2.8 - কাম্যপশুযাজ্যানুৱাক্যা ব্ৰাহ্মণম্ - কৃষ্ণ যজুৰ্ৱেদ তৈত্তিৰীয ব্ৰাহ্মণ পাঠঃ - পীৱোন্নাং ৰযিৱৃধঃ

কৃষ্ণ যজুৰ্ৱেদীয তৈত্তিৰীয ব্ৰাহ্মণে দ্ৱিতীযাষ্টকে অষ্টমঃ প্ৰপাঠকঃ - কাম্যপশুযাজ্যানুৱাক্যা ব্ৰাহ্মণম্
ও-ন্নমঃ পৰমাত্মনে, শ্ৰী মহাগণপতযে নমঃ,

শ্ৰী গুৰুভ্যো নমঃ । হৰিঃ ওম্ ॥
অনুৱাকং 1 - ৱাযৱ্যাদিপশূনাং সূক্তানি
পীৱোন্নাগ্ং ৰযিৱৃধঃ সুমেধাঃ । শ্ৱেত-স্সিষক্তি নিযুতামভিশ্ৰীঃ । তে ৱাযৱে সমনসো ৱিতস্থুঃ । ৱিশ্ৱেন্নৰঃ স্ৱপত্যানি চক্ৰুঃ ॥ ৰাযে-ঽনু য-ঞ্জজ্ঞতূ ৰোদসী উভে । ৰাযে দেৱী ধিষণা ধাতি দেৱম্ । অধা ৱাযু-ন্নিযুতঃ সশ্চত স্ৱাঃ । উত শ্ৱেতং-ৱঁসুধিতি-ন্নিৰেকে ॥ আ ৱাযো ভূষ শুচিপা উপ ন-স্সহস্ৰ-ন্তে নিযুতো ৱিশ্ৱৱাৰ । উপো তে অন্ধো মদ্যমযামি যস্য দেৱ দধিষে পূৰ্ৱপেযম্ ॥ প্ৰ যাভিৰ্যাসি দাশ্ৱাগ্ং সমচ্ছা নিযুদ্ভি-ৰ্ৱাযৱিষ্টযে দুৰোণে । নি নো ৰযিগ্ং সুভোজসং-যুঁৱেহ নি ৱীৰৱ-দ্গৱ্যমশ্ৱিয-ঞ্চ ৰাধঃ ॥॥ প্ৰ ৱাযুমচ্ছা বৃহতী মনীষা ॥ 1 ॥
বৃহদ্ৰযিং-ৱিঁশ্ৱৱাৰাগ্ং ৰথপ্ৰাম্ । দ্যুতদ্যামা নিযুতঃ পত্যমানঃ । কৱিঃ কৱিমিযক্ষসি প্ৰযজ্যো ॥ আ নো নিযুদ্ভিঃ শতিনীভি-ৰদ্ধ্ৱৰম্ । সহস্ৰিণীভিৰুপ যাহি যজ্ঞম্ । ৱাযো অস্মিন্. হৱিষি মাদযস্ৱ । যূয-ম্পাত স্ৱস্তিভি-স্সদা নঃ ॥ প্ৰজাপতে ন ত্ৱদেতান্যন্যঃ । ৱিশ্ৱা জাতানি পৰি তা বভূৱ । য-ত্কামাস্তে জুহুমস্তন্নো অস্তু ॥ 2 ॥
ৱযগ্গ্ স্যাম পতযো ৰযীণাম্ ॥ ৰযীণা-ম্পতিং-যঁজত-ম্বৃহন্তম্ । অস্মিন্ভৰে নৃতমং-ৱাঁজসাতৌ । প্ৰজাপতি-ম্প্ৰথমজামৃতস্য । যজাম দেৱমধি নো ব্ৰৱীতু ॥ প্ৰজাপতে ত্ৱ-ন্নিধিপাঃ পুৰাণঃ । দেৱানা-ম্পিতা জনিতা প্ৰজানাম্ । পতি-ৰ্ৱিশ্ৱস্য জগতঃ পৰস্পাঃ । হৱিৰ্নো দেৱ ৱিহৱে জুষস্ৱ ॥ তৱেমে লোকাঃ প্ৰদিশো দিশশ্চ ॥ 3 ॥
পৰাৱতো নিৱত উদ্ৱতশ্চ । প্ৰজাপতে ৱিশ্ৱসৃজ্জীৱধন্য ইদ-ন্নো দেৱ । প্ৰতিহৰ্য হৱ্যম্ ॥ প্ৰজাপতি-ম্প্ৰথমং-যঁজ্ঞিযানাম্ । দেৱানামগ্ৰে যজতং-যঁজদ্ধ্ৱম্ । স নো দদাতু দ্ৰৱিণগ্ং সুৱীৰ্যম্ । ৰাযস্পোষং-ৱিঁষ্যতু নাভিমস্মে ॥ যো ৰায ঈশে শতদায উক্থ্যঃ । যঃ পশূনাগ্ং ৰক্ষিতা ৱিষ্ঠিতানাম্ । প্ৰজাপতিঃ প্ৰথমজা ঋতস্য ॥ 4 ॥
সহস্ৰধামা জুষতাগ্ং হৱিৰ্নঃ ॥ সোমাপূষণা জননা ৰযীণা-ঞ্জননা দিৱো জননা পৃথিৱ্যাঃ । জাতৌ ৱিশ্ৱস্য ভুৱনস্য গোপৌ দেৱা অকৃণ্ৱন্নমৃতস্য নাভিম্ ॥ ইমৌ দেৱৌ জাযমানৌ জুষন্তেমৌ তমাগ্ংসি গূহতামজুষ্টা । আভ্যামিন্দ্ৰঃ পক্ৱমামাস্ৱন্ত-স্সোমাপূষভ্যা-ঞ্জনদুস্ৰিযাসু ॥ ॥ সোমাপূষণা ৰজসো ৱিমানম্ । সপ্তচক্ৰগ্ং ৰথমৱিশ্ৱমিন্ৱম্ । ৱিষূৱৃত-ম্মনসা যুজ্যমানম্ । ত-ঞ্জিন্ৱথো ৱৃষণা পঞ্চৰশ্মিম্ ॥ দিৱ্যন্য-স্সদন-ঞ্চক্ৰ উচ্চা । পৃথিৱ্যামন্যো অদ্ধ্যন্তৰিক্ষে । তাৱস্মভ্য-ম্পুৰুৱাৰ-ম্পুৰুক্ষুম্ । ৰাযস্পোষং-ৱিঁষ্যতা-ন্নাভিমস্মে ॥ 5 ॥
ধিয-ম্পূষা জিন্ৱতু ৱিশ্ৱমিন্ৱঃ । ৰযিগ্ং সোমো ৰযিপতি-ৰ্দধাতু । অৱতু দেৱ্যদিতিৰ-নৰ্ৱা । বৃহ-দ্ৱদেম ৱিদথে সুৱীৰাঃ ॥ ৱিশ্ৱান্যন্যো ভুৱনা জজান । ৱিশ্ৱমন্যো অভিচক্ষাণ এতি । সোমাপূষণা-ৱৱত-ন্ধিয-ম্মে । যুৱভ্যাং-ৱিঁশ্ৱাঃ পৃতনা জযেম ॥ উদুত্তমং-ৱঁৰুণ পাশমস্মদৱা-ঽধমং-ৱিঁমধ্যমগ্গ্ শ্ৰথায । অথা ৱযমাদিত্য ৱ্ৰতে তৱা-ঽনাগসো অদিতযে স্যাম অস্তভ্নাদ্যামৃষভো অন্তৰিক্ষমমিমীত ৱৰিমাণ-ম্পৃথিৱ্যা আ-ঽসীদ-দ্ৱিশ্ৱা ভুৱনানি সম্ৰা-ড্ৱিশ্ৱেত্তানি ৱৰুণস্য ৱ্ৰতানি ॥ । য-ত্কিঞ্চেদং-ৱঁৰুণ দৈৱ্যে জনে-ঽভিদ্ৰোহ-ম্মনুষ্যাশ্চৰামসি । অচিত্তীয-ত্তৱ ধৰ্মা যুযোপিম মা নস্তস্মা দেনসো দেৱ ৰীৰিষঃ ॥ কিতৱাসো যদ্ৰি ৰিপুৰ্ন দীৱি যদ্ৱা ঘা সত্য মুতযন্ন ৱিদ্ম । সৰ্ৱা তা ৱিষ্য শিথিৰেৱ দেৱাথা তে স্যাম ৱৰুণ প্ৰিযাসঃ ॥( ) । অৱ তে হেডো ৱৰুণ নমোভিৰৱ যজ্ঞেভিৰীমহে হৱিৰ্ভিঃ । ক্ষযন্নস্মভ্যমসুৰ প্ৰচেতো ৰাজন্নেনাগ্ংসি শিশ্ৰথঃ কৃতানি ॥, তত্ত্ৱা যামি ব্ৰহ্মণা ৱন্দমানস্তদা শাস্তে যজমানো হৱিৰ্ভিঃ । অহেডমানো ৱৰুণেহ বোধ্যুৰুশগ্ংস মা ন আযুঃ প্ৰমোষীঃ ॥ ॥ আদিত্যানামৱসা নূতনেন সক্ষীমহি শৰ্মণা শন্তমেন । অনাগাস্ত্ৱে অদিতিত্ৱে তুৰাস ইমং-যঁজ্ঞ-ন্দধতু শ্ৰোষমাণাঃ ॥, ন দক্ষিণা ৱিচিকিতে ন সৱ্যা ন প্ৰাচীনমাদিত্যা নোত পশ্চা । পাক্যা চিদ্ৱসৱো ধীৰ্যা চি--দ্যুষ্মানীতো অভয-ঞ্জ্যোতিৰশ্যাম্ ॥ । ধাৰযন্ত আদিত্যাসো জগথ্স্থা দেৱা ৱিশ্ৱস্য ভুৱনস্য গোপাঃ । দীৰ্ঘাধিযো ৰক্ষমাণা অসুৰ্যমৃতাৱান-শ্চযমানা ঋণানি ॥, তিস্ৰো ভূমীৰ্ধাৰয-ন্ত্ৰীগ্ং ৰুত দ্যূ-ন্ত্ৰীণি ৱ্ৰতা ৱিদথে অন্তৰেষাম্ । ঋতেনা-ঽঽদিত্যা মহি ৱো মহিত্ৱ-ন্তদৰ্যমন্ ৱৰুণ মিত্ৰ চাৰু ॥ । যজ্ঞো দেৱানা-ম্প্ৰত্যেতি সুম্নমাদিত্যাসো ভৱতা মৃডযন্তঃ । আ ৱো-ঽৰ্ৱাচী সুমতি ৰ্ৱৱৃত্যাদগ্ং হোশ্চিদ্যা ৱৰিৱোৱিত্তৰা-ঽসত্ ॥ শুচিৰপ-স্সূযৱসা অদব্ধ উপ ক্ষেতি ৱৃদ্ধৱযা-স্সুৱীৰঃ । নকিষ্ট-ঙ্ঘ্নন্ত্যন্তিতো ন দূৰাদ্য আদিত্যানা-ম্ভৱতি প্ৰণীতৌ ॥ ॥ 6 ॥

(মনীষা-ঽস্তু-চ-ৰ্ত-স্যাস্মে-কিতৱাস শ্চত্ৱাৰি চ ) (অ. 1)
অনুৱাকং 2 - ৱশাদীনাং সূক্তানি

