অধ্যায 1
ৱল্লী 1
ওঁ উশন্ হ ৱৈ ৱাজশ্ৰৱস-স্সৰ্ৱৱেদস-ন্দদৌ।
তস্য হ নচিকেতা নাম পুত্ৰ আস ॥1॥
ওঁ উশন্ হ ৱৈ ৱাজশ্ৰৱস-স্সৰ্ৱৱেদস-ন্দদৌ।
তস্য হ নচিকেতা নাম পুত্ৰ আস ॥1॥
তং হ কুমাৰং সন্ত-ন্দক্ষিণাসু নীযমানাসু শ্ৰদ্ধা-ঽঽৱিৱেশ। সো-ঽমন্যত ॥2॥
পীতোদকা জগ্ধতৃণা দুগ্ধদোহা নিৰিন্দ্ৰিযাঃ।
অনন্দা নাম তে লোকাস্তান্স গচ্ছতি তা দদত্ ॥3॥
অনন্দা নাম তে লোকাস্তান্স গচ্ছতি তা দদত্ ॥3॥
স হোৱাচ পিতৰ-ন্তত কস্মৈ মা-ন্দাস্যসীতি।
দ্ৱিতীয-ন্তৃতীয-ন্তং হোৱাচ মৃত্যৱে ত্ৱা দদামীতি ॥4॥
দ্ৱিতীয-ন্তৃতীয-ন্তং হোৱাচ মৃত্যৱে ত্ৱা দদামীতি ॥4॥
বহূনামেমি প্ৰথমো বহূনামেমি মধ্যমঃ।
কিং স্ৱিদ্যমস্য কৰ্তৱ্যং-যঁন্মযাদ্য কৰিষ্যতি ॥5॥
কিং স্ৱিদ্যমস্য কৰ্তৱ্যং-যঁন্মযাদ্য কৰিষ্যতি ॥5॥
অনুপশ্য যথা পূৰ্ৱে প্ৰতিপশ্য তথা-ঽপৰে।
সস্যমিৱ মৰ্ত্যঃ পচ্যতে সস্যমিৱাজাযতে পুনঃ ॥6॥
সস্যমিৱ মৰ্ত্যঃ পচ্যতে সস্যমিৱাজাযতে পুনঃ ॥6॥
ৱৈশ্ৱানৰঃ প্ৰৱিশত্যতিথিৰ্ব্ৰাহ্মণো গৃহান্।
তস্যৈতাং শান্তি-ঙ্কুৰ্ৱন্তি হৰ ৱৈৱস্ৱতোদকম্ ॥7॥
তস্যৈতাং শান্তি-ঙ্কুৰ্ৱন্তি হৰ ৱৈৱস্ৱতোদকম্ ॥7॥
আশাপ্ৰতীক্ষে সঙ্গতং সূনৃতা-ঞ্চেষ্টাপূৰ্তে পুত্ৰপশূংশ্চ সৰ্ৱান্।
এতদ্ ৱৃঙ্ক্তে পুৰুষস্যাল্পমেধসো যস্যানশ্নন্ৱসতি ব্ৰাহ্মণো গৃহে ॥8॥
এতদ্ ৱৃঙ্ক্তে পুৰুষস্যাল্পমেধসো যস্যানশ্নন্ৱসতি ব্ৰাহ্মণো গৃহে ॥8॥
তিস্ৰো ৰাত্ৰীৰ্যদৱাত্সীৰ্গৃহে মে-ঽনশ্নন্ব্ৰহ্মন্নতিথিৰ্নমস্যঃ।
নমস্তে-ঽস্তু ব্ৰহ্মন্স্ৱস্তি মে-ঽস্তু তস্মাত্প্ৰতি ত্ৰীন্ৱৰান্ৱৃণীষ্ৱ ॥9॥
