॥ ಶ್ರೀಗಣೇಶಾಯ ನಮಃ ॥
॥ ನವಗ್ರಹ ಧ್ಯಾನಮ್ ॥
೧. ಅಥ ಸೂರ್ಯಸ್ಯ ಧ್ಯಾನಂ - (ತ್ರಿಪುರಾಸರ್ವಸ್ವೇ)
ಪ್ರತ್ಯಕ್ಷದೇವಂ ವಿಶದಂ ಸಹಸ್ರಮರೀಚಿಭಿಃ ಶೋಭಿತಭೂಮಿದೇಶಮ್ ।
ಸಪ್ತಾಶ್ವಗಂ ಸದ್ಧ್ವಜಹಸ್ತಮಾದ್ಯಂ ದೇವಂ ಭಜೇಽಹಂ ಮಿಹಿರಂ ಹೃದಬ್ಜೇ ॥ ೧॥
ಸಪ್ತಾಶ್ವಗಂ ಸದ್ಧ್ವಜಹಸ್ತಮಾದ್ಯಂ ದೇವಂ ಭಜೇಽಹಂ ಮಿಹಿರಂ ಹೃದಬ್ಜೇ ॥ ೧॥
೨. ಅಥ ಚನ್ದ್ರಸ್ಯ ಧ್ಯಾನಂ - (ನಿಃಸೃತಮಾಗಮೇ)
ಶಙ್ಖಪ್ರಭಮೇಣಪ್ರಿಯಂ ಶಶಾಙ್ಕಮೀಶಾನಮೌಲಿಸ್ಥಿತಮೀಡ್ಯವೃತ್ತಮ್ ।
ತಮೀಪತಿಂ ನೀರಜಯುಗ್ಮಹಸ್ತಂ ಧ್ಯಾಯೇ ಹೃದಬ್ಜೇ ಶಶಿನಂ ಗ್ರಹೇಶಮ್ ॥ ೨॥
ತಮೀಪತಿಂ ನೀರಜಯುಗ್ಮಹಸ್ತಂ ಧ್ಯಾಯೇ ಹೃದಬ್ಜೇ ಶಶಿನಂ ಗ್ರಹೇಶಮ್ ॥ ೨॥
೩. ಅಥ ಭೌಮಸ್ಯ ಧ್ಯಾನಂ - (ಆಗಮಾಮೃತಮಞ್ಜರ್ಯಾಮ್)
ಪ್ರತಪ್ತಗಾಙ್ಗೇಯನಿಭಂ ಗ್ರಹೇಶಂ ಸಿಂಹಾಸನಸ್ಥಂ ಕಮಲಾಸಿಹಸ್ತಮ್ ।
ಸುರಾಸುರೈಃ ಪೂಜಿತಪಾದಪದ್ಮಂ ಭೌಮಂ ದಯಾಲುಂ ಹೃದಯೇ ಸ್ಮರಾಮಿ ॥ ೩॥
ಸುರಾಸುರೈಃ ಪೂಜಿತಪಾದಪದ್ಮಂ ಭೌಮಂ ದಯಾಲುಂ ಹೃದಯೇ ಸ್ಮರಾಮಿ ॥ ೩॥
೪. ಅಥ ಸೌಮ್ಯಸ್ಯ (ಬುಧ) ಧ್ಯಾನಂ - (ಭೈರವತನ್ತ್ರೇ)
ಸೋಮಾತ್ಮಜಂ ಹಂಸಗತಂ ದ್ವಿಬಾಹುಂ ಶಙ್ಖೇನ್ದುರೂಪಂ ಹ್ಯಸಿಪಾಶಹಸ್ತಮ್ ।
ದಯಾನಿಧಿಂ ಭೂಷಣಭೂಷಿತಾಙ್ಗಂ ಬುಧಂ ಸ್ಮರೇ ಮಾನಸಪಙ್ಕಜೇಽಹಮ್ ॥ ೪॥
ದಯಾನಿಧಿಂ ಭೂಷಣಭೂಷಿತಾಙ್ಗಂ ಬುಧಂ ಸ್ಮರೇ ಮಾನಸಪಙ್ಕಜೇಽಹಮ್ ॥ ೪॥
೫. ಅಥ ಜೀವಸ್ಯ (ಗುರು) ಧ್ಯಾನಂ - (ಭೈರವತನ್ತ್ರೇ)
ತೇಜೋಮಯಂ ಶಕ್ತಿತ್ರಿಶೂಲಹಸ್ತಂ ಸುರೇನ್ದ್ರಜ್ಯೇಷ್ಠೈಃ ಸ್ತುತಪಾದಪದ್ಮಮ್ ।
ಮೇಧಾನಿಧಿಂ ಹಸ್ತಿಗತಂ ದ್ವಿಬಾಹುಂ ಗುರುಂ ಸ್ಮರೇ ಮಾನಸಪಙ್ಕಜೇಽಹಮ್ ॥ ೫॥
