শ্ৰীশুক উৱাচ
ৱিৰূপঃ কেতুমাঞ্ছম্ভুৰম্বৰীষসুতাস্ত্ৰযঃ ।
ৱিৰূপাত্ পৃষদশ্ৱোঽভূত্তত্ পুত্ৰস্তু ৰথীতৰঃ ॥ ১ ॥
ৱিৰূপঃ কেতুমাঞ্ছম্ভুৰম্বৰীষসুতাস্ত্ৰযঃ ।
ৱিৰূপাত্ পৃষদশ্ৱোঽভূত্তত্ পুত্ৰস্তু ৰথীতৰঃ ॥ ১ ॥
ৰথীতৰস্যাপ্ৰজস্য ভাৰ্যাযাং তন্তৱেঽৰ্থিতঃ ।
অঙ্গিৰা জনযামাস ব্ৰহ্মৱৰ্চস্ৱিনঃ সুতান্ ॥ ২ ॥
অঙ্গিৰা জনযামাস ব্ৰহ্মৱৰ্চস্ৱিনঃ সুতান্ ॥ ২ ॥
এতে ক্ষেত্ৰপ্ৰসূতা ৱৈ পুনস্ত্ৱাঙ্গিৰসাঃ স্মৃতাঃ ।
ৰথীতৰাণাং প্ৰৱৰাঃ ক্ষেত্ৰোপেতা দ্ৱিজাতযঃ ॥ ৩ ॥
ৰথীতৰাণাং প্ৰৱৰাঃ ক্ষেত্ৰোপেতা দ্ৱিজাতযঃ ॥ ৩ ॥
ক্ষুৱতস্তু মনোৰ্জজ্ঞে ইক্ষ্ৱাকুৰ্ঘ্ৰাণতঃ সুতঃ ।
তস্য পুত্ৰশতজ্যেষ্ঠা ৱিকুক্ষিনিমিদণ্ডকাঃ ॥ ৪ ॥
তস্য পুত্ৰশতজ্যেষ্ঠা ৱিকুক্ষিনিমিদণ্ডকাঃ ॥ ৪ ॥
তেষাং পুৰস্তাদভৱন্নাৰ্যাৱৰ্তে নৃপা নৃপ ।
পঞ্চৱিংশতিঃ পশ্চাচ্চ ত্ৰযো মধ্যেঽপৰেঽন্যতঃ ॥ ৫ ॥
পঞ্চৱিংশতিঃ পশ্চাচ্চ ত্ৰযো মধ্যেঽপৰেঽন্যতঃ ॥ ৫ ॥
স একদাষ্টকাশ্ৰাদ্ধে ইক্ষ্ৱাকুঃ সুতমাদিশত্ ।
মাংসমানীযতাং মেধ্যং ৱিকুক্ষে গচ্ছ মা চিৰম্ ॥ ৬ ॥
মাংসমানীযতাং মেধ্যং ৱিকুক্ষে গচ্ছ মা চিৰম্ ॥ ৬ ॥
তথেতি স ৱনং গত্ৱা মৃগান্ হত্ৱা ক্ৰিযাৰ্হণান্ ।
শ্ৰান্তো বুভুক্ষিতো ৱীৰঃ শশং চাদদপস্মৃতিঃ ॥ ৭ ॥
শ্ৰান্তো বুভুক্ষিতো ৱীৰঃ শশং চাদদপস্মৃতিঃ ॥ ৭ ॥
শেষং নিৱেদযামাস পিত্ৰে তেন চ তদ্গুৰুঃ ।
চোদিতঃ প্ৰোক্ষণাযাহ দুষ্টমেতদকৰ্মকম্ ॥ ৮ ॥
চোদিতঃ প্ৰোক্ষণাযাহ দুষ্টমেতদকৰ্মকম্ ॥ ৮ ॥
জ্ঞাত্ৱা পুত্ৰস্য তত্ কৰ্ম গুৰুণাভিহিতং নৃপঃ ।
দেশান্নিঃসাৰযামাস সুতং ত্যক্তৱিধিং ৰুষা ॥ ৯ ॥
দেশান্নিঃসাৰযামাস সুতং ত্যক্তৱিধিং ৰুষা ॥ ৯ ॥
স তু ৱিপ্ৰেণ সংৱাদং জ্ঞাপকেন সমাচৰন্ ।
ত্যক্ত্ৱা কলেৱৰং যোগী স তেনাৱাপ যত্ পৰম্ ॥ ১০ ॥
