3.10 - সাবিত্রচযনম্ - কৃষ্ণ যজুর্বেদ তৈত্তিরীয ব্রাহ্মণ কাঠ প্রশ্নঃ পাঠঃ - সঞ্জ্ঞানং বিজ্ঞানং

কৃষ্ণ যজুর্বেদীয তৈত্তিরীয ব্রাহ্মণে কাঠকে প্রথমঃ প্রশ্নঃ - সাবিত্রচযনম্
ও-ন্নমঃ পরমাত্মনে, শ্রী মহাগণপতযে নমঃ,
শ্রী গুরুভ্যো নমঃ । হরিঃ ওম্ ॥
অনুবাকং 1 - অনুবাকেষু নবসু লেখাসু নাভ্যা-ঞ্চেষ্টকোপধানং স্বযমাতৃণ্ণোপধান-ঞ্চোচ্যতে
সঞ্জ্ঞানং-বিঁজ্ঞান-ম্প্রজ্ঞান-ঞ্জানদভিজানত্ । সকংল্পঁমান-ম্প্রকল্পমান-মুপকল্পমান-মুপক্লৃপ্ত-ঙ্ক্লৃপ্তম্ ।
শ্রেযো বসীয আযথ্সম্ভূত-ম্ভূতম্ ॥
চিত্রঃ কেতুঃ প্রভানাভান্-থ্সভান্ন্ ।
জ্যোতিষ্মাগ্-স্তেজস্বানাতপগ্গ্-স্তপন্নভিতপন্ন্ ।
রোচনো রোচমানঃ-শোভনঃ-শোভমানঃ কল্যাণঃ ॥ দর্শা দৃষ্টা দর্শতা বিশ্বরূপা সুদর্শনা । আপ্যাযমানা প্যাযমানা-প্যাযা সূনৃতেরা ।
আপূর্যমাণা পূর্যমাণা পূরযন্তী পূর্ণা পৌর্ণমাসী ॥ দাতা প্রদাতা-ঽঽনন্দো মোদঃ প্রমোদঃ ॥ 1 ॥

আবেশয-ন্নিবেশযন্থ্সংবেঁশন-স্সগ্গ্শান্ত-শ্শান্তঃ । আভব-ন্প্রভবন্-থ্সভংবঁন্-থ্সম্ভূতো ভূতঃ ॥
প্রস্তুতং-বিঁষ্টুতগ্ং সগ্গ্স্তুত-ঙ্কল্যাণং-বিঁশ্বরূপম্ । শুক্রমমৃত-ন্তেজস্বি তেজ-স্সমিদ্ধম্ । অরুণ-ম্ভানুম-ন্মরীচিমদভিতপ-ত্তপস্বত্ ॥ সবিতা প্রসবিতা দীপ্তো দীপয-ন্দীপ্যমানঃ । জ্বল-ঞ্জ্বলিতা তপন্ বিতপন্-থ্সন্তপন্ন্ । রোচনো রোচমান-শ্শুভূং-শ্শুম্ভমানো বামঃ ॥
সুতা সুন্বতী প্রসুতা সূযমানা ঽভিষূযমাণা । পীতী প্রপা সপা-ন্তৃপ্তি-স্তর্পযন্তী ॥ 2 ॥

কান্তা কাম্যা কামজাতা ঽঽযুষ্মতী কামদুঘা ॥ অভিশাস্তা ঽনুমন্তা-ঽঽনন্দো মোদঃ প্রমোদঃ । আসাদয-ন্নিষাদযন্-থ্সগ্ংসাদন-স্সগ্ংসন্ন-স্সন্নঃ ।
আভূ র্বিভূঃ প্রভূ-শ্শভূং র্ভুবঃ ॥
পবিত্র-ম্পবযিষ্য-ন্পূতো মেদ্ধ্যঃ ।
যশো যশস্বা-নাযুরমৃতঃ । জীবো জীবিষ্য-ন্থ্স্বর্গো লোকঃ ॥ সহস্বা-ন্থ্সহীযা-নোজস্বা-ন্থ্সহমানঃ । জযন্ন-ভিজযন্-থ্সুদ্রবিণো দ্রবিণোদাঃ । আর্দ্রপবিত্রো হরিকেশো মোদঃ প্রমোদঃ ॥ 3 ॥

অরুণো ঽরুণরজাঃ পুণ্ডরীকো বিশ্বজিদ-ভিজিত্ । আর্দ্রঃ পিন্বমানো ঽন্নবান্-রসবা-নিরাবান্ ।
সর্বৌষধ-স্সভংরো মহস্বান্ ॥ এজত্কা জোবত্কাঃ । ক্ষুল্লকা-শ্শিপিবিষ্টকাঃ ।
সরিস্ত্ররা-স্সুশেরবঃ । অজিরাসো গমিষ্ণবঃ ॥ ইদানী-ন্তদানী-মেতর্হি ক্ষিপ্রমজিরম্ । আশু র্নিমেষঃ ফণো দ্রবন্নতি-দ্রবন্ন্ । ত্বরগ্গ্ স্ত্বরমাণ আশুরাশীযাঞ্জবঃ {আশুরাশীযান্ জবঃ} ॥
অগ্নিষ্টোম উক্থ্যো ঽতিরাত্রো দ্বিরাত্র-স্ত্রিরাত্র-শ্চতূরাত্রঃ । অগ্নির্-ঋতু-স্সূর্য ঋতুশ্চন্দ্রমা ঋতুঃ ॥ প্রজাপতি-স্সংবঁথ্সরো মহান্কঃ ॥ 4 ॥

