ஶ்ரீமத்பாகவதம் ௮.௧௮

ஶ்ரீஶுக உவாச
இத்தம் விரிஞ்சஸ்துதகர்மவீர்யஃ
ப்ராதுர்பபூவாம்ரு'தபூரதித்யாம் ।
சதுர்புஜஃ ஶங்ககதாப்ஜசக்ரஃ
பிஶங்கவாஸா நலிநாயதேக்ஷணஃ ॥ ௧ ॥

ஶ்யாமாவதாதோ சஷராஜகுண்டல-
த்விஷோல்லஸச்ச்ரீவதநாம்புஜஃ புமாந் ।
ஶ்ரீவத்ஸவக்ஷா பலயாங்கதோல்லஸ-
த்கிரீடகாஞ்சீகுணசாருநூபுரஃ ॥ ௨ ॥

மதுவ்ரதவ்ராதவிகுஷ்டயா ஸ்வயா
விராஜிதஃ ஶ்ரீவநமாலயா ஹரிஃ ।
ப்ரஜாபதேர்வேஶ்மதமஃ ஸ்வரோசிஷா
விநாஶயந் கண்டநிவிஷ்டகௌஸ்துபஃ ॥ ௩ ॥

திஶஃ ப்ரஸேதுஃ ஸலிலாஶயாஸ்ததா
ப்ரஜாஃ ப்ரஹ்ரு'ஷ்டா ரு'தவோ குணாந்விதாஃ ।
த்யௌரந்தரீக்ஷம் க்ஷிதிரக்நிஜிஹ்வா
காவோ த்விஜாஃ ஸஞ்ஜஹ்ரு'ஷுர்நகாஶ்ச ॥ ௪ ॥

ஶ்ரோணாயாம் ஶ்ரவணத்வாதஶ்யாம் முஹூர்தே'பிஜிதி ப்ரபுஃ ।
ஸர்வே நக்ஷத்ரதாராத்யாஶ்சக்ருஸ்தஜ்ஜந்ம தக்ஷிணம் ॥ ௫ ॥

த்வாதஶ்யாம் ஸவிதாதிஷ்டந்மத்யந்திநகதோ ந்ரு'ப ।
விஜயாநாம ஸா ப்ரோக்தா யஸ்யாம் ஜந்ம விதுர்ஹரேஃ ॥ ௬ ॥

ஶங்கதுந்துபயோ நேதுர்ம்ரு'தங்கபணவாநகாஃ ।
சித்ரவாதித்ரதூர்யாணாம் நிர்கோஷஸ்துமுலோ'பவத் ॥ ௭ ॥

ப்ரீதாஶ்சாப்ஸரஸோ'ந்ரு'த்யந்கந்தர்வப்ரவரா ஜகுஃ ।
துஷ்டுவுர்முநயோ தேவா மநவஃ பிதரோ'க்நயஃ ॥ ௮ ॥

ஸித்தவித்யாதரகணாஃ ஸகிம்புருஷகிந்நராஃ ।
சாரணா யக்ஷரக்ஷாம்ஸி ஸுபர்ணா புஜகோத்தமாஃ ॥ ௯ ॥

காயந்தோ'திப்ரஶம்ஸந்தோ ந்ரு'த்யந்தோ விபுதாநுகாஃ ।
அதித்யா ஆஶ்ரமபதம் குஸுமைஃ ஸமவாகிரந் ॥ ௧௦ ॥

த்ரு'ஷ்ட்வாதிதிஸ்தம் நிஜகர்பஸம்பவம்
பரம் புமாம்ஸம் முதமாப விஸ்மிதா ।
க்ரு'ஹீததேஹம் நிஜயோகமாயயா
ப்ரஜாபதிஶ்சாஹ ஜயேதி விஸ்மிதஃ ॥ ௧௧ ॥

யத் தத் வபுர்பாதி விபூஷணாயுதை-
ரவ்யக்தசித்வயக்தமதாரயத்தரிஃ ।
பபூவ தேநைவ ஸ வாமநோ வடுஃ
ஸம்பஶ்யதோர்திவ்யகதிர்யதா நடஃ ॥ ௧௨ ॥

தம் வடும் வாமநம் த்ரு'ஷ்ட்வா மோதமாநா மஹர்ஷயஃ ।
கர்மாணி காரயாமாஸுஃ புரஸ்க்ரு'த்ய ப்ரஜாபதிம் ॥ ௧௩ ॥

தஸ்யோபநீயமாநஸ்ய ஸாவித்ரீம் ஸவிதாப்ரவீத் ।
ப்ரு'ஹஸ்பதிர்ப்ரஹ்மஸூத்ரம் மேகலாம் கஶ்யபோ'ததாத் ॥ ௧௪ ॥

ததௌ க்ரு'ஷ்ணாஜிநம் பூமிர்தண்டம் ஸோமோ வநஸ்பதிஃ ।
கௌபீநாச்சாதநம் மாதா த்யௌஶ்சத்ரம் ஜகதஃ பதேஃ ॥ ௧௫ ॥

கமண்டலும் வேதகர்பஃ குஶாந்ஸப்தர்ஷயோ ததுஃ ।
அக்ஷமாலாம் மஹாராஜ ஸரஸ்வத்யவ்யயாத்மநஃ ॥ ௧௬ ॥