ত্যক্ত্ৱা কলেৱৰং যোগী স তেনাৱাপ যত্ পৰম্ ॥ ১০ ॥
পিতৰ্যুপৰতেঽভ্যেত্য ৱিকুক্ষিঃ পৃথিৱীমিমাম্ ।
শাসদীজে হৰিং যজ্ঞৈঃ শশাদ ইতি ৱিশ্ৰুতঃ ॥ ১১ ॥
শাসদীজে হৰিং যজ্ঞৈঃ শশাদ ইতি ৱিশ্ৰুতঃ ॥ ১১ ॥
পুৰঞ্জযস্তস্য সুত ইন্দ্ৰৱাহ ইতীৰিতঃ ।
ককুত্স্থ ইতি চাপ্যুক্তঃ শৃণু নামানি কৰ্মভিঃ ॥ ১২ ॥
ককুত্স্থ ইতি চাপ্যুক্তঃ শৃণু নামানি কৰ্মভিঃ ॥ ১২ ॥
কৃতান্ত আসীত্ সমৰো দেৱানাং সহ দানৱৈঃ ।
পাৰ্ষ্ণিগ্ৰাহো ৱৃতো ৱীৰো দেৱৈৰ্দৈত্যপৰাজিতৈঃ ॥ ১৩ ॥
পাৰ্ষ্ণিগ্ৰাহো ৱৃতো ৱীৰো দেৱৈৰ্দৈত্যপৰাজিতৈঃ ॥ ১৩ ॥
ৱচনাদ্ দেৱদেৱস্য ৱিষ্ণোৰ্ৱিশ্ৱাত্মনঃ প্ৰভোঃ ।
ৱাহনত্ৱে ৱৃতস্তস্য বভূৱেন্দ্ৰো মহাৱৃষঃ ॥ ১৪ ॥
ৱাহনত্ৱে ৱৃতস্তস্য বভূৱেন্দ্ৰো মহাৱৃষঃ ॥ ১৪ ॥
স সন্নদ্ধো ধনুৰ্দিৱ্যমাদায ৱিশিখাঞ্ছিতান্ ।
স্তূযমানস্তমাৰুহ্য যুযুত্সুঃ ককুদি স্থিতঃ ॥ ১৫ ॥
স্তূযমানস্তমাৰুহ্য যুযুত্সুঃ ককুদি স্থিতঃ ॥ ১৫ ॥
তেজসাপ্যাযিতো ৱিষ্ণোঃ পুৰুষস্য মহাত্মনঃ ।
প্ৰতীচ্যাং দিশি দৈত্যানাং ন্যৰুণত্ ত্ৰিদশৈঃ পুৰম্ ॥ ১৬ ॥
প্ৰতীচ্যাং দিশি দৈত্যানাং ন্যৰুণত্ ত্ৰিদশৈঃ পুৰম্ ॥ ১৬ ॥
তৈস্তস্য চাভূত্প্ৰধনং তুমুলং লোমহৰ্ষণম্ ।
যমায ভল্লৈৰনযদ্ দৈত্যান্ অভিযযুৰ্মৃধে ॥ ১৭ ॥
যমায ভল্লৈৰনযদ্ দৈত্যান্ অভিযযুৰ্মৃধে ॥ ১৭ ॥
তস্যেষুপাতাভিমুখং যুগান্তাগ্নিমিৱোল্বণম্ ।
ৱিসৃজ্য দুদ্ৰুৱুৰ্দৈত্যা হন্যমানাঃ স্ৱমালযম্ ॥ ১৮ ॥
ৱিসৃজ্য দুদ্ৰুৱুৰ্দৈত্যা হন্যমানাঃ স্ৱমালযম্ ॥ ১৮ ॥
জিত্ৱা পুৰং ধনং সৰ্ৱং সশ্ৰীকং ৱজ্ৰপাণযে ।
প্ৰত্যযচ্ছত্ স ৰাজৰ্ষিৰিতি নামভিৰাহৃতঃ ॥ ১৯ ॥
প্ৰত্যযচ্ছত্ স ৰাজৰ্ষিৰিতি নামভিৰাহৃতঃ ॥ ১৯ ॥
পুৰঞ্জযস্য পুত্ৰোঽভূদনেনাস্তত্সুতঃ পৃথুঃ ।
