ଶ୍ରୀଶୁକ ଉଵାଚ
ବଲିରେଵଂ ଗୃହପତିଃ କୁଲାଚାର୍ଯେଣ ଭାଷିତଃ ।
ତୂଷ୍ଣୀଂ ଭୂତ୍ଵା କ୍ଷଣଂ ରାଜନ୍ନୁଵାଚାଵହିତୋ ଗୁରୁମ୍ ॥ ୧ ॥
ବଲିରେଵଂ ଗୃହପତିଃ କୁଲାଚାର୍ଯେଣ ଭାଷିତଃ ।
ତୂଷ୍ଣୀଂ ଭୂତ୍ଵା କ୍ଷଣଂ ରାଜନ୍ନୁଵାଚାଵହିତୋ ଗୁରୁମ୍ ॥ ୧ ॥
ଶ୍ରୀବଲିରୁଵାଚ
ସତ୍ଯଂ ଭଗଵତା ପ୍ରୋକ୍ତଂ ଧର୍ମୋଽଯଂ ଗୃହମେଧିନାମ୍ ।
ଅର୍ଥଂ କାମଂ ଯଶୋ ଵୃତ୍ତିଂ ଯୋ ନ ବାଧେତ କର୍ହିଚିତ୍ ॥ ୨ ॥
ସତ୍ଯଂ ଭଗଵତା ପ୍ରୋକ୍ତଂ ଧର୍ମୋଽଯଂ ଗୃହମେଧିନାମ୍ ।
ଅର୍ଥଂ କାମଂ ଯଶୋ ଵୃତ୍ତିଂ ଯୋ ନ ବାଧେତ କର୍ହିଚିତ୍ ॥ ୨ ॥
ସ ଚାହଂ ଵିତ୍ତଲୋଭେନ ପ୍ରତ୍ଯାଚକ୍ଷେ କଥଂ ଦ୍ଵିଜମ୍ ।
ପ୍ରତିଶ୍ରୁତ୍ଯ ଦଦାମୀତି ପ୍ରାହ୍ରାଦିଃ କିତଵୋ ଯଥା ॥ ୩ ॥
ପ୍ରତିଶ୍ରୁତ୍ଯ ଦଦାମୀତି ପ୍ରାହ୍ରାଦିଃ କିତଵୋ ଯଥା ॥ ୩ ॥
ନ ହ୍ଯସତ୍ଯାତ୍ ପରୋଽଧର୍ମ ଇତି ହୋଵାଚ ଭୂରିଯମ୍ ।
ସର୍ଵଂ ସୋଢୁମଲଂ ମନ୍ଯେ ଋତେଽଲୀକପରଂ ନରମ୍ ॥ ୪ ॥
ସର୍ଵଂ ସୋଢୁମଲଂ ମନ୍ଯେ ଋତେଽଲୀକପରଂ ନରମ୍ ॥ ୪ ॥
ନାହଂ ବିଭେମି ନିରଯାନ୍ନାଧନ୍ଯାଦସୁଖାର୍ଣଵାତ୍ ।
ନ ସ୍ଥାନଚ୍ଯଵନାନ୍ମୃତ୍ଯୋର୍ଯଥା ଵିପ୍ରପ୍ରଲମ୍ଭନାତ୍ ॥ ୫ ॥
ନ ସ୍ଥାନଚ୍ଯଵନାନ୍ମୃତ୍ଯୋର୍ଯଥା ଵିପ୍ରପ୍ରଲମ୍ଭନାତ୍ ॥ ୫ ॥
ଯଦ୍ ଯଦ୍ଧାସ୍ଯତି ଲୋକେଽସ୍ମିନ୍ସମ୍ପରେତଂ ଧନାଦିକମ୍ ।
ତସ୍ଯ ତ୍ଯାଗେ ନିମିତ୍ତଂ କିଂ ଵିପ୍ରସ୍ତୁଷ୍ଯେନ୍ନ ତେନ ଚେତ୍ ॥ ୬ ॥
