ಶ್ರೀಶುಕ ಉವಾಚ
ಅಂಶುಮಾಂಶ್ಚ ತಪಸ್ತೇಪೇ ಗಙ್ಗಾನಯನಕಾಮ್ಯಯಾ ।
ಕಾಲಂ ಮಹಾನ್ತಂ ನಾಶಕ್ನೋತ್ ತತಃ ಕಾಲೇನ ಸಂಸ್ಥಿತಃ ॥ ೧ ॥
ಅಂಶುಮಾಂಶ್ಚ ತಪಸ್ತೇಪೇ ಗಙ್ಗಾನಯನಕಾಮ್ಯಯಾ ।
ಕಾಲಂ ಮಹಾನ್ತಂ ನಾಶಕ್ನೋತ್ ತತಃ ಕಾಲೇನ ಸಂಸ್ಥಿತಃ ॥ ೧ ॥
ದಿಲೀಪಸ್ತತ್ಸುತಸ್ತದ್ವದಶಕ್ತಃ ಕಾಲಮೇಯಿವಾನ್ ।
ಭಗೀರಥಸ್ತಸ್ಯ ಸುತಸ್ತೇಪೇ ಸ ಸುಮಹತ್ ತಪಃ ॥ ೨ ॥
ಭಗೀರಥಸ್ತಸ್ಯ ಸುತಸ್ತೇಪೇ ಸ ಸುಮಹತ್ ತಪಃ ॥ ೨ ॥
ದರ್ಶಯಾಮಾಸ ತಂ ದೇವೀ ಪ್ರಸನ್ನಾ ವರದಾಸ್ಮಿ ತೇ ।
ಇತ್ಯುಕ್ತಃ ಸ್ವಮಭಿಪ್ರಾಯಂ ಶಶಂಸಾವನತೋ ನೃಪಃ ॥ ೩ ॥
ಇತ್ಯುಕ್ತಃ ಸ್ವಮಭಿಪ್ರಾಯಂ ಶಶಂಸಾವನತೋ ನೃಪಃ ॥ ೩ ॥
ಕೋಽಪಿ ಧಾರಯಿತಾ ವೇಗಂ ಪತನ್ತ್ಯಾ ಮೇ ಮಹೀತಲೇ ।
ಅನ್ಯಥಾ ಭೂತಲಂ ಭಿತ್ತ್ವಾ ನೃಪ ಯಾಸ್ಯೇ ರಸಾತಲಮ್ ॥ ೪ ॥
ಅನ್ಯಥಾ ಭೂತಲಂ ಭಿತ್ತ್ವಾ ನೃಪ ಯಾಸ್ಯೇ ರಸಾತಲಮ್ ॥ ೪ ॥
ಕಿಂ ಚಾಹಂ ನ ಭುವಂ ಯಾಸ್ಯೇ ನರಾ ಮಯ್ಯಾಮೃಜನ್ತ್ಯಘಮ್ ।
ಮೃಜಾಮಿ ತದಘಂ ಕ್ವಾಹಂ ರಾಜಂಸ್ತತ್ರ ವಿಚಿನ್ತ್ಯತಾಮ್ ॥ ೫ ॥
ಮೃಜಾಮಿ ತದಘಂ ಕ್ವಾಹಂ ರಾಜಂಸ್ತತ್ರ ವಿಚಿನ್ತ್ಯತಾಮ್ ॥ ೫ ॥
ಶ್ರೀಭಗೀರಥ ಉವಾಚ
ಸಾಧವೋ ನ್ಯಾಸಿನಃ ಶಾನ್ತಾ ಬ್ರಹ್ಮಿಷ್ಠಾ ಲೋಕಪಾವನಾಃ ।
ಹರನ್ತ್ಯಘಂ ತೇಽಙ್ಗಸಙ್ಗಾತ್ ತೇಷ್ವಾಸ್ತೇ ಹ್ಯಘಭಿದ್ಧರಿಃ ॥ ೬ ॥
ಸಾಧವೋ ನ್ಯಾಸಿನಃ ಶಾನ್ತಾ ಬ್ರಹ್ಮಿಷ್ಠಾ ಲೋಕಪಾವನಾಃ ।