নমস্তে-ঽস্তু ব্ৰহ্মন্স্ৱস্তি মে-ঽস্তু তস্মাত্প্ৰতি ত্ৰীন্ৱৰান্ৱৃণীষ্ৱ ॥9॥
শান্তসঙ্কল্প-স্সুমনা যথা স্যাদ্ৱীতমন্যুৰ্গৌতমো মাভি মৃত্যো।
ত্ৱত্প্ৰসৃষ্ট-ম্মাভিৱদেত্প্ৰতীত এতত্ত্ৰযাণা-ম্প্ৰথমং-ৱঁৰং-ৱৃঁণে ॥10॥
ত্ৱত্প্ৰসৃষ্ট-ম্মাভিৱদেত্প্ৰতীত এতত্ত্ৰযাণা-ম্প্ৰথমং-ৱঁৰং-ৱৃঁণে ॥10॥
যথা পুৰস্তাদ্ ভৱিতা প্ৰতীত ঔদ্দালকিৰাৰুণিৰ্মত্প্ৰসৃষ্টঃ।
সুখং ৰাত্ৰী-শ্শযিতা ৱীতমন্যুস্ত্ৱা-ন্দদৃশিৱান্মৃত্যুমুখাত্প্ৰমুক্তম্ ॥11॥
সুখং ৰাত্ৰী-শ্শযিতা ৱীতমন্যুস্ত্ৱা-ন্দদৃশিৱান্মৃত্যুমুখাত্প্ৰমুক্তম্ ॥11॥
স্ৱৰ্গে লোকে ন ভয-ঙ্কিঞ্চনাস্তি ন তত্ৰ ত্ৱ-ন্ন জৰযা বিভেতি।
উভে তীৰ্ত্ৱা-ঽশনাযাপিপাসে শোকাতিগো মোদতে স্ৱৰ্গলোকে ॥12॥
উভে তীৰ্ত্ৱা-ঽশনাযাপিপাসে শোকাতিগো মোদতে স্ৱৰ্গলোকে ॥12॥
স ত্ৱমগ্নিং স্ৱৰ্গ্যমধ্যেষি মৃত্যো প্ৰব্ৰূহি ত্ৱং শ্ৰদ্দধানায মহ্যম্।
স্ৱৰ্গলোকা অমৃতত্ৱ-ম্ভজন্ত এতদ্ দ্ৱিতীযেন ৱৃণে ৱৰেণ ॥13॥
স্ৱৰ্গলোকা অমৃতত্ৱ-ম্ভজন্ত এতদ্ দ্ৱিতীযেন ৱৃণে ৱৰেণ ॥13॥
প্ৰ তে ব্ৰৱীমি তদু মে নিবোধ স্ৱৰ্গ্যমগ্নি-ন্নচিকেতঃ প্ৰজানন্।
অনন্তলোকাপ্তিমথো প্ৰতিষ্ঠাং-ৱিঁদ্ধি ত্ৱমেত-ন্নিহিত-ঙ্গুহাযাম্ ॥14॥
অনন্তলোকাপ্তিমথো প্ৰতিষ্ঠাং-ৱিঁদ্ধি ত্ৱমেত-ন্নিহিত-ঙ্গুহাযাম্ ॥14॥
লোকাদিমগ্নি-ন্তমুৱাচ তস্মৈ যা ইষ্টকা যাৱতীৰ্ৱা যথা ৱা।
স চাপি তত্প্ৰত্যৱদদ্যথোক্তমথাস্য মৃত্যুঃ পুনৰেৱাহ তুষ্টঃ ॥15॥
স চাপি তত্প্ৰত্যৱদদ্যথোক্তমথাস্য মৃত্যুঃ পুনৰেৱাহ তুষ্টঃ ॥15॥
তমব্ৰৱীত্প্ৰীযমাণো মহাত্মা ৱৰ-ন্তৱেহাদ্য দদামি ভূযঃ।
তৱৈৱ নাম্না ভৱিতা-ঽযমগ্নি-স্সৃঙ্কা-ঞ্চেমামনেকৰূপা-ঙ্গৃহাণ ॥16॥
