শ্রীশুক উবাচ
বলিরেবং গৃহপতিঃ কুলাচার্যেণ ভাষিতঃ ।
তূষ্ণীং ভূত্বা ক্ষণং রাজন্নুবাচাবহিতো গুরুম্ ॥ ১ ॥
বলিরেবং গৃহপতিঃ কুলাচার্যেণ ভাষিতঃ ।
তূষ্ণীং ভূত্বা ক্ষণং রাজন্নুবাচাবহিতো গুরুম্ ॥ ১ ॥
শ্রীবলিরুবাচ
সত্যং ভগবতা প্রোক্তং ধর্মোঽযং গৃহমেধিনাম্ ।
অর্থং কামং যশো বৃত্তিং যো ন বাধেত কর্হিচিত্ ॥ ২ ॥
সত্যং ভগবতা প্রোক্তং ধর্মোঽযং গৃহমেধিনাম্ ।
অর্থং কামং যশো বৃত্তিং যো ন বাধেত কর্হিচিত্ ॥ ২ ॥
স চাহং বিত্তলোভেন প্রত্যাচক্ষে কথং দ্বিজম্ ।
প্রতিশ্রুত্য দদামীতি প্রাহ্রাদিঃ কিতবো যথা ॥ ৩ ॥
প্রতিশ্রুত্য দদামীতি প্রাহ্রাদিঃ কিতবো যথা ॥ ৩ ॥
ন হ্যসত্যাত্ পরোঽধর্ম ইতি হোবাচ ভূরিযম্ ।
সর্বং সোঢুমলং মন্যে ঋতেঽলীকপরং নরম্ ॥ ৪ ॥
সর্বং সোঢুমলং মন্যে ঋতেঽলীকপরং নরম্ ॥ ৪ ॥
নাহং বিভেমি নিরযান্নাধন্যাদসুখার্ণবাত্ ।
ন স্থানচ্যবনান্মৃত্যোর্যথা বিপ্রপ্রলম্ভনাত্ ॥ ৫ ॥
ন স্থানচ্যবনান্মৃত্যোর্যথা বিপ্রপ্রলম্ভনাত্ ॥ ৫ ॥
যদ্ যদ্ধাস্যতি লোকেঽস্মিন্সম্পরেতং ধনাদিকম্ ।
তস্য ত্যাগে নিমিত্তং কিং বিপ্রস্তুষ্যেন্ন তেন চেত্ ॥ ৬ ॥
তস্য ত্যাগে নিমিত্তং কিং বিপ্রস্তুষ্যেন্ন তেন চেত্ ॥ ৬ ॥
শ্রেযঃ কুর্বন্তি ভূতানাং সাধবো দুস্ত্যজাসুভিঃ ।
দধ্যঙ্শিবিপ্রভৃতযঃ কো বিকল্পো ধরাদিষু ॥ ৭ ॥
দধ্যঙ্শিবিপ্রভৃতযঃ কো বিকল্পো ধরাদিষু ॥ ৭ ॥
যৈরিযং বুভুজে ব্রহ্মন্দৈত্যেন্দ্রৈরনিবর্তিভিঃ ।
তেষাং কালোঽগ্রসীল্লোকান্ ন যশোঽধিগতং ভুবি ॥ ৮ ॥
তেষাং কালোঽগ্রসীল্লোকান্ ন যশোঽধিগতং ভুবি ॥ ৮ ॥
সুলভা যুধি বিপ্রর্ষে হ্যনিবৃত্তাস্তনুত্যজঃ ।
ন তথা তীর্থ আযাতে শ্রদ্ধযা যে ধনত্যজঃ ॥ ৯ ॥
ন তথা তীর্থ আযাতে শ্রদ্ধযা যে ধনত্যজঃ ॥ ৯ ॥
মনস্বিনঃ কারুণিকস্য শোভনং
যদর্থিকামোপনযেন দুর্গতিঃ ।
কুতঃ পুনর্ব্রহ্মবিদাং ভবাদৃশাং
ততো বটোরস্য দদামি বাঞ্ছিতম্ ॥ ১০ ॥
যদর্থিকামোপনযেন দুর্গতিঃ ।
কুতঃ পুনর্ব্রহ্মবিদাং ভবাদৃশাং