ಹರನ್ತ್ಯಘಂ ತೇಽಙ್ಗಸಙ್ಗಾತ್ ತೇಷ್ವಾಸ್ತೇ ಹ್ಯಘಭಿದ್ಧರಿಃ ॥ ೬ ॥
ಧಾರಯಿಷ್ಯತಿ ತೇ ವೇಗಂ ರುದ್ರಸ್ತ್ವಾತ್ಮಾ ಶರೀರಿಣಾಮ್ ।
ಯಸ್ಮಿನ್ನೋತಮಿದಂ ಪ್ರೋತಂ ವಿಶ್ವಂ ಶಾಟೀವ ತನ್ತುಷು ॥ ೭ ॥
ಯಸ್ಮಿನ್ನೋತಮಿದಂ ಪ್ರೋತಂ ವಿಶ್ವಂ ಶಾಟೀವ ತನ್ತುಷು ॥ ೭ ॥
ಇತ್ಯುಕ್ತ್ವಾ ಸ ನೃಪೋ ದೇವಂ ತಪಸಾತೋಷಯಚ್ಛಿವಮ್ ।
ಕಾಲೇನಾಲ್ಪೀಯಸಾ ರಾಜಂಸ್ತಸ್ಯೇಶಶ್ಚಾಶ್ವತುಷ್ಯತ ॥ ೮ ॥
ಕಾಲೇನಾಲ್ಪೀಯಸಾ ರಾಜಂಸ್ತಸ್ಯೇಶಶ್ಚಾಶ್ವತುಷ್ಯತ ॥ ೮ ॥
ತಥೇತಿ ರಾಜ್ಞಾಭಿಹಿತಂ ಸರ್ವಲೋಕಹಿತಃ ಶಿವಃ ।
ದಧಾರಾವಹಿತೋ ಗಙ್ಗಾಂ ಪಾದಪೂತಜಲಾಂ ಹರೇಃ ॥ ೯ ॥
ದಧಾರಾವಹಿತೋ ಗಙ್ಗಾಂ ಪಾದಪೂತಜಲಾಂ ಹರೇಃ ॥ ೯ ॥
ಭಗೀರಥಃ ಸ ರಾಜರ್ಷಿರ್ನಿನ್ಯೇ ಭುವನಪಾವನೀಮ್ ।
ಯತ್ರ ಸ್ವಪಿತೃಣಾಂ ದೇಹಾ ಭಸ್ಮೀಭೂತಾಃ ಸ್ಮ ಶೇರತೇ ॥ ೧೦ ॥
ಯತ್ರ ಸ್ವಪಿತೃಣಾಂ ದೇಹಾ ಭಸ್ಮೀಭೂತಾಃ ಸ್ಮ ಶೇರತೇ ॥ ೧೦ ॥
ರಥೇನ ವಾಯುವೇಗೇನ ಪ್ರಯಾನ್ತಮನುಧಾವತೀ ।
ದೇಶಾನ್ಪುನನ್ತೀ ನಿರ್ದಗ್ಧಾನಾಸಿಞ್ಚತ್ಸಗರಾತ್ಮಜಾನ್ ॥ ೧೧ ॥
ದೇಶಾನ್ಪುನನ್ತೀ ನಿರ್ದಗ್ಧಾನಾಸಿಞ್ಚತ್ಸಗರಾತ್ಮಜಾನ್ ॥ ೧೧ ॥
ಯಜ್ಜಲಸ್ಪರ್ಶಮಾತ್ರೇಣ ಬ್ರಹ್ಮದಣ್ಡಹತಾ ಅಪಿ ।
ಸಗರಾತ್ಮಜಾ ದಿವಂ ಜಗ್ಮುಃ ಕೇವಲಂ ದೇಹಭಸ್ಮಭಿಃ ॥ ೧೨ ॥
ಸಗರಾತ್ಮಜಾ ದಿವಂ ಜಗ್ಮುಃ ಕೇವಲಂ ದೇಹಭಸ್ಮಭಿಃ ॥ ೧೨ ॥
ಭಸ್ಮೀಭೂತಾಙ್ಗಸಙ್ಗೇನ ಸ್ವರ್ಯಾತಾಃ ಸಗರಾತ್ಮಜಾಃ ।
