What is Brahmanaspati Suktam?

Read Brahmanaspati Suktam in Assamese script — full lyrics with English meaning and transliteration. The Rigvedic hymn to Brahmanaspati, lord of the sacred word, whose opening verse is the one recited across India before any undertaking: we invoke you, Ganapati of the hosts, poet among poets, most renowned, eldest king of prayers — hearing us, Brahmanaspati, come and sit at our seat. It is the oldest text in which the name Ganapati appears, and the reason the sukta is chanted at the start of Ganesha worship though its deity is the Vedic Brahmanaspati. The verses that follow ask him for protection from the curse of the malevolent, for the hero he guards not to perish, and for the gods to lead the sacrifice well. Closes with the threefold shanti.

Which deity is Brahmanaspati Suktam dedicated to?

Brahmanaspati Suktam is a Sanskrit hymn dedicated to Lord Ganesha.

Brahmanaspati Suktam in Assamese – Meaning & Word-by-Word

॥ ব্ৰহ্মণস্পতি সূক্তম্ ॥

গণানাং ত্ৱা গণপতিং হৱামহে
কৱিং কৱীনামুপমশ্ৰৱস্তমম্ ।
জ্যেষ্ঠৰাজং ব্ৰহ্মণাং ব্ৰহ্মণস্পত
আ নঃ শৃণ্ৱন্নূতিভিঃ সীদ সাদনম্ ॥

সোমানং স্ৱৰণং কৃণুহি ব্ৰহ্মণস্পতে ।
কক্ষীৱন্তং য ঔশিজঃ ॥ ১

যো ৰেৱান্ যো অমীৱহা ৱসুৱিত্ পুষ্টিৱৰ্ধনঃ ।
স নঃ সিষক্তু যস্তুৰঃ ॥ ২

মা নঃ শংসো অৰৰুষো ধূৰ্তিঃ প্ৰণঙ্ মৰ্ত্যস্য ।
ৰক্ষা ণো ব্ৰহ্মণস্পতে ॥ ৩

স ঘা ৱীৰো ন ৰিষ্যতি যমিন্দ্ৰো ব্ৰহ্মণস্পতিঃ ।
সোমো হিনোতি মৰ্ত্যম্ ॥ ৪

ত্ৱং তং ব্ৰহ্মণস্পতে সোম ইন্দ্ৰশ্চ মৰ্ত্যম্ ।
দক্ষিণা পাত্ৱংহসঃ ॥ ৫

উত্তিষ্ঠ ব্ৰহ্মণস্পতে দেৱযন্তস্ত্ৱেমহে ।
উপ প্ৰ যন্তু মৰুতঃ সুদানৱ ইন্দ্ৰ প্ৰাশূৰ্ভৱা সচা ॥ ৬

ত্ৱামিদ্ধি সহসস্পুত্ৰ মৰ্ত্য উপব্ৰূতে ধনে হিতে ।
সুৱীৰ্যং মৰুত আ স্ৱশ্ৱ্যং দধীত যো ৱ আচকে ॥ ৭

প্ৰৈতু ব্ৰহ্মণস্পতিঃ প্ৰ দেৱ্যেতু সূনৃতা ।
অচ্ছা ৱীৰং নৰ্যং পঙ্ক্তিৰাধসং দেৱা যজ্ঞং নযন্তু নঃ ॥ ৮

যো ৱাঘতে দদাতি সূনৰং ৱসু স ধত্তে অক্ষিতি শ্ৰৱঃ ।
তস্মা ইল়াং সুৱীৰামা যজামহে সুপ্ৰতূৰ্তিমনেহসম্ ॥ ৯

প্ৰ নূনং ব্ৰহ্মণস্পতিৰ্মন্ত্ৰং ৱদত্যুক্থ্যম্ ।
যস্মিন্নিন্দ্ৰো ৱৰুণো মিত্ৰো অৰ্যমা দেৱা ওকাংসি চক্ৰিৰে ॥ ১০

