শ্রীশুক উবাচ
যতির্যযাতিঃ সংযাতিরাযতির্বিযতিঃ কৃতিঃ ।
ষডিমে নহুষস্যাসন্নিন্দ্রিযাণীব দেহিনঃ ॥ ১ ॥
যতির্যযাতিঃ সংযাতিরাযতির্বিযতিঃ কৃতিঃ ।
ষডিমে নহুষস্যাসন্নিন্দ্রিযাণীব দেহিনঃ ॥ ১ ॥
রাজ্যং নৈচ্ছদ্ যতিঃ পিত্রা দত্তং তত্পরিণামবিত্ ।
যত্র প্রবিষ্টঃ পুরুষ আত্মানং নাববুধ্যতে ॥ ২ ॥
যত্র প্রবিষ্টঃ পুরুষ আত্মানং নাববুধ্যতে ॥ ২ ॥
পিতরি ভ্রংশিতে স্থানাদিন্দ্রাণ্যা ধর্ষণাদ্দ্বিজৈঃ ।
প্রাপিতেঽজগরত্বং বৈ যযাতিরভবন্নৃপঃ ॥ ৩ ॥
প্রাপিতেঽজগরত্বং বৈ যযাতিরভবন্নৃপঃ ॥ ৩ ॥
চতসৃষ্বাদিশদ্ দিক্ষু ভ্রাতৃন্ ভ্রাতা যবীযসঃ ।
কৃতদারো জুগোপোর্বীং কাব্যস্য বৃষপর্বণঃ ॥ ৪ ॥
কৃতদারো জুগোপোর্বীং কাব্যস্য বৃষপর্বণঃ ॥ ৪ ॥
শ্রীরাজোবাচ
ব্রহ্মর্ষির্ভগবান্ কাব্যঃ ক্ষত্রবন্ধুশ্চ নাহুষঃ ।
রাজন্যবিপ্রযোঃ কস্মাদ্ বিবাহঃ প্রতিলোমকঃ ॥ ৫ ॥
ব্রহ্মর্ষির্ভগবান্ কাব্যঃ ক্ষত্রবন্ধুশ্চ নাহুষঃ ।
রাজন্যবিপ্রযোঃ কস্মাদ্ বিবাহঃ প্রতিলোমকঃ ॥ ৫ ॥
শ্রীশুক উবাচ
একদা দানবেন্দ্রস্য শর্মিষ্ঠা নাম কন্যকা ।
সখীসহস্রসংযুক্তা গুরুপুত্র্যা চ ভামিনী ॥ ৬ ॥
একদা দানবেন্দ্রস্য শর্মিষ্ঠা নাম কন্যকা ।
সখীসহস্রসংযুক্তা গুরুপুত্র্যা চ ভামিনী ॥ ৬ ॥
দেবযান্যা পুরোদ্যানে পুষ্পিতদ্রুমসঙ্কুলে ।
ব্যচরত্কলগীতালিনলিনীপুলিনেঽবলা ॥ ৭ ॥
ব্যচরত্কলগীতালিনলিনীপুলিনেঽবলা ॥ ৭ ॥
তা জলাশযমাসাদ্য কন্যাঃ কমললোচনাঃ ।
তীরে ন্যস্য দুকূলানি বিজহ্রুঃ সিঞ্চতীর্মিথঃ ॥ ৮ ॥
তীরে ন্যস্য দুকূলানি বিজহ্রুঃ সিঞ্চতীর্মিথঃ ॥ ৮ ॥
বীক্ষ্য ব্রজন্তং গিরিশং সহ দেব্যা বৃষস্থিতম্ ।
সহসোত্তীর্য বাসাংসি পর্যধুর্ব্রীডিতাঃ স্ত্রিযঃ ॥ ৯ ॥
সহসোত্তীর্য বাসাংসি পর্যধুর্ব্রীডিতাঃ স্ত্রিযঃ ॥ ৯ ॥
শর্মিষ্ঠাজানতী বাসো গুরুপুত্র্যাঃ সমব্যযত্ ।
স্বীযং মত্বা প্রকুপিতা দেবযানীদমব্রবীত্ ॥ ১০ ॥
