2.7 - savā ekāhaviśeṣāḥ - kṛṣṇa yajurveda taittirīya brāhmaṇa pāṭhaḥ - trivṛt stomaḥ

kṛṣṇa yajurvedīya taittirīya brāhmaṇe dvitīyāṣṭake saptamaḥ prapāṭhakaḥ - savā ekāhaviśeṣāḥ
o-nnamaḥ paramātmane, śrī mahāgaṇapataye namaḥ,

śrī gurubhyo namaḥ | hariḥ om ||
2.7.1 anuvākaṃ - bṛhaspatisavaḥ
trivṛ-thstomo̭ bhavati | brahmavarcasaṃ-vai~ trivṛt | brahmavarcasamevāva̭rundhe || agniṣṭoma-ssomo̭ bhavati | brahmavarcasaṃ-vā~ a̭gniṣṭomaḥ | brahmavarcasamevāva̭rundhe || rathantaragṃ sāma̭ bhavati | brahmavarcasaṃ-vai~ ra̭thantaram | brahmavarcasamevāva̭rundhe || parisrajī hotā̭ bhavati || 1 ||
aruṇo mi̭rmirastriśṷkraḥ | eta-dvai bra̭hmavarcasasya̭ rūpam | rūpeṇaiva bra̭hmavarcasamava̭rundhe || bṛhaspati̭-rakāmayata devānā-mpurodhā-ṅga̭ccheyamiti̭ | sa eta-mbṛ̭haspatisavama̭paśyat | tamā-'ha̭rat | tenā̭yajata | tato vai sa devānā-mpurodhā-ma̭gacchat | yaḥ pṷrodhākā̭ma-ssyāt | sa bṛ̭haspatisavena̭ yajeta || 2 ||
purodhāmeva ga̭cchati || tasya̭ prātassavane sanneṣṷ nārāśagṃseṣṷ | ekā̭daśa dakṣi̭ṇā nīyante | ekā̭daśa māddhya̭dinne sava̭ne sanneṣṷ nārāśagṃseṣṷ | ekā̭daśa tṛtīyasavane sanneṣṷ nārāśagṃseṣṷ | traya̭strigṃśa-thsampa̭dyante | traya̭strigṃśa-dvai devatāḥ | devatā̭ evāva̭rundhe || aśva̭ścatustrigṃśaḥ | prājāpatyo vā aśvaḥ̭ || 3 ||
prajāpa̭ti-ścatustrigṃśo devatā̭nām | yāva̭tīreva devatāḥ | tā evāva̭rundhe || kṛṣṇājinḙ 'bhiṣi̭ñcati | brahma̭ṇo vā eta-drūpam | ya-tkṛ̭ṣṇājinam | brahmavarcasenaivainagṃ sama̭rdhayati || ājyḙnābhiṣi̭ñcati | tejo vā ājyam | teja̭ evāsmi̭-ndadhāti || 4 ||

(hotā̭ bhavati - yajeta - vā aśvo̭ - dadhāti) (a. 1)
2.7.2 anuvākaṃ - vaiśyasavaḥ

yadāgneyo bhava̭ti | agnimṷkhā hyṛddhiḥ̭ || atha ya-tpauṣṇaḥ | puṣṭirvai pūṣā | puṣṭi-rvaiśya̭sya | puṣṭi̭mevāva̭rundhe || prasavāya̭ sāvitraḥ || atha ya-ttvāṣṭraḥ | tvaṣṭā hi rūpāṇi̭ vikaroti̭ || nirvaruṇatvāya̭ vāruṇaḥ || 5 ||
atho ya eva kaśca santhsūyate | sa hi vā̭ruṇaḥ || atha ya-dvaiśvadevaḥ | vaiśvadevo hi vaiśyaḥ̭ || atha ya-nmā̭rutaḥ | māruto hi vaiśyaḥ̭ || saptaitāni̭ havīgṃṣi̭ bhavanti | saptaga̭ṇā vai marutaḥ̭ || pṛśniḥ̭ paṣṭhauhī mā̭rutyāla̭bhyate | viḍvai marutaḥ̭ || viśa̭ evaita-nma̭ddhyato̭-'bhiṣi̭cyate | tasmā-dvā eṣa viśaḥ priyaḥ | viśo hi ma̭ddhyato̭-'bhiṣicyate || ṛṣabhacarme-'ddhyabhiṣi̭ñcati | sa hi pra̭janayitā || daddhnā-'bhiṣi̭ñcati | ūrgvā annādya-ndadhi̭ | ūrjaivaina̭-mannādyḙna sama̭rdhayati || 6 ||

(vāruṇo - viḍvai maruto-'ṣṭau ca̭) (a. 2)
anuvākaṃ 3 - brāhmaṇasavaḥ

yadāgneyo bhava̭ti | āgneyo vai brāhmaṇaḥ || atha ya-thsaumyaḥ | saumyo hi brāhmaṇaḥ || prasavāyaiva sā̭vitraḥ || atha ya-dbā̭rhaspatyaḥ | etadvai brāhmaṇasya̭ vākpatīyam || atha yada̭gnīṣomīyaḥ̭ | āgneyo vai brāhmaṇaḥ | tau yadā sagañcchḙte || 7 ||
atha̭ vīryā̭vattaro bhavati || atha ya-thsā̭rasvataḥ | etaddhi pratyakṣa̭-mbrāhmaṇasya̭ vākpatīyam || nirvaruṇatvāyaiva vā̭ruṇaḥ | atho ya eva kaśca santhsūyate | sa hi vā̭ruṇaḥ || atha ya-ddyā̭vāpṛthivyaḥ̭ | indro̭ vṛtrāya vajramuda̭yacchat | ta-ndyāvā̭pṛthivī nānva̭manyetām | tametenaiva bhā̭gadheyenā-nva̭manyetām || 8 ||
vajra̭sya vā eṣo̭-'numānāya̭ | anṷmatavajra-ssūyātā iti̭ || aṣṭāvetāni̭ havīgṃṣi̭ bhavanti | aṣṭākṣa̭rā gāyatrī | gāyatrī bra̭hmavarcasam | gāyatriyaiva bra̭hmavarcasamava̭rundhe || hira̭ṇyena ghṛtamu-tpṷnāti | teja̭sa eva ruce || kṛṣṇājinḙ-'bhiṣi̭ñcati | brahma̭ṇo vā etadṛ̭khsāmayo̭ rūpam | ya-tkṛ̭ṣṇājinam | brahma̭nnevaina̭-mṛkhsāmayo-raddhyabhiṣi̭ñcati || ghṛtenā-bhiṣi̭ñcati | tathā̭ vīryā̭vattaro bhavati || 9 ||

