் பிதரம் ச தே ।
ஸுஹ்ரு'தோ பாந்தவாஸ்தப்தாஃ ஶுசா த்வத்க்ரு'தயா ப்ரு'ஶம் ॥ ௨ ॥

கலேவரம் ஸ்வமாவிஶ்ய ஶேஷமாயுஃ ஸுஹ்ரு'த்வ்ரு'தஃ ।
புங்க்ஷ்வ போகாந் பித்ரு'ப்ரத்தாநதிதிஷ்ட ந்ரு'பாஸநம் ॥ ௩ ॥

ஜீவ உவாச
கஸ்மிஞ்ஜந்மந்யமீ மஹ்யம் பிதரோ மாதரோ'பவந் ।
கர்மபிர்ப்ராம்யமாணஸ்ய தேவதிர்யங்ந்ரு'யோநிஷு ॥ ௪ ॥

பந்துஜ்ஞாத்யரிமத்யஸ்தமித்ரோதாஸீநவித்விஷஃ ।
ஸர்வ ஏவ ஹி ஸர்வேஷாம் பவந்தி க்ரமஶோ மிதஃ ॥ ௫ ॥

யதா வஸ்தூநி பண்யாநி ஹேமாதீநி ததஸ்ததஃ ।
பர்யடந்தி நரேஷ்வேவம் ஜீவோ யோநிஷு கர்த்ரு'ஷு ॥ ௬ ॥

நித்யஸ்யார்தஸ்ய ஸம்பந்தோ ஹ்யநித்யோ த்ரு'ஶ்யதே ந்ரு'ஷு ।
யாவத்யஸ்ய ஹி ஸம்பந்தோ மமத்வம் தாவதேவ ஹி ॥ ௭ ॥

ஏவம் யோநிகதோ ஜீவஃ ஸ நித்யோ நிரஹங்க்ரு'தஃ ।
யாவத்யத்ரோபலப்யேத தாவத்ஸ்வத்வம் ஹி தஸ்ய தத் ॥ ௮ ॥

ஏஷ நித்யோ'வ்யயஃ ஸூக்ஷ்ம ஏஷ ஸர்வாஶ்ரயஃ ஸ்வத்ரு'க் ।
ஆத்மமாயாகுணைர்விஶ்வமாத்மாநம் ஸ்ரு'ஜதே ப்ரபுஃ ॥ ௯ ॥

ந ஹ்யஸ்யாஸ்தி ப்ரியஃ கஶ்சிந்நாப்ரியஃ ஸ்வஃ பரோ'பி வா ।
ஏகஃ ஸர்வதியாம் த்ரஷ்டா கர்த்ரு'ணாம் குணதோஷயோஃ ॥ ௧௦ ॥

நாதத்த ஆத்மா ஹி குணம் ந தோஷம் ந க்ரியாபலம் ।
உதாஸீநவதாஸீநஃ பராவரத்ரு'கீஶ்வரஃ ॥ ௧௧ ॥

ஶ்ரீபாதராயணிருவாச
இத்யுதீர்ய கதோ ஜீவோ ஜ்ஞாதயஸ்தஸ்ய தே ததா ।
விஸ்மிதா முமுசுஃ ஶோகம் சித்த்வாத்மஸ்நேஹஶ்ரு'ங்கலாம் ॥ ௧௨ ॥

நிர்ஹ்ரு'த்ய ஜ்ஞாதயோ ஜ்ஞாதேர்தேஹம் க்ரு'த்வோசிதாஃ க்ரியாஃ ।
தத்யஜுர்துஸ்த்யஜம் ஸ்நேஹம் ஶோகமோஹபயார்திதம் ॥ ௧௩ ॥

பாலக்ந்யோ வ்ரீடிதாஸ்தத்ர பாலஹத்யாஹதப்ரபாஃ ।
பாலஹத்யாவ்ரதம் சேருர்ப்ராஹ்மணைர்யந்நிரூபிதம் ।
யமுநாயாம் மஹாராஜ ஸ்மரந்த்யோ த்விஜபாஷிதம் ॥ ௧௪ ॥

