ಜ್ಞಾನೇಶ್ವರೀ ಅಧ್ಯಾಯ 1

ಓಂ ನಮೋಜೀ ಆದ್ಯಾ । ವೇದ ಪ್ರತಿಪಾದ್ಯಾ ।
ಜಯ ಜಯ ಸ್ವಸಂವೇದ್ಯಾ । ಆತ್ಮರುಪಾ ॥೧॥

ದೇವಾ ತೂಂಚಿ ಗಣೇಶು | ಸಕಲಮತಿ ಪ್ರಕಾಶು |
ಮ್ಹಣೇ ನಿವೃತ್ತಿ ದಾಸು | ಅವಧಾರಿಜೋ ಜೀ ||೨||
ಹೇಂ ಶಬ್ದಬ್ರಹ್ಮ ಅಶೇಷ | ತೇಚಿ ಮೂರ್ತಿ ಸುವೇಷ |
ತೇಥ ವರ್ಣವಪು ನಿರ್ದೋಷ | ಮಿರವತ ಅಸೇ ||೩||
ಸ್ಮೃತಿ ತೇಚಿ ಅವಯವ | ದೇಖಾ ಅಂಗಿಕಭಾವ |
ತೇಥ ಲಾವಣ್ಯಾಚೀ ಠೇವ | ಅರ್ಥಶೋಭಾ ||೪||
ಅಷ್ಟಾದಶ ಪುರಾಣೇ | ತೀಚಿ ಮಣಿಭೂಷಣೇ |
ಪದಪದ್ಧತೀ ಖೇವಣೇ | ಪ್ರಮೇಯರತ್ನಾಂಚೀ ||೫||
ಪದಬಂಧ ನಾಗರ | ತೇಚಿ ರಂಗಾಥಿಲೇ ಅಂಬರ |
ಜೇಥ ಸಾಹಿತ್ಯವಾಣೇ | ಸಪೂರ ಉಜಾಳಾಚೇ ||೬||
ದೇಖಾ ಕಾವ್ಯನಾಟಕಾ | ಜೇ ನಿರ್ಧಾರಿತಾ ಸಕೌತುಕಾ |
ತ್ಯಾಚಿ ರುಣಝುಣತೀ ಕ್ಷುದ್ರಘಂಟಿಕಾ | ಅರ್ಥಧ್ವನೀ || ೭||
ನಾನಾ ಪ್ರಮೇಯಾಂಚಿ ಪರೀ | ನಿಪುಣಪಣೇ ಪಾಹತಾ ಕುಸರೀ |
ದಿಸತೀ ಉಚಿತ ಪದೇ ಮಾಝಾರೀ | ರತ್ನೇಂ ಭಲೀ || ೮||
ತೇಥ ವ್ಯಾಸಾದಿಕಾಂಚ್ಯಾ ಮತಿ | ತೇಚಿ ಮೇಖಳಾ ಮಿರವತೀ |
ಚೋಖಾಳಪಣೇ ಝಳಕತೀ | ಪಲ್ಲವಸಡಕಾ || ೯||
ದೇಖಾ ಷಡ್ದರ್ಶನೇ ಮ್ಹಣಿಪತೀ | ತೇಚಿ ಭುಜಾಂಚೀ ಆಕೃತೀ ||
ಮ್ಹಣಊನಿ ವಿಸಂವಾದೇ ಧರಿತೀ | ಆಯುಧೇ ಹಾತೀ || ೧೦||
ತರೀ ತರ್ಕ ತೋಚಿ ಪರಶು | ನೀತಿಭೇದು ಅಂಕುಶು |
ವೇದಾಂತು ತೋ ಮಹಾರಸು | ಮೋದಕಾಚಾ || ೧೧ ||
ಏಕೇ ಹಾತಿ ದಂತು | ಜೋ ಸ್ವಭಾವತಾ ಖಂಡಿತು |
ತೋ ಬೌದ್ಧಮತ ಸಂಕೇತು | ವಾರ್ತಿಕಾಂಚಾ || ೧೨ ||
ಮಗ ಸಹಜೇ ಸತ್ಕಾರವಾದು | ತೋ ಪದ್ಮಕರು ವರದು |
ಧರ್ಮಪ್ರತಿಷ್ಠಾ ತೋ ಸಿದ್ಧು | ಅಭಯಹಸ್ತು || ೧೩ ||
ದೇಖಾ ವಿವೇಕಮಂತು ಸುವಿಮಳು | ತೋಚಿ ಶುಂಡಾದಂಡು ಸರಳು |
ಜೇಥ ಪರಮಾನಂದು ಕೇವಳು | ಮಹಾಸುಖಾಚಾ || ೧೪ ||
ತರೀ ಸಂವಾದು ತೋಚಿ ದಶನು | ಜೋ ಸಮತಾಶುಭ್ರವರ್ಣು |
ದೇವೋ ಉನ್ಮೇಷಸುಕ್ಷ್ಮೇಕ್ಷಣು | ವಿಘ್ನರಾಜು || ೧೫ ||
ಮಜ ಅವಗಮಲಿಯಾ ದೋನೀ | ಮೀಮಾಂಸಾ ಶ್ರವಣಸ್ಥಾನೀ |
ಬೋಧಮದಾಮೃತ ಮುನೀ | ಅಲಿ ಸೇವಿತೀ || ೧೬ ||
ಪ್ರಮೇಯಪ್ರವಾಲ ಸುಪ್ರಭ | ದ್ವೈತಾದ್ವೈತ ತೇಚಿ ನಿಕುಂಭ |
ಸರಿಸೇ ಏಕವಟತ | ಇಭ ಮಸ್ತಕಾವರೀ || ೧೭ ||
ಉಪರಿ ದಶೋಪನಿಷದೇ | ಜಿಯೇ ಉದಾರೇ ಜ್ಞಾನಮಕರಂದೇ |
ತಿಯೇ ಕುಸುಮೇ ಮುಗುಟೀ ಸುಗಂಧೇ | ಶೋಭತೀ ಭಲೀ || ೧೮ ||
ಅಕಾರ ಚರಣಯುಗುಲ | ಉಕಾರ ಉದರ ವಿಶಾಲ |
ಮಕಾರ ಮಹಾಮಂಡಲ | ಮಸ್ತಕಾಕಾರೇ || ೧೯ ||
ಹೇ ತಿನ್ಹೀ ಏಕವಟಲೇ | ತೇಥ ಶಬ್ದಬ್ರಹ್ಮ ಕವಳಲೇ |
ತೇ ಮಿಯಾಂ ಗುರೂಕೃಪಾ ನಮಿಲೇ | ಆದಿಬೀಜ || ೨೦ ||
ಆತಾಂ ಅಭಿನವ ವಾಗ್ವಿಲಾಸಿನೀ | ಜೇ ಚಾತುರ್ಯಾರ್ಥಕಲಾ ಕಾಮಿನೀ |
ತೇ ಶಾರದಾ ವಿಶ್ವಮೋಹಿನೀ | ನಮಿಲೀ ಮಿಯಾಂ || ೨೧ ||
ಮಜ ಹೃದಯೀ ಸದ್ಗುರೂ | ತೇಣೇ ತಾರಿಲೋ ಹಾ ಸಂಸಾರಪೂರು |
ಮ್ಹಣಊನಿ ವಿಶೇಷ ಅತ್ಯಾದರೂ | ವಿವೇಕಾವರೀ || ೨೨ ||
ಜೈಸೇ ಡೋಳ್ಯಾಂ ಅಂಜನ ಭೇಟೇ | ಮಗ ದೃಷ್ಟೀಸೀ ಫಾಂಟಾ ಫುಟೇ |
ಮಗ ವಾಸ ಪಾಹೇ ತೇಥ ಪ್ರಕಟೇ | ಮಹಾನಿಧೀ || ೨೩ ||
ಕಾ ಚಿಂತಾಮಣೀ ಜಾಲಯಾ ಹಾತೀ | ಸದಾ ವಿಜಯವೃತ್ತಿ ಮನೋರಥೀ |
ತೈಸಾ ಮೀ ಪೂರ್ಣಕಾಮ ನಿವೃತ್ತೀ | ಜ್ಞಾನದೇವೋ ಮ್ಹಣೇ || ೨೪ ||
ಮ್ಹಣೋನ ಜಾಣತೇನೋ ಗುರೂ ಭಜಿಜೇ | ತೇಣೇ ಕೃತಕಾರ್ಯ ಹೋಈಜೇ |
ಜೈಸೇ ಮೂಳಸಿಂಚನೇ ಸಹಜೇ | ಶಾಖಾಪಲ್ಲವ ಸಂತೋಷತೀ || ೨೫ ||
ಕಾ ತೀರ್ಥೇ ಜಿಯೇ ಭುವನೀ | ತಿಯೇ ಘಡತೀ ಸಮುದ್ರಾವಗಹನೀ |
ನಾ ತರೀ ಅಮೃತರಸಾಸ್ವಾದನೀಂ | ರಸ ಸಕಳ || ೨೬ ||
ತೈಸಾ ಪುಢತಪುಢತೀ ತೋಚೀ | ಮಿಯಾಂ ಅಭಿವಂದಿಲಾ ಶ್ರೀಗುರೂಚಿ |
ಜೇ ಅಭಿಲಷಿತ ಮನೋರುಚೀ | ಪುರವಿತಾ ತೋ || ೨೭ ||
ಆತಾ ಅವಧಾರಾ ಕಥಾ ಗಹನ | ಜೇ ಸಕಳಾಂ ಕೌತುಕಾ ಜನ್ಮಸ್ಥಾನ |
ಕೀ ಅಭಿನವ ಉದ್ಯಾನ | ವಿವೇಕತರೂಚೇ || ೨೮ ||
ನಾ ತರೀ ಸರ್ವ ಸುಖಾಂಚೀ ಆದಿ | ಜೇ ಪ್ರಮೇಯಮಹಾನಿಧೀ |
ನಾನಾ ನವರಸಸುಧಾಬ್ಧಿ | ಪರಿಪೂರ್ಣ ಹೇ || ೨೯ ||
ಕೀ ಪರಮಧಾಮ ಪ್ರಕಟ | ಸರ್ವ ವಿದ್ಯಾಂಚೇ ಮೂಳಪೀಠ |
ಶಾಸ್ತ್ರಜಾತಾ ವಸಿಷ್ಠ | ಅಶೇಷಾಂಚೇ || ೩೦ ||
ನಾ ತರೀ ಸಕಳ ಧರ್ಮಾಂಚೇ ಮಾಹೇರ । ಸಜ್ಜನಾಂಚೇ ಜಿವ್ಹಾರ ।
ಲಾವಣ್ಯರತ್ನಭಾಂಡಾರ । ಶಾರದಿಯೇಚೇ ॥ ೩೧॥

ನಾನಾ ಕಥಾರೂಪೇ ಭಾರತೀ । ಪ್ರಕಟಲೀ ಅಸೇ ತ್ರಿಜಗತೀ ।
ಆವಿಷ್ಕರೋನೀ ಮಹಾಮತೀ । ವ್ಯಾಸಾಚಿಯೇ ॥ ೩೨॥

ಮ್ಹಣೋನೀ ಹಾ ಕಾವ್ಯಾಂ ರಾವೋ । ಗ್ರಂಥ ಗುರುವತೀಚಾ ಠಾವೋ ।
ಏಥುನಿ ರಸಾಂ ಆಲಾ ಆವೋ । ರಸಾಳಪಣಾಚಾ ॥ ೩೩॥

ತೇವೀಂಚಿ ಆಇಕಾ ಆಣಿಕ ಏಕ । ಏಥುನಿ ಶಬ್ದಶ್ರೀ ಸಚ್ಛಾಸ್ತ್ರಿಕ ।
ಆಣಿ ಮಹಾಬೋಧಿ ಕೋವಳೀಕ । ದುಣಾವಲೀ ॥ ೩೪॥

ಏಥ ಚಾತುರ್ಯ ಶಹಾಣೇ ಝಾಲೇ । ಪ್ರಮೇಯ ರುಚೀಸ ಆಲೇ ।
ಆಣಿ ಸೌಭಾಗ್ಯ ಪೋಖಲೇ । ಸುಖಾಚೇ ಏಥ ॥ ೩೫॥

ಮಾಧುರ್ಯೀ ಮಧುರತಾ । ಶೃಂಗಾರೀ ಸುರೇಖತಾ ।
ರೂಢಪಣ ಉಚಿತಾಂ । ದಿಸೇ ಭಲೇ ॥ ೩೬॥

ಏಥ ಕಳಾವಿದಪಣ ಕಳಾ । ಪುಣ್ಯಾಸೀ ಪ್ರತಾಪು ಆಗಳಾ ।
ಮ್ಹಣಊನಿ ಜನಮೇಜಯಾಚೇ ಅವಲೀಳಾ । ದೋಷ ಹರಲೇ ॥ ೩೭॥

ಆಣಿ ಪಾಹತಾ ನಾವೇಕ । ರಂಗೀ ಸುರಂಗತೇಚೀ ಆಗಳೀಕ ।
ಗುಣಾಂ ಸಗುಣತೇಚೇ ಬಿಕ । ಬಹುವಸ ಏಥ ॥ ೩೮॥

ಭಾನುಚೇನಿ ತೇಜೇಂ ಧವಳಲೇ । ಜೈಸೇ ತ್ರೈಲೋಕ್ಯ ದಿಸೇ ಉಜಳಲೇ ।
ತೈಸೇ ವ್ಯಾಸಮತೀ ಕವಳಲೇ । ಅವಘೇ ವಿಶ್ವ ॥ ೩೯॥

ಕಾಂ ಸುಕ್ಷೇತ್ರೀಂ ಬೀಜ ಘಾತಲೇ । ತೇ ಆಪುಲೇಯಾಪರೀ ವಿಸ್ತಾರಲೇ ।
ತೈಸೇ ಭಾರತೀಂ ಸುರವಾಡಲೇ । ಅರ್ಥಜಾತ ॥ ೪೦॥

ನಾ ತರೀ ನಗರಾಂತರೀ ವಸಿಜೇ । ತರೀ ನಾಗರಾಚಿ ಹೋಇಜೇ ।
ತೈಸೇ ವ್ಯಾಸೋಕ್ತಿತೇಜೇ । ಧವಳಿತ ಸಕಳ ॥ ೪೧॥

ಕೀಂ ಪ್ರಥಮವಯಸಾಕಾಳೀಂ । ಲಾವಣ್ಯಾಚೀ ನವ್ಹಾಳೀ ।
ಪ್ರಕಟೇ ಜೈಸೀ ಆಗಳೀ । ಅಂಗನಾಅಂಗೀ ॥ ೪೨॥

ನಾ ತರೀ ಉದ್ಯಾನೀ ಮಾಧವೀ ಘಡೇ । ತೇಥ ವನಶೋಭೇಚಿ ಖಾಣೀ ಉಘಡೇ ।
ಆದಿಲಾಪಾಸೋನಿ ಅಪಾಡೇ । ಜಿಯಾಪರೀ ॥ ೪೩॥