(sagañcchḙte - bhāgadheyenānva̭manyetāgṃ - rūpa-ñcatvāri̭ ca) (a. 3)
anuvākaṃ 4 - somasavaḥ

na vai somḙna soma̭sya savo-'sti | hato hyḙṣaḥ | abhiṣṷto hyḙṣaḥ | na hi hata-ssūyate | saumīgṃ sūtava̭śāmāla̭bhate | somo vai rḙtodhāḥ | reta̭ eva ta-dda̭dhāti || saumyarcā 'bhiṣi̭ñcati | retodhā hya̭ṣā | reta-ssomaḥ̭ | reta̭ evāsmi̭-ndadhāti || ya-tkiñca rājasūya̭mṛte somam | ta-thsarva̭-mbhavati || aṣā̭ḍhaṃ-yu~thsu pṛta̭nāsu paprim | suvara.ṣāmaphsvāṃ-vṛ~jana̭sya gopām | bhareṣujāgṃ sṷkṣitigṃ suśrava̭sam | jaya̭nta-ntvāmanṷ madema soma || 10 ||

(reta-ssomaḥ̭ sapta ca̭ ) (a. 4)
anuvākaṃ 5 - pṛthisavaḥ

yo vai somḙna sūyate | sa dḙvasavaḥ | yaḥ paśunā̭ sūyate | sa dḙvasavaḥ | ya iṣṭyā̭ sūyate | sa ma̭nuṣyasavaḥ | etaṃ-vai~ pṛtha̭ye devāḥ prāya̭cchann | tato vai so-'pyā̭raṇyānā-mpaśūnāma̭sūyata | yāva̭tīḥ kiya̭tīśca prajā vācaṃ-va~da̭nti | tāsāgṃ sarvā̭sāgṃ sūyate || 11 ||
ya etena yaja̭te | ya ṷ cainamevaṃ-ve~da̭ || nārāśaggsyarcā 'bhiṣi̭ñcati | manuṣyā̭ vai narāśagṃsaḥ̭ | nihnutya vāvaitat | athābhiṣi̭ñcati || ya-tkiñca̭ rājasūya̭-manuttaravedīkam | ta-thsarva̭-mbhavati || ye mḙ pañcāśata̭-ndaduḥ | aśvā̭nāgṃ sadhastṷtiḥ | dyumada̭gne mahi śravaḥ̭ | bṛha-tkṛ̭dhi maghonām | nṛvada̭mṛta nṛṇām || 12 ||

(sūyate - sadhastṷtistrīṇi̭ ca) (a. 5)
anuvākaṃ 6 - gosavaḥ

eṣa go̭savaḥ | ṣaṭtrigṃśa ukthyo̭ bṛha-thsā̭mā | pava̭māne kaṇvarathantara-mbha̭vati || yo vai vā̭japeyaḥ̭ | sa sa̭mrāṭthsavaḥ | yo rā̭jasūyaḥ̭ | sa va̭ruṇasavaḥ | prajāpa̭ti-ssvārājya-mparameṣṭhī | svārājya-ṅgaureva || gauri̭va bhavati || 13 ||
ya etena yaja̭te | ya ṷ cainamevaṃ-ve~da̭ || ubhe bṛ̭ha-drathantare bha̭vataḥ | taddhi svārājyam || ayuta-ndakṣi̭ṇāḥ | taddhi svārājyam || pratidhuṣā 'bhiṣi̭ñcati | taddhi svārājyam || anṷddhate vedyai̭ dakṣiṇata ā̭havanīya̭sya bṛhata-sstotra-mpratyabhiṣi̭ñcati | iyaṃ-vā~va ra̭thantaram || 14 ||
asau bṛhat | anayo̭revaina-mana̭ntarhita-mabhiṣi̭ñcati || paśustomo vā eṣaḥ | tena̭ gosavaḥ | ṣaṭtrigṃśa-ssarvaḥ̭ || revajjāta-ssaha̭sā vṛddhaḥ | kṣatrāṇā-ṅkṣatrabhṛtta̭mo vayodhāḥ | mahā-nma̭hitve ta̭stabhānaḥ | kṣatre rāṣṭre ca̭ jāgṛhi | prajāpa̭testvā parameṣṭhina-ssvārājyenābhiṣi̭ñcā-mītyā̭ha || svārājya-mevaina̭-ṅgamayati || 15 ||

