ஶ்ரீமத்பாகவதம் ௮.௮

ஶ்ரீஶுக உவாச
பீதே கரே வ்ரு'ஷாங்கேண ப்ரீதாஸ்தே'மரதாநவாஃ ।
மமந்துஸ்தரஸா ஸிந்தும் ஹவிர்தாநீ ததோ'பவத் ॥ ௧ ॥

தாமக்நிஹோத்ரீம்ரு'ஷயோ ஜக்ரு'ஹுர்ப்ரஹ்மவாதிநஃ ।
யஜ்ஞஸ்ய தேவயாநஸ்ய மேத்யாய ஹவிஷே ந்ரு'ப ॥ ௨ ॥

தத உச்சைஃஶ்ரவா நாம ஹயோ'பூச்சந்த்ரபாண்டுரஃ ।
தஸ்மிந்பலிஃ ஸ்ப்ரு'ஹாம் சக்ரே நேந்த்ர ஈஶ்வரஶிக்ஷயா ॥ ௩ ॥

தத ஐராவதோ நாம வாரணேந்த்ரோ விநிர்கதஃ ।
தந்தைஶ்சதுர்பிஃ ஶ்வேதாத்ரேர்ஹரந்பகவதோ மஹிம் ॥ ௪ ॥

ஐராவணாதயஸ்த்வஷ்டௌ திக் கஜா அபவம்ஸ்ததஃ ।
அப்ரமுப்ரப்ரு'தயோ'ஷ்டௌ ச கரிண்யஸ்த்வபவந்ந்ரு'ப ॥ ௫ ॥

கௌஸ்துபாக்யமபூத் ரத்நம் பத்மராகோ மஹோததேஃ ।
தஸ்மிந் மணௌ ஸ்ப்ரு'ஹாம் சக்ரே வக்ஷோ'லங்கரணே ஹரிஃ ।
ததோ'பவத் பாரிஜாதஃ ஸுரலோகவிபூஷணம் ।
பூரயத்யர்திநோ யோ'ர்தைஃ ஶஶ்வத் புவி யதா பவாந் ॥ ௬ ॥

ததஶ்சாப்ஸரஸோ ஜாதா நிஷ்ககண்ட்யஃ ஸுவாஸஸஃ ।
ரமண்யஃ ஸ்வர்கிணாம் வல்குகதிலீலாவலோகநைஃ ॥ ௭ ॥

ததஶ்சாவிரபூத் ஸாக்ஷாச்ச்ரீ ரமா பகவத்பரா ।
ரஞ்ஜயந்தீ திஶஃ காந்த்யா வித்யுத் ஸௌதாமநீ யதா ॥ ௮ ॥

தஸ்யாம் சக்ருஃ ஸ்ப்ரு'ஹாம் ஸர்வே ஸஸுராஸுரமாநவாஃ ।
ரூபௌதார்யவயோவர்ணமஹிமாக்ஷிப்தசேதஸஃ ॥ ௯ ॥

தஸ்யா ஆஸநமாநிந்யே மஹேந்த்ரோ மஹதத்புதம் ।
மூர்திமத்யஃ ஸரிச்ச்ரேஷ்டா ஹேமகும்பைர்ஜலம் ஶுசி ॥ ௧௦ ॥

ஆபிஷேசநிகா பூமிராஹரத் ஸகலௌஷதீஃ ।
காவஃ பஞ்ச பவித்ராணி வஸந்தோ மதுமாதவௌ ॥ ௧௧ ॥

ரு'ஷயஃ கல்பயாம்சக்ருராபிஷேகம் யதாவிதி ।
ஜகுர்பத்ராணி கந்தர்வா நட்யஶ்ச நந்ரு'துர்ஜகுஃ ॥ ௧௨ ॥

மேகா ம்ரு'தங்கபணவமுரஜாநககோமுகாந் ।
வ்யநாதயந் ஶங்கவேணுவீணாஸ்துமுலநிஃஸ்வநாந் ॥ ௧௩ ॥

ததோ'பிஷிஷிசுர்தேவீம் ஶ்ரியம் பத்மகராம் ஸதீம் ।
திகிபாஃ பூர்ணகலஶைஃ ஸூக்தவாக்யைர்த்விஜேரிதைஃ ॥ ௧௪ ॥

ஸமுத்ரஃ பீதகௌஶேயவாஸஸீ ஸமுபாஹரத் ।
வருணஃ ஸ்ரஜம் வைஜயந்தீம் மதுநா மத்தஷட்பதாம் ॥ ௧௫ ॥

பூஷணாநி விசித்ராணி விஶ்வகர்மா ப்ரஜாபதிஃ ।
ஹாரம் ஸரஸ்வதீ பத்மமஜோ நாகாஶ்ச குண்டலே ॥ ௧௬ ॥

