অধ্যায 1
বল্লী 2
অন্যচ্ছ্রেযো-ঽন্যদুতৈব প্রেযস্তে উভে নানার্থে পুরুষং সিনীতঃ।
তযো-শ্শ্রেয আদদানস্য সাধুর্ভবতি হীযতে-ঽর্থাদ্য উ প্রেযো বৃণীতে ॥1॥
অন্যচ্ছ্রেযো-ঽন্যদুতৈব প্রেযস্তে উভে নানার্থে পুরুষং সিনীতঃ।
তযো-শ্শ্রেয আদদানস্য সাধুর্ভবতি হীযতে-ঽর্থাদ্য উ প্রেযো বৃণীতে ॥1॥
শ্রেযশ্চ প্রেযশ্চ মনুষ্যমেতস্তৌ সম্পরীত্য বিবিনক্তি ধীরঃ।
শ্রেযো হি ধীরো-ঽভি প্রেযসো বৃণীতে প্রেযো মন্দো যোগক্ষেমাদ্বৃণীতে ॥2॥
শ্রেযো হি ধীরো-ঽভি প্রেযসো বৃণীতে প্রেযো মন্দো যোগক্ষেমাদ্বৃণীতে ॥2॥
স ত্ব-ম্প্রিযান্প্রিযরূপাংশ্চ কামানভিধ্যাযন্নচিকেতো-ঽত্যস্রাক্ষীঃ।
নৈতাং সৃঙ্কাং-বিঁত্তমযীমবাপ্তো যস্যা-ম্মজ্জন্তি বহবো মনুষ্যাঃ ॥3॥
নৈতাং সৃঙ্কাং-বিঁত্তমযীমবাপ্তো যস্যা-ম্মজ্জন্তি বহবো মনুষ্যাঃ ॥3॥
দূরমেতে বিপরীতে বিষূচী অবিদ্যা যা চ বিদ্যেতি জ্ঞাতা।
বিদ্যাভীপ্সিন-ন্নচিকেতস-ম্মন্যে ন ত্বা কামা বহবো-ঽলোলুপন্ত ॥4॥
বিদ্যাভীপ্সিন-ন্নচিকেতস-ম্মন্যে ন ত্বা কামা বহবো-ঽলোলুপন্ত ॥4॥
অবিদ্যাযামন্তরে বর্তমানা-স্স্বয-ন্ধীরাঃ পণ্ডিতম্মন্যমানাঃ।
দন্দ্রম্যমাণাঃ পরিযন্তি মূঢা অন্ধেনৈব নীযমানা যথান্ধাঃ ॥5॥
দন্দ্রম্যমাণাঃ পরিযন্তি মূঢা অন্ধেনৈব নীযমানা যথান্ধাঃ ॥5॥
ন সাম্পরাযঃ প্রতিভাতি বাল-ম্প্রমাদ্যন্তং-বিঁত্তমোহেন মূঢম্।
অযং-লোঁকো নাস্তি পর ইতি মানী পুনঃ পুনর্বশমাপদ্যতে মে ॥6॥
অযং-লোঁকো নাস্তি পর ইতি মানী পুনঃ পুনর্বশমাপদ্যতে মে ॥6॥
শ্রবণাযাপি বহুভির্যো ন লভ্য-শ্শৃণ্বন্তো-ঽপি বহবো য-ন্ন বিদ্যুঃ।
আশ্চর্যো বক্তা কুশলো-ঽস্য লব্ধাশ্চর্যো জ্ঞাতা কুশলানুশিষ্টঃ ॥7॥
আশ্চর্যো বক্তা কুশলো-ঽস্য লব্ধাশ্চর্যো জ্ঞাতা কুশলানুশিষ্টঃ ॥7॥
ন নরেণাবরেণ প্রোক্ত এষ সুবিজ্ঞেযো বহুধা চিন্ত্যমানঃ।