(iva bhavati - rathantara - māhaika̭-ñca) (a. 6)
anuvākaṃ 7 - odanasavamantrāḥ

sigṃhe vyāghra uta yā pṛdā̭kau | tviṣi̭ragnau brāhmaṇe sūrye yā | indraṃ-yā~ devī subhagā̭ jajāna̭ | sā na āgan varca̭sā saṃvi~dānā || yā rā̭janyḙ dundubhāvāya̭tāyām | aśva̭sya krandye purṷṣasya māyau | indraṃ-yā~ devī subhagā̭ jajāna̭ | sā na āgan varca̭sā saṃvi~dānā || yā hastini̭ dvīpini yā hira̭ṇye | tviṣi-raśvḙṣu purṷṣeṣu goṣṷ || 16 ||
indraṃ-yā~ devī subhagā̭ jajāna̭ | sā na āgan varca̭sā saṃvi~dānā || rathḙ akṣeṣṷ vṛṣabhasya vāje | vātḙ parjanye varṷṇasya śuṣme | indraṃ-yā~ devī subhagā̭ jajāna̭ | sā na āgan varca̭sā saṃvi~dānā || rāḍa̭si virāḍa̭si | samrāḍa̭si svarāḍa̭si || indrā̭ya tvā teja̭svate teja̭svantagg śrīṇāmi | indrā̭ya tvauja̭svata oja̭savantagg śrīṇāmi || 17 ||
indrā̭ya tvā paya̭svate paya̭svantagg śrīṇāmi | indrā̭ya tvā-''yṷṣmata āyṷṣmantagg śrīṇāmi || tejo̭-'si | ta-tte praya̭cchāmi | teja̭svadastu me mukham | teja̭svacchiro̭ astu me | teja̭svān. viśvataḥ̭ pratyam | teja̭sā sampi̭pṛgdhi mā || ojo̭-'si | ta-tte praya̭cchāmi || 18 ||
oja̭svadastu me mukham | oja̭svacchiro̭ astu me | oja̭svān. viśvataḥ̭ pratyam | oja̭sā sampi̭pṛgdhi mā || payo̭-'si | tatte praya̭cchāmi | paya̭svadastu me mukham | paya̭svacchiro̭ astu me | paya̭svān. viśvataḥ̭ pratyam | paya̭sā sampi̭pṛgdhi mā || 19 ||
āyṷrasi | ta-tte praya̭cchāmi | āyṷṣmadastu me mukham | āyṷṣmacchiro̭ astu me | āyṷṣmān. viśvataḥ̭ pratyam | āyṷṣā sampi̭pṛgdhi mā || imama̭gna āyṷṣe varca̭se kṛdhi | priyagṃ reto̭ varuṇa soma rājann | mātevāsmā adite śarma̭ yaccha | viśvḙ devā jara̭daṣṭiryathā 'sa̭t || 20 ||
āyṷrasi viśvāyṷrasi | sarvāyṷrasi sarvamāyṷrasi || yato vāto mano̭ javāḥ | yataḥ, kṣara̭nti sindha̭vaḥ | tāsā-ntvā sarvā̭sāgṃ rucā | abhiṣi̭ñcāmi varca̭sā || samudra i̭vāsi gahmanā | soma̭ ivāsyadābhyaḥ | agniri̭va viśvataḥ̭ pratyam | sūrya̭ iva jyoti̭ṣā vibhūḥ || 21 ||
apāṃ-yo~ drava̭ṇe rasaḥ̭ | tamahamasmā ā̭muṣyāyaṇāya̭ | teja̭se brahmavarcasāya̭ gṛhṇāmi | apāṃ-ya~ ūrmau rasaḥ̭ | tamahamasmā ā̭muṣyāyaṇāya̭ | oja̭se vīryā̭ya gṛhṇāmi | apāṃ-yo~ ma̭ddhyato rasaḥ̭ | tamahamasmā ā̭muṣyāyaṇāya̭ | puṣṭyai prajana̭nāya gṛhṇāmi | apāṃ-yo~ yajñiyo rasaḥ̭ | tamahamasmā ā̭muṣyāyaṇāya̭ | āyṷṣe dīrghāyutvāya̭ gṛhṇāmi || 22 ||

(goṣ - voja̭svantagg śrīṇā - myojo̭-'si tatte praya̭cchāmi - paya̭sā sampi̭pṛgdhi mā-sa̭-d- vibhū--r yajñiyo raso dve ca̭) (a. 7)
anuvākaṃ 8 - odanasavagatā sthārohaṇamantrāḥ

abhiprehi̭ vīraya̭sva | ugraścettā̭ sapatnahā || āti̭ṣṭha mitravardha̭naḥ | tubhya̭-ndevā adhi̭bravann || aṅkaunyaṅkā vabhito rathaṃ-yau~ dhvāntaṃ-vā~̭tāgramanṷ sacaṃra̭ntau dūre hḙtirindriyāvā-npatatrī te no-'gnayaḥ papra̭yaḥ pārayantu || śame as ite-nno. || ātiṣṭha̭nta-mpari viśvḙ abhūṣann | śriyaṃ-va~sā̭naścarati svaro̭cāḥ | mahat-tadasyāsṷrasya nāma̭ | ā viśvarṷ̄po amṛtā̭ni tasthau || anu tvendro̭ madatvanu bṛhaspatiḥ̭ || 23 ||
anu somo anvagnirā̭vīt | anṷ tvā viśvḙ devā a̭vantu | anṷ sapta rājā̭no ya utābhiṣi̭ktāḥ || anṷ tvā mitrāvarṷṇāvihāva̭tam | anu dyāvā̭pṛthivī viśvaśa̭bhūm | sūryo aho̭bhiranṷ tvā-'vatu | candramā nakṣa̭trairanṷ tvā-'vatu || dyauśca̭ tvā pṛthivī ca pracḙtasā | śukro bṛha-ddakṣi̭ṇā tvā pipartu | anṷ svadhā ci̭kitāgṃ somo̭ agniḥ | ā-'ya-mpṛ̭ṇaktu raja̭sī upastham || 24 ||

