What is Bhagavad Gita Chapter 17 — Śraddhā-Traya Vibhāga Yoga?

Read Bhagavad Gita Chapter 17 — Śraddhā-Traya Vibhāga Yoga in Assamese script — full lyrics with English meaning and transliteration. Arjuna asks about those who perform spiritual practices without scriptural guidance but with faith — whether their faith is pure or misguided. Krishna replies that faith reflects one’s dominant guṇa. Those governed by sattva worship the divine with reverence and self-control; rajas impels worship for worldly gain; tamas leads to distorted or harmful practices born of ignorance. Even food, sacrifice, austerity, and charity reveal these tendencies. Krishna classifies food according to its effect on body and mind — sattvic foods promote health and serenity, rajasic foods excite passion, and tamasic foods dull awareness.

Which deity is Bhagavad Gita Chapter 17 — Śraddhā-Traya Vibhāga Yoga dedicated to?

Bhagavad Gita Chapter 17 — Śraddhā-Traya Vibhāga Yoga is a Sanskrit hymn dedicated to Lord Krishna.

Who composed Bhagavad Gita Chapter 17 — Śraddhā-Traya Vibhāga Yoga?

Bhagavad Gita Chapter 17 — Śraddhā-Traya Vibhāga Yoga is traditionally attributed to Vyasa.

Bhagavad Gita Chapter 17 — Śraddhā-Traya… in Assamese

ওঁ শ্ৰী পৰমাত্মনে নমঃ

অথ সপ্তদশোঽধ্যাযঃ ।

শ্ৰদ্ধাত্ৰযৱিভাগযোগঃ
অৰ্জুন উৱাচ

যে শাস্ত্ৰৱিধিমুত্সৃজ্য যজন্তে শ্ৰদ্ধযান্ৱিতাঃ ।
তেষাং নিষ্ঠা তু কা কৃষ্ণ সত্ত্ৱমাহো ৰজস্তমঃ ॥ 1 ॥

শ্ৰীভগৱানুৱাচ

ত্ৰিৱিধা ভৱতি শ্ৰদ্ধা দেহিনাং সা স্ৱভাৱজা ।
সাত্ত্ৱিকী ৰাজসী চৈৱ তামসী চেতি তাং শৃণু ॥ 2 ॥

সত্ত্ৱানুৰূপা সৰ্ৱস্য শ্ৰদ্ধা ভৱতি ভাৰত ।
শ্ৰদ্ধামযোঽযং পুৰুষো যো যচ্ছ্ৰদ্ধঃ স এৱ সঃ ॥ 3 ॥

যজন্তে সাত্ত্ৱিকা দেৱান্যক্ষৰক্ষাংসি ৰাজসাঃ ।
প্ৰেতান্ভূতগণাংশ্চান্যে যজন্তে তামসা জনাঃ ॥ 4 ॥

অশাস্ত্ৰৱিহিতং ঘোৰং তপ্যন্তে যে তপো জনাঃ ।
দম্ভাহঙ্কাৰসংযুক্তাঃ কামৰাগবলান্ৱিতাঃ ॥ 5 ॥

কৰ্ষযন্তঃ শৰীৰস্থং ভূতগ্ৰামমচেতসঃ ।
মাং চৈৱান্তঃশৰীৰস্থং তান্ৱিদ্ধ্যাসুৰনিশ্চযান্ ॥ 6 ॥

আহাৰস্ত্ৱপি সৰ্ৱস্য ত্ৰিৱিধো ভৱতি প্ৰিযঃ ।
যজ্ঞস্তপস্তথা দানং তেষাং ভেদমিমং শৃণু ॥ 7 ॥

আযুঃসত্ত্ৱবলাৰোগ্যসুখপ্ৰীতিৱিৱৰ্ধনাঃ ।
ৰস্যাঃ স্নিগ্ধাঃ স্থিৰা হৃদ্যা আহাৰাঃ সাত্ত্ৱিকপ্ৰিযাঃ ॥ 8 ॥

কট্ৱম্ললৱণাত্যুষ্ণতীক্ষ্ণৰূক্ষৱিদাহিনঃ ।
আহাৰা ৰাজসস্যেষ্টা দুঃখশোকামযপ্ৰদাঃ ॥ 9 ॥

যাতযামং গতৰসং পূতি পৰ্যুষিতং চ যত্ ।
উচ্ছিষ্টমপি চামেধ্যং ভোজনং তামসপ্ৰিযম্ ॥ 10 ॥

অফলাকাঙ্ক্ষিভিৰ্যজ্ঞো ৱিধিদৃষ্টো য ইজ্যতে ।
যষ্টৱ্যমেৱেতি মনঃ সমাধায স সাত্ত্ৱিকঃ ॥ 11 ॥

অভিসন্ধায তু ফলং দম্ভাৰ্থমপি চৈৱ যত্ ।
ইজ্যতে ভৰতশ্ৰেষ্ঠ তং যজ্ঞং ৱিদ্ধি ৰাজসম্ ॥ 12 ॥

