సూర్య నిత్య పూజా విధానమ్

ఆవశ్యకాని వస్తూని
- ఆసనం
- దీపః
- గన్ధః
- కుఙ్కుమం
- అక్షతాః
- పుష్పాణి
- ధూపః
- నైవేద్యం
- తామ్బూలం
- ఆచమనీయం
- పూజా పాత్రం
- కలశః
- శఙ్ఖః [optional]
- సూర్యనారాయణ స్వామి ప్రతిమా వా చిత్రపటః వా
పూర్వాఙ్గ పూజా

శ్రీమహాగణాధిపతయే నమః ।
శ్రీ గురుభ్యో నమః ।
హరిః ఓమ్ ।

శుచిః
అపవిత్రః పవిత్రో వా సర్వావస్థాం గతోఽపి వా ।
యః స్మరేత్ పుణ్డరీకాక్షం స బాహ్యాభ్యన్తరః శుచిః ॥
పుణ్డరీకాక్ష పుణ్డరీకాక్ష పుణ్డరీకాక్షాయ నమః ॥

ప్రార్థనా
శుక్లామ్బరధరం విష్ణుం శశివర్ణం చతుర్భుజమ్ ।
ప్రసన్నవదనం ధ్యాయేత్ సర్వవిఘ్నోపశాన్తయే ॥
అగజానన పద్మార్కం గజాననమహర్నిశమ్ ।
అనేకదం తం భక్తానాం ఏకదన్తముపాస్మహే ॥
తదేవ లగ్నం సుదినం తదేవ
తారాబలం చన్ద్రబలం తదేవ ।
విద్యాబలం దైవబలం తదేవ
లక్ష్మీపతే తేఽఙ్ఘ్రియుగం స్మరామి ॥
గురుర్బ్రహ్మా గురుర్విష్ణుః గురుర్దేవో మహేశ్వరః ।
గురుః సాక్షాత్ పరబ్రహ్మ తస్మై శ్రీగురవే నమః ॥
సర్వమఙ్గల మాఙ్గల్యే శివే సర్వార్థసాధికే ।
శరణ్యే త్ర్యమ్బకే గౌరీ నారాయణి నమోఽస్తు తే ॥
శ్రీలక్ష్మీనారాయణాభ్యాం నమః ।
ఉమామహేశ్వరాభ్యాం నమః ।
వాణీహిరణ్యగర్భాభ్యాం నమః ।
శచీపురన్దరాభ్యాం నమః ।
అరున్ధతీవసిష్ఠాభ్యాం నమః ।
శ్రీసీతారామాభ్యాం నమః ।
మాతాపితృభ్యో నమః ।
సర్వేభ్యో మహాజనేభ్యో నమః ।

ఆచమనం
ఓం కేశవాయ స్వాహా ।
ఓం నారాయణాయ స్వాహా ।
ఓం మాధవాయ స్వాహా ।
ఓం గోవిన్దాయ నమః ।
ఓం విష్ణవే నమః ।
ఓం మధుసూదనాయ నమః ।
ఓం త్రివిక్రమాయ నమః ।
ఓం వామనాయ నమః ।
ఓం శ్రీధరాయ నమః ।
ఓం హృషీకేశాయ నమః ।
ఓం పద్మనాభాయ నమః ।
ఓం దామోదరాయ నమః ।
ఓం సఙ్కర్షణాయ నమః ।
ఓం వాసుదేవాయ నమః ।
ఓం ప్రద్యుమ్నాయ నమః ।
ఓం అనిరుద్ధాయ నమః ।
ఓం పురుషోత్తమాయ నమః ।
ఓం అధోక్షజాయ నమః ।
ఓం నారసింహాయ నమః ।
ఓం అచ్యుతాయ నమః ।
ఓం జనార్దనాయ నమః ।
ఓం ఉపేన్ద్రాయ నమః ।
ఓం హరయే నమః ।
ఓం శ్రీకృష్ణాయ నమః ।