ତସ୍ଯ ତ୍ଯାଗେ ନିମିତ୍ତଂ କିଂ ଵିପ୍ରସ୍ତୁଷ୍ଯେନ୍ନ ତେନ ଚେତ୍ ॥ ୬ ॥
ଶ୍ରେଯଃ କୁର୍ଵନ୍ତି ଭୂତାନାଂ ସାଧଵୋ ଦୁସ୍ତ୍ଯଜାସୁଭିଃ ।
ଦଧ୍ଯଙ୍ଶିବିପ୍ରଭୃତଯଃ କୋ ଵିକଲ୍ପୋ ଧରାଦିଷୁ ॥ ୭ ॥
ଦଧ୍ଯଙ୍ଶିବିପ୍ରଭୃତଯଃ କୋ ଵିକଲ୍ପୋ ଧରାଦିଷୁ ॥ ୭ ॥
ଯୈରିଯଂ ବୁଭୁଜେ ବ୍ରହ୍ମନ୍ଦୈତ୍ଯେନ୍ଦ୍ରୈରନିଵର୍ତିଭିଃ ।
ତେଷାଂ କାଲୋଽଗ୍ରସୀଲ୍ଲୋକାନ୍ ନ ଯଶୋଽଧିଗତଂ ଭୁଵି ॥ ୮ ॥
ତେଷାଂ କାଲୋଽଗ୍ରସୀଲ୍ଲୋକାନ୍ ନ ଯଶୋଽଧିଗତଂ ଭୁଵି ॥ ୮ ॥
ସୁଲଭା ଯୁଧି ଵିପ୍ରର୍ଷେ ହ୍ଯନିଵୃତ୍ତାସ୍ତନୁତ୍ଯଜଃ ।
ନ ତଥା ତୀର୍ଥ ଆଯାତେ ଶ୍ରଦ୍ଧଯା ଯେ ଧନତ୍ଯଜଃ ॥ ୯ ॥
ନ ତଥା ତୀର୍ଥ ଆଯାତେ ଶ୍ରଦ୍ଧଯା ଯେ ଧନତ୍ଯଜଃ ॥ ୯ ॥
ମନସ୍ଵିନଃ କାରୁଣିକସ୍ଯ ଶୋଭନଂ
ଯଦର୍ଥିକାମୋପନଯେନ ଦୁର୍ଗତିଃ ।
କୁତଃ ପୁନର୍ବ୍ରହ୍ମଵିଦାଂ ଭଵାଦୃଶାଂ
ତତୋ ଵଟୋରସ୍ଯ ଦଦାମି ଵାଞ୍ଛିତମ୍ ॥ ୧୦ ॥
ଯଦର୍ଥିକାମୋପନଯେନ ଦୁର୍ଗତିଃ ।
କୁତଃ ପୁନର୍ବ୍ରହ୍ମଵିଦାଂ ଭଵାଦୃଶାଂ
ତତୋ ଵଟୋରସ୍ଯ ଦଦାମି ଵାଞ୍ଛିତମ୍ ॥ ୧୦ ॥
ଯଜନ୍ତି ଯଜ୍ଞଂକ୍ରତୁଭିର୍ଯମାଦୃତା
ଭଵନ୍ତ ଆମ୍ନାଯଵିଧାନକୋଵିଦାଃ ।
ସ ଏଵ ଵିଷ୍ଣୁର୍ଵରଦୋଽସ୍ତୁ ଵା ପରୋ
ଦାସ୍ଯାମ୍ଯମୁଷ୍ମୈ କ୍ଷିତିମୀପ୍ସିତାଂ ମୁନେ ॥ ୧୧ ॥
ଭଵନ୍ତ ଆମ୍ନାଯଵିଧାନକୋଵିଦାଃ ।
ସ ଏଵ ଵିଷ୍ଣୁର୍ଵରଦୋଽସ୍ତୁ ଵା ପରୋ