স্বীযং মত্বা প্রকুপিতা দেবযানীদমব্রবীত্ ॥ ১০ ॥
অহো নিরীক্ষ্যতামস্যা দাস্যাঃ কর্ম হ্যসাম্প্রতম্ ।
অস্মদ্ধার্যং ধৃতবতী শুনীব হবিরধ্বরে ॥ ১১ ॥
অস্মদ্ধার্যং ধৃতবতী শুনীব হবিরধ্বরে ॥ ১১ ॥
যৈরিদং তপসা সৃষ্টং মুখং পুংসঃ পরস্য যে ।
ধার্যতে যৈরিহ জ্যোতিঃ শিবঃ পন্থাঃ প্রদর্শিতঃ ॥ ১২ ॥
ধার্যতে যৈরিহ জ্যোতিঃ শিবঃ পন্থাঃ প্রদর্শিতঃ ॥ ১২ ॥
যান্ বন্দন্ত্যুপতিষ্ঠন্তে লোকনাথাঃ সুরেশ্বরাঃ ।
ভগবানপি বিশ্বাত্মা পাবনঃ শ্রীনিকেতনঃ ॥ ১৩ ॥
ভগবানপি বিশ্বাত্মা পাবনঃ শ্রীনিকেতনঃ ॥ ১৩ ॥
বযং তত্রাপি ভৃগবঃ শিষ্যোঽস্যা নঃ পিতাসুরঃ ।
অস্মদ্ধার্যং ধৃতবতী শূদ্রো বেদমিবাসতী ॥ ১৪ ॥
অস্মদ্ধার্যং ধৃতবতী শূদ্রো বেদমিবাসতী ॥ ১৪ ॥
এবং ক্ষিপন্তীং শর্মিষ্ঠা গুরুপুত্রীমভাষত ।
রুষা শ্বসন্ত্যুরঙ্গীব ধর্ষিতা দষ্টদচ্ছদা ॥ ১৫ ॥
রুষা শ্বসন্ত্যুরঙ্গীব ধর্ষিতা দষ্টদচ্ছদা ॥ ১৫ ॥
আত্মবৃত্তমবিজ্ঞায কত্থসে বহু ভিক্ষুকি ।
কিং ন প্রতীক্ষসেঽস্মাকং গৃহান্ বলিভুজো যথা ॥ ১৬ ॥
কিং ন প্রতীক্ষসেঽস্মাকং গৃহান্ বলিভুজো যথা ॥ ১৬ ॥
এবংবিধৈঃ সুপরুষৈঃ ক্ষিপ্ত্বাচার্যসুতাং সতীম্ ।
শর্মিষ্ঠা প্রাক্ষিপত্ কূপে বাসশ্চাদায মন্যুনা ॥ ১৭ ॥
শর্মিষ্ঠা প্রাক্ষিপত্ কূপে বাসশ্চাদায মন্যুনা ॥ ১৭ ॥
তস্যাং গতাযাং স্বগৃহং যযাতির্মৃগযাং চরন্ ।
প্রাপ্তো যদৃচ্ছযা কূপে জলার্থী তাং দদর্শ হ ॥ ১৮ ॥
প্রাপ্তো যদৃচ্ছযা কূপে জলার্থী তাং দদর্শ হ ॥ ১৮ ॥
দত্ত্বা স্বমুত্তরং বাসস্তস্যৈ রাজা বিবাসসে ।
গৃহীত্বা পাণিনা পাণিমুজ্জহার দযাপরঃ ॥ ১৯ ॥
গৃহীত্বা পাণিনা পাণিমুজ্জহার দযাপরঃ ॥ ১৯ ॥
তং বীরমাহৌশনসী প্রেমনির্ভরযা গিরা ।
রাজংস্ত্বযা গৃহীতো মে পাণিঃ পরপুরঞ্জয ॥ ২০ ॥
রাজংস্ত্বযা গৃহীতো মে পাণিঃ পরপুরঞ্জয ॥ ২০ ॥
হস্তগ্রাহোঽপরো মা ভূদ্ গৃহীতাযাস্ত্বযা হি মে ।
এষ ঈশকৃতো বীর সম্বন্ধো নৌ ন পৌরুষঃ ॥ ২১ ॥