(প্রমোদ - স্তর্পযন্তী - প্রমোদো - জবস্ত্রীণি চ) (অ. 1)
অনুবাকং 2 - অনুবাকেষু নবসু লেখাসু নাভ্যা-ঞ্চেষ্টকোপধানং
স্বযমাতৃণ্ণোপধান-ঞ্চোচ্যতে
ভূরগ্নি-ঞ্চ পৃথিবী-ঞ্চ মা-ঞ্চ ।
ত্রীগ্শ্চ লোকা-ন্থ্সংবঁথ্সর-ঞ্চ ।
প্রজাপতিস্ত্বা সাদযতু । তযা দেবতযা ঽঙ্গিরস্ব-দ্ধ্রুবা সীদ ॥
ভুবো বাযু-ঞ্চান্তরিক্ষ-ঞ্চ মা-ঞ্চ । ত্রীগ্শ্চ লোকা-ন্থ্সংবঁথ্সর-ঞ্চ ।
প্রজাপতিস্ত্বা সাদযতু । তযা দেবতযা-ঽ ঙ্গিংরস্ব-দ্ধ্রুবা সীদ । স্বরাদিত্য-ঞ্চ দিব-ঞ্চ মা-ঞ্চ । ত্রীগ্শ্চ লোকা-ন্থ্সংবঁথ্সর-ঞ্চ । প্রজাপতিস্ত্বা সাদযতু । তযা দেবতযা ঽঙ্গিংরস্ব-দ্ধ্রুবা সীদ । ভূর্ভুব-স্স্ব-শ্চন্দ্রমস-ঞ্চ দিশশ্চ মা-ঞ্চ ।
ত্রীগ্শ্চ লোকা-ন্থ্সবন্থ্সর-ঞ্চ । প্রজাপতিস্ত্বা সাদযতু । তযা দেবতযা ঽঙ্গিরস্ব-দ্ধ্রুবা সীদ ॥ 5 ॥

(সংবঁথ্সর-ঞ্চ ষট্ চ)(আ2)
অনুবাকং 3 - অনুবাকেষু নবসু লেখাসু নাভ্যা-ঞ্চেষ্টকোপধানং স্বযমাতৃণ্ণোপধান-ঞ্চোচ্যতে
ত্বমেব ত্বাং-বেঁত্থ যো-ঽসি সো-ঽসি । ত্বমেব ত্বামচৈষীঃ । চিতশ্চাসি সঞ্চিত-শ্চাস্যগ্নে । এতাবাগ্শ্চাসি ভূযাগ্শ্চাস্যগ্নে ।
যত্তে অগ্নে ন্যূনং-যঁদু তে-ঽতিরিক্তম্ । আদিত্যা-স্তদংঙ্গিরস-শ্চিন্বন্তু ।
বিশ্বে তে দেবাশ্চিতি-মাপূরযন্তু । চিতশ্চাসি সঞ্চিত-শ্চাস্যগ্নে । এতাবাগ্শ্চাসি ভূযাগ্শ্চাস্যগ্নে । মা তে অগ্নে ঽচযেন মা-ঽতি চ যেনাযুরাবৃক্ষি । সবর্ষা-ঞ্জ্যোতিষা-ঞ্জ্যোতি র্যদদাবুদেতি । তপসো জাতমনি-ভৃষ্টমোজঃ । তত্তে জ্যোতিরিষ্টকে । তেন মে তপ । তেন মে জ্বল । তেন মে দীদিহি ।
যাবদ্দেবাঃ । যাবদসাতি সূর্যঃ । যাবদুতাপি ব্রহ্ম ॥ 6 ॥

(আবৃক্ষি নব চ) (অ. 3)
অনুবাকং 4 - অনুবাকেষু নবসু লেখাসু নাভ্যা-ঞ্চেষ্টকোপধানং স্বযমাতৃণ্ণোপধান-ঞ্চোচ্যতে
সংবঁথ্সরো-ঽসি পরিবথ্সরো-ঽসি । ইদাবথ্সরো-ঽসী-দুবথ্সরো-ঽসি ।
ইদ্বথ্সরো-ঽসি বথ্সরো-ঽসি । তস্য তে বসন্ত-শ্শিরঃ । গ্রীষ্মো দক্ষিণঃ পক্ষঃ । বর.ষাঃ পুচ্ছম্ । শরদুত্তরঃ পক্ষঃ ।
হেমন্তো মদ্ধ্যম্ । পূর্বপক্ষাশ্চিতযঃ । অপরপক্ষাঃ পুরীষম্ ॥ 7 ॥

অহোরাত্রা-ণীষ্টকাঃ । ঋষভো-ঽসি স্বর্গো লোকঃ । যস্যা-ন্দিশি মহীযসে । ততো নো মহ আবহ । বাযু র্ভূত্বা সর্বা দিশ আবাহি । সর্বা দিশো-ঽনু বিবাহি । সর্বা দিশো-ঽনু সংবাঁহি । চিত্ত্যা চিতি-মাপৃণ । অচিত্ত্যা চিতি-মাপৃণ । চিদসি সমুদ্রযোনিঃ ॥ 8 ॥