ৱিশ্ৱগন্ধিস্ততশ্চন্দ্ৰো যুৱনাশ্ৱস্তু তত্সুতঃ ॥ ২০ ॥
ৱিশ্ৱগন্ধিস্ততশ্চন্দ্ৰো যুৱনাশ্ৱস্তু তত্সুতঃ ॥ ২০ ॥
শ্ৰাৱস্তস্তত্সুতো যেন শ্ৰাৱস্তী নিৰ্মমে পুৰী ।
বৃহদশ্ৱস্তু শ্ৰাৱস্তিস্ততঃ কুৱলযাশ্ৱকঃ ॥ ২১ ॥
বৃহদশ্ৱস্তু শ্ৰাৱস্তিস্ততঃ কুৱলযাশ্ৱকঃ ॥ ২১ ॥
যঃ প্ৰিযাৰ্থমুতঙ্কস্য ধুন্ধুনামাসুৰং বলী ।
সুতানামেকৱিংশত্যা সহস্ৰৈৰহনদ্ ৱৃতঃ ॥ ২২ ॥
সুতানামেকৱিংশত্যা সহস্ৰৈৰহনদ্ ৱৃতঃ ॥ ২২ ॥
ধুন্ধুমাৰ ইতি খ্যাতস্তত্সুতাস্তে চ জজ্ৱলুঃ ।
ধুন্ধোৰ্মুখাগ্নিনা সৰ্ৱে ত্ৰয এৱাৱশেষিতাঃ ॥ ২৩ ॥
ধুন্ধোৰ্মুখাগ্নিনা সৰ্ৱে ত্ৰয এৱাৱশেষিতাঃ ॥ ২৩ ॥
দৃঢাশ্ৱঃ কপিলাশ্ৱশ্চ ভদ্ৰাশ্ৱ ইতি ভাৰত ।
দৃঢাশ্ৱপুত্ৰো হৰ্যশ্ৱো নিকুম্ভস্তত্সুতঃ স্মৃতঃ ॥ ২৪ ॥
দৃঢাশ্ৱপুত্ৰো হৰ্যশ্ৱো নিকুম্ভস্তত্সুতঃ স্মৃতঃ ॥ ২৪ ॥
বহুলাশ্ৱো নিকুম্ভস্য কৃশাশ্ৱোঽথাস্য সেনজিত্ ।
যুৱনাশ্ৱোঽভৱত্ তস্য সোঽনপত্যো ৱনং গতঃ ॥ ২৫ ॥
যুৱনাশ্ৱোঽভৱত্ তস্য সোঽনপত্যো ৱনং গতঃ ॥ ২৫ ॥
ভাৰ্যাশতেন নিৰ্ৱিণ্ণ ঋষযোঽস্য কৃপালৱঃ ।
ইষ্টিং স্ম ৱৰ্তযাংচক্ৰুৰৈন্দ্ৰীং তে সুসমাহিতাঃ ॥ ২৬ ॥
ইষ্টিং স্ম ৱৰ্তযাংচক্ৰুৰৈন্দ্ৰীং তে সুসমাহিতাঃ ॥ ২৬ ॥
ৰাজা তদ্ যজ্ঞসদনং প্ৰৱিষ্টো নিশি তৰ্ষিতঃ ।
দৃষ্ট্ৱা শযানান্ ৱিপ্ৰাংস্তান্ পপৌ মন্ত্ৰজলং স্ৱযম্ ॥ ২৭ ॥
দৃষ্ট্ৱা শযানান্ ৱিপ্ৰাংস্তান্ পপৌ মন্ত্ৰজলং স্ৱযম্ ॥ ২৭ ॥
উত্থিতাস্তে নিশম্যাথ ৱ্যুদকং কলশং প্ৰভো ।
পপ্ৰচ্ছুঃ কস্য কৰ্মেদং পীতং পুংসৱনং জলম্ ॥ ২৮ ॥
পপ্ৰচ্ছুঃ কস্য কৰ্মেদং পীতং পুংসৱনং জলম্ ॥ ২৮ ॥
ৰাজ্ঞা পীতং ৱিদিত্ৱা ৱৈ ঈশ্ৱৰপ্ৰহিতেন তে ।
ঈশ্ৱৰায নমশ্চক্ৰুৰহো দৈৱবলং বলম্ ॥ ২৯ ॥
ঈশ্ৱৰায নমশ্চক্ৰুৰহো দৈৱবলং বলম্ ॥ ২৯ ॥