(bṛhaspatiḥ - somo̭ agnireka̭-ñca) (a. 8)
anuvākaṃ 9 - odanasavaḥ

prajāpa̭tiḥ prajā a̭sṛjata | tā a̭smā-thsṛṣṭāḥ parā̭cīrāyann | sa eta-mprajāpa̭tirodana-ma̭paśyat | so-'nna̭-mbhūto̭-'tiṣṭhat | tā anyatrānnādyamavi̭ttvā | prajāpa̭ti-mprajā upāva̭rtanta | anna̭mevaina̭-mbhūta-mpaśya̭ntīḥ prajā upāva̭rtante | ya etena yaja̭te | ya ṷ cainamevaṃ-ve~da̭ || sarvāṇyannā̭ni bhavanti || 25 ||
sarve purṷṣāḥ | sarvāṇyevānnānyava̭rundhe | sarvā-npurṷṣān || rāḍa̭si virāḍasītyā̭ha | svārājyamevaina̭-ṅgamayati || yaddhira̭ṇya-ndadā̭ti | tejastenāva̭rundhe | yatti̭sṛdhanvam | vīrya̭-ntena̭ | yadaṣṭrām || 26 ||
puṣṭi-ntena̭ | yat-ka̭maṇḍalum | āyuṣṭena̭ || yaddhira̭ṇyamābaddhnāti̭ | jyotirvai hira̭ṇyam | jyoti̭revāsmi̭n-dadhāti | atho tejo vai hira̭ṇyam | teja̭ evātma-ndha̭tte || yado̭dana-mprāśnāti̭ | etadeva sarva̭mavaruddhya̭ || 27 ||
tada̭smi-nnekadhā-'dhāt || rohiṇyā-ṅkāryaḥ̭ | yadbrāhmaṇa eva ro̭hiṇī | tasmā̭deva | atho varṣmaivainagṃ̭ samānānā-ṅkaroti || udyatā sūryḙṇa kāryaḥ̭ | udyantaṃ-vā~ etagṃ sarvāḥ prajāḥ prati̭nandanti || didṛkṣeṇyo̭ darśanīyo̭ bhavati | ya evaṃ-ve~da̭ || brahmavādino̭ vadanti || 28 ||
avetyo̭-'vabhṛthā(3) nā(3) iti̭ | ya-dda̭rbhapuñjīlaiḥ pavaya̭ti | ta-thsvi̭devāvai̭ti | tannāvai̭ti || tribhiḥ pa̭vayati | traya̭ ime lokāḥ | ebhirevainaṃ̭-lo~kaiḥ pa̭vayati | atho̭ apāṃ-vā~ eta-ttejo varcaḥ̭ | ya-ddarbhāḥ | ya-dda̭rbhapuñjīlaiḥ pavaya̭ti | apāmevaina-nteja̭sā varca̭sā-'bhiṣi̭ñcati || 29 ||

(bhava - ntyaṣṭrā̭ - mavaruddhya̭ - vadanti - darbhā ya-dda̭rbhapuñjīlaiḥ pavayatyeka̭-ñca ) (a. 9)
anuvākaṃ 10 - pañcaśāradīyavidhiḥ

prajāpa̭tirakāmayata bahorbhūyān-thsyāmiti̭ | sa eta-mpa̭ñcaśāradīya̭-mapaśyat | tamā-'ha̭rat | tenā̭yajata | tato vai sa bahorbhūyā̭-nabhavat | yaḥ kāmayḙta bahorbhūyān-thsyāmiti̭ | sa pa̭ñcaśāradīyḙna yajeta | bahoreva bhūyā-nbhavati || maru-thstomo vā eṣaḥ | maruto hi devānā-mbhūyi̭ṣṭhāḥ || 30 ||
bahurbha̭vati | ya etena yaja̭te | ya ṷ cainamevaṃ-ve~da̭ || pañcaśāradīyo̭ bhavati | pañca vā ṛtavaḥ̭ saṃva~thsaraḥ | ṛtuṣveva saṃ̭va~thsare prati̭tiṣṭhati | atho pañcākṣarā paṅktiḥ | pāṅkto̭ yajñaḥ | yajñamevāva̭rundhe || saptadaśagg stomā nāti̭yanti | saptadaśaḥ prajāpa̭tiḥ | prajāpa̭terāptyai || 31 ||

(bhūyi̭ṣṭhā - yanti dve ca̭) (a. 10)
anuvākaṃ 11 - pañcaśāradīyagatapaśuvidhiḥ

agastyo̭ marudbhya̭ ukṣṇaḥ praukṣa̭t | tānindra āda̭tta | ta ḙnaṃ-va~jra̭mudyatyābhyā̭yanta | tānagastya̭ścaivendra̭śca kayāśubhīyḙnāśamayatām | tāñchā-ntānupāhvayata | ya-tka̭yāśubhīya-mbhava̭ti śāntyai || tasmā̭deta aindrā mārutā ukṣāṇaḥ̭ savanīyā̭ bhavanti | trayaḥ̭ prathame-'hannāla̭bhyante | eva-ndvitīye | eva-ntṛtīye || 32 ||
eva-ñca̭turthe | pañcottame-'hannāla̭bhyante | varṣi̭ṣṭhamiva hyḙtadahaḥ̭ || varṣi̭ṣṭha-ssamānānā-mbhavati | ya etena yaja̭te | ya ṷ cainamevaṃ-ve~da̭ || svārājyaṃ-vā~ eṣa yajñaḥ | etena vā ekayāvā̭ kāndama-ssvārājya-magacchat || svārājya-ṅgacchati | ya etena yaja̭te || 33 ||
ya ṷ cainamevaṃ-ve~da̭ || māruto vā eṣa stomaḥ̭ | etena vai maruto̭ devānā-mbhūyi̭ṣṭhā abhavann | bhūyi̭ṣṭha-ssamānānā-mbhavati | ya etena yaja̭te | ya ṷ cainamevaṃ-ve~da̭ || pañcaśāradīyo vā eṣa yajñaḥ | ā pa̭ñcamāt-purṷṣādanna̭matti | ya etena yaja̭te | ya ṷ cainamevaṃ-ve~da̭ || saptadaśagg stomā nāti̭yanti | saptadaśaḥ prajāpa̭tiḥ | prajāpa̭tereva naiti̭ || 34 ||