ನಾನಾ ಘನೀಭೂತ ಸುವರ್ಣ । ಜೈಸೇ ನ್ಯಾಹಾಳಿತಾಂ ಸಾಧಾರಣ ।
ಮಗ ಅಲಂಕಾತೀ ಬರವೇಪಣ । ನಿವಾಡು ದಾವೀ ॥ ೪೪॥

ತೈಸೇ ವ್ಯಾಸೋಕ್ತೀ ಅಳಂಕಾರಿಲೇ । ಆವಡೇ ತೇ ಬರವೇಪಣ ಪಾತಲೇ ।
ತೇ ಜಾಣೋನಿ ಕಾಯ ಆಶ್ರಯಿಲೇ । ಇತಿಹಾಸೀ ॥ ೪೫॥

ನಾನಾ ಪುರತಿಯೇ ಪ್ರತಿಷ್ಠೇಲಾಗೀಂ । ಸಾನೀವ ಧರುನೀ ಆಂಗೀ ।
ಪುರಾಣೇ ಆಖ್ಯಾನರೂಪೇ ಜಗೀಂ । ಭಾರತಾ ಆಲೀ ॥ ೪೬॥

ಮ್ಹಣಊನಿ ಮಹಾಭಾರತೀಂ ಜೇ ನಾಹೀ । ತೇ ನೋಹೇಚಿ ಲೋಕೀ ತಿಹೀಂ ।
ಯೇಣೇ ಕಾರಣೇ ಮ್ಹಣಿಪೇ ಪಾಹೀಂ । ವ್ಯಾಸೋಚ್ಛಿಷ್ಟ ಜಗತ್ರಯ ॥ ೪೭॥

ಐಸೀ ಸುರಸ ಜಗೀಂ ಕಥಾ । ಜೇ ಜನ್ಮಭೂಮಿ ಪರಮಾರ್ಥಾ ।
ಮುನಿ ಸಾಂಗೇ ನೃಪನಾಥಾ । ಜನಮೇಜಯಾ ॥ ೪೮॥

ಜೇ ಅದ್ವಿತೀಯ ಉತ್ತಮ । ಪವಿತ್ರೈಕ ನಿರುಪಮ ।
ಪರಮ ಮಂಗಲಧಾಮ । ಅವಧಾರಿಜೋ ॥ ೪೯॥

ಆತಾ ಭಾರತೀಂ ಕಮಳಪರಾಗು । ಗೀತಾಖ್ಯು ಪ್ರಸಂಗು ।
ಜೋ ಸಂವಾದಿಲಾ ಶ್ರೀರಂಗು । ಅರ್ಜುನೇಸೀ ॥ ೫೦॥

ನಾ ತರೀ ಶಬ್ದಬ್ರಹ್ಮಾಬ್ಧಿ। ಮಥಿಲೇಯಾ ವ್ಯಾಸಬುದ್ಧಿ ।
ನಿವಡಿಲೇ ನಿರವಧಿ । ನವನೀತ ಹೇ ।। ೫೧॥

ಮಗ ಜ್ಞಾನಾಗ್ನಿಸಂಪರ್ಕೇ । ಕಡಸಿಲೇಂ ವಿವೇಕೇ ।
ಪದ ಆಲೇ ಪರಿಪಾಕೇಂ । ಆಮೋದಾಸೀ ॥ ೫೨॥

ಜೇ ಅಪೇಕ್ಷಿಜೇ ವಿರಕ್ತಿ । ಸದಾ ಅನುಭವಿಜೇ ಸಂತೀಂ ।
ಸೋಹಂಭಾವೇ ಪಾರಂಗತೀ । ರಮಿಜೇ ಜೇಥ ॥ ೫೩॥

ಜೇ ಆಕರ್ಣಿಜೇ ಭಕ್ತೀ । ಜೇಂ ಆದಿವಂದ್ಯ ತ್ರಿಜಗತೀಂ ।
ತೇ ಭೀಷ್ಮಪರ್ವೀಂ ಸಂಗತೀ । ಸಾಂಗೀಜೈಲ ॥ ೫೪॥

ಜೇಂ ಭಗವದ್ಗೀತಾ ಮ್ಹಣೀಜೇ । ಜೇಂ ಬ್ರಹ್ಮೇಶಾಂನೀಂ ಪ್ರಶಂಸಿಜೇ।
ಜೇ ಸನಕಾದಿಕೀಂ ಸೇವಿಜೇ । ಆದರೇಸೀಂ ॥ ೫೫॥

ಜೈಸೇ ಶಾರದಿಯೇಚೇ ಚಂದ್ರಕಳೇ- । ಮಾಜೀಂ ಅಮೃತಕಣ ಕೋಂವಳೇ ।
ತೇಂ ವೇಂಚತೀ ಮವಾಳೇಂ । ಚಕೋರತಲಗೇಂ ॥ ೫೬॥

ತಿಯಾಪರೀ ಶ್ರೋತಾಂ । ಅನುಭವಾವೀ ಹೇ ಕಥಾ ।
ಅತಿ ಹಳುವಾರಪಣೇ ಚಿತ್ತಾ । ಆಣೂನಿಯಾಂ ॥ ೫೭॥

ಹೇ ಶಬ್ದೇವಿಣ ಸಂವಾದಿಜೇ । ಇಂದ್ರಿಯಾಂ ನೇಣತಾ ಭೋಗಿಜೇ ।
ಬೋಲಾಆಧಿ ಝೋಂಬಿಜೇ । ಪ್ರಮೇಯಾಸೀ ॥ ೫೮॥

ಜೈಸೇ ಭ್ರಮರ ಪರಾಗು ನೇತೀ । ಪರೀ ಕಮಳದಳೇ ನೇಣತೀ ।
ತೈಸೀ ಪರೀ ಆಹೇ ಸೇವಿತೀ । ಗ್ರಂಥೀ ಇಯೇ ॥ ೫೯॥

ಕಾ ಆಪುಲಾ ಠಾವೋ ನ ಸಾಂಡಿತಾ । ಆಲಿಂಗಿಜೇ ಚಂದ್ರು ಪ್ರಕಟತಾ ।
ಹಾ ಅನುರಾಗು ಭೋಗಿತಾಂ । ಕುಮುದಿನೀ ಜಾಣೇ ॥ ೬೦॥

ಐಸೇನಿ ಗಂಭೀರಪಣೇ । ಸ್ಥಿರಾವಲೇನಿ ಅಂತಃಕರಣೇ ।
ಆಥಿಲಾ ತೋಚಿ ಜಾಣೇ । ಮಾನೂಂ ಇಯೇ ॥ ೬೧॥

ಅಹೋ ಅರ್ಜುನಾಚಿಯೇ ಪಾಂತೀ । ಜೇ ಪರಿಸಣಯಾ ಯೋಗ್ಯ ಹೋತೀ ।
ತಿಹೀಂ ಕೃಪಾ ಕರೂನ ಸಂತೀಂ । ಅವಧಾನ ದ್ಯಾವೇ ॥ ೬೨॥

ಹೇ ಸಲಗೀಂ ಮ್ಯಾಂ ಮ್ಹಣಿತಲೇ । ಚರಣಾಂ ಲಾಗೋನಿ ವಿನವಿಲೇಂ ।
ಪ್ರಭೂ ಸಖೋಲ ಹೃದಯ ಆಪುಲೇಂ । ಮ್ಹಣಊನಿಯಾಂ ॥ ೬೩॥

ಜೈಸಾ ಸ್ವಭಾವೋ ಮಾಯಬಾಪಾಂಚಾ । ಅಪತ್ಯ ಬೋಲೇ ಜರೀ ಬೋಬಡೀ ವಾಚಾ ।
ತರೀ ಅಧಿಕಚಿ ತಯಾಚಾ । ಸಂತೋಷ ಆಥೀ ॥ ೬೪॥

ತೈಸಾ ತುಮ್ಹೀಂ ಮೀ ಅಂಗೀಕಾರಿಲಾಂ । ಸಜ್ಜನೀಂ ಆಪುಲಾ ಮ್ಹಣಿತಲಾ ।
ತರೀ ಸಹಜ ಉಣೇಂ ಉಪಸಾಹಲಾ । ಪ್ರಾರ್ಥೂಂ ಕಾಯೀ ॥ ೬೫॥

ಪರೀ ಅಪರಾಧು ತೋ ಆಣಿಕ ಆಹೇ । ಜೇಂ ಮೀ ಗೀತಾರ್ಥ ಕವಳುಂ ಪಾಹೇಂ ।
ತೇ ಅವಧಾರಾ ವಿನವೂಂ ಲಾಹೇಂ । ಮ್ಹಣಊನಿಯಾಂ ॥ ೬೬॥

ಹೇ ಅನಾವರ ನ ವಿಚಾರಿತಾಂ । ವಾಯಾಂಚಿ ಧಿಂವಸಾ ಉಪನಲಾ ಚಿತ್ತಾ ।
ಯೇರ್ಹವೀಂ ಭಾನುತೇಜೀಂ ಕಾಯ ಖದ್ಯೋತಾ । ಶೋಭಾ ಆಥೀ ॥ ೬೭॥

ಕಾ ಟಿಟಿಭೂ ಚಾಂಚೂವರೀ । ಮಾಪ ಸೂಯೇ ಸಾಗರೀ ।
ಮೀ ನೇಣತು ತ್ಯಾಪರೀ । ಪ್ರವರ್ತೇಂ ಯೇಥ ॥ ೬೮॥

ಆಇಕಾ ಆಕಾಶ ಗಿಂವಸಾವೇ । ತರೀ ತ್ಯಾಹೂನಿ ಥೋರ ಹೋಆವೇಂ ।
ಮ್ಹಣಊನಿ ಅಪಾಡು ಹೇಂ ಆಘವೇಂ । ನಿರ್ಧಾರಿತಾ ॥ ೬೯॥

ಯಾ ಗೀತಾರ್ಥಾಚೀ ಥೋರೀ । ಸ್ವಯೇಂ ಶಂಭೂ ವಿವರೀ ।
ಜೇಥ ಭವಾನೀ ಪ್ರಶ್ನು ಕರೀ । ಚಮತ್ಕಾರೋನೀ ॥ ೭೦॥

ತೇಥ ಹರೂ ಮ್ಹಣೇ ನೇಣಿಜೇ । ದೇವೀ ಜೈಸೇಂ ಕಾ ಸ್ವರೂಪ ತುಝೇಂ ।
ತೈಸೇಂ ನಿತ್ಯನೂತನ ದೇಖಿಜೇ । ಗೀತಾತತ್ವ ॥ ೭೧॥

ಹಾ ವೇದಾರ್ಥಸಾಗರೂ । ಜಯಾ ನಿದ್ರಿತಾಚಾ ಘೋರೂ ।
ತೋ ಸ್ವಯೇಂ ಸರ್ವೇಶ್ವರೂ । ಪ್ರತ್ಯಕ್ಷ ಅನುವಾದಲಾ ॥ ೭೨॥

ಐಸೇಂ ಜೇಂ ಅಗಾಧ । ಜೇಥ ವೇಡಾವತೀ ವೇದ ।
ತೇಥ ಅಲ್ಪ ಮೀ ಮತಿಮಂದ । ಕಾಯ ಹೋಯ ॥ ೭೩॥

ಹೇಂ ಅಪಾರ ಕೈಸೇನಿ ಕವಳಾವೇ । ಮಹಾತೇಜ ಕವಣೇಂ ಧವಳಾವೇ ।
ಗಗನ ಮುಠೀಂ ಸುವಾವೇ । ಮಶಕೇ ಕೇವೀಂ ॥ ೭೪॥

ಪರೀ ಏಥ ಅಸೇ ಏಕ ಆಧಾರು । ತೇಣೇಚಿ ಬೋಲೇಂ ಮೀ ಸಧರು ।
ಜೇ ಸಾನುಕೂಳ ಶ್ರೀಗುರು । ಜ್ಞಾನದೇವೋ ಮ್ಹಣೇ ॥ ೭೫॥

ಯೇರ್ಹವೀಂ ತರೀ ಮೀ ಮುರ್ಖೂ । ಜರೀ ಜಾಹಲಾ ಅವಿವೇಕು ।
ತರೀ ಸಂತಕೃಪಾದೀಪು । ಸೋಜ್ವಳು ಅಸೇ ॥ ೭೬॥

ಲೋಹಾಚೇ ಕನಕ ಹೋಯೇ । ಹೇ ಸಾಮರ್ಥ್ಯ ಪರಿಸೀಂಚ ಆಹೇ ।
ಕೀ ಮೃತಹೀ ಜೀವಿತ ಲಾಹೇ । ಅಮೃತಸಿದ್ಧೀ ॥ ೭೭ ॥

ಜರೀ ಪ್ರಕಟೇ ಸಿದ್ಧಸರಸ್ವತೀ । ತರೀ ಮುಕಯಾ ಆಥೀ ಭಾರತೀ ।
ಏಥ ವಸ್ತುಸಾಮರ್ಥ್ಯಶಕ್ತಿ । ನವಲ ಕಾಯೀ ॥ ೭೮॥

ಜಯಾತೇಂ ಕಾಮಧೇನೂ ಮಾಯೇ । ತಯಾಸೀ ಅಪ್ರಾಪ್ಯ ಕಾಹೀ ಆಹೇ ।
ಮ್ಹಣಊನಿ ಮೀ ಪ್ರವರ್ತೋಂ ಲಾಹೇ । ಗ್ರಂಥೀ ಇಯೇ ॥ ೭೯॥

ತರೀ ನ್ಯೂನ ತೇ ಪುರತೇಂ । ಅಧಿಕ ತೇ ಸರತೇ ।
ಕರೂನ ಘ್ಯಾವೇ ಹೇಂ ತುಮತೇ । ವಿನವೀತು ಅಸೇ ॥ ೮೦॥

ಆತಾ ದೇಈಜೋ ಅವಧಾನ । ತುಮ್ಹೀಂ ಬೋಲವಿಲ್ಯಾ ಮೀ ಬೋಲೇನ ।
ಜೈಸೇ ಚೇಷ್ಟೇ ಸೂತ್ರಾಧೀನ । ದಾರುಯಂತ್ರ ॥ ೮೧॥

ತೈಸಾ ಮೀ ಅನುಗ್ರಹೀತು । ಸಾಧೂಂಚಾ ನಿರೋಪಿತು ।
ತೇ ಆಪುಲಾ ಅಲಂಕಾರಿತು । ಭಲತಯಾಪರೀ ॥ ೮೨॥

ತಂವ ಶ್ರೀಗುರೂ ಮ್ಹಣತೀ ರಾಹೀಂ । ಹೇ ತುಜ ಬೋಲಾವೇ ನ ಲಗೇ ಕಾಂಹೀ ।
ಆತಾ ಗ್ರಂಥಾ ಚಿತ್ತ ದೇಈಂ । ಝಡಕರೀ ವೇಗಾ ॥ ೮೩॥