তৱৈৱ নাম্না ভৱিতা-ঽযমগ্নি-স্সৃঙ্কা-ঞ্চেমামনেকৰূপা-ঙ্গৃহাণ ॥16॥
ত্ৰিণাচিকেতস্ত্ৰিভিৰেত্য সন্ধি-ন্ত্ৰিকৰ্মকৃত্তৰতি জন্মমৃত্যূ।
ব্ৰহ্মজজ্ঞ-ন্দেৱমীড্যং-ৱিঁদিত্ৱা নিচায্যেমাং শান্তিমত্যন্তমেতি ॥17॥
ব্ৰহ্মজজ্ঞ-ন্দেৱমীড্যং-ৱিঁদিত্ৱা নিচায্যেমাং শান্তিমত্যন্তমেতি ॥17॥
ত্ৰিণাচিকেতস্ত্ৰযমেতদ্ৱিদিত্ৱা য এৱং-ৱিঁদ্ৱাংশ্চিনুতে নাচিকেতম্।
স মৃত্যুপাশান্পুৰতঃ প্ৰণোদ্য শোকাতিগো মোদতে স্ৱৰ্গলোকে ॥18॥
স মৃত্যুপাশান্পুৰতঃ প্ৰণোদ্য শোকাতিগো মোদতে স্ৱৰ্গলোকে ॥18॥
এষ তে-ঽগ্নিৰ্নচিকেত-স্স্ৱৰ্গ্যো যমৱৃণীথা দ্ৱিতীযেন ৱৰেণ।
এতমগ্নি-ন্তৱৈৱ প্ৰৱক্ষ্যন্তি জনাসস্তৃতীযং-ৱঁৰ-ন্নচিকেতো ৱৃণীষ্ৱ ॥19॥
এতমগ্নি-ন্তৱৈৱ প্ৰৱক্ষ্যন্তি জনাসস্তৃতীযং-ৱঁৰ-ন্নচিকেতো ৱৃণীষ্ৱ ॥19॥
যেয-ম্প্ৰেতে ৱিচিকিত্সা মনুষ্যে-ঽস্তীত্যেকে নাযমস্তীতি চৈকে।
এতদ্ৱিদ্যামনুশিষ্টস্ত্ৱযা-ঽহং-ৱঁৰাণামেষ ৱৰস্তৃতীযঃ ॥20॥
এতদ্ৱিদ্যামনুশিষ্টস্ত্ৱযা-ঽহং-ৱঁৰাণামেষ ৱৰস্তৃতীযঃ ॥20॥
দেৱৈৰত্ৰাপি ৱিচিকিত্সিত-ম্পুৰা ন হি সুৱিজ্ঞেযমণুৰেষ ধৰ্মঃ।
অন্যং-ৱঁৰ-ন্নচিকেতো ৱৃণীষ্ৱ মা মোপৰোত্সীৰতি মা সৃজৈনম্ ॥21॥
অন্যং-ৱঁৰ-ন্নচিকেতো ৱৃণীষ্ৱ মা মোপৰোত্সীৰতি মা সৃজৈনম্ ॥21॥
দেৱৈৰত্ৰাপি ৱিচিকিত্সিত-ঙ্কিল ত্ৱ-ঞ্চ মৃত্যো যন্ন সুজ্ঞেযমাত্থ।
ৱক্তা চাস্য ত্ৱাদৃগন্যো ন লভ্যো নান্যো ৱৰস্তুল্য এতস্য কশ্চিত্ ॥22॥
ৱক্তা চাস্য ত্ৱাদৃগন্যো ন লভ্যো নান্যো ৱৰস্তুল্য এতস্য কশ্চিত্ ॥22॥
শতাযুষঃ পুত্ৰপৌত্ৰান্ৱৃণীষ্ৱ বহূন্পশূন্হস্তিহিৰণ্যমশ্ৱান্।