ইন্দু র্দক্ষঃ শ্যেন ঋতাবা । হিরণ্যপক্ষ-শ্শকুনো ভুরণ্যুঃ । মহা-ন্থ্সধস্থে ধ্রুব আনিষত্তঃ । নমস্তে অস্তু মা মা হিগ্ংসীঃ । এতি প্রেতি বীতি সমিত্যুদিতি । দিব-ম্মে যচ্ছ । অন্তরিক্ষ-ম্মে যচ্ছ । পৃথিবী-ম্মে যচ্ছ ।
পৃথিবী-ম্মে যচ্ছ । অন্তরিক্ষ-ম্মে যচ্ছ । দিব-ম্মে যচ্ছ । অহ্না প্রসারয । রাত্র্যা সমচ । রাত্র্যা প্রসারয । অহ্না সমচ ।
কাম-ম্প্রসারয । কামগ্ং সমচ ॥ 9 ॥

(পুরীষগ্ং - সমুদ্রযোনিঃ - পৃথিবী-ম্মে যচ্ছান্তরিক্ষ-ম্মে যচ্ছ সপ্ত চ) (অ. 4)
অনুবাকং 5 - অনুবাকেষু নবসু লেখাসু নাভ্যা-ঞ্চেষ্টকোপধানং
স্বযমাতৃণ্ণোপধান-ঞ্চোচ্যতে
ভূর্ভুব-স্স্বঃ । ওজো বলম্ । ব্রহ্ম ক্ষত্রম্ । যশো মহত্ । সত্য-ন্তপো নাম । রূপ-মমৃতম্ । চক্ষু-শ্শ্রোত্রম্ । মন আযুঃ ।
বিশ্বং-যঁশো মহঃ । সম-ন্তপো হরো ভাঃ । জাতবেদা যদি বা পাবকো-ঽসি । বৈশ্বানরো যদি বা বৈদ্যুতো-ঽসি । শ-ম্প্রজাভ্যো যজমানায লোকম্ । ঊর্জ-ম্পুষ্টি-ন্দদ-দভ্যাববৃথ্স্ব ॥ 10 ॥

(ভাশ্চত্বারি চ) (অ. 5)
অনুবাকং 6 - অনুবাকেষু নবসু লেখাসু নাভ্যা-ঞ্চেষ্টকোপধানং
স্বযমাতৃণ্ণোপধান-ঞ্চোচ্যতে
রাজ্ঞী বিরাজ্ঞী । সম্রাজ্ঞী স্বরাজ্ঞী । অর্চি-শ্শোচিঃ । তপো হরো ভাঃ । অগ্নি-রিন্দ্রো বৃহস্পতিঃ । বিশ্বে দেবা ভুবনস্য গোপাঃ ।
তে মা সর্বে যশসা সগ্ংসৃজন্তু ॥ 11 ॥

(রাজ্ঞীন্দ্রো মা সপ্ত (অ. 6)
অনুবাকং 7 - অনুবাকেষু নবসু লেখাসু নাভ্যা-ঞ্চেষ্টকোপধানং স্বযমাতৃণ্ণোপধান-ঞ্চোচ্যতে
অসবে স্বাহা বসবে স্বাহা । বিভুবে স্বাহা বিবস্বতে স্বাহা । অভিভুবে স্বাহা-ঽধিপতযে স্বাহা । দিবাম্পতযে স্বাহা ঽগ্ংহস্পত্যায স্বাহা । চাক্ষুষ্মত্যায স্বাহা জ্যোতিষ্মত্যায স্বাহা । রাজ্ঞে স্বাহা বিরাজ্ঞে স্বাহা । সম্রাজ্ঞে স্বাহা স্বরাজ্ঞে স্বাহা ।
শূষায স্বাহা সূর্যায স্বাহা । চন্দ্রমসে স্বাহা জ্যোতিষে স্বাহা ।
সগ্ংসর্পায স্বাহা কল্যাণায স্বাহা ।
অর্জুনায স্বাহা ॥ 12 ॥

(কল্যাণায স্বাহৈক-ঞ্চ) (অ. 7)
অনুবাকং 8 - অনুবাকেষু নবসু লেখাসু নাভ্যা-ঞ্চেষ্টকোপধানং স্বযমাতৃণ্ণোপধান-ঞ্চোচ্যতে
বিপশ্চিতে পবমানায গাযত । মহী ন ধারা ঽত্যন্ধো অর্ষতি । অহির্হ জীর্ণামতিসর্পতি ত্বচম্ । অত্যো ন ক্রীডন্ন সরদ্বৃষা হরিঃ ।
উপযামগৃহীতো-ঽসি মৃত্যবে ত্বা জুষ্ট-ঙ্গৃহ্ণামি । এষ তে যোনির্মৃত্যবে ত্বা ॥ অপ মৃত্যু-মপক্ষুধম্ । অপেত-শ্শপথ-ঞ্জহি ।
অধা নো অগ্ন আবহ । রাযস্পোষগ্ং সহস্রিণম্ ॥ 13 ॥

যে তে সহস্রমযুত-ম্পাশাঃ । মৃত্যো মর্ত্যায হন্তবে । তান্. যজ্ঞস্য মাযযা । সর্বানব যজামহে ॥ ভক্ষো ঽস্যমৃত ভক্ষঃ । তস্য তে মৃত্যু-পীতস্যা-মৃতবতঃ ।
স্বগা-কৃতস্য মধুমতঃ ।
উপহূতস্যো-পহূতো ভক্ষযামি ॥
মন্দ্রা ঽভিভূতিঃ কেতু র্যজ্ঞানাং-বাঁক্ । অসাবেহি ॥ 14 ॥

অন্ধো জাগৃবিঃ প্রাণ । অসাবেহি । বধির আক্রন্দযিত-রপান । অসাবেহি । অহস্তোস্ত্বা চক্ষুঃ । অসাবেহি । অপাদাশো মনঃ ।
অসাবেহি । কবে বিপ্রচিত্তে শ্রোত্র । অসাবেহি ॥ 15 ॥