దీపారాధనమ్
దీపస్త్వం బ్రహ్మరూపోఽసి జ్యోతిషాం ప్రభురవ్యయః ।
సౌభాగ్యం దేహి పుత్రాంశ్చ సర్వాన్కామాంశ్చ దేహి మే ॥
భో దీప దేవి రూపస్త్వం కర్మసాక్షీ హ్యవిఘ్నకృత్ ।
యావత్పూజాం కరిష్యామి తావత్త్వం సుస్థిరో భవ ॥
దీపారాధన ముహూర్తః సుముహూర్తోఽస్తు ॥

భూతోచ్చాటనమ్
ఉత్తిష్ఠన్తు భూతపిశాచాః య ఏతే భూమిభారకాః ।
ఏతేషామవిరోధేన బ్రహ్మకర్మ సమారభే ॥
అపసర్పన్తు తే భూతా యే భూతా భూమిసంస్థితాః ।
యే భూతా విఘ్నకర్తారస్తే గచ్ఛన్తు శివాఽజ్ఞయా ॥

ప్రాణాయామః
ఓ-మ్భూః । ఓ-మ్భువః । ఓగ్ం సువః । ఓ-మ్మహః । ఓ-ఞ్జనః । ఓ-న్తపః । ఓగ్ం సత్యమ్ ।
ఓ-న్తత్సవితుర్వరేణ్య-మ్భర్గో దేవస్య ధీమహి ।
ధియో యో నః ప్రచోదయాత్ ॥
ఓమాపో జ్యోతీ రసో-ఽమృత-మ్బ్రహ్మ భూర్భువస్సువరోమ్ ॥

సఙ్కల్పః
మమ ఉపాత్త సమస్త దురితక్షయ ద్వారా శ్రీపరమేశ్వర ప్రీత్యర్థం, మమ/అస్మాకం సహకుటుమ్బస్య క్షేమ-స్థైర్య-ధైర్య-వీర్య-విజయ-అభయ-ఆయుః-ఆరోగ్య-ఐశ్వర్య-అభివృద్ధ్యర్థం, ఆరోగ్య-తేజస్-బల-ప్రాప్త్యర్థం, ధర్మార్థ-కామ-మోక్ష-చతుర్విధ-పురుషార్థ-ఫల-సిద్ధ్యర్థం, శ్రీసూర్యనారాయణ స్వామి-ప్రీత్యర్థం, యావచ్ఛక్తి ధ్యాన-ఆవాహనాది-షోడశోపచార-పూజాం కరిష్యే ॥
తదఙ్గ కలశారాధనం కరిష్యే ॥

కలశారాధనమ్
కలశే గన్ధ పుష్పాక్షతైరభ్యర్చ్య ।
కలశే ఉదకం పూరయిత్వా ।
కలశస్యోపరి హస్తం నిధాయ ।
కలశస్య ముఖే విష్ణుః కణ్ఠే రుద్రః సమాశ్రితః ।
మూలే త్వస్య స్థితో బ్రహ్మా మధ్యే మాతృగణాః స్మృతాః ॥
కుక్షౌ తు సాగరాః సర్వే సప్తద్వీపా వసున్ధరా ।
ఋగ్వేదోఽథ యజుర్వేదో సామవేదో హ్యథర్వణః ॥
అఙ్గైశ్చ సహితాః సర్వే కలశామ్బు సమాశ్రితాః ॥
గఙ్గే చ యమునే చైవ గోదావరీ సరస్వతీ ।
నర్మదే సిన్ధు కావేరీ జలేఽస్మిన్ సన్నిధిం కురు ॥
కావేరీ తుఙ్గభద్రా చ కృష్ణవేణీ చ గౌతమీ ।
భాగీరథీతి విఖ్యాతాః పఞ్చగఙ్గాః ప్రకీర్తితాః ॥
ఆయాన్తు దేవపూజార్థం మమ దురితక్షయకారకాః ।
కలశోదకేన పూజా ద్రవ్యాణి సమ్ప్రోక్ష్య, దేవం సమ్ప్రోక్ష్య, ఆత్మానం చ సమ్ప్రోక్ష్య ॥