তমিদ্ৱোচেমা ৱিদথেষু শংভুৱং মন্ত্ৰং দেৱা অনেহসম্ ।
ইমাং চ ৱাচং প্ৰতিহৰ্যথা নৰো ৱিশ্ৱেদ্ৱামা ৱো অশ্নৱত্ ॥ ১১

কো দেৱযন্তমশ্নৱজ্জনং কো ৱৃক্তবৰ্হিষম্ ।
প্ৰপ্ৰ দাশ্ৱান্পস্ত্যাভিৰস্থিতান্তৰ্ৱাৱত্ ক্ষযং দধে ॥ ১২

উপ ক্ষত্ৰং পৃঞ্চীত হন্তি ৰাজভিৰ্ভযে চিত্সুক্ষিতিং দধে ।
নাস্য ৱৰ্তা ন তৰুতা মহাধনে নাৰ্ভে অস্তি ৱজ্ৰিণঃ ॥ ১৩

গণানাং ত্ৱা গণপতিং হৱামহে কৱিং কৱীনামুপমশ্ৰৱস্তমম্ ।
জ্যেষ্ঠৰাজং ব্ৰহ্মণাং ব্ৰহ্মণস্পত আ নঃ শৃণ্ৱন্নূতিভিঃ সীদ সাদনম্ ॥ ১৪

দেৱাশ্চিত্তে অসুৰ্য প্ৰচেতসো বৃহস্পতে যজ্ঞিযং ভাগমানশুঃ ।
উস্ৰা ইৱ সূৰ্যো জ্যোতিষা মহো ৱিশ্ৱেষামিজ্জনিতা ব্ৰহ্মণামসি ॥ ১৫

আ ৱিবাধ্যা পৰিৰাপস্তমাংসি চ জ্যোতিষ্মন্তং ৰথমৃতস্য তিষ্ঠসি ।
বৃহস্পতে ভীমমমিত্ৰদম্ভনং ৰক্ষোহণং গোত্ৰভিদং স্ৱৰ্ৱিদম্ ॥ ১৬

সুনীতিভিৰ্নযসি ত্ৰাযসে জনং যস্তুভ্যং দাশান্ন তমংহো অশ্নৱত্ ।
ব্ৰহ্মদ্ৱিষস্তপনো মন্যুমীৰসি বৃহস্পতে মহি তত্ তে মহিত্ৱনম্ ॥ ১৭

ন তমংহো ন দুৰিতং কুতশ্চন নাৰাতযস্তিতিৰুৰ্ন দ্ৱযাৱিনঃ ।
ৱিশ্ৱা ইদস্মাদ্ধ্ৱৰসো ৱি বাধসে যং সুগোপা ৰক্ষসি ব্ৰহ্মণস্পতে ॥ ১৮

ত্ৱং নো গোপাঃ পথিকৃদ্ৱিচক্ষণস্তৱ ৱ্ৰতায মতিভিৰ্জৰামহে ।
বৃহস্পতে যো নো অভি হ্ৱৰো দধে স্ৱা তং মৰ্মৰ্তু দুচ্ছুনা হৰস্ৱতী ॥ ১৯

উত ৱা যো নো মৰ্চযাদনাগসোঽৰাতীৱা মৰ্তঃ সানুকো ৱৃকঃ ।
বৃহস্পতে অপ তং ৱৰ্তযা পথঃ সুগং নো অস্যৈ দেৱৱীতযে কৃধি ॥ ২০

ত্ৰাতাৰং ত্ৱা তনূনাং হৱামহেঽৱস্পৰ্তৰধিৱক্তাৰমস্মযুম্ ।
বৃহস্পতে দেৱনিদো নি বৰ্হয মা দুৰেৱা উত্তৰং সুম্নমুন্নশন্ ॥ ২১

ত্ৱযা ৱযং সুৱৃধা ব্ৰহ্মণস্পতে স্পাৰ্হা ৱসু মনুষ্যা দদীমহি ।
যা নো দূৰে তল়িতো যা অৰাতযোঽভি সন্তি জংভযা তা অনপ্নসঃ ॥ ২২