ভূমেৰ্মহদাযতনং-ৱৃঁণীষ্ৱ স্ৱয-ঞ্চ জীৱ শৰদো যাৱদিচ্ছসি ॥23॥
ভূমেৰ্মহদাযতনং-ৱৃঁণীষ্ৱ স্ৱয-ঞ্চ জীৱ শৰদো যাৱদিচ্ছসি ॥23॥
এতত্তুল্যং-যঁদি মন্যসে ৱৰং-ৱৃঁণীষ্ৱ ৱিত্ত-ঞ্চিৰজীৱিকা-ঞ্চ।
মহাভূমৌ নচিকেতস্ত্ৱমেধি কামানা-ন্ত্ৱা-ঙ্কামভাজ-ঙ্কৰোমি ॥24॥
মহাভূমৌ নচিকেতস্ত্ৱমেধি কামানা-ন্ত্ৱা-ঙ্কামভাজ-ঙ্কৰোমি ॥24॥
যে যে কামা দুৰ্লভা মৰ্ত্যলোকে সৰ্ৱান্কামাংশ্ছন্দতঃ প্ৰাৰ্থযস্ৱ।
ইমা ৰামা-স্সৰথা-স্সতূৰ্যা ন হীদৃশা লম্ভনীযা মনুষ্যৈঃ।
আভিৰ্মত্প্ৰত্তাভিঃ পৰিচাৰযস্ৱ নচিকেতো মৰণ-ম্মা-ঽনুপ্ৰাক্শীঃ ॥25॥
ইমা ৰামা-স্সৰথা-স্সতূৰ্যা ন হীদৃশা লম্ভনীযা মনুষ্যৈঃ।
আভিৰ্মত্প্ৰত্তাভিঃ পৰিচাৰযস্ৱ নচিকেতো মৰণ-ম্মা-ঽনুপ্ৰাক্শীঃ ॥25॥
শ্ৱোভাৱা মৰ্ত্যস্য যদন্তকৈতত্সৰ্ৱেন্দ্ৰিযাণা-ঞ্জৰযন্তি তেজঃ।
অপি সৰ্ৱ-ঞ্জীৱিতমল্পমেৱ তৱৈৱ ৱাহাস্তৱ নৃত্যগীতে ॥26॥
অপি সৰ্ৱ-ঞ্জীৱিতমল্পমেৱ তৱৈৱ ৱাহাস্তৱ নৃত্যগীতে ॥26॥
ন ৱিত্তেন তৰ্পণীযো মনুষ্যো লপ্স্যামহে ৱিত্তমদ্ৰাক্ষ্ম চেত্ত্ৱা।
জীৱিষ্যামো যাৱদীশিষ্যসি ত্ৱং-ৱঁৰস্তু মে ৱৰণীয-স্স এৱ ॥27॥
জীৱিষ্যামো যাৱদীশিষ্যসি ত্ৱং-ৱঁৰস্তু মে ৱৰণীয-স্স এৱ ॥27॥
অজীৰ্যতামমৃতানামুপেত্য জীৰ্যন্মৰ্ত্যঃ ক্ৱধস্স্থঃ প্ৰজানন্।
অভিধ্যাযন্ৱৰ্ণৰতিপ্ৰমোদানতিদীৰ্ঘে জীৱিতে কো ৰমেত ॥28॥
অভিধ্যাযন্ৱৰ্ণৰতিপ্ৰমোদানতিদীৰ্ঘে জীৱিতে কো ৰমেত ॥28॥
যস্মিন্নিদং-ৱিঁচিকিত্সন্তি মৃত্যো যত্সাম্পৰাযে মহতি ব্ৰূহি নস্তত্।
যো-ঽযং-ৱঁৰো গূঢমনুপ্ৰৱিষ্টো নান্য-ন্তস্মান্নচিকেতা ৱৃণীতে ॥29॥
যো-ঽযং-ৱঁৰো গূঢমনুপ্ৰৱিষ্টো নান্য-ন্তস্মান্নচিকেতা ৱৃণীতে ॥29॥