ଦାସ୍ଯାମ୍ଯମୁଷ୍ମୈ କ୍ଷିତିମୀପ୍ସିତାଂ ମୁନେ ॥ ୧୧ ॥
ଯଦ୍ଯପ୍ଯସାଵଧର୍ମେଣ ମାଂ ବଧ୍ନୀଯାଦନାଗସମ୍ ।
ତଥାପ୍ଯେନଂ ନ ହିଂସିଷ୍ଯେ ଭୀତଂ ବ୍ରହ୍ମତନୁଂ ରିପୁମ୍ ॥ ୧୨ ॥
ତଥାପ୍ଯେନଂ ନ ହିଂସିଷ୍ଯେ ଭୀତଂ ବ୍ରହ୍ମତନୁଂ ରିପୁମ୍ ॥ ୧୨ ॥
ଏଷ ଵା ଉତ୍ତମଶ୍ଲୋକୋ ନ ଜିହାସତି ଯଦ୍ ଯଶଃ ।
ହତ୍ଵା ମୈନାଂ ହରେଦ୍ ଯୁଦ୍ଧେ ଶଯୀତ ନିହତୋ ମଯା ॥ ୧୩ ॥
ହତ୍ଵା ମୈନାଂ ହରେଦ୍ ଯୁଦ୍ଧେ ଶଯୀତ ନିହତୋ ମଯା ॥ ୧୩ ॥
ଶ୍ରୀଶୁକ ଉଵାଚ
ଏଵମଶ୍ରଦ୍ଧିତଂ ଶିଷ୍ଯମନାଦେଶକରଂ ଗୁରୁଃ ।
ଶଶାପ ଦୈଵପ୍ରହିତଃ ସତ୍ଯସନ୍ଧଂ ମନସ୍ଵିନମ୍ ॥ ୧୪ ॥
ଏଵମଶ୍ରଦ୍ଧିତଂ ଶିଷ୍ଯମନାଦେଶକରଂ ଗୁରୁଃ ।
ଶଶାପ ଦୈଵପ୍ରହିତଃ ସତ୍ଯସନ୍ଧଂ ମନସ୍ଵିନମ୍ ॥ ୧୪ ॥
ଦୃଢଂ ପଣ୍ଡିତମାନ୍ଯଜ୍ଞଃ ସ୍ତବ୍ଧୋଽସ୍ଯସ୍ମଦୁପେକ୍ଷଯା ।
ମଚ୍ଛାସନାତିଗୋ ଯସ୍ତ୍ଵମଚିରାଦ୍ଭ୍ରଶ୍ଯସେ ଶ୍ରିଯଃ ॥ ୧୫ ॥
ମଚ୍ଛାସନାତିଗୋ ଯସ୍ତ୍ଵମଚିରାଦ୍ଭ୍ରଶ୍ଯସେ ଶ୍ରିଯଃ ॥ ୧୫ ॥
ଏଵଂ ଶପ୍ତଃ ସ୍ଵଗୁରୁଣା ସତ୍ଯାନ୍ନ ଚଲିତୋ ମହାନ୍ ।
ଵାମନାଯ ଦଦାଵେନାମର୍ଚିତ୍ଵୋଦକପୂର୍ଵକମ୍ ॥ ୧୬ ॥
ଵାମନାଯ ଦଦାଵେନାମର୍ଚିତ୍ଵୋଦକପୂର୍ଵକମ୍ ॥ ୧୬ ॥
ଵିନ୍ଧ୍ଯାଵଲିସ୍ତଦାଗତ୍ଯ ପତ୍ନୀ ଜାଲକମାଲିନୀ ।
ଆନିନ୍ଯେ କଲଶଂ ହୈମମଵନେଜନ୍ଯପାଂ ଭୃତମ୍ ॥ ୧୭ ॥
ଆନିନ୍ଯେ କଲଶଂ ହୈମମଵନେଜନ୍ଯପାଂ ଭୃତମ୍ ॥ ୧୭ ॥
ଯଜମାନଃ ସ୍ଵଯଂ ତସ୍ଯ ଶ୍ରୀମତ୍ ପାଦଯୁଗଂ ମୁଦା ।