ত্ৱযা ৱযমুত্তমং ধীমহে ৱযো বৃহস্পতে পপ্ৰিণা সস্নিনা যুজা ।
মা নো দুঃশংসো অভিদিপ্সুৰীশত প্ৰ সুশংসা মতিভিস্তাৰিষীমহি ॥ ২৩

অনানুদো ৱৃষভো জগ্মিৰাহৱং নিষ্টপ্তা শত্ৰুং পৃতনাসু সাসহিঃ ।
অসি সত্য ঋণযা ব্ৰহ্মণস্পত উগ্ৰস্য চিদ্দমিতা ৱীল়ুহৰ্ষিণঃ ॥ ২৪

অদেৱেন মনসা যো ৰিষণ্যতি শাসামুগ্ৰো মন্যমানো জিঘাংসতি ।
বৃহস্পতে মা প্ৰণক্ তস্য নো ৱধো নি কৰ্ম মন্যুং দুৰেৱস্য শৰ্ধতঃ ॥ ২৫

ভৰেষু হৱ্যো নমসোপসদ্যো গন্তা ৱাজেষু সনিতা ধনংধনম্ ।
ৱিশ্ৱা ইদৰ্যো অভিদিপ্স্ৱো ৩ মৃধো বৃহস্পতিৰ্ৱি ৱৱৰ্হা ৰথাঁ ইৱ ॥ ২৬

তেজিষ্ঠযা তপনী ৰক্ষসস্তপ যে ত্ৱা নিদে দধিৰে দৃষ্টৱীৰ্যম্ ।
আৱিস্তত্ কৃষ্ৱ যদসত্ ত উক্থ্যং ১ বৃহস্পতে ৱি পৰিৰাপো অৰ্দয ॥ ২৭

বৃহস্পতে অতি যদৰ্যো অৰ্হাদ্দ্যুমদ্ৱিভাতি ক্ৰতুমজ্জনেষু ।
যদ্দীদযচ্ছৱস ঋতপ্ৰজাত তদস্মাসু দ্ৰৱিণং ধেহি চিত্ৰম্ ॥ ২৮

মা নঃ স্তেনেভ্যো যে অভি দ্ৰুহস্পদে নিৰামিণো ৰিপৱোঽন্নেষু জাগৃধুঃ ।
আ দেৱানামোহতে ৱি ৱ্ৰযো হৃদি বৃহস্পতে ন পৰঃ সাম্নো ৱিদুঃ ॥ ২৯

ৱিশ্ৱেভ্যো হি ত্ৱা ভুৱনেভ্যস্পৰি ত্ৱষ্টাজনত্সাম্নঃসাম্নঃ কৱিঃ ।
স ঋণচিদৃণযা ব্ৰহ্মণস্পতিৰ্দ্ৰুহো হন্তা মহ ঋতস্য ধৰ্তৰি ॥ ৩০

তৱ শ্ৰিযে ৱ্যজিহীত পৰ্ৱতো গৱাং গোত্ৰমুদসৃজো যদঙ্গিৰঃ ।
ইন্দ্ৰেণ যুজা তমসা পৰীৱৃতং বৃহস্পতে নিৰপামৌব্জো অৰ্ণৱম্ ॥ ৩১

ব্ৰহ্মণস্পতে ত্ৱমস্য যন্তা সূক্তস্য বোধি তনযং চ জিন্ৱ ।
ৱিশ্ৱং তদ্ভদ্ৰং যদৱন্তি দেৱা বৃহদ্ৱদেম ৱিদথে সুৱীৰাঃ ॥ ৩২

সেমামৱিড্ঢি প্ৰভৃতিং য ঈশিষেঽযা ৱিধেম নৱযা মহা গিৰা ।
যথা নো মীঢ্ৱান্ত্স্তৱতে সখা তৱ বৃহস্পতে সীষধঃ সোত নো মতিম্ ॥ ৩৩