সুহস্ত-স্সুবাসাঃ । শূষো নামাস্য-মৃতো মর্ত্যেষু । তন্ত্বা-ঽহ-ন্তথা বেদ । অসাবেহি । অগ্নির্মে বাচি শ্রিতঃ । বাঘৃদযে । হৃদয-ম্মযি । অহমমৃতে । অমৃত-ম্ব্রহ্মণি । বাযুর্মে প্রাণে শ্রিতঃ ॥ 16 ॥

প্রাণো হৃদযে । হৃদয-ম্মযি । অহমমৃতে । অমৃত-ম্ব্রহ্মণি ।
সূর্যো মে চক্ষুষি শ্রিতঃ ।
চক্ষুর্ হৃদযে । হৃদয-ম্মযি । অহমমৃতে । অমৃত-ম্ব্রহ্মণি ।
চন্দ্রমা মে মনসি শ্রিতঃ ॥ 17 ॥

মনো হৃদযে । হৃদয-ম্মযি । অহমমৃতে । অমৃত-ম্ব্রহ্মণি ।
দিশো মে শ্রোত্রে শ্রিতাঃ । শ্রোত্রগ্ং হৃদযে । হৃদয-ম্মযি । অহমমৃতে ।
অমৃত-ম্ব্রহ্মণি । আপো মে রেতসি শ্রিতাঃ ॥ 18 ॥

রেতো হৃদযে । হৃদয-ম্মযি ।
অহমমৃতে । অমৃত-ম্ব্রহ্মণি ।
পৃথিবী মে শরীরে শ্রিতা ।
শরীরগ্ং হৃদযে । হৃদয-ম্মযি । অহমমৃতে । অমৃত-ম্ব্রহ্মণি । ওষধিবনস্পতযো মে লোমসু শ্রিতাঃ ॥ 19 ॥

লোমানি হৃদযে । হৃদয-ম্মযি । অহমমৃতে । অমৃত-ম্ব্রহ্মণি ।
ইন্দ্রো মে বলে শ্রিতঃ । বলগ্ং হৃদযে । হৃদয-ম্মযি । অহমমৃতে ।
অমৃত-ম্ব্রহ্মণি । পর্জন্যো মে মূর্ধ্নি শ্রিতঃ ॥ 20 ॥

মূদ্র্ধা হৃদযে । হৃদয-ম্মযি । অহমমৃতে । অমৃত-ম্ব্রহ্মণি ।
ঈশানো মে মন্যৌ শ্রিতঃ । মন্যুর্-হৃদযে । হৃদয-ম্মযি । অহমমৃতে ।
অমৃত-ম্ব্রহ্মণি ।
আত্মা ম আত্মনি শ্রিতঃ( ) ॥ 21 ॥

আত্মা হৃদযে । হৃদয-ম্মযি । অহমমৃতে । অমৃত-ম্ব্রহ্মণি ।
পুনর্ম আত্মা পুনরাযুরাগাত্ । পুনঃ প্রাণঃ পুনরাকূত-মাগাত্ ।
বৈশ্বানরো রশ্মিভি র্বাবৃধানঃ । অন্তস্তিষ্ঠত্বমৃতস্য গোপাঃ ॥ 22 ॥

(সহস্রিণ - মিহি - শ্রোত্রাসাবেহি - প্রাণে শ্রিতো - মনসি শ্রিতো - রেতসি শ্রিতা - লোমসু শ্রিতা - মূর্ধ্নি শ্রিত - আত্মনি শ্রিতো - +-ঽষ্টৌ চ) (অ. 8)
(অগ্নি-র্বাযু-স্সূর্য শ্চন্দ্রমা দিশ আপঃ পৃথি ব্যোষধিবনস্পতয ইন্দ্রঃ পর্জন্য ঈশান আত্মা পুনর্মে ত্রযোদশ)
অনুবাকং 9 - অনুবাকেষু নবসু লেখাসু নাভ্যা-ঞ্চেষ্টকোপধানং স্বযমাতৃণ্ণোপধান-ঞ্চোচ্যতে
প্রজাপতি র্দেবানসৃজত । তে পাপ্মনা সন্দিতা অজাযন্ত । তান্ ব্যদ্যত্ । য-দ্ব্যদ্যত্ । তস্মা-দ্বিদ্যুত্ । তমবৃশ্চত্ । যদবৃশ্চত্ । তস্মা-দ্বৃষ্টিঃ । তস্মা-দ্যত্রৈতে দেবতে অভিপ্রাপ্নুতঃ ।
বিচ হৈবাস্য তত্র পাপ্মানন্দ্যতঃ ॥ 23 ॥

বৃশ্চতশ্চ ॥ সৈষা মীমাগ্ংসা-ঽগ্নিহোত্র এব সপন্ন্না । অথো আহুঃ ।
সর্বেষু যজ্ঞক্রতুষ্বিতি ॥
হোষ্যন্নপ উপস্পৃশেত্ ।
বিদ্যুদসি বিদ্যমে পাপ্মানমিতি ।
অথ হুত্বোপস্পৃশেত্ ।
বৃষ্টিরসি বৃশ্চ মে পাপ্মানমিতি ।
যক্ষ্যমাণো বেষ্ট্বা বা । বি চ হৈবাস্যৈতে দেবতে পাপ্মান-ন্দ্যতঃ ॥ 24 ॥