ಯಾ ಬೋಲಾ ನಿವೃತ್ತಿದಾಸು । ಪಾವೂನಿ ಪರಮ ಉಲ್ಹಾಸು ।
ಮ್ಹಣೇ ಪರಿಯೇಸಾ ಮನಾ ಅವಕಾಶು । ದೇಊನಿಯಾಂ ॥ ೮೪॥

ಧೃತರಾಷ್ಟ್ರ ಉವಾಚ|
ಧರ್ಮಕ್ಷೇತ್ರೇ ಕುರುಕ್ಷೇತ್ರೇ ಸಮವೇತಾ ಯುಯುತ್ಸವಃ |
ಮಾಮಕಾಃ ಪಾಣ್ಡವಾಶ್ಚೈವ ಕಿಮಕುರ್ವತ ಸಂಜಯ || ೧||
ತರೀ ಪುತ್ರಸ್ನೇಹೇ ಮೋಹಿತು । ಧೃತರಾಷ್ಟ್ರ ಅಸೇ ಪುಸತು ॥

ಮ್ಹಣೇ ಸಂಜಯಾ ಸಾಂಗೇ ಮಾತು । ಕುರುಕ್ಷೇತ್ರೀಂಚೀ ॥ ೮೫॥

ಜೇಂ ಧರ್ಮಾಲಯ ಮ್ಹಣಿಜೇ । ತೇಥ ಪಾಂಡವ ಆಣಿ ಮಾಝೇ ।
ಗೇಲೇ ಅಸತೀ ವ್ಯಾಜೇಂ । ಝುಂಜಾಚೇನಿ ॥ ೮೬॥

ತರೀ ತಿಹೀಂ ಯೇತುಲಾ ಅವಸರೀಂ । ಕಾಯ ಕಿಜತ ಅಸೇ ಯೇರಯೇರೀಂ ।
ತೇಂ ಝಡಕರೀ ಕಥನ ಕರೀ । ಮಜಪ್ರತೀ ॥ ೮೭॥

ಸಂಜಯ ಉವಾಚ|
ದೃಷ್ಟ್ವಾ ತು ಪಾಣ್ಡವಾನೀಕಂ ವ್ಯೂಢಂ ದುರ್ಯೋಧನಸ್ತದಾ |
ಆಚಾರ್ಯಮುಪಸಂಗಮ್ಯ ರಾಜಾ ವಚನಮಬ್ರವೀತ್ || ೨||
ತಿಯೇ ವೇಳೀ ತೋ ಸಂಜಯ ಬೋಲೇ । ಮ್ಹಣೇ ಪಾಂಡವಸೈನ್ಯ ಉಚಲಲೇ ।
ಜೈಸೇಂ ಮಹಾಪ್ರಳಯೀಂ ಪಸರಲೇ । ಕೃತಾಂತಮುಖ ॥ ೮೮॥

ತೈಸೇ ತೇಂ ಘನದಾಟ । ಉಠಾವಲೇ ಏಕವಾಟ ।
ಜೈಸೇಂ ಉಸಳಲೇ ಕಾಲಕೂಟ । ಧರೀಂ ಕಣವ ॥ ೮೯॥

ನಾ ತರೀ ವಡವಾನಲು ಸಾದುಕಲಾ । ಪ್ರಲಯವಾತೇ ಪೋಖಲಾ ।
ಸಾಗರ ಶೋಷೂನಿ ಉಧವಲಾ । ಅಂಬರಾಸೀ ॥ ೯೦॥

ತೈಸೇ ದಳ ದುರ್ಧರ । ನಾನಾ ವ್ಯೂಹೀಂ ಪರಿಕರ ।
ಅವಗಮಲೇ ಭಯಾಸುರ । ತಿಯೇ ಕಾಳೀಂ ॥ ೯೧॥

ತೇಂ ದೇಖಿಲೇಯಾಂ ದುರ್ಯೋಧನೇಂ । ಅವ್ಹೇರಿಲೇ ಕವಣೇ ಮಾನೇ ।
ಜೈಸೇಂ ನ ಗಣಿಜೇ ಪಂಚಾನನೇಂ । ಗಜವಟಾಂತೇ ॥ ೯೨ ॥

ಪಶ್ಯೈತಾಂ ಪಾಣ್ಡುಪುತ್ರಾಣಾಮಾಚಾರ್ಯ ಮಹತೀಂ ಚಮೂಮ್ |
ವ್ಯೂಢಾಂ ದ್ರುಪದಪುತ್ರೇಣ ತವ ಶಿಷ್ಯೇಣ ಧೀಮತಾ || ೩||
ಮಗ ದ್ರೋಣಾಪಾಸೀ ಆಲಾ । ತಯಾತೇ ಮ್ಹಣೇ ಹಾ ದೇಖಿಲಾ ।
ಕೈಸಾ ದಳಭಾರು ಉಚಲಲಾ । ಪಾಂಡವಾಂಚಾ ॥ ೯೩॥

ಗಿರಿದುರ್ಗ ಜೈಸೇ ಚಾಲತೇ । ತೈಸೇ ವಿವಿಧ ವ್ಯೂಹ ಸಂಭವತೇ ।
ಹೇ ರಚಿಲೇ ಆಥಿ ಬುದ್ಧಿಮಂತೇ । ದ್ರುಪದ್ಕುಮರೇಂ ॥ ೯೪॥

ಜೋ ಕಾ ತುಮ್ಹೀಂ ಶಿಕ್ಷಾಪಿಲಾ । ವಿದ್ಯಾ ದೇಊನೀ ಕುರುಠಾ ಕೇಲಾ ।
ತೇಣೇ ಹಾ ಪಾಖರಿಲಾ । ದೇಖದೇಖ ॥ ೯೫॥

ಅತ್ರ ಶೂರಾ ಮಹೇಷ್ವಾಸಾ ಭೀಮಾರ್ಜುನಸಮಾ ಯುಧಿ ।
ಯುಯುಧಾನೋ ವಿರಾಟಶ್ಚ ದ್ರುಪದಶ್ಚ ಮಹಾರಥಃ ॥ ೪॥

ಆಣಿಕಹೀ ಅಸಾಧಾರಣ । ಜೇ ಶಸ್ತ್ರಾಸ್ತ್ರೀಂ ಪ್ರವೀಣ ।
ಜೇ ಕ್ಷಾತ್ರಧರ್ಮೀಂ ನಿಪುಣ । ವೀರ ಆಹಾತೀ ॥ ೯೬॥

ಜೇ ಬಳೇಂ ಪ್ರೌಢೀ ಪೌರುಷೇಂ । ಭೀಮಾರ್ಜುನಾಂಸಾರಿಖೇ ।
ತೇ ಸಾಂಗೇನ ಕೌತುಕೇಂ । ಪ್ರಸಂಗೇಚಿ ॥ ೯೭॥

ಏಥ ಯುಯುಧಾನು ಸುಭಟು । ಆಲಾ ಅಸೇ ವಿರಾಟು ।
ಮಹಾರಥೀ ಶ್ರೇಷ್ಠು । ದ್ರುಪದ ವೀರು ॥ ೯೮ ॥

ಧೃಷ್ಟಕೇತುಶ್ಚೇಕಿತಾನಃ ಕಾಶಿರಾಜೇಶ್ಚ ವೀರ್ಯವಾನ ।
ಪುರುಜಿತ್ ಕುಂತಿಭೋಜಶ್ಚ ಶೈಬ್ಯಶ್ಚ ನರಪುಂಗವಃ ॥ ೫॥

ಯುಧಾಮನ್ಯುಶ್ಚ ವಿಕ್ರಾಂತ ಉತ್ತಮೌಜಾಶ್ಚ ವೀರ್ಯವಾನ್ ।
ಸೌಭದ್ರೋ ದ್ರೌಪದೇಯಾಶ್ಚ ಸರ್ವ ಏವ ಮಹಾರಥಃ ॥ ೬॥

ಚೇಕಿತಾನ ಧೃಷ್ಟಕೇತು । ಕಾಶಿಶ್ವರು ವಿಕ್ರಾಂತು ।
ಉತ್ತಮೌಜ ನೃಪನಾಥು । ಶೈಬ್ಯ ದೇಖ ॥ ೯೯ ॥

ಹಾ ಕುಂತಿಭೋಜು ಪಾಹೇ । ಏಥ ಯುಧಾಮನ್ಯು ಆಲಾ ಆಹೇ ।
ಆಣಿ ಪುರುಜಿತಾದಿ ರಾಯ ಹೇ । ಸಕಳ ದೇಖೇ ॥ ೧೦೦॥

ಹಾ ಸುಭದ್ರಹೃದಯನಂದನು । ಜೋ ಅಪರು ನವಾ ಅರ್ಜುನು ।
ತೋ ಅಭಿಮನ್ಯು ಮ್ಹಣೇ ದುರ್ಯೋಧನು । ದೇಖೇ ದ್ರೋಣಾ ॥ ೧೦೧॥

ಆಣಿಕಹೀ ದ್ರೌಪದೀಕುಮರ । ಕೇ ಸಕಳಹೀ ಮಹಾರಥೀ ವೀರ ।
ಮಿತೀ ನೇಣಿಜೇ ಅಪಾರ । ಮೀನಲೇ ಆಥಿ ॥ ೧೦೨ ॥

ಅಸ್ಮಾಕಂ ತು ವಿಶಿಷ್ಟಾ ಯೇ ತಾನ್ ನಿಬೋಧ ದ್ವಿಜೋತ್ತಮ ।
ನಾಯಕಾ ಮಮ ಸೈನ್ಯಸ್ಯ ಸಂಜ್ಞಾರ್ಥಂ ತಾನ್ ಬ್ರವೀಮಿ ತೇ ॥ ೭॥

ಭವಾನ್ ಭೀಷ್ಮಶ್ಚ ಕರ್ಣಶ್ಚ ಕೃಪಶ್ಚ ಸಮಿಂತಿಂಜಯಃ ।
ಅಶ್ವತ್ಥಾಮಾ ವಿಕರ್ಣಶ್ಚ ಸೋಮದತ್ತಿಸ್ಥೈವ ಚ ॥ ೮॥

ಆತಾಂ ಆಮುಚಾಂ ದಳೀಂ ನಾಯಕ । ಜೇ ರೂಢ ವೀರ ಸೈನಿಕ ।
ತೇ ಪ್ರಸಂಗೇ ಆಇಕ । ಸಾಂಗಿಜತೀ ॥ ೧೦೩॥

ಉದ್ದೇಶೇಂ ಏಕ ದೋನೀ । ಜಾಯಿಜತೀ ಬೋಲೋನೀ ।
ತುಮ್ಹೀಆದಿಕರೂನಿ । ಮುಖ್ಯ ಜೇ ಜೇ ॥ ೧೦೪॥

ಹಾ ಭೀಷ್ಮು ಗಂಗಾನಂದನು । ಜೋ ಪ್ರತಾಪತೇಜಸ್ವೀ ಭಾನೂ ।
ರಿಪುಗಜಪಂಚಾನನು । ಕರ್ಣ ವೀರು ॥ ೧೦೫ ॥

ಯಾ ಏಕೇಕಾಚೇನಿ ಮನೋವ್ಯಾಪಾರೇಂ । ಹೇ ವಿಶ್ವ ಹೋಯ ಸಂಹರೇ ।
ಹಾ ಕೃಪಾಚಾರ್ಯ ನ ಪುರೇ । ಏಕಲಾಚಿ ॥ ೧೦೬॥

ಏಥ ವಿಕರ್ಣ ವೀರು ಆಹೇ । ಹಾ ಅಶ್ವತ್ಥಾಮಾ ಪೈಲ ಪಾಹೇಂ ।
ಯಾಚಾ ಅಡದರು ಸದಾ ವಾಹೇ । ಕೃತಾಂತು ಮನೀಂ ॥ ೧೦೭॥

ಸಮಿತಿಂಜಯೋ ಸೋಮದತ್ತಿ । ಐಸೇ ಆಣಿಕಹೀ ಬಹುತ ಆಹಾತೀ ॥

ಜಯಾಚಿಯಾ ಬಳಾ ಮಿತೀ । ಧಾತಾಹೀ ನೇಣೇ ॥ ೧೦೮॥

ಅನ್ಯೇ ಚ ಬಹವಃ ಶೂರಾ ಮದರ್ಥೇ ತ್ಯಕ್ತಜೀವಿತಾಃ ।
ನಾನಾಶಸ್ತ್ರಪ್ರಹರಣಃ ಸರ್ವೇ ಯುದ್ಧವಿಶರದಃ ॥ ೯॥

ಜೇ ಶಸ್ತ್ರವಿದ್ಯಾಪಾರಂಗತ । ಮಂತ್ರಾವತಾರ ಮೂರ್ತ ।
ಹೋ ಕಾಂ ಜೇ ಅಸ್ತ್ರಜಾತ । ಏಥೂನಿ ರೂಢ ।। ೧೦೯॥

ಹೇ ಅಪ್ರತಿಮಲ್ಲ ಜಗೀಂ । ಪುರತಾ ಪ್ರತಾಪು ಅಂಗೀ ।
ಪರೀ ಸರ್ವ ಪ್ರಾಣೇಂ ಮಜಚಿಲಾಗೀ । ಆರಾಇಲೇ ಅಸತೀ ॥ ೧೧೦॥

ಪತಿವ್ರತೇಚೇ ಹೃದಯ ಜೈಸೇ । ಪತೀವಾಂಚೂನಿ ನ ಸ್ಪರ್ಶೇ ।
ಮೀ ಸರ್ವಸ್ವ ಯಾ ತೈಸೇ । ಸುಭಟಾಂಸೀ ॥ ೧೧೧॥

ಆಮುಚಿಯಾ ಕಾಜಾಚೇನಿ ಪಾಡೇಂ । ದೇಖತೀ ಆಪುಲೇಂ ಜೀವಿತ ಥೋಕಡೇಂ ।
ಐಸೇ ನಿರವಧಿ ಚೋಖಡೇ । ಸ್ವಾಮಿಭಕ್ತ ॥ ೧೧೨॥

ಝುಂಜತೀ ಕುಳಕಣೀ ಜಾಣತೀ । ಕಳೇ ಕೀರ್ತೀಸೀ ಜಿತೀ ।
ಹೇ ಬಹು ಅಸೋ ಕ್ಷಾತ್ರನೀತೀ । ಏಥೋನಿಯಾಂ ॥ ೧೧೩॥

