3.10 - സാവിത്രചയനമ് - കൃഷ്ണ യജുര്വേദ തൈത്തിരീയ ബ്രാഹ്മണ കാഠ പ്രശ്നഃ പാഠഃ - സഞ്ജ്ഞാനം വിജ്ഞാനം

കൃഷ്ണ യജുര്വേദീയ തൈത്തിരീയ ബ്രാഹ്മണേ കാഠകേ പ്രഥമഃ പ്രശ്നഃ - സാവിത്രചയനമ്
ഓ-ന്നമഃ പരമാത്മനേ, ശ്രീ മഹാഗണപതയേ നമഃ,
ശ്രീ ഗുരുഭ്യോ നമഃ । ഹരിഃ ഓമ് ॥
അനുവാകം 1 - അനുവാകേഷു നവസു ലേഖാസു നാഭ്യാ-ഞ്ചേഷ്ടകോപധാനം സ്വയമാതൃണ്ണോപധാന-ഞ്ചോച്യതേ
സഞ്ജ്ഞാനം-വിഁജ്ഞാന-മ്പ്രജ്ഞാന-ഞ്ജാനദഭിജാനത് । സകംല്പഁമാന-മ്പ്രകല്പമാന-മുപകല്പമാന-മുപക്ലൃപ്ത-ങ്ക്ലൃപ്തമ് ।
ശ്രേയോ വസീയ ആയഥ്സമ്ഭൂത-മ്ഭൂതമ് ॥
ചിത്രഃ കേതുഃ പ്രഭാനാഭാന്-ഥ്സഭാന്ന് ।
ജ്യോതിഷ്മാഗ്-സ്തേജസ്വാനാതപഗ്ഗ്-സ്തപന്നഭിതപന്ന് ।
രോചനോ രോചമാനഃ-ശോഭനഃ-ശോഭമാനഃ കല്യാണഃ ॥ ദര്ശാ ദൃഷ്ടാ ദര്ശതാ വിശ്വരൂപാ സുദര്ശനാ । ആപ്യായമാനാ പ്യായമാനാ-പ്യായാ സൂനൃതേരാ ।
ആപൂര്യമാണാ പൂര്യമാണാ പൂരയന്തീ പൂര്ണാ പൌര്ണമാസീ ॥ ദാതാ പ്രദാതാ-ഽഽനന്ദോ മോദഃ പ്രമോദഃ ॥ 1 ॥

ആവേശയ-ന്നിവേശയന്ഥ്സംവേഁശന-സ്സഗ്ഗ്ശാന്ത-ശ്ശാന്തഃ । ആഭവ-ന്പ്രഭവന്-ഥ്സഭംവഁന്-ഥ്സമ്ഭൂതോ ഭൂതഃ ॥
പ്രസ്തുതം-വിഁഷ്ടുതഗ്ം സഗ്ഗ്സ്തുത-ങ്കല്യാണം-വിഁശ്വരൂപമ് । ശുക്രമമൃത-ന്തേജസ്വി തേജ-സ്സമിദ്ധമ് । അരുണ-മ്ഭാനുമ-ന്മരീചിമദഭിതപ-ത്തപസ്വത് ॥ സവിതാ പ്രസവിതാ ദീപ്തോ ദീപയ-ന്ദീപ്യമാനഃ । ജ്വല-ഞ്ജ്വലിതാ തപന് വിതപന്-ഥ്സന്തപന്ന് । രോചനോ രോചമാന-ശ്ശുഭൂം-ശ്ശുമ്ഭമാനോ വാമഃ ॥
സുതാ സുന്വതീ പ്രസുതാ സൂയമാനാ ഽഭിഷൂയമാണാ । പീതീ പ്രപാ സപാ-ന്തൃപ്തി-സ്തര്പയന്തീ ॥ 2 ॥

കാന്താ കാമ്യാ കാമജാതാ ഽഽയുഷ്മതീ കാമദുഘാ ॥ അഭിശാസ്താ ഽനുമന്താ-ഽഽനന്ദോ മോദഃ പ്രമോദഃ । ആസാദയ-ന്നിഷാദയന്-ഥ്സഗ്ംസാദന-സ്സഗ്ംസന്ന-സ്സന്നഃ ।
ആഭൂ ര്വിഭൂഃ പ്രഭൂ-ശ്ശഭൂം ര്ഭുവഃ ॥
പവിത്ര-മ്പവയിഷ്യ-ന്പൂതോ മേദ്ധ്യഃ ।
യശോ യശസ്വാ-നായുരമൃതഃ । ജീവോ ജീവിഷ്യ-ന്ഥ്സ്വര്ഗോ ലോകഃ ॥ സഹസ്വാ-ന്ഥ്സഹീയാ-നോജസ്വാ-ന്ഥ്സഹമാനഃ । ജയന്ന-ഭിജയന്-ഥ്സുദ്രവിണോ ദ്രവിണോദാഃ । ആര്ദ്രപവിത്രോ ഹരികേശോ മോദഃ പ്രമോദഃ ॥ 3 ॥