ಕಿಂ ಪುನಃ ಶ್ರದ್ಧಯಾ ದೇವೀಂ ಸೇವನ್ತೇ ಯೇ ಧೃತವ್ರತಾಃ ॥ ೧೩ ॥
ಕಿಂ ಪುನಃ ಶ್ರದ್ಧಯಾ ದೇವೀಂ ಸೇವನ್ತೇ ಯೇ ಧೃತವ್ರತಾಃ ॥ ೧೩ ॥
ನ ಹ್ಯೇತತ್ ಪರಮಾಶ್ಚರ್ಯಂ ಸ್ವರ್ಧುನ್ಯಾ ಯದಿಹೋದಿತಮ್ ।
ಅನನ್ತಚರಣಾಮ್ಭೋಜಪ್ರಸೂತಾಯಾ ಭವಚ್ಛಿದಃ ॥ ೧೪ ॥
ಅನನ್ತಚರಣಾಮ್ಭೋಜಪ್ರಸೂತಾಯಾ ಭವಚ್ಛಿದಃ ॥ ೧೪ ॥
ಸನ್ನಿವೇಶ್ಯ ಮನೋ ಯಸ್ಮಿಞ್ಛ್ರದ್ಧಯಾ ಮುನಯೋಽಮಲಾಃ ।
ತ್ರೈಗುಣ್ಯಂ ದುಸ್ತ್ಯಜಂ ಹಿತ್ವಾ ಸದ್ಯೋ ಯಾತಾಸ್ತದಾತ್ಮತಾಮ್ ॥ ೧೫ ॥
ತ್ರೈಗುಣ್ಯಂ ದುಸ್ತ್ಯಜಂ ಹಿತ್ವಾ ಸದ್ಯೋ ಯಾತಾಸ್ತದಾತ್ಮತಾಮ್ ॥ ೧೫ ॥
ಶ್ರುತೋ ಭಗೀರಥಾಜ್ಜಜ್ಞೇ ತಸ್ಯ ನಾಭೋಽಪರೋಽಭವತ್ ।
ಸಿನ್ಧುದ್ವೀಪಸ್ತತಸ್ತಸ್ಮಾದಯುತಾಯುಸ್ತತೋಽಭವತ್ ॥ ೧೬ ॥
ಸಿನ್ಧುದ್ವೀಪಸ್ತತಸ್ತಸ್ಮಾದಯುತಾಯುಸ್ತತೋಽಭವತ್ ॥ ೧೬ ॥
ಋತೂಪರ್ಣೋ ನಲಸಖೋ ಯೋಽಶ್ವವಿದ್ಯಾಮಯಾನ್ನಲಾತ್ ।
ದತ್ತ್ವಾಕ್ಷಹೃದಯಂ ಚಾಸ್ಮೈ ಸರ್ವಕಾಮಸ್ತು ತತ್ಸುತಮ್ ॥ ೧೭ ॥
ದತ್ತ್ವಾಕ್ಷಹೃದಯಂ ಚಾಸ್ಮೈ ಸರ್ವಕಾಮಸ್ತು ತತ್ಸುತಮ್ ॥ ೧೭ ॥
ತತಃ ಸುದಾಸಸ್ತತ್ಪುತ್ರೋ ದಮಯನ್ತೀಪತಿರ್ನೃಪಃ ।
ಆಹುರ್ಮಿತ್ರಸಹಂ ಯಂ ವೈ ಕಲ್ಮಾಷಾಙ್ಘ್ರಿಮುತ ಕ್ವಚಿತ್ ।
ವಸಿಷ್ಠಶಾಪಾದ್ ರಕ್ಷೋಽಭೂದನಪತ್ಯಃ ಸ್ವಕರ್ಮಣಾ ॥ ೧೮ ॥
ಆಹುರ್ಮಿತ್ರಸಹಂ ಯಂ ವೈ ಕಲ್ಮಾಷಾಙ್ಘ್ರಿಮುತ ಕ್ವಚಿತ್ ।
ವಸಿಷ್ಠಶಾಪಾದ್ ರಕ್ಷೋಽಭೂದನಪತ್ಯಃ ಸ್ವಕರ್ಮಣಾ ॥ ೧೮ ॥
ಶ್ರೀರಾಜೋವಾಚ