శఙ్ఖపూజా
శఙ్ఖం చన్ద్రార్క దైవతం మధ్యే వరుణ దేవతామ్ ।
పృష్ఠే ప్రజాపతిం విన్ద్యాదగ్రే గఙ్గా సరస్వతీమ్ ॥
త్రైలోక్యే యాని తీర్థాని వాసుదేవస్య ఆజ్ఞయా ।
శఙ్ఖే తిష్ఠన్తు విప్రేన్ద్రాః తస్మాత్ శఙ్ఖం ప్రపూజయేత్ ॥
ఓం శఙ్ఖాయ నమః ।
ఓం ధవలాయ నమః ।
ఓం పాఞ్చజన్యాయ నమః ।
ఓం శఙ్ఖదేవతాభ్యో నమః ।
సకలపూజార్థే అక్షతాన్ సమర్పయామి ॥

ఘణ్టానాదః
ఆగమార్థం తు దేవానాం గమనార్థం తు రాక్షసామ్ ।
ఘణ్టారవం కరోమ్యాదౌ దేవతాహ్వాన లాఞ్ఛనమ్ ॥
ఓం ఘణ్టాదేవతాభ్యో నమః ।
సకలోపచార పూజార్థే అక్షతాన్ సమర్పయామి ॥

శ్రీ మహాగణపతి పూజా
ఓ-ఙ్గణానా-న్త్వా గణపతిగ్ం హవామహే కవి-ఙ్కవీనాం ఉపమశ్రవస్తవమ్ ।
జ్యేష్ఠరాజ-మ్బ్రహ్మణా-మ్బ్రహ్మణస్పత ఆ నః శృణ్వన్నూతిభిస్సీద సాదనమ్ ॥
సుముఖశ్చైకదన్తశ్చ కపిలో గజకర్ణకః ।
లమ్బోదరశ్చ వికటో విఘ్నరాజో గణాధిపః ॥
ధూమకేతుర్గణాధ్యక్షః ఫాలచన్ద్రో గజాననః ।
వక్రతుణ్డః శూర్పకర్ణో హేరమ్బః స్కన్దపూర్వజః ॥
ఓం శ్రీమహాగణపతయే నమః ।
ధ్యాయామి । ఆవాహయామి । ఆసనం సమర్పయామి ।
పాద్యం సమర్పయామి । అర్ఘ్యం సమర్పయామి । ఆచమనీయం సమర్పయామి ।
స్నానం సమర్పయామి । వస్త్రం సమర్పయామి । యజ్ఞోపవీతం సమర్పయామి ।
గన్ధం సమర్పయామి । పుష్పాణి సమర్పయామి ।
ధూపమాఘ్రాపయామి । దీపం దర్శయామి ।
నైవేద్యం సమర్పయామి । తామ్బూలం సమర్పయామి ।
నీరాజనం సమర్పయామి । మన్త్రపుష్పం సమర్పయామి ।
ప్రదక్షిణ నమస్కారాన్ సమర్పయామి ॥

షోడశోపచార పూజా
సూర్యనారాయణ ధ్యానమ్
ధ్యేయః సదా సవితృమణ్డలమధ్యవర్తీ
నారాయణః సరసిజాసన సన్నివిష్టః ।
కేయూరవాన్ మకరకుణ్డలవాన్ కిరీటీ
హారీ హిరణ్మయవపుః ధృతశఙ్ఖచక్రః ॥
అరుణోఽరుణపఙ్కజే నిషణ్ణః
కమలేఽభీతివరౌ కరైర్దధానః ।
స్వరుచాహిత మణ్డలస్త్రినేత్రో
రవిరాకల్ప శతాకులోఽవతాన్నః ॥
ఓం శ్రీసూర్యనారాయణాయ నమః ।
ధ్యాయామి । ధ్యానం సమర్పయామి ॥