যো নন্ত্ৱান্যনমন্ন্যোজসোতাদৰ্দৰ্মন্যুনা শম্বৰাণি ৱি ।
প্ৰাচ্যাৱযদচ্যুতা ব্ৰহ্মণস্পতিৰা চাৱিশদ্ৱসুমন্তং ৱি পৰ্ৱতম্ ॥ ৩৪

তদ্দেৱানাং দেৱতমায কৰ্ত্ৱমশ্ৰথ্নন্ দৃল়হাৱ্ৰদন্ত ৱীল়িতা ।
উদ্গা আজদভিনদ্ব্ৰহ্মণা ৱলমগূহত্তমো ৱ্যচক্ষযত্ স্ৱঃ ॥ ৩৫

অশ্মাস্যমৱতং ব্ৰহ্মণস্পতিৰ্মধুধাৰমভি যমোজসাতৃণত্ ।
তমেৱ ৱিশ্ৱে পপিৰে স্ৱৰ্দৃশো বহু সাকং সিসিচুৰুত্সমুদ্ৰিণম্ ॥ ৩৬

সনা তা কা চিদ্ভুৱনা ভৱীত্ৱা মাদ্ভিঃ শৰদ্ভিৰ্দুৰো ৱৰন্ত ৱঃ ।
অযতন্তা চৰতো অন্যদন্যদিদ্যা চকাৰ ৱযুনা ব্ৰহ্মণস্পতিঃ ॥ ৩৭

অভিনক্ষন্তো অভি যে তমানশুৰ্নিধিং পণীনাং পৰমং গুহা হিতম্ ।
তে ৱিদ্ৱাংসঃ প্ৰতিচক্ষ্যানৃতা পুনৰ্যত উ আযন্তদুদীযুৰাৱিশম্ ॥ ৩৮

ঋতাৱানঃ প্ৰতিচক্ষ্যানৃতা পুনৰাত আ তস্থুঃ কৱযো মহস্পথঃ ।
তে বাহুভ্যাং ধমিতমগ্নিমশ্মনি নকিঃ ষো অস্ত্যৰণো জহুৰ্হি তম্ ॥ ৩৯

ঋতজ্যেন ক্ষিপ্ৰেণ ব্ৰহ্মণস্পতিৰ্যত্ৰ ৱষ্টি প্ৰ তদশ্নোতি ধন্ৱনা ।
তস্য সাধ্ৱীৰিষৱো যাভিৰস্যতি নৃচক্ষসো দৃশযে কৰ্ণযোনযঃ ॥ ৪০

স সংনযঃ স ৱিনযঃ পুৰোহিতঃ স সুষ্টুতঃ স যুধি ব্ৰহ্মণস্পতিঃ ।
চাক্ষ্মো যদ্ৱাজং ভৰতে মতী ধনাঽঽদিত্সূৰ্যস্তপতি তপ্যতুৰ্ৱৃথা ॥ ৪১
ৱিভু প্ৰভু প্ৰথমং মেহনাৱতো বৃহস্পতেঃ সুৱিদত্ৰাণি ৰাধ্যা ।
ইমা সাতানি ৱেন্যস্য ৱাজিনো যেন জনা উভযে ভুঞ্জতে ৱিশঃ ॥ ৪২

যোঽৱৰে ৱৃজনে ৱিশ্ৱথা ৱিভুৰ্মহামু ৰণ্ৱঃ শৱসা ৱৱক্ষিথ ।
স দেৱো দেৱান্প্ৰতি পপ্ৰথে পৃথু ৱিশ্ৱেদু তা পৰিভূৰ্ব্ৰহ্মণস্পতিঃ ॥ ৪৩

ৱিশ্ৱং সত্যং মঘৱানা যুৱোৰিদাপশ্চন প্ৰ মিনন্তি ৱ্ৰতং ৱাম্ ।
অচ্ছেন্দ্ৰাব্ৰহ্মণস্পতী হৱিৰ্নোঽন্নং যুজেৱ ৱাজিনা জিগাতম্ ॥ ৪৪