বৃশ্চতশ্চ ॥ অত্যগ্ংহো হারুণিঃ । ব্রহ্মচারিণে প্রশ্না-ন্প্রোচ্য প্রজিঘায ।
পরেহি । প্লক্ষ-ন্দৈযাং (দৈয্যাং) পাতি-ম্পৃচ্ছ । বেত্থ সাবিত্রাং(3) ন বেত্থা(3) ইতি ।
তমাগত্য পপ্রচ্ছ । আচার্যো মা প্রাহৈষীত্ ।
বেত্থ সাবিত্রাং(3) ন বেত্থা(3) ইতি । সহোবাচ বেদেতি ॥ 25 ॥

স কস্মি-ন্প্রতিষ্ঠিত ইতি । পরোরজসীতি ।
কস্তদ্য-ত্পরোরজা ইতি । এষ বাব স পরোরজা ইতি হোবাচ । য এষ তপতি ।
এষো ঽর্বাগ্রজা ইতি । স কস্মি-ন্ত্বেষ ইতি । সত্য ইতি । কি-ন্তথ্সত্যমিতি । তপ ইতি ॥ 26 ॥

কস্মিন্নু তপ ইতি । বল ইতি ।
কি-ন্ত-দ্বলমিতি । প্রাণ ইতি ।
মাস্ম প্রাণমতি পৃচ্ছ ইতি মা-ঽঽচার্যো ঽব্রবীদিতি হোবাচ ব্রহ্মচারী ॥
সহোবাচ প্লক্ষো দৈযাং (দৈয্যাং) পাতিঃ ।
যদ্বৈ ব্রহ্মচারি-ন্প্রাণমত্যপ্রক্ষ্যঃ । মূদ্র্ধা তে ব্যপতিষ্যত্ ।
অহমুত আচার্যা-চ্ছ্রেযা-ন্ভবিষ্যামি ।
যো মা সাবিত্রে সমবাদিষ্টেতি ॥ 27 ॥

তস্মা-থ্সাবিত্রে ন সংবঁদেত ॥
স যো হবৈ সাবিত্রং-বিঁদুষা সাবিত্রে সংবঁদতে । সহাস্মি-ঞ্ছ্রিয-ন্দধাতি ।
অনু হবা অস্মা অসৌ তপঞ্ছ্রিয-ম্মন্যতে ।
অন্বস্মৈ শ্রীস্তপো মন্যতে । অন্বস্মৈ তপো বল-ম্মন্যতে । অন্বস্মৈ বল-ম্প্রাণ-ম্মন্যতে ॥ স যদাহ ।
সজ্ঞান্নং-বিঁজ্ঞান-ন্দর্শা দৃষ্টেতি । এষ এব তত্ ॥ 28 ॥

অথ যদাহ । প্রস্তুতং-বিঁষ্টুতগ্ং সুতা সুন্বতীতি । এষ এব তত্ ॥ এষ হ্যেব তান্যহানি । এষ রাত্রযঃ ॥ অথ যদাহ ।
চিত্রঃ কেতু র্দাতা প্রদাতা সবিতা প্রসবিতা ঽভিশাস্তা ঽনুমন্তেতি । এষ এব তত্ । এষ হ্যেব তে-ঽহ্নো মুহূর্তাঃ । এষ রাত্রেঃ ॥ 29 ॥

অথ যদাহ । পবিত্র-ম্পবযিষ্যন্-থ্সহস্বান্-থ্সহীযানরুণো
-ঽরুণরজা ইতি । এষ এব তত্ । এষ হ্যেব তে ঽদ্র্ধমাসাঃ । এষ মাসাঃ ॥ অথ যদাহ ।
অগ্নিষ্টোম উক্থ্যো-ঽগ্নির্-ঋতুঃ প্রজাপতি-স্সংবঁথ্সর ইতি । এষ এব তত্ । এষ হ্যেব তে যজ্ঞক্রতবঃ । এষ ঋতবঃ ॥ 30 ॥

এষ সংবঁথ্সরঃ ॥ অথ যদাহ । ইদানী-ন্তদানীমিতি । এষ এব তত্ । এষ হ্যেব তে মুহূর্তানা-ম্মুহূর্তাঃ ॥ জনকো হ বৈ দেহঃ । অহোরাত্রৈ-স্সমাজগাম । তগ্ং হোচুঃ । যো বা অস্মান্. বেদ । বিজহত্-পাপ্মানমেতি ॥ 31 ॥

সর্ব-মাযুরেতি । অভি স্বর্গং-লোঁক-ঞ্জযতি ।
নাস্যা-মুষ্মিন্ ঁলোকে-ঽন্ন-ঙ্ক্ষীযত ইতি ॥ বিজহদ্ধ বৈ পাপ্মানমেতি ।
সর্বমাযুরেতি । অভি স্বর্গং-লোঁক-ঞ্জযতি ।
নাস্যা-মুষ্মিন্ ঁলোকে ঽন্ন-ঙ্ক্ষীযতে ।
য এবং-বেঁদ ॥ অহীনা হাশ্বত্থ্যঃ । সাবিত্রং-বিঁদা-ঞ্চকার ॥ 32 ॥

স হ হগ্ংসো হিরণ্মযো ভূত্বা । স্বর্গং-লোঁকমিযায । আদিত্যস্য সাযুজ্যম্ ॥ হগ্ংসো হবৈ হিরণ্মযো ভূত্বা ।
স্বর্গং-লোঁকমেতি । আদিত্যস্য সাযুজ্যম্ । য এবং-বেঁদ ॥ দেবভাগো হ শ্রৌতর্ষঃ । সাবিত্রং-বিঁদা-ঞ্চকার ।
তগ্ং হ বাগদৃশ্যমানা ঽভ্যুবাচ ॥ 33 ॥