ততঃ কাল উপাৱৃত্তে কুক্ষিং নিৰ্ভিদ্য দক্ষিণম্ ।
যুৱনাশ্ৱস্য তনযশ্চক্ৰৱৰ্তী জজান হ ॥ ৩০ ॥
যুৱনাশ্ৱস্য তনযশ্চক্ৰৱৰ্তী জজান হ ॥ ৩০ ॥
কং ধাস্যতি কুমাৰোঽযং স্তন্যে ৰোৰূযতে ভৃশম্ ।
মাং ধাতা ৱত্স মা ৰোদীৰিতীন্দ্ৰো দেশিনীমদাত্ ॥ ৩১ ॥
মাং ধাতা ৱত্স মা ৰোদীৰিতীন্দ্ৰো দেশিনীমদাত্ ॥ ৩১ ॥
ন মমাৰ পিতা তস্য ৱিপ্ৰদেৱপ্ৰসাদতঃ ।
যুৱনাশ্ৱোঽথ তত্ৰৈৱ তপসা সিদ্ধিমন্ৱগাত্ ॥ ৩২ ॥
যুৱনাশ্ৱোঽথ তত্ৰৈৱ তপসা সিদ্ধিমন্ৱগাত্ ॥ ৩২ ॥
ত্ৰসদ্দস্যুৰিতীন্দ্ৰোঽঙ্গ ৱিদধে নাম যস্য ৱৈ ।
যস্মাত্ ত্ৰসন্তি হ্যুদ্ৱিগ্না দস্যৱো ৰাৱণাদযঃ ॥ ৩৩ ॥
যস্মাত্ ত্ৰসন্তি হ্যুদ্ৱিগ্না দস্যৱো ৰাৱণাদযঃ ॥ ৩৩ ॥
যৌৱনাশ্ৱোঽথ মান্ধাতা চক্ৰৱৰ্ত্যৱনীং প্ৰভুঃ ।
সপ্তদ্ৱীপৱতীমেকঃ শশাসাচ্যুততেজসা ॥ ৩৪ ॥
সপ্তদ্ৱীপৱতীমেকঃ শশাসাচ্যুততেজসা ॥ ৩৪ ॥
ঈজে চ যজ্ঞং ক্ৰতুভিৰাত্মৱিদ্ ভূৰিদক্ষিণৈঃ ।
সৰ্ৱদেৱমযং দেৱং সৰ্ৱাত্মকমতীন্দ্ৰিযম্ ॥ ৩৫ ॥
সৰ্ৱদেৱমযং দেৱং সৰ্ৱাত্মকমতীন্দ্ৰিযম্ ॥ ৩৫ ॥
দ্ৰৱ্যং মন্ত্ৰো ৱিধিৰ্যজ্ঞো যজমানস্তথৰ্ত্ৱিজঃ ।
ধৰ্মো দেশশ্চ কালশ্চ সৰ্ৱমেতদ্ যদাত্মকম্ ॥ ৩৬ ॥
ধৰ্মো দেশশ্চ কালশ্চ সৰ্ৱমেতদ্ যদাত্মকম্ ॥ ৩৬ ॥
যাৱত্ সূৰ্য উদেতি স্ম যাৱচ্চ প্ৰতিতিষ্ঠতি ।
তত্ সৰ্ৱং যৌৱনাশ্ৱস্য মান্ধাতুঃ ক্ষেত্ৰমুচ্যতে ॥ ৩৭ ॥
তত্ সৰ্ৱং যৌৱনাশ্ৱস্য মান্ধাতুঃ ক্ষেত্ৰমুচ্যতে ॥ ৩৭ ॥
শশবিন্দোৰ্দুহিতৰি বিন্দুমত্যামধান্নৃপঃ ।
পুৰুকুত্সমম্বৰীষং মুচুকুন্দং চ যোগিনম্ ।
তেষাং স্ৱসাৰঃ পঞ্চাশত্ সৌভৰিং ৱৱ্ৰিৰে পতিম্ ॥ ৩৮ ॥
পুৰুকুত্সমম্বৰীষং মুচুকুন্দং চ যোগিনম্ ।
তেষাং স্ৱসাৰঃ পঞ্চাশত্ সৌভৰিং ৱৱ্ৰিৰে পতিম্ ॥ ৩৮ ॥
যমুনান্তৰ্জলে মগ্নস্তপ্যমানঃ পৰন্তপঃ ।