তে শুক্ৰাস-শ্শুচযো ৰশ্মিৱন্তঃ । সীদন্নাদিত্যা অধি বৰঃইষি প্ৰিযে । কামেন দেৱা-স্সৰথ-ন্দিৱো নঃ । আযান্তু যজ্ঞমুপ নো জুষাণাঃ ॥ তে সূনৱো অদিতেঃ পীৱসামিষম্ । ঘৃত-ম্পিন্ৱত্-প্ৰতিহৰ্যন্নৃতেজাঃ । প্ৰ যজ্ঞিযা যজমানায যেমুৰে । আদিত্যাঃ কাম-ম্পিতুমন্তমস্মে ॥ আ নঃ পুত্ৰা অদিতেৰ্যান্তু যজ্ঞম্ । আদিত্যাসঃ পথিভি-ৰ্দেৱযানৈঃ ॥ 7 ॥
অস্মে কাম-ন্দাশুষে সন্নমন্তঃ । পুৰোডাশ-ঙ্ঘৃতৱন্ত-ঞ্জুষন্তাম্ ॥ স্কভাযত নিৰ্-ঋতিগ্ং সেধতামতিম্ । প্ৰ ৰশ্মিভি-ৰ্যতমানা অমৃদ্ধ্ৰাঃ । আদিত্যাঃ কাম প্ৰযতাং-ৱঁষট্কৃতিম্ । জুষদ্ধ্ৱ-ন্নো হৱ্যদাতিং-যঁজত্ৰাঃ ॥ আদিত্যান্-কামমৱসে হুৱেম । যে ভূতানি জনযন্তো ৱিচিখ্যুঃ । সীদন্তু পুত্ৰা অদিতেৰুপস্থম্ । স্তীৰ্ণ-ম্বৰঃইৰ্হৱিৰদ্যায দেৱাঃ ॥ 8 ॥
স্তীৰ্ণ-ম্বৰঃই-স্সীদতা যজ্ঞে অস্মিন্ন্ । ধ্ৰাজা-স্সেধন্তো অমতি-ন্দুৰেৱাম্ । অস্মভ্য-ম্পুত্ৰা অদিতেঃ প্ৰযগ্ংসত । আদিত্যাঃ কাম হৱিষো জুষাণাঃ ॥ অগ্নে নয সুপথা ৰাযে অস্মান্ । ৱিশ্ৱানি দেৱ ৱযুনানি ৱিদ্ৱান্ । যুযোদ্ধ্যস্ম-জ্জুহুৰাণমেনঃ । ভূযিষ্ঠা-ন্তে নম উক্তিং-ৱিঁধেম ॥ প্ৰৱঃ শুক্ৰায ভানৱে ভৰদ্ধ্ৱম্ । হৱ্য-ম্মতি-ঞ্চাগ্নযে সুপূতম্ ॥ 9 ॥
যো দৈৱ্যানি মানুষা জনূগ্ংষি । অন্ত-ৰ্ৱিশ্ৱানি ৱিদ্মনা জিগাতি ॥ অচ্ছা গিৰো মতযো দেৱযন্তীঃ । অগ্নিং-যঁন্তি দ্ৰৱিণ-ম্ভিক্ষমাণাঃ । সুসদৃংশগ্ং সুপ্ৰতীকগ্গ্ স্ৱঞ্চম্ । হৱ্যৱাহমৰতি-ম্মানুষাণাম্ ॥ অগ্নে ত্ৱমস্ম-দ্যুযোদ্ধ্যমীৱাঃ । অনগ্নিত্ৰা অভ্যমন্ত কৃষ্টীঃ । পুনৰস্মভ্যগ্ং সুৱিতায দেৱ । ক্ষাং-ৱিঁশ্ৱেভিৰজৰেভি-ৰ্যজত্ৰ ॥ 10 ॥
অগ্নে ত্ৱ-ম্পাৰযা নৱ্যো অস্মান্ । স্ৱস্তিভিৰতি দুৰ্গাণি ৱিশ্ৱা । পূশ্চ পৃথ্ৱী বহুলা ন উৰ্ৱী । ভৱা তোকায তনযায শং-যোঃ ঁ॥ প্ৰ কাৰৱো মননা ৱচ্যমানাঃ । দেৱদ্ৰীচী-ন্নযথ দেৱযন্তঃ । দক্ষিণাৱাড্-ৱাজিনী প্ৰাচ্যেতি । হৱিৰ্ভৰন্ত্যগ্নযে ঘৃতাচী ॥ ইন্দ্ৰ-ন্নৰো নেমধিতা হৱন্তে যত্পাৰ্যা যুনজতে ধিযস্তাঃ । শূৰো নৃষাতা শৱসশ্চকান আ গোমতি ৱ্ৰজে ভজা ত্ৱন্নঃ ॥ যুজে ৰথ-ঙ্গৱেষণগ্ং হৰিভ্যাম্ । উপ ব্ৰহ্মাণি জুজুষাণ-মস্থুঃ । ৱিবাধিষ্টাস্য ৰোদসী মহিত্ৱা । ইন্দ্ৰো ৱৃত্ৰাণ্যপ্ৰতী জঘন্ৱান্ ॥ ॥ জগৃভ্ণা তে দক্ষিণমিন্দ্ৰ হস্তম্ ॥ 11 ॥
ৱসূযৱো ৱসুপতে ৱসূনাম্ । ৱিদ্মা হি ত্ৱা গোপতিগ্ং শূৰ গোনাম্ । অস্মভ্য-ঞ্চিত্ৰং-ৱৃঁষণগ্ং ৰযি-ন্দাঃ ॥ তৱেদং-ৱিঁশ্ৱমভিতঃ পশৱ্যম্ । য-ত্পশ্যসি চক্ষসা সূৰ্যস্য । গৱামসি গোপতিৰেক ইন্দ্ৰ । ভক্ষীমহি তে প্ৰযতস্য ৱস্ৱঃ ॥ সমিন্দ্ৰ ণো মনসা নেষি গোভিঃ । সগ্ং সূৰিভি-ৰ্মঘৱন্-থ্সগ্গ্ স্ৱস্ত্যা । স-ম্ব্ৰহ্মণা দেৱকৃতং-যঁদস্তি ॥ 12 ॥
স-ন্দেৱানাগ্ং সুমত্যা যজ্ঞিযানাম্ ॥ আৰাচ্ছত্ৰু-মপবাধস্ৱ দূৰম্ । উগ্ৰো য-শ্শম্বঃ পুৰুহূত তেন । অস্মে ধেহি যৱমদ্গোমদিন্দ্ৰ । কৃধী ধিয-ঞ্জৰিত্ৰে ৱাজৰত্নাম্ ॥ আৱেধস-ন্নীলপৃষ্ঠ-ম্বৃহন্তম্ । বৃহস্পতিগ্ং সদনে সাদযধ্ৱম্ । সাদদ্যোনি-ন্দম আদীদিৱাগ্ংসম্ । হিৰণ্যৱৰ্ণমৰুষগ্ং সপেম ॥ স হি শুচিঃ ॥ বৃহস্পতিঃ প্ৰথম-ঞ্জাযমানঃ । মহো জ্যোতিষঃ পৰমে ৱ্যোমন্ন্ । সপ্তাস্যস্তুৱিজাতো ৰৱেণ । ৱি সপ্তৰশ্মিৰধমত্তমাগ্ংসি ॥ 13 ॥
বৃহস্পতি-স্সমজয-দ্ৱসূনি । মহো ৱ্ৰজা-ন্গোমতো দেৱ এষঃ । অপ-স্সিষাসন্-থ্সুৱৰ প্ৰতীত্তঃ । বৃহস্পতিৰঃঅন্ত্যমিত্ৰ-মৰ্কৈঃ ॥ বৃহস্পতে পৰি দীযা ৰথেন ৰক্ষোহা ঽমিত্ৰাগ্ং অপ বাধমানঃ । প্ৰভঞ্জন্-থ্সেনাঃ প্ৰমৃণো যুধা জযন্নস্মাক-মেধ্যৱিতা ৰথানাম্ ॥ এৱা পিত্ৰে ৱিশ্ৱদেৱায ৱৃষ্ণে যজ্ঞৈৰ্ৱিধেম নমসা হৱিৰ্ভিঃ । বৃহস্পতে সুপ্ৰজা ৱীৰৱন্তো ৱযগ্গ্ স্যাম পতযো ৰযীণাম্ ॥ ॥ আ নো দিৱো বৃহতঃ পৰ্ৱতাদা সৰস্ৱতী যজতা গন্তু যজ্ঞম্ । হৱ-ন্দেৱী জুজুষাণা ঘৃতাচী শগ্মা-ন্নো ৱাচমুশতী শৃণোতু ॥পাৱীৰৱী কন্যা চিত্ৰাযু-স্সৰস্ৱতী ৱীৰপত্নী ধিয-ন্ধাত্ । গ্নাভিৰচ্ছিদ্ৰগ্ং শৰণগ্ং সজোষা দুৰাধৰ্ষ-ঙ্গৃণতে শৰ্ম যগ্ংসত্ ॥ । ইমা জুহ্ৱানা যুষ্মদা নমোভিঃ । প্ৰতি স্তোমগ্ং সৰস্ৱতি জুষস্ৱ । তৱ শৰ্ম-ন্প্ৰিযতমে দধানাঃ । উপস্থেযাম শৰণ-ন্ন ৱৃক্ষম্ ॥ যস্তে স্তনশ্শশয ইত্যাহ । স্তৌত্যেৱৈনাম্ । উস্ৰ ঘৰ্মগ্ং শিগ্ংষোস্ৰ ঘৰ্ম-ম্পাহি ঘৰ্মায শিগ্ংষেত্যাহ । যথা ব্ৰূযাদমুষ্মৈ দেহীতি । তাদৃগেৱ তত্ । বৃহস্পতিস্ত্ৱোপ সীদত্ৱিত্যাহ । । সৰস্ৱত্যভি নো নেষি ৱস্যঃ । মা পস্ফৰীঃ পযসা মা ন আ ধক্ । জুষস্ৱ ন-স্সখ্যা ৱেশ্যা চ । মা ত্ৱত্ক্ষেত্ৰা-ণ্যৰণানি গন্ম ॥ ॥ ইযগ্ং শুষ্মেভিৰ্বিসখা ইৱাৰুজত্ । সানু গিৰীণা-ন্তৱিষেভিৰূৰ্মিভিঃ । পাৰাৱদঘ্নীমৱসে সুৱৃক্তিভিঃ । সৰস্ৱতী-মাৱিৱাসেম ধীতিভিঃ ॥ 14 ॥

(দেৱযানৈ--ৰ্ দেৱাঃ - সুপূতংযঁজত্ৰ-হস্ত-মস্তি-তমাগ্-স্যূৰ্মিভি-ৰ্দ্ৱে চ) (অ. 2)
অনুৱাকং 3 - সৌম্যাদীনাং সূক্তানি