ಕಿಂ ನಿಮಿತ್ತೋ ಗುರೋಃ ಶಾಪಃ ಸೌದಾಸಸ್ಯ ಮಹಾತ್ಮನಃ ।
ಏತದ್ ವೇದಿತುಮಿಚ್ಛಾಮಃ ಕಥ್ಯತಾಂ ನ ರಹೋ ಯದಿ ॥ ೧೯ ॥
ಕಿಂ ನಿಮಿತ್ತೋ ಗುರೋಃ ಶಾಪಃ ಸೌದಾಸಸ್ಯ ಮಹಾತ್ಮನಃ ।
ಏತದ್ ವೇದಿತುಮಿಚ್ಛಾಮಃ ಕಥ್ಯತಾಂ ನ ರಹೋ ಯದಿ ॥ ೧೯ ॥
ಶ್ರೀಶುಕ ಉವಾಚ
ಸೌದಾಸೋ ಮೃಗಯಾಂ ಕಿಞ್ಚಿಚ್ಚರನ್ ರಕ್ಷೋ ಜಘಾನ ಹ ।
ಮುಮೋಚ ಭ್ರಾತರಂ ಸೋಽಥ ಗತಃ ಪ್ರತಿಚಿಕೀರ್ಷಯಾ ॥ ೨೦ ॥
ಸೌದಾಸೋ ಮೃಗಯಾಂ ಕಿಞ್ಚಿಚ್ಚರನ್ ರಕ್ಷೋ ಜಘಾನ ಹ ।
ಮುಮೋಚ ಭ್ರಾತರಂ ಸೋಽಥ ಗತಃ ಪ್ರತಿಚಿಕೀರ್ಷಯಾ ॥ ೨೦ ॥
ಸಞ್ಚಿನ್ತಯನ್ನಘಂ ರಾಜ್ಞಃ ಸೂದರೂಪಧರೋ ಗೃಹೇ ।
ಗುರವೇ ಭೋಕ್ತುಕಾಮಾಯ ಪಕ್ತ್ವಾ ನಿನ್ಯೇ ನರಾಮಿಷಮ್ ॥ ೨೧ ॥
ಗುರವೇ ಭೋಕ್ತುಕಾಮಾಯ ಪಕ್ತ್ವಾ ನಿನ್ಯೇ ನರಾಮಿಷಮ್ ॥ ೨೧ ॥
ಪರಿವೇಕ್ಷ್ಯಮಾಣಂ ಭಗವಾನ್ ವಿಲೋಕ್ಯಾಭಕ್ಷ್ಯಮಞ್ಜಸಾ ।
ರಾಜಾನಮಶಪತ್ ಕ್ರುದ್ಧೋ ರಕ್ಷೋ ಹ್ಯೇವಂ ಭವಿಷ್ಯಸಿ ॥ ೨೨ ॥
ರಾಜಾನಮಶಪತ್ ಕ್ರುದ್ಧೋ ರಕ್ಷೋ ಹ್ಯೇವಂ ಭವಿಷ್ಯಸಿ ॥ ೨೨ ॥
ರಕ್ಷಃಕೃತಂ ತದ್ ವಿದಿತ್ವಾ ಚಕ್ರೇ ದ್ವಾದಶವಾರ್ಷಿಕಮ್ ।
ಸೋಽಪ್ಯಪೋಽಞ್ಜಲಿಮಾದಾಯ ಗುರುಂ ಶಪ್ತುಂ ಸಮುದ್ಯತಃ ॥ ೨೩ ॥
ಸೋಽಪ್ಯಪೋಽಞ್ಜಲಿಮಾದಾಯ ಗುರುಂ ಶಪ್ತುಂ ಸಮುದ್ಯತಃ ॥ ೨೩ ॥
ವಾರಿತೋ ಮದಯನ್ತ್ಯಾಪೋ ರುಶತೀಃ ಪಾದಯೋರ್ಜಹೌ ।
ದಿಶಃ ಖಮವನೀಂ ಸರ್ವಂ ಪಶ್ಯಞ್ಜೀವಮಯಂ ನೃಪಃ ॥ ೨೪ ॥
ದಿಶಃ ಖಮವನೀಂ ಸರ್ವಂ ಪಶ್ಯಞ್ಜೀವಮಯಂ ನೃಪಃ ॥ ೨೪ ॥