ଅଵନିଜ୍ଯାଵହନ୍ମୂର୍ଧ୍ନି ତଦପୋ ଵିଶ୍ଵପାଵନୀଃ ॥ ୧୮ ॥
ଅଵନିଜ୍ଯାଵହନ୍ମୂର୍ଧ୍ନି ତଦପୋ ଵିଶ୍ଵପାଵନୀଃ ॥ ୧୮ ॥
ତଦାସୁରେନ୍ଦ୍ରଂ ଦିଵି ଦେଵତାଗଣା
ଗନ୍ଧର୍ଵଵିଦ୍ଯାଧରସିଦ୍ଧଚାରଣାଃ ।
ତତ୍କର୍ମ ସର୍ଵେଽପି ଗୃଣନ୍ତ ଆର୍ଜଵଂ
ପ୍ରସୂନଵର୍ଷୈର୍ଵଵୃଷୁର୍ମୁଦାନ୍ଵିତାଃ ॥ ୧୯ ॥
ଗନ୍ଧର୍ଵଵିଦ୍ଯାଧରସିଦ୍ଧଚାରଣାଃ ।
ତତ୍କର୍ମ ସର୍ଵେଽପି ଗୃଣନ୍ତ ଆର୍ଜଵଂ
ପ୍ରସୂନଵର୍ଷୈର୍ଵଵୃଷୁର୍ମୁଦାନ୍ଵିତାଃ ॥ ୧୯ ॥
ନେଦୁର୍ମୁହୁର୍ଦୁନ୍ଦୁଭଯଃ ସହସ୍ରଶୋ
ଗନ୍ଧର୍ଵକିମ୍ପୂରୁଷକିନ୍ନରା ଜଗୁଃ ।
ମନସ୍ଵିନାନେନ କୃତଂ ସୁଦୁଷ୍କରଂ
ଵିଦ୍ଵାନଦାଦ୍ ଯଦ୍ ରିପଵେ ଜଗତ୍ତ୍ରଯମ୍ ॥ ୨୦ ॥
ଗନ୍ଧର୍ଵକିମ୍ପୂରୁଷକିନ୍ନରା ଜଗୁଃ ।
ମନସ୍ଵିନାନେନ କୃତଂ ସୁଦୁଷ୍କରଂ
ଵିଦ୍ଵାନଦାଦ୍ ଯଦ୍ ରିପଵେ ଜଗତ୍ତ୍ରଯମ୍ ॥ ୨୦ ॥
ତଦ୍ ଵାମନଂ ରୂପମଵର୍ଧତାଦ୍ଭୁତଂ
ହରେରନନ୍ତସ୍ଯ ଗୁଣତ୍ରଯାତ୍ମକମ୍ ।
ଭୂଃ ଖଂ ଦିଶୋ ଦ୍ଯୌର୍ଵିଵରାଃ ପଯୋଧଯ-
ସ୍ତିର୍ଯଙ୍ନୃଦେଵା ଋଷଯୋ ଯଦାସତ ॥ ୨୧ ॥
ହରେରନନ୍ତସ୍ଯ ଗୁଣତ୍ରଯାତ୍ମକମ୍ ।
ଭୂଃ ଖଂ ଦିଶୋ ଦ୍ଯୌର୍ଵିଵରାଃ ପଯୋଧଯ-
ସ୍ତିର୍ଯଙ୍ନୃଦେଵା ଋଷଯୋ ଯଦାସତ ॥ ୨୧ ॥
କାଯେ ବଲିସ୍ତସ୍ଯ ମହାଵିଭୂତେଃ
ସହର୍ତ୍ଵିଗାଚାର୍ଯସଦସ୍ଯ ଏତତ୍ ।
ଦଦର୍ଶ ଵିଶ୍ଵଂ ତ୍ରିଗୁଣଂ ଗୁଣାତ୍ମକେ
ଭୂତେନ୍ଦ୍ରିଯାର୍ଥାଶଯଜୀଵଯୁକ୍ତମ୍ ॥ ୨୨ ॥