সোমো ধেনুগ্ং সোমো অৰ্ৱন্তমাশুম্ । সোমো ৱীৰ-ঙ্কৰ্মণ্য-ন্দদাতু । সাদন্যং-ৱিঁদথ্যগ্ং সভেযম্ । পিতু-শ্শ্ৰৱণং-যোঁ দদাশদস্মৈ ॥ অষাঢং-যুঁথ্সু পৃতনাসু পপ্ৰিম্ । সুৱৰ্ষামফ্স্ৱাং-ৱৃঁজনস্য গোপাম্ । ভৰেষুজাগ্ং সুক্ষিতিগ্ং সুশ্ৰৱসম্ । জযন্ত-ন্ত্ৱামনু মদেম সোম ॥ ত্ৱগ্ং সোম ক্ৰতুভিঃ ॥ যা তে ধামানি হৱিষা যজন্তি তা তে ৱিশ্ৱা পৰিভূৰস্তু যজ্ঞ-ঙ্গযস্ফানঃ প্ৰতৰণ-স্সুৱীৰো-ঽৱীৰহা প্ৰচৰা সোম দুৰ্যান॥ ত্ৱমিমা ওষধী-স্সোম ৱিশ্ৱাঃ । ত্ৱমপো অজনযস্ত্ৱ-ঙ্গাঃ । ত্ৱমাততন্থোৰ্ৱন্তৰিক্ষম্ । ত্ৱ-ঞ্জ্যোতিষা ৱিতমো ৱৱৰ্থ ॥ 15 ॥
যা তে ধামানি দিৱি যা পৃথিৱ্যাম্ । যা পৰ্ৱতেষ্ৱোষধীষ্ৱফ্সু । তেভিৰ্নো ৱিশ্ৱৈ-স্সুমনা অহেডন্ন্ । ৰাজন্-থ্সোম প্ৰতি হৱ্যা গৃভায ॥ ৱিষ্ণোৰ্নুকং-ৱীঁৰ্যাণি প্ৰ ৱোচং-যঃ ঁপাৰ্থিৱানি ৱিমমে ৰজাগ্ংসি যো অস্কভাযদুত্তৰগ্ং সধস্থং-ৱিঁচক্ৰমাণ স্ত্ৰেধোৰুগাযো ৱিষ্ণো ৰৰাটমসি ৱিষ্ণোঃ পৃষ্ঠমসি ৱিষ্ণো-শ্শ্ন্যপ্ত্ৰে স্থো ৱিষ্ণো-স্স্যূৰসি ৱিষ্ণো-ৰ্ধ্ৰুৱমসি ৱৈষ্ণৱমসি ৱিষ্ণৱে ত্ৱা ॥ তদস্য প্ৰিযমভি পাথো অশ্যাম্ । নৰো যত্ৰ দেৱযৱো মদন্তি । উৰুক্ৰমস্য স হি বন্ধুৰিত্থা । ৱিষ্ণোঃ পদে পৰমে মধ্ৱ উথ্সঃ ॥ । প্ৰত-দ্ৱিষ্ণুঃ স্তৱতে ৱীৰ্যায । মৃগো ন ভীমঃ কুচৰো গিৰিষ্ঠাঃ । যস্যোৰুষু ত্ৰিষু ৱিক্ৰমণেষু । অধিক্ষিযন্তি ভুৱনানি ৱিশ্ৱা ॥ ॥ পৰো মাত্ৰযা তনুৱা ৱৃধান । ন তে মহিত্ৱ-মন্ৱশ্নুৱন্তি । উভে তে ৱিদ্ম ৰজসী পৃথিৱ্যা ৱিষ্ণো দেৱ ত্ৱম্ । পৰমস্য ৱিথ্সে ॥ 16 ॥
ৱিচক্ৰমে পৃথিৱীমেষ এতাম্ । ক্ষেত্ৰায ৱিষ্ণু-ৰ্মনুষে দশস্যন্ন্ । ধ্ৰুৱাসো অস্য কীৰযো জনাসঃ । উৰুক্ষিতিগ্ং সুজনিমা চকাৰ ॥ ত্ৰিৰ্দেৱঃ পৃথিৱীমেষ এতাম্ । ৱিচক্ৰমে শতৰ্চস-ম্মহিত্ৱা । প্ৰ ৱিষ্ণু-ৰস্তু তৱসস্ত ৱীযান্ । ত্ৱেষগ্গ্ হ্যস্য স্থৱিৰস্য নাম ॥ ॥ আ তে মহ ইন্দ্ৰোত্যুগ্ৰ সমন্যৱো য-থ্সমৰন্ত সেনাঃ । পতাতি দিদ্যুন্নৰ্যস্য বাহুৱোৰ্মা তে মনো ৱিষ্ৱদ্ৰিযগ্ৱি চাৰীত্ ॥ যো জাত এৱ প্ৰথমো মনস্ৱা-ন্দেৱো দেৱান্ ক্ৰতুনা পৰ্যভূষত্ । যস্য শুষ্মাদ্ৰোদসী অভ্যসেতা-ন্নৃম্ণস্য মহ্না স জনাস ইন্দ্ৰঃ ॥ । অভি গোত্ৰাণি সহসা গাহমানো-ঽদাযো ৱীৰ-শ্শতমন্যুৰিন্দ্ৰঃ । দুশ্চ্যৱনঃ পৃতনাষাড যুধ্যো-স্মাকগ্ং সেনা অৱতু প্ৰ যুথ্সু ॥ ॥ আভি-স্স্পৃধো মিথতী- ৰৰিষণ্যন্ন্ । অমিত্ৰস্য ৱ্যথযা মন্যুমিন্দ্ৰ । আভিৰ্ৱিশ্ৱা অভিযুজো ৱিষূচীঃ । আৰ্যায ৱিশো-ঽৱতাৰীৰ্দাসীঃ ॥ অযগ্ং শৃণ্ৱে অধ জযন্নুত ঘ্নন্ন্ । অযমুত প্ৰকৃণুতে যুধা গাঃ । যদা সত্য-ঙ্কৃণুতে মন্যুমিন্দ্ৰঃ ॥ 17 ॥
ৱিশ্ৱ-ন্দৃঢ-ম্ভযত এজদস্মাত্ ॥ অনু স্ৱধা-মক্ষৰন্নাপো অস্য । অৱৰ্ধত মদ্ধ্য আ নাৱ্যানাম্ । সদ্ধ্ৰীচীনেন মনসা তমিন্দ্ৰ ওজিষ্ঠেন । হন্মনা-ঽহন্নভিদ্যূন্ ॥ মৰুত্ৱন্তং-ৱৃঁষভং-ৱাঁৱৃধানম্ । অকৱাৰি-ন্দিৱ্যগ্ং শাসমিন্দ্ৰম্ । ৱিশ্ৱাসাহমৱসে নূতনায । উগ্ৰগ্ং সহোদামিহ তগ্ং হুৱেম ॥ জনিষ্ঠা উগ্ৰ-স্সহসে তুৰায ॥ 18 ॥
মন্দ্ৰ ওজিষ্ঠো বহুলাভিমানঃ । অৱৰ্ধন্নিন্দ্ৰ-ম্মৰুতশ্চিদত্ৰ । মাতা য-দ্ৱীৰ-ন্দধনদ্ধনিষ্ঠা ॥ ক্ৱ স্যা ৱো মৰুত-স্স্ৱধা-ঽঽসীত্ । য-ন্মামেকগ্ং সমধত্তাহিহত্যে । অহগ্গ্ হ্যুগ্ৰস্তৱিষ-স্তুৱিষ্মান্ । ৱিশ্ৱস্য শত্ৰোৰনমং-ৱঁধস্নৈঃ ॥ ৱৃত্ৰস্য ত্ৱা শ্ৱসথাদীষমাণাঃ । ৱিশ্ৱে দেৱা অজহুৰ্যে সখাযঃ । মৰুদ্ভিৰিন্দ্ৰ সখ্য-ন্তে অস্তু ॥ 19 ॥
অথেমা ৱিশ্ৱাঃ পৃতনা জযাসি ॥ ৱধীং-ৱৃঁত্ৰ-ম্মৰুত ইন্দ্ৰিযেণ । স্ৱেন ভামেন তৱিষো বভূৱান্ । অহমেতা মনৱে ৱিশ্ৱশ্চন্দ্ৰাঃ । সুগা অপশ্চকৰ ৱজ্ৰবাহুঃ ॥ স যো ৱৃষা ৱৃষ্ণিযেভি-স্সমোকাঃ । মহো দিৱঃ পৃথিৱ্যাশ্চ সম্ৰাট্ । সতীনসত্ত্ৱা হৱ্যো ভৰেষু । মৰুত্ৱান্নো ভৱত্ৱিন্দ্ৰ ঊতী ॥ ইন্দ্ৰো ৱৃত্ৰমতৰ-দ্ৱৃত্ৰতূৰ্যে ॥ 20 ॥
অনাধৃষ্যো মঘৱা শূৰ ইন্দ্ৰঃ । অন্ৱেনং-ৱিঁশো অমদন্ত পূৰ্ৱীঃ । অযগ্ং ৰাজা জগতশ্চৰ্ষণীনাম্ ॥ স এৱ ৱীৰ-স্স উ ৱীৰ্যাৱান্ । স একৰাজো জগতঃ পৰস্পাঃ । যদা ৱৃত্ৰমতৰচ্ছূৰ ইন্দ্ৰঃ । অথা ভৱদ্দমিতা-ঽভিক্ৰতূনাম্ ॥ ইন্দ্ৰো যজ্ঞং-ৱঁৰ্ধযন্ ৱিশ্ৱৱেদাঃ । পুৰোডাশস্য জুষতাগ্ং হৱিৰ্নঃ । ৱৃত্ৰ-ন্তীৰ্ত্ৱা দানৱং-ৱঁজ্ৰবাহুঃ ॥ 21 ॥
দিশো-ঽদৃগ্ং হদ্দৃগ্ংহিতা দৃগ্ংহণেন ॥ ইমং-যঁজ্ঞং-ৱঁৰ্ধযন্ ৱিশ্ৱৱেদাঃ । পুৰোডাশ-ম্প্ৰতিগৃভ্ণাত্ৱিন্দ্ৰঃ । যদা ৱৃত্ৰমতৰচ্ছূৰ ইন্দ্ৰঃ । অথৈকৰাজো অভৱজ্জনানাম্ ॥ ইন্দ্ৰো দেৱাঞ্ছম্বৰহত্য আৱত্ । ইন্দ্ৰো দেৱানা- মভৱ-ত্পুৰোগাঃ । ইন্দ্ৰো যজ্ঞে হৱিষা ৱাৱৃধানঃ । ৱৃত্ৰতূৰ্ণো অভযগ্ং শৰ্ম যগ্ংসত্ ॥ য-স্সপ্ত সিন্ধূগ্ং ৰদধাত্-পৃথিৱ্যাম্ । য-স্সপ্ত লোকানকৃণো-দ্দিশশ্চ । ইন্দ্ৰো হৱিষ্মান্-থ্সগণো মৰুদ্ভিঃ । ৱৃত্ৰতূৰ্ণো যজ্ঞমিহোপযাসত্ ॥ 22 ॥

(ৱৱৰ্থ - ৱিথ্স - ইন্দ্ৰ - স্তুৰা - যাস্তু - ৱৃত্ৰতূৰ্যে - ৱজ্ৰবাহুঃ - পৃথিৱ্যা-ন্ত্ৰীণি চ) (অ. 3)
অনুৱাকং 4 - অভিমাতিহৈন্দ্ৰাদিপশূনাং সূক্তানি