ஸ இத்தம் ப்ரதிபுத்தாத்மா சித்ரகேதுர்த்விஜோக்திபிஃ ।
க்ரு'ஹாந்தகூபாந்நிஷ்க்ராந்தஃ ஸரஃபங்காதிவ த்விபஃ ॥ ௧௫ ॥

காலிந்த்யாம் விதிவத் ஸ்நாத்வா க்ரு'தபுண்யஜலக்ரியஃ ।
மௌநேந ஸம்யதப்ராணோ ப்ரஹ்மபுத்ராவவந்தத ॥ ௧௬ ॥

அத தஸ்மை ப்ரபந்நாய பக்தாய ப்ரயதாத்மநே ।
பகவாந்நாரதஃ ப்ரீதோ வித்யாமேதாமுவாச ஹ ॥ ௧௭ ॥

ௐ நமஸ்துப்யம் பகவதே வாஸுதேவாய தீமஹி ।
ப்ரத்யும்நாயாநிருத்தாய நமஃ ஸங்கர்ஷணாய ச ॥ ௧௮ ॥

நமோ விஜ்ஞாநமாத்ராய பரமாநந்தமூர்தயே ।
ஆத்மாராமாய ஶாந்தாய நிவ்ரு'த்தத்வைதத்ரு'ஷ்டயே ॥ ௧௯ ॥

ஆத்மாநந்தாநுபூத்யைவ ந்யஸ்தஶக்த்யூர்மயே நமஃ ।
ஹ்ரு'ஷீகேஶாய மஹதே நமஸ்தே'நந்தமூர்தயே ॥ ௨௦ ॥

வசஸ்யுபரதே'ப்ராப்ய ய ஏகோ மநஸா ஸஹ ।
அநாமரூபஶ்சிந்மாத்ரஃ ஸோ'வ்யாந்நஃ ஸதஸத்பரஃ ॥ ௨௧ ॥

யஸ்மிந்நிதம் யதஶ்சேதம் திஷ்டத்யப்யேதி ஜாயதே ।
ம்ரு'ண்மயேஷ்விவ ம்ரு'ஜ்ஜாதிஸ்தஸ்மை தே ப்ரஹ்மணே நமஃ ॥ ௨௨ ॥

யந்ந ஸ்ப்ரு'ஶந்தி ந விதுர்மநோபுத்தீந்த்ரியாஸவஃ ।
அந்தர்பஹிஶ்ச விததம் வ்யோமவத்தந்நதோ'ஸ்ம்யஹம் ॥ ௨௩ ॥

தேஹேந்த்ரியப்ராணமநோதியோ'மீ
யதம்ஶவித்தாஃ ப்ரசரந்தி கர்மஸு ।
நைவாந்யதா லௌஹமிவாப்ரதப்தம்
ஸ்தாநேஷு தத் த்ரஷ்ட்ரபதேஶமேதி ॥ ௨௪ ॥

ௐ நமோ பகவதே மஹாபுருஷாய மஹாநுபாவாய மஹாவிபூதிபதயே ஸகலஸாத்வதபரிவ்ரு'டநிகர கரகமலகுட்மலோபலாலிதசரணாரவிந்தயுகல பரமபரமேஷ்டிந்நமஸ்தே ॥ ௨௫ ॥

ஶ்ரீஶுக உவாச
பக்தாயைதாம் ப்ரபந்நாய வித்யாமாதிஶ்ய நாரதஃ ।
யயாவங்கிரஸா ஸாகம் தாம ஸ்வாயம்புவம் ப்ரபோ ॥ ௨௬ ॥

சித்ரகேதுஸ்து தாம் வித்யாம் யதா நாரதபாஷிதாம் ।
தாரயாமாஸ ஸப்தாஹமப்பக்ஷஃ ஸுஸமாஹிதஃ ॥ ௨௭ ॥

