ശ്രീശുക ഉവാച
വിരൂപഃ കേതുമാഞ്ഛമ്ഭുരമ്ബരീഷസുതാസ്ത്രയഃ ।
വിരൂപാത് പൃഷദശ്വോഽഭൂത്തത് പുത്രസ്തു രഥീതരഃ ॥ ൧ ॥
വിരൂപഃ കേതുമാഞ്ഛമ്ഭുരമ്ബരീഷസുതാസ്ത്രയഃ ।
വിരൂപാത് പൃഷദശ്വോഽഭൂത്തത് പുത്രസ്തു രഥീതരഃ ॥ ൧ ॥
രഥീതരസ്യാപ്രജസ്യ ഭാര്യായാം തന്തവേഽര്ഥിതഃ ।
അങ്ഗിരാ ജനയാമാസ ബ്രഹ്മവര്ചസ്വിനഃ സുതാന് ॥ ൨ ॥
അങ്ഗിരാ ജനയാമാസ ബ്രഹ്മവര്ചസ്വിനഃ സുതാന് ॥ ൨ ॥
ഏതേ ക്ഷേത്രപ്രസൂതാ വൈ പുനസ്ത്വാങ്ഗിരസാഃ സ്മൃതാഃ ।
രഥീതരാണാം പ്രവരാഃ ക്ഷേത്രോപേതാ ദ്വിജാതയഃ ॥ ൩ ॥
രഥീതരാണാം പ്രവരാഃ ക്ഷേത്രോപേതാ ദ്വിജാതയഃ ॥ ൩ ॥
ക്ഷുവതസ്തു മനോര്ജജ്ഞേ ഇക്ഷ്വാകുര്ഘ്രാണതഃ സുതഃ ।
തസ്യ പുത്രശതജ്യേഷ്ഠാ വികുക്ഷിനിമിദണ്ഡകാഃ ॥ ൪ ॥
തസ്യ പുത്രശതജ്യേഷ്ഠാ വികുക്ഷിനിമിദണ്ഡകാഃ ॥ ൪ ॥
തേഷാം പുരസ്താദഭവന്നാര്യാവര്തേ നൃപാ നൃപ ।
പഞ്ചവിംശതിഃ പശ്ചാച്ച ത്രയോ മധ്യേഽപരേഽന്യതഃ ॥ ൫ ॥
പഞ്ചവിംശതിഃ പശ്ചാച്ച ത്രയോ മധ്യേഽപരേഽന്യതഃ ॥ ൫ ॥
സ ഏകദാഷ്ടകാശ്രാദ്ധേ ഇക്ഷ്വാകുഃ സുതമാദിശത് ।
മാംസമാനീയതാം മേധ്യം വികുക്ഷേ ഗച്ഛ മാ ചിരമ് ॥ ൬ ॥
മാംസമാനീയതാം മേധ്യം വികുക്ഷേ ഗച്ഛ മാ ചിരമ് ॥ ൬ ॥
തഥേതി സ വനം ഗത്വാ മൃഗാന് ഹത്വാ ക്രിയാര്ഹണാന് ।
ശ്രാന്തോ ബുഭുക്ഷിതോ വീരഃ ശശം ചാദദപസ്മൃതിഃ ॥ ൭ ॥
ശ്രാന്തോ ബുഭുക്ഷിതോ വീരഃ ശശം ചാദദപസ്മൃതിഃ ॥ ൭ ॥
ശേഷം നിവേദയാമാസ പിത്രേ തേന ച തദ്ഗുരുഃ ।
ചോദിതഃ പ്രോക്ഷണായാഹ ദുഷ്ടമേതദകര്മകമ് ॥ ൮ ॥
ചോദിതഃ പ്രോക്ഷണായാഹ ദുഷ്ടമേതദകര്മകമ് ॥ ൮ ॥
ജ്ഞാത്വാ പുത്രസ്യ തത് കര്മ ഗുരുണാഭിഹിതം നൃപഃ ।
ദേശാന്നിഃസാരയാമാസ സുതം ത്യക്തവിധിം രുഷാ ॥ ൯ ॥
ദേശാന്നിഃസാരയാമാസ സുതം ത്യക്തവിധിം രുഷാ ॥ ൯ ॥
സ തു വിപ്രേണ സംവാദം ജ്ഞാപകേന സമാചരന് ।
ത്യക്ത്വാ കലേവരം യോഗീ സ തേനാവാപ യത് പരമ് ॥ ൧൦ ॥