অনন্যপ্রোক্তে গতিরত্র নাস্ত্যণীযান্ হ্যতর্ক্যমণুপ্রমাণাত্ ॥8॥
অনন্যপ্রোক্তে গতিরত্র নাস্ত্যণীযান্ হ্যতর্ক্যমণুপ্রমাণাত্ ॥8॥
নৈষা তর্কেণ মতিরাপনেযা প্রোক্তান্যেনৈব সুজ্ঞানায প্রেষ্ঠ।
যা-ন্ত্বমাপ-স্সত্যধৃতির্বতাসি ত্বাদৃঙ নো ভূযান্নচিকেতঃ প্রষ্টা ॥9॥
যা-ন্ত্বমাপ-স্সত্যধৃতির্বতাসি ত্বাদৃঙ নো ভূযান্নচিকেতঃ প্রষ্টা ॥9॥
জানাম্যহং শেবধিরিত্যনিত্য-ন্ন হ্যধ্রুবৈঃ প্রাপ্যতে হি ধ্রুব-ন্তত্।
ততো মযা নাচিকেতশ্চিতো-ঽগ্নিরনিত্যৈর্দ্রব্যৈঃ প্রাপ্তবানস্মি নিত্যম্ ॥10॥
ততো মযা নাচিকেতশ্চিতো-ঽগ্নিরনিত্যৈর্দ্রব্যৈঃ প্রাপ্তবানস্মি নিত্যম্ ॥10॥
কামস্যাপ্তি-ঞ্জগতঃ প্রতিষ্ঠা-ঙ্ক্রতোরানন্ত্যমভযস্য পারম্।
স্তোমমহ-দুরুগায-ম্প্রতিষ্ঠা-ন্দৃষ্ট্বা ধৃত্যা ধীরো নচিকেতো-ঽত্যস্রাক্ষীঃ ॥11॥
স্তোমমহ-দুরুগায-ম্প্রতিষ্ঠা-ন্দৃষ্ট্বা ধৃত্যা ধীরো নচিকেতো-ঽত্যস্রাক্ষীঃ ॥11॥
ত-ন্দুর্দর্শ-ঙ্গূঢমনুপ্রবিষ্ট-ঙ্গুহাহিত-ঙ্গহ্বরেষ্ঠ-ম্পুরাণম্।
অধ্যাত্মযোগাধিগমেন দেব-ম্মত্বা ধীরো হর্ষশোকৌ জহাতি ॥12॥
অধ্যাত্মযোগাধিগমেন দেব-ম্মত্বা ধীরো হর্ষশোকৌ জহাতি ॥12॥
এতচ্ছ্রুত্বা সম্পরিগৃহ্য মর্ত্যঃ প্রবৃহ্য ধর্ম্যমণুমেতমাপ্য।
স মোদতে মোদনীযং হি লব্ধ্বা বিবৃতং সদ্ম নচিকেতস-ম্মন্যে ॥13॥
স মোদতে মোদনীযং হি লব্ধ্বা বিবৃতং সদ্ম নচিকেতস-ম্মন্যে ॥13॥
অন্যত্র ধর্মাদন্যত্রাধর্মাদন্যত্রাস্মাত্কৃতাকৃতাত্।
অন্যত্র ভূতাচ্চ ভব্যাচ্চ যত্তত্পশ্যসি তদ্বদ ॥14॥
অন্যত্র ভূতাচ্চ ভব্যাচ্চ যত্তত্পশ্যসি তদ্বদ ॥14॥
সর্বে বেদা যত্পদমামনন্তি তপাংসি সর্বাণি চ যদ্বদন্তি।
যদিচ্ছন্তো ব্রহ্মচর্য-ঞ্চরন্তি তত্তে পদং সঙ্গ্রহেণ ব্রবীম্যোমিত্যেতত্ ॥15॥
যদিচ্ছন্তো ব্রহ্মচর্য-ঞ্চরন্তি তত্তে পদং সঙ্গ্রহেণ ব্রবীম্যোমিত্যেতত্ ॥15॥