ಐಸೇಂ ಸರ್ವಾಪರೀ ಪುರತೇ । ವೀರ ದಳೀ ಆಮುತೇಂ ।
ಆತಾಂ ಕಾಯ ಗಣೂಂ ಯಾಂತೇಂ । ಅಪಾರ ಹೇ ॥ ೧೧೪॥

ಅಪರ್ಯಾಪ್ತಂ ತದಸ್ಮಾಕಂ ಬಲಂ ಭೀಷ್ಮಾಭಿರಕ್ಷಿತಮ್ ।
ಪರ್ಯಾಪ್ತಂ ತ್ವಿದಮೇಷಾಂ ಬಲಂ ಭೀಮಾಭಿರಕ್ಷಿತಮ್ ॥ ೧೦॥

ವರೀ ಕ್ಷತ್ರೀಯಾಂಮಾಜಿ ಶ್ರೇಷ್ಠು । ಜೋ ಜಗಜೇಠೀ ಗಾ ಸುಭಟು ।
ತಯಾ ದಳವೈಪಣಾಚಾ ಪಾಟು । ಭೀಷ್ಮಾಸೀ ಪೈಂ ॥ ೧೧೫॥

ಆತಾಂ ಯಾಚೇನಿ ಬಳೇಂ ಗವಸಲೇಂ । ಹೇಂ ದುರ್ಗ ಜೈಸೇ ಪನ್ನಾಸೀಲೇಂ ।
ಯೇಣೇ ಪಾಡೇ ಥೇಂಕುಲೇ । ಲೋಕತ್ರಯ ॥ ೧೧೬॥

ಆಧೀಂಚ ಸಮುದ್ರ ಪಾಹೀಂ । ತೇಥ ದುವಾಡಪಣಾ ಕವಣಾ ನಾಹೀಂ ॥

ಮಗ ವಡವಾನಳು ತೈಸೇಯಾಹೀ । ವಿರಜಾ ಜೈಸಾ ॥ ೧೧೭॥

ನಾ ತರೀ ಪ್ರಲಯವಹ್ನಿ ಮಹಾವಾತು । ಯಾ ದೋಘಾಂ ಜೈಸಾ ಸಾಂಘಾತು ।
ತೈಸಾ ಹಾ ಗಂಗಾಸುತು । ಸೇನಾಪತಿ ॥ ೧೧೮॥

ಆತಾಂ ಯೇಣೇಂಸಿ ಕವಣ ಭಿಡೇ । ಹೇ ಪಾಂಡವ ಸೈನ್ಯ ಕೀರ ಥೋಡೇಂ ।
ಓಇಚಲೇನಿ ಪಾಡೇ । ದಿಸತ ಅಸೇ ॥ ೧೧೯॥

ವರೀ ಭೀಮಸೇನ ಬೇಥು । ತೋ ಜಾಹಲಾ ಅಸೇ ಸೇನಾನಾಥು ।
ಐಸೇಂ ಬೋಲೋನಿ ಹೇ ಮಾತು । ಸಾಂಡಿಲೀ ಅಸೇ ॥ ೧೨೦॥

ಅಯನೇಷು ಚ ಸರ್ವೇಷು ಯಥಾಭಾಗಮವಸ್ಥಿತಾಃ ।
ಭೀಷ್ಮಮೇವಾಭಿರಕ್ಷನ್ತು ಭವನ್ತಃ ಸರ್ವ ಏವ ಹಿ ॥ ೧೧॥

ಮಗ ಪುನರಪಿ ಕಾಯ ಬೋಲೇ । ಸಕಳ ಸೈನಿಕಾಂತೇ ಮ್ಹಣಿತಲೇಂ ।
ಆತಾ ದಳಭಾರ ಆಪುಲಾಲೇ । ಸರಸೇ ಕರಾ ॥ ೧೨೧॥

ಜಿಯಾ ಜಿಯಾ ಅಕ್ಷೌಹಿಣೀ । ತಿಯೇ ತಿಯೇ ಆರಣೀ ।
ವರಗಣ ಕವಣಕವಣೀ । ಮಹಾರಥಿಯಾ ॥ ೧೨೨॥

ತೇಣೇ ತಿಯಾ ಆವರಿಜೇ । ಭೀಷ್ಮಾತಳೀಂ ರಾಹಿಜೇ ।
ದ್ರೋಣಾತೇ ಮ್ಹಣಿಜೇ । ತುಮ್ಹೀಂ ಸಕಳ ॥ ೧೨೩॥

ಹಾಚಿ ಏಕು ರಕ್ಷಾವಾ । ಮೀ ತೈಸಾ ಹಾ ದೇಖಾವಾ ।
ಯೇಣೇಂ ದಳಭಾರು ಆಘವಾ । ಸಾಚು ಆಮುಚಾ॥ ೧೨೪॥

ತಸ್ಯ ಸನಯನ್ ಹರ್ಷಂ ಕುರುವೃದ್ಧಃ ಪಿತಾಮಹಃ ।
ಸಿಂಹನಾದಂ ವಿನದ್ಯೋಚ್ಚೈಃ ಶಂಖಂ ದಧ್ಮೌ ಪ್ರತಾಪವಾನ್ ॥ ೧೨॥

ಯಾ ರಾಜಾಚಿಯಾ ಬೋಲಾ । ಸೇನಾಪತಿ ಸಂತೋಷಲಾ।
ಮಗ ತೇಣೇ ಕೇಲಾ । ಸಿಂಹನಾದು ॥ ೧೨೫॥

ತೋ ಗಾಜತ ಅಸೇ ಅದ್ಭುತು । ದೋನ್ಹೀ ಸೈನ್ಯಾಂಆಂತು ।
ಪ್ರತಿಧ್ವನಿ ನ ಸಮಾತು । ಉಪಜತ ಅಸೇ ॥ ೧೨೬॥

ತಯಾಚಿ ತುಲಗಾಸವೇ । ವೀರವೃತ್ತಿಚೇನಿ ಥಾವೇಂ ।
ದಿವ್ಯ ಶಂಖ ಭೀಷ್ಮದೇವೇಂ । ಆಸ್ಫುರಿಲಾ ॥ ೧೨೭॥

ತೇ ದೋನ್ಹೀ ನಾದ ಮಿನಲೇ । ತೇಥ ತ್ರೈಲೋಕ್ಯ ಬಧಿರಭೂತ ಜಾಹಲೇಂ ।
ಜೈಸೇಂ ಆಕಾಶ ಕಾಂ ಪಡಿಲೇಂ । ತುಟೋನಿಯಾಂ ॥ ೧೨೮॥

ಘಡಘಡೀತ ಅಂಬರ । ಉಚಂಬಳತ ಸಾಗರ ।
ಕ್ಷೋಭಲೇಂ ಚರಾಚರ । ಕಾಂಪತ ಅಸೇ ॥ ೧೨೯॥

ತೇಣೇಂ ಮಹಾಘೋಷಗಜರೇಂ । ದುಮದುಮತಾತೀ ಗಿರಿಕಂದರೇಂ ।
ತಂವ ದಲಾಮಾಜಿ ರಣತುರೇಂ । ಆಸ್ಫಾರಿಲೀಂ ॥೧೩೦॥

ತತಃ ಶಂಖಾಶ್ಚ ಭೈರ್ಯಶ್ಚ ಪಣವಾನಕಗೋಮುಖಃ ।
ಸಹಸೈವಾಭ್ಯಹನ್ಯನ್ತ ಸ ಶಬ್ದಸ್ತುಮುಲೋಽಭವತ್ ॥೧೩॥

ಉದಂಡ ಸೈಂಘ ವಾಜತೇಂ । ಭಯಾನಕೇಂ ಖಾಖಾತೇ ।
ಮಹಾಪ್ರಳಯೋ ಜೇಥೇಂ । ಧಾಕಡಾಂಸೀ ॥ ೧೩೧ ॥

ಭೇರೀ ನಿಶಾಣ ಮಾಂದಳ । ಶಂಖ ಕಾಹಳಾ ಭೋಂಗಳ ।
ಆಣಿ ಭಯಾಸುರ ರಣಕೋಲ್ಹಾಳ । ಸುಭಟಾಂಚೇ ॥ ೧೩೨॥

ಆವೇಶೇಂ ಭುಜಾ ತ್ರಾಹಾಟಿತೀ । ವಿಸಣೈಲೇ ಹಾಂಕಾ ದೇತೀ ।
ಜೇಥ ಮಹಾಮದ ಭದ್ರಜಾತೀ । ಆವರತೀ ನಾ ॥ ೧೩೩॥

ತೇಥ ಭೇಡಾಂಚೀ ಕವಣ ಮಾತು । ಕಾಂಚಯಾ ಕೇರ ಫಿಟತು ।
ಜೇಣೇಂ ದಚಕಲಾ ಕೃತಾಂತು । ಆಂಗ ನೇಘೇ ॥ ೧೩೪॥

ಏಕಾಂ ಉಭಯತಾಂಚೇ ಪ್ರಾಣ ಗೇಲೇ । ಚಾಂಗಾಂಚೇ ದಾಂತ ಬೈಸಲೇ ।
ಬಿರುದಾಂಚೇ ದಾದುಲೇ । ಹಿಂವತಾತೀ ॥ ೧೩೫॥

ಐಸಾ ಅದ್ಭುತ ತೂರಬಂಬಾಳು । ಐಕೋನಿ ಬ್ರಹ್ಮಾ ವ್ಯಾಕುಳು ।
ದೇವ ಮ್ಹಣತೀ ಪ್ರಳಯಕಾಳು । ಓಢವಲಾ ಆಜಿ ॥ ೧೩೬॥

ಐಸೀ ಸ್ವರ್ಗೀಂ ಮಾತು । ದೇಖೋನಿ ತೋ ಆಕಾಂತು ।
ತಂವ ಪಾಂಡವದಳಾ ಆಂತು । ವರ್ತಲೇಂ ಕಾಯೀ ॥ ೧೩೭॥

ಹೋ ಕಾಂ ನಿಜಸಾರ ವಿಜಯಾಚೇ । ಕೀಂ ತೇ ಭಾಂಡಾರ ಮಹಾತೇಜಾಚೇ ।
ಜೇಥ ಗರುಡಾಚಿಚೇ ಜಾವಳಿಯೇ । ಕಾಂತಲೇ ಚಾರ್ಹೀ ॥ ೧೩೮॥

ತತಃ ಶ್ವೇತೈರ್ಹಯೈರ್ಯುಕ್ತೇ ಮಹತಿ ಸ್ಯನ್ದನೇ ಸ್ಥಿತೌ ।
ಮಾಧವಃ ಪಾಂಡವಶ್ಚೈವ ದಿವ್ಯೌ ಶಂಖೌ ಪ್ರದಧ್ಮತುಃ ॥ ೧೪॥

ಕೀ ಪಾಖಾಂಚಾ ಮೇರು ಜೈಸಾ । ರಹಂವರು ಮಿರವಿತಸೇ ತೈಸಾ ।
ತೇಜೇಂ ಕೋಂದಟಲಿಯಾ ದಿಶಾ ಜಯಾಚೇನಿ ॥೧೩೯॥

ಜೇಥ ಅಶ್ವವಾಹಕು ಆಪಣ । ವೈಕುಂಠೀಚಾ ರಾಣಾ ಜಾಣ ।
ತಯಾ ರಥಾಚೇ ಗುಣ । ಕಾಯ ವರ್ಣೂಂ ॥ ೧೪೦॥

ಧ್ವಜಸ್ತಂಭಾವರೀ ವಾನರು । ತೋ ಮೂರ್ತಿಮಂತ ಶಂಕರು ।
ಸಾರಥೀ ಶಾರಙಧರು । ಅರ್ಜುನೇಸೀಂ ॥ ೧೪೧॥

ದೇಖಾ ನವಲ ತಯಾ ಪ್ರಭೂಚೇಂ । ಪ್ರೇಮ ಅದ್ಭುತ ಭಕ್ತಾಂಚೇ ।
ಜೇ ಸಾರಥ್ಯ ಪಾರ್ಥಾಚೇಂ । ಕರೀತು ಅಸೇ ॥ ೧೪೨॥

ಪಾಈಕು ಪಾಠೀಸೀಂ ಘಾತಲಾ । ಆಪಣ ಪುಢಾಂ ರಾಹಿಲಾ ।
ತೇಣೇಂ ಪಾಂಚಜನ್ಯು ಆಸ್ಫುರಿಲಾ । ಅವಲೀಳಾಚಿ ।। ೧೪೩॥

ಪಾಂಚಜನ್ಯಂ ಹೃಷೀಕೇಶೋ ದೇವದತ್ತಂ ಧನಂಜಯಃ ।
ಪೌಂಡ್ರಂ ದಧ್ಮೌ ಮಹಾಶಂಖಂ ಭೀಮಕರ್ಮಾ ವೃಕೋದರಃ ॥ ೧೫॥

ಪರೀ ತೋ ಮಹಾಘೋಷು ಥೋರು । ಗಾಜತ ಅಸೇ ಗಂಹಿರು ।
ಜೈಸಾ ಉದೈಲಾ ಲೋಪಿ ದಿನಕರು । ನಕ್ಷತ್ರಾಂತೇ ॥ ೧೪೪॥

ತೈಸೇಂ ತುರಬಂಬಾಳು ಭಂವತೇ । ಕೌರವದಳೀ ಗಾಜತ ಹೋತೇ ।
ತೇ ಹಾರಪೋನಿ ನೇಣೋಂ ಕೇಊತೇ । ಗೇಲೇ ತೇಥ ॥ ೧೪೫॥

ತೈಸಾಚಿ ದೇಖೇ ಯೇರೇಂ । ನಿನಾದೇಂ ಅತಿ ಗಂಹಿರೇ ।
ದೇವದತ್ತ ಧನುರ್ಧರೇ । ಆಸ್ಫುರಿಲಾ ॥ ೧೪೬॥

ತೇ ದೋನೀ ಶಬ್ದ ಅಚಾಟ । ಮಿನಲೇ ಏಕವಟ ।
ತೇಥ ಬ್ರಹ್ಮಕಟಾಹ ಶತಕೂಟ । ಹೋಂ ಪಾಹತ ಅಸೇ ॥ ೧೪೭॥

ತಂವ ಭೀಮಸೇನು ವಿಸಣೈಲಾ । ಜೈಸಾ ಮಹಾಕಾಳು ಖವಳಲಾ ।
ತೇಣೇಂ ಪೌಂಡ್ರ ಆಸ್ಫುರಿಲಾ । ಮಹಾಶಂಖು ॥ ೧೪೮॥

ಅನಂತವಿಜಯಂ ರಾಜಾ ಕುಂತೀಪುತ್ರೋ ಯುಧಿಷ್ಠಿರಃ ।
ನಕುಲಃ ಸಹದೇವಶ್ಚಂ ಸುಘೋಷ್ಮಣಿಪುಷ್ಪಕೌ ॥ ೧೬॥

ತೋ ಮಹಾಪ್ರಲಯಜಲಧರು । ಜೈಸಾ ಘಡಘಡಿಲಾ ಗಂಹಿರು ।
ತಂವ ಅನಂತವಿಜಯೋ ಯುಧಿಷ್ಠಿರು । ಆಸ್ಫುರಿತ ಅಸೇ ॥ ೧೪೯॥