উতাশিষ্ঠা অনু শৃণ্ৱন্তি ৱহ্নযঃ সভেযো ৱিপ্ৰো ভৰতে মতী ধনা ।
ৱীল়ুদ্ৱেষা অনু ৱশ ঋণমাদদিঃ স হ ৱাজী সমিথে ব্ৰহ্মণস্পতিঃ ॥ ৪৫

ব্ৰহ্মণস্পতেৰভৱদ্যথাৱশং সত্যো মন্যুৰ্মহি কৰ্মা কৰিষ্যতঃ ।
যো গা উদাজত্স দিৱে ৱি চাভজন্ মহীৱ ৰীতিঃ শৱসাসৰত্পৃথক্ ॥ ৪৬

ব্ৰহ্মণস্পতে সুযমস্য ৱিশ্ৱহা ৰাযঃ স্যাম ৰথ্যো ৩ ৱযস্ৱতঃ ।
ৱীৰেষু ৱীৰাঁ উপ পৃঙ্ধি নস্ত্ৱং যদীশানো ব্ৰহ্মণা ৱেষি মে হৱম্ ॥ ৪৭

ব্ৰহ্মণস্পতে ত্ৱমস্য যন্তা সূক্তস্য বোধি তনযং চ জিন্ৱ ।
ৱিশ্ৱং তদ্ভদ্ৰং যদৱন্তি দেৱা বৃহদ্ৱদেম ৱিদথে সুৱীৰাঃ ॥ ৪৮

ইন্ধানো অগ্নিং ৱনৱদ্ৱনুষ্যতঃ কৃতব্ৰহ্মা শূশুৱদ্ৰাতহৱ্য ইত্ ।
জাতেন জাতমতি স প্ৰ সৰ্সৃতে যংযং যুজং কৃণুতে ব্ৰহ্মণস্পতিঃ ॥ ৪৯

ৱীৰেভিৰ্ৱীৰান্ৱনৱদ্ৱনুষ্যতো গোভী ৰযিং পপ্ৰথদ্বোধতি ত্মনা ।
তোকং চ তস্য তনযং চ ৱৰ্ধতে যংযং যুজং কৃণুতে ব্ৰহ্মণস্পতিঃ ॥ ৫০

সিন্ধুৰ্ন ক্ষোদঃ শিমীৱাঁ ঋঘাযতো ৱৃষেৱ ৱধ্ৰীংৰভি ৱষ্ট্যোজসা ।
অগ্নেৰিৱ প্ৰসিতিৰ্নাহ ৱৰ্তৱে যংযং যুজং কৃণুতে ব্ৰহ্মণস্পতিঃ ॥ ৫১

তস্মা অৰ্ষন্তি দিৱ্যা অসশ্চতঃ স সত্ৱভিঃ প্ৰথমো গোষু গচ্ছতি ।
অনিভৃষ্টতৱিষিৰ্হন্ত্যোজসা যংযং যুজং কৃণুতে ব্ৰহ্মণস্পতিঃ ॥ ৫২

তস্মা ইদ্ৱিশ্ৱে ধুনযন্ত সিন্ধৱোঽচ্ছিদ্ৰা শৰ্ম দধিৰে পুৰূণি ।
দেৱানাং সুম্নে সুভগঃ স এধতে যংযং যুজং কৃণুতে ব্ৰহ্মণস্পতিঃ ॥ ৫৩

ঋজুৰিচ্ছংসো ৱনৱদ্ৱনুষ্যতো দেৱযন্নিদদেৱযন্তমভ্যসত্ ।
সুপ্ৰাৱীৰিদ্ৱনৱত্পৃত্সু দুষ্টৰং যজ্ৱেদযজ্যোৰ্ৱি ভজাতি ভোজনম্ ॥ ৫৪