এষ ঈশকৃতো বীর সম্বন্ধো নৌ ন পৌরুষঃ ॥ ২১ ॥
যদিদং কূপমগ্নাযা ভবতো দর্শনং মম ।
ন ব্রাহ্মণো মে ভবিতা হস্তগ্রাহো মহাভুজ ।
কচস্য বার্হস্পত্যস্য শাপাদ্ যমশপং পুরা ॥ ২২ ॥
ন ব্রাহ্মণো মে ভবিতা হস্তগ্রাহো মহাভুজ ।
কচস্য বার্হস্পত্যস্য শাপাদ্ যমশপং পুরা ॥ ২২ ॥
যযাতিরনভিপ্রেতং দৈবোপহৃতমাত্মনঃ ।
মনস্তু তদ্গতং বুদ্ধ্বা প্রতিজগ্রাহ তদ্বচঃ ॥ ২৩ ॥
মনস্তু তদ্গতং বুদ্ধ্বা প্রতিজগ্রাহ তদ্বচঃ ॥ ২৩ ॥
গতে রাজনি সা ধীরে তত্র স্ম রুদতী পিতুঃ ।
ন্যবেদযত্ততঃ সর্বমুক্তং শর্মিষ্ঠযা কৃতম্ ॥ ২৪ ॥
ন্যবেদযত্ততঃ সর্বমুক্তং শর্মিষ্ঠযা কৃতম্ ॥ ২৪ ॥
দুর্মনা ভগবান্ কাব্যঃ পৌরোহিত্যং বিগর্হযন্ ।
স্তুবন্ বৃত্তিং চ কাপোতীং দুহিত্রা স যযৌ পুরাত্ ॥ ২৫ ॥
স্তুবন্ বৃত্তিং চ কাপোতীং দুহিত্রা স যযৌ পুরাত্ ॥ ২৫ ॥
বৃষপর্বা তমাজ্ঞায প্রত্যনীকবিবক্ষিতম্ ।
গুরুং প্রসাদযন্ মূর্ধ্না পাদযোঃ পতিতঃ পথি ॥ ২৬ ॥
গুরুং প্রসাদযন্ মূর্ধ্না পাদযোঃ পতিতঃ পথি ॥ ২৬ ॥
ক্ষণার্ধমন্যুর্ভগবান্ শিষ্যং ব্যাচষ্ট ভার্গবঃ ।
কামোঽস্যাঃ ক্রিযতাং রাজন্ নৈনাং ত্যক্তুমিহোত্সহে ॥ ২৭ ॥
কামোঽস্যাঃ ক্রিযতাং রাজন্ নৈনাং ত্যক্তুমিহোত্সহে ॥ ২৭ ॥
তথেত্যবস্থিতে প্রাহ দেবযানী মনোগতম্ ।
পিত্রা দত্তা যতো যাস্যে সানুগা যাতু মামনু ॥ ২৮ ॥
পিত্রা দত্তা যতো যাস্যে সানুগা যাতু মামনু ॥ ২৮ ॥
পিত্রাদত্তাদেবযান্যৈ শর্মিষ্ঠাসানুগাতদা ।
স্বানাং তত্ সঙ্কটং বীক্ষ্য তদর্থস্য চ গৌরবম্ ।
দেবযানীং পর্যচরত্ স্ত্রীসহস্রেণ দাসবত্ ॥ ২৯ ॥
স্বানাং তত্ সঙ্কটং বীক্ষ্য তদর্থস্য চ গৌরবম্ ।
দেবযানীং পর্যচরত্ স্ত্রীসহস্রেণ দাসবত্ ॥ ২৯ ॥
নাহুষায সুতাং দত্ত্বা সহ শর্মিষ্ঠযোশনা ।
তমাহ রাজঞ্ছর্মিষ্ঠামাধাস্তল্পে ন কর্হিচিত্ ॥ ৩০ ॥
তমাহ রাজঞ্ছর্মিষ্ঠামাধাস্তল্পে ন কর্হিচিত্ ॥ ৩০ ॥
বিলোক্যৌশনসীং রাজঞ্ছর্মিষ্ঠা সুপ্রজাং ক্বচিত্ ।