അരുണോ ഽരുണരജാഃ പുണ്ഡരീകോ വിശ്വജിദ-ഭിജിത് । ആര്ദ്രഃ പിന്വമാനോ ഽന്നവാന്-രസവാ-നിരാവാന് ।
സര്വൌഷധ-സ്സഭംരോ മഹസ്വാന് ॥ ഏജത്കാ ജോവത്കാഃ । ക്ഷുല്ലകാ-ശ്ശിപിവിഷ്ടകാഃ ।
സരിസ്ത്രരാ-സ്സുശേരവഃ । അജിരാസോ ഗമിഷ്ണവഃ ॥ ഇദാനീ-ന്തദാനീ-മേതര്ഹി ക്ഷിപ്രമജിരമ് । ആശു ര്നിമേഷഃ ഫണോ ദ്രവന്നതി-ദ്രവന്ന് । ത്വരഗ്ഗ് സ്ത്വരമാണ ആശുരാശീയാഞ്ജവഃ {ആശുരാശീയാന് ജവഃ} ॥
അഗ്നിഷ്ടോമ ഉക്ഥ്യോ ഽതിരാത്രോ ദ്വിരാത്ര-സ്ത്രിരാത്ര-ശ്ചതൂരാത്രഃ । അഗ്നിര്-ഋതു-സ്സൂര്യ ഋതുശ്ചന്ദ്രമാ ഋതുഃ ॥ പ്രജാപതി-സ്സംവഁഥ്സരോ മഹാന്കഃ ॥ 4 ॥

(പ്രമോദ - സ്തര്പയന്തീ - പ്രമോദോ - ജവസ്ത്രീണി ച) (അ. 1)
അനുവാകം 2 - അനുവാകേഷു നവസു ലേഖാസു നാഭ്യാ-ഞ്ചേഷ്ടകോപധാനം
സ്വയമാതൃണ്ണോപധാന-ഞ്ചോച്യതേ
ഭൂരഗ്നി-ഞ്ച പൃഥിവീ-ഞ്ച മാ-ഞ്ച ।
ത്രീഗ്ശ്ച ലോകാ-ന്ഥ്സംവഁഥ്സര-ഞ്ച ।
പ്രജാപതിസ്ത്വാ സാദയതു । തയാ ദേവതയാ ഽങ്ഗിരസ്വ-ദ്ധ്രുവാ സീദ ॥
ഭുവോ വായു-ഞ്ചാന്തരിക്ഷ-ഞ്ച മാ-ഞ്ച । ത്രീഗ്ശ്ച ലോകാ-ന്ഥ്സംവഁഥ്സര-ഞ്ച ।
പ്രജാപതിസ്ത്വാ സാദയതു । തയാ ദേവതയാ-ഽ ങ്ഗിംരസ്വ-ദ്ധ്രുവാ സീദ । സ്വരാദിത്യ-ഞ്ച ദിവ-ഞ്ച മാ-ഞ്ച । ത്രീഗ്ശ്ച ലോകാ-ന്ഥ്സംവഁഥ്സര-ഞ്ച । പ്രജാപതിസ്ത്വാ സാദയതു । തയാ ദേവതയാ ഽങ്ഗിംരസ്വ-ദ്ധ്രുവാ സീദ । ഭൂര്ഭുവ-സ്സ്വ-ശ്ചന്ദ്രമസ-ഞ്ച ദിശശ്ച മാ-ഞ്ച ।
ത്രീഗ്ശ്ച ലോകാ-ന്ഥ്സവന്ഥ്സര-ഞ്ച । പ്രജാപതിസ്ത്വാ സാദയതു । തയാ ദേവതയാ ഽങ്ഗിരസ്വ-ദ്ധ്രുവാ സീദ ॥ 5 ॥

(സംവഁഥ്സര-ഞ്ച ഷട് ച)(ആ2)
അനുവാകം 3 - അനുവാകേഷു നവസു ലേഖാസു നാഭ്യാ-ഞ്ചേഷ്ടകോപധാനം സ്വയമാതൃണ്ണോപധാന-ഞ്ചോച്യതേ
ത്വമേവ ത്വാം-വേഁത്ഥ യോ-ഽസി സോ-ഽസി । ത്വമേവ ത്വാമചൈഷീഃ । ചിതശ്ചാസി സഞ്ചിത-ശ്ചാസ്യഗ്നേ । ഏതാവാഗ്ശ്ചാസി ഭൂയാഗ്ശ്ചാസ്യഗ്നേ ।
യത്തേ അഗ്നേ ന്യൂനം-യഁദു തേ-ഽതിരിക്തമ് । ആദിത്യാ-സ്തദംങ്ഗിരസ-ശ്ചിന്വന്തു ।
വിശ്വേ തേ ദേവാശ്ചിതി-മാപൂരയന്തു । ചിതശ്ചാസി സഞ്ചിത-ശ്ചാസ്യഗ്നേ । ഏതാവാഗ്ശ്ചാസി ഭൂയാഗ്ശ്ചാസ്യഗ്നേ । മാ തേ അഗ്നേ ഽചയേന മാ-ഽതി ച യേനായുരാവൃക്ഷി । സവര്ഷാ-ഞ്ജ്യോതിഷാ-ഞ്ജ്യോതി ര്യദദാവുദേതി । തപസോ ജാതമനി-ഭൃഷ്ടമോജഃ । തത്തേ ജ്യോതിരിഷ്ടകേ । തേന മേ തപ । തേന മേ ജ്വല । തേന മേ ദീദിഹി ।
യാവദ്ദേവാഃ । യാവദസാതി സൂര്യഃ । യാവദുതാപി ബ്രഹ്മ ॥ 6 ॥