ସହର୍ତ୍ଵିଗାଚାର୍ଯସଦସ୍ଯ ଏତତ୍ ।
ଦଦର୍ଶ ଵିଶ୍ଵଂ ତ୍ରିଗୁଣଂ ଗୁଣାତ୍ମକେ
ଭୂତେନ୍ଦ୍ରିଯାର୍ଥାଶଯଜୀଵଯୁକ୍ତମ୍ ॥ ୨୨ ॥
ରସାମଚଷ୍ଟାଙ୍ଘ୍ରିତଲେଽଥ ପାଦଯୋ-
ର୍ମହୀଂ ମହୀଧ୍ରାନ୍ପୁରୁଷସ୍ଯ ଜଙ୍ଘଯୋଃ ।
ପତତ୍ତ୍ରିଣୋ ଜାନୁନି ଵିଶ୍ଵମୂର୍ତେ-
ରୂର୍ଵୋର୍ଗଣଂ ମାରୁତମିନ୍ଦ୍ରସେନଃ ॥ ୨୩ ॥
ର୍ମହୀଂ ମହୀଧ୍ରାନ୍ପୁରୁଷସ୍ଯ ଜଙ୍ଘଯୋଃ ।
ପତତ୍ତ୍ରିଣୋ ଜାନୁନି ଵିଶ୍ଵମୂର୍ତେ-
ରୂର୍ଵୋର୍ଗଣଂ ମାରୁତମିନ୍ଦ୍ରସେନଃ ॥ ୨୩ ॥
ସନ୍ଧ୍ଯାଂ ଵିଭୋର୍ଵାସସି ଗୁହ୍ଯ ଐକ୍ଷତ୍
ପ୍ରଜାପତୀଞ୍ଜଘନେ ଆତ୍ମମୁଖ୍ଯାନ୍ ।
ନାଭ୍ଯାଂ ନଭଃ କୁକ୍ଷିଷୁ ସପ୍ତସିନ୍ଧୂ-
ନୁରୁକ୍ରମସ୍ଯୋରସି ଚର୍କ୍ଷମାଲାମ୍ ॥ ୨୪ ॥
ପ୍ରଜାପତୀଞ୍ଜଘନେ ଆତ୍ମମୁଖ୍ଯାନ୍ ।
ନାଭ୍ଯାଂ ନଭଃ କୁକ୍ଷିଷୁ ସପ୍ତସିନ୍ଧୂ-
ନୁରୁକ୍ରମସ୍ଯୋରସି ଚର୍କ୍ଷମାଲାମ୍ ॥ ୨୪ ॥
ହୃଦ୍ଯଙ୍ଗ ଧର୍ମଂ ସ୍ତନଯୋର୍ମୁରାରେ-
ର୍ଋତଂ ଚ ସତ୍ଯଂ ଚ ମନସ୍ଯଥେନ୍ଦୁମ୍ ।
ଶ୍ରିଯଂ ଚ ଵକ୍ଷସ୍ଯରଵିନ୍ଦହସ୍ତାଂ
କଣ୍ଠେ ଚ ସାମାନି ସମସ୍ତରେଫାନ୍ ॥ ୨୫ ॥
ର୍ଋତଂ ଚ ସତ୍ଯଂ ଚ ମନସ୍ଯଥେନ୍ଦୁମ୍ ।
ଶ୍ରିଯଂ ଚ ଵକ୍ଷସ୍ଯରଵିନ୍ଦହସ୍ତାଂ
କଣ୍ଠେ ଚ ସାମାନି ସମସ୍ତରେଫାନ୍ ॥ ୨୫ ॥
ଇନ୍ଦ୍ରପ୍ରଧାନାନମରାନ୍ଭୁଜେଷୁ
ତତ୍କର୍ଣଯୋଃ କକୁଭୋ ଦ୍ଯୌଶ୍ଚ ମୂର୍ଧ୍ନି ।
କେଶେଷୁ ମେଘାଞ୍ଛ୍ଵସନଂ ନାସିକାଯା-
ମକ୍ଷ୍ଣୋଶ୍ଚ ସୂର୍ଯଂ ଵଦନେ ଚ ଵହ୍ନିମ୍ ॥ ୨୬ ॥
