ஶ்ரீமத்பாகவதம் ௮.௨௧

ஶ்ரீஶுக உவாச
ஸத்யம் ஸமீக்ஷ்யாப்ஜபவோ நகேந்துபி-
ர்ஹதஸ்வதாமத்யுதிராவ்ரு'தோ'ப்யகாத் ।
மரீசிமிஶ்ரா ரு'ஷயோ ப்ரு'ஹத்வ்ரதாஃ
ஸநந்தநாத்யா நரதேவ யோகிநஃ ॥ ௧ ॥

வேதோபவேதா நியமா யமாந்விதா-
ஸ்தர்கேதிஹாஸாங்கபுராணஸம்ஹிதாஃ ।
யே சாபரே யோகஸமீரதீபித-
ஜ்ஞாநாக்நிநா ரந்திதகர்மகல்மஷாஃ ॥ ௨ ॥

வவந்திரே யத்ஸ்மரணாநுபாவதஃ
ஸ்வாயம்புவம் தாம கதா அகர்மகம் ।
அதாங்க்ரயே ப்ரோந்நமிதாய விஷ்ணோ-
ருபாஹரத் பத்மபவோ'ர்ஹணோதகம் ।
ஸமர்ச்ய பக்த்யாப்யக்ரு'ணாச்சுசிஶ்ரவா
யந்நாபிபங்கேருஹஸம்பவஃ ஸ்வயம் ॥ ௩ ॥

தாதுஃ கமண்டலுஜலம் ததுருக்ரமஸ்ய
பாதாவநேஜநபவித்ரதயா நரேந்த்ர ।
ஸ்வர்துந்யபூந்நபஸி ஸா பததீ நிமார்ஷ்டி
லோகத்ரயம் பகவதோ விஶதேவ கீர்திஃ ॥ ௪ ॥

ப்ரஹ்மாதயோ லோகநாதாஃ ஸ்வநாதாய ஸமாத்ரு'தாஃ ।
ஸாநுகா பலிமாஜஹ்ருஃ ஸங்க்ஷிப்தாத்மவிபூதயே ॥ ௫ ॥

தோயைஃ ஸமர்ஹணைஃ ஸ்ரக்பிர்திவ்யகந்தாநுலேபநைஃ ।
தூபைர்தீபைஃ ஸுரபிபிர்லாஜாக்ஷதபலாங்குரைஃ ॥ ௬ ॥

ஸ்தவநைர்ஜயஶப்தைஶ்ச தத்வீர்யமஹிமாங்கிதைஃ ।
ந்ரு'த்யவாதித்ரகீதைஶ்ச ஶங்கதுந்துபிநிஃஸ்வநைஃ ॥ ௭ ॥

ஜாம்பவாந்ரு'க்ஷராஜஸ்து பேரீஶப்தைர்மநோஜவஃ ।
விஜயம் திக்ஷு ஸர்வாஸு மஹோத்ஸவமகோஷயத் ॥ ௮ ॥

மஹீம் ஸர்வாம் ஹ்ரு'தாம் த்ரு'ஷ்ட்வா த்ரிபதவ்யாஜயாச்ஞயா ।
ஊசுஃ ஸ்வபர்துரஸுரா தீக்ஷிதஸ்யாத்யமர்ஷிதாஃ ॥ ௯ ॥

ந வாயம் ப்ரஹ்மபந்துர்விஷ்ணுர்மாயாவிநாம் வரஃ ।
த்விஜரூபப்ரதிச்சந்நோ தேவகார்யம் சிகீர்ஷதி ॥ ௧௦ ॥

அநேந யாசமாநேந ஶத்ருணா வடுரூபிணா ।
ஸர்வஸ்வம் நோ ஹ்ரு'தம் பர்துர்ந்யஸ்ததண்டஸ்ய பர்ஹிஷி ॥ ௧௧ ॥

ஸத்யவ்ரதஸ்ய ஸததம் தீக்ஷிதஸ்ய விஶேஷதஃ ।
நாந்ரு'தம் பாஷிதும் ஶக்யம் ப்ரஹ்மண்யஸ்ய தயாவதஃ ॥ ௧௨ ॥

தஸ்மாதஸ்ய வதோ தர்மோ பர்துஃ ஶுஶ்ரூஷணம் ச நஃ ।
இத்யாயுதாநி ஜக்ரு'ஹுர்பலேரநுசராஸுராஃ ॥ ௧௩ ॥

தே ஸர்வே வாமநம் ஹந்தும் ஶூலபட்டிஶபாணயஃ ।
அநிச்சந்தோ பலே ராஜந் ப்ராத்ரவஞ்ஜாதமந்யவஃ ॥ ௧௪ ॥

தாநபித்ரவதோ த்ரு'ஷ்ட்வா திதிஜாநீகபாந் ந்ரு'ப ।
ப்ரஹஸ்யாநுசரா விஷ்ணோஃ ப்ரத்யஷேதந்நுதாயுதாஃ ॥ ௧௫ ॥