সর্বম্বত গৌতমো বেদ । য-স্সাবিত্রং-বেঁদেতি । স হোবাচ । কৈষা বাগসীতি । অযমহগ্ং সাবিত্রঃ । দেবানা-মুত্তমো লোকঃ । গুহ্য-ম্মহো বিভ্রদিতি । এতাবতি হ গৌতমঃ ।
যজ্ঞোপবীত-ঙ্কৃত্বা-ঽধো নিপপাত ।
নমো নম ইতি ॥ 34 ॥

স হোবাচ । মা ভৈষী র্গৌতম । জিতো বৈ তে লোক ইতি ॥ তস্মাদ্যে কে চ সাবিত্রং-বিঁদুঃ । সর্বে তে জিতলোকাঃ ॥ স যো হবৈ সাবিত্র-স্যাষ্টাক্ষর-ম্পদগ্গ্ শ্রিযা ঽভিষিক্তং-বেঁদ । শ্রিযা হৈবাভিষিচ্যতে । ঘৃণিরিতি দ্বে অক্ষরে । সূর্য ইতি ত্রীণি । আদিত্য ইতি ত্রীণি ॥ 35 ॥

এতদ্বৈ সাবিত্র-স্যাষ্টাক্ষর-ম্পদগ্গ্ শ্রিযাভিষিক্তম্ । য এবং-বেঁদ ।
শ্রিযা হৈবাভিষিচ্যতে ॥ তদে-তদৃচা-ঽভ্যুক্তম্ । ঋচো অক্ষরে পরমে ব্যোমন্ন্ ।
যস্মি-ন্দেবা অধি বিশ্বে নিষেদুঃ ।
যস্তন্ন বেদ কিমৃচা করিষ্যতি । য ই-ত্তদ্বিদুস্ত ইমে সমাসত ইতি ॥ ন হবা এতস্যর্চা ন যজুষা ন সাম্না-ঽর্থো-ঽস্তি ।
য-স্সাবিত্রং-বেঁদ ॥ 36 ॥

তদেত-ত্পরি যদ্দেবচক্রম্ ।
আর্দ্র-ম্পিন্বমানগ্গ্ স্বর্গে লোক এতি ।
বিজহ-দ্বিশ্বা ভূতানি সপংশ্যত্ ॥
আর্দ্রো হ বৈ পিন্বমান-স্স্বর্গে লোক এতি ।
বিজহন্ বিশ্বা ভূতানি সপংশ্যন্ন্ । য এবং-বেঁদ ॥ শূষো হবৈ বার্ষ্ণেযঃ । আদিত্যেন সমাজগাম । তগ্ং হোবাচ ।
এহি সাবিত্রং-বিঁদ্ধি । অযং-বৈঁ স্বর্গ্যো-ঽগ্নিঃ পারযিষ্ণু-রমৃতা-থ্সম্ভূত ইতি । এষ বাব স সাবিত্রঃ ।
য এষ তপতি । এহি মাং-বিঁদ্ধি । ইতি হৈবৈন-ন্তদুবাচ ॥ 37 ॥

(দ্যতো - দ্যতো - বেদেতি - তপ ইতি - সমবাদিষ্টেতি - ত-দ্- রাত্রের্. - ঋতবঃ - এতি - চকারো - বাচ - নম ইত্যা - দিত্য ইতি ত্রীণি - সাবিত্রং-বেঁদ - বিদ্ধি পঞ্চ চ) (অ. 9)
(প্রজাপতির্দেবান্ সজ্ঞান্ন-ম্প্রস্তুত-ন্তান্যহান্যেষ রাত্রযাস্চিত্র কেতুস্তে-ঽহ্নো মুহূর্তো রাত্রেঃ পবিত্র-ন্তে-ঽর্ধ মাসা অগ্নিষ্টোমো যজ্ঞক্রতব ইদানী-ম্মুহূর্তানা-ঞ্জনকো-ঽহীনা দেবভাগঃ কৈষা বাম্ম শূষো হ বৈ ষোডশ)
অনুবাকং 10 - অনুবাকেষু নবসু লেখাসু নাভ্যা-ঞ্চেষ্টকোপধানং স্বযমাতৃণ্ণোপধান-ঞ্চোচ্যতে
ইযং-বাঁব সরঘা । তস্যা অগ্নিরেব সারঘ-ম্মধু । যা এতাঃ পূর্বপক্ষা-পরপক্ষযো রাত্রযঃ । তা মধুকৃতঃ ।
যান্যহানি । তে মধুবৃষাঃ ।
স যো হ বা এতা মধুকৃতশ্চ মধুবৃষাগ্শ্চ বেদ ।
কুর্বন্তি হাস্যৈতা অগ্নৌ মধু । নাস্যেষ্টাপূর্ত-ন্ধযন্তি ॥
অথ যো ন বেদ ॥ 38 ॥