(ആവൃക്ഷി നവ ച) (അ. 3)
അനുവാകം 4 - അനുവാകേഷു നവസു ലേഖാസു നാഭ്യാ-ഞ്ചേഷ്ടകോപധാനം സ്വയമാതൃണ്ണോപധാന-ഞ്ചോച്യതേ
സംവഁഥ്സരോ-ഽസി പരിവഥ്സരോ-ഽസി । ഇദാവഥ്സരോ-ഽസീ-ദുവഥ്സരോ-ഽസി ।
ഇദ്വഥ്സരോ-ഽസി വഥ്സരോ-ഽസി । തസ്യ തേ വസന്ത-ശ്ശിരഃ । ഗ്രീഷ്മോ ദക്ഷിണഃ പക്ഷഃ । വര.ഷാഃ പുച്ഛമ് । ശരദുത്തരഃ പക്ഷഃ ।
ഹേമന്തോ മദ്ധ്യമ് । പൂര്വപക്ഷാശ്ചിതയഃ । അപരപക്ഷാഃ പുരീഷമ് ॥ 7 ॥

അഹോരാത്രാ-ണീഷ്ടകാഃ । ഋഷഭോ-ഽസി സ്വര്ഗോ ലോകഃ । യസ്യാ-ന്ദിശി മഹീയസേ । തതോ നോ മഹ ആവഹ । വായു ര്ഭൂത്വാ സര്വാ ദിശ ആവാഹി । സര്വാ ദിശോ-ഽനു വിവാഹി । സര്വാ ദിശോ-ഽനു സംവാഁഹി । ചിത്ത്യാ ചിതി-മാപൃണ । അചിത്ത്യാ ചിതി-മാപൃണ । ചിദസി സമുദ്രയോനിഃ ॥ 8 ॥

ഇന്ദു ര്ദക്ഷഃ ശ്യേന ഋതാവാ । ഹിരണ്യപക്ഷ-ശ്ശകുനോ ഭുരണ്യുഃ । മഹാ-ന്ഥ്സധസ്ഥേ ധ്രുവ ആനിഷത്തഃ । നമസ്തേ അസ്തു മാ മാ ഹിഗ്ംസീഃ । ഏതി പ്രേതി വീതി സമിത്യുദിതി । ദിവ-മ്മേ യച്ഛ । അന്തരിക്ഷ-മ്മേ യച്ഛ । പൃഥിവീ-മ്മേ യച്ഛ ।
പൃഥിവീ-മ്മേ യച്ഛ । അന്തരിക്ഷ-മ്മേ യച്ഛ । ദിവ-മ്മേ യച്ഛ । അഹ്നാ പ്രസാരയ । രാത്ര്യാ സമച । രാത്ര്യാ പ്രസാരയ । അഹ്നാ സമച ।
കാമ-മ്പ്രസാരയ । കാമഗ്ം സമച ॥ 9 ॥

(പുരീഷഗ്ം - സമുദ്രയോനിഃ - പൃഥിവീ-മ്മേ യച്ഛാന്തരിക്ഷ-മ്മേ യച്ഛ സപ്ത ച) (അ. 4)
അനുവാകം 5 - അനുവാകേഷു നവസു ലേഖാസു നാഭ്യാ-ഞ്ചേഷ്ടകോപധാനം
സ്വയമാതൃണ്ണോപധാന-ഞ്ചോച്യതേ
ഭൂര്ഭുവ-സ്സ്വഃ । ഓജോ ബലമ് । ബ്രഹ്മ ക്ഷത്രമ് । യശോ മഹത് । സത്യ-ന്തപോ നാമ । രൂപ-മമൃതമ് । ചക്ഷു-ശ്ശ്രോത്രമ് । മന ആയുഃ ।
വിശ്വം-യഁശോ മഹഃ । സമ-ന്തപോ ഹരോ ഭാഃ । ജാതവേദാ യദി വാ പാവകോ-ഽസി । വൈശ്വാനരോ യദി വാ വൈദ്യുതോ-ഽസി । ശ-മ്പ്രജാഭ്യോ യജമാനായ ലോകമ് । ഊര്ജ-മ്പുഷ്ടി-ന്ദദ-ദഭ്യാവവൃഥ്സ്വ ॥ 10 ॥

(ഭാശ്ചത്വാരി ച) (അ. 5)
അനുവാകം 6 - അനുവാകേഷു നവസു ലേഖാസു നാഭ്യാ-ഞ്ചേഷ്ടകോപധാനം
സ്വയമാതൃണ്ണോപധാന-ഞ്ചോച്യതേ
രാജ്ഞീ വിരാജ്ഞീ । സമ്രാജ്ഞീ സ്വരാജ്ഞീ । അര്ചി-ശ്ശോചിഃ । തപോ ഹരോ ഭാഃ । അഗ്നി-രിന്ദ്രോ ബൃഹസ്പതിഃ । വിശ്വേ ദേവാ ഭുവനസ്യ ഗോപാഃ ।
തേ മാ സര്വേ യശസാ സഗ്ംസൃജന്തു ॥ 11 ॥