ତତ୍କର୍ଣଯୋଃ କକୁଭୋ ଦ୍ଯୌଶ୍ଚ ମୂର୍ଧ୍ନି ।
କେଶେଷୁ ମେଘାଞ୍ଛ୍ଵସନଂ ନାସିକାଯା-
ମକ୍ଷ୍ଣୋଶ୍ଚ ସୂର୍ଯଂ ଵଦନେ ଚ ଵହ୍ନିମ୍ ॥ ୨୬ ॥
ଵାଣ୍ଯାଂ ଚ ଛନ୍ଦାଂସି ରସେ ଜଲେଶଂ
ଭ୍ରୁଵୋର୍ନିଷେଧଂ ଚ ଵିଧିଂ ଚ ପକ୍ଷ୍ମସୁ ।
ଅହଶ୍ଚ ରାତ୍ରିଂ ଚ ପରସ୍ଯ ପୁଂସୋ
ମନ୍ଯୁଂ ଲଲାଟେଽଧର ଏଵ ଲୋଭମ୍ ॥ ୨୭ ॥
ଭ୍ରୁଵୋର୍ନିଷେଧଂ ଚ ଵିଧିଂ ଚ ପକ୍ଷ୍ମସୁ ।
ଅହଶ୍ଚ ରାତ୍ରିଂ ଚ ପରସ୍ଯ ପୁଂସୋ
ମନ୍ଯୁଂ ଲଲାଟେଽଧର ଏଵ ଲୋଭମ୍ ॥ ୨୭ ॥
ସ୍ପର୍ଶେ ଚ କାମଂ ନୃପ ରେତସାମ୍ଭଃ
ପୃଷ୍ଠେ ତ୍ଵଧର୍ମଂ କ୍ରମଣେଷୁ ଯଜ୍ଞମ୍ ।
ଛାଯାସୁ ମୃତ୍ଯୁଂ ହସିତେ ଚ ମାଯାଂ
ତନୂରୁହେଷ୍ଵୋଷଧିଜାତଯଶ୍ଚ ॥ ୨୮ ॥
ପୃଷ୍ଠେ ତ୍ଵଧର୍ମଂ କ୍ରମଣେଷୁ ଯଜ୍ଞମ୍ ।
ଛାଯାସୁ ମୃତ୍ଯୁଂ ହସିତେ ଚ ମାଯାଂ
ତନୂରୁହେଷ୍ଵୋଷଧିଜାତଯଶ୍ଚ ॥ ୨୮ ॥
ନଦୀଶ୍ଚ ନାଡୀଷୁ ଶିଲା ନଖେଷୁ
ବୁଦ୍ଧାଵଜଂ ଦେଵଗଣାନୃଷୀଂଶ୍ଚ ।
ପ୍ରାଣେଷୁ ଗାତ୍ରେ ସ୍ଥିରଜଙ୍ଗମାନି
ସର୍ଵାଣି ଭୂତାନି ଦଦର୍ଶ ଵୀରଃ ॥ ୨୯ ॥
ବୁଦ୍ଧାଵଜଂ ଦେଵଗଣାନୃଷୀଂଶ୍ଚ ।
ପ୍ରାଣେଷୁ ଗାତ୍ରେ ସ୍ଥିରଜଙ୍ଗମାନି
ସର୍ଵାଣି ଭୂତାନି ଦଦର୍ଶ ଵୀରଃ ॥ ୨୯ ॥
ସର୍ଵାତ୍ମନୀଦଂ ଭୁଵନଂ ନିରୀକ୍ଷ୍ଯ
ସର୍ଵେଽସୁରାଃ କଶ୍ମଲମାପୁରଙ୍ଗ ।
ସୁଦର୍ଶନଂ ଚକ୍ରମସହ୍ଯତେଜୋ
ଧନୁଶ୍ଚ ଶାର୍ଙ୍ଗଂ ସ୍ତନଯିତ୍ନୁଘୋଷମ୍ ॥ ୩୦ ॥
ସର୍ଵେଽସୁରାଃ କଶ୍ମଲମାପୁରଙ୍ଗ ।