ఆవాహనమ్
సహస్రశీర్షా పురుషః । సహస్రాక్ష-స్సహస్రపాత్ ।
స భూమిం-విఁశ్వతో వృత్వా । అత్యతిష్ఠద్దశాఙ్గులమ్ ॥
ఆగచ్ఛ భగవన్ సూర్య మణ్డపే చ స్థిరో భవ ।
యావత్పూజా సమాప్యేత తావత్త్వం సన్నిధౌ భవ ॥
ఓం శ్రీసూర్యనారాయణాయ నమః ।
ఆవాహయామి । స్థాపయామి । పూజయామి ॥

ఆసనమ్
పురుష ఏవేదగ్ం సర్వమ్ । యద్భూతం-యఁచ్చ భవ్యమ్ ।
ఉతామృతత్వ స్యేశానః । యదన్నేనాతిరోహతి ॥
హేమాసన మహద్దివ్యం నానారత్నవిభూషితమ్ ।
దత్తం మే గృహ్యతాం దేవ దివాకర నమోఽస్తు తే ॥
ఓం శ్రీసూర్యనారాయణాయ నమః ।
ఆసనం సమర్పయామి ॥

పాద్యమ్
గఙ్గాజల సమానీతం పరమం పావనం మహత్ ।
పాద్యం గృహాణ దేవేశ ధామరూప నమోఽస్తు తే ॥
ఓం శ్రీసూర్యనారాయణాయ నమః ।
పాదయోః పాద్యం సమర్పయామి ॥

అర్ఘ్యమ్
భో సూర్య మహాద్భుత బ్రహ్మవిష్ణు స్వరూపదృక్ ।
అర్ఘ్యం అఞ్జలినా దత్తం గృహాణ పరమేశ్వర ॥
ఓం శ్రీసూర్యనారాయణాయ నమః ।
హస్తయోః అర్ఘ్యం సమర్పయామి ॥

ఆచమనీయమ్
గఙ్గాది తీర్థజం తోయం జాతీపుష్పైశ్చ వాసితమ్ ।
తామ్రపాత్రే స్థితం దివ్యం గృహాణాచమనీయకమ్ ॥
ఓం శ్రీసూర్యనారాయణాయ నమః ।
ముఖే ఆచమనీయం సమర్పయామి ॥

స్నానమ్
ఆపో హిష్ఠా మయోభువస్తా న ఊర్జే దధాతన ।
మహే రణాయ చక్షసే ॥
యో వః శివతమో రసస్తస్య భాజయతేహ నః ।
ఉశతీరివ మాతరః ॥
తస్మా అర-ఙ్గమామ వో యస్య క్షయాయ జిన్వథ ।
ఆపో జనయథా చ నః ॥
ఓం శ్రీసూర్యనారాయణాయ నమః ।
శుద్ధోదక స్నానం సమర్పయామి ॥
స్నానానన్తరం ఆచమనీయం సమర్పయామి ॥

వస్త్రమ్
రక్తపట్టయుగం దేవ సూక్ష్మతన్తువినిర్మితమ్ ।
శుద్ధం చైవ మయా దత్తం గృహాణ కమలాకర ॥
ఓం శ్రీసూర్యనారాయణాయ నమః ।
వస్త్రం సమర్పయామి ॥

యజ్ఞోపవీతమ్
నమః కమలహస్తాయ విశ్వరూపాయ తే నమః ।
ఉపవీతం మయా దత్తం తద్గృహాణ దివాకర ॥
ఓం శ్రీసూర్యనారాయణాయ నమః ।
యజ్ఞోపవీతం సమర్పయామి ॥