(രാജ്ഞീന്ദ്രോ മാ സപ്ത (അ. 6)
അനുവാകം 7 - അനുവാകേഷു നവസു ലേഖാസു നാഭ്യാ-ഞ്ചേഷ്ടകോപധാനം സ്വയമാതൃണ്ണോപധാന-ഞ്ചോച്യതേ
അസവേ സ്വാഹാ വസവേ സ്വാഹാ । വിഭുവേ സ്വാഹാ വിവസ്വതേ സ്വാഹാ । അഭിഭുവേ സ്വാഹാ-ഽധിപതയേ സ്വാഹാ । ദിവാമ്പതയേ സ്വാഹാ ഽഗ്ംഹസ്പത്യായ സ്വാഹാ । ചാക്ഷുഷ്മത്യായ സ്വാഹാ ജ്യോതിഷ്മത്യായ സ്വാഹാ । രാജ്ഞേ സ്വാഹാ വിരാജ്ഞേ സ്വാഹാ । സമ്രാജ്ഞേ സ്വാഹാ സ്വരാജ്ഞേ സ്വാഹാ ।
ശൂഷായ സ്വാഹാ സൂര്യായ സ്വാഹാ । ചന്ദ്രമസേ സ്വാഹാ ജ്യോതിഷേ സ്വാഹാ ।
സഗ്ംസര്പായ സ്വാഹാ കല്യാണായ സ്വാഹാ ।
അര്ജുനായ സ്വാഹാ ॥ 12 ॥

(കല്യാണായ സ്വാഹൈക-ഞ്ച) (അ. 7)
അനുവാകം 8 - അനുവാകേഷു നവസു ലേഖാസു നാഭ്യാ-ഞ്ചേഷ്ടകോപധാനം സ്വയമാതൃണ്ണോപധാന-ഞ്ചോച്യതേ
വിപശ്ചിതേ പവമാനായ ഗായത । മഹീ ന ധാരാ ഽത്യന്ധോ അര്ഷതി । അഹിര്ഹ ജീര്ണാമതിസര്പതി ത്വചമ് । അത്യോ ന ക്രീഡന്ന സരദ്വൃഷാ ഹരിഃ ।
ഉപയാമഗൃഹീതോ-ഽസി മൃത്യവേ ത്വാ ജുഷ്ട-ങ്ഗൃഹ്ണാമി । ഏഷ തേ യോനിര്മൃത്യവേ ത്വാ ॥ അപ മൃത്യു-മപക്ഷുധമ് । അപേത-ശ്ശപഥ-ഞ്ജഹി ।
അധാ നോ അഗ്ന ആവഹ । രായസ്പോഷഗ്ം സഹസ്രിണമ് ॥ 13 ॥

യേ തേ സഹസ്രമയുത-മ്പാശാഃ । മൃത്യോ മര്ത്യായ ഹന്തവേ । താന്. യജ്ഞസ്യ മായയാ । സര്വാനവ യജാമഹേ ॥ ഭക്ഷോ ഽസ്യമൃത ഭക്ഷഃ । തസ്യ തേ മൃത്യു-പീതസ്യാ-മൃതവതഃ ।
സ്വഗാ-കൃതസ്യ മധുമതഃ ।
ഉപഹൂതസ്യോ-പഹൂതോ ഭക്ഷയാമി ॥
മന്ദ്രാ ഽഭിഭൂതിഃ കേതു ര്യജ്ഞാനാം-വാഁക് । അസാവേഹി ॥ 14 ॥

അന്ധോ ജാഗൃവിഃ പ്രാണ । അസാവേഹി । ബധിര ആക്രന്ദയിത-രപാന । അസാവേഹി । അഹസ്തോസ്ത്വാ ചക്ഷുഃ । അസാവേഹി । അപാദാശോ മനഃ ।
അസാവേഹി । കവേ വിപ്രചിത്തേ ശ്രോത്ര । അസാവേഹി ॥ 15 ॥

സുഹസ്ത-സ്സുവാസാഃ । ശൂഷോ നാമാസ്യ-മൃതോ മര്ത്യേഷു । തന്ത്വാ-ഽഹ-ന്തഥാ വേദ । അസാവേഹി । അഗ്നിര്മേ വാചി ശ്രിതഃ । വാഘൃദയേ । ഹൃദയ-മ്മയി । അഹമമൃതേ । അമൃത-മ്ബ്രഹ്മണി । വായുര്മേ പ്രാണേ ശ്രിതഃ ॥ 16 ॥

പ്രാണോ ഹൃദയേ । ഹൃദയ-മ്മയി । അഹമമൃതേ । അമൃത-മ്ബ്രഹ്മണി ।
സൂര്യോ മേ ചക്ഷുഷി ശ്രിതഃ ।
ചക്ഷുര് ഹൃദയേ । ഹൃദയ-മ്മയി । അഹമമൃതേ । അമൃത-മ്ബ്രഹ്മണി ।
ചന്ദ്രമാ മേ മനസി ശ്രിതഃ ॥ 17 ॥