ನಕುಳೇಂ ಸುಘೋಷು । ಸಹದೇವೇ ಮಣಿಪುಷ್ಪಕು ।
ಜೇಣೇಂ ನಾದೇಂ ಅತಂಕು । ಗಜಬಜಲಾ ಅಸೇ ॥ ೧೫೦॥

ಕಾಶ್ಯಶ್ಚ ಪರಮೇಶ್ವಾಸಃ ಶಿಖಂಡೀ ಚ ಮಹಾರಥಃ ।
ದೃಷ್ಟದ್ಯುಮ್ನೋ ವಿರಾಟಶ್ಚ ಸಾತಕಿಶ್ಚಾಪರಾಜಿತಃ ॥ ೧೭॥

ದ್ರುಪದೋ ದ್ರೌಪದೇಯಾಶ್ಚ ಸರ್ವೇಶಃ ಪೃಥಿವೀಪತೇ ।
ಸೌಭದ್ರಶ್ಚ ಮಹಾಬಾಹುಃ ಶಂಖಾನ್ ದಧ್ಮುಃ ಪೃಥಕ್ ಪೃಥಕ್ ॥ ೧೮॥

ತೇಥ ಭೂಪತೀ ಹೋತೇ ಅನೇಕ । ದ್ರುಪದ ದ್ರೌಪದೇಯಾದಿಕ ।
ಹಾ ಕಾಶೀಪತೀ ದೇಖ । ಮಹಾಬಾಹು ॥ ೧೫೧॥

ತೇಥ ಅರ್ಜುನಾಚಾ ಸುತು । ಸಾತ್ಯಕಿ ಅಪರಾಜಿತು ।
ದೃಷ್ಟದ್ಯುಮ್ನು ನೃಪನಾಥು । ಶಿಖಂಡೀ ಹನ ॥ ೧೫೨॥

ವಿರಾಟಾದಿ ನೃಪವರ । ಜೇ ಸೈನಿಕ ಮುಖ್ಯ ವೀರ ।
ತಿಹೀಂ ನಾನಾ ಶಂಖ ನಿರಂತರ । ಆಸ್ಫುರಿಲೇ ॥ ೧೫೩॥

ತೇಣೇಂ ಮಹಾಘೋಷನಿರ್ಘಾತೇಂ । ಶೇಷಕೂರ್ಮ ಅವಚಿತೇ ।
ಗಜಬಜೋನಿ ಭೂಭಾರಾತೇಂ । ಸಾಂಡೂಂ ಪಾಹತೀ ॥ ೧೫೪॥

ತೇಥ ತಿನ್ಹೀಂ ಲೋಕ ಡಂಡಳಿತ । ಮೇರು ಮಾಂದಾರ ಆಂದೋಳಿತ ।
ಸಮುದ್ರಜಳ ಉಸಳತ । ಕೈಲಾಸವೇರೀ ॥ ೧೫೫॥

ಸ ಘೋಷೋ ಧಾರ್ತ್ರರಾಷ್ಟ್ರಾಣಾಂ ಹೃದಯಾನಿ ವ್ಯದಾರಯತ್ ।
ನಭಶ್ಚ ಪೃಥಿವೀಂಶ್ಚೈವ ತುಮುಲೋ ವ್ಯನುನಾದಯನ್ ॥ ೧೯॥

ಪೃಥ್ವೀತಳ ಉಲಥೋಂ ಪಾಹತ । ಆಕಾಶ ಅಸೇ ಆಸುಡತ ।
ತೇಥ ಸಡಾ ಹೋತ । ನಕ್ಷತ್ರಾಂಚಾ ।। ೧೫೬॥

ಸೃಷ್ಟಿ ಗೇಲೀ ರೇ ಗೇಲೀ ॥ ದೇವಾಂ ಮೋಕಳವಾದೀ ಜಾಹಲೀ ।
ಐಶೀ ಏಕ ಟಾಳೀ ಪಿಟಿಲೀ । ಸತ್ಯಲೋಕೀಂ । ೧೫೭ ॥

ದಿಹಾಚಿ ದಿನ ಥೋಕಲಾ । ಜೈಸಾ ಪ್ರಲಯಕಾಳ ಮಾಂಡಲಾ ।
ತೈಸಾ ಹಾಹಾಕಾರು ಉಠಿಲಾ । ತಿನ್ಹೀಂ ಲೋಕೀಂ ॥ ೧೫೮॥

ತಂವ ಆದಿಪುರುಷು ವಿಸ್ಮಿತು । ಮ್ಹಣೇ ಝಣೇಂ ಹೋಯ ಪಾಂ ಅಂತು ।
ಮಗ ಲೋಪಲಾ ಅದ್ಭುತು । ಸಂಭ್ರಮು ತೋ ॥ ೧೫೯॥

ಮ್ಹಣೋನಿ ವಿಶ್ವ ಸಾಂವರಲೇ । ಏರ್ಹವೀಂ ಯುಗಾಂತ ಹೋತೇಂ ವೋಡವಲೇ ।
ಜೈ ಮಹಾಶಂಖ ಆಸ್ಫುರಿಲೇ । ಕೃಷ್ಣಾದಿಕೀಂ ॥ ೧೬೦॥

ತೋ ಘೋಷ ತರೀ ಉಪಸಂಹರಲಾ । ಪರೀ ಪಡಿಸಾದ ಹೋತಾ ರಾಹಿಲಾ ॥

ತೇಣೇಂ ದಳಭಾರ ವಿಧ್ವಂಸಿಲಾ । ಕೌರವಾಂಚಾ ॥ ೧೬೧॥

ತೋ ಜೈಸಾ ಗಜಘಟಾಆಂತು । ಸಿಂಹ ಲೀಲಾ ವಿದಾರಿತು ।
ತೈಸಾ ಹೃದಯಾತೇಂ ಭೇದಿತು । ಕೌರವಾಂಚಿಯಾ ॥ ೧೬೨॥

ತೋ ಗಾಜತ ಜಂವ ಆಇಕತೀ । ತಂವ ಉಭೇಚಿ ಹಿಯೇ ಘಾಲಿತೀ ।
ಏಕಮೇಕಾಂತೇ ಮ್ಹಣತೀ । ಸಾವಧ ರೇ ಸಾವಧ ॥ ೧೬೩॥

ಅಥ ವ್ಯವಸ್ಥಿತಾನ್ ದೃಷ್ಟವಾ ಧಾರ್ತರಾಷ್ಟ್ರಾನಂ ಕಪಿಧ್ವಜಃ ।
ಪ್ರವೃತ್ತೇ ಶಸ್ತ್ರಸಂಪಾತೇ ಧನುರುದ್ಯಮ್ಯ ಪಾಂಡವಃ ॥ ೨೦॥

ತೇಥ ಬಳೇಂ ಪ್ರೌಢೀಪುರತೇ । ಜೇ ಮಹಾರಥೀ ವೀರ ಹೋತೇ ।
ತಿಹೀಂ ಪುನರಪಿ ದಳಾತೇಂ । ಆವರಿಲೇಂ ॥ ೧೬೪॥

ಮಗ ಸರಿಸಪಣೇಂ ಉಠಾವಲೇ । ದುಣಾವಟೋನಿ ಉಚಲಲೇ ।
ತಯಾ ದಂಡೀ ಕ್ಷೋಭಲೇಂ । ಲೋಕತ್ರಯ ॥ ೧೬೫॥

ತೇಥ ಬಾಣವರೀ ಧನುರ್ಧರ । ವರ್ಷತಾತೀ ನಿರಂತರ ।
ಜೈಸೇ ಪ್ರಲಯಾಂತ ಜಲಧರ । ಅನಿವಾರ ಕಾ ॥ ೧೬೬॥

ತೇಂ ದೇಖಲಿಯಾ ಅರ್ಜುನೇಂ । ಸಂತೋಷ ಘೇಊನಿ ಮನೇ ।
ಮಗ ಸಂಭ್ರಮೇ ದಿಠೀ ಸೇನೇ । ಘಾಲಿತಸೇ ॥ ೧೬೭॥

ತಂವ ಸಂಗ್ರಾಮೀಂ ಸಜ್ಜ ಜಾಹಲೇ । ಸಕಳ ಕೌರವ ದೇಖಿಲೇ ।
ಮಗ ಲೀಲಾ ಧನುಷ್ಯ ಉಚಲಿಲೇ । ಪಂಡುಕುಮರೇಂ ॥ ೧೬೮॥

ಹೃಷೀಕೇಶಂ ತದಾ ವಾಕ್ಯಮಿದಮಾಹ ಮಹೀಪತೇ ।
ಅರ್ಜುನ ಉವಾಚ–
ಸೇನಯೋರುಭಯೋರ್ಮಧ್ಯೇ ರಥಂ ಸ್ಥಾಪಯ ಮೇಽಚ್ಯುತ ॥ ೨೧।
ತೇ ವೇಳೀಂ ಅರ್ಜುನ ಮ್ಹಣತಸೇ ದೇವಾ । ಆತಾಂ ಝಡಕರೀ ರಥು ಪೇಲಾವಾ ।
ನೇಊನಿ ಮಧ್ಯೇಂ ಘಾಲಾವಾ । ದೋಹೀಂ ದಳಾಂ ॥ ೧೬೯॥

ಯಾವದೇತಾನ್ ನಿರಿಕ್ಷೇಽಹಂ ಯೋದ್ಧುಕಾಮಾನವಸ್ಥಿತಾನ್ ।
ಕೈರ್ಮಯಾ ಸಹ ಯೋದ್ಧವ್ಯಸ್ಮಿನ್ ರಣಸಮುದ್ಯಮೇ ॥ ೨೨॥

ಯೋತ್ಸ್ಯಮಾನಾನವೇಕ್ಷೇಽಹಂ ಯ ಏತೇಽತ್ರ ಸಮಾಗತಃ ।
ಧಾರ್ತರಾಷ್ಟ್ರಸ್ಯ ದುರ್ಬುದ್ಧೇರ್ಯುದ್ಧೇ ಪ್ರಿಯಚಿಕಿರ್ಷವಃ ॥ ೨೩॥

ಜಂವ ಮೀ ನಾವೇಕ । ಹೇ ಸಕಳ ವೀರ ಸೈನಿಕ ।
ನ್ಯಾಹಳೀನ ಅಶೇಖ । ಝುಂಜತೇ ಜೇ ॥ ೧೭೦॥

ಏಥ ಆಲೇ ಅಸತೀ ಆಘವೇ । ಪರೀ ಕವಣೇಂಸೀ ಮ್ಯಾಂ ಝುಂಜಾವೇ ।
ಹೇ ರಣೀಂ ಲಾಗೇ ಪಹಾವೇಂ । ಮ್ಹಣಊನಿಯಾಂ ॥ ೧೭೧॥

ಬಹುತಕರುನಿ ಕೌರವ । ಹೇ ಆತುರ ದುಃಸ್ವಭಾವ ।
ವಾಟಿವಾಂವೀಣ ಹಾಂವ । ಬಾಂಧಿತೀ ಝುಂಜೀಂ ॥ ೧೭೨॥

ಝುಂಜಾಚೀ ಆವಡೀ ಧರತೀ । ಪರೀ ಸಂಗ್ರಾಮೀ ವೀರ ನವ್ಹತೀ ।
ಹೇ ಸಾಂಗೇನ ರಾಯಾಪ್ರತೀ । ಕಾಯ ಸಂಜಯೋ ಮ್ಹಣೇ । ೧೭೩॥

ಸಂಜಯ ಉವಾಚ:
ಏವಮುಕ್ತೋ ಹೃಷೀಕೇಶೋ ಗುಡಾಕೇಶೇನ ಭಾರತ ।
ಸೇನಯೋರುಭಯೋರ್ಮಧ್ಯೇ ಸ್ಥಾಪಯಿತ್ವಾ ರಥೋತ್ತಮಮ್ ॥ ೨೪॥

ಆಇಕಾ ಅರ್ಜುನ ಇತುಕೇಂ ಬೋಲಿಲಾ । ತಂವ ಕೃಷ್ಣೇಂ ರಥು ಪೇಲಿಲಾ ।
ದೋಹೀಂ ಸೈನ್ಯಾಮಾಜಿ ಕೇಲಾ । ಉಭಾ ತೇಣೇಂ ॥ ೧೭೪॥

ಭೀಷ್ಮದ್ರೋಣಪ್ರಮುಖತಃ ಸರ್ವೇಷಾಂ ಚ ಮಹೀಕ್ಷಿತಾಮ್ ।
ಉವಾಚಪಾರ್ಥ ಪಶ್ಯೈತಾನ್ ಸಮವೇತಾನ್ ಕುರುನಿತಿ ॥ ೨೫॥

ತತ್ರಾಪಶ್ಯತ್ ಸ್ಥಿತಾನ್ ಪಾರ್ಥಃ ಪಿತೃನಥ ಪಿತಾಮಹಾನ್ ।
ಆಚಾರ್ಯಾನ್ ಮಾತುಲಾನ್ ಭ್ರಾತೃನ್ ಪುತ್ರಾನ್ ಪೌತ್ರಾನ್ ಸಖೀಂಸ್ಥತಾ ॥ ೨೬॥

ಶ್ವಶುರಾನ್ ಸುಹೃದಶ್ಚೈವ ಸೇನಯೋರುಭಯೋರಪಿ ।
ತಾನ್ ಸಮೀಕ್ಷ ಸ ಕೌಂತೇಯಃ ಸರ್ವಾನ್ ಬನ್ಧೂನವಸ್ಥಿತಾನ್ ॥ ೨೭॥

ಜೇಥ ಭೀಷ್ಮಾದ್ರೋಣಾದಿಕ । ಜವಳಿಕೇಚಿ ಸನ್ಮುಖ ।
ಪೃಥಿವಿಪತಿ ಆಣಿಕ । ಬಹುತ ಆಹಾತಿ ॥ ೧೭೫॥

ತೇಥ ಸ್ಥಿರ ಕರೂನಿ ರಥು । ಅರ್ಜುನ ಅಸೇ ಪಾಹತು ।
ತೋ ದಳಭಾರ ಸಮಸ್ತು । ಸಂಭ್ರಮೇಸೀ ॥ ೧೭೬॥

ಮಗ ದೇವಾ ಮ್ಹಣೇ ದೇಖ ದೇಖ । ಹೇ ಗೋತ್ರಗುರು ಅಶೇಖ ।
ತಂವ ಕೃಷ್ಣಾ ಮನೀಂ ನಾವೇಕ । ವಿಸ್ಮೋ ಜಾಹಲಾ ॥ ೧೭೭॥