ইন্দ্ৰ-স্তৰস্ৱা-নভিমাতিহোগ্ৰঃ । হিৰণ্যৱাশী-ৰিষিৰ-স্সুৱৰ.ষাঃ । তস্য ৱযগ্ং সুমতৌ যজ্ঞিযস্য । অপি ভদ্ৰে সৌমনসে স্যাম ॥ হিৰণ্যৱৰ্ণো অভয-ঙ্কৃণোতু । অভিমাতিহেন্দ্ৰঃ পৃতনাসু জিষ্ণুঃ । স ন-শ্শৰ্ম ত্ৰিৱৰূথং-ৱিঁযগ্ংসত্ । যূয-ম্পাত স্ৱস্তিভি-স্সদা নঃ ॥ ইন্দ্ৰগ্গ্ স্তুহি ৱজ্ৰিণগ্গ্ স্তোমপৃষ্ঠম্ । পুৰোডাশস্য জুষতাগ্ং হৱিৰ্নঃ ॥ 23 ॥
হত্ৱা-ঽভিমাতীঃ পৃতনা-স্সহস্ৱান্ । অথাভয-ঙ্কৃণুহি ৱিশ্ৱতো নঃ ॥ স্তুহি শূৰং-ৱঁজ্ৰিণ-মপ্ৰতীতম্ (মপ্ৰতীত্তম্) । অভিমাতিহন-ম্পুৰুহূতমিন্দ্ৰম্ । য এক ইচ্ছতপতিৰ্জনেষু । তস্মা ইন্দ্ৰায হৱিৰাজুহোত ॥ ইন্দ্ৰো দেৱানামধিপাঃ পুৰোহিতঃ । দিশা-ম্পতিৰভৱ-দ্ৱাজিনীৱান্ । অভিমাতিহা তৱিষস্তুৱিষ্মান্ । অস্মভ্য-ঞ্চিত্ৰং-ৱৃঁষণগ্ং ৰযি-ন্দাত্ ॥ 24 ॥
য ইমে দ্যাৱাপৃথিৱী মহিত্ৱা । বলেনাদৃগ্ংহদভিমাতিহেন্দ্ৰঃ । স নো হৱিঃ প্ৰতিগৃভ্ণাতু ৰাতযে । দেৱানা-ন্দেৱো নিধিপা নো অৱ্যাত্ ॥ অনৱস্তে ৰথমশ্ৱায তক্ষন্-ত্ৱষ্টা ৱজ্ৰ-ম্পুৰুহূত দ্যুমন্তম্ । ব্ৰহ্মাণ ইন্দ্ৰ-ম্মহযন্তো অৰ্কৈৰৱৰ্ধযন্নহযে হন্ত ৱা উ ॥ ৱৃষ্ণে য-ত্তে ৱৃষণো অৰ্কমৰ্চানিন্দ্ৰ গ্ৰাৱাণো অদিতি-স্সজোষাঃ । অনশ্ৱাসো যে পৱযো-ঽৰথা ইন্দ্ৰেষিতা অভ্যৱৰ্তন্ত দস্যূন্ ॥ । ইন্দ্ৰস্য নু ৱীৰ্যাণি প্ৰৱোচম্ । যানি চকাৰ প্ৰথমানি ৱজ্ৰী ॥ অহ-ন্নহিমন্ৱপস্ততৰ্দ । প্ৰ ৱক্ষণা অভিন-ত্পৰ্ৱতানাম্ ॥ ॥ ইন্দ্ৰো যাতো-ঽৱসিতস্য ৰাজা । শমস্য চ শৃঙ্গিণো ৱজ্ৰবাহুঃ । সেদু ৰাজা ক্ষেতি চৰ্ষণীনাম্ । অৰান্ন নেমিঃ পৰিতা বভূৱ ॥ 25 ॥
অভি সিদ্ধ্মো অজিগাদস্য শত্ৰূন্ । ৱি তিগ্মেন ৱৃষভেণা পুৰো-ঽভেত্ । সং-ৱঁজ্ৰেণাসৃজ-দ্ৱৃত্ৰমিন্দ্ৰঃ । প্ৰ স্ৱা-ম্মতিমতিৰচ্ছাশদানঃ ॥ ৱিষ্ণু-ন্দেৱং-ৱঁৰুণমূতযে ভগম্ । মেদসা দেৱা ৱপযা যজদ্ধ্ৱম্ । তা নো যজ্ঞমাগতং-ৱিঁশ্ৱধেনা । প্ৰজাৱদস্মে দ্ৰৱিণেহ ধত্তম্ ॥ মেদসা দেৱা ৱপযা যজদ্ধ্ৱম্ । ৱিষ্ণু-ঞ্চ দেৱং-ৱঁৰুণ-ঞ্চ ৰাতিম্ ॥ 26 ॥
তা নো অমীৱা অপবাধমানৌ । ইমং-যঁজ্ঞ-ঞ্জুষমাণাৱুপেতম্ ॥ ৱিষ্ণূৱৰুণা যুৱমদ্ধ্ৱৰায নঃ । ৱিশে জনায মহি শৰ্ম যচ্ছতম্ । দীৰ্ঘপ্ৰযজ্যূ হৱিষা ৱৃধানা । জ্যোতিষা-ঽৰাতীৰ্দহত-ন্তমাগ্ংসি ॥ যযোৰোজসা স্কভিতা ৰজাগ্ংসি । ৱীৰ্যেভি-ৰ্ৱীৰতমা শৱিষ্ঠা । যা পত্যেতে অপ্ৰতীত্তা সহোভিঃ । ৱিষ্ণূ অগন্ৱৰুণা পূৰ্ৱহূতৌ ॥ 27 ॥
ৱিষ্ণূৱৰুণা ৱভিশস্তিপা ৱাম্ । দেৱা যজন্ত হৱিষা ঘৃতেন । অপামীৱাগ্ং সেধতগ্ং ৰক্ষসশ্চ । অথা ধত্তং-যঁজমানায শং-যোঃ ঁ॥ অগ্ংহোমুচা ৱৃষভা সুপ্ৰতূৰ্তী । দেৱানা-ন্দেৱতমা শচিষ্ঠা । ৱিষ্ণূৱৰুণা প্ৰতিহৰ্যত-ন্নঃ । ইদ-ন্নৰা প্ৰযতমূতযে হৱিঃ ॥ মহী নু দ্যাৱাপৃথিৱী ইহ জ্যেষ্ঠে । ৰুচা ভৱতাগ্ং শুচযদ্ভি-ৰৰ্কৈঃ ॥ 28 ॥
যথ্সীং-ৱঁৰিষ্ঠে বৃহতী ৱিমিন্ৱন্ন্ । নৃৱদ্ভ্যো-ঽক্ষা পপ্ৰথানেভিৰেৱৈঃ ॥ প্ৰ পূৰ্ৱজে পিতৰা নৱ্যসীভিঃ । গীৰ্ভিঃ কৃণুদ্ধ্ৱগ্ং সদনে ঋতস্য । আ নো দ্যাৱাপৃথিৱী দৈৱ্যেন । জনেন যাত-ম্মহি ৱাং-ৱঁৰূথম্ ॥ স ইথ্স্ৱপা ভুৱনেষ্ৱাস । য ইমে দ্যাৱাপৃথিৱী জজান । উৰ্ৱী গভীৰে ৰজসী সুমেকে । অৱগ্ংশে ধীৰ-শ্শচ্যা সমৈৰত্ ॥ 29 ॥
ভূৰি-ন্দ্ৱে অচৰন্তী চৰন্তম্ । পদ্ৱন্ত-ঙ্গৰ্ভমপদী দধাতে । নিত্য-ন্ন সূনু-ম্পিত্ৰোৰুপস্থে । ত-ম্পিপৃতগ্ং ৰোদসী সত্যৱাচম্ ॥ ইদ-ন্দ্যাৱাপৃথিৱী সত্যমস্তু । পিত-ৰ্মাত-ৰ্যদিহোপব্ৰুৱে ৱাম্ । ভূত-ন্দেৱানামৱমে অৱোভিঃ । ৱিদ্যামেষং-ৱৃঁজন-ঞ্জীৰদানুম্ ॥ উৰ্ৱী পৃথ্ৱী বহুলে দূৰে অন্তে । উপব্ৰুৱে নমসা যজ্ঞে অস্মিন্ন্ । দধাতে যে সুভগে সুপ্ৰতূৰ্তী । দ্যাৱা ৰক্ষত-ম্পৃথিৱী নো অভ্ৱাত্ ॥ যা জাতা ওষধযো দেৱেভ্যস্ত্ৰিযুগ-ম্পুৰা । মন্দামি বভ্ৰূণামহগ্ং শত-ন্ধামানি সপ্ত চ ॥, অতি ৱিশ্ৱাঃ পৰিষ্ঠা-স্স্তেন ইৱ ৱ্ৰজমক্ৰমুঃ । ওষধযঃ প্ৰাচুচ্যৱু ৰ্য-ত্কি-ঞ্চ তনুৱাগ্ং ৰপঃ ॥ । যা ওষধয-স্সোমৰাজ্ঞীঃ প্ৰৱিষ্টাঃ পৃথিৱীমনু । তাসা-ন্ত্ৱমস্যুত্তমা প্ৰণো জীৱাত-ৱেসুৱ ॥ অশ্ৱাৱতীগ্ং সোমৱতী মূৰ্জযন্তী মুদোজসম্ । আ ৱিথ্সি সৰ্ৱা ওষধীৰস্মা অৰিষ্টতাতযে ॥ । ওষধীৰিতি মাতৰ-স্তদ্ৱো দেৱী-ৰুপ ব্ৰুৱে । ৰপাগ্ংসি ৱিঘ্নতীৰিত ৰপশ্চাতযমানাঃ ॥ অন্যা ৱো অন্যামৱ-ত্ৱন্যা-ঽন্যস্যা উপাৱত । তা-স্সৰ্ৱা ওষধয-স্সংৱিঁদানা ইদ-ম্মে প্ৰাৱতা ৱচঃ ॥ ॥ 30 ॥

(হৱিৰ্নো - দা-দ্- বভূৱ - ৰাতিং - পূৰ্ৱহূতা - ৱৰ্কৈ - ৰৈৰ - দস্মি-ন্পঞ্চ চ) (অ. 4)
অনুৱাকং 5 - ঐন্দ্ৰাগ্নপশ্ৱাদীনাং সূক্তানি

শুচি-ন্নু স্তোম-ন্নৱজাত-মদ্যেন্দ্ৰাগ্নী ৱৃত্ৰহণা জুষেথাম্ । উভা হি ৱাগ্ং সুহৱা জোহৱীমি তা ৱাজগ্ং সদ্য উশতে ধেষ্ঠা ॥, শ্নথ-দ্ৱৃত্ৰমুত সনোতি ৱাজমিন্দ্ৰা যো অগ্নী সহুৰী সপৰ্যাত্ । ইৰজ্যন্তা ৱসৱ্যস্য ভূৰে-স্সহস্তমা সহসা ৱাজযন্তা ॥ । উভা ৱামিন্দ্ৰাগ্নী আহুৱধ্যা উভা ৰাধস-স্সহ মাদযধ্যৈ । উভা দাতাৰাৱিষাগ্ং ৰযীণামুভা ৱাজস্য সাতযে হুৱে ৱাম্ ॥,প্ৰ চৰ্ষণিভ্যঃ পৃতনা হৱেষু প্ৰ পৃথিৱ্যা ৰিৰিচাথে দিৱশ্চ । প্ৰ সিন্ধুভ্যঃ প্ৰগিৰিভ্যো মহিত্ৱা প্ৰেন্দ্ৰাগ্নী ৱিশ্ৱা ভুৱনা-ঽত্যন্যা ॥ । আ ৱৃত্ৰহণা ৱৃত্ৰহভি-শ্শুষ্মৈঃ । ইন্দ্ৰ যাত-ন্নমোভিৰগ্নে অৰ্ৱাক্ । যুৱগ্ং ৰাধোভিৰকৱেভিৰিন্দ্ৰ । অগ্নে অস্মে ভৱতমুত্তমেভিঃ ॥ গীৰ্ভি-ৰ্ৱিপ্ৰঃ প্ৰমতিমিচ্ছমানঃ । ঈ ৰযিং-যঁশস-ম্পূৰ্ৱভাজম্ । ইন্দ্ৰাগ্নী ৱৃত্ৰহণা সুৱজ্ৰা । প্ৰণো নৱ্যেভিস্তিৰত-ন্দেষ্ণৈঃ ॥ ॥ ব্ৰহ্মণস্পতে ত্ৱমস্য যন্তা । সূক্তস্য বোধি তনয-ঞ্চ জিন্ৱ । ৱিশ্ৱ-ন্ত-দ্ভদ্ৰং-যঁদৱন্তি দেৱাঃ । বৃহদ্ৱদেম ৱিদথে সুৱীৰাঃ ॥ স ঈগ্ং সত্যেভি-স্সখিভি-শ্শুচদ্ভিঃ । গোধাযসংৱিঁ ধনসৈৰতৰ্দত্ । ব্ৰহ্মণস্পতি-ৰ্ৱৃষভিৰ্ৱৰাহৈঃ ॥ 31 ॥
ঘৰ্মস্ৱেদেভি-ৰ্দ্ৰৱিণং-ৱ্যাঁনট্ ॥ ব্ৰহ্মণস্পতে-ৰভৱদ্যথা ৱশম্ । সত্যো মন্যুৰ্মহি কৰ্মা কৰিষ্যতঃ । যো গা উদাজথ্স দিৱে ৱি চাভজত্ । মহীৱ ৰীতি-শ্শৱসা সৰ-ত্পৃথক্ ॥ ইন্ধানো অগ্নিং-ৱঁনৱদ্ৱনুষ্যতঃ । কৃতব্ৰহ্মা শূশুৱ-দ্ৰাতহৱ্য ইত্ । জাতেন জাতমতি সৃ-ত্প্ৰসৃগ্ংসতে । যং-যঁং-যুঁজ-ঙ্কৃণুতে ব্ৰহ্মণস্পতিঃ ॥ ব্ৰহ্মণস্পতে সুযমস্য ৱিশ্ৱহা ॥ 32 ॥
ৰায-স্স্যাম ৰথ্যো ৱিৱস্ৱতঃ । ৱীৰেষু ৱীৰাগ্ং উপপৃঙ্গ্ধি নস্ত্ৱম্ । যদীশানো ব্ৰহ্মণা ৱেষি মে হৱম্ ॥ স ইজ্জনেন স ৱিশা স জন্মনা । স পুত্ৰৈৰ্ৱাজ-ম্ভৰতে ধনা নৃভিঃ । দেৱানাং-যঃ ঁপিতৰমাৱিৱাসতি । শ্ৰদ্ধামনা হৱিষা ব্ৰহ্মণস্পতিম্ ॥ যাস্তে পূষন্নাৱো অন্ত-স্সমুদ্ৰে । হিৰণ্যযীৰন্তৰিক্ষে চৰন্তি । যাভিৰ্যাসি দূত্যাগ্ং সূৰ্যস্য । কামেন কৃত-শ্শ্ৰৱ ইচ্ছমানঃ ॥ । শুক্ৰ-ন্তে অন্যদ্যজত-ন্তে অন্যদ্ৱিষুৰূপে অহনী দ্যৌৰিৱাসি । ৱিশ্ৱা হি মাযা অৱসি স্ৱধাৱো ভদ্ৰা তে পূষন্নিহ ৰাতিৰস্তু ॥, পূষেমা আশা অনুৱেদ সৰ্ৱা-স্সো অস্মাগ্ং অভযতমেন নেষত্ । স্ৱস্তিদা অঘৃণি-স্সৰ্ৱৱীৰঃ । অপ্ৰযুচ্ছ-ন্পুৰ এতু প্ৰজানন্ন্ ॥ ॥ প্ৰপথে পথামজনিষ্ট পূষা ॥ 33 ॥
প্ৰপথে দিৱঃ প্ৰপথে পৃথিৱ্যাঃ । উভে অভি প্ৰিযতমে সধস্থে । আ চ পৰা চ চৰতি প্ৰজানন্ন্ ॥ পূষা সুবন্ধুৰ্দিৱ আ পৃথিৱ্যাঃ । ইডস্পতি-ৰ্মঘৱা দস্মৱৰ্চাঃ । ত-ন্দেৱাসো অদদু-স্সূৰ্যাযৈ । কামেন কৃত-ন্তৱসগ্গ্ স্ৱঞ্চম্ ॥ অজাশ্ৱঃ পশুপা ৱাজৱস্ত্যঃ । ধিযজিন্ন্ৱো ৱিশ্ৱে ভুৱনে অৰ্পিতঃ । অষ্ট্ৰা-ম্পূষা শিথিৰামুদ্ৱৰীৱৃজত্ ॥ 34 ॥
সচঙ্ক্ষাণো ভুৱনা দেৱ ঈযতে ॥ শুচী ৱো হৱ্যা মৰুত-শ্শুচীনাম্ । শুচিগ্ং হিনোম্যদ্ধ্ৱৰগ্ং শুচিভ্যঃ । ঋতেন সত্যমৃতসাপ আযন্ন্ । শুচিজন্মান-শ্শুচযঃ পাৱকাঃ ॥ প্ৰ চিত্ৰমৰ্ক-ঙ্গৃণতে তুৰায । মাৰুতায স্ৱতৱসে ভৰদ্ধ্ৱম্ । যে সহাগ্ংসি সহসা সহন্তে । ৰেজতে অগ্নে পৃথিৱী মখেভ্যঃ ॥ অগ্ংসেষ্ৱা মৰুতঃ খাদযো ৱঃ ॥ 35 ॥
ৱক্ষঃসু ৰুক্মা উপশিশ্ৰিযাণাঃ । ৱি ৱিদ্যুতো ন ৱৃষ্টিভী ৰুচানাঃ । অনু স্ৱধামাযুধৈ-ৰ্যচ্ছমানাঃ ॥ যা ৱ-শ্শৰ্ম শশমানায সন্তি । ত্ৰিধাতূনি দাশুষে যচ্ছতাধি । অস্মভ্য-ন্তানি মৰুতো ৱিযন্ত । ৰযি-ন্নো ধত্ত ৱৃষণ-স্সুৱীৰম্ ॥ ইমে তুৰ-ম্মৰুতো ৰামযন্তি । ইমে সহ-স্সহস আনমন্তি । ইমে শগ্ংসং-ৱঁনুষ্যতো নিপান্তি ॥ 36 ॥
গুৰুদ্ৱেষো অৰৰুষে দধন্তি ॥ অৰা ইৱেদচৰমা অহেৱ । প্ৰ প্ৰজাযন্তে অকৱা মহোভিঃ । পৃশ্নেঃ পুত্ৰা উপমাসো ৰভিষ্ঠাঃ । স্ৱযা মত্যা মৰুত-স্সম্মিমিক্ষুঃ ॥ অনু তে দাযি মহ ইন্দ্ৰিযায । সত্ৰা তে ৱিশ্ৱমনু ৱৃত্ৰহত্যে । অনু ক্ষত্ৰমনু সহো যজত্ৰ । ইন্দ্ৰ দেৱেভিৰনু তে নৃষহ্যে ॥ য ইন্দ্ৰ শুষ্মো মঘৱন্তে অস্তি ॥ 37 ॥
শিক্ষা সখিভ্যঃ পুৰুহূত নৃভ্যঃ । ত্ৱগ্ং হি দৃঢা মঘৱন্ ৱিচেতাঃ । অপাৱৃধি পৰিৱৃতি-ন্ন ৰাধঃ ॥ ইন্দ্ৰো ৰাজা জগতশ্চৰ্ষণীনাম্ । অধিক্ষমি ৱিষুৰূপং-যঁদস্তি । ততো দদাতু দাশুষে ৱসূনি । চোদদ্ৰাধ উপস্তুতশ্চিদৰ্ৱাক্ ॥ তমু ষ্টুহি যো অভিভূত্যোজাঃ । ৱন্ৱন্নৱাতঃ পুৰুহূত ইন্দ্ৰঃ । অষাঢমুগ্ৰগ্ং সহমানমাভিঃ ॥ 38 ॥
গীৰ্ভিৰ্ৱৰ্ধ ৱৃষভ-ঞ্চৰ্ষণীনাম্ ॥ স্থূৰস্য ৰাযো বৃহতো য ঈশে । তমু ষ্টৱাম ৱিদথেষ্ৱিন্দ্ৰম্ । যো ৱাযুনা জযতি গোমতীষু । প্ৰ ধৃষ্ণুযা নযতি ৱস্যো অচ্ছ ॥ আ তে শুষ্মো ৱৃষভ এতু পশ্চাত্ । ওত্তৰাদধৰাগা পুৰস্তাত্ । আ ৱিশ্ৱতো অভি সমেত্ৱৰ্ৱাম্ । ইন্দ্ৰ দ্যুম্নগ্ং সুৱৰ্ৱদ্ধেহ্যস্মে ॥ 39 ॥

