દ્વિરદવદન વિષમરદ વરદ જયેશાન શાન્તવરસદન ।
સદનવસાદન દયયા કુરુ સાદનમન્તરાયસ્ય ॥ 1 ॥
સદનવસાદન દયયા કુરુ સાદનમન્તરાયસ્ય ॥ 1 ॥
ઇન્દુકલા કલિતાલિક સાલિકશુમ્ભત્કપોલપાલિયુગ ।
વિકટસ્ફુટકટધારાધારોઽસ્યસ્ય પ્રપઞ્ચસ્ય ॥ 2 ॥
વિકટસ્ફુટકટધારાધારોઽસ્યસ્ય પ્રપઞ્ચસ્ય ॥ 2 ॥
વરપરશુપાશપાણે પણિતપણાયાપણાયિતોઽસિ યતઃ ।
આરૂહ્ય વજ્રદન્તં આખું વિદધાસિ વિપદન્તમ્ ॥ 3 ॥
આરૂહ્ય વજ્રદન્તં આખું વિદધાસિ વિપદન્તમ્ ॥ 3 ॥
લમ્બોદર દૂર્વાસન શયધૃતસામોદમોદકાશનક ।
શનકૈરવલોકય માં યમાન્તરાયાપહારિચારુદૃશા ॥ 4 ॥
શનકૈરવલોકય માં યમાન્તરાયાપહારિચારુદૃશા ॥ 4 ॥
આનન્દતુન્દિલાખિલવૃન્દારકવૃન્દવન્દિતાઙ્ઘ્રિયુગ ।
સુખધૃતદણ્ડરસાલો નાગજભાલોઽતિભાસિ વિભો ॥ 5 ॥
સુખધૃતદણ્ડરસાલો નાગજભાલોઽતિભાસિ વિભો ॥ 5 ॥
અગણેયગુણેશાત્મજ ચિન્તકચિન્તામણે ગણેશાન ।
સ્વચરણશરણં કરુણાવરુણાલય દેવ પાહિ માં દીનમ્ ॥ 6 ॥
સ્વચરણશરણં કરુણાવરુણાલય દેવ પાહિ માં દીનમ્ ॥ 6 ॥
રુચિરવચોઽમૃતરાવોન્નીતા નીતા દિવં સ્તુતિઃ સ્ફીતા ।
ઇતિ ષટ્પદી મદીયા ગણપતિપાદામ્બુજે વિશતુ ॥ 7 ॥
ઇતિ ષટ્પદી મદીયા ગણપતિપાદામ્બુજે વિશતુ ॥ 7 ॥
ઇતિ ચિન્તામણિષટ્પદી ॥