(tṛtīyḙ - gacchati ya etena yaja̭te - 'tti ya etena yaja̭te ya ṷ cainamevaṃ-ve~da trīṇi̭ ca) (a. 11)
(agastya-ssvārājya-mmārutaḥ pa̭ñcaśāradīyo vā eṣa yajña-ssa̭ptadaśaṃ

prajāpa̭tereva naiti̭)
anuvākaṃ 12 - agniṣṭudyāge grahāṇā-mpurorucaḥ

asyājarā̭so damā maritrāḥ | arcaddhṷ̄māso agnayaḥ̭ pāvakāḥ | śvicīcayaḥ̭ śvātrāso̭ bhuraṇyavaḥ̭ | vanara.ṣado̭ vāyavo na somāḥ || yajā̭ no mitrāvarṷṇā | yajā̭ devāgṃ ṛta-mbṛhat | agne yakṣi sva-ndamam || aśvi̭nā piba̭tagṃ sutam | dīdya̭gnī śuci vratā | ṛtunā̭ yajñavāhasā || 35 ||
dve virṷ̄pe carata-ssvarthe | anyā-'nyā̭ vathsamupa̭dhāpayete | hari̭ranyasyā-mbhava̭ti svadhāvāṋ | śukro anyasyā-ndadṛśe suvarcāḥ || pūrvāpara-ñca̭rato māyayaitau | śiśū krīḍa̭ntau pari̭yāto addhvaram | viśvānyanyo bhuva̭nā-'bhicaṣṭe | ṛtūnanyo vidadha̭jjāyate punaḥ̭ || trīṇi̭ śatā trīṣahasrāṇyagnim | trigṃśacca̭ devā nava̭ cāsaparyann || 36 ||
aukṣa̭n-ghṛtairāstṛ̭ṇan-barhira̭smai | ādiddhotā̭ra-nnya̭ṣādayanta || agninā-'gni-ssami̭ddhyate | kavi-rgṛhapa̭tiryuvā | havyavāḍ-juhvāsyaḥ || agni-rdevānā-ñjaṭharam | pūtada̭kṣaḥ kavikra̭tuḥ | devo devebhirāga̭mat || agniśriyo̭ maruto̭ viśvakṛ̭ṣṭayaḥ | ā tveṣamugramava̭ īmahe vayam || 37 ||
te svānino̭ rudriyā̭ vara.ṣani̭rṇijaḥ | sigṃhā na heṣakra̭tava-ssudāna̭vaḥ || yadṷttame ma̭ruto maddhyame vā | yadvā̭-'vame sṷbhagāso diviṣṭha | tato̭ no rudrā uta vā-'nvasya̭ | agnḙ vittāddhaviṣo yadyajā̭maḥ || īḍḙ agnigg svava̭sa-nnamo̭bhiḥ | iha pra̭sapto vica̭yatkṛta-nnaḥ̭ | rathai̭riva prabha̭re vājayadbhiḥ̭ | pradakṣiṇi-nmarutāg stoma̭mṛddhyām || 38 ||
śrudhi śrṷtkarṇa vahni̭bhiḥ | devaira̭gne sayāva̭bhiḥ | āsī̭dantu baraḥiṣi̭ | mitro varṷṇo aryamā | prātaryāvā̭ṇo addhvaram || viśvḙṣā-madi̭ti-ryajñiyā̭nām | viśva̭ṣā-mati̭thi-rmānṷṣāṇām | agni-rdevānāmava̭ āvṛṇānaḥ | sumṛḍīko bha̭vatu viśvavḙdāḥ || tve a̭gne sumati-mbhikṣa̭māṇāḥ || 39 ||
divi śravo̭ dadhire yajñiyā̭saḥ | naktā̭ ca cakruruṣasā virṷ̄pe | kṛṣṇa-ñca varṇa̭maruṇa-ñca sandhuḥ̭ || tvāma̭gna ādityāsa̭ āsyam | tvā-ñjihvāgṃ śuca̭yaścakrire kave | tvāgṃ rā̭tiṣāco̭ addhvareṣṷ saścire | tve devā havira̭dantyāhṷtam || ni tvā̭ yajñasya sādha̭nam | agne hotā̭ra-mṛtvijam | vanuṣva-ddḙva dhīmahi pracḙtasam | jīra-ndūtamama̭rtyam || 40 ||

(yajñavāhasā - 'saparyan - vaya - mṛ̭ddhyāṃ - bhikṣa̭māṇāḥ - pracḙtasameka̭-ñca) (a. 12)
anuvākaṃ 13 - indrastudyāge grahāṇā-mpurorucaḥ

tiṣṭhā harī ratha ā yujyamā̭nā yāhi | vāyurna niyuto̭ no accha̭ | pibāsyandho̭ abhisṛ̭ṣṭo asme | indra svāhā̭ rarimā te madā̭ya || kasya vṛṣā̭ sute sacā | niyutvān vṛṣabho ra̭ṇat | vṛtrahā soma̭pītaye || indraṃ̭-va~ya-mma̭hādhane | indramarbhḙ havāmahe | yujaṃ̭-vṛ~treṣṷ vajriṇam || 41 ||
dvitāyo vṛ̭trahanta̭maḥ | vida indraḥ̭ śatakra̭tuḥ | upa̭ no hari̭bhi-ssutam || sa sūra ājanayañjyotirindram | ayā dhiyā taraṇiradri̭barhāḥ | ṛtena̭ śuṣmīnava̭māno arkaiḥ | vyṷsridho̭ asro adri̭rbibheda || uta tyadāśvaśvi̭yam | yadi̭ndra nāhṷṣīṣvā | agrḙ vikṣu pratīda̭yat || 42 ||
bhareṣvindragṃ̭ suhavagṃ̭ havāmahe | agṃhomucagṃ̭ sukṛta-ndaivyañjanam | agni-mmitraṃ-va~rṷṇagṃ sātaye bhagam | dyāvā̭pṛthivī marutaḥ̭ svastaye || mahi kṣetra̭-mpuruścandraṃ-vi~vidvān | ādi-thsakhi̭bhyaśca rathagṃ samai̭rat | indro nṛbhi̭rajana-ddīdyā̭na-ssākam | sūrya̭muṣasa̭-ṅgātumagnim || uru-nno̭ lokamanṷneṣi vidvān | suva̭rva-jjyotirabha̭yagg svasti || 43 ||
ṛṣvā ta̭ indra sthavi̭rasya bāhū | upa̭stheyāma śaraṇā bṛhantā || ā no viśvā̭bhirūtibhiḥ̭ sajoṣāḥ | brahma̭ juṣāṇo ha̭ryaśva yāhi | varī̭vṛja-thsthavi̭rebhi-ssuśipra | asme dadha-dvṛṣa̭ṇagṃ śuṣma̭mindra || indrā̭ya gāva̭ āśiram | duduhre vajriṇe madhṷ | ya-thsī̭mupahvare-'vidat || tāstḙ vajri-ndhenavo̭ jojayurnaḥ || 44 ||
gabha̭stayo niyuto̭ viśvavā̭rāḥ | aha̭raharbhūya ijjogṷvānāḥ | pūrṇā i̭ndra kṣumato bhoja̭nasya || imā-nte dhiya-mprabha̭re maho mahīm | asya stotre dhiṣaṇā yatta̭ ānaje | tamṷthsave ca̭ prasave ca̭ sāsahim | indra̭-ndevāsa-śśava̭sā madannanṷ || 45 ||

