শ্রীবাদরাযণিরুবাচ
পূরোর্বংশং প্রবক্ষ্যামি যত্র জাতোঽসি ভারত ।
যত্র রাজর্ষযো বংশ্যা ব্রহ্মবংশ্যাশ্চ জজ্ঞিরে ॥ ১ ॥
পূরোর্বংশং প্রবক্ষ্যামি যত্র জাতোঽসি ভারত ।
যত্র রাজর্ষযো বংশ্যা ব্রহ্মবংশ্যাশ্চ জজ্ঞিরে ॥ ১ ॥
জনমেজযো হ্যভূত্ পূরোঃ প্রচিন্বাংস্তত্সুতস্ততঃ ।
প্রবীরোঽথ মনুস্যুর্বৈ তস্মাচ্চারুপদোঽভবত্ ॥ ২ ॥
প্রবীরোঽথ মনুস্যুর্বৈ তস্মাচ্চারুপদোঽভবত্ ॥ ২ ॥
তস্য সুদ্যুরভূত্ পুত্রস্তস্মাদ্ বহুগবস্ততঃ ।
সংযাতিস্তস্যাহংযাতী রৌদ্রাশ্বস্তত্সুতঃ স্মৃতঃ ॥ ৩ ॥
সংযাতিস্তস্যাহংযাতী রৌদ্রাশ্বস্তত্সুতঃ স্মৃতঃ ॥ ৩ ॥
ঋতেযুস্তস্য কক্ষেযুঃ স্থণ্ডিলেযুঃ কৃতেযুকঃ ।
জলেযুঃ সন্নতেযুশ্চ ধর্মসত্যব্রতেযবঃ ॥ ৪ ॥
জলেযুঃ সন্নতেযুশ্চ ধর্মসত্যব্রতেযবঃ ॥ ৪ ॥
দশৈতেঽপ্সরসঃ পুত্রা বনেযুশ্চাবমঃ স্মৃতঃ ।
ঘৃতাচ্যামিন্দ্রিযাণীব মুখ্যস্য জগদাত্মনঃ ॥ ৫ ॥
ঘৃতাচ্যামিন্দ্রিযাণীব মুখ্যস্য জগদাত্মনঃ ॥ ৫ ॥
ঋতেযো রন্তিনাবোঽভূত্ ত্রযস্তস্যাত্মজা নৃপ ।
সুমতির্ধ্রুবোঽপ্রতিরথঃ কণ্বোঽপ্রতিরথাত্মজঃ ॥ ৬ ॥
সুমতির্ধ্রুবোঽপ্রতিরথঃ কণ্বোঽপ্রতিরথাত্মজঃ ॥ ৬ ॥
তস্য মেধাতিথিস্তস্মাত্ প্রস্কন্নাদ্যা দ্বিজাতযঃ ।
পুত্রোঽভূত্ সুমতে রেভির্দুষ্মন্তস্তত্সুতো মতঃ ॥ ৭ ॥
পুত্রোঽভূত্ সুমতে রেভির্দুষ্মন্তস্তত্সুতো মতঃ ॥ ৭ ॥
দুষ্মন্তো মৃগযাং যাতঃ কণ্বাশ্রমপদং গতঃ ।
তত্রাসীনাং স্বপ্রভযা মণ্ডযন্তীং রমামিব ॥ ৮ ॥
তত্রাসীনাং স্বপ্রভযা মণ্ডযন্তীং রমামিব ॥ ৮ ॥
বিলোক্য সদ্যো মুমুহে দেবমাযামিব স্ত্রিযম্ ।
বভাষে তাং বরারোহাং ভটৈঃ কতিপযৈর্বৃতঃ ॥ ৯ ॥
বভাষে তাং বরারোহাং ভটৈঃ কতিপযৈর্বৃতঃ ॥ ৯ ॥
তদ্দর্শনপ্রমুদিতঃ সন্নিবৃত্তপরিশ্রমঃ ।
পপ্রচ্ছ কামসন্তপ্তঃ প্রহসঞ্শ্লক্ষ্ণযা গিরা ॥ ১০ ॥