ರಾಕ್ಷಸಂ ಭಾವಮಾಪನ್ನಃ ಪಾದೇ ಕಲ್ಮಾಷತಾಂ ಗತಃ ।
ವ್ಯವಾಯಕಾಲೇ ದದೃಶೇ ವನೌಕೋದಮ್ಪತೀ ದ್ವಿಜೌ ॥ ೨೫ ॥
ವ್ಯವಾಯಕಾಲೇ ದದೃಶೇ ವನೌಕೋದಮ್ಪತೀ ದ್ವಿಜೌ ॥ ೨೫ ॥
ಕ್ಷುಧಾರ್ತೋ ಜಗೃಹೇ ವಿಪ್ರಂ ತತ್ಪತ್ನ್ಯಾಹಾಕೃತಾರ್ಥವತ್ ।
ನ ಭವಾನ್ ರಾಕ್ಷಸಃ ಸಾಕ್ಷಾದಿಕ್ಷ್ವಾಕೂಣಾಂ ಮಹಾರಥಃ ॥ ೨೬ ॥
ನ ಭವಾನ್ ರಾಕ್ಷಸಃ ಸಾಕ್ಷಾದಿಕ್ಷ್ವಾಕೂಣಾಂ ಮಹಾರಥಃ ॥ ೨೬ ॥
ಮದಯನ್ತ್ಯಾಃ ಪತಿರ್ವೀರ ನಾಧರ್ಮಂ ಕರ್ತುಮರ್ಹಸಿ ।
ದೇಹಿ ಮೇಽಪತ್ಯಕಾಮಾಯಾ ಅಕೃತಾರ್ಥಂ ಪತಿಂ ದ್ವಿಜಮ್ ॥ ೨೭ ॥
ದೇಹಿ ಮೇಽಪತ್ಯಕಾಮಾಯಾ ಅಕೃತಾರ್ಥಂ ಪತಿಂ ದ್ವಿಜಮ್ ॥ ೨೭ ॥
ದೇಹೋಽಯಂ ಮಾನುಷೋ ರಾಜನ್ ಪುರುಷಸ್ಯಾಖಿಲಾರ್ಥದಃ ।
ತಸ್ಮಾದಸ್ಯ ವಧೋ ವೀರ ಸರ್ವಾರ್ಥವಧ ಉಚ್ಯತೇ ॥ ೨೮ ॥
ತಸ್ಮಾದಸ್ಯ ವಧೋ ವೀರ ಸರ್ವಾರ್ಥವಧ ಉಚ್ಯತೇ ॥ ೨೮ ॥
ಏಷ ಹಿ ಬ್ರಾಹ್ಮಣೋ ವಿದ್ವಾಂಸ್ತಪಃಶೀಲಗುಣಾನ್ವಿತಃ ।
ಆರಿರಾಧಯಿಷುರ್ಬ್ರಹ್ಮ ಮಹಾಪುರುಷಸಂಜ್ಞಿತಮ್ ।
ಸರ್ವಭೂತಾತ್ಮಭಾವೇನ ಭೂತೇಷ್ವನ್ತರ್ಹಿತಂ ಗುಣೈಃ ॥ ೨೯ ॥
ಆರಿರಾಧಯಿಷುರ್ಬ್ರಹ್ಮ ಮಹಾಪುರುಷಸಂಜ್ಞಿತಮ್ ।
ಸರ್ವಭೂತಾತ್ಮಭಾವೇನ ಭೂತೇಷ್ವನ್ತರ್ಹಿತಂ ಗುಣೈಃ ॥ ೨೯ ॥
ಸೋಽಯಂ ಬ್ರಹ್ಮರ್ಷಿವರ್ಯಸ್ತೇ ರಾಜರ್ಷಿಪ್ರವರಾದ್ ವಿಭೋ ।
ಕಥಮರ್ಹತಿ ಧರ್ಮಜ್ಞ ವಧಂ ಪಿತುರಿವಾತ್ಮಜಃ ॥ ೩೦ ॥
ಕಥಮರ್ಹತಿ ಧರ್ಮಜ್ಞ ವಧಂ ಪಿತುರಿವಾತ್ಮಜಃ ॥ ೩೦ ॥