ಮೇಧಾನಿಧಿಂ ಹಸ್ತಿಗತಂ ದ್ವಿಬಾಹುಂ ಗುರುಂ ಸ್ಮರೇ ಮಾನಸಪಙ್ಕಜೇಽಹಮ್ ॥ ೫॥
೬. ಅಥ ಶುಕ್ರಸ್ಯ ಧ್ಯಾನಂ - (ಕುಬ್ಜಿಕಾಸರ್ವಸ್ವೇ)
ಸನ್ತಪ್ತಕಾಞ್ಚನನಿಭಂ ದ್ವಿಭುಜಂ ದಯಾಲುಂ
ಪೀತಾಮ್ಬರಂ ಧೃತಸರೋರುಹದ್ವನ್ದ್ವಶೂಲಮ್ ।
ಕ್ರೌಞ್ಚಾಸನಂ ಹ್ಯಸುರಸೇವಿತಪಾದಪದ್ಮಂ
ಶುಕ್ರಂ ಸ್ಮರೇ ದ್ವಿನಯನಂ ಹೃದಿ ಪಙ್ಕಜೇಽಹಮ್ ॥ ೬॥
ಪೀತಾಮ್ಬರಂ ಧೃತಸರೋರುಹದ್ವನ್ದ್ವಶೂಲಮ್ ।
ಕ್ರೌಞ್ಚಾಸನಂ ಹ್ಯಸುರಸೇವಿತಪಾದಪದ್ಮಂ
ಶುಕ್ರಂ ಸ್ಮರೇ ದ್ವಿನಯನಂ ಹೃದಿ ಪಙ್ಕಜೇಽಹಮ್ ॥ ೬॥
೭. ಅಥ ಶನೇರ್ಧ್ಯಾನಂ - (ಶುಭದಮಾಗಮಾಮೃತೇ)
ನೀಲಾಞ್ಜನಾಭಂ ಮಿಹಿರೇಷ್ಟಪುತ್ರಂ ಗ್ರಹೇಶ್ವರಂ ಪಾಶಭುಜಙ್ಗಪಾಣಿಮ್ ।
ಸುರಾಸುರಾಣಾಂ ಭಯದಂ ದ್ವಿಬಾಹುಂ ಶನಿಂ ಸ್ಮರೇ ಮಾನಸಪಙ್ಕಜೇಽಹಮ್ ॥ ೭॥
ಸುರಾಸುರಾಣಾಂ ಭಯದಂ ದ್ವಿಬಾಹುಂ ಶನಿಂ ಸ್ಮರೇ ಮಾನಸಪಙ್ಕಜೇಽಹಮ್ ॥ ೭॥
೮. ಅಥ ಸೈಂಹಿಕೇಯಸ್ಯ (ರಾಹು) ಧ್ಯಾನಂ - (ವಾಮಕೇಶ್ವರ ತನ್ತ್ರೇ)
ಶೀತಾಂಶುಮಿತ್ರಾನ್ತಕಮೀಡ್ಯರೂಪಂ ಘೋರಂ ಚ ವೈಡುರ್ಯನಿಭಂ ವಿಬಾಹುಮ್ ।
ತ್ರೈಲೋಕ್ಯರಕ್ಷಾಪ್ರದಂಮಿಷ್ಟದಂ ಚ ರಾಹುಂ ಗ್ರಹೇನ್ದ್ರಂ ಹೃದಯೇ ಸ್ಮರಾಮಿ ॥ ೮॥
ತ್ರೈಲೋಕ್ಯರಕ್ಷಾಪ್ರದಂಮಿಷ್ಟದಂ ಚ ರಾಹುಂ ಗ್ರಹೇನ್ದ್ರಂ ಹೃದಯೇ ಸ್ಮರಾಮಿ ॥ ೮॥
೯. ಅಥ ಕೇತೋಶ್ಚ ಧ್ಯಾನಂ - (ತನ್ತ್ರಸಾಗರೇ)
ಲಾಙ್ಗುಲಯುಕ್ತಂ ಭಯದಂ ಜನಾನಾಂ ಕೃಷ್ಣಾಮ್ಬುಭೃತ್ಸನ್ನಿಭಮೇಕವೀರಮ್ ।
ಕೃಷ್ಣಾಮ್ಬರಂ ಶಕ್ತಿತ್ರಿಶೂಲಹಸ್ತಂ ಕೇತುಂ ಭಜೇ ಮಾನಸಪಙ್ಕಜೇಽಹಮ್ ॥ ೯॥
ಕೃಷ್ಣಾಮ್ಬರಂ ಶಕ್ತಿತ್ರಿಶೂಲಹಸ್ತಂ ಕೇತುಂ ಭಜೇ ಮಾನಸಪಙ್ಕಜೇಽಹಮ್ ॥ ೯॥
॥ ಇತಿ ನವಗ್ರಹಧ್ಯಾನಂ ಸಮ್ಪೂರ್ಣಮ್ ॥