(ৱৰাহৈ--ৰ্ ৱিশ্ৱহা - ঽজনিষ্ট পূষো - দ্ৱৰীৱৃজত্ - খাদযো ৱঃ - পান্ - ত্যস্ত - যাভি--ৰ্ + নৱ চ) (অ. 5)
অনুৱাকং 6 - সাৱিত্ৰাদিপশূনাং সূক্তানি

আ দেৱো যাতু সৱিতা সুৰত্নঃ । অন্তৰিক্ষপ্ৰা ৱহমানো অশ্ৱৈঃ । হস্তে দধানো নৰ্যা পুৰূণি । নিৱেশযন্ চ প্ৰসুৱন্ চ ভূম ॥ অভীৱৃত-ঙ্কৃশনৈ-ৰ্ৱিশ্ৱৰূপম্ ।

হিৰণ্যশম্যং-যঁজতো বৃহন্তম্ । আস্থা-দ্ৰথগ্ং সৱিতা চিত্ৰভানুঃ । কৃষ্ণা ৰজাগ্ংসি তৱিষী-ন্দধানঃ ॥ সঘা নো দেৱ-স্সৱিতা সৱায । আসাৱিষ-দ্ৱসুপতি-ৰ্ৱসূনি ॥ 40 ॥
ৱিশ্ৰযমাণো অমতিমুৰূচীম্ । মৰ্তভোজনমধ ৰাসতে ন ॥ ৱি জনাঞ্ছ্যাৱা-শ্শিতিপাদো অখ্যন্ন্ । ৰথগ্ং হিৰণ্য প্ৰ উগং-ৱঁহন্তঃ । শশ্ৱ-দ্দিশঃ সৱিতু-ৰ্দৈৱ্যস্য । উপস্থে ৱিশ্ৱা ভুৱনানি তস্থুঃ ॥ ৱি সুপৰ্ণো অন্তৰিক্ষাণ্যখ্যত্ । গভীৰৱেপা অসুৰ-স্সুনীথঃ । ক্ৱেদানীগ্ং সূৰ্যঃ কশ্চিকেত । কতমা-ন্দ্যাগ্ং ৰশ্মিৰস্যাততান ॥ 41 ॥
ভগ-ন্ধিযং-ৱাঁজযন্তঃ পুৰন্ধিম্ । নৰাশগ্ংসো গ্নাস্পতিৰ্নো অৱ্যাত্ । আ-ঽযে ৱামস্য সঙ্গথে ৰযীণাম্ । প্ৰিযা দেৱস্য সৱিতু-স্স্যাম ॥ আ নো ৱিশ্ৱে অস্ক্ৰা গমন্তু দেৱাঃ । মিত্ৰো অৰ্যমা ৱৰুণ-স্সজোষাঃ । ভুৱন্. যথা নো ৱিশ্ৱে ৱৃধাসঃ । কৰন্-থ্সুষাহা ৱিথুৰ-ন্ন শৱঃ ॥ শ-ন্নো দেৱা ৱিশ্ৱদেৱা ভৱন্তু । শগ্ং সৰস্ৱতী সহ ধীভিৰস্তু ॥ 42 ॥
শমভিষাচ-শ্শমু ৰাতিষাচঃ । শ-ন্নো দিৱ্যাঃ পাৰ্থিৱা-শ্শ-ন্নো অপ্যাঃ ॥ যে সৱিতু-স্সত্যসৱস্য ৱিশ্ৱে । মিত্ৰস্য ৱ্ৰতে ৱৰুণস্য দেৱাঃ । তে সৌভগং-ৱীঁৰৱদ্গোমদপ্নঃ । দধাতন দ্ৰৱিণ-ঞ্চিত্ৰমস্মে ॥ অগ্নে যাহি দূত্যং-ৱাঁৰিষেণ্যঃ । দেৱাগ্ং অচ্ছা ব্ৰহ্মকৃতা গণেন । সৰস্ৱতী-ম্মৰুতো অশ্ৱিনা-ঽপঃ । যক্ষি দেৱা-ন্ৰত্নধেযায ৱিশ্ৱান্ ॥ 43 ॥
দ্যৌঃ পিতঃ পৃথিৱি মাতৰদ্ধ্ৰুক্ । অগ্নে ভ্ৰাতৰ্ৱসৱো মৃডতা নঃ । ৱিশ্ৱ আদিত্যা অদিতে সজোষাঃ । অস্মভ্যগ্ং শৰ্ম বহুলং-ৱিঁযন্ত ॥ ৱিশ্ৱে দেৱা-শ্শৃণুতেমগ্ং হৱ-ম্মে । যে অন্তৰিক্ষে য উপ দ্যৱি ষ্ঠ । যে অগ্নিজিহ্ৱা উত ৱা যজত্ৰাঃ । আস-দ্যাস্মি-ন্বৰ্হিষি মাদযদ্ধ্ৱম্ ॥ আ ৱা-ম্মিত্ৰাৱৰুণা হৱ্যজুষ্টিম্ । নমসা দেৱা ৱৱসা-ঽঽৱৱৃত্যাম্ ॥ 44 ॥
অস্মাক-ম্ব্ৰহ্ম পৃতনাসু সহ্যা অস্মাকম্ । ৱৃষ্টি-ৰ্দিৱ্যা সুপাৰা ॥ যুৱং-ৱঁস্ত্ৰাণি পীৱসা ৱসাথে । যুৱোৰচ্ছিদ্ৰা মন্তৱো হ সৰ্গাঃ । অৱাতিৰতমনৃতানি ৱিশ্ৱা । ঋতেন মিত্ৰাৱৰুণা সচেথে ॥ তথ্সু ৱা-ম্মিত্ৰাৱৰুণা মহিত্ৱম্ । ঈৰ্মা তস্থুষীৰহভি-ৰ্দুদুহ্ৰে । ৱিশ্ৱাঃ পিন্ৱথ স্ৱসৰস্য ধেনাঃ । অনু ৱামেকঃ পৱিৰাৱৱৰ্তি ॥ 45 ॥
যদ্বগ্ংহিষ্ঠ-ন্নাতিৱিদে সুদানূ । অচ্ছিদ্ৰগ্ং শৰ্ম ভুৱনস্য গোপা । ততো নো মিত্ৰাৱৰুণা-ৱৱীষ্টম্ । সিষাসন্তো জীগিৱাগ্ংসঃ স্যাম ॥ আ নো মিত্ৰাৱৰুণা হৱ্যদাতিম্ । ঘৃতৈ-ৰ্গৱ্যূতিমুক্ষতমিডাভিঃ । প্ৰতি ৱামত্ৰ ৱৰমা জনায । পৃণীতমুদ্গো দিৱ্যস্য চাৰোঃ ॥ প্ৰ বাহৱা সিসৃত-ঞ্জীৱসে নঃ । আ নো গৱ্যূতিমুক্ষত-ঙ্ঘৃতেন ॥ 46 ॥
আ নো জনে শ্ৰৱযতং-যুঁৱানা । শ্ৰুত-ম্মে মিত্ৰাৱৰুণা হৱেমা ॥ ইমা ৰুদ্ৰায স্থিৰধন্ৱনে গিৰঃ । ক্ষিপ্ৰেষৱে দেৱায স্ৱধাম্নে । অষাঢায সহমানায মীঢুষে । তিগ্মাযুধায ভৰতা শৃণোতন ॥ ত্ৱা দত্তেভী ৰুদ্ৰ শন্তমেভিঃ । শতগ্ং হিমা অশীয ভেষজেভিঃ । ৱ্যস্মদ্দ্ৱেষো ৱিতৰং-ৱ্যঁগ্ংহঃ । ৱ্যমীৱাগ্ শ্চাতযস্ৱা ৱিষূচীঃ ॥ 47 ॥
অৰ্হন্বিভৰ্ষি সাযকানি ধন্ৱ । অৰ্হন্নিষ্কং-যঁজতং-ৱিঁশ্ৱৰূপম্ । অৰ্হন্নিদন্দযসে ৱিশ্ৱমব্ভুৱম্ । ন ৱা ওজীযো ৰুদ্ৰ ত্ৱদস্তি ॥, মা নস্তোকে তনযে মা ন আযুষি মা নো গোষু মা নো অশ্ৱেষু ৰীৰিষঃ । ৱীৰা-ন্মানো ৰুদ্ৰ ভামিতো ৱধীৰ্হৱিষ্মন্তো নমসা ৱিধেম তে ॥॥ আ তে পিতৰ্মৰুতাগ্ং সুম্নমেতু । মা ন-স্সূৰ্যস্য সদৃংশো যুযোথাঃ । অভি নো ৱীৰো অৰ্ৱতি ক্ষমেত । প্ৰজাযেমহি ৰুদ্ৰ প্ৰজাভিঃ ॥ এৱা বভ্ৰো ৱৃষভ চেকিতান । যথা দেৱ ন হৃণীষে ন হগ্ংসি । হাৱনশ্ৰূৰ্নো ৰুদ্ৰেহ বোধি । বৃহদ্ৱদেম ৱিদথে সুৱীৰাঃ ॥ পৰিণো ৰুদ্ৰস্য হেতি ৰ্ৱৃণক্তু পৰিত্ৱেষস্য দুৰ্মতিৰঘাযোঃ । অৱ স্থিৰা মঘৱদ্ভ্য-স্তনুষ্ৱ মীঢ্ৱস্তোকায তনযায মৃডয ॥, স্তুহি শ্ৰুত-ঙ্গৰ্তসদং-যুঁৱান-ম্মৃগ-ন্ন ভীম-মুপহত্নু-মুগ্ৰম্ । মৃডা জৰিত্ৰে ৰুদ্ৰ স্তৱানো অন্যন্তে অস্মন্নিৱপন্তু সেনাঃ ॥ । মীঢুষ্টম শিৱতম শিৱো নঃ সুমনা ভৱ ।পৰমে ৱৃক্ষ আযুধ-ন্নিধায কৃত্তিং-ৱঁসান আচৰ পিনাকম্বিভ্ৰদাগহি ॥ অৰ্হন্বিভৰ্ষি সাযকানি ধন্ৱ । অৰ্হন্নিষ্কং-যঁজতং-ৱিঁশ্ৱৰূপম্ । অৰ্হন্নিদন্দযসে ৱিশ্ৱমব্ভুৱম্ । ন ৱা ওজীযো ৰুদ্ৰ ত্ৱদস্তি ॥। ত্ৱমগ্নে ৰুদ্ৰো অসুৰো মহো দিৱস্ত্ৱগ্ং শৰ্ধো মাৰুত-ম্পৃক্ষ ঈশিষে । ত্ৱং-ৱাঁতৈৰৰুণৈৰ্যাসি শঙ্গযস্ত্ৱ-ম্পূষা ৱিধতঃ পাসি নুত্মনা ॥, আ ৱো ৰাজানমধ্ৱৰস্য ৰুদ্ৰগ্ং হোতাৰগ্ং সত্যযজগ্ং ৰোদস্যোঃ । অগ্নি-ম্পুৰা তনযিত্নো ৰচিত্তা-দ্ধিৰণ্যৰূপমৱসে কৃণুধ্ৱম্ ॥ ॥ 48 ॥