ন হাস্যৈতা অগ্নৌ মধু কুর্বন্তি । ধযন্ত্যস্যেষ্টাপূর্তম্ ॥
যো হ বা অহোরাত্রাণা-ন্নামধেযানি বেদ ।
নাহোরাত্রেষ্বা-র্তিমার্চ্ছতি । সজ্ঞান্নং-বিঁজ্ঞান-ন্দর্শা দৃষ্টেতি ।
এতা-বনুবাকৌ পূর্বপক্ষস্যা-হোরাত্রাণা-ন্নামধেযানি । প্রস্তুতং-বিঁষ্টুতগ্ং সুতা সুন্বতীতি । এতাবনু-বাকাব-পরপক্ষস্যা-হোরাত্রাণা-ন্নামধেযানি ।
নাহোরাত্রেষ্বা-র্তিমার্চ্ছতি । য এবং-বেঁদ ॥ 39 ॥

যো হ বৈ মুহূর্তানা-ন্নামধেযানি বেদ । ন মুহূর্তেষ্বা-র্তিমার্চ্ছতি । চিত্রঃ কেতু র্দাতা প্রদাতা সবিতা প্রসবিতা ঽভিশাস্তা ঽনুমন্তেতি । এতে-ঽনুবাকা মুহূর্তানা-ন্নামধেযানি । ন মুহূর্তেষ্বা-র্তিমার্চ্ছতি । য এবং-বেঁদ ॥ যো হ বা অদ্র্ধমাসা-নাঞ্চ মাসানাঞ্চ নামধেযানি বেদ ।
নাদ্র্ধমাসেষু ন মাসেষ্বা-র্তিমার্চ্ছতি ।
পবিত্র-ম্পবযিষ্যন্-থ্সহস্বান্-থ্সহীযানরুণো ঽরুণরজা ইতি ।
এতে-ঽনুবাকা অদ্র্ধমাসানাঞ্চ মাসানাঞ্চ নামধেযানি ॥ 40 ॥

নাদ্র্ধমসেষু ন মাসেষ্বা-র্তিমার্চ্ছতি । য এবং-বেঁদ ॥
যো হ বৈ যজ্ঞক্রতূনা-ঞ্চর্তূনা-ঞ্চ সংবঁথ্সরস্য চ নামধেযানি বেদ ।
ন যজ্ঞক্রতুষু নর্তুষু ন সংবঁথ্সর আর্তিমার্চ্ছতি । অগ্নিষ্টোম উক্থ্যো-ঽগ্নির্-ঋতুঃ প্রজাপতি-স্সংবঁথ্সর ইতি ।
এতে ঽনুবাকা যজ্ঞক্রতূনা-ঞ্চর্তূনা-ঞ্চ সংবঁথ্সরস্য চ নামধেযানি ।
ন যজ্ঞক্রতুষু নর্তুষু ন সংবঁথ্সর আর্তিমার্চ্ছতি । য এবং-বেঁদ ॥
যো হ বৈ মুহূর্তানা-ম্মুহূর্তান্. বেদ ।
ন মুহূর্তানা-ম্মুহূর্তেষ্বার্তি মার্চ্ছতি ॥ 41 ॥

ইদানী-ন্তদানীমিতি । এতে বৈ মুহূর্তানা-ম্মুহূর্তাঃ । ন মুহূর্তানা-ম্মুহূর্তেষ্বার্তি-মার্চ্ছতি । য এবং-বেঁদ ॥
অথো যথা ক্ষেত্রজ্ঞো ভূত্বা ঽনু প্রবিশ্যান্ন-মত্তি । এবমেবৈতান্ ক্ষেত্রজ্ঞো ভূত্বা ঽনু প্রবিশ্যা-ন্নমত্তি । স এতেষামেব সলোকতাগ্ং সাযুজ্য-মশ্নুতে ।
অপ পুনর্মৃত্যু-ঞ্জযতি । য এবং-বেঁদ ॥ 42 ॥

(ন বেদৈ - বং-বেঁদা - নুবাকা অদ্র্ধমাসানা-ঞ্চ মসানা-ঞ্চ নামধেযানি - মুহূর্তেষ্বার্তিমার্চ্ছতি - +নব চ) (অ. 10)
(ইযমহোরাত্রাণাগ্ং সজ্ঞান্ন-ম্পূর্বপক্ষস্য প্রস্তুতমপরপক্ষস্য মুহূর্তানা-ঞ্চিত্রঃ কেতুরদ্র্ধমাসানা-ম্পবিত্রং-যঁজ্ঞক্রতূনামগ্নিষ্টোমো যজ্ঞক্রতূনামিদানী-ম্মুহূর্তানা-ম্মুহূর্তান্. বেদেদানীমথো দ্বাদশ)
অনুবাকং 11 - অনুবাকেষু নবসু লেখাসু নাভ্যা-ঞ্চেষ্টকোপধানং স্বযমাতৃণ্ণোপধান-ঞ্চোচ্যতে
কশ্চিদ্ধবা অস্মা-ল্লোকা-ত্প্রেত্য । আত্মানং-বেঁদ । অয-মহ-মস্মীতি । কশ্চিথ্স্বং-লোঁক-ন্ন প্রতি প্রজানাতি ॥ অগ্নিমুগ্ধো হৈব ধুমতান্তঃ । স্বং-লোঁক-ন্ন প্রতি প্রজানাতি ।
অথ যো হৈবৈত-মগ্নিগ্ং সাবিত্রং-বেঁদ ।
স এবাস্মা ল্লোকা-ত্প্রেত্য । আত্মানং-বেঁদ ।
অয-মহ-মস্মীতি ॥ 43 ॥