മനോ ഹൃദയേ । ഹൃദയ-മ്മയി । അഹമമൃതേ । അമൃത-മ്ബ്രഹ്മണി ।
ദിശോ മേ ശ്രോത്രേ ശ്രിതാഃ । ശ്രോത്രഗ്ം ഹൃദയേ । ഹൃദയ-മ്മയി । അഹമമൃതേ ।
അമൃത-മ്ബ്രഹ്മണി । ആപോ മേ രേതസി ശ്രിതാഃ ॥ 18 ॥

രേതോ ഹൃദയേ । ഹൃദയ-മ്മയി ।
അഹമമൃതേ । അമൃത-മ്ബ്രഹ്മണി ।
പൃഥിവീ മേ ശരീരേ ശ്രിതാ ।
ശരീരഗ്ം ഹൃദയേ । ഹൃദയ-മ്മയി । അഹമമൃതേ । അമൃത-മ്ബ്രഹ്മണി । ഓഷധിവനസ്പതയോ മേ ലോമസു ശ്രിതാഃ ॥ 19 ॥

ലോമാനി ഹൃദയേ । ഹൃദയ-മ്മയി । അഹമമൃതേ । അമൃത-മ്ബ്രഹ്മണി ।
ഇന്ദ്രോ മേ ബലേ ശ്രിതഃ । ബലഗ്ം ഹൃദയേ । ഹൃദയ-മ്മയി । അഹമമൃതേ ।
അമൃത-മ്ബ്രഹ്മണി । പര്ജന്യോ മേ മൂര്ധ്നി ശ്രിതഃ ॥ 20 ॥

മൂദ്ര്ധാ ഹൃദയേ । ഹൃദയ-മ്മയി । അഹമമൃതേ । അമൃത-മ്ബ്രഹ്മണി ।
ഈശാനോ മേ മന്യൌ ശ്രിതഃ । മന്യുര്-ഹൃദയേ । ഹൃദയ-മ്മയി । അഹമമൃതേ ।
അമൃത-മ്ബ്രഹ്മണി ।
ആത്മാ മ ആത്മനി ശ്രിതഃ( ) ॥ 21 ॥

ആത്മാ ഹൃദയേ । ഹൃദയ-മ്മയി । അഹമമൃതേ । അമൃത-മ്ബ്രഹ്മണി ।
പുനര്മ ആത്മാ പുനരായുരാഗാത് । പുനഃ പ്രാണഃ പുനരാകൂത-മാഗാത് ।
വൈശ്വാനരോ രശ്മിഭി ര്വാവൃധാനഃ । അന്തസ്തിഷ്ഠത്വമൃതസ്യ ഗോപാഃ ॥ 22 ॥

(സഹസ്രിണ - മിഹി - ശ്രോത്രാസാവേഹി - പ്രാണേ ശ്രിതോ - മനസി ശ്രിതോ - രേതസി ശ്രിതാ - ലോമസു ശ്രിതാ - മൂര്ധ്നി ശ്രിത - ആത്മനി ശ്രിതോ - +-ഽഷ്ടൌ ച) (അ. 8)
(അഗ്നി-ര്വായു-സ്സൂര്യ ശ്ചന്ദ്രമാ ദിശ ആപഃ പൃഥി വ്യോഷധിവനസ്പതയ ഇന്ദ്രഃ പര്ജന്യ ഈശാന ആത്മാ പുനര്മേ ത്രയോദശ)
അനുവാകം 9 - അനുവാകേഷു നവസു ലേഖാസു നാഭ്യാ-ഞ്ചേഷ്ടകോപധാനം സ്വയമാതൃണ്ണോപധാന-ഞ്ചോച്യതേ
പ്രജാപതി ര്ദേവാനസൃജത । തേ പാപ്മനാ സന്ദിതാ അജായന്ത । താന് വ്യദ്യത് । യ-ദ്വ്യദ്യത് । തസ്മാ-ദ്വിദ്യുത് । തമവൃശ്ചത് । യദവൃശ്ചത് । തസ്മാ-ദ്വൃഷ്ടിഃ । തസ്മാ-ദ്യത്രൈതേ ദേവതേ അഭിപ്രാപ്നുതഃ ।
വിച ഹൈവാസ്യ തത്ര പാപ്മാനന്ദ്യതഃ ॥ 23 ॥

വൃശ്ചതശ്ച ॥ സൈഷാ മീമാഗ്ംസാ-ഽഗ്നിഹോത്ര ഏവ സപന്ന്നാ । അഥോ ആഹുഃ ।
സര്വേഷു യജ്ഞക്രതുഷ്വിതി ॥
ഹോഷ്യന്നപ ഉപസ്പൃശേത് ।
വിദ്യുദസി വിദ്യമേ പാപ്മാനമിതി ।
അഥ ഹുത്വോപസ്പൃശേത് ।
വൃഷ്ടിരസി വൃശ്ച മേ പാപ്മാനമിതി ।
യക്ഷ്യമാണോ വേഷ്ട്വാ വാ । വി ച ഹൈവാസ്യൈതേ ദേവതേ പാപ്മാന-ന്ദ്യതഃ ॥ 24 ॥