ത്യക്ത്വാ കലേവരം യോഗീ സ തേനാവാപ യത് പരമ് ॥ ൧൦ ॥
പിതര്യുപരതേഽഭ്യേത്യ വികുക്ഷിഃ പൃഥിവീമിമാമ് ।
ശാസദീജേ ഹരിം യജ്ഞൈഃ ശശാദ ഇതി വിശ്രുതഃ ॥ ൧൧ ॥
ശാസദീജേ ഹരിം യജ്ഞൈഃ ശശാദ ഇതി വിശ്രുതഃ ॥ ൧൧ ॥
പുരഞ്ജയസ്തസ്യ സുത ഇന്ദ്രവാഹ ഇതീരിതഃ ।
കകുത്സ്ഥ ഇതി ചാപ്യുക്തഃ ശൃണു നാമാനി കര്മഭിഃ ॥ ൧൨ ॥
കകുത്സ്ഥ ഇതി ചാപ്യുക്തഃ ശൃണു നാമാനി കര്മഭിഃ ॥ ൧൨ ॥
കൃതാന്ത ആസീത് സമരോ ദേവാനാം സഹ ദാനവൈഃ ।
പാര്ഷ്ണിഗ്രാഹോ വൃതോ വീരോ ദേവൈര്ദൈത്യപരാജിതൈഃ ॥ ൧൩ ॥
പാര്ഷ്ണിഗ്രാഹോ വൃതോ വീരോ ദേവൈര്ദൈത്യപരാജിതൈഃ ॥ ൧൩ ॥
വചനാദ് ദേവദേവസ്യ വിഷ്ണോര്വിശ്വാത്മനഃ പ്രഭോഃ ।
വാഹനത്വേ വൃതസ്തസ്യ ബഭൂവേന്ദ്രോ മഹാവൃഷഃ ॥ ൧൪ ॥
വാഹനത്വേ വൃതസ്തസ്യ ബഭൂവേന്ദ്രോ മഹാവൃഷഃ ॥ ൧൪ ॥
സ സന്നദ്ധോ ധനുര്ദിവ്യമാദായ വിശിഖാഞ്ഛിതാന് ।
സ്തൂയമാനസ്തമാരുഹ്യ യുയുത്സുഃ കകുദി സ്ഥിതഃ ॥ ൧൫ ॥
സ്തൂയമാനസ്തമാരുഹ്യ യുയുത്സുഃ കകുദി സ്ഥിതഃ ॥ ൧൫ ॥
തേജസാപ്യായിതോ വിഷ്ണോഃ പുരുഷസ്യ മഹാത്മനഃ ।
പ്രതീച്യാം ദിശി ദൈത്യാനാം ന്യരുണത് ത്രിദശൈഃ പുരമ് ॥ ൧൬ ॥
പ്രതീച്യാം ദിശി ദൈത്യാനാം ന്യരുണത് ത്രിദശൈഃ പുരമ് ॥ ൧൬ ॥
തൈസ്തസ്യ ചാഭൂത്പ്രധനം തുമുലം ലോമഹര്ഷണമ് ।
യമായ ഭല്ലൈരനയദ് ദൈത്യാന് അഭിയയുര്മൃധേ ॥ ൧൭ ॥
യമായ ഭല്ലൈരനയദ് ദൈത്യാന് അഭിയയുര്മൃധേ ॥ ൧൭ ॥
തസ്യേഷുപാതാഭിമുഖം യുഗാന്താഗ്നിമിവോല്ബണമ് ।
വിസൃജ്യ ദുദ്രുവുര്ദൈത്യാ ഹന്യമാനാഃ സ്വമാലയമ് ॥ ൧൮ ॥
വിസൃജ്യ ദുദ്രുവുര്ദൈത്യാ ഹന്യമാനാഃ സ്വമാലയമ് ॥ ൧൮ ॥
ജിത്വാ പുരം ധനം സര്വം സശ്രീകം വജ്രപാണയേ ।
പ്രത്യയച്ഛത് സ രാജര്ഷിരിതി നാമഭിരാഹൃതഃ ॥ ൧൯ ॥
പ്രത്യയച്ഛത് സ രാജര്ഷിരിതി നാമഭിരാഹൃതഃ ॥ ൧൯ ॥
പുരഞ്ജയസ്യ പുത്രോഽഭൂദനേനാസ്തത്സുതഃ പൃഥുഃ ।