যজস্ৱ ৱীৰ প্ৰ ৱিহি মনাযতো ভদ্ৰং মনঃ কৃণুষ্ৱ ৱৃত্ৰতূৰ্যে ।
হৱিষ্কৃণুষ্ৱ সুভগো যথাসসি ব্ৰহ্মণস্পতেৰৱ আ ৱৃণীমহে ॥ ৫৫

স ইজ্জনেন স ৱিশা স জন্মনা স পুত্ৰৈৰ্ৱাজং ভৰতে ধনা নৃভিঃ ।
দেৱানাং যঃ পিতৰমাৱিৱাসতি শ্ৰদ্ধামনা হৱিষা ব্ৰহ্মণস্পতিম্ ॥ ৫৬

যো অস্মৈ হৱ্যৈৰ্ঘৃতৱদ্ভিৰৱিধত্ প্ৰ তং প্ৰাচা নযতি ব্ৰহ্মণস্পতিঃ ।
উৰুষ্যতীমংহসো ৰক্ষতী ৰিষোং৩ঽহোশ্চিদস্মা উৰুচক্ৰিৰদ্ভুতঃ ॥ ৫৭

তমু জ্যেষ্ঠং নমসা হৱিৰ্ভিঃ সুশেৱং ব্ৰহ্মণস্পতিং গৃণীষে ।
ইন্দ্ৰং শ্লোকো মহি দৈৱ্যঃ সিষক্তু যো ব্ৰহ্মণো দেৱকৃতস্য ৰাজা ॥ ৫৮

ইযং ৱাং ব্ৰহ্মণস্পতে সুৱৃক্তিৰ্ব্ৰহ্মেন্দ্ৰায ৱজ্ৰিণে অকাৰি ।
অৱিষ্টং ধিযো জিগৃতং পুৰংধীৰ্জজস্তমৰ্যো ৱনুষামৰাতীঃ ॥ ৫৯

চত্তো ইতশ্চত্তামুতঃ সৰ্ৱা ভ্ৰূণান্যাৰুষী ।
অৰায্যং ব্ৰহ্মণস্পতে তীক্ষ্ণশৃঙ্গোদৃষন্নিহি ॥ ৬০

অদো যদ্দাৰু প্লৱতে সিন্ধোঃ পাৰে অপূৰুষম্ ।
তদা ৰভস্ৱ দুৰ্হণো তেন গচ্ছ পৰস্তৰম্ ॥ ৬১

অগ্নিৰ্যেন ৱিৰাজতি সূৰ্যো যেন ৱিৰাজতি ।
ৱিৰাজ্যেন ৱিৰাজতি তেনাস্মান্ ব্ৰহ্মণস্পতে ৱিৰাজ সমিধং কুৰু ॥ ৬২

যত্ৰ বাণাঃ সম্পতন্তি কুমাৰা ৱিশিখা ইৱ ।
তত্ৰা নো ব্ৰহ্মণস্পতিৰদিতিঃ শৰ্ম যচ্ছতু ৱিশ্ৱাহা শৰ্ম যচ্ছতু ॥ ৬৩

যদিন্দ্ৰ ব্ৰহ্মণস্পতেঽভিদ্ৰোহং চৰামসি ।
প্ৰচেতা ন আঙ্গিৰসো দ্ৱিষতাং পাত্ৱংহসঃ ॥ ৬৪

নি ষু সীদ গণপতে গণেষু ত্ৱামাহুৰ্ৱিপ্ৰতমং কৱীনাম্ ।
ন ঋতে ত্ৱত্ক্ৰিযতে কিং চনাৰে মহামৰ্কং মঘৱঞ্চিত্ৰমৰ্চ ॥ ৬৫

অযং মে হস্তো ভগৱানযং মে ভগৱত্তৰঃ ।
অযং মে ৱিশ্ৱভেষজোঽযং শিৱাভিমৰ্শনঃ ॥ ৬৬

ওং শান্তিঃ শান্তিঃ শান্তিঃ ।

More Ganesha Stotras

Explore More