ததஃ க்ரு'தஸ்வஸ்த்யயநோத்பலஸ்ரஜம்
நதத்த்விரேபாம் பரிக்ரு'ஹ்ய பாணிநா ।
சசால வக்த்ரம் ஸுகபோலகுண்டலம்
ஸவ்ரீடஹாஸம் தததீ ஸுஶோபநம் ॥ ௧௭ ॥

ஸ்தநத்வயம் சாதிக்ரு'ஶோதரீ ஸமம்
நிரந்தரம் சந்தநகுங்குமோக்ஷிதம் ।
ததஸ்ததோ நூபுரவல்குஶிஞ்ஜிதை-
ர்விஸர்பதீ ஹேமலதேவ ஸா பபௌ ॥ ௧௮ ॥

விலோகயந்தீ நிரவத்யமாத்மநஃ
பதம் த்ருவம் சாவ்யபிசாரிஸத்குணம் ।
கந்தர்வஸித்தாஸுரயக்ஷசாரண-
த்ரைபிஷ்டபேயாதிஷு நாந்வவிந்தத ॥ ௧௯ ॥

நூநம் தபோ யஸ்ய ந மந்யுநிர்ஜயோ
ஜ்ஞாநம் க்வசித் தச்ச ந ஸங்கவர்ஜிதம் ।
கஶ்சிந்மஹாம்ஸ்தஸ்ய ந காமநிர்ஜயஃ
ஸ ஈஶ்வரஃ கிம் பரதோவ்யபாஶ்ரயஃ ॥ ௨௦ ॥

தர்மஃ க்வசித் தத்ர ந பூதஸௌஹ்ரு'தம்
த்யாகஃ க்வசித் தத்ர ந முக்திகாரணம் ।
வீர்யம் ந பும்ஸோ'ஸ்த்யஜவேகநிஷ்க்ரு'தம்
ந ஹி த்விதீயோ குணஸங்கவர்ஜிதஃ ॥ ௨௧ ॥

க்வசிச்சிராயுர்ந ஹி ஶீலமங்கலம்
க்வசித் ததப்யஸ்தி ந வேத்யமாயுஷஃ ।
யத்ரோபயம் குத்ர ச ஸோ'ப்யமங்கலஃ
ஸுமங்கலஃ கஶ்ச ந காங்க்ஷதே ஹி மாம் ॥ ௨௨ ॥

ஏவம் விம்ரு'ஶ்யாவ்யபிசாரிஸத்குணை-
ர்வரம் நிஜைகாஶ்ரயதயாகுணாஶ்ரயம் ।
வவ்ரே வரம் ஸர்வகுணைரபேக்ஷிதம்
ரமா முகுந்தம் நிரபேக்ஷமீப்ஸிதம் ॥ ௨௩ ॥

தஸ்யாம்ஸதேஶ உஶதீம் நவகஞ்ஜமாலாம்
மாத்யந்மதுவ்ரதவரூதகிரோபகுஷ்டாம் ।
தஸ்தௌ நிதாய நிகடே ததுரஃ ஸ்வதாம
ஸவ்ரீடஹாஸவிகஸந்நயநேந யாதா ॥ ௨௪ ॥

தஸ்யாஃ ஶ்ரியஸ்த்ரிஜகதோ ஜநகோ ஜநந்யா
வக்ஷோநிவாஸமகரோத் பரமம் விபூதேஃ ।
ஶ்ரீஃ ஸ்வாஃ ப்ரஜாஃ ஸகருணேந நிரீக்ஷணேந
யத்ர ஸ்திதைதயத ஸாதிபதீம்ஸ்த்ரிலோகாந் ॥ ௨௫ ॥

ஶங்கதூர்யம்ரு'தங்காநாம் வாதித்ராணாம் ப்ரு'துஃ ஸ்வநஃ ।
தேவாநுகாநாம் ஸஸ்த்ரீணாம் ந்ரு'த்யதாம் காயதாமபூத் ॥ ௨௬ ॥

ப்ரஹ்மருத்ராங்கிரோமுக்யாஃ ஸர்வே விஶ்வஸ்ரு'ஜோ விபும் ।
ஈடிரே'விததைர்மந்த்ரைஸ்தல்லிங்கைஃ புஷ்பவர்ஷிணஃ ॥ ௨௭ ॥

ஶ்ரியாவலோகிதா தேவாஃ ஸப்ரஜாபதயஃ ப்ரஜாஃ ।
ஶீலாதிகுணஸம்பந்நா லேபிரே நிர்வ்ரு'திம் பராம் ॥ ௨௮ ॥