(vajriṇa̭ - mayath - svasti - jo̭jayurnaḥ - +sapta ca̭) (a. 13)
anuvākaṃ 14 - aptoryāmāvidhiḥ

prajāpa̭tiḥ paśūna̭sṛjata | te-'smā-thsṛṣṭāḥ parāñca āyann | tāna̭gniṣṭomena nāpnot | tānukthyḙna nāpnot | tān-thṣo̭ḍaśinā nāpnot | tānrātri̭yā nāpnot | tān-thsandhinā nāpnot | so-'gnima̭bravīt | imānma̭ īphseti̭ | tānagnistrivṛtā stomḙna nāpnot || 46 ||
sa indra̭mabravīt | imānma̭ īphseti̭ | tānindraḥ̭ pañcadaśena stomḙna nāpnot | sa viśvā-ndevā-na̭bravīt | imānma̭ īphsateti̭ | tān. viśvḙ devā-ssa̭ptadaśena stomḙna nāpnṷvann | sa viṣṇṷmabravīt | imānma̭ īphseti̭ | tān. viṣṇṷrekavigṃśena stomḙnāpnot | vāravantīyḙnāvārayata || 47 ||
idaṃ-vi~ṣṇu-rvica̭krama iti vya̭kramata || yasmā-tpaśavaḥ pra preva bhragṃśḙrann | sa etena̭ yajeta || yadāpnot | tadaptoryāma̭syāptoryāmatvam || etena vai devā jaitvā̭ni jitvā | ya-ṅkāma-makā̭mayanta tamāpnuvann | ya-ṅkāma̭-ṅkāmaya̭te | tametenāpnoti || 48 ||

(stomḙna nāpno̭ - davārayata - +nava̭ ca) (a. 14)
anuvākaṃ 15 - rājābhiṣekaḥ

vyāghro̭-'yamagnau ca̭rati pravi̭ṣṭaḥ | ṛṣī̭ṇā-mputro a̭bhiśastipā ayam | namaskāreṇa nama̭sā te juhomi | mā devānā-mmithuyā ka̭rma bhāgam || sāvīraḥi dḙva prasavāya̭ pitre | varṣmāṇa̭masmai varimāṇa̭masmai | athāsmabhyagṃ̭ savita-ssarvatā̭tā | dive di̭va āsṷvā bhūri̭paśvaḥ || bhūto bhūteṣṷ carati pravi̭ṣṭaḥ | sa bhūtānā-madhi̭pati-rbabhūva || 49 ||
tasya̭ mṛtyau ca̭rati rājasūyam | sa rājā̭ rājya-manṷmanyatāmidam || yebhi-śśilpaiḥ paprathānāmadṛgṃ̭hat | yebhidryāmabhyapigṃ̭śat-prajāpa̭tiḥ | yebhirvācaṃ̭-vi~śvarṷ̄pāgṃ samavya̭yat | tenemama̭gna iha varca̭sā sama̭ṅgdhi || yebhi̭rādityastapa̭ti praketubhiḥ̭ | yebhi-ssūryo̭ dadṛśe citrabhā̭nuḥ | yebhirvāca̭-mpuṣkalebhiravya̭yat | tenemama̭gna iha varca̭sā sama̭ṅgdhi || 50 ||
ā-'ya-mbhā̭tu śava̭sā pañca̭ kṛṣṭīḥ | indra̭ iva jyeṣṭho bha̭vatu prajāvāṋ | asmā a̭stu puṣkala-ñcitrabhā̭nu | ā-'ya-mpṛ̭ṇaktu raja̭sī upastham || yatte śilpa̭-ṅkaśyapa rocanāva̭t | indriyāva̭t-puṣkala-ñcitrabhā̭nu | yasmin-thsūryā arpi̭tā-ssapta sākam | tasmin-rājā̭na-madhiviśra̭yemam || dyaura̭si pṛthivya̭si || vyāghro vaiyāghre-'dhi̭ || 51 ||
viśra̭yasva diśo̭ mahīḥ | viśa̭stvā sarvā̭ vāñchantu | mā tva-drāṣṭramadhi̭bhraśat || yā divyā āpaḥ paya̭sā sambabhūvuḥ | yā antari̭kṣa uta pārthi̭vīryāḥ | tā sā-ntvā sarvā̭sāgṃ rucā | abhiṣi̭ñcāmi varca̭sā | abhi tvā varca̭sā sica-ndivyena̭ | paya̭sā saha | yathā-''sā̭ rāṣṭravardha̭naḥ || 52 ||
tathā tvā savitā ka̭rat | indraṃ-vi~śvā̭ avīvṛdhann | samudra vya̭casa-ṅgiraḥ̭ | rathīta̭magṃ rathīnām | vājā̭nāgṃ sa-tpa̭ti-mpatim | vasa̭vastvā purastā̭dabhiṣi̭ñcantu gāyatreṇa chanda̭sā | rudrāstvā̭ dakṣiṇato̭-'bhiṣi̭ñcantu traiṣṭṷbhena chanda̭sā | ādityāstvā̭ paścādabhiṣi̭ñcantu jāga̭tena chanda̭sā | viśve tvā devā ṷttarato̭-'bhiṣi̭ñcan-tvānṷṣṭubhena chanda̭sā | bṛhaspati̭-stvopari̭ṣṭā-dabhiṣi̭ñcatu pāṅktḙna chanda̭sā || 53 ||
aruṇa-ntvā vṛka̭mugra-ṅkha̭ja-ṅkaram | roca̭māna-mmarutāmagrḙ arciṣaḥ̭ | sūrya̭vanta-mmaghavā̭naṃ-vi~ṣāsahim | indra̭mukthyeṣṷ nāmahūta̭magṃ huvema || pra bāhavā̭ sisṛta-ñjīvasḙ naḥ | ā no gavyṷ̄timukṣata-ṅghṛtena̭ | ā no jane śravayataṃ-yu~vānā | śruta-mmḙ mitrāvaruṇā havemā || indra̭sya te vīryakṛtaḥ̭ | bāhū upāva̭harāmi || 54 ||