గన్ధమ్
కుఙ్కుమాగరు కస్తూరీ సుగన్ధైశ్చన్దనాదిభిః ।
రక్తచన్దన సంయుక్తం గన్ధం గృహ్ణీష్వ భాస్కర ॥
ఓం శ్రీసూర్యనారాయణాయ నమః ।
గన్ధం సమర్పయామి ॥

అర్చన
జపాకదమ్బ కుసుమైః రక్తోత్పల యుతాని చ ।
పుష్పాణి గృహ్యతాం దేవ సర్వకామప్రదో భవ ॥

అఙ్గ పూజా
ఓం మిత్రాయ నమః - పాదౌ పూజయామి ।
ఓం రవయే నమః - జఙ్ఘే పూజయామి ।
ఓం సూర్యాయ నమః - జానునీ పూజయామి ।
ఓం ఖగాయ నమః - ఊరూ పూజయామి ।
ఓం హిరణ్యగర్భాయ నమః - కటిం పూజయామి ।
ఓం పూష్ణే నమః - గుహ్యం పూజయామి ।
ఓం మరీచయే నమః - నాభిం పూజయామి ।
ఓం ఆదిత్యాయ నమః - జఠరం పూజయామి ।
ఓం సవిత్రే నమః - హృదయం పూజయామి ।
ఓం అర్కాయ నమః - స్తనౌ పూజయామి ।
ఓం భాస్కరాయ నమః - కణ్ఠం పూజయామి ।
ఓం అర్యమ్ణే నమః - స్కన్ధౌ పూజయామి ।
ఓం హంసాయ నమః - హస్తౌ పూజయామి ।
ఓం అహస్కరాయ నమః - ముఖం పూజయామి ।
ఓం బ్రధ్నాయ నమః - నాసికాం పూజయామి ।
ఓం జగదేకచక్షుషే నమః - నేత్రాణి పూజయామి ।
ఓం భానవే నమః - కర్ణౌ పూజయామి ।
ఓం త్రిగుణాత్మధారిణే నమః - లలాటం పూజయామి ।
ఓం విరిఞ్చినారాయణాయ నమః - శిరః పూజయామి ।
ఓం తిమిరనాశినే నమః - సర్వాణ్యఙ్గాని పూజయామి ॥

<सूर्य अष्टोत्तर शत नामावली>
అథవా సూర్య ద్వాదశ నామ పూజా ॥

ఓం ఆదిత్యాయ నమః ।
ఓం దివాకరాయ నమః ।
ఓం భాస్కరాయ నమః ।
ఓం ప్రభాకరాయ నమః ।
ఓం సహస్రాంశవే నమః ।
ఓం త్రిలోచనాయ నమః ।
ఓం హరిదశ్వాయ నమః ।
ఓం విభావసవే నమః ।
ఓం దినకరాయ నమః ।
ఓం ద్వాదశాత్మకాయ నమః ।
ఓం త్రిమూర్తయే నమః ।
ఓం సూర్యాయ నమః ॥
ఓం శ్రీసూర్యనారాయణాయ నమః ।
అష్టోత్తర శత నామావలీ పూజాం సమర్పయామి ।
అక్షతాన్ పుష్పాణి చ సమర్పయామి ॥

ధూపమ్
దశాఙ్గోగుగ్గులోద్భూతః కాలాగరు సమన్వితః ।
ఆఘ్రేయః సర్వదేవానాం ధూపోఽయం ప్రతిగృహ్యతామ్ ॥
ఓం శ్రీసూర్యనారాయణాయ నమః ।
ధూపమాఘ్రాపయామి ॥

దీపమ్
కార్పాసవర్తికాయుక్తం గోఘృతేన సమన్వితమ్ ।
దీపం గృహాణ దేవేశ త్రైలోక్య తిమిరాపహ ॥
ఓం శ్రీసూర్యనారాయణాయ నమః ।
దీపం దర్శయామి ॥