ತೋ ಆಪಣಯಾಂ ಆಪಣ ಮ್ಹಣೇ । ಏಥ ಕಾಯಿ ಕವಣ ಜಾಣೇ ।
ಹೇಂ ಮನೀಂ ಧರಿಲೇ ಯೇಣೇಂ । ಪರಿ ಕಾಂಹೀ ಆಶ್ಚರ್ಯ ಅಸೇ ॥ ೧೭೮॥

ಐಸೀ ಪುಢೀಲ ಸೇ ಘೇತು । ತೋ ಸಹಜೇಂ ಜಾಣೇ ಹೃದಯಸ್ಥು ।
ಪರಿ ಉಗಾ ಅಸೇ ನಿವಾಂತು । ತಿಯೇ ವೇಳೀಂ ॥ ೧೭೯॥

ತಂವ ತೇಥ ಪಾರ್ಥು ಸಕಳ । ಪಿತೃಪಿತಾಮಹ ಕೇವಳ ।
ಗುರೂ ಬಂಧು ಮಾತುಳ । ದೇಖತಾ ಜಾಹಲಾ ॥ ೧೮೦॥

ಇಷ್ಟಮಿತ್ರ ಆಪುಲೇ । ಕುಮರಜನ ದೇಖಿಲೇ ।
ಹೇ ಸಕಳ ಅಸತೀ ಆಲೇ । ತಯಾಂಮಾಜಿ ॥ ೧೮೧॥

ಸುಹೃಜ್ಜನ ಸಾಸರೇ । ಆಣಿಕಹೀ ಸಖೇ ಸೋಈರೇ ।
ಕುಮರ ಪೌತ್ರ ಧನುರ್ಧರೇಂ । ದೇಖಿಲೇ ತೇಥ ॥ ೧೮೨॥

ಜಯಾಂ ಉಪಕಾರ ಹೋತೇ ಕೇಲೇ । ಕಾಂ ಆಪದೀಂ ಜೇ ರಾಖಿಲೇ ।
ಹೇ ಅಸೋ ವಡೀಲ ಧಾಕುಲೇ – । ಆದಿಕರುನಿ ॥ ೧೮೩॥

ಐಸೇ ಗೋತ್ರಚಿ ದೋಹೀಂ ದಳೀಂ । ಉದಿತ ಜಾಲೇಂ ಅಸೇ ಕಳೀಂ ।
ಹೇಂ ಅರ್ಜುನೇ ತಿಯೇ ವೇಳೀಂ । ಅವಲೋಕಿಲೇಂ ॥ ೧೮೪॥

ಕೃಪಯಾ ಪರಯಾಽಽವಿಷ್ಟೋ ವಿಷೀದನ್ನಮಬ್ರವೀತ ।
ತೇಥ ಮನೀಂ ಗಜಬಜ ಜಾಹಲೀ । ಆಣಿ ಆಪೈಸೀ ಕೃಪಾ ಆಲೀ ।
ತೇಣೇಂ ಅಪಮಾನೇಂ ನಿಘಾಲೀ । ವೀರವೃತ್ತಿ ॥ ೧೮೫ ॥

ಜಿಯಾ ಉತ್ತಮ ಕುಳೀಂಚಿಯಾ ಹೋತೀ । ಆಣಿ ಗುಣಲಾವಣ್ಯ ಆಥೀ ।
ತಿಯಾ ಆಣಿಕೀಂತೇ ನ ಸಾಹತಿ । ಸುತೇಜಪಣೇಂ ॥ ೧೮೬॥

ನವಿಯೇ ಆವಡೀಚೇನಿ ಭರೇಂ । ಕಾಮುಕ ನಿಜವನಿತಾ ವಿಸರೇ ।
ಮಗ ಪಾಡೇಂವಿಣ ಅನುಸರೇಂ । ಭ್ರಮಲಾ ಜೈಸಾ ॥ ೧೮೭॥

ಕೀಂ ತಪೋಬಳೇಂ ಋದ್ಧೀ । ಪಾತಲಿಯಾ ಭ್ರಂಶೇ ಬುದ್ಧೀ ।
ಮಗ ತಯಾ ವಿರಕ್ತತಾಸಿದ್ಧೀ । ಆಠವೇನಾ॥ ೧೮೮॥

ತೈಸೇಂ ಅರ್ಜುನಾ ತೇಥ ಜಾಹಲೇ । ಅಸತೇಂ ಪುರುಷತ್ವ ಗೇಲೇ ।
ಜೇಂ ಅಂತಃಕರಣ ದಿಧಲೇ । ಕಾರುಣ್ಯಾಸೀ ॥ ೧೮೯॥

ದೇಖಾ ಮಂತ್ರಜ್ಞು ಬರಳು ಜಾಯೇ । ಮಗ ತೇಥ ಕಾಂ ಜೈಸಾ ಸಂಚಾರು ಹೋಯೇ ।
ತೈಸಾ ತೋ ಧನುರ್ಧರ ಮಹಾಮೋಹೇಂ । ಆಕಳಿಲಾ ॥ ೧೯೦॥

ಮ್ಹಣಊನಿ ಅಸತಾ ಧೀರು ಗೇಲಾ । ಹೃದಯಾ ದ್ರಾವೋ ಆಲಾ ।
ಜೈಸಾ ಚಂದ್ರಕಳೀಂ ಸಿಂಪಿಲಾ । ಸೋಮಕಾಂತು ॥ ೧೯೧॥

ತಯಾಪರೀ ಪಾರ್ಥು । ಅತಿಸ್ನೇಹೇಂ ಮೋಹಿತು ।
ಮಗ ಸಖೇದ ಅಸೇ ಬೋಲತು । ಅಚ್ಯುತೇಸೀ ॥ ೧೯೨॥

ದೃಷ್ಟ್ವೇನಂ ಸ್ವಜನಂ ಕೃಷ್ಣ ಯುಯುತ್ಸುಂ ಸಮುಪಸ್ಥಿತಾಮ್ ।।೨೮॥

ಸೀದನ್ತೀ ಮಮ ಗಾತ್ರಾಣಿ ಮುಖಂ ಚ ಪರಿಶುಷ್ಯತಿ ।
ವೇಪಥುಶ್ಚ ಶರೀರೇ ಮೇ ರೋಮಾಹರ್ಷಶ್ಚ ಜಾಯತೇ ॥ ೨೯॥

ಗಾಂಡೀವಮ್ ಸ್ತ್ರಂಸತೇ ಹಸ್ತಾತ್ ತ್ವಕ್ ಚೈವ ಪರಿದಹ್ಯತೇ ।
ನ ಚ ಶಕ್ನೋಮ್ಯವಸ್ಥಾತುಂ ಭ್ರಮತೀವ ಚ ಮೇ ಮನಃ ॥ ೩೦॥

ತೋ ಮ್ಹಣೇ ಅವಧಾರೀ ದೇವಾ । ಮ್ಯಾಂ ಪಾಹಿಲಾ ಹಾ ಮೇಳಾವಾ ।
ತಂವ ಗೋತ್ರವರ್ಗು ಆಘವಾ । ದೇಖಿಲಾ ಏಥ ॥ ೧೯೩॥

ಹೇ ಸಂಗ್ರಾಮೀಂ ಅತಿ ಉದ್ಯತ । ಜಾಹಾಲೇ ಅಸತೀ ಕೀರ ಸಮಸ್ತ ।
ಪಣ ಆಪಣಪೇಯಾಂ ಉಚಿತ । ಕೇವೀಂ ಹೋಯ ॥ ೧೯೪॥

ಯೇಣೇಂ ನಾಂವೇಂಚಿಂ ನೇಣೋಂ ಕಾಯೀ । ಮಜ ಆಪಣಪೇಂ ಸರ್ವಥಾ ನಾಹೀಂ ।
ಮನ ಬುದ್ಧೀ ಠಾಯೀಂ । ಸ್ಥಿರ ನೋಹೇ ॥ ೧೯೫ ॥

ದೇಖೇಂ ದೇಹ ಕಾಂಪತ । ತೋಂಡ ಅಸೇ ಕೋರಡೇಂ ಹೋತ ।
ವಿಕಳತಾ ಉಪಜತ । ಗಾತ್ರಾಂಸೀ ॥ ೧೯೬ ॥

ಸರ್ವಾಂಗಾ ಕಾಂಟಾಳಾ ಆಲಾ । ಅತಿ ಸಂತಾಪು ಉಪನಲಾ ।
ತೇಥ ಬೇಂಬಳೇ ಹಾತು ಗೇಲಾ । ಗಾಂಡೀವಾಚಾ ॥ ೧೯೭ ॥

ತೇಂ ನ ಧರತಾಚಿ ನಿಷ್ಟಲೇಂ । ಪರಿ ನೇಣೇಂಚಿ ಹಾತೋನಿ ಪಡಿಲೇ ।
ಐಸೇ ಹೃದಯ ಅಸೇ ವ್ಯಾಪಿಲೇಂ । ಮೋಹೇಂ ಯೇಣೇಂ ॥ ೧೯೮ ॥

ಜೇಂ ವಜ್ರಾಪಾಸೋನಿ ಕಠಿಣ । ದುರ್ಧರ ಅತಿದಾರುಣ ।
ತಯಾಹೂನ ಅಸಾಧಾರಣ । ಹೇಂ ಸ್ನೇಹ ನವಲ ॥ ೧೯೯ ॥

ಜೇಣೇ ಸಂಗ್ರಾಮೀ ಹರೂ ಜಿಂತಿಲಾ । ನಿವಾತಕವಚಾಂಚಾ ಠಾವೋ ಫೇಡಿಲಾ ।
ತೋ ಅರ್ಜುನ ಮೋಹೇಂ ಕವಳಿಲಾ । ಕ್ಷಣಾಮಾಜಿ ॥ ೨೦೦ ॥

ಜೈಸಾ ಭ್ರಮರ ಭೇದೀ ಕೋಡೇಂ । ಭಲತೈಸೇಂ ಕಾಷ್ಠ ಕೋರಡೇಂ ।
ಪರಿ ಕಳಿಕೇಮಾಜೀಂ ಸಾಪಡೇಂ । ಕೋವಳಿಯೇಂ ॥ ೨೦೧ ॥

ತೇಥ ಉತ್ತೀರ್ಣ ಹೋಈಲ ಪ್ರಾಣೇಂ । ಪರೀಂ ತೇ ಕಮಳದಳು ಚಿರೂಂ ನೇಣೇ ।
ತೈಸೇ ಕಠೀಣ ಕೋವಳೇಂಪಣೇ । ಸ್ನೇಹ ದೇಖಾ ॥ ೨೦೨ ॥

ಹೇ ಆದಿಪುರುಷಾಚೀ ಮಾಯಾ । ಬ್ರಹ್ಮೇಯಾಹಿ ನಯೇಚಿ ಆಯಾ ।
ಮ್ಹಣಊನೀ ಭುಲವಿಲಾ ಐಕೇಂ ರಾಯಾ । ಸಂಜಯೋ ಮ್ಹಣೇ ॥ ೨೦೩ ॥

ಅವಧಾರೀಂ ಮಗ ತೋ ಅರ್ಜುನು ।ದೇಖೋನಿ ಸಕಳ ಸ್ವಜನು ।
ವಿಸರಲಾ ಅಭಿಮಾನು । ಸಂಗ್ರಾಮೀಂಚಾ ॥ ೨೦೪ ॥

ಕೈಸೀ ನೇಣೋಂ ಸದಯತಾ । ಉಪನಲೀ ಯೇಥೇ ಚಿತ್ತಾ ।
ಮಗ ಮ್ಹಣೇ ಕೃಷ್ಣಾ ಆತಾ । ನಸಿಜೇ ಏಥ ॥ ೨೦೫ ॥

ಮಾಝೇಂ ಅತಿಶಯ ಮನ ವ್ಯಾಕುಳ । ಹೋತಸೇ ವಾಚಾ ಬರಳ ।
ಜೇ ವಧಾವೇ ಹೇ ಸಕಳ । ಯೇಣೇಂ ನಾಂವೇ ॥ ೨೦೬ ॥

ನಿಮಿತಾನಿ ಚ ಪಶ್ಯಾಮಿ ವಿಪರೀತಾನಿ ಕೇಶವ ।
ನ ಚ ಶ್ರೇಯೋಽನುಪಶ್ಯಾಮಿ ಹತ್ವಾ ಸ್ವಜನಮಾಹವೇ ॥ ೩೧ ॥

ಯಾ ಕೌರವಾಂ ಜರೀ ವಧಾವೇಂ । ತರೀ ಯುಧಿಷ್ಠಿರಾದಿಕ ಕಾಂ ನ ವಧಾವೇ ।
ಹೇ ಯೇರ ಯೇರ ಆಘವೇ । ಗೋತ್ರಜ ಆಮುಚೇ ॥ ೨೦೭ ॥

ಮ್ಹಣೋನಿ ಜಳೋ ಹೇಂ ಝುಂಜ । ಪ್ರತ್ಯಯಾ ನ ಯೇ ಮಜ ।
ಏಣೇಂ ಕಾಯ ಕಾಜ । ಮಹಾಪಾಪೇಂ ॥ ೨೦೮ ॥

ದೇವಾ ಬಹುತಂ ಪರೀಂ ಪಾಹತಾ । ಏಥ ವೋಖಟೇಂ ಹೋಈಲ ಝುಂಜತಾಂ ।
ವರ ಕಾಹೀಂ ಚುಕವಿತಾಂ । ಲಾಭು ಆಥೀ ॥ ೨೦೯ ॥

ನ ಕಾಙಕ್ಷೇ ವಿಜಯಂ ಕೃಷ್ಣ ನ ಚ ರಾಜ್ಯ ಸುಖಾನಿ ಚ ।
ಕಿಂ ನೋ ರಾಜ್ಯೇನ ಗೋವಿಂದ ಕಿಂ ಭೋಗೈರ್ಜೀವಿತೇನ ವಾ ॥ ೩೨ ॥

ಯೇಷಾಮರ್ಥೇ ಕಾಙಕ್ಷಿತಂ ನೋ ರಾಜ್ಯಂ ಭೋಗಾಃ ಸುಖಾನಿ ಚ ।
ತೇ ಇಮೇಽವಸ್ಥಿತಾ ಯುದ್ಧೇ ಪ್ರಾಣಾಂಸ್ತ್ಯಕ್ತ್ವಾ ಧನಾನಿ ಚ ॥ ೩೩ ॥

ತಯಾ ವಿಜಯವೃತ್ತೀ ಕಾಂಹೀ । ಮಜ ಸರ್ವಥಾ ಕಾಜ ನಾಹೀಂ ।
ಏಥ ರಾಜ್ಯ ತರೀ ಕಾಯೀ । ಹೇಂ ಪಾಹುನಿಯಾಂ ॥ ೨೧೦ ॥