ସୁଦର୍ଶନଂ ଚକ୍ରମସହ୍ଯତେଜୋ
ଧନୁଶ୍ଚ ଶାର୍ଙ୍ଗଂ ସ୍ତନଯିତ୍ନୁଘୋଷମ୍ ॥ ୩୦ ॥
ପର୍ଜନ୍ଯଘୋଷୋ ଜଲଜଃ ପାଞ୍ଚଜନ୍ଯଃ
କୌମୋଦକୀ ଵିଷ୍ଣୁଗଦା ତରସ୍ଵିନୀ ।
ଵିଦ୍ଯାଧରୋଽସିଃ ଶତଚନ୍ଦ୍ରଯୁକ୍ତ-
ସ୍ତୂଣୋତ୍ତମାଵକ୍ଷଯସାଯକୌ ଚ ॥ ୩୧ ॥
କୌମୋଦକୀ ଵିଷ୍ଣୁଗଦା ତରସ୍ଵିନୀ ।
ଵିଦ୍ଯାଧରୋଽସିଃ ଶତଚନ୍ଦ୍ରଯୁକ୍ତ-
ସ୍ତୂଣୋତ୍ତମାଵକ୍ଷଯସାଯକୌ ଚ ॥ ୩୧ ॥
ସୁନନ୍ଦମୁଖ୍ଯା ଉପତସ୍ଥୁରୀଶଂ
ପାର୍ଷଦମୁଖ୍ଯାଃ ସହଲୋକପାଲାଃ ।
ସ୍ଫୁରତ୍କିରୀଟାଙ୍ଗଦମୀନକୁଣ୍ଡଲଃ
ଶ୍ରୀଵତ୍ସରତ୍ନୋତ୍ତମମେଖଲାମ୍ବରୈଃ ॥ ୩୨ ॥
ପାର୍ଷଦମୁଖ୍ଯାଃ ସହଲୋକପାଲାଃ ।
ସ୍ଫୁରତ୍କିରୀଟାଙ୍ଗଦମୀନକୁଣ୍ଡଲଃ
ଶ୍ରୀଵତ୍ସରତ୍ନୋତ୍ତମମେଖଲାମ୍ବରୈଃ ॥ ୩୨ ॥
ମଧୁଵ୍ରତସ୍ରଗ୍ଵନମାଲଯାଵୃତୋ
ରରାଜ ରାଜନ୍ଭଗଵାନୁରୁକ୍ରମଃ ।
କ୍ଷିତିଂ ପଦୈକେନ ବଲେର୍ଵିଚକ୍ରମେ
ନଭଃ ଶରୀରେଣ ଦିଶଶ୍ଚ ବାହୁଭିଃ ॥ ୩୩ ॥
ରରାଜ ରାଜନ୍ଭଗଵାନୁରୁକ୍ରମଃ ।
କ୍ଷିତିଂ ପଦୈକେନ ବଲେର୍ଵିଚକ୍ରମେ
ନଭଃ ଶରୀରେଣ ଦିଶଶ୍ଚ ବାହୁଭିଃ ॥ ୩୩ ॥
ପଦଂ ଦ୍ଵିତୀଯଂ କ୍ରମତସ୍ତ୍ରିଵିଷ୍ଟପଂ
ନ ଵୈ ତୃତୀଯାଯ ତଦୀଯମଣ୍ଵପି ।
ଉରୁକ୍ରମସ୍ଯାଙ୍ଘ୍ରିରୁପର୍ଯୁପର୍ଯଥୋ
ମହର୍ଜନାଭ୍ଯାଂ ତପସଃ ପରଂ ଗତଃ ॥ ୩୪ ॥
ନ ଵୈ ତୃତୀଯାଯ ତଦୀଯମଣ୍ଵପି ।
ଉରୁକ୍ରମସ୍ଯାଙ୍ଘ୍ରିରୁପର୍ଯୁପର୍ଯଥୋ
ମହର୍ଜନାଭ୍ଯାଂ ତପସଃ ପରଂ ଗତଃ ॥ ୩୪ ॥