স স্বং-লোঁক-ম্প্রতি প্রজানাতি ॥ এষ উ বেবৈন-ন্তথ্সাবিত্রঃ । স্বর্গং-লোঁক-মভিবহতি ॥ অহোরাত্রৈ র্বা ইদগ্ং সযুগ্ভিঃ ক্রিযতে । ইতি রাত্রাযা দীক্ষিষত । ইতি রাত্রায ব্রত-মুপাগুরিতি । তানি হানেবং-বিঁদুষঃ । অমুষ্মিন্ ঁলোকে শেবধি-ন্ধযন্তি ।
ধীতগ্ং হৈব স শেবধি-মনুপরৈতি ॥
অথ যো হৈবৈতমগ্নিগ্ং সাবিত্রং-বেঁদ ॥ 44 ॥

তস্য হৈবা-হোরাত্রাণি । অমুষ্মিন্ ঁলোকে শেবধি-ন্ন ধযন্তি ।
অধীতগ্ং হৈব স শেবধি-মনুপরৈতি ॥
ভরদ্বাজো হ ত্রিভিরাযুর্ভি র্ব্রহ্মচর্যমুবাস ।
তগ্ং হ জীর্ণিগ্গ্ স্থবিরগ্ং শযানম্ ।
ইন্দ্র উপব্রজ্যো বাচ । ভরদ্বাজ । যত্তে চতুর্থমাযুর্দদ্যাম্ । কিমেনেন কুর্যা ইতি । ব্রহ্মচর্যমেবৈনেন চরেযমিতি হোবাচ ॥ 45 ॥

তগ্ং হ ত্রী-ন্গিরি-রূপান বিজ্ঞাতানিব দর্শযা-ঞ্চকার । তেষাগ্ং হৈকৈকস্মা-ন্মুষ্টিনা-ঽঽদদে । স হোবাচ ।
ভরদ্বাজেত্যামন্ত্র্য । বেদা বা এতে । অনন্তা বৈ বেদাঃ । এতদ্বা এতৈ স্ত্রিভি-রাযুর্ভি-রন্ববোচথাঃ । অথ ত ইতর-দননূক্তমেব । এহীমং-বিঁদ্ধি । অযং-বৈঁ সর্ব বিদ্যেতি ॥ 46 ॥

তস্মৈ হৈতমগ্নিগ্ং সাবিত্রমুবাচ । তগ্ং স বিদিত্বা । অমৃতো ভূত্বা । স্বর্গং-লোঁকমিযায । আদিত্যস্য সাযুজ্যম্ ॥
অমৃতো হৈব ভূত্বা । স্বর্গং-লোঁকমেতি । আদিত্যস্য সাযুজ্যম্ । য এবং-বেঁদ ॥ এষো এব ত্রযী বিদ্যা ॥ 47 ॥

যাবন্তগ্ং হ বৈ ত্রয্যা বিদ্যযা লোক-ঞ্জযতি । তাবন্তং-লোঁক-ঞ্জযতি । য এবং-বেঁদ ॥ অগ্নে র্বা এতানি নামধেযানি ।
অগ্নেরেব সাযুজ্যগ্ং সলোকতা-মাপ্নোতি ।
য এবং-বেঁদ । বাযো র্বা এতানি নামধেযানি । বাযোরেব সাযুজ্যগ্ং সলোকতা-মাপ্নোতি । য এবং-বেঁদ । ইন্দ্রস্য বা এতানি নামধেযানি ॥ 48 ॥

ইন্দ্রস্যৈব সাযুজ্যগ্ং সলোকতা-মাপ্নোতি । য এবং-বেঁদ ।
বৃহস্পতে র্বা এতানি নামধেযানি ।
বৃহস্পতেরেব সাযুজ্যগ্ং সলোকতা-মাপ্নোতি ।
য এবং-বেঁদ । প্রজাপতে র্বা এতানি নামধেযানি । প্রজাপতেরেব সাযুজ্যগ্ং সলোকতা-মাপ্নোতি । য এবং-বেঁদ ।
ব্রহ্মণো বা এতানি নামধেযানি ।
ব্রহ্মণ এব সাযুজ্যগ্ং সলোকতা-মাপ্নোতি ।
য এবং-বেঁদ ॥ স বা এষো-ঽগ্নি-রপক্ষপুচ্ছো বাযুরেব ।
তস্যাগ্নি র্মুখম্ । অসাবাদিত্য-শ্শিরঃ ।
স যদেতে দেবতে অন্তরেণ ।
তথ্সর্বগ্ং সীব্যতি । তস্মা-থ্সাবিত্রঃ ॥ 49 ॥
(অযমহমস্মীতি - বেদ - হোবাচ - সর্ববিদ্যেতি - বিদ্যে - ন্দ্রস্য বা এতানি নামধেযানি - ব্রহ্মণ এব সাযুজ্যগ্ং সলোকতামাপ্নোতি সপ্ত চ) । (অ. 11)
(অগ্নের্বাযোরিন্দ্রস্য বৃহস্পতেঃ প্রজাপতে-র্ব্রহ্মণ-স্স বৈ সপ্ত)
(সঞ্জ্ঞানং - ভূ - স্ত্বমেব - সংবঁথ্সরো-ঽসি - ভূ - রাজ্ঞ্য - সব-বিপশ্চিতে - প্রজাপতি-র্দেবা - নিযং-বাঁব সরঘা - কশ্চিদ্ধৈকাদশ)
(সঞ্জ্ঞানগ্ং - রাজ্ঞী - মূদ্র্ধা হৃদয - এষ সংবঁথ্সরো - নাদ্র্ধমাসেষু নবচত্বারিগ্ংশত্)
(সঞ্জ্ঞানগ্ং - সাবিত্রঃ)
॥ হরিঃ ওম্ ॥