(ৱসূনি - ততা - নাস্তু - ৱিশ্ৱান্.-ৱৱৃত্যাংৱঁৱৰ্তি-ঘৃতেন-ৱিষূচীঃ-শ্ৰুত-ন্দ্ৱে চ) (অ. 6)
অনুৱাকং 7 - সৌৰ্যাদিপশূনাং সূক্তানি

সূৰ্যো দেৱীমুষসগ্ং ৰোচমানা মৰ্যঃ । ন যোষামভ্যেতি পশ্চাত্ । যত্ৰা নৰো দেৱযন্তো যুগানি । ৱিতন্ৱতে প্ৰতি ভদ্ৰায ভদ্ৰম্ ॥ ভদ্ৰা অশ্ৱা হৰিত-স্সূৰ্যস্য । চিত্ৰা এদগ্ৱা অনুমাদ্যাসঃ । নমস্যন্তো দিৱ আ পৃষ্ঠমস্থুঃ ।

পৰি দ্যাৱাপৃথিৱী যন্তি সদ্যঃ ॥ ত-থ্সূৰ্যস্য দেৱত্ৱ-ন্ত-ন্মহিত্ৱম্ । মদ্ধ্যা কৰ্তো-ৰ্ৱিততগ্ং সঞ্জভাৰ ॥ 49 ॥
যদেদযুক্ত হৰিতঃ সধস্থাত্ । আদ্ৰাত্ৰী ৱাসস্তনুতে সিমস্মৈ ॥ ত-ন্মিত্ৰস্য ৱৰুণস্যাভিচক্ষে । সূৰ্যো ৰূপ-ঙ্কৃণুতে দ্যোৰুপস্থে । অনন্তমন্য-দ্ৰুশদস্য পাজঃ । কৃষ্ণমন্যদ্ধৰিত-স্সম্ভৰন্তি ॥ অদ্যা দেৱা উদিতা সূৰ্যস্য । নিৰগ্ংহসঃ পিপৃতান্নিৰৱদ্যাত্ । তন্নো মিত্ৰো ৱৰুণো মামহন্তাম্ । অদিতি-স্সিন্ধুঃ পৃথিৱী উত দ্যৌঃ ॥ 50 ॥
দিৱো ৰুক্ম উৰুচক্ষা উদেতি । দূৰে অৰ্থস্তৰণি-ৰ্ভ্ৰাজমানঃ । নূন-ঞ্জনা-স্সূৰ্যেণ প্ৰসূতাঃ । আযন্নৰ্থানি কৃণৱন্নপাগ্ংসি ॥ শ-ন্নো ভৱ চক্ষসা শ-ন্নো অহ্না । শ-ম্ভানুনা শগ্ং হিমা শ-ঙ্ঘৃণেন । যথা শমস্মৈ শমস-দ্দুৰোণে । ত-থ্সূৰ্য দ্ৰৱিণ-ন্ধেহি চিত্ৰম্ ॥ চিত্ৰ-ন্দেৱানা-মুদগাদনীকম্ । চক্ষুৰ্মিত্ৰস্য ৱৰুণস্যাগ্নেঃ ॥ 51 ॥
আ-ঽপ্ৰা দ্যাৱাপৃথিৱী অন্তৰিক্ষম্ । সূৰ্য আত্মা জগতস্তস্থুষশ্চ ॥ ত্ৱষ্টা দধদিন্দ্ৰায শুষ্মম্ । অপাকো-ঽচিষ্টুৰ্যশসে পুৰূণি । ৱৃষা যজন্ ৱৃষণ-ম্ভূৰিৰেতাঃ । মূৰ্ধন্. যজ্ঞস্য সমনক্তু দেৱান্ ॥, তন্নস্তুৰীপমধ পোষযিত্নু দেৱ ত্ৱষ্টৰ্ৱি ৰৰাণ-স্স্যস্ৱ । যতো ৱীৰঃ কৰ্মণ্যঃ সুদক্ষো যুক্তগ্ৰাৱা জাযতে দেৱকামঃ ॥ । ত্ৱষ্টা ৱীৰ-ন্দেৱকাম-ঞ্জজান ত্ৱষ্টুৰৰ্ৱা জাযত আশুৰশ্ৱঃ । ত্ৱষ্টেদং-ৱিঁশ্ৱ-ম্ভুৱন-ঞ্জজান বহোঃ কৰ্তাৰমিহ যক্ষি হোতঃ ॥ পিশঙ্গৰূপ-স্সুভৰো ৱযোধা-শ্শ্ৰুষ্টী ৱীৰো জাযতে দেৱকামঃ । প্ৰজা-ন্ত্ৱষ্টা ৱিষ্যতু নাভিমস্মে অথা দেৱানামপ্যেতু পাথঃ ॥ ॥ দশেম-ন্ত্ৱষ্টুৰ্জনযন্ত গৰ্ভম্ । অতন্দ্ৰাসো যুৱতযো বিভৰ্ত্ৰম্ । তিগ্মানীকগ্গ্ স্ৱযশস-ঞ্জনেষু । ৱিৰোচমান-ম্পৰিষী-ন্নযন্তি ॥ আৱিষ্ট্যো ৱৰ্ধতে চাৰুৰাসু । জিহ্মানামূৰ্ধ্ৱ-স্স্ৱযশা উপস্থে ॥ 52 ॥
উভে ত্ৱষ্টুৰ্বিভ্যতু-ৰ্জাযমানাত্ । প্ৰতীচী সিগ্ংহ-ম্প্ৰতিজোষযেতে ॥ মিত্ৰো জনান্ যাতযতি প্ৰজান-ন্মিত্ৰো দাধাৰ পৃথিৱীমুত দ্যাম্ । মিত্ৰঃ কৃষ্টীৰনিমিষা-ঽভি চষ্টে সত্যায হৱ্য-ঙ্ঘৃতৱ-দ্ৱিধেম ॥, প্ৰ স মিত্ৰ মৰ্তো অস্তু প্ৰযস্ৱান্ যস্ত আদিত্য শিক্ষতি ৱ্ৰতেন । ন হন্যতে ন জীযতে ত্ৱোতো নৈনমগ্ংহো অশ্নোত্যন্তিতো ন দূৰাত্ ॥ ॥ অয-ম্মিত্ৰো নমস্যঃ সুশেৱঃ । ৰাজা সুক্ষত্ৰো অজনিষ্ট ৱেধাঃ । তস্য ৱযগ্ং সুমতৌ যজ্ঞিযস্য । অপি ভদ্ৰে সৌমনসে স্যাম ॥ অনমীৱাস ইডযা মদন্তঃ । মিতজ্মৱো ৱৰিমন্না পৃথিৱ্যাঃ । আদিত্যস্য ৱ্ৰতমুপক্ষ্যন্তঃ ॥ 53 ॥
ৱয-ম্মিত্ৰস্য সুমতৌ স্যাম ॥ মিত্ৰ-ন্ন ঈগ্ং শিম্যা গোষু গৱ্যৱত্ । স্ৱাধিযো ৱিদথে অফ্স্ৱজীজনন্ন্ । অৰেজযতাগ্ং ৰোদসী পাজসা গিৰা । প্ৰতি প্ৰিযং-যঁজত-ঞ্জনুষামৱঃ ॥ মহাগ্ং আদিত্যো নমসোপসদ্যঃ । যাতযজ্জনো গৃণতে সুশেৱঃ । তস্মা এত-ত্পন্যতমায জুষ্টম্ । অগ্নৌ মিত্ৰায হৱিৰাজুহোত ॥ আৱাগ্ং ৰথো ৰোদসী বদ্বধানঃ ॥ 54 ॥
হিৰণ্যযো ৱৃষভিৰ্যাত্ৱশ্ৱৈঃ । ঘৃতৱৰ্তনিঃ পৱিভী ৰুচানঃ । ইষাং-ৱোঁঢা নৃপতিৰ্ৱাজিনীৱান্ ॥ স পপ্ৰথানো অভি পঞ্চ ভূম । ত্ৰিৱন্ধুৰো মনসা-ঽঽযাতু যুক্তঃ । ৱিশো যেন গচ্ছথো দেৱযন্তীঃ । কুত্ৰা চিদ্যামমশ্ৱিনা দধানা ॥ স্ৱশ্ৱা যশসা-ঽঽযাতমৰ্ৱাক্ । দস্ৰা নিধি-ম্মধুমন্ত-ম্পিবাথঃ । ৱি ৱাগ্ং ৰথো ৱদ্ধ্ৱা যাদমানঃ ॥ 55 ॥
অন্তা-ন্দিৱো বাধতে ৱৰ্তনিভ্যাম্ ॥ যুৱো-শ্শ্ৰিয-ম্পৰি যোষা ৱৃণীত । সূৰো দুহিতা পৰিতক্মিযাযাম্ । য-দ্দেৱযন্তমৱথ-শ্শচীভিঃ । পৰিঘ্ৰগ্ংস ৱা-ম্মনা ৱাং-ৱঁযো গাম্ ॥ যো হ স্য ৱাগ্ং ৰথিৰা ৱস্ত উস্ৰাঃ । ৰথো যুজানঃ পৰিযাতি ৱৰ্তিঃ । তেন ন-শ্শং-যোঁৰুষসো ৱ্যুষ্টৌ । ন্যশ্ৱিনা ৱহতং-যঁজ্ঞে অস্মিন্ন্ ॥ যুৱ-ম্ভুজ্যুমৱৱিদ্ধগ্ং সমুদ্ৰে ॥ 56 ॥
উদূহথুৰৰ্ণসো অস্ৰিধানৈঃ । পতত্ৰিভি-ৰশ্ৰমৈ-ৰৱ্যথিভিঃ । দগ্ংসনাভিৰশ্ৱিনা পাৰযন্তা ॥ অগ্নীষোমা যো অদ্য ৱাম্ । ইদং-ৱঁচঃ সপৰ্যতি । তস্মৈ ধত্তগ্ং সুৱীৰ্যম্ । গৱা-ম্পোষগ্গ্ স্ৱশ্ৱিযম্ ॥ যো অগ্নীষোমা হৱিষা সপৰ্যাত্ । দেৱদ্ৰীচা মনসা যো ঘৃতেন । তস্য ৱ্ৰতগ্ং ৰক্ষত-ম্পাতমগ্ংহসঃ ॥ 57 ॥
ৱিশে জনায মহি শৰ্ম যচ্ছতম্ ॥ অগ্নীষোমা য আহুতিম্ । যো ৱা-ন্দাশাদ্ধৱিষ্কৃতিম্ । স প্ৰজযা সুৱীৰ্যম্ । ৱিশ্ৱমাযু-ৰ্ৱ্যশ্নৱত্ ॥ অগ্নীষোমা চেতি ত-দ্ৱীৰ্যং-ৱাঁম্ । যদমুষ্ণীতমৱস-ম্পণি-ঙ্গোঃ । অৱাতিৰত-ম্প্ৰথযস্য শেষঃ । অৱিন্দত-ঞ্জ্যোতিৰেক-ম্বহুভ্যঃ ॥ অগ্নীষোমা ৱিমগ্ং সু মে শৃণুতং-ৱৃঁষণা হৱম্ । প্ৰতি সূক্তানি হৰ্যত-ম্ভৱত-ন্দাশুষে মযঃ ॥ অগ্নীষোমা হৱিষঃ প্ৰস্থিতস্য ৱীতগ্ংহৰ্যতং-ৱৃঁষণা জুষেথাম্ । সুশৰ্মাণা স্ৱৱসা হি ভূতমথা ধত্তং-যঁজমানায শং-যোঃ ঁ॥ ॥ 58 ॥

