What is Brahmanaspati Suktam?

Read Brahmanaspati Suktam in Bengali script — full lyrics with English meaning and transliteration. The Rigvedic hymn to Brahmanaspati, lord of the sacred word, whose opening verse is the one recited across India before any undertaking: we invoke you, Ganapati of the hosts, poet among poets, most renowned, eldest king of prayers — hearing us, Brahmanaspati, come and sit at our seat. It is the oldest text in which the name Ganapati appears, and the reason the sukta is chanted at the start of Ganesha worship though its deity is the Vedic Brahmanaspati. The verses that follow ask him for protection from the curse of the malevolent, for the hero he guards not to perish, and for the gods to lead the sacrifice well. Closes with the threefold shanti.

Which deity is Brahmanaspati Suktam dedicated to?

Brahmanaspati Suktam is a Sanskrit hymn dedicated to Lord Ganesha.

Brahmanaspati Suktam in Bengali – Meaning & Word-by-Word

॥ ব্রহ্মণস্পতি সূক্তম্ ॥

গণানাং ত্বা গণপতিং হবামহে
কবিং কবীনামুপমশ্রবস্তমম্ ।
জ্যেষ্ঠরাজং ব্রহ্মণাং ব্রহ্মণস্পত
আ নঃ শৃণ্বন্নূতিভিঃ সীদ সাদনম্ ॥

সোমানং স্বরণং কৃণুহি ব্রহ্মণস্পতে ।
কক্ষীবন্তং য ঔশিজঃ ॥ ১

যো রেবান্ যো অমীবহা বসুবিত্ পুষ্টিবর্ধনঃ ।
স নঃ সিষক্তু যস্তুরঃ ॥ ২

মা নঃ শংসো অররুষো ধূর্তিঃ প্রণঙ্ মর্ত্যস্য ।
রক্ষা ণো ব্রহ্মণস্পতে ॥ ৩

স ঘা বীরো ন রিষ্যতি যমিন্দ্রো ব্রহ্মণস্পতিঃ ।
সোমো হিনোতি মর্ত্যম্ ॥ ৪

ত্বং তং ব্রহ্মণস্পতে সোম ইন্দ্রশ্চ মর্ত্যম্ ।
দক্ষিণা পাত্বংহসঃ ॥ ৫

উত্তিষ্ঠ ব্রহ্মণস্পতে দেবযন্তস্ত্বেমহে ।
উপ প্র যন্তু মরুতঃ সুদানব ইন্দ্র প্রাশূর্ভবা সচা ॥ ৬

ত্বামিদ্ধি সহসস্পুত্র মর্ত্য উপব্রূতে ধনে হিতে ।
সুবীর্যং মরুত আ স্বশ্ব্যং দধীত যো ব আচকে ॥ ৭

প্রৈতু ব্রহ্মণস্পতিঃ প্র দেব্যেতু সূনৃতা ।
অচ্ছা বীরং নর্যং পঙ্ক্তিরাধসং দেবা যজ্ঞং নযন্তু নঃ ॥ ৮

যো বাঘতে দদাতি সূনরং বসু স ধত্তে অক্ষিতি শ্রবঃ ।
তস্মা ইল়াং সুবীরামা যজামহে সুপ্রতূর্তিমনেহসম্ ॥ ৯

প্র নূনং ব্রহ্মণস্পতির্মন্ত্রং বদত্যুক্থ্যম্ ।
যস্মিন্নিন্দ্রো বরুণো মিত্রো অর্যমা দেবা ওকাংসি চক্রিরে ॥ ১০

তমিদ্বোচেমা বিদথেষু শংভুবং মন্ত্রং দেবা অনেহসম্ ।
ইমাং চ বাচং প্রতিহর্যথা নরো বিশ্বেদ্বামা বো অশ্নবত্ ॥ ১১

কো দেবযন্তমশ্নবজ্জনং কো বৃক্তবর্হিষম্ ।
প্রপ্র দাশ্বান্পস্ত্যাভিরস্থিতান্তর্বাবত্ ক্ষযং দধে ॥ ১২