నైవేద్యమ్
పాయసం ఘృతసంయుక్తం నానా పక్వాన్న సంయుతమ్ ।
నైవేద్యం చ మయా దత్తం శాన్తిం కురు జగత్పతే ॥
ఓ-మ్భూర్భువస్సువః । తత్సవితుర్వరేణ్య-మ్భర్గో దేవస్య ధీమహి ।
ధియో యో నః ప్రచోదయాత్ ॥
సత్యం త్వా ఋతేన పరిషిఞ్చామి ।
అమృతమస్తు । అమృతోపస్తరణమసి ।
ఓం ప్రాణాయ స్వాహా । ఓం అపానాయ స్వాహా । ఓం వ్యానాయ స్వాహా ।
ఓం ఉదానాయ స్వాహా । ఓం సమానాయ స్వాహా ।
మధ్యే మధ్యే పానీయం సమర్పయామి ।
అమృతాపిధానమసి ।
ఉత్తరాపోశనం సమర్పయామి ।
హస్తౌ ప్రక్షాలయామి । పాదౌ ప్రక్షాలయామి ।
శుద్ధాచమనీయం సమర్పయామి ॥
ఓం శ్రీసూర్యనారాయణాయ నమః ।
నైవేద్యం సమర్పయామి ॥

తామ్బూలమ్
ఏలాలవఙ్గ కర్పూర ఖదిరైశ్చ సపూగకైః ।
నాగవల్లీదలైర్యుక్తం తామ్బూలం ప్రతిగృహ్యతామ్ ॥
ఓం శ్రీసూర్యనారాయణాయ నమః ।
తామ్బూలం సమర్పయామి ॥

నీరాజనమ్
వేదాహమేత-మ్పురుష-మ్మహాన్తమ్ । ఆదిత్యవర్ణ-న్తమసస్తు పారే ।
సర్వాణి రూపాణి విచిత్య ధీరః । నామాని కృత్వా-ఽభివదన్, యదా-ఽఽస్తే ॥
పఞ్చవర్తి సమాయుక్తం సర్వమఙ్గలదాయకమ్ ।
నీరాజనం గృహాణేదం సర్వసౌఖ్యకరో భవ ॥
ఓం శ్రీసూర్యనారాయణాయ నమః ।
నీరాజనం సమర్పయామి ॥

మన్త్రపుష్పమ్
ధాతా పురస్తాద్యముదాజహార । శక్రః ప్రవిద్వా-న్ప్రదిశశ్చతస్రః ।
తమేవం-విఁద్వానమృత ఇహ భవతి । నాన్యః పన్థా అయనాయ విద్యతే ॥
ఓం భాస్కరాయ విద్మహే మహాద్యుతికరాయ ధీమహి ।
తన్నో ఆదిత్యః ప్రచోదయాత్ ॥
చమ్పకైః శతపత్రైశ్చ కల్హారైః కరవీరకైః ।
పాటలైర్బకులైర్యుక్తం గృహాణ కుసుమాఞ్జలిమ్ ॥
ఓం శ్రీసూర్యనారాయణాయ నమః ।
మన్త్రపుష్పం సమర్పయామి ॥

ప్రదక్షిణమ్
యాని కాని చ పాపాని జన్మాన్తర కృతాని చ ।
తాని తాని వినశ్యన్తి ప్రదక్షిణ పదే పదే ॥
పాపోఽహం పాపకర్మాఽహం పాపాత్మా పాపసమ్భవ ।
త్రాహి మాం కృపయా దేవ శరణాగతవత్సల ॥
అన్యథా శరణం నాస్తి త్వమేవ శరణం మమ ।
తస్మాత్కారుణ్య భావేన రక్ష రక్ష జనార్దన ॥
ఓం శ్రీసూర్యనారాయణాయ నమః ।
ప్రదక్షిణ నమస్కారాన్ సమర్పయామి ॥

