তৈত্তিৰীযোপনিষদ্ – ভৃগুৱল্লী শান্তিমন্ত্ৰঃ

ইতি প্ৰথমো-ঽনুৱাকঃ ॥ অন্ন-ম্ব্ৰহ্মেতি ৱ্যজানাত্ । অন্নাদ্ধ্যেৱ খল্ৱিমানি ভূতানি জাযন্তে । অন্নেন জাতানি জীৱন্তি । অন্ন-ম্প্ৰযন্ত্যভিসংৱিঁশন্তীতি । তদ্ৱিজ্ঞায । পুনৰেৱ ৱৰুণ-ম্পিতৰমুপসসাৰ । অধীহি ভগৱো ব্ৰহ্মেতি । তগ্ং হোৱাচ । তপসা ব্ৰহ্ম ৱিজিজ্ঞাসস্ৱ । তপো ব্ৰহ্মেতি । স তপো-ঽতপ্যত । স তপস্তপ্ত্ৱা ॥ 1 ॥ ইতি দ্ৱিতীযো-ঽনুৱাকঃ ॥ প্ৰাণো ব্ৰহ্মেতি ৱ্যজানাত্ । প্ৰাণাদ্ধ্যেৱ খল্ৱিমানি ভূতানি জাযন্তে । প্ৰাণেন জাতানি জীৱন্তি । প্ৰাণ-ম্প্ৰযন্ত্যভিসংৱিঁশন্তীতি । তদ্ৱিজ্ঞায । পুনৰেৱ ৱৰুণ-ম্পিতৰমুপসসাৰ । অধীহি ভগৱো ব্ৰহ্মেতি । তগ্ং হোৱাচ । তপসা ব্ৰহ্ম ৱিজিজ্ঞাসস্ৱ । তপো ব্ৰহ্মেতি । স তপো-ঽতপ্যত । স তপস্তপ্ত্ৱা ॥ 1 ॥ ইতি তৃতীযো-ঽনুৱাকঃ ॥ মনো ব্ৰহ্মেতি ৱ্যজানাত্ । মনসো হ্যেৱ খল্ৱিমানি ভূতানি জাযন্তে । মনসা জাতানি জীৱন্তি । মনঃ প্ৰযন্ত্যভিসংৱিঁশন্তীতি । তদ্ৱিজ্ঞায । পুনৰেৱ ৱৰুণ-ম্পিতৰমুপসসাৰ । অধীহি ভগৱো ব্ৰহ্মেতি । তগ্ং হোৱাচ । তপসা ব্ৰহ্ম ৱিজিজ্ঞাসস্ৱ । তপো ব্ৰহ্মেতি । স তপো-ঽতপ্যত । স তপস্তপ্ত্ৱা ॥ 1 ॥ ইতি চতুৰ্থো-ঽনুৱাকঃ ॥ ৱিজ্ঞান-ম্ব্ৰহ্মেতি ৱ্যজানাত্ । ৱিজ্ঞানাদ্ধ্যেৱ খল্ৱিমানি ভূতানি জাযন্তে । ৱিজ্ঞানেন জাতানি জীৱন্তি । ৱিজ্ঞান-ম্প্ৰযন্ত্যভিসংৱিঁশন্তীতি । তদ্ৱিজ্ঞায । পুনৰেৱ ৱৰুণ-ম্পিতৰমুপসসাৰ । অধীহি ভগৱো ব্ৰহ্মেতি । তগ্ং হোৱাচ । তপসা ব্ৰহ্ম ৱিজিজ্ঞাসস্ৱ । তপো ব্ৰহ্মেতি । স তপো-ঽতপ্যত । স তপস্তপ্ত্ৱা ॥ 1 ॥ ইতি পঞ্চমো-ঽনুৱাকঃ ॥ আনন্দো ব্ৰহ্মেতি ৱ্যজানাত্ । আনন্দাদ্ধ্যেৱ খল্ৱিমানি ভূতানি জাযন্তে । আনন্দেন জাতানি জীৱন্তি । আনন্দ-ম্প্ৰযন্ত্যভিসংৱিঁশন্তীতি । সৈষা ভাৰ্গৱী ৱাৰুণী ৱিদ্যা । পৰমে ৱ্যোমন্প্ৰতিষ্ঠিতা । স য এৱং-ৱেঁদ প্ৰতিতিষ্ঠতি । অন্নৱানন্নাদো ভৱতি । মহান্ভৱতি প্ৰজযা পশুভিৰ্ব্ৰহ্মৱৰ্চসেন । মহান্কীৰ্ত্যা ॥ 1 ॥ ইতি ষষ্ঠো-ঽনুৱাকঃ ॥ অন্ন-ন্ন নিন্দ্যাত্ । তদ্ৱ্ৰতম্ । প্ৰাণো ৱা অন্নম্ । শৰীৰমন্নাদম্ । প্ৰাণে শৰীৰ-ম্প্ৰতিষ্ঠিতম্ । শৰীৰে প্ৰাণঃ প্ৰতিষ্ঠিতঃ । তদেতদন্নমন্নে প্ৰতিষ্ঠিতম্ । স য এতদন্নমন্নে প্ৰতিষ্ঠিতং-ৱেঁদ প্ৰতিতিষ্ঠতি । অন্নৱানন্নাদো ভৱতি । মহান্ভৱতি প্ৰজযা পশুভিৰ্ব্ৰহ্মৱৰ্চসেন । মহান্কীৰ্ত্যা ॥ 1 ॥ ইতি সপ্তমো-ঽনুৱাকঃ ॥ অন্ন-ন্ন পৰিচক্ষীত । তদ্ৱ্ৰতম্ । আপো ৱা অন্নম্ । জ্যোতিৰন্নাদম্ । অপ্সু জ্যোতিঃ প্ৰতিষ্ঠিতম্ । জ্যোতিষ্যাপঃ প্ৰতিষ্ঠিতাঃ । তদেতদন্নমন্নে প্ৰতিষ্ঠিতম্ । স য এতদন্নমন্নে প্ৰতিষ্ঠিতং-ৱেঁদ প্ৰতিতিষ্ঠতি । অন্নৱানন্নাদো ভৱতি । মহান্ভৱতি প্ৰজযা পশুভিৰ্ব্ৰহ্মৱৰ্চসেন । মহান্কীৰ্ত্যা ॥ 1 ॥ ইত্যষ্টমো-ঽনুৱাকঃ ॥ অন্ন-ম্বহু কুৰ্ৱীত । তদ্ৱ্ৰতম্ । পৃথিৱী ৱা অন্নম্ । আকাশো-ঽন্নাদঃ । পৃথিৱ্যামাকাশঃ প্ৰতিষ্ঠিতঃ । আকাশে পৃথিৱী প্ৰতিষ্ঠিতা । তদেতদন্নমন্নে প্ৰতিষ্ঠিতম্ । স য এতদন্নমন্নে প্ৰতিষ্ঠিতং-ৱেঁদ প্ৰতিতিষ্ঠতি । অন্নৱানন্নাদো ভৱতি । মহান্ভৱতি প্ৰজযা পশুভিৰ্ব্ৰহ্মৱৰ্চসেন । মহান্কীৰ্ত্যা ॥ 1 ॥ ইতি নৱমো-ঽনুৱাকঃ ॥ ন কঞ্চন ৱসতৌ প্ৰত্যাচক্ষীত । তদ্ৱ্ৰতম্ । তস্মাদ্যযা কযা চ ৱিধযা বহ্ৱন্ন-ম্প্ৰাপ্নুযাত্ । অৰাধ্যস্মা অন্নমিত্যাচক্ষতে । এতদ্ৱৈ মুখতো-ঽন্নগ্ং ৰাদ্ধম্ । মুখতো-ঽস্মা অন্নগ্ং ৰাধ্যতে । এতদ্ৱৈ মধ্যতো-ঽন্নগ্ং ৰাদ্ধম্ । মধ্যতো-ঽস্মা অন্নগ্ং ৰাধ্যতে । এতদ্ৱা অন্ততো-ঽন্নগ্ং ৰাদ্ধম্ । অন্ততো-ঽস্মা অন্নগ্ং ৰাধ্যতে ॥ 1 ॥ য এৱং-ৱেঁদ । ক্ষেম ইতি ৱাচি । যোগক্ষেম ইতি প্ৰাণাপানযোঃ । কৰ্মেতি হস্তযোঃ । গতিৰিতি পাদযোঃ । ৱিমুক্তিৰিতি পাযৌ । ইতি মানুষীস্সমাজ্ঞাঃ । অথ দৈৱীঃ । তৃপ্তিৰিতি ৱৃষ্টৌ । বলমিতি ৱিদ্যুতি ॥ 2 ॥ যশ ইতি পশুষু । জ্যোতিৰিতি নক্ষত্ৰেষু । প্ৰজাতিৰমৃতমানন্দ ইত্যুপস্থে । সৰ্ৱমিত্যাকাশে । তত্প্ৰতিষ্ঠেত্যুপাসীত । প্ৰতিষ্ঠাৱান্ভৱতি । তন্মহ ইত্যুপাসীত । মহান্ভৱতি । তন্মন ইত্যুপাসীত । মানৱান্ভৱতি ॥ 3 ॥ তন্নম ইত্যুপাসীত । নম্যন্তে-ঽস্মৈ কামাঃ । তদ্ব্ৰহ্মেত্যুপাসীত । ব্ৰহ্মৱান্ভৱতি । তদ্ব্ৰহ্মণঃ পৰিমৰ ইত্যুপাসীত । পৰ্যেণ-ম্ম্ৰিযন্তে দ্ৱিষন্তস্সপত্নাঃ । পৰি যে-ঽপ্ৰিযা ভ্ৰাতৃৱ্যাঃ । স যশ্চায-ম্পুৰুষে । যশ্চাসাৱাদিত্যে । স একঃ ॥ 4 ॥ স য এৱং-ৱিঁত্ । অস্মাংল্লোঁকাত্প্ৰেত্য । এতমন্নময-মাত্মানমুপসঙ্ক্ৰম্য । এত-ম্প্ৰাণময-মাত্মানমুপসঙ্ক্ৰম্য । এত-ম্মনোময-মাত্মানমুপসঙ্ক্ৰম্য । এতং-ৱিঁজ্ঞানময-মাত্মানমুপসঙ্ক্ৰম্য । এতমানন্দময-মাত্মানমুপসঙ্ক্ৰম্য । ইমাংল্লোঁকান্কামান্নী -কামৰূপ্যনু-সঞ্চৰন্ন্ । এতথ্সাম গাযন্নাস্তে । হা(3) ৱু হা(3) ৱু হা(3) ৱু ॥ 5 ॥ অহমন্ন-মহমন্ন-মহমন্নম্ । অহমন্নাদো(3)-ঽহমন্নাদো(3)-ঽহমন্নাদঃ । অহগ্গ্ শ্লোককৃদহগ্গ্ শ্লোককৃদহগ্গ্ শ্লোককৃত্ । অহমস্মি প্ৰথমজা ঋতা(3) স্য । পূৰ্ৱ-ন্দেৱেভ্যো অমৃতস্য না(3) ভাযি । যো মা দদাতি স ইদেৱ মা(3) ৱাঃ । অহমন্ন-মন্ন-মদন্তমা(3) দ্মি । অহং-ৱিঁশ্ৱ-ম্ভুৱন-মভ্যভৱাম্ । সুৱৰ্ন জ্যোতীঃ । য এৱং-ৱেঁদ । ইত্যুপনিষত্ ॥ 6 ॥ ইতি দশমো-ঽনুৱাকঃ ॥ ওঁ সহ নাৱৱতু । সহ নৌ ভুনক্তু । সহ ৱীৰ্য-ঙ্কৰৱাৱহৈ । তেজস্ৱিনাৱধীতমস্তু মা ৱিদ্ৱিষাৱহৈ । ওঁ শান্তি-শ্শান্তি-শ্শান্তিঃ ॥ ॥ হৰিঃ ওম্ ॥ ॥ শ্ৰী কৃষ্ণাৰ্পণমস্তু ॥