নিৰ্ৱৃতিং মীনৰাজস্য দৃষ্ট্ৱা মৈথুনধৰ্মিণঃ ॥ ৩৯ ॥
নিৰ্ৱৃতিং মীনৰাজস্য দৃষ্ট্ৱা মৈথুনধৰ্মিণঃ ॥ ৩৯ ॥
জাতস্পৃহো নৃপং ৱিপ্ৰঃ কন্যামেকামযাচত ।
সোঽপ্যাহ গৃহ্যতাং ব্ৰহ্মন্ কামং কন্যা স্ৱযংৱৰে ॥ ৪০ ॥
সোঽপ্যাহ গৃহ্যতাং ব্ৰহ্মন্ কামং কন্যা স্ৱযংৱৰে ॥ ৪০ ॥
স ৱিচিন্ত্যাপ্ৰিযং স্ত্ৰীণাং জৰঠোঽহমসন্মতঃ ।
ৱলীপলিত এজত্ক ইত্যহং প্ৰত্যুদাহৃতঃ ॥ ৪১ ॥
ৱলীপলিত এজত্ক ইত্যহং প্ৰত্যুদাহৃতঃ ॥ ৪১ ॥
সাধযিষ্যে তথাত্মানং সুৰস্ত্ৰীণামভীপ্সিতম্ ।
কিং পুনৰ্মনুজেন্দ্ৰাণামিতি ৱ্যৱসিতঃ প্ৰভুঃ ॥ ৪২ ॥
কিং পুনৰ্মনুজেন্দ্ৰাণামিতি ৱ্যৱসিতঃ প্ৰভুঃ ॥ ৪২ ॥
মুনিঃ প্ৰৱেশিতঃ ক্ষত্ৰা কন্যান্তঃপুৰমৃদ্ধিমত্ ।
ৱৃতঃ স ৰাজকন্যাভিৰেকং পঞ্চাশতা ৱৰঃ ॥ ৪৩ ॥
ৱৃতঃ স ৰাজকন্যাভিৰেকং পঞ্চাশতা ৱৰঃ ॥ ৪৩ ॥
তাসাং কলিৰভূদ্ ভূযাংস্তদৰ্থেঽপোহ্য সৌহৃদম্ ।
মমানুৰূপো নাযং ৱ ইতি তদ্গতচেতসাম্ ॥ ৪৪ ॥
মমানুৰূপো নাযং ৱ ইতি তদ্গতচেতসাম্ ॥ ৪৪ ॥
স বহ্ৱঋচস্তাভিৰপাৰণীয-
তপঃশ্ৰিযানৰ্ঘ্যপৰিচ্ছদেষু ।
গৃহেষু নানোপৱনামলাম্ভঃ-
সৰস্সু সৌগন্ধিককাননেষু ॥ ৪৫ ॥
তপঃশ্ৰিযানৰ্ঘ্যপৰিচ্ছদেষু ।
গৃহেষু নানোপৱনামলাম্ভঃ-
সৰস্সু সৌগন্ধিককাননেষু ॥ ৪৫ ॥
মহাৰ্হশয্যাসনৱস্ত্ৰভূষণ-
স্নানানুলেপাভ্যৱহাৰমাল্যকৈঃ ।
স্ৱলঙ্কৃত স্ত্ৰীপুৰুষেষু নিত্যদা
ৰেমেঽনুগাযদ্দ্ৱিজভৃঙ্গৱন্দিষু ॥ ৪৬ ॥
স্নানানুলেপাভ্যৱহাৰমাল্যকৈঃ ।
স্ৱলঙ্কৃত স্ত্ৰীপুৰুষেষু নিত্যদা
ৰেমেঽনুগাযদ্দ্ৱিজভৃঙ্গৱন্দিষু ॥ ৪৬ ॥
যদ্গাৰ্হস্থ্যং তু সংৱীক্ষ্য সপ্তদ্ৱীপৱতীপতিঃ ।
ৱিস্মিতঃ স্তম্ভমজহাত্ সাৰ্ৱভৌমশ্ৰিযান্ৱিতম্ ॥ ৪৭ ॥
ৱিস্মিতঃ স্তম্ভমজহাত্ সাৰ্ৱভৌমশ্ৰিযান্ৱিতম্ ॥ ৪৭ ॥