വിശ്വഗന്ധിസ്തതശ്ചന്ദ്രോ യുവനാശ്വസ്തു തത്സുതഃ ॥ ൨൦ ॥
വിശ്വഗന്ധിസ്തതശ്ചന്ദ്രോ യുവനാശ്വസ്തു തത്സുതഃ ॥ ൨൦ ॥
ശ്രാവസ്തസ്തത്സുതോ യേന ശ്രാവസ്തീ നിര്മമേ പുരീ ।
ബൃഹദശ്വസ്തു ശ്രാവസ്തിസ്തതഃ കുവലയാശ്വകഃ ॥ ൨൧ ॥
ബൃഹദശ്വസ്തു ശ്രാവസ്തിസ്തതഃ കുവലയാശ്വകഃ ॥ ൨൧ ॥
യഃ പ്രിയാര്ഥമുതങ്കസ്യ ധുന്ധുനാമാസുരം ബലീ ।
സുതാനാമേകവിംശത്യാ സഹസ്രൈരഹനദ് വൃതഃ ॥ ൨൨ ॥
സുതാനാമേകവിംശത്യാ സഹസ്രൈരഹനദ് വൃതഃ ॥ ൨൨ ॥
ധുന്ധുമാര ഇതി ഖ്യാതസ്തത്സുതാസ്തേ ച ജജ്വലുഃ ।
ധുന്ധോര്മുഖാഗ്നിനാ സര്വേ ത്രയ ഏവാവശേഷിതാഃ ॥ ൨൩ ॥
ധുന്ധോര്മുഖാഗ്നിനാ സര്വേ ത്രയ ഏവാവശേഷിതാഃ ॥ ൨൩ ॥
ദൃഢാശ്വഃ കപിലാശ്വശ്ച ഭദ്രാശ്വ ഇതി ഭാരത ।
ദൃഢാശ്വപുത്രോ ഹര്യശ്വോ നികുമ്ഭസ്തത്സുതഃ സ്മൃതഃ ॥ ൨൪ ॥
ദൃഢാശ്വപുത്രോ ഹര്യശ്വോ നികുമ്ഭസ്തത്സുതഃ സ്മൃതഃ ॥ ൨൪ ॥
ബഹുലാശ്വോ നികുമ്ഭസ്യ കൃശാശ്വോഽഥാസ്യ സേനജിത് ।
യുവനാശ്വോഽഭവത് തസ്യ സോഽനപത്യോ വനം ഗതഃ ॥ ൨൫ ॥
യുവനാശ്വോഽഭവത് തസ്യ സോഽനപത്യോ വനം ഗതഃ ॥ ൨൫ ॥
ഭാര്യാശതേന നിര്വിണ്ണ ഋഷയോഽസ്യ കൃപാലവഃ ।
ഇഷ്ടിം സ്മ വര്തയാംചക്രുരൈന്ദ്രീം തേ സുസമാഹിതാഃ ॥ ൨൬ ॥
ഇഷ്ടിം സ്മ വര്തയാംചക്രുരൈന്ദ്രീം തേ സുസമാഹിതാഃ ॥ ൨൬ ॥
രാജാ തദ് യജ്ഞസദനം പ്രവിഷ്ടോ നിശി തര്ഷിതഃ ।
ദൃഷ്ട്വാ ശയാനാന് വിപ്രാംസ്താന് പപൌ മന്ത്രജലം സ്വയമ് ॥ ൨൭ ॥
ദൃഷ്ട്വാ ശയാനാന് വിപ്രാംസ്താന് പപൌ മന്ത്രജലം സ്വയമ് ॥ ൨൭ ॥
ഉത്ഥിതാസ്തേ നിശമ്യാഥ വ്യുദകം കലശം പ്രഭോ ।
പപ്രച്ഛുഃ കസ്യ കര്മേദം പീതം പുംസവനം ജലമ് ॥ ൨൮ ॥
പപ്രച്ഛുഃ കസ്യ കര്മേദം പീതം പുംസവനം ജലമ് ॥ ൨൮ ॥
രാജ്ഞാ പീതം വിദിത്വാ വൈ ഈശ്വരപ്രഹിതേന തേ ।
ഈശ്വരായ നമശ്ചക്രുരഹോ ദൈവബലം ബലമ് ॥ ൨൯ ॥
ഈശ്വരായ നമശ്ചക്രുരഹോ ദൈവബലം ബലമ് ॥ ൨൯ ॥