উপ ক্ষত্রং পৃঞ্চীত হন্তি রাজভির্ভযে চিত্সুক্ষিতিং দধে ।
নাস্য বর্তা ন তরুতা মহাধনে নার্ভে অস্তি বজ্রিণঃ ॥ ১৩

গণানাং ত্বা গণপতিং হবামহে কবিং কবীনামুপমশ্রবস্তমম্ ।
জ্যেষ্ঠরাজং ব্রহ্মণাং ব্রহ্মণস্পত আ নঃ শৃণ্বন্নূতিভিঃ সীদ সাদনম্ ॥ ১৪

দেবাশ্চিত্তে অসুর্য প্রচেতসো বৃহস্পতে যজ্ঞিযং ভাগমানশুঃ ।
উস্রা ইব সূর্যো জ্যোতিষা মহো বিশ্বেষামিজ্জনিতা ব্রহ্মণামসি ॥ ১৫

আ বিবাধ্যা পরিরাপস্তমাংসি চ জ্যোতিষ্মন্তং রথমৃতস্য তিষ্ঠসি ।
বৃহস্পতে ভীমমমিত্রদম্ভনং রক্ষোহণং গোত্রভিদং স্বর্বিদম্ ॥ ১৬

সুনীতিভির্নযসি ত্রাযসে জনং যস্তুভ্যং দাশান্ন তমংহো অশ্নবত্ ।
ব্রহ্মদ্বিষস্তপনো মন্যুমীরসি বৃহস্পতে মহি তত্ তে মহিত্বনম্ ॥ ১৭

ন তমংহো ন দুরিতং কুতশ্চন নারাতযস্তিতিরুর্ন দ্বযাবিনঃ ।
বিশ্বা ইদস্মাদ্ধ্বরসো বি বাধসে যং সুগোপা রক্ষসি ব্রহ্মণস্পতে ॥ ১৮

ত্বং নো গোপাঃ পথিকৃদ্বিচক্ষণস্তব ব্রতায মতিভির্জরামহে ।
বৃহস্পতে যো নো অভি হ্বরো দধে স্বা তং মর্মর্তু দুচ্ছুনা হরস্বতী ॥ ১৯

উত বা যো নো মর্চযাদনাগসোঽরাতীবা মর্তঃ সানুকো বৃকঃ ।
বৃহস্পতে অপ তং বর্তযা পথঃ সুগং নো অস্যৈ দেববীতযে কৃধি ॥ ২০

ত্রাতারং ত্বা তনূনাং হবামহেঽবস্পর্তরধিবক্তারমস্মযুম্ ।
বৃহস্পতে দেবনিদো নি বর্হয মা দুরেবা উত্তরং সুম্নমুন্নশন্ ॥ ২১

ত্বযা বযং সুবৃধা ব্রহ্মণস্পতে স্পার্হা বসু মনুষ্যা দদীমহি ।
যা নো দূরে তল়িতো যা অরাতযোঽভি সন্তি জংভযা তা অনপ্নসঃ ॥ ২২

ত্বযা বযমুত্তমং ধীমহে বযো বৃহস্পতে পপ্রিণা সস্নিনা যুজা ।
মা নো দুঃশংসো অভিদিপ্সুরীশত প্র সুশংসা মতিভিস্তারিষীমহি ॥ ২৩

অনানুদো বৃষভো জগ্মিরাহবং নিষ্টপ্তা শত্রুং পৃতনাসু সাসহিঃ ।
অসি সত্য ঋণযা ব্রহ্মণস্পত উগ্রস্য চিদ্দমিতা বীল়ুহর্ষিণঃ ॥ ২৪

অদেবেন মনসা যো রিষণ্যতি শাসামুগ্রো মন্যমানো জিঘাংসতি ।
বৃহস্পতে মা প্রণক্ তস্য নো বধো নি কর্ম মন্যুং দুরেবস্য শর্ধতঃ ॥ ২৫

ভরেষু হব্যো নমসোপসদ্যো গন্তা বাজেষু সনিতা ধনংধনম্ ।
বিশ্বা ইদর্যো অভিদিপ্স্বো ৩ মৃধো বৃহস্পতির্বি ববর্হা রথাঁ ইব ॥ ২৬