ಯಾಂ ಸಕಳಾಂತೇ ವಧಾವೇ । ಮಗ ಜೇ ಭೋಗ ಭೋಗಾವೇ ।
ತೇ ಜಳೋತ ಆಘವೇ । ಪಾರ್ಥು ಮ್ಹಣೇ ॥ ೨೧೧ ॥

ತೇಣೇಂ ಸುಖೇವಿಣ ಹೋಈಲ । ತೈ ಭಲತೇಹೀ ಸಾಹಿಜೇಲ ।
ವರಿ ಜೀವಿತಹೀ ವೇಂಚಿಜೇಲ । ಯಾಚಿಲಾಗೀಂ ॥ ೨೧೨ ॥

ಪರೀಂ ಯಾಸೀ ಘಾತು ಕೀಜೇ । ಮಗ ಆಪಣ ರಾಜ್ಯ ಭೋಗಿಜೇ ।
ಹೇ ಸ್ವಪ್ನೀಂಹೀ ಮನ ಮಾಝೇ । ಕರೂಂ ನ ಶಕೇ ॥ ೨೧೩ ॥

ತರೀ ಆಮ್ಹೀ ಕಾ ಜನ್ಮಾವೇಂ । ಕವಣಾಲಾಗೀಂ ಜಿಯಾವೇಂ ।
ಜೇಂ ವಡಿಲಾಂ ಯಾಂ ಚಿಂತಾವೇಂ । ವಿರುದ್ಧ ಮನೇಂ ॥ ೨೧೪ ॥

ಪುತ್ರಾತೇಂ ಇಪ್ಸೀ ಕುಳ । ತಯಾಚೇಂ ಕಾಯಿ ಹೇಂಚಿ ಫಳ ।
ಜೇ ನಿರ್ದಾಳಿಜೇ ಕೇವಳ । ಗೋತ್ರ ಆಪುಲೇ ॥ ೨೧೫ ॥

ಹೇಂ ಮನೀಂಚಿ ಕೇವಿ ಧರಿಜೇ । ಆಪಣ ವಜ್ರಾಚೇಯಾಂ ಬೋಲಿಜೇ ।
ವರೀ ಘಡೇ ತರೀ ಕೀಜೇ । ಭಲೇ ಏಯಾಂ ॥ ೨೧೬ ॥

ಆಮ್ಹೀಂ ಜೇಂ ಜೇಂ ಜೋಡಾವೇಂ । ತೇಂ ಸಮಸ್ತೀಂ ಇಹೀಂ ಭೋಗಾವೇಂ ।
ಹೇ ಜೀವಿತಹೀ ಉಪಕಾರಾವೇಂ । ಕಾಜೀಂ ಯಾಂಚಾಂ ॥ ೨೧೭ ॥

ಆಮ್ಹೀ ದಿಗಂತೀಚೇ ಭೂಪಾಳ । ವಿಭಾಂಡೂನಿ ಸಕಳ ।
ಮಗ ಸಂತೋಷವಿಜೇ ಕುಳ । ಆಪುಲೇಂ ಜೇಂ ॥ ೨೧೮ ॥

ತೇಚಿ ಹೇ ಸಮಸ್ತ । ಪರೀ ಕೈಸೇಂ ಕರ್ಮ ವಿಪರೀತ ।
ಜೇ ಜಾಹಲೇ ಅಸತೀ ಉದ್ಯತ । ಝುಂಜಾವಯಾ ॥ ೨೧೯ ॥

ಅಂತೌರಿಯಾ ಕುಮರೇಂ । ಸಾಂಡೋನಿಯಾಂ ಭಾಂಡಾರೇಂ ।
ಶಸ್ತ್ರಾಗ್ರೀಂ ಜಿವ್ಹಾರೇಂ । ಆರೋಪುನೀ ॥ ೨೨೦ ॥

ಐಸಿಯಾಂತೇ ಕೈಸೇನಿ ಮಾರುಂ । ಕವಣಾವರೀ ಶಸ್ತ್ರ ಧರೂಂ ।
ನಿಜ ಹೃದಯಾ ಕರೂಂ । ಘಾತು ಕೇವೀಂ ॥ ೨೨೧ ॥

ಆಚಾರ್ಯಾಃ ಪಿತರಃ ಪುತ್ರಾಸ್ತಥೈವ ಚ ಪಿತಾಮಹಃ ।
ಮಾತುಲಃ ಶ್ವಶುರಾಃ ಪೌತ್ರಾಃ ಶ್ಯಾಲಾಃ ಸಂಬಂಧಿನಸ್ತಥಾ ॥ ೩೪॥

ಹೇ ನೇಣಸೀ ತೂಂ ಕವಣ । ಪರೀ ಪೈಲ ಭೀಷ್ಮ ದ್ರೋಣ ।
ಜಯಾಂಚೇ ಉಪಕಾರ ಅಸಾಧಾರಣ । ಆಮ್ಹಾಂ ಬಹುತ ॥ ೨೨೨ ॥

ಏಥ ಶಾಲಕ ಸಾಸರೇ ಮಾತುಳ । ಆಣೀ ಬಂಧು ಕೀಂ ಹೇಂ ಸಕಳ ।
ಪುತ್ರ ನಾತೂ ಕೇವಳ । ಇಷ್ಟಹೀ ಅಸತೀ ॥ ೨೨೩ ॥

ಅವಧಾರೀಂ ಅತಿ ಜವಳಿಕೇಚೇ । ಹೇ ಸಕಳಹೀ ಸೋಯರೇ ಆಮುಚೇ ।
ಮ್ಹಣೋನಿ ದೋಷ ಆಥಿ ವಾಚೇ । ಬೋಲತಾಂಚಿ ॥ ೨೨೪ ॥

ಏತಾನ್ನ ಹನ್ತುಮಿಛಾಮಿ ಘ್ನತೋಽಪಿ ಮಘುಸೂದನ ।
ಅಪಿ ತ್ರೈಲೋಕ್ಯರಾಜ್ಯಸ್ಯ ಹೇತೋಃ ಕಿಂ ನ ಮಹೀಕೃತೇ ॥ ೩೫ ॥

ಹೇ ವರೀ ಭಲತೇಂ ಕರಿತು । ಆಂತಾಚಿ ಏಥೇಂ ಮಾರಿತು ।
ಪರಿ ಆಪಣ ಮನೇಂ ಘಾತು । ನ ಚಿಂತಾವಾ ॥ ೨೨೫ ॥

ತ್ರೈಲೋಕ್ಯೀಂಚೇ ಅನಕಳಿತ । ಜರೀ ರಾಜ್ಯ ಹೋಈಲ ಏಥ ।
ತರೀ ಹೇಂ ಅನುಚಿತ । ನಾಚರೇಂ ಮೀ ॥ ೨೨೬ ॥

ಜರೀ ಆಜ ಏಥ ಐಸೇಂ ಕೀಜೇ । ತರೀ ಕವಣಾಂಚಾ ಮನೀಂ ಉರಿಜೇ ।
ಸಾಂಗ ಮುಖ ಕೇವೀಂ ಪಾಹಿಜೇ । ತುಝೇ ಕೃಷ್ಣಾ ॥ ೨೨೭ ॥

ನಿಹತ್ಯ ಧಾರ್ತರಾಷ್ಟ್ರಾನ್ನಃ ಕಾ ಪ್ರೀತಿಃ ಸ್ಯಾಜ್ಜನಾರ್ದನ ।
ಪಾಪನೇವಾಶ್ರಯೇದಸ್ಮಾನ್ಹತ್ವೈತಾನಾತತಾಯಿನಃ ॥ ೩೬ ॥

ಜರೀ ವಧು ಕರೂನೀ ಗೋತ್ರಜಾಂಚಾ । ತರೀ ವಸೌಟಾ ಹೋಊನ ದೋಷಾಂಚಾ ।
ಮಜ ಜೋಡಲಾಸಿ ತೂಂ ಹಾತೀಂಚಾ । ದೂರೀ ಹೋಸೀ ॥ ೨೨೮ ॥

ಕುಳಹರಣೀಂ ಪಾತಕೇಂ । ತಿಯೇ ಆಂಗೀಂ ಜಡತೀ ಅಶೇಖೇಂ ।
ತಯೇಂ ವೇಳೀ ತೂಂ ಕವಣ ಕೇಂ । ದೇಖಾವಾಸೀ ॥ ೨೨೯ ॥

ಜೈಸಾ ಉದ್ಯಾನಾಮಾಜೀಂ ಅನಳು । ಸಂಚರಲಾ ದೇಖೋನಿ ಪ್ರಬಳು ।
ಮಗ ಕ್ಷಣಭರೀ ಕೋಕಿಳು । ಸ್ಥಿರ ನೋಹೇ ॥ ೨೩೦ ॥

ಸಕರ್ದಮ ಸರೋವರು । ಅವಲೋಕೂನಿ ಚಕೋರು ।
ನ ಸೇವಿತು ಅವ್ಹೇರು । ಕರೂನಿ ನಿಘೇ ॥ ೨೩೧ ॥

ತಯಾಪರೀ ತೂಂ ದೇವಾ । ಮಜ ಝಕೋಂ ನ ಯೇಸೀ ಮಾವಾ ।
ಜರೀ ಪುಣ್ಯಾಚಾ ವೋಲಾವಾ । ನಾಶಿಜೇಲ ॥ ೨೩೨ ॥

ತಸ್ಮಾನ್ನಾರ್ಹಾ ವಯಂ ಹನ್ತುಮ್ ಧಾರ್ತರಾಷ್ಟ್ರಾನ್ಸ್ವಬಾಂಧವಾನ್ ।
ಸ್ವಜನಂ ಹಿ ಕಥಂ ಹತ್ವಾ ಸುಖಿನಃ ಸ್ಯಾಮ ಮಾಧವ ॥ ೩೭ ॥

ಮ್ಹಣೋನಿ ಮೀ ಹೇಂ ನ ಕರೀಂ । ಇಯೇ ಸಂಗ್ರಾಮೀಂ ಶಸ್ತ್ರ ನ ಧರೀಂ ।
ಹೇಂ ಕಿಡಾಳ ಬಹುತೀಂ । ಪರೀಂ ದಿಸತಸೇ ॥ ೨೩೩ ॥

ತುಝಾ ಅಂತರಾಯ ಹೋಈಲ । ಮಗ ಸಾಂಗೇಂ ಆಮಚೇಂ ಕಾಯ ಉರೇಲ ।
ತೇಣೇಂ ದುಃಖೇ ಹಿಯೇಂ ಫುಟೇಲ । ತುಜವೀಣ ಕೃಷ್ಣಾ ॥ ೨೩೪ ॥

ಮ್ಹಣಾವೂನಿ ಕೌರವ ಹೇ ವಧಿಜತೀ । ಮಗ ಆಮ್ಹೀಂ ಭೋಗ ಭೋಗಿಜತೀ ।
ಹೇ ಅಸೋ ಮಾತ ಅಘಡತೀ । ಅರ್ಜುನ ಮ್ಹಣೇ ॥ ೨೩೫ ॥

ಯದ್ಯಪ್ಯತೇ ನ ಪಶ್ಯಂತಿ ಲೋಭೋಪಹೃತಚೇತಸಃ ।
ಕುಲಕ್ಷಯಕೃತಂದೋಷಂ ಮಿತ್ರದ್ರೋಹೇ ಚ ಪಾತಕಮ್ ॥ ೩೮ ॥

ಕಥಂ ಜ್ಞೇಯಮಸ್ಮಾಭಿಃ ಪಾಪಾದಸ್ಮಾನ್ನಿವರ್ತಿತುಮ್ ।
ಕುಲಕ್ಷಯಕೃತಮ್ ದೋಷಂ ಪ್ರಪಶ್ಯದ್ಭಿರ್ಜನಾರ್ದನ ॥ ೩೯ ॥

ಹೇ ಅಭಿಮಾನಪದೇ ಭುಲಲೇ । ಜರೀ ಪಾಂ ಸಂಗ್ರಾಮಾ ಆಲೇ ।
ತರ್ಹೀ ಆಮ್ಹೀಂ ಹಿತ ಆಪುಲೇಂ । ಜಾಣಾವೇಂ ಲಾಗೇ ॥ ೨೩೬ ॥

ಹೇಂ ಐಸೇಂ ಕೈಸೇಂ ಕರಾವೇಂ । ಜೇ ಆಪುಲೇ ಆಪಣ ಮಾರಾವೇ ।
ಜಾಣತ ಜಾಣತಾಂಚಿ ಸೇವಾವೇಂ । ಕಾಲಕೂಟ ॥ ೨೩೭ ॥

ಹಾಂ ಜೀ ಮಾರ್ಗೀಂ ಚಾಲತಾಂ । ಪುಢಾಂ ಸಿಂಹ ಜಾಹಲಾ ಅವಚಿತಾಂ ।
ತೋ ತಂವ ಚುಕವಿತಾಂ । ಲಾಭು ಆಥೀ ॥ ೨೩೮ ॥

ಅಸತಾ ಪ್ರಕಾಶು ಸಾಂಡಾವಾ । ಮಗ ಅಂಧಕೂಪ ಆಶ್ರಾವಾ ।
ತರೀ ತೇಥ ಕವಣು ದೇವಾ । ಲಾಭು ಸಾಂಗೇ ॥ ೨೩೯ ॥

ಕಾ ಸಮೋರ ಅಗ್ನಿ ದೇಖೋನೀ । ಜರೀ ನ ವಚಿಜೇ ವೋಸಂಡೋನೀ ।
ತರೀ ಕ್ಷಣಾ ಏಕಾ ಕವಳೂನಿ । ಜಾಂಳೂ ಸಕೇ ॥ ೨೪೦॥

ತೈಸೇ ದೋಷ ಹೇ ಮೂರ್ತ । ಅಂಗೀ ವಾಜೋಂ ಅಸತೀ ಪಹಾತ ।
ಹೇಂ ಜಾಣತಾಂಹೀ ಕೇವೀಂ ಏಥ । ಪ್ರವರ್ತಾವೇಂ ॥ ೨೪೧ ॥

ಐಸೇಂ ಪಾರ್ಥ ತಿಯೇ ಅವಸರೀಂ । ಮ್ಹಣೇ ದೇವಾ ಅವಧಾರೀಂ ।
ಯಾ ಕಲ್ಮಷಾಚೀ ಥೋರೀ । ಸಾಂಗೇನ ತುಜ ॥ ೨೪೨ ॥

ಕುಲಕ್ಷಯೇ ಪ್ರಣಶ್ಯಂತಿ ಕುಲಧರ್ಮಾಃ ಸನಾತನಃ ।
ಧರ್ಮೇ ನಷ್ಟೇ ಕುಲಂ ಕೃತ್ಸನಮಧರ್ಮೋಽಭಿಭವತ್ಯುತ ॥ ೪೦ ॥

ಜೈಸೇಂ ಕಾಷ್ಠೇಂ ಕಾಷ್ಠ ಮಥಿಜೇ । ಯೇಥ ವನ್ಹಿ ಏಕ ಉಪಜೇ ।
ತೇಣೇಂ ಕಾಷ್ಠಜಾತ ಜಾಳಿಜೇ । ಪ್ರಜ್ವಳಲೇನಿ ॥ ೨೪೩ ॥