തതഃ കാല ഉപാവൃത്തേ കുക്ഷിം നിര്ഭിദ്യ ദക്ഷിണമ് ।
യുവനാശ്വസ്യ തനയശ്ചക്രവര്തീ ജജാന ഹ ॥ ൩൦ ॥
യുവനാശ്വസ്യ തനയശ്ചക്രവര്തീ ജജാന ഹ ॥ ൩൦ ॥
കം ധാസ്യതി കുമാരോഽയം സ്തന്യേ രോരൂയതേ ഭൃശമ് ।
മാം ധാതാ വത്സ മാ രോദീരിതീന്ദ്രോ ദേശിനീമദാത് ॥ ൩൧ ॥
മാം ധാതാ വത്സ മാ രോദീരിതീന്ദ്രോ ദേശിനീമദാത് ॥ ൩൧ ॥
ന മമാര പിതാ തസ്യ വിപ്രദേവപ്രസാദതഃ ।
യുവനാശ്വോഽഥ തത്രൈവ തപസാ സിദ്ധിമന്വഗാത് ॥ ൩൨ ॥
യുവനാശ്വോഽഥ തത്രൈവ തപസാ സിദ്ധിമന്വഗാത് ॥ ൩൨ ॥
ത്രസദ്ദസ്യുരിതീന്ദ്രോഽങ്ഗ വിദധേ നാമ യസ്യ വൈ ।
യസ്മാത് ത്രസന്തി ഹ്യുദ്വിഗ്നാ ദസ്യവോ രാവണാദയഃ ॥ ൩൩ ॥
യസ്മാത് ത്രസന്തി ഹ്യുദ്വിഗ്നാ ദസ്യവോ രാവണാദയഃ ॥ ൩൩ ॥
യൌവനാശ്വോഽഥ മാന്ധാതാ ചക്രവര്ത്യവനീം പ്രഭുഃ ।
സപ്തദ്വീപവതീമേകഃ ശശാസാച്യുതതേജസാ ॥ ൩൪ ॥
സപ്തദ്വീപവതീമേകഃ ശശാസാച്യുതതേജസാ ॥ ൩൪ ॥
ഈജേ ച യജ്ഞം ക്രതുഭിരാത്മവിദ് ഭൂരിദക്ഷിണൈഃ ।
സര്വദേവമയം ദേവം സര്വാത്മകമതീന്ദ്രിയമ് ॥ ൩൫ ॥
സര്വദേവമയം ദേവം സര്വാത്മകമതീന്ദ്രിയമ് ॥ ൩൫ ॥
ദ്രവ്യം മന്ത്രോ വിധിര്യജ്ഞോ യജമാനസ്തഥര്ത്വിജഃ ।
ധര്മോ ദേശശ്ച കാലശ്ച സര്വമേതദ് യദാത്മകമ് ॥ ൩൬ ॥
ധര്മോ ദേശശ്ച കാലശ്ച സര്വമേതദ് യദാത്മകമ് ॥ ൩൬ ॥
യാവത് സൂര്യ ഉദേതി സ്മ യാവച്ച പ്രതിതിഷ്ഠതി ।
തത് സര്വം യൌവനാശ്വസ്യ മാന്ധാതുഃ ക്ഷേത്രമുച്യതേ ॥ ൩൭ ॥
തത് സര്വം യൌവനാശ്വസ്യ മാന്ധാതുഃ ക്ഷേത്രമുച്യതേ ॥ ൩൭ ॥
ശശബിന്ദോര്ദുഹിതരി ബിന്ദുമത്യാമധാന്നൃപഃ ।
പുരുകുത്സമമ്ബരീഷം മുചുകുന്ദം ച യോഗിനമ് ।
തേഷാം സ്വസാരഃ പഞ്ചാശത് സൌഭരിം വവ്രിരേ പതിമ് ॥ ൩൮ ॥
പുരുകുത്സമമ്ബരീഷം മുചുകുന്ദം ച യോഗിനമ് ।
തേഷാം സ്വസാരഃ പഞ്ചാശത് സൌഭരിം വവ്രിരേ പതിമ് ॥ ൩൮ ॥
യമുനാന്തര്ജലേ മഗ്നസ്തപ്യമാനഃ പരന്തപഃ ।