তেজিষ্ঠযা তপনী রক্ষসস্তপ যে ত্বা নিদে দধিরে দৃষ্টবীর্যম্ ।
আবিস্তত্ কৃষ্ব যদসত্ ত উক্থ্যং ১ বৃহস্পতে বি পরিরাপো অর্দয ॥ ২৭

বৃহস্পতে অতি যদর্যো অর্হাদ্দ্যুমদ্বিভাতি ক্রতুমজ্জনেষু ।
যদ্দীদযচ্ছবস ঋতপ্রজাত তদস্মাসু দ্রবিণং ধেহি চিত্রম্ ॥ ২৮

মা নঃ স্তেনেভ্যো যে অভি দ্রুহস্পদে নিরামিণো রিপবোঽন্নেষু জাগৃধুঃ ।
আ দেবানামোহতে বি ব্রযো হৃদি বৃহস্পতে ন পরঃ সাম্নো বিদুঃ ॥ ২৯

বিশ্বেভ্যো হি ত্বা ভুবনেভ্যস্পরি ত্বষ্টাজনত্সাম্নঃসাম্নঃ কবিঃ ।
স ঋণচিদৃণযা ব্রহ্মণস্পতির্দ্রুহো হন্তা মহ ঋতস্য ধর্তরি ॥ ৩০

তব শ্রিযে ব্যজিহীত পর্বতো গবাং গোত্রমুদসৃজো যদঙ্গিরঃ ।
ইন্দ্রেণ যুজা তমসা পরীবৃতং বৃহস্পতে নিরপামৌব্জো অর্ণবম্ ॥ ৩১

ব্রহ্মণস্পতে ত্বমস্য যন্তা সূক্তস্য বোধি তনযং চ জিন্ব ।
বিশ্বং তদ্ভদ্রং যদবন্তি দেবা বৃহদ্বদেম বিদথে সুবীরাঃ ॥ ৩২

সেমামবিড্ঢি প্রভৃতিং য ঈশিষেঽযা বিধেম নবযা মহা গিরা ।
যথা নো মীঢ্বান্ত্স্তবতে সখা তব বৃহস্পতে সীষধঃ সোত নো মতিম্ ॥ ৩৩

যো নন্ত্বান্যনমন্ন্যোজসোতাদর্দর্মন্যুনা শম্বরাণি বি ।
প্রাচ্যাবযদচ্যুতা ব্রহ্মণস্পতিরা চাবিশদ্বসুমন্তং বি পর্বতম্ ॥ ৩৪

তদ্দেবানাং দেবতমায কর্ত্বমশ্রথ্নন্ দৃল়হাব্রদন্ত বীল়িতা ।
উদ্গা আজদভিনদ্ব্রহ্মণা বলমগূহত্তমো ব্যচক্ষযত্ স্বঃ ॥ ৩৫

অশ্মাস্যমবতং ব্রহ্মণস্পতির্মধুধারমভি যমোজসাতৃণত্ ।
তমেব বিশ্বে পপিরে স্বর্দৃশো বহু সাকং সিসিচুরুত্সমুদ্রিণম্ ॥ ৩৬

সনা তা কা চিদ্ভুবনা ভবীত্বা মাদ্ভিঃ শরদ্ভির্দুরো বরন্ত বঃ ।
অযতন্তা চরতো অন্যদন্যদিদ্যা চকার বযুনা ব্রহ্মণস্পতিঃ ॥ ৩৭

অভিনক্ষন্তো অভি যে তমানশুর্নিধিং পণীনাং পরমং গুহা হিতম্ ।
তে বিদ্বাংসঃ প্রতিচক্ষ্যানৃতা পুনর্যত উ আযন্তদুদীযুরাবিশম্ ॥ ৩৮

ঋতাবানঃ প্রতিচক্ষ্যানৃতা পুনরাত আ তস্থুঃ কবযো মহস্পথঃ ।
তে বাহুভ্যাং ধমিতমগ্নিমশ্মনি নকিঃ ষো অস্ত্যরণো জহুর্হি তম্ ॥ ৩৯