நந்தஃ ஸுநந்தோ'த ஜயோ விஜயஃ ப்ரபலோ பலஃ ।
குமுதஃ குமுதாக்ஷஶ்ச விஷ்வக்ஸேநஃ பதத்த்ரிராட் ॥ ௧௬ ॥

ஜயந்தஃ ஶ்ருததேவஶ்ச புஷ்பதந்தோ'த ஸாத்வதஃ ।
ஸர்வே நாகாயுதப்ராணாஶ்சமூம் தே ஜக்நுராஸுரீம் ॥ ௧௭ ॥

ஹந்யமாநாந் ஸ்வகாந் த்ரு'ஷ்ட்வா புருஷாநுசரைர்பலிஃ ।
வாரயாமாஸ ஸம்ரப்தாந் காவ்யஶாபமநுஸ்மரந் ॥ ௧௮ ॥

ஹே விப்ரசித்தே ஹே ராஹோ ஹே நேமே ஶ்ரூயதாம் வசஃ ।
மா யுத்யத நிவர்தத்வம் ந நஃ காலோ'யமர்தக்ரு'த் ॥ ௧௯ ॥

யஃ ப்ரபுஃ ஸர்வபூதாநாம் ஸுகதுஃகோபபத்தயே ।
தம் நாதிவர்திதும் தைத்யாஃ பௌருஷைரீஶ்வரஃ புமாந் ॥ ௨௦ ॥

யோ நோ பவாய ப்ராகாஸீதபவாய திவௌகஸாம் ।
ஸ ஏவ பகவாநத்ய வர்ததே தத்விபர்யயம் ॥ ௨௧ ॥

பலேந ஸசிவைர்புத்த்யா துர்கைர்மந்த்ரௌஷதாதிபிஃ ।
ஸாமாதிபிருபாயைஶ்ச காலம் நாத்யேதி வை ஜநஃ ॥ ௨௨ ॥

பவத்பிர்நிர்ஜிதா ஹ்யேதே பஹுஶோ'நுசரா ஹரேஃ ।
தைவேநர்த்தைஸ்த ஏவாத்ய யுதி ஜித்வா நதந்தி நஃ ॥ ௨௩ ॥

ஏதாந் வயம் விஜேஷ்யாமோ யதி தைவம் ப்ரஸீததி ।
தஸ்மாத் காலம் ப்ரதீக்ஷத்வம் யோ நோ'ர்தத்வாய கல்பதே ॥ ௨௪ ॥

ஶ்ரீஶுக உவாச
பத்யுர்நிகதிதம் ஶ்ருத்வா தைத்யதாநவயூதபாஃ ।
ரஸாம் நிர்விவிஶூ ராஜந் விஷ்ணுபார்ஷததாடிதாஃ ॥ ௨௫ ॥

அத தார்க்ஷ்யஸுதோ ஜ்ஞாத்வா விராட்ப்ரபுசிகீர்ஷிதம் ।
பபந்த வாருணைஃ பாஶைர்பலிம் ஸூத்யே'ஹநி க்ரதௌ ॥ ௨௬ ॥

ஹாஹாகாரோ மஹாநாஸீத் ரோதஸ்யோஃ ஸர்வதோதிஶம் ।
நிக்ரு'ஹ்யமாணே'ஸுரபதௌ விஷ்ணுநா ப்ரபவிஷ்ணுநா ॥ ௨௭ ॥

தம் பத்தம் வாருணைஃ பாஶைர்பகவாநாஹ வாமநஃ ।
நஷ்டஶ்ரியம் ஸ்திரப்ரஜ்ஞமுதாரயஶஸம் ந்ரு'ப ॥ ௨௮ ॥

பதாநி த்ரீணி தத்தாநி பூமேர்மஹ்யம் த்வயாஸுர ।
த்வாப்யாம் க்ராந்தா மஹீ ஸர்வா த்ரு'தீயமுபகல்பய ॥ ௨௯ ॥

யாவத் தபத்யஸௌ கோபிர்யாவதிந்துஃ ஸஹோடுபிஃ ।
யாவத் வர்ஷதி பர்ஜந்யஸ்தாவதீ பூரியம் தவ ॥ ௩௦ ॥

பதைகேந மயாக்ராந்தோ பூர்லோகஃ கம் திஶஸ்தநோஃ ।
ஸ்வர்லோகஸ்தே த்விதீயேந பஶ்யதஸ்தே ஸ்வமாத்மநா ॥ ௩௧ ॥

ப்ரதிஶ்ருதமதாதுஸ்தே நிரயே வாஸ இஷ்யதே ।
விஶ த்வம் நிரயம் தஸ்மாத் குருணா சாநுமோதிதஃ ॥ ௩௨ ॥

வ்ரு'தா மநோரதஸ்தஸ்ய தூரஃ ஸ்வர்கஃ பதத்யதஃ ।
ப்ரதிஶ்ருதஸ்யாதாநேந யோ'ர்திநம் விப்ரலம்பதே ॥ ௩௩ ॥

விப்ரலப்தோ ததாமீதி த்வயாஹம் சாட்யமாநிநா ।
தத் வ்யலீகபலம் புங்க்ஷ்வ நிரயம் கதிசித் ஸமாஃ ॥ ௩௪ ॥