നിര്വൃതിം മീനരാജസ്യ ദൃഷ്ട്വാ മൈഥുനധര്മിണഃ ॥ ൩൯ ॥
നിര്വൃതിം മീനരാജസ്യ ദൃഷ്ട്വാ മൈഥുനധര്മിണഃ ॥ ൩൯ ॥
ജാതസ്പൃഹോ നൃപം വിപ്രഃ കന്യാമേകാമയാചത ।
സോഽപ്യാഹ ഗൃഹ്യതാം ബ്രഹ്മന് കാമം കന്യാ സ്വയംവരേ ॥ ൪൦ ॥
സോഽപ്യാഹ ഗൃഹ്യതാം ബ്രഹ്മന് കാമം കന്യാ സ്വയംവരേ ॥ ൪൦ ॥
സ വിചിന്ത്യാപ്രിയം സ്ത്രീണാം ജരഠോഽഹമസന്മതഃ ।
വലീപലിത ഏജത്ക ഇത്യഹം പ്രത്യുദാഹൃതഃ ॥ ൪൧ ॥
വലീപലിത ഏജത്ക ഇത്യഹം പ്രത്യുദാഹൃതഃ ॥ ൪൧ ॥
സാധയിഷ്യേ തഥാത്മാനം സുരസ്ത്രീണാമഭീപ്സിതമ് ।
കിം പുനര്മനുജേന്ദ്രാണാമിതി വ്യവസിതഃ പ്രഭുഃ ॥ ൪൨ ॥
കിം പുനര്മനുജേന്ദ്രാണാമിതി വ്യവസിതഃ പ്രഭുഃ ॥ ൪൨ ॥
മുനിഃ പ്രവേശിതഃ ക്ഷത്രാ കന്യാന്തഃപുരമൃദ്ധിമത് ।
വൃതഃ സ രാജകന്യാഭിരേകം പഞ്ചാശതാ വരഃ ॥ ൪൩ ॥
വൃതഃ സ രാജകന്യാഭിരേകം പഞ്ചാശതാ വരഃ ॥ ൪൩ ॥
താസാം കലിരഭൂദ് ഭൂയാംസ്തദര്ഥേഽപോഹ്യ സൌഹൃദമ് ।
മമാനുരൂപോ നായം വ ഇതി തദ്ഗതചേതസാമ് ॥ ൪൪ ॥
മമാനുരൂപോ നായം വ ഇതി തദ്ഗതചേതസാമ് ॥ ൪൪ ॥
സ ബഹ്വഋചസ്താഭിരപാരണീയ-
തപഃശ്രിയാനര്ഘ്യപരിച്ഛദേഷു ।
ഗൃഹേഷു നാനോപവനാമലാമ്ഭഃ-
സരസ്സു സൌഗന്ധികകാനനേഷു ॥ ൪൫ ॥
തപഃശ്രിയാനര്ഘ്യപരിച്ഛദേഷു ।
ഗൃഹേഷു നാനോപവനാമലാമ്ഭഃ-
സരസ്സു സൌഗന്ധികകാനനേഷു ॥ ൪൫ ॥
മഹാര്ഹശയ്യാസനവസ്ത്രഭൂഷണ-
സ്നാനാനുലേപാഭ്യവഹാരമാല്യകൈഃ ।
സ്വലങ്കൃത സ്ത്രീപുരുഷേഷു നിത്യദാ
രേമേഽനുഗായദ്ദ്വിജഭൃങ്ഗവന്ദിഷു ॥ ൪൬ ॥
സ്നാനാനുലേപാഭ്യവഹാരമാല്യകൈഃ ।
സ്വലങ്കൃത സ്ത്രീപുരുഷേഷു നിത്യദാ
രേമേഽനുഗായദ്ദ്വിജഭൃങ്ഗവന്ദിഷു ॥ ൪൬ ॥
യദ്ഗാര്ഹസ്ഥ്യം തു സംവീക്ഷ്യ സപ്തദ്വീപവതീപതിഃ ।
വിസ്മിതഃ സ്തമ്ഭമജഹാത് സാര്വഭൌമശ്രിയാന്വിതമ് ॥ ൪൭ ॥
വിസ്മിതഃ സ്തമ്ഭമജഹാത് സാര്വഭൌമശ്രിയാന്വിതമ് ॥ ൪൭ ॥