నమస్కారః
ఉద్యన్నద్య వివస్వానారోహన్నుత్తరాం దివమ్ ।
దేవః హృద్రోగం మమ సూర్యో హరిమాణం చాశు నాశయతు ॥
ఓం శ్రీసూర్యనారాయణాయ నమః ।
నమస్కారాన్ సమర్పయామి ॥

ద్వాదశార్ఘ్యాణి
దివాకర నమస్తుభ్యం పాపం నాశయ భాస్కర ।
త్రయీమయాయ విశ్వాత్మన్ గృహాణార్ఘ్యం నమోఽస్తు తే ॥
ఓం మిత్రాయ నమః - ఇదమర్ఘ్యం సమర్పయామి ।
ఓం రవయే నమః - ఇదమర్ఘ్యం సమర్పయామి ।
ఓం సూర్యాయ నమః - ఇదమర్ఘ్యం సమర్పయామి ।
ఓం భానవే నమః - ఇదమర్ఘ్యం సమర్పయామి ।
ఓం ఖగాయ నమః - ఇదమర్ఘ్యం సమర్పయామి ।
ఓం పూష్ణే నమః - ఇదమర్ఘ్యం సమర్పయామి ।
ఓం హిరణ్యగర్భాయ నమః - ఇదమర్ఘ్యం సమర్పయామి ।
ఓం మరీచయే నమః - ఇదమర్ఘ్యం సమర్పయామి ।
ఓం ఆదిత్యాయ నమః - ఇదమర్ఘ్యం సమర్పయామి ।
ఓం సవిత్రే నమః - ఇదమర్ఘ్యం సమర్పయామి ।
ఓం అర్కాయ నమః - ఇదమర్ఘ్యం సమర్పయామి ।
ఓం భాస్కరాయ నమః - ఇదమర్ఘ్యం సమర్పయామి ॥

సర్వోపచారాః
ఓం శ్రీసూర్యనారాయణాయ నమః ।
ఛత్రం సమర్పయామి ।
చామరం సమర్పయామి ।
గీతం శ్రావయామి ।
నృత్యం దర్శయామి ।
సమస్త రాజోపచారాన్ దేవోపచారాన్ సమర్పయామి ॥
స్తోత్ర/సూక్త పఠనమ్
శ్రీ సూర్య నమస్కార మన్త్రాః>
సూర్య సూక్తమ్>
ఆదిత్య హృదయమ్>

క్షమాప్రార్థనా
మన్త్రహీనం క్రియాహీనం భక్తిహీనం జనార్దన ।
యత్పూజితం మయా దేవ పరిపూర్ణం తదస్తు తే ॥
అజ్ఞానాద్వా ప్రమాదాద్వా వైకల్యాత్సాధనస్య వా ।
యన్న్యూనమతిరిక్తం చ తత్సర్వం క్షన్తుమర్హసి ॥
కాయేన వాచా మనసేన్ద్రియైర్వా
బుద్ధ్యాత్మనా వా ప్రకృతేః స్వభావాత్ ।
కరోమి యద్యత్ సకలం పరస్మై
నారాయణాయేతి సమర్పయామి ॥
అనయా ధ్యాన-ఆవాహనాది-షోడశోపచార పూజయా శ్రీసూర్యనారాయణ స్వామీ సుప్రీతః సుప్రసన్నః వరదో భవతు ॥

ఉద్వాసనమ్
ఓం శ్రీసూర్యనారాయణాయ నమః ।
యథాస్థానం ఉద్వాసయామి ।
శోభనార్థే క్షేమాయ పునరాగమనాయ చ ॥

ప్రసాద గ్రహణమ్
అకాలమృత్యుహరణం సర్వవ్యాధినివారణమ్ ।
సమస్తపాపక్షయకరం దేవతా పాదోదకం శుభమ్ ॥
శ్రీసూర్యనారాయణ స్వామి ప్రసాదం శిరసా గృహ్ణామి ॥
ఓం శాన్తిః శాన్తిః శాన్తిః ॥
ఓం తత్సత్ బ్రహ్మార్పణమస్తు ॥