വൃശ്ചതശ്ച ॥ അത്യഗ്ംഹോ ഹാരുണിഃ । ബ്രഹ്മചാരിണേ പ്രശ്നാ-ന്പ്രോച്യ പ്രജിഘായ ।
പരേഹി । പ്ലക്ഷ-ന്ദൈയാം (ദൈയ്യാം) പാതി-മ്പൃച്ഛ । വേത്ഥ സാവിത്രാം(3) ന വേത്ഥാ(3) ഇതി ।
തമാഗത്യ പപ്രച്ഛ । ആചാര്യോ മാ പ്രാഹൈഷീത് ।
വേത്ഥ സാവിത്രാം(3) ന വേത്ഥാ(3) ഇതി । സഹോവാച വേദേതി ॥ 25 ॥

സ കസ്മി-ന്പ്രതിഷ്ഠിത ഇതി । പരോരജസീതി ।
കസ്തദ്യ-ത്പരോരജാ ഇതി । ഏഷ വാവ സ പരോരജാ ഇതി ഹോവാച । യ ഏഷ തപതി ।
ഏഷോ ഽര്വാഗ്രജാ ഇതി । സ കസ്മി-ന്ത്വേഷ ഇതി । സത്യ ഇതി । കി-ന്തഥ്സത്യമിതി । തപ ഇതി ॥ 26 ॥

കസ്മിന്നു തപ ഇതി । ബല ഇതി ।
കി-ന്ത-ദ്ബലമിതി । പ്രാണ ഇതി ।
മാസ്മ പ്രാണമതി പൃച്ഛ ഇതി മാ-ഽഽചാര്യോ ഽബ്രവീദിതി ഹോവാച ബ്രഹ്മചാരീ ॥
സഹോവാച പ്ലക്ഷോ ദൈയാം (ദൈയ്യാം) പാതിഃ ।
യദ്വൈ ബ്രഹ്മചാരി-ന്പ്രാണമത്യപ്രക്ഷ്യഃ । മൂദ്ര്ധാ തേ വ്യപതിഷ്യത് ।
അഹമുത ആചാര്യാ-ച്ഛ്രേയാ-ന്ഭവിഷ്യാമി ।
യോ മാ സാവിത്രേ സമവാദിഷ്ടേതി ॥ 27 ॥

തസ്മാ-ഥ്സാവിത്രേ ന സംവഁദേത ॥
സ യോ ഹവൈ സാവിത്രം-വിഁദുഷാ സാവിത്രേ സംവഁദതേ । സഹാസ്മി-ഞ്ഛ്രിയ-ന്ദധാതി ।
അനു ഹവാ അസ്മാ അസൌ തപഞ്ഛ്രിയ-മ്മന്യതേ ।
അന്വസ്മൈ ശ്രീസ്തപോ മന്യതേ । അന്വസ്മൈ തപോ ബല-മ്മന്യതേ । അന്വസ്മൈ ബല-മ്പ്രാണ-മ്മന്യതേ ॥ സ യദാഹ ।
സജ്ഞാന്നം-വിഁജ്ഞാന-ന്ദര്ശാ ദൃഷ്ടേതി । ഏഷ ഏവ തത് ॥ 28 ॥

അഥ യദാഹ । പ്രസ്തുതം-വിഁഷ്ടുതഗ്ം സുതാ സുന്വതീതി । ഏഷ ഏവ തത് ॥ ഏഷ ഹ്യേവ താന്യഹാനി । ഏഷ രാത്രയഃ ॥ അഥ യദാഹ ।
ചിത്രഃ കേതു ര്ദാതാ പ്രദാതാ സവിതാ പ്രസവിതാ ഽഭിശാസ്താ ഽനുമന്തേതി । ഏഷ ഏവ തത് । ഏഷ ഹ്യേവ തേ-ഽഹ്നോ മുഹൂര്താഃ । ഏഷ രാത്രേഃ ॥ 29 ॥

അഥ യദാഹ । പവിത്ര-മ്പവയിഷ്യന്-ഥ്സഹസ്വാന്-ഥ്സഹീയാനരുണോ
-ഽരുണരജാ ഇതി । ഏഷ ഏവ തത് । ഏഷ ഹ്യേവ തേ ഽദ്ര്ധമാസാഃ । ഏഷ മാസാഃ ॥ അഥ യദാഹ ।
അഗ്നിഷ്ടോമ ഉക്ഥ്യോ-ഽഗ്നിര്-ഋതുഃ പ്രജാപതി-സ്സംവഁഥ്സര ഇതി । ഏഷ ഏവ തത് । ഏഷ ഹ്യേവ തേ യജ്ഞക്രതവഃ । ഏഷ ഋതവഃ ॥ 30 ॥

ഏഷ സംവഁഥ്സരഃ ॥ അഥ യദാഹ । ഇദാനീ-ന്തദാനീമിതി । ഏഷ ഏവ തത് । ഏഷ ഹ്യേവ തേ മുഹൂര്താനാ-മ്മുഹൂര്താഃ ॥ ജനകോ ഹ വൈ ദേഹഃ । അഹോരാത്രൈ-സ്സമാജഗാമ । തഗ്ം ഹോചുഃ । യോ വാ അസ്മാന്. വേദ । വിജഹത്-പാപ്മാനമേതി ॥ 31 ॥