ഏവം ഗൃഹേഷ്വഭിരതോ വിഷയാന് വിവിധൈഃ സുഖൈഃ ।
സേവമാനോ ന ചാതുഷ്യദാജ്യസ്തോകൈരിവാനലഃ ॥ ൪൮ ॥
സേവമാനോ ന ചാതുഷ്യദാജ്യസ്തോകൈരിവാനലഃ ॥ ൪൮ ॥
സ കദാചിദുപാസീന ആത്മാപഹ്നവമാത്മനഃ ।
ദദര്ശ ബഹ്വൃചാചാര്യോ മീനസങ്ഗസമുത്ഥിതമ് ॥ ൪൯ ॥
ദദര്ശ ബഹ്വൃചാചാര്യോ മീനസങ്ഗസമുത്ഥിതമ് ॥ ൪൯ ॥
അഹോ ഇമം പശ്യത മേ വിനാശം
തപസ്വിനഃ സച്ചരിതവ്രതസ്യ ।
അന്തര്ജലേ വാരിചരപ്രസങ്ഗാത്
പ്രച്യാവിതം ബ്രഹ്മ ചിരം ധൃതം യത് ॥ ൫൦ ॥
തപസ്വിനഃ സച്ചരിതവ്രതസ്യ ।
അന്തര്ജലേ വാരിചരപ്രസങ്ഗാത്
പ്രച്യാവിതം ബ്രഹ്മ ചിരം ധൃതം യത് ॥ ൫൦ ॥
സങ്ഗം ത്യജേത മിഥുനവ്രതീനാം മുമുക്ഷുഃ
സര്വാത്മനാ ന വിസൃജേദ് ബഹിരിന്ദ്രിയാണി ।
ഏകശ്ചരന് രഹസി ചിത്തമനന്ത ഈശേ
യുഞ്ജീത തദ്വ്രതിഷു സാധുഷു ചേത് പ്രസങ്ഗഃ ॥ ൫൧ ॥
സര്വാത്മനാ ന വിസൃജേദ് ബഹിരിന്ദ്രിയാണി ।
ഏകശ്ചരന് രഹസി ചിത്തമനന്ത ഈശേ
യുഞ്ജീത തദ്വ്രതിഷു സാധുഷു ചേത് പ്രസങ്ഗഃ ॥ ൫൧ ॥
ഏകസ്തപസ്വ്യഹമഥാമ്ഭസി മത്സ്യസങ്ഗാത്
പഞ്ചാശദാസമുത പഞ്ചസഹസ്രസര്ഗഃ ।
നാന്തം വ്രജാമ്യുഭയകൃത്യമനോരഥാനാം
മായാഗുണൈര്ഹൃതമതിര്വിഷയേഽര്ഥഭാവഃ ॥ ൫൨ ॥
പഞ്ചാശദാസമുത പഞ്ചസഹസ്രസര്ഗഃ ।
നാന്തം വ്രജാമ്യുഭയകൃത്യമനോരഥാനാം
മായാഗുണൈര്ഹൃതമതിര്വിഷയേഽര്ഥഭാവഃ ॥ ൫൨ ॥
ഏവം വസന് ഗൃഹേ കാലം വിരക്തോ ന്യാസമാസ്ഥിതഃ ।
വനം ജഗാമാനുയയുസ്തത്പത്ന്യഃ പതിദേവതാഃ ॥ ൫൩ ॥
വനം ജഗാമാനുയയുസ്തത്പത്ന്യഃ പതിദേവതാഃ ॥ ൫൩ ॥
തത്ര തപ്ത്വാ തപസ്തീക്ഷ്ണമാത്മദര്ശനമാത്മവാന് ।
സഹൈവാഗ്നിഭിരാത്മാനം യുയോജ പരമാത്മനി ॥ ൫൪ ॥
സഹൈവാഗ്നിഭിരാത്മാനം യുയോജ പരമാത്മനി ॥ ൫൪ ॥
താഃ സ്വപത്യുര്മഹാരാജ നിരീക്ഷ്യാധ്യാത്മികീം ഗതിമ് ।
അന്വീയുസ്തത്പ്രഭാവേണ അഗ്നിം ശാന്തമിവാര്ചിഷഃ ॥ ൫൫ ॥
അന്വീയുസ്തത്പ്രഭാവേണ അഗ്നിം ശാന്തമിവാര്ചിഷഃ ॥ ൫൫ ॥