ததஃ ஸ ஸப்தராத்ராந்தே வித்யயா தார்யமாணயா ।
வித்யாதராதிபத்யம் ச லேபே'ப்ரதிஹதம் ந்ரு'ப ॥ ௨௮ ॥

ததஃ கதிபயாஹோபிர்வித்யயேத்தமநோகதிஃ ।
ஜகாம தேவதேவஸ்ய ஶேஷஸ்ய சரணாந்திகம் ॥ ௨௯ ॥

ம்ரு'ணாலகௌரம் ஶிதிவாஸஸம் ஸ்புரத்-
கிரீடகேயூரகடித்ரகங்கணம் ।
ப்ரஸந்நவக்த்ராருணலோசநம் வ்ரு'தம்
ததர்ஶ ஸித்தேஶ்வரமண்டலைஃ ப்ரபும் ॥ ௩௦ ॥

தத்தர்ஶநத்வஸ்தஸமஸ்தகில்பிஷஃ
ஸ்வஸ்தாமலாந்தஃகரணோ'ப்யயாந்முநிஃ ।
ப்ரவ்ரு'த்தபக்த்யா ப்ரணயாஶ்ருலோசநஃ
ப்ரஹ்ரு'ஷ்டரோமாநமதாதிபுருஷம் ॥ ௩௧ ॥

ஸ உத்தமஶ்லோகபதாப்ஜவிஷ்டரம்
ப்ரேமாஶ்ருலேஶைருபமேஹயந்முஹுஃ ।
ப்ரேமோபருத்தாகிலவர்ணநிர்கமோ
நைவாஶகத்தம் ப்ரஸமீடிதும் சிரம் ॥ ௩௨ ॥

ததஃ ஸமாதாய மநோ மநீஷயா
பபாஷ ஏதத்ப்ரதிலப்தவாகஸௌ ।
நியம்ய ஸர்வேந்த்ரியபாஹ்யவர்தநம்
ஜகத்குரும் ஸாத்வதஶாஸ்த்ரவிக்ரஹம் ॥ ௩௩ ॥

சித்ரகேதுருவாச
அஜித ஜிதஃ ஸமமதிபிஃ
ஸாதுபிர்பவாந் ஜிதாத்மபிர்பவதா ।
விஜிதாஸ்தே'பி ச பஜதா-
மகாமாத்மநாம் ய ஆத்மதோ'திகருணஃ ॥ ௩௪ ॥

தவ விபவஃ கலு பகவந்
ஜகதுதயஸ்திதிலயாதீநி ।
விஶ்வஸ்ரு'ஜஸ்தேஶாம்ஶா
ஸ்தத்ர ம்ரு'ஷா ஸ்பர்தந்தி ப்ரு'தகபிமத்யா ॥ ௩௫ ॥

பரமாணுபரமமஹதோ-
ஸ்த்வமாத்யந்தாந்தரவர்தீ த்ரயவிதுரஃ ।
ஆதாவந்தே'பி ச ஸத்த்வாநாம்
யத் த்ருவம் ததேவாந்தராலே'பி ॥ ௩௬ ॥

க்ஷித்யாதிபிரேஷ கிலாவ்ரு'தஃ
ஸப்தபிர்தஶகுணோத்தரைரண்டகோஶஃ ।
யத்ர பதத்யணுகல்பஃ
ஸஹாண்டகோடிகோடிபிஸ்ததநந்தஃ ॥ ௩௭ ॥

விஷயத்ரு'ஷோ நரபஶவோ
ய உபாஸதே விபூதீர்ந பரம் த்வாம் ।
தேஷாமாஶிஷ ஈஶ
ததநு விநஶ்யந்தி யதா ராஜகுலம் ॥ ௩௮ ॥

காமதியஸ்த்வயி ரசிதா
ந பரம ரோஹந்தி யதா கரம்பபீஜாநி ।
ஜ்ஞாநாத்மந்யகுணமயே
குணகணதோ'ஸ்ய த்வந்த்வஜாலாநி ॥ ௩௯ ॥