(babhū - vāvya̭ya-ttenemama̭gna iha varca̭sā sama̭ṅgdhi - vaiyāghre-'dhi̭ - rāṣṭravardha̭naḥ - pāṅktḙna chanda̭so - pāva̭harāmi) (a. 15)
anuvākaṃ 16 - rājābhiṣekāṅgaṃ rathārohaṇam

abhi prehi̭ vīraya̭sva | ugraścettā̭ sapatnahā || āti̭ṣṭha vṛtrahanta̭maḥ | tubhya̭-ndevā adhi̭bravann || aṅkau nyaṅkāvabhito rathaṃ-yau~ | dhvāntaṃ-vā~̭tāgramanṷsa-ñcara̭ntau | dūre hḙti-rindriyāvā-npatatrī | te no-'gnayaḥ papra̭yaḥ pārayantu || nama̭sta ṛṣe gada | avya̭thāyai (avya̭dhāyai) tvā svadhāyai tvā || 55 ||
mā na̭ indrābhitastva-dṛṣvāri̭ṣṭāsaḥ | evā bra̭hmantaveda̭stu || tiṣṭhā rathe adhi ya-dvajra̭hastaḥ || ā raśmīndḙva yuvase svaśvaḥ̭ || above, ātiṣṭha̭nta-mpari viśvḙ abhūṣann | śriyaṃ-va~sā̭naścarati svaro̭cāḥ | mahat-tadasyāsṷrasya nāma̭ | ā viśvarṷ̄po amṛtā̭ni tasthau || | anu tvendro̭ madatvanu bṛhaspatiḥ̭ | anu somo anvagnirā̭vīt | anṷ tvā viśvḙ devā a̭vantu | anṷ sapta rājā̭no ya utābhiṣi̭ktāḥ ||. anṷtvā mitrāvarṷṇāvihāva̭tam | anu dyāvā̭pṛthivī viśvaśa̭bhūm | sūryo aho̭bhiranṷ tvā-'vatu | candramā nakṣa̭trairanṷ tvā 'vatu || || dyauśca̭ tvā pṛthivī ca pracḙtasā | śukro bṛha-ddakṣi̭ṇā tvā pipartu | anṷ svadhā cikitāgṃ somo̭ agniḥ | anṷ tvā-'vatu savitā savena̭ || 56 ||
indraṃ-vi~śvā̭ avīvṛdhann | samudra vya̭casa-ṅgiraḥ̭ | rathīta̭magṃ rathīnām | vājā̭nāgṃ sa-tpa̭ti-mpatim || pari̭ mā senyā ghoṣāḥ | jyānāṃ-vṛ~ñjantu gṛddhnavaḥ̭ | methiṣṭhāḥ pinva̭mānā iha | mā-ṅgopa̭timabhi saṃvi~̭śantu || tanme-'nṷmati-ranṷmanyatām | tanmātā pṛ̭thivī ta-tpitā dyauḥ || 57 ||
tadgrāvā̭ṇa-ssomasuto̭ mayobhuvaḥ̭ | tada̭śvinā śṛṇutagṃ saubhagā yuvam || ava̭ te heḍo̭ varuṇa namo̭bhirava̭ yajñebhi̭rīmahe havirbhiḥ̭ | kṣaya̭nnasmabhya̭masura praceto rājannenāgṃ̭si śiśrathaḥ kṛtāni̭ ||, udṷttamaṃ-va~̭ruṇa pāśa̭masmadavā̭-'dhamaṃ-vi~ma̭dhyamagg śra̭thāya | athā̭ vayamā̭ditya vrate tavā-'nā̭gaso adi̭taye syāma || || enā vyāghra-mpa̭riṣasvajānāḥ | sigṃhagṃ hi̭nvanti mahate saubha̭gāya | samudra-nna suhava̭-ntasthivāgṃsam | marmṛjyante dvīpina̭maphsva̭ntaḥ || udasāvḙtu sūryaḥ̭ | udida-mmā̭makaṃ-va~caḥ̭ | udi̭hi deva sūrya | saha vagnunā mama̭ | ahaṃ-vā~co vivāca̭nam | mayi vāga̭stu dharṇasiḥ | yantṷ nadayo varṣa̭ntu parjanyāḥ | supippalā oṣa̭dhayo bhavantu || anna̭vatāmodanava̭tāmāmikṣa̭vatām | eṣāgṃ rājā̭ bhūyāsam || 58 ||