(জভাৰ - দ্যৌ - ৰগ্নে - ৰুপস্থ - উপক্ষ্যন্তো - বদ্বধানো-যাদমানঃ - সমুদ্ৰে - ঽগ্ংহসঃ - প্ৰস্থিতস্য) (অ. 7)
অনুৱাকং 8 - ৱেহদাদিপশূনাং সূক্তানি

অহমস্মি প্ৰথমজা ঋতস্য । পূৰ্ৱ-ন্দেৱেভ্যো অমৃতস্য নাভিঃ । যো মা দদাতি স ইদেৱ মা ৱাঃ । অহ-মন্ন-মন্ন-মদন্তমদ্মি ॥ পূৰ্ৱ-মগ্নেৰপি দহত্যন্নম্ । যত্তৌ হা-ঽঽসাতে অহমুত্তৰেষু । ৱ্যাত্তমস্য পশৱঃ সুজম্ভম্ । পশ্যন্তি ধীৰাঃ প্ৰচৰন্তি পাকাঃ ॥ জহাম্যন্য-ন্ন জহাম্যন্যম্ । অহমন্নং-ৱঁশমিচ্চৰামি ॥ 59 ॥
সমানমৰ্থ-ম্পৰ্যেমি ভুঞ্জত্ । কো মামন্ন-ম্মনুষ্যো দযেত ॥ পৰাকে অন্ন-ন্নিহিতং-লোঁক এতত্ । ৱিশ্ৱৈ-ৰ্দেৱৈঃ পিতৃভি-ৰ্গুপ্তমন্নম্ । যদদ্যতে লুপ্যতে য-ত্পৰোপ্যতে । শততমী সা তনূৰ্মে বভূৱ ॥ মহান্তৌ চৰূ সকৃ-দ্দুগ্ধেন পপ্ৰৌ । দিৱঞ্চ পৃশ্ঞি পৃথিৱী-ঞ্চ সাকম্ । ত-থ্সম্পিবন্তো ন মিনন্তি ৱেধসঃ । নৈত-দ্ভূযো ভৱতি নো কনীযঃ ॥ 60 ॥
অন্ন-ম্প্ৰাণ-মন্ন-মপান-মাহুঃ । অন্ন-ম্মৃত্যু-ন্তমু জীৱাতুমাহুঃ । অন্ন-ম্ব্ৰহ্মাণো জৰসং-ৱঁদন্তি । অন্নমাহুঃ প্ৰজনন-ম্প্ৰজানাম্ ॥ মোঘমন্নং-ৱিঁন্দতে অপ্ৰচেতাঃ । সত্য-ম্ব্ৰৱীমি ৱধ ইথ্স তস্য । নাৰ্যমণ-ম্পুষ্যতি নো সখাযম্ । কেৱলাঘো ভৱতি কেৱলাদী ॥ অহ-ম্মেঘ-স্স্তনযন্. ৱৰ্ষন্নস্মি । মামদন্ত্যহমদ্ম্যন্যান্ ॥ 61 ॥
অহগ্ং সদমৃতো ভৱামি । মদাদিত্যা অধি সৰ্ৱে তপন্তি ॥ সা নো মন্দ্ৰেষমূৰ্জ-ন্দুহানা । ধেনুৰ্ৱাগস্মানুপ সুষ্টুতৈতু ॥, য-দ্ৱাগ্ৱদন্ত্য-ৱিচেতনানি । ৰাষ্ট্ৰী দেৱানা-ন্নিষসাদ মন্দ্ৰা । চতস্ৰ ঊৰ্জ-ন্দুদুহে পযাগ্ংসি । ক্ৱ স্ৱি দস্যাঃ পৰম-ঞ্জগাম ॥ ॥ অনন্তা-মন্তাদধি নিৰ্মিতা-ম্মহীম্ । যস্যা-ন্দেৱা অদধু-ৰ্ভোজনানি । একাক্ষৰা-ন্দ্ৱিপদাগ্ং ষট্পদাঞ্চ । ৱাচ-ন্দেৱা উপজীৱন্তি ৱিশ্ৱে ॥ ৱাচ-ন্দেৱা উপজীৱন্তি ৱিশ্ৱে । ৱাচ-ঙ্গন্ধৰ্ৱাঃ পশৱো মনুষ্যাঃ । ৱাচীমা ৱিশ্ৱা ভুৱনান্যৰ্পিতা ॥ 62 ॥
সা নো হৱ-ঞ্জুষতা-মিন্দ্ৰপত্নী ॥ ৱাগক্ষৰ-ম্প্ৰথমজা ঋতস্য । ৱেদানা-ম্মাতা-ঽমৃতস্য নাভিঃ । সা নো জুষাণোপ যজ্ঞমাগাত্ । অৱন্তী দেৱী সুহৱা মে অস্তু ॥ যা মৃষযো মন্ত্ৰকৃতো মনীষিণঃ । অন্ৱৈচ্ছ-ন্দেৱা-স্তপসা শ্ৰমেণ । তা-ন্দেৱীং-ৱাঁচগ্ং হৱিষা যজামহে । সা নো দধাতু সুকৃতস্য লোকে ॥ চত্ৱাৰি ৱা-ক্পৰিমিতা পদানি ॥ 63 ॥
তানি ৱিদু-ৰ্ব্ৰাহ্মণা যে মনীষিণঃ । গুহা ত্ৰীণি নিহিতা নেঙ্গযন্তি । তুৰীযং-ৱাঁচো মনুষ্যা ৱদন্তি ॥ শ্ৰদ্ধযা-ঽগ্নি-স্সমিদ্ধ্যতে । শ্ৰদ্ধযা ৱিন্দতে হৱিঃ । শ্ৰদ্ধা-ম্ভগস্য মূৰ্ধনি । ৱচসা ঽঽৱেদযামসি ॥ প্ৰিযগ্গ্ শ্ৰদ্ধে দদতঃ । প্ৰিযগ্গ্ শ্ৰদ্ধে দিদাসতঃ । প্ৰিয-ম্ভোজেষু যজ্ৱসু ॥ 64 ॥
ইদ-ম্ম উদিত-ঙ্কৃধি ॥ যথা দেৱা অসুৰেষু । শ্ৰদ্ধা-মুগ্ৰেষু চক্ৰিৰে । এৱ-ম্ভোজেষু যজ্ৱসু । অস্মাক-মুদিত-ঙ্কৃধি ॥ শ্ৰদ্ধা-ন্দেৱা যজমানাঃ । ৱাযুগোপা উপাসতে । শ্ৰদ্ধাগ্ং হৃদয্যযা-ঽঽকূত্যা । শ্ৰদ্ধযা হূযতে হৱিঃ ॥ শ্ৰদ্ধা-ম্প্ৰাতৰ্-হৱামহে ॥ 65 ॥
শ্ৰদ্ধা-ম্মদ্ধ্যন্দিন-ম্পৰি । শ্ৰদ্ধাগ্ং সূৰ্যস্য নিম্ৰুচি । শ্ৰদ্ধে শ্ৰদ্ধাপযেহ মা ॥ শ্ৰদ্ধা দেৱা-নধিৱস্তে । শ্ৰদ্ধা ৱিশ্ৱমিদ-ঞ্জগত্ । শ্ৰদ্ধা-ঙ্কামস্য মাতৰম্ । হৱিষা ৱৰ্ধযামসি ॥ ব্ৰহ্মজজ্ঞান-ম্প্ৰথম-ম্পুৰস্তাত্ । ৱি সীমত-স্সুৰুচো ৱেন আৱঃ । স বুদ্ধ্নিযা উপমা অস্য ৱিষ্ঠাঃ ॥ 66 ॥
সতশ্চ যোনি-মসতশ্চ ৱিৱঃ ॥ পিতা ৱিৰাজামৃষভো ৰযীণাম্ । অন্তৰিক্ষং-ৱিঁশ্ৱৰূপ আৱিৱেশ । তমৰ্কৈ-ৰভ্যৰ্চন্তি ৱথ্সম্ । ব্ৰহ্ম সন্ত-ম্ব্ৰহ্মণা ৱৰ্ধযন্তঃ ॥ ব্ৰহ্ম দেৱানজনযত্ । ব্ৰহ্ম ৱিশ্ৱমিদ-ঞ্জগত্ । ব্ৰহ্মণঃ, ক্ষত্ৰ-ন্নিৰ্মিতম্ । ব্ৰহ্ম ব্ৰাহ্মণ আত্মনা ॥ অন্তৰস্মি-ন্নিমে লোকাঃ ॥ 67 ॥
অন্ত-ৰ্ৱিশ্ৱমিদ-ঞ্জগত্ । ব্ৰহ্মৈৱ ভূতানা-ঞ্জ্যেষ্ঠম্ । তেন কো-ঽৰ্হতি স্পৰ্ধিতুম্ ॥ ব্ৰহ্ম-ন্দেৱা-স্ত্ৰযস্ত্ৰিগ্ংশত্ । ব্ৰহ্মন্নিন্দ্ৰ প্ৰজাপতী । ব্ৰহ্মন্. হ ৱিশ্ৱা ভূতানি । নাৱী ৱান্ত-স্সমাহিতা ॥ চতস্ৰ আশাঃ প্ৰচৰন্ত্ৱ-গ্নযঃ । ইমন্নো যজ্ঞ-ন্নযতু প্ৰজানন্ন্ । ঘৃত-ম্পিন্ৱন্নজৰগ্ং সুৱীৰম্ ॥ 68 ॥
ব্ৰহ্ম সমি-দ্ভৱত্যাহুতীনাম্ ॥ আ গাৱো অগ্মন্নুত ভদ্ৰমক্ৰন্ন্ । সীদন্তু গোষ্ঠে ৰণযন্ত্ৱস্মে । প্ৰজাৱতীঃ পুৰুৰূপা ইহ স্যুঃ । ইন্দ্ৰায পূৰ্ৱী ৰুষসো দুহানাঃ ॥ ইন্দ্ৰো যজ্ৱনে পৃণতে চ শিক্ষতি । উপেদ্দদাতি ন স্ৱ-ম্মুষাযতি । ভূযো ভূযো ৰযিমিদস্য ৱৰ্ধযন্ন্ । অভিন্নে খিল্লে নিদধাতি দেৱযুম্ ॥ ন তা নশন্তি ন দভাতি তস্কৰঃ । নৈনা অমিত্ৰো ৱ্যথিৰাদধৰ্ষতি । দেৱাগ্শ্চ যাভি-ৰ্যজতে দদাতি চ । জ্যোগিত্তাভিঃ সচতে গোপতি-স্সহ ॥, ন তা অৰ্ৱা ৰেণুককাটো অশ্নুতে । ন সগ্গ্ স্কৃতত্ৰ-মুপযন্তি তা অভি । উৰুগাযমভয-ন্তস্য তা অনু । গাৱো মৰ্ত্যস্য ৱিচৰন্তি যজ্ৱনঃ ॥ ॥ 69 ॥
গাৱো ভগো গাৱ ইন্দ্ৰো মে অচ্ছাত্ । গাৱ-স্সোমস্য প্ৰথমস্য ভক্ষঃ । ইমা যা গাৱ-স্সজনাস ইন্দ্ৰঃ । ইচ্ছামীদ্ধৃদা মনসা চিদিন্দ্ৰম্ ॥ যূয-ঙ্গাৱো মেদযথা কৃশ-ঞ্চিত্ । অশ্লীল-ঞ্চি-ত্কৃণুথা সুপ্ৰতীকম্ । ভদ্ৰ-ঙ্গৃহ-ঙ্কৃণুথ ভদ্ৰৱাচঃ । বৃহদ্ৱো ৱয উচ্যতে সভাসু ॥ প্ৰজাৱতী-স্সূযৱসগ্ং ৰিশন্তীঃ (ৰুশন্তীঃ) । শুদ্ধা অপ-স্সুপ্ৰপাণে পিবন্তীঃ । মা ৱঃ স্তেন ঈশত মা-ঽঘশগ্ংসঃ । পৰিৱো হেতী ৰুদ্ৰস্য ৱৃঞ্জ্যাত্ ॥ উপেদ-মুপপৰ্চনম্ । আসু গোষূপপৃচ্যতাম্ । উপৰ্ষভস্য ৰেতসি । উপেন্দ্ৰ তৱ ৱীৰ্যে ॥ 70 ॥