ஜிதமஜித ததா பவதா
யதாஹ பாகவதம் தர்மமநவத்யம் ।
நிஷ்கிஞ்சநா யே முநய
ஆத்மாராமா யமுபாஸதே'பவர்காய ॥ ௪௦ ॥

விஷமமதிர்ந யத்ர ந்ரு'ணாம்
த்வமஹமிதி மம தவேதி ச யதந்யத்ர ।
விஷமதியா ரசிதோ யஃ
ஸ ஹ்யவிஶுத்தஃ க்ஷயிஷ்ணுரதர்மபஹுலஃ ॥ ௪௧ ॥

கஃ க்ஷேமோ நிஜபரயோஃ
கியாந்வார்தஃ ஸ்வபரத்ருஹா தர்மேண ।
ஸ்வத்ரோஹாத்தவ கோபஃ
பரஸம்பீடயா ச ததாதர்மஃ ॥ ௪௨ ॥

ந வ்யபிசரதி தவேக்ஷா
யயா ஹ்யபிஹிதோ பாகவதோ தர்மஃ ।
ஸ்திரசரஸத்த்வகதம்பே-
ஷ்வப்ரு'தக்தியோ யமுபாஸதே த்வார்யாஃ ॥ ௪௩ ॥

ந ஹி பகவந்நகடிதமிதம்
த்வத்தர்ஶநாந்ந்ரு'ணாமகிலபாபக்ஷயஃ ।
யந்நாம ஸக்ரு'ச்ச்ரவணாத்
புக்கஶோ'பி விமுச்யதே ஸம்ஸாராத் ॥ ௪௪ ॥

அத பகவந் வயமதுநா
த்வதவலோகபரிம்ரு'ஷ்டாஶயமலாஃ ।
ஸுரரு'ஷிணா யத்கதிதம்
தாவகேந கதமந்யதா பவதி ॥ ௪௫ ॥

விதிதமநந்த ஸமஸ்தம்
தவ ஜகதாத்மநோ ஜநைரிஹாசரிதம் ।
விஜ்ஞாப்யம் பரமகுரோஃ
கியதிவ ஸவிதுரிவ கத்யோதைஃ ॥ ௪௬ ॥

நமஸ்துப்யம் பகவதே
ஸகலஜகத்ஸ்திதிலயோதயேஶாய ।
துரவஸிதாத்மகதயே
குயோகிநாம் பிதா பரமஹம்ஸாய ॥ ௪௭ ॥

யம் வை ஶ்வஸந்தமநு விஶ்வஸ்ரு'ஜஃ ஶ்வஸந்தி
யம் சேகிதாநமநு சித்தய உச்சகந்தி ।
பூமண்டலம் ஸர்ஷபாயதி யஸ்ய மூர்த்நி
தஸ்மை நமோ பகவதே'ஸ்து ஸஹஸ்ரமூர்த்நே ॥ ௪௮ ॥

ஶ்ரீஶுக உவாச
ஸம்ஸ்துதோ பகவாநேவமநந்தஸ்தமபாஷத ।
வித்யாதரபதிம் ப்ரீதஶ்சித்ரகேதும் குரூத்வஹ ॥ ௪௯ ॥

ஶ்ரீபகவாநுவாச
யந்நாரதாங்கிரோப்யாம் தே வ்யாஹ்ரு'தம் மே'நுஶாஸநம் ।
ஸம்ஸித்தோ'ஸி தயா ராஜந் வித்யயா தர்ஶநாச்ச மே ॥ ௫௦ ॥

அஹம் வை ஸர்வபூதாநி பூதாத்மா பூதபாவநஃ ।
ஶப்தப்ரஹ்ம பரம் ப்ரஹ்ம மமோபே ஶாஶ்வதீ தநூ ॥ ௫௧ ॥

லோகே விததமாத்மாநம் லோகம் சாத்மநி ஸந்ததம் ।
உபயம் ச மயா வ்யாப்தம் மயி சைவோபயம் க்ரு'தம் ॥ ௫௨ ॥