ততো বটোরস্য দদামি বাঞ্ছিতম্ ॥ ১০ ॥
যজন্তি যজ্ঞংক্রতুভির্যমাদৃতা
ভবন্ত আম্নাযবিধানকোবিদাঃ ।
স এব বিষ্ণুর্বরদোঽস্তু বা পরো
দাস্যাম্যমুষ্মৈ ক্ষিতিমীপ্সিতাং মুনে ॥ ১১ ॥
ভবন্ত আম্নাযবিধানকোবিদাঃ ।
স এব বিষ্ণুর্বরদোঽস্তু বা পরো
দাস্যাম্যমুষ্মৈ ক্ষিতিমীপ্সিতাং মুনে ॥ ১১ ॥
যদ্যপ্যসাবধর্মেণ মাং বধ্নীযাদনাগসম্ ।
তথাপ্যেনং ন হিংসিষ্যে ভীতং ব্রহ্মতনুং রিপুম্ ॥ ১২ ॥
তথাপ্যেনং ন হিংসিষ্যে ভীতং ব্রহ্মতনুং রিপুম্ ॥ ১২ ॥
এষ বা উত্তমশ্লোকো ন জিহাসতি যদ্ যশঃ ।
হত্বা মৈনাং হরেদ্ যুদ্ধে শযীত নিহতো মযা ॥ ১৩ ॥
হত্বা মৈনাং হরেদ্ যুদ্ধে শযীত নিহতো মযা ॥ ১৩ ॥
শ্রীশুক উবাচ
এবমশ্রদ্ধিতং শিষ্যমনাদেশকরং গুরুঃ ।
শশাপ দৈবপ্রহিতঃ সত্যসন্ধং মনস্বিনম্ ॥ ১৪ ॥
এবমশ্রদ্ধিতং শিষ্যমনাদেশকরং গুরুঃ ।
শশাপ দৈবপ্রহিতঃ সত্যসন্ধং মনস্বিনম্ ॥ ১৪ ॥
দৃঢং পণ্ডিতমান্যজ্ঞঃ স্তব্ধোঽস্যস্মদুপেক্ষযা ।
মচ্ছাসনাতিগো যস্ত্বমচিরাদ্ভ্রশ্যসে শ্রিযঃ ॥ ১৫ ॥
মচ্ছাসনাতিগো যস্ত্বমচিরাদ্ভ্রশ্যসে শ্রিযঃ ॥ ১৫ ॥
এবং শপ্তঃ স্বগুরুণা সত্যান্ন চলিতো মহান্ ।
বামনায দদাবেনামর্চিত্বোদকপূর্বকম্ ॥ ১৬ ॥
বামনায দদাবেনামর্চিত্বোদকপূর্বকম্ ॥ ১৬ ॥
বিন্ধ্যাবলিস্তদাগত্য পত্নী জালকমালিনী ।
আনিন্যে কলশং হৈমমবনেজন্যপাং ভৃতম্ ॥ ১৭ ॥
আনিন্যে কলশং হৈমমবনেজন্যপাং ভৃতম্ ॥ ১৭ ॥
যজমানঃ স্বযং তস্য শ্রীমত্ পাদযুগং মুদা ।
অবনিজ্যাবহন্মূর্ধ্নি তদপো বিশ্বপাবনীঃ ॥ ১৮ ॥
অবনিজ্যাবহন্মূর্ধ্নি তদপো বিশ্বপাবনীঃ ॥ ১৮ ॥
তদাসুরেন্দ্রং দিবি দেবতাগণা
গন্ধর্ববিদ্যাধরসিদ্ধচারণাঃ ।
তত্কর্ম সর্বেঽপি গৃণন্ত আর্জবং
প্রসূনবর্ষৈর্ববৃষুর্মুদান্বিতাঃ ॥ ১৯ ॥
গন্ধর্ববিদ্যাধরসিদ্ধচারণাঃ ।
তত্কর্ম সর্বেঽপি গৃণন্ত আর্জবং
প্রসূনবর্ষৈর্ববৃষুর্মুদান্বিতাঃ ॥ ১৯ ॥
নেদুর্মুহুর্দুন্দুভযঃ সহস্রশো
গন্ধর্বকিম্পূরুষকিন্নরা জগুঃ ।
মনস্বিনানেন কৃতং সুদুষ্করং
বিদ্বানদাদ্ যদ্ রিপবে জগত্ত্রযম্ ॥ ২০ ॥