এতদ্ধ্যেবাক্ষর-ম্ব্রহ্ম এতদ্ধ্যেবাক্ষর-ম্পরম্।
এতদ্ধ্যেবাক্ষর-ঞ্জ্ঞাত্বা যো যদিচ্ছতি তস্য তত্ ॥16॥
এতদ্ধ্যেবাক্ষর-ঞ্জ্ঞাত্বা যো যদিচ্ছতি তস্য তত্ ॥16॥
এতদালম্বনং শ্রেষ্ঠমেতদালম্বন-ম্পরম্।
এতদালম্বন-ঞ্জ্ঞাত্বা ব্রহ্মলোকে মহীযতে ॥17॥
এতদালম্বন-ঞ্জ্ঞাত্বা ব্রহ্মলোকে মহীযতে ॥17॥
ন জাযতে ম্রিযতে বা বিপশ্চিন্নায-ঙ্কুতশ্চিন্ন বভূব কশ্চিত্।
অজো নিত্য-শ্শাশ্বতো-ঽয-ম্পুরাণো ন হন্যতে হন্যমানে শরীরে ॥18॥
অজো নিত্য-শ্শাশ্বতো-ঽয-ম্পুরাণো ন হন্যতে হন্যমানে শরীরে ॥18॥
হন্তা চেন্মন্যতে হন্তুং হতশ্চেন্মন্যতে হতম্।
উভৌ তৌ ন বিজানীতো নাযং হন্তি ন হন্যতে ॥19॥
উভৌ তৌ ন বিজানীতো নাযং হন্তি ন হন্যতে ॥19॥
অণোরণীযান্মহতো মহীযানাত্মাস্য জন্তোর্নিহিতো গুহাযাম্।
তমক্রতুঃ পশ্যতি বীতশোকো ধাতুপ্রসাদান্মহিমানমাত্মনঃ ॥20॥
তমক্রতুঃ পশ্যতি বীতশোকো ধাতুপ্রসাদান্মহিমানমাত্মনঃ ॥20॥
আসীনো দূরং-ব্রঁজতি শযানো যাতি সর্বতঃ।
কস্ত-ম্মদামদ-ন্দেব-ম্মদন্যো জ্ঞাতুমর্হতি ॥21॥
কস্ত-ম্মদামদ-ন্দেব-ম্মদন্যো জ্ঞাতুমর্হতি ॥21॥
অশরীরং শরীরেষ্বনবস্থেষ্ববস্থিতম্।
মহান্তং-বিঁভুমাত্মান-ম্মত্বা ধীরো ন শোচতি ॥22॥
মহান্তং-বিঁভুমাত্মান-ম্মত্বা ধীরো ন শোচতি ॥22॥
নাযমাত্মা প্রবচনেন লভ্যো ন মেধযা ন বহুনা শ্রুতেন।
যমেবৈষ বৃণুতে তেন লভ্যস্তস্যৈষ আত্মা বিবৃণুতে তনূং স্বাম্ ॥23॥
যমেবৈষ বৃণুতে তেন লভ্যস্তস্যৈষ আত্মা বিবৃণুতে তনূং স্বাম্ ॥23॥
নাবিরতো দুশ্চরিতান্নাশান্তো নাসমাহিতঃ।
নাশান্তমানসো বাপি প্রজ্ঞানেনৈনমাপ্নুযাত্ ॥24॥
নাশান্তমানসো বাপি প্রজ্ঞানেনৈনমাপ্নুযাত্ ॥24॥
যস্য ব্রহ্ম চ ক্ষত্র-ঞ্চ উভে ভবত ওদনঃ।
মৃত্যুর্যস্যোপসেচন-ঙ্ক ইত্থা বেদ যত্র সঃ ॥25॥
মৃত্যুর্যস্যোপসেচন-ঙ্ক ইত্থা বেদ যত্র সঃ ॥25॥