ঋতজ্যেন ক্ষিপ্রেণ ব্রহ্মণস্পতির্যত্র বষ্টি প্র তদশ্নোতি ধন্বনা ।
তস্য সাধ্বীরিষবো যাভিরস্যতি নৃচক্ষসো দৃশযে কর্ণযোনযঃ ॥ ৪০

স সংনযঃ স বিনযঃ পুরোহিতঃ স সুষ্টুতঃ স যুধি ব্রহ্মণস্পতিঃ ।
চাক্ষ্মো যদ্বাজং ভরতে মতী ধনাঽঽদিত্সূর্যস্তপতি তপ্যতুর্বৃথা ॥ ৪১
বিভু প্রভু প্রথমং মেহনাবতো বৃহস্পতেঃ সুবিদত্রাণি রাধ্যা ।
ইমা সাতানি বেন্যস্য বাজিনো যেন জনা উভযে ভুঞ্জতে বিশঃ ॥ ৪২

যোঽবরে বৃজনে বিশ্বথা বিভুর্মহামু রণ্বঃ শবসা ববক্ষিথ ।
স দেবো দেবান্প্রতি পপ্রথে পৃথু বিশ্বেদু তা পরিভূর্ব্রহ্মণস্পতিঃ ॥ ৪৩

বিশ্বং সত্যং মঘবানা যুবোরিদাপশ্চন প্র মিনন্তি ব্রতং বাম্ ।
অচ্ছেন্দ্রাব্রহ্মণস্পতী হবির্নোঽন্নং যুজেব বাজিনা জিগাতম্ ॥ ৪৪

উতাশিষ্ঠা অনু শৃণ্বন্তি বহ্নযঃ সভেযো বিপ্রো ভরতে মতী ধনা ।
বীল়ুদ্বেষা অনু বশ ঋণমাদদিঃ স হ বাজী সমিথে ব্রহ্মণস্পতিঃ ॥ ৪৫

ব্রহ্মণস্পতেরভবদ্যথাবশং সত্যো মন্যুর্মহি কর্মা করিষ্যতঃ ।
যো গা উদাজত্স দিবে বি চাভজন্ মহীব রীতিঃ শবসাসরত্পৃথক্ ॥ ৪৬

ব্রহ্মণস্পতে সুযমস্য বিশ্বহা রাযঃ স্যাম রথ্যো ৩ বযস্বতঃ ।
বীরেষু বীরাঁ উপ পৃঙ্ধি নস্ত্বং যদীশানো ব্রহ্মণা বেষি মে হবম্ ॥ ৪৭

ব্রহ্মণস্পতে ত্বমস্য যন্তা সূক্তস্য বোধি তনযং চ জিন্ব ।
বিশ্বং তদ্ভদ্রং যদবন্তি দেবা বৃহদ্বদেম বিদথে সুবীরাঃ ॥ ৪৮

ইন্ধানো অগ্নিং বনবদ্বনুষ্যতঃ কৃতব্রহ্মা শূশুবদ্রাতহব্য ইত্ ।
জাতেন জাতমতি স প্র সর্সৃতে যংযং যুজং কৃণুতে ব্রহ্মণস্পতিঃ ॥ ৪৯

বীরেভির্বীরান্বনবদ্বনুষ্যতো গোভী রযিং পপ্রথদ্বোধতি ত্মনা ।
তোকং চ তস্য তনযং চ বর্ধতে যংযং যুজং কৃণুতে ব্রহ্মণস্পতিঃ ॥ ৫০

সিন্ধুর্ন ক্ষোদঃ শিমীবাঁ ঋঘাযতো বৃষেব বধ্রীংরভি বষ্ট্যোজসা ।
অগ্নেরিব প্রসিতির্নাহ বর্তবে যংযং যুজং কৃণুতে ব্রহ্মণস্পতিঃ ॥ ৫১

তস্মা অর্ষন্তি দিব্যা অসশ্চতঃ স সত্বভিঃ প্রথমো গোষু গচ্ছতি ।
অনিভৃষ্টতবিষির্হন্ত্যোজসা যংযং যুজং কৃণুতে ব্রহ্মণস্পতিঃ ॥ ৫২