ৱিধিহীনমসৃষ্টান্নং মন্ত্ৰহীনমদক্ষিণম্ ।
শ্ৰদ্ধাৱিৰহিতং যজ্ঞং তামসং পৰিচক্ষতে ॥ 13 ॥

দেৱদ্ৱিজগুৰুপ্ৰাজ্ঞপূজনং শৌচমাৰ্জৱম্ ।
ব্ৰহ্মচৰ্যমহিংসা চ শাৰীৰং তপ উচ্যতে ॥ 14 ॥

অনুদ্ৱেগকৰং ৱাক্যং সত্যং প্ৰিযহিতং চ যত্ ।
স্ৱাধ্যাযাভ্যসনং চৈৱ ৱাঙ্মযং তপ উচ্যতে ॥ 15 ॥

মনঃ প্ৰসাদঃ সৌম্যত্ৱং মৌনমাত্মৱিনিগ্ৰহঃ ।
ভাৱসংশুদ্ধিৰিত্যেতত্তপো মানসমুচ্যতে ॥ 16 ॥

শ্ৰদ্ধযা পৰযা তপ্তং তপস্তত্ত্ৰিৱিধং নৰৈঃ ।
অফলাকাঙ্ক্ষিভিৰ্যুক্তৈঃ সাত্ত্ৱিকং পৰিচক্ষতে ॥ 17 ॥

সত্কাৰমানপূজাৰ্থং তপো দম্ভেন চৈৱ যত্ ।
ক্ৰিযতে তদিহ প্ৰোক্তং ৰাজসং চলমধ্ৰুৱম্ ॥ 18 ॥

মূঢগ্ৰাহেণাত্মনো যত্পীডযা ক্ৰিযতে তপঃ ।
পৰস্যোত্সাদনাৰ্থং ৱা তত্তামসমুদাহৃতম্ ॥ 19 ॥

দাতৱ্যমিতি যদ্দানং দীযতেঽনুপকাৰিণে ।
দেশে কালে চ পাত্ৰে চ তদ্দানং সাত্ত্ৱিকং স্মৃতম্ ॥ 20 ॥

যত্তু প্ৰত্ত্যুপকাৰাৰ্থং ফলমুদ্দিশ্য ৱা পুনঃ ।
দীযতে চ পৰিক্লিষ্টং তদ্দানং ৰাজসং স্মৃতম্ ॥ 21 ॥

অদেশকালে যদ্দানমপাত্ৰেভ্যশ্চ দীযতে ।
অসত্কৃতমৱজ্ঞাতং তত্তামসমুদাহৃতম্ ॥ 22 ॥

ওঁ তত্সদিতি নিৰ্দেশো ব্ৰহ্মণস্ত্ৰিৱিধঃ স্মৃতঃ ।
ব্ৰাহ্মণাস্তেন ৱেদাশ্চ যজ্ঞাশ্চ ৱিহিতাঃ পুৰা ॥ 23 ॥

তস্মাদোমিত্যুদাহৃত্য যজ্ঞদানতপঃক্ৰিযাঃ ।
প্ৰৱৰ্তন্তে ৱিধানোক্তাঃ সততং ব্ৰহ্মৱাদিনাম্ ॥ 24 ॥

তদিত্যনভিসন্ধায ফলং যজ্ঞতপঃক্ৰিযাঃ ।
দানক্ৰিযাশ্চ ৱিৱিধাঃ ক্ৰিযন্তে মোক্ষকাঙ্ক্ষিভিঃ ॥ 25 ॥

সদ্ভাৱে সাধুভাৱে চ সদিত্যেতত্প্ৰযুজ্যতে ।
প্ৰশস্তে কৰ্মণি তথা সচ্ছব্দঃ পাৰ্থ যুজ্যতে ॥ 26 ॥

যজ্ঞে তপসি দানে চ স্থিতিঃ সদিতি চোচ্যতে ।
কৰ্ম চৈৱ তদৰ্থীযং সদিত্যেৱাভিধীযতে ॥ 27 ॥

অশ্ৰদ্ধযা হুতং দত্তং তপস্তপ্তং কৃতং চ যত্ ।
অসদিত্যুচ্যতে পাৰ্থ ন চ তত্প্ৰেত্য নো ইহ ॥ 28 ॥

ওঁ তত্সদিতি শ্ৰীমদ্ভগৱদ্গীতাসূপনিষত্সু ব্ৰহ্মৱিদ্যাযাং যোগশাস্ত্ৰে
শ্ৰীকৃষ্ণাৰ্জুনসংৱাদে শ্ৰদ্ধাত্ৰযৱিভাগযোগো নাম সপ্তদশোঽধ্যাযঃ ॥17 ॥

শ্ৰীমদ্ভগৱদ্গীতা মূলম্ - সপ্তদশোঽধ্যাযঃ

Explore More

More Krishna Stotras

Explore More