তমেব বব্রে রহসি সখ্যাঃ পতিমৃতৌ সতী ॥ ৩১ ॥
তমেব বব্রে রহসি সখ্যাঃ পতিমৃতৌ সতী ॥ ৩১ ॥
রাজপুত্র্যার্থিতোঽপত্যে ধর্মং চাবেক্ষ্য ধর্মবিত্ ।
স্মরঞ্ছুক্রবচঃ কালে দিষ্টমেবাভ্যপদ্যত ॥ ৩২ ॥
স্মরঞ্ছুক্রবচঃ কালে দিষ্টমেবাভ্যপদ্যত ॥ ৩২ ॥
যদুং চ তুর্বসুং চৈব দেবযানী ব্যজাযত ।
দ্রুহ্যুং চানুং চ পূরুং চ শর্মিষ্ঠা বার্ষপর্বণী ॥ ৩৩ ॥
দ্রুহ্যুং চানুং চ পূরুং চ শর্মিষ্ঠা বার্ষপর্বণী ॥ ৩৩ ॥
গর্ভসম্ভবমাসুর্যা ভর্তুর্বিজ্ঞায মানিনী ।
দেবযানী পিতুর্গেহং যযৌ ক্রোধবিমূর্ছিতা ॥ ৩৪ ॥
দেবযানী পিতুর্গেহং যযৌ ক্রোধবিমূর্ছিতা ॥ ৩৪ ॥
প্রিযামনুগতঃ কামী বচোভিরুপমন্ত্রযন্ ।
ন প্রসাদযিতুং শেকে পাদসংবাহনাদিভিঃ ॥ ৩৫ ॥
ন প্রসাদযিতুং শেকে পাদসংবাহনাদিভিঃ ॥ ৩৫ ॥
শুক্রস্তমাহ কুপিতঃ স্ত্রীকামানৃতপূরুষ ।
ত্বাং জরা বিশতাং মন্দ বিরূপকরণী নৃণাম্ ॥ ৩৬ ॥
ত্বাং জরা বিশতাং মন্দ বিরূপকরণী নৃণাম্ ॥ ৩৬ ॥
শ্রীযযাতিরুবাচ
অতৃপ্তোঽস্ম্যদ্য কামানাং ব্রহ্মন্ দুহিতরি স্ম তে ।
ব্যত্যস্যতাং যথাকামং বযসা যোঽভিধাস্যতি ॥ ৩৭ ॥
অতৃপ্তোঽস্ম্যদ্য কামানাং ব্রহ্মন্ দুহিতরি স্ম তে ।
ব্যত্যস্যতাং যথাকামং বযসা যোঽভিধাস্যতি ॥ ৩৭ ॥
ইতি লব্ধব্যবস্থানঃ পুত্রং জ্যেষ্ঠমবোচত ।
যদো তাত প্রতীচ্ছেমাং জরাং দেহি নিজং বযঃ ॥ ৩৮ ॥
যদো তাত প্রতীচ্ছেমাং জরাং দেহি নিজং বযঃ ॥ ৩৮ ॥
মাতামহকৃতাং বত্স ন তৃপ্তো বিষযেষ্বহম্ ।
বযসা ভবদীযেন রংস্যে কতিপযাঃ সমাঃ ॥ ৩৯ ॥
বযসা ভবদীযেন রংস্যে কতিপযাঃ সমাঃ ॥ ৩৯ ॥
শ্রীযদুরুবাচ
নোত্সহে জরসা স্থাতুমন্তরা প্রাপ্তযা তব ।
অবিদিত্বা সুখং গ্রাম্যং বৈতৃষ্ণ্যং নৈতি পূরুষঃ ॥ ৪০ ॥
নোত্সহে জরসা স্থাতুমন্তরা প্রাপ্তযা তব ।
অবিদিত্বা সুখং গ্রাম্যং বৈতৃষ্ণ্যং নৈতি পূরুষঃ ॥ ৪০ ॥
তুর্বসুশ্চোদিতঃ পিত্রা দ্রুহ্যুশ্চানুশ্চ ভারত ।