তস্মা ইদ্বিশ্বে ধুনযন্ত সিন্ধবোঽচ্ছিদ্রা শর্ম দধিরে পুরূণি ।
দেবানাং সুম্নে সুভগঃ স এধতে যংযং যুজং কৃণুতে ব্রহ্মণস্পতিঃ ॥ ৫৩

ঋজুরিচ্ছংসো বনবদ্বনুষ্যতো দেবযন্নিদদেবযন্তমভ্যসত্ ।
সুপ্রাবীরিদ্বনবত্পৃত্সু দুষ্টরং যজ্বেদযজ্যোর্বি ভজাতি ভোজনম্ ॥ ৫৪

যজস্ব বীর প্র বিহি মনাযতো ভদ্রং মনঃ কৃণুষ্ব বৃত্রতূর্যে ।
হবিষ্কৃণুষ্ব সুভগো যথাসসি ব্রহ্মণস্পতেরব আ বৃণীমহে ॥ ৫৫

স ইজ্জনেন স বিশা স জন্মনা স পুত্রৈর্বাজং ভরতে ধনা নৃভিঃ ।
দেবানাং যঃ পিতরমাবিবাসতি শ্রদ্ধামনা হবিষা ব্রহ্মণস্পতিম্ ॥ ৫৬

যো অস্মৈ হব্যৈর্ঘৃতবদ্ভিরবিধত্ প্র তং প্রাচা নযতি ব্রহ্মণস্পতিঃ ।
উরুষ্যতীমংহসো রক্ষতী রিষোং৩ঽহোশ্চিদস্মা উরুচক্রিরদ্ভুতঃ ॥ ৫৭

তমু জ্যেষ্ঠং নমসা হবির্ভিঃ সুশেবং ব্রহ্মণস্পতিং গৃণীষে ।
ইন্দ্রং শ্লোকো মহি দৈব্যঃ সিষক্তু যো ব্রহ্মণো দেবকৃতস্য রাজা ॥ ৫৮

ইযং বাং ব্রহ্মণস্পতে সুবৃক্তির্ব্রহ্মেন্দ্রায বজ্রিণে অকারি ।
অবিষ্টং ধিযো জিগৃতং পুরংধীর্জজস্তমর্যো বনুষামরাতীঃ ॥ ৫৯

চত্তো ইতশ্চত্তামুতঃ সর্বা ভ্রূণান্যারুষী ।
অরায্যং ব্রহ্মণস্পতে তীক্ষ্ণশৃঙ্গোদৃষন্নিহি ॥ ৬০

অদো যদ্দারু প্লবতে সিন্ধোঃ পারে অপূরুষম্ ।
তদা রভস্ব দুর্হণো তেন গচ্ছ পরস্তরম্ ॥ ৬১

অগ্নির্যেন বিরাজতি সূর্যো যেন বিরাজতি ।
বিরাজ্যেন বিরাজতি তেনাস্মান্ ব্রহ্মণস্পতে বিরাজ সমিধং কুরু ॥ ৬২

যত্র বাণাঃ সম্পতন্তি কুমারা বিশিখা ইব ।
তত্রা নো ব্রহ্মণস্পতিরদিতিঃ শর্ম যচ্ছতু বিশ্বাহা শর্ম যচ্ছতু ॥ ৬৩

যদিন্দ্র ব্রহ্মণস্পতেঽভিদ্রোহং চরামসি ।
প্রচেতা ন আঙ্গিরসো দ্বিষতাং পাত্বংহসঃ ॥ ৬৪

নি ষু সীদ গণপতে গণেষু ত্বামাহুর্বিপ্রতমং কবীনাম্ ।
ন ঋতে ত্বত্ক্রিযতে কিং চনারে মহামর্কং মঘবঞ্চিত্রমর্চ ॥ ৬৫

অযং মে হস্তো ভগবানযং মে ভগবত্তরঃ ।
অযং মে বিশ্বভেষজোঽযং শিবাভিমর্শনঃ ॥ ৬৬

ওং শান্তিঃ শান্তিঃ শান্তিঃ ।

More Ganesha Stotras

Explore More