സര്വ-മായുരേതി । അഭി സ്വര്ഗം-ലോഁക-ഞ്ജയതി ।
നാസ്യാ-മുഷ്മിന് ഁലോകേ-ഽന്ന-ങ്ക്ഷീയത ഇതി ॥ വിജഹദ്ധ വൈ പാപ്മാനമേതി ।
സര്വമായുരേതി । അഭി സ്വര്ഗം-ലോഁക-ഞ്ജയതി ।
നാസ്യാ-മുഷ്മിന് ഁലോകേ ഽന്ന-ങ്ക്ഷീയതേ ।
യ ഏവം-വേഁദ ॥ അഹീനാ ഹാശ്വത്ഥ്യഃ । സാവിത്രം-വിഁദാ-ഞ്ചകാര ॥ 32 ॥

സ ഹ ഹഗ്ംസോ ഹിരണ്മയോ ഭൂത്വാ । സ്വര്ഗം-ലോഁകമിയായ । ആദിത്യസ്യ സായുജ്യമ് ॥ ഹഗ്ംസോ ഹവൈ ഹിരണ്മയോ ഭൂത്വാ ।
സ്വര്ഗം-ലോഁകമേതി । ആദിത്യസ്യ സായുജ്യമ് । യ ഏവം-വേഁദ ॥ ദേവഭാഗോ ഹ ശ്രൌതര്ഷഃ । സാവിത്രം-വിഁദാ-ഞ്ചകാര ।
തഗ്ം ഹ വാഗദൃശ്യമാനാ ഽഭ്യുവാച ॥ 33 ॥

സര്വമ്ബത ഗൌതമോ വേദ । യ-സ്സാവിത്രം-വേഁദേതി । സ ഹോവാച । കൈഷാ വാഗസീതി । അയമഹഗ്ം സാവിത്രഃ । ദേവാനാ-മുത്തമോ ലോകഃ । ഗുഹ്യ-മ്മഹോ ബിഭ്രദിതി । ഏതാവതി ഹ ഗൌതമഃ ।
യജ്ഞോപവീത-ങ്കൃത്വാ-ഽധോ നിപപാത ।
നമോ നമ ഇതി ॥ 34 ॥

സ ഹോവാച । മാ ഭൈഷീ ര്ഗൌതമ । ജിതോ വൈ തേ ലോക ഇതി ॥ തസ്മാദ്യേ കേ ച സാവിത്രം-വിഁദുഃ । സര്വേ തേ ജിതലോകാഃ ॥ സ യോ ഹവൈ സാവിത്ര-സ്യാഷ്ടാക്ഷര-മ്പദഗ്ഗ് ശ്രിയാ ഽഭിഷിക്തം-വേഁദ । ശ്രിയാ ഹൈവാഭിഷിച്യതേ । ഘൃണിരിതി ദ്വേ അക്ഷരേ । സൂര്യ ഇതി ത്രീണി । ആദിത്യ ഇതി ത്രീണി ॥ 35 ॥

ഏതദ്വൈ സാവിത്ര-സ്യാഷ്ടാക്ഷര-മ്പദഗ്ഗ് ശ്രിയാഭിഷിക്തമ് । യ ഏവം-വേഁദ ।
ശ്രിയാ ഹൈവാഭിഷിച്യതേ ॥ തദേ-തദൃചാ-ഽഭ്യുക്തമ് । ഋചോ അക്ഷരേ പരമേ വ്യോമന്ന് ।
യസ്മി-ന്ദേവാ അധി വിശ്വേ നിഷേദുഃ ।
യസ്തന്ന വേദ കിമൃചാ കരിഷ്യതി । യ ഇ-ത്തദ്വിദുസ്ത ഇമേ സമാസത ഇതി ॥ ന ഹവാ ഏതസ്യര്ചാ ന യജുഷാ ന സാമ്നാ-ഽര്ഥോ-ഽസ്തി ।
യ-സ്സാവിത്രം-വേഁദ ॥ 36 ॥

തദേത-ത്പരി യദ്ദേവചക്രമ് ।
ആര്ദ്ര-മ്പിന്വമാനഗ്ഗ് സ്വര്ഗേ ലോക ഏതി ।
വിജഹ-ദ്വിശ്വാ ഭൂതാനി സപംശ്യത് ॥
ആര്ദ്രോ ഹ വൈ പിന്വമാന-സ്സ്വര്ഗേ ലോക ഏതി ।
വിജഹന് വിശ്വാ ഭൂതാനി സപംശ്യന്ന് । യ ഏവം-വേഁദ ॥ ശൂഷോ ഹവൈ വാര്ഷ്ണേയഃ । ആദിത്യേന സമാജഗാമ । തഗ്ം ഹോവാച ।
ഏഹി സാവിത്രം-വിഁദ്ധി । അയം-വൈഁ സ്വര്ഗ്യോ-ഽഗ്നിഃ പാരയിഷ്ണു-രമൃതാ-ഥ്സമ്ഭൂത ഇതി । ഏഷ വാവ സ സാവിത്രഃ ।
യ ഏഷ തപതി । ഏഹി മാം-വിഁദ്ധി । ഇതി ഹൈവൈന-ന്തദുവാച ॥ 37 ॥