গন্ধর্বকিম্পূরুষকিন্নরা জগুঃ ।
মনস্বিনানেন কৃতং সুদুষ্করং
বিদ্বানদাদ্ যদ্ রিপবে জগত্ত্রযম্ ॥ ২০ ॥
তদ্ বামনং রূপমবর্ধতাদ্ভুতং
হরেরনন্তস্য গুণত্রযাত্মকম্ ।
ভূঃ খং দিশো দ্যৌর্বিবরাঃ পযোধয-
স্তির্যঙ্নৃদেবা ঋষযো যদাসত ॥ ২১ ॥
হরেরনন্তস্য গুণত্রযাত্মকম্ ।
ভূঃ খং দিশো দ্যৌর্বিবরাঃ পযোধয-
স্তির্যঙ্নৃদেবা ঋষযো যদাসত ॥ ২১ ॥
কাযে বলিস্তস্য মহাবিভূতেঃ
সহর্ত্বিগাচার্যসদস্য এতত্ ।
দদর্শ বিশ্বং ত্রিগুণং গুণাত্মকে
ভূতেন্দ্রিযার্থাশযজীবযুক্তম্ ॥ ২২ ॥
সহর্ত্বিগাচার্যসদস্য এতত্ ।
দদর্শ বিশ্বং ত্রিগুণং গুণাত্মকে
ভূতেন্দ্রিযার্থাশযজীবযুক্তম্ ॥ ২২ ॥
রসামচষ্টাঙ্ঘ্রিতলেঽথ পাদযো-
র্মহীং মহীধ্রান্পুরুষস্য জঙ্ঘযোঃ ।
পতত্ত্রিণো জানুনি বিশ্বমূর্তে-
রূর্বোর্গণং মারুতমিন্দ্রসেনঃ ॥ ২৩ ॥
র্মহীং মহীধ্রান্পুরুষস্য জঙ্ঘযোঃ ।
পতত্ত্রিণো জানুনি বিশ্বমূর্তে-
রূর্বোর্গণং মারুতমিন্দ্রসেনঃ ॥ ২৩ ॥
সন্ধ্যাং বিভোর্বাসসি গুহ্য ঐক্ষত্
প্রজাপতীঞ্জঘনে আত্মমুখ্যান্ ।
নাভ্যাং নভঃ কুক্ষিষু সপ্তসিন্ধূ-
নুরুক্রমস্যোরসি চর্ক্ষমালাম্ ॥ ২৪ ॥
প্রজাপতীঞ্জঘনে আত্মমুখ্যান্ ।
নাভ্যাং নভঃ কুক্ষিষু সপ্তসিন্ধূ-
নুরুক্রমস্যোরসি চর্ক্ষমালাম্ ॥ ২৪ ॥
হৃদ্যঙ্গ ধর্মং স্তনযোর্মুরারে-
র্ঋতং চ সত্যং চ মনস্যথেন্দুম্ ।
শ্রিযং চ বক্ষস্যরবিন্দহস্তাং
কণ্ঠে চ সামানি সমস্তরেফান্ ॥ ২৫ ॥
র্ঋতং চ সত্যং চ মনস্যথেন্দুম্ ।
শ্রিযং চ বক্ষস্যরবিন্দহস্তাং
কণ্ঠে চ সামানি সমস্তরেফান্ ॥ ২৫ ॥
ইন্দ্রপ্রধানানমরান্ভুজেষু
তত্কর্ণযোঃ ককুভো দ্যৌশ্চ মূর্ধ্নি ।
কেশেষু মেঘাঞ্ছ্বসনং নাসিকাযা-
মক্ষ্ণোশ্চ সূর্যং বদনে চ বহ্নিম্ ॥ ২৬ ॥
তত্কর্ণযোঃ ককুভো দ্যৌশ্চ মূর্ধ্নি ।
কেশেষু মেঘাঞ্ছ্বসনং নাসিকাযা-
মক্ষ্ণোশ্চ সূর্যং বদনে চ বহ্নিম্ ॥ ২৬ ॥
বাণ্যাং চ ছন্দাংসি রসে জলেশং
ভ্রুবোর্নিষেধং চ বিধিং চ পক্ষ্মসু ।
অহশ্চ রাত্রিং চ পরস্য পুংসো