தஸ்மா இத்யுபநீதாய யக்ஷராட் பாத்ரிகாமதாத் ।
பிக்ஷாம் பகவதீ ஸாக்ஷாதுமாதாதம்பிகா ஸதீ ॥ ௧௭ ॥

ஸ ப்ரஹ்மவர்சஸேநைவம் ஸபாம் ஸம்பாவிதோ வடுஃ ।
ப்ரஹ்மர்ஷிகணஸஞ்ஜுஷ்டாமத்யரோசத மாரிஷஃ ॥ ௧௮ ॥

ஸமித்தமாஹிதம் வஹ்நிம் க்ரு'த்வா பரிஸமூஹநம் ।
பரிஸ்தீர்ய ஸமப்யர்ச்ய ஸமித்பிரஜுஹோத் த்விஜஃ ॥ ௧௯ ॥

ஶ்ருத்வாஶ்வமேதைர்யஜமாநமூர்ஜிதம்
பலிம் ப்ரு'கூணாமுபகல்பிதைஸ்ததஃ ।
ஜகாம தத்ராகிலஸாரஸம்ப்ரு'தோ
பாரேண காம் ஸந்நமயந்பதே பதே ॥ ௨௦ ॥

தம் நர்மதாயாஸ்தட உத்தரே பலே-
ர்ய ரு'த்விஜஸ்தே ப்ரு'குகச்சஸம்ஜ்ஞகே ।
ப்ரவர்தயந்தோ ப்ரு'கவஃ க்ரதூத்தமம்
வ்யசக்ஷதாராதுதிதம் யதா ரவிம் ॥ ௨௧ ॥

தே ரு'த்விஜோ யஜமாநஃ ஸதஸ்யா
ஹதத்விஷோ வாமநதேஜஸா ந்ரு'ப ।
ஸூர்யஃ கிலாயாத்யுத வா விபாவஸுஃ
ஸநத்குமாரோ'த தித்ரு'க்ஷயா க்ரதோஃ ॥ ௨௨ ॥

இத்தம் ஸஶிஷ்யேஷு ப்ரு'குஷ்வநேகதா
விதர்க்யமாணோ பகவாந்ஸ வாமநஃ ।
சத்ரம் ஸதண்டம் ஸஜலம் கமண்டலும்
விவேஶ பிப்ரத்தயமேதவாடம் ॥ ௨௩ ॥

மௌஞ்ஜ்யா மேகலயா வீதமுபவீதாஜிநோத்தரம் ।
ஜடிலம் வாமநம் விப்ரம் மாயாமாணவகம் ஹரிம் ॥ ௨௪ ॥

ப்ரவிஷ்டம் வீக்ஷ்ய ப்ரு'கவஃ ஸஶிஷ்யாஸ்தே ஸஹாக்நிபிஃ ।
ப்ரத்யக்ரு'ஹ்ணந்ஸமுத்தாய ஸங்க்ஷிப்தாஸ்தஸ்ய தேஜஸா ॥ ௨௫ ॥

யஜமாநஃ ப்ரமுதிதோ தர்ஶநீயம் மநோரமம் ।
ரூபாநுரூபாவயவம் தஸ்மா ஆஸநமாஹரத் ॥ ௨௬ ॥

ஸ்வாகதேநாபிநந்த்யாத பாதௌ பகவதோ பலிஃ ।
அவநிஜ்யார்சயாமாஸ முக்தஸங்கமநோரமம் ॥ ௨௭ ॥

தத்பாதஶௌசம் ஜநகல்மஷாபஹம்
ஸ தர்மவிந்மூர்த்ந்யததாத் ஸுமங்கலம் ।
யத் தேவதேவோ கிரிஶஶ்சந்த்ரமௌலி-
ர்ததார மூர்த்நா பரயா ச பக்த்யா ॥ ௨௮ ॥

ஶ்ரீபலிருவாச
ஸ்வாகதம் தே நமஸ்துப்யம் ப்ரஹ்மந்கிம் கரவாம தே ।
ப்ரஹ்மர்ஷீணாம் தபஃ ஸாக்ஷாந்மந்யே த்வார்ய வபுர்தரம் ॥ ௨௯ ॥

அத்ய நஃ பிதரஸ்த்ரு'ப்தா அத்ய நஃ பாவிதம் குலம் ।
அத்ய ஸ்விஷ்டஃ க்ரதுரயம் யத் பவாநாகதோ க்ரு'ஹாந் ॥ ௩௦ ॥

அத்யாக்நயோ மே ஸுஹுதா யதாவிதி
த்விஜாத்மஜ த்வச்சரணாவநேஜநைஃ ।
ஹதாம்ஹஸோ வார்பிரியம் ச பூரஹோ
ததா புநீதா தநுபிஃ பதைஸ்தவ ॥ ௩௧ ॥

யத் வடோ வாஞ்சஸி தத்ப்ரதீச்ச மே
த்வாமர்திநம் விப்ரஸுதாநுதர்கயே ।
காம் காஞ்சநம் குணவத் தாம ம்ரு'ஷ்டம்
ததாந்நபேயமுத வா விப்ரகந்யாம் ।
க்ராமாந் ஸம்ரு'த்தாம்ஸ்துரகாந் கஜாந் வா
ரதாம்ஸ்ததார்ஹத்தம ஸம்ப்ரதீச்ச ॥ ௩௨ ॥