ತಸ್ಯ ಸಾಧೋರಪಾಪಸ್ಯ ಭ್ರೂಣಸ್ಯ ಬ್ರಹ್ಮವಾದಿನಃ ।
ಕಥಂ ವಧಂ ಯಥಾ ಬಭ್ರೋರ್ಮನ್ಯತೇ ಸನ್ಮತೋ ಭವಾನ್ ॥ ೩೧ ॥
ಕಥಂ ವಧಂ ಯಥಾ ಬಭ್ರೋರ್ಮನ್ಯತೇ ಸನ್ಮತೋ ಭವಾನ್ ॥ ೩೧ ॥
ಯದ್ಯಯಂ ಕ್ರಿಯತೇ ಭಕ್ಷ್ಯಸ್ತರ್ಹಿ ಮಾಂ ಖಾದ ಪೂರ್ವತಃ ।
ನ ಜೀವಿಷ್ಯೇ ವಿನಾ ಯೇನ ಕ್ಷಣಂ ಚ ಮೃತಕಂ ಯಥಾ ॥ ೩೨ ॥
ನ ಜೀವಿಷ್ಯೇ ವಿನಾ ಯೇನ ಕ್ಷಣಂ ಚ ಮೃತಕಂ ಯಥಾ ॥ ೩೨ ॥
ಏವಂ ಕರುಣಭಾಷಿಣ್ಯಾ ವಿಲಪನ್ತ್ಯಾ ಅನಾಥವತ್ ।
ವ್ಯಾಘ್ರಃ ಪಶುಮಿವಾಖಾದತ್ ಸೌದಾಸಃ ಶಾಪಮೋಹಿತಃ ॥ ೩೩ ॥
ವ್ಯಾಘ್ರಃ ಪಶುಮಿವಾಖಾದತ್ ಸೌದಾಸಃ ಶಾಪಮೋಹಿತಃ ॥ ೩೩ ॥
ಬ್ರಾಹ್ಮಣೀ ವೀಕ್ಷ್ಯ ದಿಧಿಷುಂ ಪುರುಷಾದೇನ ಭಕ್ಷಿತಮ್ ।
ಶೋಚನ್ತ್ಯಾತ್ಮಾನಮುರ್ವೀಶಮಶಪತ್ ಕುಪಿತಾ ಸತೀ ॥ ೩೪ ॥
ಶೋಚನ್ತ್ಯಾತ್ಮಾನಮುರ್ವೀಶಮಶಪತ್ ಕುಪಿತಾ ಸತೀ ॥ ೩೪ ॥
ಯಸ್ಮಾನ್ಮೇ ಭಕ್ಷಿತಃ ಪಾಪ ಕಾಮಾರ್ತಾಯಾಃ ಪತಿಸ್ತ್ವಯಾ ।
ತವಾಪಿ ಮೃತ್ಯುರಾಧಾನಾದಕೃತಪ್ರಜ್ಞ ದರ್ಶಿತಃ ॥ ೩೫ ॥
ತವಾಪಿ ಮೃತ್ಯುರಾಧಾನಾದಕೃತಪ್ರಜ್ಞ ದರ್ಶಿತಃ ॥ ೩೫ ॥
ಏವಂ ಮಿತ್ರಸಹಂ ಶಪ್ತ್ವಾ ಪತಿಲೋಕಪರಾಯಣಾ ।
ತದಸ್ಥೀನಿ ಸಮಿದ್ಧೇಽಗ್ನೌ ಪ್ರಾಸ್ಯ ಭರ್ತುರ್ಗತಿಂ ಗತಾ ॥ ೩೬ ॥
ತದಸ್ಥೀನಿ ಸಮಿದ್ಧೇಽಗ್ನೌ ಪ್ರಾಸ್ಯ ಭರ್ತುರ್ಗತಿಂ ಗತಾ ॥ ೩೬ ॥
ವಿಶಾಪೋ ದ್ವಾದಶಾಬ್ದಾನ್ತೇ ಮೈಥುನಾಯ ಸಮುದ್ಯತಃ ।
ವಿಜ್ಞಾಪ್ಯ ಬ್ರಾಹ್ಮಣೀಶಾಪಂ ಮಹಿಷ್ಯಾ ಸ ನಿವಾರಿತಃ ॥ ೩೭ ॥