পপ্রচ্ছ কামসন্তপ্তঃ প্রহসঞ্শ্লক্ষ্ণযা গিরা ॥ ১০ ॥
কা ত্বং কমলপত্রাক্ষি কস্যাসি হৃদযঙ্গমে ।
কিংস্বিচ্চিকীর্ষিতং তত্র ভবত্যা নির্জনে বনে ॥ ১১ ॥
কিংস্বিচ্চিকীর্ষিতং তত্র ভবত্যা নির্জনে বনে ॥ ১১ ॥
ব্যক্তং রাজন্যতনযাং বেদ্ম্যহং ত্বাং সুমধ্যমে ।
ন হি চেতঃ পৌরবাণামধর্মে রমতে ক্বচিত্ ॥ ১২ ॥
ন হি চেতঃ পৌরবাণামধর্মে রমতে ক্বচিত্ ॥ ১২ ॥
শ্রীশকুন্তলোবাচ
বিশ্বামিত্রাত্মজৈবাহং ত্যক্তা মেনকযা বনে ।
বেদৈতদ্ ভগবান্ কণ্বো বীর কিং করবাম তে ॥ ১৩ ॥
বিশ্বামিত্রাত্মজৈবাহং ত্যক্তা মেনকযা বনে ।
বেদৈতদ্ ভগবান্ কণ্বো বীর কিং করবাম তে ॥ ১৩ ॥
আস্যতাং হ্যরবিন্দাক্ষ গৃহ্যতামর্হণং চ নঃ ।
ভুজ্যতাং সন্তি নীবারা উষ্যতাং যদি রোচতে ॥ ১৪ ॥
ভুজ্যতাং সন্তি নীবারা উষ্যতাং যদি রোচতে ॥ ১৪ ॥
শ্রীদুষ্মন্ত উবাচ
উপপন্নমিদং সুভ্রু জাতাযাঃ কুশিকান্বযে ।
স্বযং হি বৃণুতে রাজ্ঞাং কন্যকাঃ সদৃশং বরম্ ॥ ১৫ ॥
উপপন্নমিদং সুভ্রু জাতাযাঃ কুশিকান্বযে ।
স্বযং হি বৃণুতে রাজ্ঞাং কন্যকাঃ সদৃশং বরম্ ॥ ১৫ ॥
ওমিত্যুক্তে যথাধর্মমুপযেমে শকুন্তলাম্ ।
গান্ধর্ববিধিনা রাজা দেশকালবিধানবিত্ ॥ ১৬ ॥
গান্ধর্ববিধিনা রাজা দেশকালবিধানবিত্ ॥ ১৬ ॥
অমোঘবীর্যো রাজর্ষির্মহিষ্যাং বীর্যমাদধে ।
শ্বোভূতে স্বপুরং যাতঃ কালেনাসূত সা সুতম্ ॥ ১৭ ॥
শ্বোভূতে স্বপুরং যাতঃ কালেনাসূত সা সুতম্ ॥ ১৭ ॥
কণ্বঃ কুমারস্য বনে চক্রে সমুচিতাঃ ক্রিযাঃ ।
বদ্ধ্বা মৃগেন্দ্রংতরসা ক্রীডতি স্ম স বালকঃ ॥ ১৮ ॥
বদ্ধ্বা মৃগেন্দ্রংতরসা ক্রীডতি স্ম স বালকঃ ॥ ১৮ ॥
তং দুরত্যযবিক্রান্তমাদায প্রমদোত্তমা ।
হরেরংশাংশসম্ভূতং ভর্তুরন্তিকমাগমত্ ॥ ১৯ ॥
হরেরংশাংশসম্ভূতং ভর্তুরন্তিকমাগমত্ ॥ ১৯ ॥
যদা ন জগৃহে রাজা ভার্যাপুত্রাবনিন্দিতৌ ।