প্রত্যাচখ্যুরধর্মজ্ঞা হ্যনিত্যে নিত্যবুদ্ধযঃ ॥ ৪১ ॥
প্রত্যাচখ্যুরধর্মজ্ঞা হ্যনিত্যে নিত্যবুদ্ধযঃ ॥ ৪১ ॥
অপৃচ্ছত্ তনযং পূরুং বযসোনং গুণাধিকম্ ।
ন ত্বমগ্রজবদ্ বত্স মাং প্রত্যাখ্যাতুমর্হসি ॥ ৪২ ॥
ন ত্বমগ্রজবদ্ বত্স মাং প্রত্যাখ্যাতুমর্হসি ॥ ৪২ ॥
শ্রীপূরুরুবাচ
কো নু লোকে মনুষ্যেন্দ্র পিতুরাত্মকৃতঃ পুমান্ ।
প্রতিকর্তুং ক্ষমো যস্য প্রসাদাদ্ বিন্দতে পরম্ ॥ ৪৩ ॥
কো নু লোকে মনুষ্যেন্দ্র পিতুরাত্মকৃতঃ পুমান্ ।
প্রতিকর্তুং ক্ষমো যস্য প্রসাদাদ্ বিন্দতে পরম্ ॥ ৪৩ ॥
উত্তমশ্চিন্তিতং কুর্যাত্ প্রোক্তকারী তু মধ্যমঃ ।
অধমোঽশ্রদ্ধযা কুর্যাদকর্তোচ্চরিতং পিতুঃ ॥ ৪৪ ॥
অধমোঽশ্রদ্ধযা কুর্যাদকর্তোচ্চরিতং পিতুঃ ॥ ৪৪ ॥
ইতি প্রমুদিতঃ পূরুঃ প্রত্যগৃহ্ণাজ্জরাং পিতুঃ ।
সোঽপি তদ্বযসা কামান্ যথাবজ্জুজুষে নৃপ ॥ ৪৫ ॥
সোঽপি তদ্বযসা কামান্ যথাবজ্জুজুষে নৃপ ॥ ৪৫ ॥
সপ্তদ্বীপপতিঃ সম্যক্ পিতৃবত্ পালযন্ প্রজাঃ ।
যথোপজোষং বিষযাঞ্জুজুষেঽব্যাহতেন্দ্রিযঃ ॥ ৪৬ ॥
যথোপজোষং বিষযাঞ্জুজুষেঽব্যাহতেন্দ্রিযঃ ॥ ৪৬ ॥
দেবযান্যপ্যনুদিনং মনোবাগ্দেহবস্তুভিঃ ।
প্রেযসঃ পরমাং প্রীতিমুবাহ প্রেযসী রহঃ ॥ ৪৭ ॥
প্রেযসঃ পরমাং প্রীতিমুবাহ প্রেযসী রহঃ ॥ ৪৭ ॥
অযজদ্ যজ্ঞপুরুষং ক্রতুভির্ভূরিদক্ষিণৈঃ ।
সর্বদেবমযং দেবং সর্ববেদমযং হরিম্ ॥ ৪৮ ॥
সর্বদেবমযং দেবং সর্ববেদমযং হরিম্ ॥ ৪৮ ॥
যস্মিন্নিদং বিরচিতং ব্যোম্নীব জলদাবলিঃ ।
নানেব ভাতি নাভাতি স্বপ্নমাযামনোরথঃ ॥ ৪৯ ॥
নানেব ভাতি নাভাতি স্বপ্নমাযামনোরথঃ ॥ ৪৯ ॥
তমেব হৃদি বিন্যস্য বাসুদেবং গুহাশযম্ ।
নারাযণমণীযাংসং নিরাশীরযজত্ প্রভুম্ ॥ ৫০ ॥
নারাযণমণীযাংসং নিরাশীরযজত্ প্রভুম্ ॥ ৫০ ॥
এবং বর্ষসহস্রাণি মনঃষষ্ঠৈর্মনঃসুখম্ ।
বিদধানোঽপি নাতৃপ্যত্ সার্বভৌমঃ কদিন্দ্রিযৈঃ ॥ ৫১ ॥
বিদধানোঽপি নাতৃপ্যত্ সার্বভৌমঃ কদিন্দ্রিযৈঃ ॥ ৫১ ॥