ವಿಜ್ಞಾಪ್ಯ ಬ್ರಾಹ್ಮಣೀಶಾಪಂ ಮಹಿಷ್ಯಾ ಸ ನಿವಾರಿತಃ ॥ ೩೭ ॥
ಅತ ಊರ್ಧ್ವಂ ಸ ತತ್ಯಾಜ ಸ್ತ್ರೀಸುಖಂ ಕರ್ಮಣಾಪ್ರಜಾಃ ।
ವಸಿಷ್ಠಸ್ತದನುಜ್ಞಾತೋ ಮದಯನ್ತ್ಯಾಂ ಪ್ರಜಾಮಧಾತ್ ॥ ೩೮ ॥
ವಸಿಷ್ಠಸ್ತದನುಜ್ಞಾತೋ ಮದಯನ್ತ್ಯಾಂ ಪ್ರಜಾಮಧಾತ್ ॥ ೩೮ ॥
ಸಾ ವೈ ಸಪ್ತ ಸಮಾ ಗರ್ಭಮಬಿಭ್ರನ್ನ ವ್ಯಜಾಯತ ।
ಜಘ್ನೇಽಶ್ಮನೋದರಂ ತಸ್ಯಾಃ ಸೋಽಶ್ಮಕಸ್ತೇನ ಕಥ್ಯತೇ ॥ ೩೯ ॥
ಜಘ್ನೇಽಶ್ಮನೋದರಂ ತಸ್ಯಾಃ ಸೋಽಶ್ಮಕಸ್ತೇನ ಕಥ್ಯತೇ ॥ ೩೯ ॥
ಅಶ್ಮಕಾದ್ಬಾಲಿಕೋ ಜಜ್ಞೇ ಯಃ ಸ್ತ್ರೀಭಿಃ ಪರಿರಕ್ಷಿತಃ ।
ನಾರೀಕವಚ ಇತ್ಯುಕ್ತೋ ನಿಃಕ್ಷತ್ರೇ ಮೂಲಕೋಽಭವತ್ ॥ ೪೦ ॥
ನಾರೀಕವಚ ಇತ್ಯುಕ್ತೋ ನಿಃಕ್ಷತ್ರೇ ಮೂಲಕೋಽಭವತ್ ॥ ೪೦ ॥
ತತೋ ದಶರಥಸ್ತಸ್ಮಾತ್ ಪುತ್ರ ಐಡವಿಡಿಸ್ತತಃ ।
ರಾಜಾ ವಿಶ್ವಸಹೋ ಯಸ್ಯ ಖಟ್ವಾಙ್ಗಶ್ಚಕ್ರವರ್ತ್ಯಭೂತ್ ॥ ೪೧ ॥
ರಾಜಾ ವಿಶ್ವಸಹೋ ಯಸ್ಯ ಖಟ್ವಾಙ್ಗಶ್ಚಕ್ರವರ್ತ್ಯಭೂತ್ ॥ ೪೧ ॥
ಯೋ ದೇವೈರರ್ಥಿತೋ ದೈತ್ಯಾನವಧೀದ್ ಯುಧಿ ದುರ್ಜಯಃ ।
ಮುಹೂರ್ತಮಾಯುರ್ಜ್ಞಾತ್ವೈತ್ಯ ಸ್ವಪುರಂ ಸನ್ದಧೇ ಮನಃ ॥ ೪೨ ॥
ಮುಹೂರ್ತಮಾಯುರ್ಜ್ಞಾತ್ವೈತ್ಯ ಸ್ವಪುರಂ ಸನ್ದಧೇ ಮನಃ ॥ ೪೨ ॥
ನ ಮೇ ಬ್ರಹ್ಮಕುಲಾತ್ ಪ್ರಾಣಾಃ ಕುಲದೈವಾನ್ನ ಚಾತ್ಮಜಾಃ ।
ನ ಶ್ರಿಯೋ ನ ಮಹೀ ರಾಜ್ಯಂ ನ ದಾರಾಶ್ಚಾತಿವಲ್ಲಭಾಃ ॥ ೪೩ ॥
ನ ಶ್ರಿಯೋ ನ ಮಹೀ ರಾಜ್ಯಂ ನ ದಾರಾಶ್ಚಾತಿವಲ್ಲಭಾಃ ॥ ೪೩ ॥