(চৰামি - কনীযো - ঽন্যা - নৰ্পিতা - পদানি - যজ্ৱসু - হৱামহে - ৱিষ্ঠা - লোকাঃ - সুৱীৰ - মৰ্ৱা - পিবন্তী-ষ্ষট্চ) (অ. 8)
অনুৱাকং 9 - শুক্লকৃষ্ণপশ্ৱাদীনাং সূক্তানি

তা সূৰ্যা চন্দ্ৰমসা ৱিশ্ৱভৃত্তমা মহত্ । তেজো ৱসুম-দ্ৰাজতো দিৱি । সামাত্মানা চৰত-স্সামচাৰিণা । যযোৰ্ৱ্ৰত-ন্ন মমে জাতু দেৱযোঃ ॥ উভাৱন্তৌ পৰিযাত অৰ্ম্যা । দিৱো ন ৰশ্মীগ্ স্তনুতো-ৱ্যৰ্ণৱে । উভা ভুৱন্তী ভুৱনা কৱিক্ৰতূ । সূৰ্যা ন চন্দ্ৰা চৰতো হতামতী ॥ পতী দ্যুম-দ্ৱিশ্ৱৱিদা উভা দিৱঃ । সূৰ্যা উভা চন্দ্ৰমসা ৱিচক্ষণা ॥ 71 ॥
ৱিশ্ৱৱাৰা ৱৰিৱোভা ৱৰেণ্যা । তা নো-ঽৱত-ম্মতিমন্তা মহিৱ্ৰতা ॥ ৱিশ্ৱৱপৰী প্ৰতৰণা তৰন্তা । সুৱৰ্ৱিদা দৃশযে ভূৰিৰশ্মী । সূৰ্যা হি চন্দ্ৰা ৱসুত্ৱেষ-দৰ্শতা । মনস্ৱিনোভা-ঽনু চৰতো নু স-ন্দিৱম্ ॥ অস্য শ্ৰৱো নদ্যঃ সপ্ত বিভ্ৰতি । দ্যাৱা ক্ষামা পৃথিৱী দৰ্শতং-ৱঁপুঃ । অস্মে সূৰ্যা চন্দ্ৰমসা-ঽভিচক্ষে । শ্ৰদ্ধে কমিন্দ্ৰ চৰতো ৱিচৰ্তুৰম্ ॥ 72 ॥
পূৰ্ৱাপৰ-ঞ্চৰতো মায যৈতৌ । শিশূ ক্ৰীডন্তৌ পৰিযাতো অদ্ধ্ৱৰম্ । ৱিশ্ৱান্যন্যো ভুৱনা ঽভিচষ্টে । ঋতূনন্যো ৱিদধজ্জাযতে পুনঃ ॥ হিৰণ্যৱৰ্ণা-শ্শুচযঃ পাৱকা যাসু জাতঃ কশ্যপো যাস্ৱিন্দ্ৰঃ । অগ্নিং-যাঁ গৰ্ভ-ন্দধিৰে ৱিৰূপাস্তা ন আপ-শ্শগ্গ্ স্যোনা ভৱন্তু ॥,

যাসাগ্ং ৰাজা ৱৰুণো যাতি মধ্যে সত্যানৃতে অৱপশ্যন্ জনানাম্ । মধুশ্চুত-শ্শুচযো যাঃ পাৱকাস্তা ন আপ-শ্শগ্গ্ স্যোনা ভৱন্তু ॥ । যাসা-ন্দেৱা দিৱি কৃণ্ৱন্তি ভক্ষং-যাঁ অন্তৰিক্ষে বহুধা ভৱন্তি । যাঃ পৃথিৱী-ম্পযসোন্দন্তিশুক্ৰাস্তা ন আপ-শ্শগ্গ্ স্যোনা ভৱন্তু ॥, শিৱেন মা চক্ষুষা পশ্যতা-ঽঽপ-শ্শিৱযা তনুৱোপ স্পৃশত ত্ৱচ-ম্মে । সৰ্ৱাগ্ং অগ্নীগ্ং ৰফ্সুষদো হুৱে ৱো মযি ৱৰ্চো বলমোজো নি ধত্ত ॥ । আপো ভদ্ৰা ঘৃতমিদাপ আসুৰগ্নী-ষোমৌ বিভ্ৰত্যাপ ই-ত্তাঃ । তীৱ্ৰো ৰসো মধুপৃচা -মৰঙ্গম আ মা প্ৰাণেন সহ ৱৰ্চসা গন্ন্ ॥, আদি-ত্পশ্যাম্যুত ৱা শৃণোম্যা মা ঘোষো গচ্ছতি ৱান্ন আসাম্ । মন্যে ভেজানো অমৃতস্য তৰ্হি হিৰণ্যৱৰ্ণা অতৃপং-যঁদা ৱঃ ॥ ॥ নাসদাসীন্নো সদাসী-ত্তদানীম্ । নাসী-দ্ৰজো নো ৱ্যোমাপৰো যত্ । কিমাৱৰীৱঃ কুহ কস্য শৰ্মন্ন্ ॥ 73 ॥
অম্ভঃ কিমাসী-দ্গহন-ঙ্গভীৰম্ ॥ ন মৃত্যুৰমৃত-ন্তৰ্হি ন । ৰাত্ৰিযা অহ্ন আসী-ত্প্ৰকেতঃ । আনীদৱাতগ্গ্ স্ৱধযা তদেকম্ । তস্মা-দ্ধান্য-ন্ন পৰঃ (পৰং) কিঞ্চ নাস ॥ তম আসী-ত্তমসা গূঢমগ্ৰে প্ৰকেতম্ । সলিলগ্ং সৰ্ৱমা ইদম্ । তুচ্ছে নাভ্ৱপিহিতQং-যঁদাসীত্ । তমস স্তন্মহিনা জাযতৈকম্ ॥ কামস্তদগ্ৰে সমৱৰ্ততাধি ॥ 74 ॥
মনসো ৰেতঃ প্ৰথমং-যঁদাসীত্ । স তো বন্ধুমসতি নিৰৱিন্দন্ন্ (নিৰৱিদন্ন্) । হৃদি প্ৰতীষ্যা কৱযো মনীষা ॥ তিৰশ্চীনো ৱিততো ৰশ্মিৰেষাম্ । অধ-স্স্ৱিদাসী(3) দুপৰি স্ৱিদাসী(3)ত্ । ৰেতোধা আস-ন্মহিমান আসন্ন্ । স্ৱধা অৱস্তা-ত্প্ৰযতিঃ পৰস্তাত্ ॥ কো অদ্ধা ৱেদ ক ইহ প্ৰৱোচত্ । কুত আজাতা কুত ইযং-ৱিঁসৃষ্টিঃ । অৰ্ৱাগ্দেৱা অস্য ৱিসৰ্জনায ॥ 75 ॥
অথা কো ৱেদ যত আবভূৱ ॥ ইযং-ৱিঁসৃষ্টি-ৰ্যত আবভূৱ । যদি ৱা দধে যদি ৱা ন । যো অস্যাদ্ধ্যক্ষঃ পৰমে ৱ্যোমন্ন্ । সো অঙ্গ ৱেদ যদি ৱা ন ৱেদ ॥ কিগ্গ্স্ৱিদ্ৱন-ঙ্ক উ স ৱৃক্ষ আসীত্ । যতো দ্যাৱাপৃথিৱী নিষ্টতক্ষুঃ । মনীষিণো মনসা পৃচ্ছতেদু তত্ । যদদ্ধ্যতিষ্ঠ-দ্ভুৱনানি ধাৰযন্ন্ ॥ ব্ৰহ্ম ৱন-ম্ব্ৰহ্ম স ৱৃক্ষ আসীত্ ॥ 76 ॥
যতো দ্যাৱাপৃথিৱী নিষ্টতক্ষুঃ । মনীষিণো মনসা ৱিব্ৰৱীমি ৱঃ । ব্ৰহ্মাদ্ধ্যতিষ্ঠ-দ্ভুৱনানি ধাৰযন্ন্ ॥ প্ৰাতৰগ্নি-ম্প্ৰাতৰিন্দ্ৰগ্ং হৱামহে । প্ৰাত ৰ্মিত্ৰাৱৰুণা প্ৰাতৰশ্ৱিনা । প্ৰাত ৰ্ভগ-ম্পূষণ-ম্ব্ৰহ্মণস্পতিম্ । প্ৰাতস্সোমমুত ৰুদ্ৰগ্ং হুৱেম ॥ প্ৰাতৰ্জিত-ম্ভগমুগ্ৰগ্ং হুৱেম । ৱয-ম্পুত্ৰমদিতেৰ্যো ৱিধৰ্তা । আদ্ধ্ৰশ্চিদ্য-ম্মন্যমান-স্তুৰশ্চিত্ ॥ 77 ॥
ৰাজা চিদ্য-ম্ভগ-ম্ভক্ষীত্যাহ ॥ ভগ প্ৰণেতৰ্ভগ সত্যৰাধঃ । ভগেমা-ন্ধিযমুদৱ দদন্নঃ । ভগ প্ৰণো জনয গোভিৰশ্ৱৈঃ । ভগ প্ৰনৃভি-ৰ্নৃৱন্তঃ স্যাম । উতেদানী-ম্ভগৱন্ত-স্স্যাম ॥ উত প্ৰপিত্ৱ উত মদ্ধ্যে অহ্নাম্ । উতোদিতা মঘৱন্-থ্সূৰ্যস্য । ৱয-ন্দেৱানাগ্ং সুমতৌ স্যাম ॥ ভগ এৱ ভগৱাগ্ং অস্তু দেৱাঃ ॥ 78 ॥
তেন ৱয-ম্ভগৱন্ত-স্স্যাম । ত-ন্ত্ৱা ভগ সৰ্ৱ ইজ্জোহৱীমি । স নো ভগ পুৰ এতা ভৱেহ ॥ সমদ্ধ্ৱৰাযোষসো নমন্ত । দধিক্ৰাৱেৱ শুচযে পদায । অৰ্ৱাচীনং-ৱঁসুৱিদ-ম্ভগন্নঃ । ৰথমিৱাশ্ৱা ৱাজিন আৱহন্তু ॥ অশ্ৱাৱতী-ৰ্গোমতী-ৰ্ন উষাসঃ । ৱীৰৱতী-স্সদমুচ্ছন্তু ভদ্ৰাঃ । ঘৃত-ন্দুহানা ৱিশ্ৱতঃ প্ৰপীনাঃ । যূয-ম্পাত স্ৱস্তিভি-স্সদা নঃ ॥ 79 ॥

(ৱিচক্ষণা - ৱিচৰ্তুৰগ্ং - শৰ্ম - ন্নধি - ৱিসৰ্জনায - ব্ৰহ্ম ৱন-ম্ব্ৰহ্ম স ৱৃক্ষ আসীত্- তুৰশ্চি-দ্- দেৱাঃ - প্ৰপীনা এক-ঞ্চ) (অ. 9)
(পীৱো-ঽন্না - মগ্নে ত্ৱ-ম্পাৰ - যানাঘৃষ্যঃ - শুচি-ন্নু স্তোমং - ঁৱিশ্ৰযমাণো - দিৱো ৰুক্মো - ঽন্ন-ম্প্ৰাণং - তা সূৰ্যাচন্দ্ৰমসা নৱসপ্ততিঃ)
(পীৱোন্না - ঁযূয-ম্পাত স্ৱস্তিভি-স্সদানঃ)
॥ হৰিঃ ওম্ ॥
॥ কৃষ্ণ যজুৰ্ৱেদীয তৈত্তিৰীয ব্ৰাহ্মণে দ্ৱিতীযাষ্টকে অষ্টমঃ প্ৰপাঠক-স্সমাপ্তঃ ॥
॥ কৃষ্ণ যজুৰ্ৱেদীয তৈত্তিৰীয ব্ৰাহ্মণে দ্ৱিতীযাষ্টকং