(svadhāyai tvā - savena - dyauḥ - surya sapta ca̭) (a. 16)
anuvākaṃ 17 - rājābhiṣekāṅgaṃ-va~panam

ye keśinaḥ̭ prathamā-ssatramāsa̭ta | yebhirābhṛ̭taṃ-ya~didaṃ-vi~roca̭te | tebhyo̭ juhomi bahudhā ghṛtena̭ | rāyaspoṣḙṇemaṃ-va~rca̭sā sagṃsṛ̭jātha || narte brahma̭ṇastapa̭so vimokaḥ | dvināmnī̭ dīkṣā vaśinī hyṷgrā | prakeśā-ssuvatḙ kāṇḍino̭ bhavanti | teṣā-mbrahmedīśe vapa̭nasya nānyaḥ || āro̭ha proṣṭhaṃ-vi~ṣa̭hasva śatrūṋ | avāsrāgdīkṣā vaśinī hyṷgrā || 59 ||
dehi dakṣi̭ṇā-mprati̭rasvāyuḥ̭ | athā̭ mucyasva varṷṇasya pāśāt || yenāva̭pa-thsavitā kṣureṇa̭ | soma̭sya rājño varṷṇasya vidvān | tena̭ brahmāṇo vapatedamasyorjemam | rayyā varca̭sā sagṃsṛ̭jātha || mā te keśānanṷ gādvarca̭ etat | tathā̭ dhātā ka̭rotu te | tubhyamindro bṛhaspatiḥ̭ | savitā varca āda̭dhāt || 60 ||
tebhyo̭ nidhāna̭-mbahudhā vyaicchanṋ | antarā dyāvā̭pṛthivī apa-ssuvaḥ̭ | darbhastambe vīrya̭kṛte nidhāya̭ | pauggsyḙnemaṃ-va~rca̭sā sagṃsṛ̭jātha || bala̭-nte bāhuvo-ssa̭vitā da̭dhātu | soma̭stvā-'naktu paya̭sā ghṛtena̭ | strīṣu rūpama̭śvinaita-nnidha̭ttam | pauggsyḙnemaṃ-va~rca̭sā sagṃsṛ̭jātha || ya-thsīmanta-ṅkaṅka̭taste lilekha̭ | yadvā kṣuraḥ pa̭rivavarja vapagg̭ste | strīṣu rūpama̭śvinaita-nnidha̭ttam | pauggsyḙnemagṃ sagṃsṛ̭jātho vīryḙṇa || 61 ||

(avāsrāgdīkṣā vāśinī hyṷgrā-''da̭dhā-dvavarja vapagg̭ste dve ca̭ ) (a. 17)
(ye keśino narte mā te balaṃ-ya~-thsīmanta-mpañca̭)
anuvākaṃ 18 - vidyanākhya ekāhaviśeṣaḥ

indraṃ-vai~ svā viśo̭ maruto nāpā̭cāyann | so-'na̭pacāyyamāna etaṃ-vi~̭ghanama̭paśyat | tamā-'ha̭rat | tenā̭yajata | tenaivāsā-ntagṃ sagg̭stambhaṃ-vya~̭hann | ya-dvyahanṋ | ta-dvi̭ghanasya̭ vighanatvam || vi pāpmāna-mbhrātṛ̭vyagṃ hate | ya etena yaja̭te | ya ṷ cainamevaṃ-ve~da̭ || 62 ||
yagṃ rājā̭naṃ-vi~śo nāpacāyḙyuḥ | yo vā brāhmaṇastama̭sā pāpmanā prāvṛ̭ta-ssyāt | sa etena̭ yajeta | vighanenaivaina̭-dvihatya̭ | viśāmādhi̭patya-ṅgacchati || tasya dve dvā̭daśe stotre bhava̭taḥ | dve ca̭turvigṃśe | audbhi̭dyameva tat | etadvai kṣatrasyaudbhi̭dyam | yada̭smai svā viśo̭ baligṃ hara̭nti || 63 ||
hara̭ntyasmai viśo̭ balim | ainamapra̭tikhyāta-ṅgacchati | ya evaṃ-ve~da̭ || prabāhugvā agre kṣatrāṇyātḙpuḥ | teṣāmindraḥ̭ kṣatrāṇyāda̭tta | na vā imāni̭ kṣatrāṇya̭ bhūvanniti̭ | tannakṣa̭trāṇā-nnakṣatratvam | ā śreya̭so bhrātṛ̭vyasya teja̭ indriya-nda̭tte | ya etena yaja̭te | ya ṷ cainamevaṃ-ve~da̭ || 64 ||
ta-dyathā̭ ha vai sa̭cyākriṇau kapla̭kāvupā-va̭hitau syātām | evametau yugmantau stomau | ayukṣu stomḙṣu kriyete | pāpmano-'pa̭hatyai || apa̭ pāpmāna-mbhrātṛ̭vyagṃ hate | ya etena yaja̭te | ya ṷ cainamevaṃ-ve~da̭ || ta-dyathā̭ ha vai sṷ̄tagrāmaṇyaḥ̭ | eva-ñchandāgṃ̭si | teṣvasāvā̭dityo bṛ̭hatīrabhyṷ̄ḍhaḥ || 65 ||
satobṛ̭hatīṣu stuvate sato bṛ̭hann | prajayā̭ paśubhi̭-rasānītyeva || vyati̭ṣaktābhi-sstuvate | vyati̭ṣaktaṃ-vai~ kṣatraṃ-vi~śā | viśaivaina̭-ṅkṣatreṇa vyati̭ṣajati || vyati̭ṣaktābhi-sstuvate | vyati̭ṣakto vai grā̭maṇī-ssa̭jātaiḥ | sajātairevainaṃ-vya~ti̭ṣajati || vyati̭ṣaktābhi-sstuvate | vyati̭ṣakto vai purṷṣaḥ pāpmabhiḥ̭ | vyati̭ṣaktā-bhirevāsya̭ pāpmano̭ nudate || 66 ||