ನ ಬಾಲ್ಯೇಽಪಿ ಮತಿರ್ಮಹ್ಯಮಧರ್ಮೇ ರಮತೇ ಕ್ವಚಿತ್ ।
ನಾಪಶ್ಯಮುತ್ತಮಶ್ಲೋಕಾದನ್ಯತ್ ಕಿಞ್ಚನ ವಸ್ತ್ವಹಮ್ ॥ ೪೪ ॥
ನಾಪಶ್ಯಮುತ್ತಮಶ್ಲೋಕಾದನ್ಯತ್ ಕಿಞ್ಚನ ವಸ್ತ್ವಹಮ್ ॥ ೪೪ ॥
ದೇವೈಃ ಕಾಮವರೋ ದತ್ತೋ ಮಹ್ಯಂ ತ್ರಿಭುವನೇಶ್ವರೈಃ ।
ನ ವೃಣೇ ತಮಹಂ ಕಾಮಂ ಭೂತಭಾವನಭಾವನಃ ॥ ೪೫ ॥
ನ ವೃಣೇ ತಮಹಂ ಕಾಮಂ ಭೂತಭಾವನಭಾವನಃ ॥ ೪೫ ॥
ಯೇ ವಿಕ್ಷಿಪ್ತೇನ್ದ್ರಿಯಧಿಯೋ ದೇವಾಸ್ತೇ ಸ್ವಹೃದಿ ಸ್ಥಿತಮ್ ।
ನ ವಿನ್ದನ್ತಿ ಪ್ರಿಯಂ ಶಶ್ವದಾತ್ಮಾನಂ ಕಿಮುತಾಪರೇ ॥ ೪೬ ॥
ನ ವಿನ್ದನ್ತಿ ಪ್ರಿಯಂ ಶಶ್ವದಾತ್ಮಾನಂ ಕಿಮುತಾಪರೇ ॥ ೪೬ ॥
ಅಥೇಶಮಾಯಾರಚಿತೇಷು ಸಙ್ಗಂ
ಗುಣೇಷು ಗನ್ಧರ್ವಪುರೋಪಮೇಷು ।
ರೂಢಂ ಪ್ರಕೃತ್ಯಾತ್ಮನಿ ವಿಶ್ವಕರ್ತು-
ರ್ಭಾವೇನ ಹಿತ್ವಾ ತಮಹಂ ಪ್ರಪದ್ಯೇ ॥ ೪೭ ॥
ಗುಣೇಷು ಗನ್ಧರ್ವಪುರೋಪಮೇಷು ।
ರೂಢಂ ಪ್ರಕೃತ್ಯಾತ್ಮನಿ ವಿಶ್ವಕರ್ತು-
ರ್ಭಾವೇನ ಹಿತ್ವಾ ತಮಹಂ ಪ್ರಪದ್ಯೇ ॥ ೪೭ ॥
ಇತಿ ವ್ಯವಸಿತೋ ಬುದ್ಧ್ಯಾ ನಾರಾಯಣಗೃಹೀತಯಾ ।
ಹಿತ್ವಾನ್ಯಭಾವಮಜ್ಞಾನಂ ತತಃ ಸ್ವಂ ಭಾವಮಾಸ್ಥಿತಃ ॥ ೪೮ ॥
ಹಿತ್ವಾನ್ಯಭಾವಮಜ್ಞಾನಂ ತತಃ ಸ್ವಂ ಭಾವಮಾಸ್ಥಿತಃ ॥ ೪೮ ॥
ಯತ್ ತದ್ ಬ್ರಹ್ಮ ಪರಂ ಸೂಕ್ಷ್ಮಮಶೂನ್ಯಂ ಶೂನ್ಯಕಲ್ಪಿತಮ್ ।
ಭಗವಾನ್ ವಾಸುದೇವೇತಿ ಯಂ ಗೃಣನ್ತಿ ಹಿ ಸಾತ್ವತಾಃ ॥ ೪೯ ॥
ಭಗವಾನ್ ವಾಸುದೇವೇತಿ ಯಂ ಗೃಣನ್ತಿ ಹಿ ಸಾತ್ವತಾಃ ॥ ೪೯ ॥