শৃণ্বতাং সর্বভূতানাং খে বাগাহাশরীরিণী ॥ ২০ ॥
শৃণ্বতাং সর্বভূতানাং খে বাগাহাশরীরিণী ॥ ২০ ॥
মাতা ভস্ত্রা পিতুঃ পুত্রো যেন জাতঃ স এব সঃ ।
ভরস্ব পুত্রং দুষ্মন্ত মাবমংস্থাঃ শকুন্তলাম্ ॥ ২১ ॥
ভরস্ব পুত্রং দুষ্মন্ত মাবমংস্থাঃ শকুন্তলাম্ ॥ ২১ ॥
রেতোধাঃ পুত্রো নযতি নরদেব যমক্ষযাত্ ।
ত্বং চাস্য ধাতা গর্ভস্য সত্যমাহ শকুন্তলা ॥ ২২ ॥
ত্বং চাস্য ধাতা গর্ভস্য সত্যমাহ শকুন্তলা ॥ ২২ ॥
পিতর্যুপরতে সোঽপি চক্রবর্তী
মহাযশাঃ ।
মহিমা
গীযতে তস্য হরেরংশভুবো ভুবি ॥ ২৩ ॥
মহাযশাঃ ।
মহিমা
গীযতে তস্য হরেরংশভুবো ভুবি ॥ ২৩ ॥
চক্রং দক্ষিণহস্তেঽস্য পদ্মকোশোঽস্য পাদযোঃ ।
ঈজে মহাভিষেকেণ সোঽভিষিক্তোঽধিরাড্ বিভুঃ ॥ ২৪ ॥
ঈজে মহাভিষেকেণ সোঽভিষিক্তোঽধিরাড্ বিভুঃ ॥ ২৪ ॥
পঞ্চপঞ্চাশতা মেধ্যৈর্গঙ্গাযামনু বাজিভিঃ ।
মামতেযং পুরোধায যমুনামনু চ প্রভুঃ ॥ ২৫ ॥
মামতেযং পুরোধায যমুনামনু চ প্রভুঃ ॥ ২৫ ॥
অষ্টসপ্ততিমেধ্যাশ্বান্ ববন্ধ প্রদদদ্ বসু ।
ভরতস্য হি দৌষ্মন্তেরগ্নিঃ সাচীগুণে চিতঃ ।
সহস্রং বদ্বশো যস্মিন্ ব্রাহ্মণা গা বিভেজিরে ॥ ২৬ ॥
ভরতস্য হি দৌষ্মন্তেরগ্নিঃ সাচীগুণে চিতঃ ।
সহস্রং বদ্বশো যস্মিন্ ব্রাহ্মণা গা বিভেজিরে ॥ ২৬ ॥
ত্রযস্ত্রিংশচ্ছতং হ্যশ্বান্বদ্ধ্বা বিস্মাপযন্ নৃপান্ ।
দৌষ্মন্তিরত্যগান্মাযাং দেবানাং গুরুমাযযৌ ॥ ২৭ ॥
দৌষ্মন্তিরত্যগান্মাযাং দেবানাং গুরুমাযযৌ ॥ ২৭ ॥
মৃগাঞ্ছুক্লদতঃ কৃষ্ণান্ হিরণ্যেন পরীবৃতান্ ।
অদাত্ কর্মণি মষ্ণারে নিযুতানি চতুর্দশ ॥ ২৮ ॥
অদাত্ কর্মণি মষ্ণারে নিযুতানি চতুর্দশ ॥ ২৮ ॥
ভরতস্য মহত্ কর্ম ন পূর্বে নাপরে নৃপাঃ ।
নৈবাপুর্নৈব প্রাপ্স্যন্তি বাহুভ্যাং ত্রিদিবং যথা ॥ ২৯ ॥
নৈবাপুর্নৈব প্রাপ্স্যন্তি বাহুভ্যাং ত্রিদিবং যথা ॥ ২৯ ॥