யதா ஸுஷுப்தஃ புருஷோ விஶ்வம் பஶ்யதி சாத்மநி ।
ஆத்மாநமேகதேஶஸ்தம் மந்யதே ஸ்வப்ந உத்திதஃ ॥ ௫௩ ॥

ஏவம் ஜாகரணாதீநி ஜீவஸ்தாநாநி சாத்மநஃ ।
மாயாமாத்ராணி விஜ்ஞாய தத் த்ரஷ்டாரம் பரம் ஸ்மரேத் ॥ ௫௪ ॥

யேந ப்ரஸுப்தஃ புருஷஃ ஸ்வாபம் வேதாத்மநஸ்ததா ।
ஸுகம் ச நிர்குணம் ப்ரஹ்ம தமாத்மாநமவேஹி மாம் ॥ ௫௫ ॥

உபயம் ஸ்மரதஃ பும்ஸஃ ப்ரஸ்வாபப்ரதிபோதயோஃ ।
அந்வேதி வ்யதிரிச்யேத தஜ்ஜ்ஞாநம் ப்ரஹ்ம தத்பரம் ॥ ௫௬ ॥

யதேதத்விஸ்ம்ரு'தம் பும்ஸோ மத்பாவம் பிந்நமாத்மநஃ ।
ததஃ ஸம்ஸார ஏதஸ்ய தேஹாத்தேஹோ ம்ரு'தேர்ம்ரு'திஃ ॥ ௫௭ ॥

லப்த்வேஹ மாநுஷீம் யோநிம் ஜ்ஞாநவிஜ்ஞாநஸம்பவாம் ।
ஆத்மாநம் யோ ந புத்த்யேத ந க்வசித்க்ஷேமமாப்நுயாத் ॥ ௫௮ ॥

ஸ்ம்ரு'த்வேஹாயாம் பரிக்லேஶம் ததஃ பலவிபர்யயம் ।
அபயம் சாப்யநீஹாயாம் ஸங்கல்பாத்விரமேத்கவிஃ ॥ ௫௯ ॥

ஸுகாய துஃகமோக்ஷாய குர்வாதே தம்பதீ க்ரியாஃ ।
ததோ'நிவ்ரு'த்திரப்ராப்திர்துஃகஸ்ய ச ஸுகஸ்ய ச ॥ ௬௦ ॥

ஏவம் விபர்யயம் புத்த்வா ந்ரு'ணாம் விஜ்ஞாபிமாநிநாம் ।
ஆத்மநஶ்ச கதிம் ஸூக்ஷ்மாம் ஸ்தாநத்ரயவிலக்ஷணாம் ॥ ௬௧ ॥

த்ரு'ஷ்டஶ்ருதாபிர்மாத்ராபிர்நிர்முக்தஃ ஸ்வேந தேஜஸா ।
ஜ்ஞாநவிஜ்ஞாநஸந்த்ரு'ப்தோ மத்பக்தஃ புருஷோ பவேத் ॥ ௬௨ ॥

ஏதாவாநேவ மநுஜைர்யோகநைபுண்யபுத்திபிஃ ।
ஸ்வார்தஃ ஸர்வாத்மநா ஜ்ஞேயோ யத்பராத்மைகதர்ஶநம் ॥ ௬௩ ॥

த்வமேதச்ச்ரத்தயா ராஜந்நப்ரமத்தோ வசோ மம ।
ஜ்ஞாநவிஜ்ஞாநஸம்பந்நோ தாரயந்நாஶு ஸித்யஸி ॥ ௬௪ ॥

ஶ்ரீஶுக உவாச
ஆஶ்வாஸ்ய பகவாநித்தம் சித்ரகேதும் ஜகத்குருஃ ।
பஶ்யதஸ்தஸ்ய விஶ்வாத்மா ததஶ்சாந்தர்ததே ஹரிஃ ॥ ௬௫ ॥