ತೈಸಾ ಗೋತ್ರೀಂಚೀ ಪರಸ್ಪರೇಂ । ಜರೀ ವಧು ಘಡೇ ಮತ್ಸರೇಂ ।
ತರೀ ತೇಣೇಂ ಮಹಾದೋಷೇಂ ಘೋರೇಂ । ಕುಳಚಿ ನಾಶೇ ॥ ೨೪೪॥

ಮ್ಹಣವೂನಿ ಯೇಣೇಂ ಪಾಪೇಂ । ವಂಶಜಧರ್ಮು ಲೋಪೇ ।
ಮಗ ಅಧರ್ಮುಚಿ ಆರೋಪೇ । ಕುಳಾಮಾಜಿ ॥ ೨೪೫ ॥

ಅಧರ್ಮಾಭಿಭವಾತ್ ಕೃಷ್ಣ ಪ್ರದುಷ್ಯಂತಿ ಕುಲಸ್ತ್ರಿಯಃ ।
ಸ್ತ್ರೀಸು ದುಷ್ಟಾಸು ವಾರ್ಷ್ಣೇಯ ಜಾಯತೇ ವರ್ಣಸಂಕರಃ ॥ ೪೧ ॥

ಏಥ ಸಾರಾಸಾರ ವಿಚಾರಾವೇಂ । ಕವಣೇ ಕಾಯ ಆಚರಾವೇಂ ।
ಆಣಿ ವಿಧಿನಿಷೇಧ ಅಘವೇ । ಪಾರುಷತಿ ॥ ೨೪೬ ॥

ಅಸತಾ ದೀಪು ದವಡೀಜೇ । ಮಗ ಅಂಧಕಾರೀಂ ರಾಹಾಟಿಜೇ ।
ಜೇ ಉಜೂಂಚಿ ಕಾ ಆಡಳಿಜೇ । ಜಯಾಪರೀ ॥ ೨೪೭ ॥

ತೈಸಾ ಕುಳೀಂ ಕುಳಕ್ಷಯೋ ಹೋಯ । ತಯೇ ವೇಳೀ ತೋ ಆದ್ಯ ಧರ್ಮು ಜಾಯ ।
ಮಗ ಆನ ಕಾಂಹೀಂ ಆಹೇ । ಪಾಪಾಂವಾಚುನಿ ॥ ೨೪೮ ॥

ಜೈಂ ಯಮನಿಯಮ ಠಾಕತೀ । ತೇಥ ಇಂದ್ರಿಯೇಂ ಸೈರಾ ವಿಚರತೀ ।
ಮ್ಹಣವೂನಿ ವ್ಯಭಿಚಾರ ಘಡತೀ । ಕುಳಸ್ತ್ರಿಯಾಂಸೀ ॥ ೨೪೯ ॥

ಉತ್ತಮ ಅಧಮೀಂ ಸಂಚರತೀ । ಐಸೇ ವರ್ಣಾವರ್ಣ ಮಿಸಳತೀ ।
ತೇಥ ಸಮೂಳ ಉಪಡತೀ । ಜಾತಿಧರ್ಮ ॥ ೨೫೦ ॥

ಜೈಸೀ ಚೋಹಟಾಚಿಯಾ ಬಳೀ । ಪಾವಿಜೇ ಸೈರಾ ಕಾಊಳೀಂ ।
ತೈಸೀಂ ಮಹಾಪಾಪೇಂ ಕುಳೀಂ ಪ್ರವೇಶತೀ ॥ ೨೫೧ ॥

ಸಂಕರೋ ನರಕಾಯೈವ ಕುಲಘ್ನಾನಾಂ ಕುಲಸ್ಯ ಚ ।
ಪತಂತಿ ಪಿತರಿ ಹ್ಯೇಷಾಂ ಲುಪ್ತಪಿಂಡಿದಕಕ್ರಿಯಾಃ ॥ ೪೧॥

ಮಗ ಕುಳಾ ದೇಖಾ ಅಶೇಖಾ । ಆಂಣಿ ಕುಳಘಾತಕಾ ।
ಯೇರಯೇರಾ ನರಕ । ಜಾಣೇಂ ಆಥೀ ॥ ೨೫೨ ॥

ದೇಖೇಂ ವಂಶವೃದ್ಧಿ ಸಮಸ್ತ । ಯಾಪರೀ ಹೋಯ ಪತಿತ ।
ಮಗ ಮಗ ವೋವಾಂಡಿತೀ ಸ್ವರ್ಗಸ್ಥ । ಪೂರ್ವಪುರುಷ ॥ ೨೫೩ ॥

ಜೇಥ ನಿತ್ಯಾದಿ ಕ್ರಿಯಾ ಠಾಕೇ । ಆಣಿ ನೈಮಿತ್ತಿಕ ಪಾರುಖೇ ।
ತೇಥ ಕವಣಾ ತಿಳೋದಕೇಂ । ಕವಣ ಅರ್ಪೀ ॥ ೨೫೪ ॥

ತರೀ ಪಿತರ ಕಾಯ ಕರಿತೀ । ಕೈಸೇನಿ ಸ್ವರ್ಗೀಂ ಬಸತೀ ।
ಮ್ಹಣೋನಿ ತೇಹೀ ಯೇತೀ । ಕುಳಾಪಾಸೀ ॥ ೨೫೫ ॥

ಜೈಸಾ ನಖಾಗ್ರೀಂ ವ್ಯಾಳು ಲಾಗೇ । ತೋ ಶಿಖಾಂತ ವ್ಯಾಪೀ ವೇಗೇಂ ।
ತೇವೀ ಆಬ್ರಹ್ಮ ಕುಳ ಅವಘೇಂ । ಆಪ್ಲವಿಜೇ ॥ ೨೫೬ ॥

ದೋಷೈರೇತೈಃ ಕುಲಘ್ನಾನಾಂ ವರ್ಣಸಂಕರಕಾರಕೈಃ ।
ಉತ್ಸಾದ್ಯಂತೇ ಜಾತಿಧರ್ಮಾಃ ಕುಲಧರ್ಮಾಶ್ಚ ಶಾಶ್ವತಃ ॥ ೪೩ ॥

ಉತ್ಸನ್ನಕುಲಧರ್ಮಾಣಾಂ ಮನುಷ್ಯಾಣಾಂ ಜನಾರ್ದನ ।
ನರಕೇ ನಿಯತಂ ವಾಸೋ ಭವತೀತ್ಯನುಶುಶ್ರುಮ ॥ ೪೪ ॥

ಅಹೋ ವತ ಮಹತ್ ಪಾಪಂ ಕರ್ತುಂ ವ್ಯವಸಿತಾ ವಯಮಂ ।
ಯದ್ ರಾಜ್ಯಸುಖಲೋಭೇನ ಹನ್ತುಂ ಸ್ವಜನಮುದ್ಯತಾಃ ॥ ೪೫ ॥

ದೇವಾ ಅವಧಾರೀ ಆಣಿಕ ಏಕ । ಏಥ ಘಡೇ ಮಹಾಪಾತಕ ।
ಜೈ ಸಂಗದೋಷೇಂ ಹಾ ಲೌಕಿಕ । ಭ್ರಂಶು ಪಾವೇ ॥ ೨೫೭ ॥

ಜೈಸಾ ಘರೀಂ ಆಪುಲಾ । ವಾನಿವಸೇ ವನ್ಹೀ ಲಾಗಲಾ।
ತೋ ಆಣಿಕಾಂಹೀ ಪ್ರಜ್ವಳಿಲಾ । ಜಾಳುನಿ ಘಾಲೀ ॥ ೨೫೮ ॥

ತೈಸಿಯಾ ತಯಾ ಕುಳಸಂಗತೀ । ಜೇ ಜೇ ಲೋಕ ವರ್ತತೀ ।
ತೇಹೀ ಬಾಧು ಪಾವತೀ । ನಿಮಿತ್ತೇಂ ಯೇಣೇಂ ॥ ೨೫೯ ॥

ತೈಸೇಂ ನಾನಾ ದೋಷೇಂ ಸಕಳ । ಅರ್ಜುನ ಮ್ಹಣೇ ತೇಂ ಕುಳ ।
ಮಗ ಮಹಾಘೋರ ಕೇವಳ । ನಿರಯ ಭೋಗೀ ॥ ೨೬೦ ॥

ಪಡಿಲಿಯಾ ತಿಯೇ ಠಾಯೀಂ । ಮಗ ಕಲ್ಪಾಂತೀಹೀ ಉಗಂಡು ನಾಹೀ ।
ಯೇಸಣೇಂ ಪತನ ಕುಳಕ್ಷಯೀಂ । ಅರ್ಜುನ ಮ್ಹಣೇ ॥ ೨೬೧ ॥

ದೇವಾ ಹೇಂ ವಿವಿಧ ಕಾನೀಂ ಐಕಿಜೇ । ಪರಿ ಅಝುನಿವರೀ ತ್ರಾಸು ನುಪಜೇ ।
ಹೃದಯ ವಜ್ರಾಚೇಂ ಹೇಂ ಕಾಯ ಕೀಜೇ । ಅವಧಾರೀ ಪಾಂ ॥ ೨೬೨ ॥

ಅಪೇಕ್ಷಿಜೇ ರಾಜ್ಯಸುಖ । ಜಯಾಲಾಗೀಂ ತೇಂ ತಂವ ಕ್ಷಣಿಕ ।
ಐಸೇ ಜಾಣತಾಂಹೀ ದೋಖ । ಅವ್ಹೇರೂ ನಾ ॥ ೨೬೩ ॥

ಹೇ ವಡಿಲ ಸಕಳ ಆಪುಲೇ । ವಧಾವಯಾ ದಿಠೀ ಸೂದಲೇ ।
ಸಾಂಗ ಪಾಂ ಕಾಯ ಥೇಕುಲೇಂ । ಘಡಲೇ ಆಮ್ಹಾ ॥ ೨೬೪ ॥

ಯದಿ ಮಾಮಪ್ರತೀಕಾರಮಶಸ್ತ್ರತಂ ಶಸ್ತ್ರಪಾಣಯಃ ।
ಧಾರ್ತರಾಷ್ಟ್ರಾ ರಣೇ ಹನ್ಯುಸ್ತನಂ ಮೇ ಕ್ಷೇಮತರಂ ಭವೇತ್ ॥ ೪೬ ॥

ಆತಾಂ ಯಾವರೀ ಜೇಂ ಜಿಯಾವೇಂ । ತಯಾಪಾಸೂನಿ ಹೇಂ ಬರವೇ ।
ಜೇ ಶಸ್ತ್ರ ಸಾಂಡೂನಿ ಸಾಹಾವೇ । ಬಾಣ ತ್ಯಾಂಚೇ ॥ ೨೬೫ ॥

ತಯಾವರೀ ಹೋಯ ಜಿತುಕೇಂ । ತೇಂ ಮರಣಹೀ ವರೀ ನಿಕೇಂ ।
ಪರೀ ಯೇಣೇಂ ಕಲ್ಮಷೇಂ । ಚಾಡ ನಾಹೀಂ ॥ ೨೬೬ ॥

ಐಸೇಂ ದೇಖೋನಿ ಸಕಳ । ಅರ್ಜುನೇಂ ಆಪುಲೇಂ ಕುಳ ।
ಮಗ ಮ್ಹಣೇ ರಾಜ್ಯ ತೇಂ ಕೇವಳ । ನಿರಯಭೋಗು ॥ ೨೬೭ ॥

ಸಂಜಯ ಉವಾಚಃ
ಏವಮುಕ್ತವಾರ್ಜುನಃ ಸಂಖ್ಯೇ ರಥೋಪಸ್ಯ ಉಪಾವಿಶತ್ ।
ವಿಸೃಜ್ಯ ಸಶರಂ ಚಾಪಂ ಶೋಕಸಂವಿಗ್ನಮಾನಸಃ ॥ ೪೭ ॥

ಐಸೇಂ ತಿಯೇ ಅವಸರೀಂ । ಅರ್ಜುನ ಬೋಲಿಲಾ ಸಮರೀಂ ।
ಸಂಜಯೋ ಮ್ಹಣೇ ಅವಧಾರೀ । ಧೃತರಾಷ್ಟ್ರಾತೇಂ ॥ ೨೬೮ ॥

ಮಗ ಅತ್ಯಂತ ಉದ್ವೇಗಲಾ । ನ ಧರತ ಗಹಿಂವರೂ ಆಲಾ ।
ತೇಥ ಉಡೀ ಘಾತಲೀ ಖಾಲಾಂ । ರಥೌನಿಯಾಂ ॥ ೨೬೯ ॥

ಜೈಸಾ ರಾಜಕುಮರು ಪದಚ್ಯುತು । ಸರ್ವಥಾ ಹೋಯ ಉಪಹೃತು ।
ಕಾಂ ರವಿ ರಾಹುಗ್ರಸ್ತು । ಪ್ರಭಾಹೀನು ॥ ೨೭೦ ॥

ನಾ ತರೀ ಮಹಾಸಿದ್ಧೀಸಂಭ್ರಮೇಂ । ಜಿಂತಲಾ ತ್ರಾಸು ಭ್ರಮೇ ।
ಮಗ ಆಕಳುನಿ ಕಾಮೇಂ । ದೀನು ಕೀಜೇ ॥ ೨೭೧ ॥

ತೈಸಾ ತೋ ಧನುರ್ಧರು । ಅತ್ಯಂತ ದುಃಖೇಂ ಜರ್ಜರು ।
ದಿಸೇ ಜೇಥ ರಹಂವರು । ತ್ಯಜಿಲಾ ತೇಣೇಂ ॥ ೨೭೨ ॥

ಮಗ ಧನುಷ್ಯಬಾಣ ಸಾಂಡಿಲೇ । ನ ಧರತ ಅಶ್ರುಪಾತ ಆಲೇ ।
ಐಸೇಂ ಐಕೇ ರಾಯಾ ತೇಥ ವರ್ತಲೇಂ । ಸಂಜಯೋ ಮ್ಹಣೇ ॥ ೨೭೩ ॥

ಆತಾ ಯಾವರೀ ತೋ ವೈಕುಂಠ್ನಾಥು । ದೇಖೋನಿ ಸಖೇದ ಪಾರ್ಥು ।
ಕವಣೇಪರೀ ಪರಮಾರ್ಥು । ನಿರುಪೀಲ ॥ ೨೭೪ ॥

ತೇ ಸವಿಸ್ತರ ಪುಢಾರೀ ಕಥಾ । ಅತಿ ಸಕೌತುಕ ಐಕತಾಂ ।
ಜ್ಞಾನದೇವ ಮ್ಹಣೇ ಆತಾಂ ನಿವೃತ್ತಿದಾಸು ॥ ೨೭೫ ॥