মন্যুং ললাটেঽধর এব লোভম্ ॥ ২৭ ॥
ভ্রুবোর্নিষেধং চ বিধিং চ পক্ষ্মসু ।
অহশ্চ রাত্রিং চ পরস্য পুংসো
মন্যুং ললাটেঽধর এব লোভম্ ॥ ২৭ ॥
স্পর্শে চ কামং নৃপ রেতসাম্ভঃ
পৃষ্ঠে ত্বধর্মং ক্রমণেষু যজ্ঞম্ ।
ছাযাসু মৃত্যুং হসিতে চ মাযাং
তনূরুহেষ্বোষধিজাতযশ্চ ॥ ২৮ ॥
পৃষ্ঠে ত্বধর্মং ক্রমণেষু যজ্ঞম্ ।
ছাযাসু মৃত্যুং হসিতে চ মাযাং
তনূরুহেষ্বোষধিজাতযশ্চ ॥ ২৮ ॥
নদীশ্চ নাডীষু শিলা নখেষু
বুদ্ধাবজং দেবগণানৃষীংশ্চ ।
প্রাণেষু গাত্রে স্থিরজঙ্গমানি
সর্বাণি ভূতানি দদর্শ বীরঃ ॥ ২৯ ॥
বুদ্ধাবজং দেবগণানৃষীংশ্চ ।
প্রাণেষু গাত্রে স্থিরজঙ্গমানি
সর্বাণি ভূতানি দদর্শ বীরঃ ॥ ২৯ ॥
সর্বাত্মনীদং ভুবনং নিরীক্ষ্য
সর্বেঽসুরাঃ কশ্মলমাপুরঙ্গ ।
সুদর্শনং চক্রমসহ্যতেজো
ধনুশ্চ শার্ঙ্গং স্তনযিত্নুঘোষম্ ॥ ৩০ ॥
সর্বেঽসুরাঃ কশ্মলমাপুরঙ্গ ।
সুদর্শনং চক্রমসহ্যতেজো
ধনুশ্চ শার্ঙ্গং স্তনযিত্নুঘোষম্ ॥ ৩০ ॥
পর্জন্যঘোষো জলজঃ পাঞ্চজন্যঃ
কৌমোদকী বিষ্ণুগদা তরস্বিনী ।
বিদ্যাধরোঽসিঃ শতচন্দ্রযুক্ত-
স্তূণোত্তমাবক্ষযসাযকৌ চ ॥ ৩১ ॥
কৌমোদকী বিষ্ণুগদা তরস্বিনী ।
বিদ্যাধরোঽসিঃ শতচন্দ্রযুক্ত-
স্তূণোত্তমাবক্ষযসাযকৌ চ ॥ ৩১ ॥
সুনন্দমুখ্যা উপতস্থুরীশং
পার্ষদমুখ্যাঃ সহলোকপালাঃ ।
স্ফুরত্কিরীটাঙ্গদমীনকুণ্ডলঃ
শ্রীবত্সরত্নোত্তমমেখলাম্বরৈঃ ॥ ৩২ ॥
পার্ষদমুখ্যাঃ সহলোকপালাঃ ।
স্ফুরত্কিরীটাঙ্গদমীনকুণ্ডলঃ
শ্রীবত্সরত্নোত্তমমেখলাম্বরৈঃ ॥ ৩২ ॥
মধুব্রতস্রগ্বনমালযাবৃতো
ররাজ রাজন্ভগবানুরুক্রমঃ ।
ক্ষিতিং পদৈকেন বলের্বিচক্রমে
নভঃ শরীরেণ দিশশ্চ বাহুভিঃ ॥ ৩৩ ॥
ররাজ রাজন্ভগবানুরুক্রমঃ ।
ক্ষিতিং পদৈকেন বলের্বিচক্রমে
নভঃ শরীরেণ দিশশ্চ বাহুভিঃ ॥ ৩৩ ॥
পদং দ্বিতীযং ক্রমতস্ত্রিবিষ্টপং
ন বৈ তৃতীযায তদীযমণ্বপি ।
উরুক্রমস্যাঙ্ঘ্রিরুপর্যুপর্যথো
মহর্জনাভ্যাং তপসঃ পরং গতঃ ॥ ৩৪ ॥
ন বৈ তৃতীযায তদীযমণ্বপি ।
উরুক্রমস্যাঙ্ঘ্রিরুপর্যুপর্যথো
মহর্জনাভ্যাং তপসঃ পরং গতঃ ॥ ৩৪ ॥