நிஃஸத்த்வா லோலுபா ராஜந் நிருத்யோகா கதத்ரபாஃ ।
யதா சோபேக்ஷிதா லக்ஷ்ம்யா பபூவுர்தைத்யதாநவாஃ ॥ ௨௯ ॥

அதாஸீத் வாருணீ தேவீ கந்யா கமலலோசநா ।
அஸுரா ஜக்ரு'ஹுஸ்தாம் வை ஹரேரநுமதேந தே ॥ ௩௦ ॥

அதோததேர்மத்யமாநாத் காஶ்யபைரம்ரு'தார்திபிஃ ।
உததிஷ்டந்மஹாராஜ புருஷஃ பரமாத்புதஃ ॥ ௩௧ ॥

தீர்கபீவரதோர்தண்டஃ கம்புக்ரீவோ'ருணேக்ஷணஃ ।
ஶ்யாமலஸ்தருணஃ ஸ்ரக்வீ ஸர்வாபரணபூஷிதஃ ॥ ௩௨ ॥

பீதவாஸா மஹோரஸ்கஃ ஸும்ரு'ஷ்டமணிகுண்டலஃ ।
ஸ்நிக்தகுஞ்சிதகேஶாந்தஸுபகஃ ஸிம்ஹவிக்ரமஃ ।
அம்ரு'தாபூர்ணகலஸம் பிப்ரத் வலயபூஷிதஃ ॥ ௩௩ ॥

ஸ வை பகவதஃ ஸாக்ஷாத்விஷ்ணோரம்ஶாம்ஶஸம்பவஃ ।
தந்வந்தரிரிதி க்யாத ஆயுர்வேதத்ரு'கிஜ்யபாக் ॥ ௩௪ ॥

தமாலோக்யாஸுராஃ ஸர்வே கலஸம் சாம்ரு'தாப்ரு'தம் ।
லிப்ஸந்தஃ ஸர்வவஸ்தூநி கலஸம் தரஸாஹரந் ॥ ௩௫ ॥

நீயமாநே'ஸுரைஸ்தஸ்மிந்கலஸே'ம்ரு'தபாஜநே ।
விஷண்ணமநஸோ தேவா ஹரிம் ஶரணமாயயுஃ ॥ ௩௬ ॥

இதி தத்தைந்யமாலோக்ய பகவாந்ப்ரு'த்யகாமக்ரு'த் ।
மா கித்யத மிதோ'ர்தம் வஃ ஸாதயிஷ்யே ஸ்வமாயயா ॥ ௩௭ ॥

மிதஃ கலிரபூத்தேஷாம் ததர்தே தர்ஷசேதஸாம் ।
அஹம் பூர்வமஹம் பூர்வம் ந த்வம் ந த்வமிதி ப்ரபோ ॥ ௩௮ ॥

தேவாஃ ஸ்வம் பாகமர்ஹந்தி யே துல்யாயாஸஹேதவஃ ।
ஸத்ரயாக இவைதஸ்மிந்நேஷ தர்மஃ ஸநாதநஃ ॥ ௩௯ ॥

இதி ஸ்வாந்ப்ரத்யஷேதந்வை தைதேயா ஜாதமத்ஸராஃ ।
துர்பலாஃ ப்ரபலாந் ராஜந்க்ரு'ஹீதகலஸாந் முஹுஃ ॥ ௪௦ ॥

ஏதஸ்மிந்நந்தரே விஷ்ணுஃ ஸர்வோபாயவிதீஶ்வரஃ ।
யோஷித்ரூபமநிர்தேஶ்யம் ததார பரமாத்புதம் ॥ ௪௧ ॥

ப்ரேக்ஷணீயோத்பலஶ்யாமம் ஸர்வாவயவஸுந்தரம் ।
ஸமாநகர்ணாபரணம் ஸுகபோலோந்நஸாநநம் ॥ ௪௨ ॥

நவயௌவநநிர்வ்ரு'த்தஸ்தநபாரக்ரு'ஶோதரம் ।
முகாமோதாநுரக்தாலிசங்காரோத்விக்நலோசநம் ॥ ௪௩ ॥

பிப்ரத் ஸுகேஶபாரேண மாலாமுத்புல்லமல்லிகாம் ।
ஸுக்ரீவகண்டாபரணம் ஸுபுஜாங்கதபூஷிதம் ॥ ௪௪ ॥

விரஜாம்பரஸம்வீதநிதம்பத்வீபஶோபயா ।
காஞ்ச்யா ப்ரவிலஸத்வல்குசலச்சரணநூபுரம் ॥ ௪௫ ॥

ஸவ்ரீடஸ்மிதவிக்ஷிப்தப்ரூவிலாஸாவலோகநைஃ ।
தைத்யயூதபசேதஃஸு காமமுத்தீபயந் முஹுஃ ॥ ௪௬ ॥