কিরাতহূণান্ যবনান্ পৌণ্ড্রান্ কঙ্কান্ খশাঞ্ছকান্ ।
অব্রহ্মণ্যনৃপাংশ্চাহন্ ম্লেচ্ছান্ দিগ্বিজযেঽখিলান্ ॥ ৩০ ॥
অব্রহ্মণ্যনৃপাংশ্চাহন্ ম্লেচ্ছান্ দিগ্বিজযেঽখিলান্ ॥ ৩০ ॥
জিত্বা পুরাসুরা দেবান্ যে রসৌকাংসি ভেজিরে ।
দেবস্ত্রিযো রসাং নীতাঃ প্রাণিভিঃ পুনরাহরত্ ॥ ৩১ ॥
দেবস্ত্রিযো রসাং নীতাঃ প্রাণিভিঃ পুনরাহরত্ ॥ ৩১ ॥
সর্বান্কামান্ দুদুহতুঃ প্রজানাং তস্য রোদসী ।
সমাস্ত্রিণবসাহস্রীর্দিক্ষু চক্রমবর্তযত্ ॥ ৩২ ॥
সমাস্ত্রিণবসাহস্রীর্দিক্ষু চক্রমবর্তযত্ ॥ ৩২ ॥
স সংরাড্লোকপালাখ্যমৈশ্বর্যমধিরাট্ শ্রিযম্ ।
চক্রং চাস্খলিতং প্রাণান্ মৃষেত্যুপররাম হ ॥ ৩৩ ॥
চক্রং চাস্খলিতং প্রাণান্ মৃষেত্যুপররাম হ ॥ ৩৩ ॥
তস্যাসন্ নৃপ বৈদর্ভ্যঃ পত্ন্যস্তিস্রঃ সুসম্মতাঃ ।
জঘ্নুস্ত্যাগভযাত্ পুত্রান্ নানুরূপা ইতীরিতে ॥ ৩৪ ॥
জঘ্নুস্ত্যাগভযাত্ পুত্রান্ নানুরূপা ইতীরিতে ॥ ৩৪ ॥
তস্যৈবং বিতথে বংশে তদর্থং যজতঃ সুতম্ ।
মরুত্স্তোমেন মরুতো ভরদ্বাজমুপাদদুঃ ॥ ৩৫ ॥
মরুত্স্তোমেন মরুতো ভরদ্বাজমুপাদদুঃ ॥ ৩৫ ॥
অন্তর্বত্ন্যাং ভ্রাতৃপত্ন্যাং মৈথুনায বৃহস্পতিঃ ।
প্রবৃত্তো বারিতো গর্ভং শপ্ত্বা বীর্যমুপাসৃজত্ ॥ ৩৬ ॥
প্রবৃত্তো বারিতো গর্ভং শপ্ত্বা বীর্যমুপাসৃজত্ ॥ ৩৬ ॥
তং ত্যক্তুকামাং মমতাং ভর্তুস্ত্যাগবিশঙ্কিতাম্ ।
নামনির্বাচনং তস্য শ্লোকমেনং সুরা জগুঃ ॥ ৩৭ ॥
নামনির্বাচনং তস্য শ্লোকমেনং সুরা জগুঃ ॥ ৩৭ ॥
মূঢে ভর দ্বাজমিমং ভর দ্বাজং বৃহস্পতে ।
যাতৌ যদুক্ত্বা পিতরৌ ভরদ্বাজস্ততস্ত্বযম্ ॥ ৩৮ ॥
যাতৌ যদুক্ত্বা পিতরৌ ভরদ্বাজস্ততস্ত্বযম্ ॥ ৩৮ ॥
চোদ্যমানা সুরৈরেবং মত্বা বিতথমাত্মজম্ ।
ব্যসৃজন্ মরুতোঽবিভ্রন্ দত্তোঽযং বিতথেঽন্বযে ॥ ৩৯ ॥
ব্যসৃজন্ মরুতোঽবিভ্রন্ দত্তোঽযং বিতথেঽন্বযে ॥ ৩৯ ॥