এৱং গৃহেষ্ৱভিৰতো ৱিষযান্ ৱিৱিধৈঃ সুখৈঃ ।
সেৱমানো ন চাতুষ্যদাজ্যস্তোকৈৰিৱানলঃ ॥ ৪৮ ॥
সেৱমানো ন চাতুষ্যদাজ্যস্তোকৈৰিৱানলঃ ॥ ৪৮ ॥
স কদাচিদুপাসীন আত্মাপহ্নৱমাত্মনঃ ।
দদৰ্শ বহ্ৱৃচাচাৰ্যো মীনসঙ্গসমুত্থিতম্ ॥ ৪৯ ॥
দদৰ্শ বহ্ৱৃচাচাৰ্যো মীনসঙ্গসমুত্থিতম্ ॥ ৪৯ ॥
অহো ইমং পশ্যত মে ৱিনাশং
তপস্ৱিনঃ সচ্চৰিতৱ্ৰতস্য ।
অন্তৰ্জলে ৱাৰিচৰপ্ৰসঙ্গাত্
প্ৰচ্যাৱিতং ব্ৰহ্ম চিৰং ধৃতং যত্ ॥ ৫০ ॥
তপস্ৱিনঃ সচ্চৰিতৱ্ৰতস্য ।
অন্তৰ্জলে ৱাৰিচৰপ্ৰসঙ্গাত্
প্ৰচ্যাৱিতং ব্ৰহ্ম চিৰং ধৃতং যত্ ॥ ৫০ ॥
সঙ্গং ত্যজেত মিথুনৱ্ৰতীনাং মুমুক্ষুঃ
সৰ্ৱাত্মনা ন ৱিসৃজেদ্ বহিৰিন্দ্ৰিযাণি ।
একশ্চৰন্ ৰহসি চিত্তমনন্ত ঈশে
যুঞ্জীত তদ্ৱ্ৰতিষু সাধুষু চেত্ প্ৰসঙ্গঃ ॥ ৫১ ॥
সৰ্ৱাত্মনা ন ৱিসৃজেদ্ বহিৰিন্দ্ৰিযাণি ।
একশ্চৰন্ ৰহসি চিত্তমনন্ত ঈশে
যুঞ্জীত তদ্ৱ্ৰতিষু সাধুষু চেত্ প্ৰসঙ্গঃ ॥ ৫১ ॥
একস্তপস্ৱ্যহমথাম্ভসি মত্স্যসঙ্গাত্
পঞ্চাশদাসমুত পঞ্চসহস্ৰসৰ্গঃ ।
নান্তং ৱ্ৰজাম্যুভযকৃত্যমনোৰথানাং
মাযাগুণৈৰ্হৃতমতিৰ্ৱিষযেঽৰ্থভাৱঃ ॥ ৫২ ॥
পঞ্চাশদাসমুত পঞ্চসহস্ৰসৰ্গঃ ।
নান্তং ৱ্ৰজাম্যুভযকৃত্যমনোৰথানাং
মাযাগুণৈৰ্হৃতমতিৰ্ৱিষযেঽৰ্থভাৱঃ ॥ ৫২ ॥
এৱং ৱসন্ গৃহে কালং ৱিৰক্তো ন্যাসমাস্থিতঃ ।
ৱনং জগামানুযযুস্তত্পত্ন্যঃ পতিদেৱতাঃ ॥ ৫৩ ॥
ৱনং জগামানুযযুস্তত্পত্ন্যঃ পতিদেৱতাঃ ॥ ৫৩ ॥
তত্ৰ তপ্ত্ৱা তপস্তীক্ষ্ণমাত্মদৰ্শনমাত্মৱান্ ।
সহৈৱাগ্নিভিৰাত্মানং যুযোজ পৰমাত্মনি ॥ ৫৪ ॥
সহৈৱাগ্নিভিৰাত্মানং যুযোজ পৰমাত্মনি ॥ ৫৪ ॥
তাঃ স্ৱপত্যুৰ্মহাৰাজ নিৰীক্ষ্যাধ্যাত্মিকীং গতিম্ ।
অন্ৱীযুস্তত্প্ৰভাৱেণ অগ্নিং শান্তমিৱাৰ্চিষঃ ॥ ৫৫ ॥
অন্ৱীযুস্তত্প্ৰভাৱেণ অগ্নিং শান্তমিৱাৰ্চিষঃ ॥ ৫৫ ॥