(ദ്യതോ - ദ്യതോ - വേദേതി - തപ ഇതി - സമവാദിഷ്ടേതി - ത-ദ്- രാത്രേര്. - ഋതവഃ - ഏതി - ചകാരോ - വാച - നമ ഇത്യാ - ദിത്യ ഇതി ത്രീണി - സാവിത്രം-വേഁദ - വിദ്ധി പഞ്ച ച) (അ. 9)
(പ്രജാപതിര്ദേവാന് സജ്ഞാന്ന-മ്പ്രസ്തുത-ന്താന്യഹാന്യേഷ രാത്രയാസ്ചിത്ര കേതുസ്തേ-ഽഹ്നോ മുഹൂര്തോ രാത്രേഃ പവിത്ര-ന്തേ-ഽര്ധ മാസാ അഗ്നിഷ്ടോമോ യജ്ഞക്രതവ ഇദാനീ-മ്മുഹൂര്താനാ-ഞ്ജനകോ-ഽഹീനാ ദേവഭാഗഃ കൈഷാ വാമ്മ ശൂഷോ ഹ വൈ ഷോഡശ)
അനുവാകം 10 - അനുവാകേഷു നവസു ലേഖാസു നാഭ്യാ-ഞ്ചേഷ്ടകോപധാനം സ്വയമാതൃണ്ണോപധാന-ഞ്ചോച്യതേ
ഇയം-വാഁവ സരഘാ । തസ്യാ അഗ്നിരേവ സാരഘ-മ്മധു । യാ ഏതാഃ പൂര്വപക്ഷാ-പരപക്ഷയോ രാത്രയഃ । താ മധുകൃതഃ ।
യാന്യഹാനി । തേ മധുവൃഷാഃ ।
സ യോ ഹ വാ ഏതാ മധുകൃതശ്ച മധുവൃഷാഗ്ശ്ച വേദ ।
കുര്വന്തി ഹാസ്യൈതാ അഗ്നൌ മധു । നാസ്യേഷ്ടാപൂര്ത-ന്ധയന്തി ॥
അഥ യോ ന വേദ ॥ 38 ॥

ന ഹാസ്യൈതാ അഗ്നൌ മധു കുര്വന്തി । ധയന്ത്യസ്യേഷ്ടാപൂര്തമ് ॥
യോ ഹ വാ അഹോരാത്രാണാ-ന്നാമധേയാനി വേദ ।
നാഹോരാത്രേഷ്വാ-ര്തിമാര്ച്ഛതി । സജ്ഞാന്നം-വിഁജ്ഞാന-ന്ദര്ശാ ദൃഷ്ടേതി ।
ഏതാ-വനുവാകൌ പൂര്വപക്ഷസ്യാ-ഹോരാത്രാണാ-ന്നാമധേയാനി । പ്രസ്തുതം-വിഁഷ്ടുതഗ്ം സുതാ സുന്വതീതി । ഏതാവനു-വാകാവ-പരപക്ഷസ്യാ-ഹോരാത്രാണാ-ന്നാമധേയാനി ।
നാഹോരാത്രേഷ്വാ-ര്തിമാര്ച്ഛതി । യ ഏവം-വേഁദ ॥ 39 ॥

യോ ഹ വൈ മുഹൂര്താനാ-ന്നാമധേയാനി വേദ । ന മുഹൂര്തേഷ്വാ-ര്തിമാര്ച്ഛതി । ചിത്രഃ കേതു ര്ദാതാ പ്രദാതാ സവിതാ പ്രസവിതാ ഽഭിശാസ്താ ഽനുമന്തേതി । ഏതേ-ഽനുവാകാ മുഹൂര്താനാ-ന്നാമധേയാനി । ന മുഹൂര്തേഷ്വാ-ര്തിമാര്ച്ഛതി । യ ഏവം-വേഁദ ॥ യോ ഹ വാ അദ്ര്ധമാസാ-നാഞ്ച മാസാനാഞ്ച നാമധേയാനി വേദ ।
നാദ്ര്ധമാസേഷു ന മാസേഷ്വാ-ര്തിമാര്ച്ഛതി ।
പവിത്ര-മ്പവയിഷ്യന്-ഥ്സഹസ്വാന്-ഥ്സഹീയാനരുണോ ഽരുണരജാ ഇതി ।
ഏതേ-ഽനുവാകാ അദ്ര്ധമാസാനാഞ്ച മാസാനാഞ്ച നാമധേയാനി ॥ 40 ॥

നാദ്ര്ധമസേഷു ന മാസേഷ്വാ-ര്തിമാര്ച്ഛതി । യ ഏവം-വേഁദ ॥
യോ ഹ വൈ യജ്ഞക്രതൂനാ-ഞ്ചര്തൂനാ-ഞ്ച സംവഁഥ്സരസ്യ ച നാമധേയാനി വേദ ।
ന യജ്ഞക്രതുഷു നര്തുഷു ന സംവഁഥ്സര ആര്തിമാര്ച്ഛതി । അഗ്നിഷ്ടോമ ഉക്ഥ്യോ-ഽഗ്നിര്-ഋതുഃ പ്രജാപതി-സ്സംവഁഥ്സര ഇതി ।
ഏതേ ഽനുവാകാ യജ്ഞക്രതൂനാ-ഞ്ചര്തൂനാ-ഞ്ച സംവഁഥ്സരസ്യ ച നാമധേയാനി ।
ന യജ്ഞക്രതുഷു നര്തുഷു ന സംവഁഥ്സര ആര്തിമാര്ച്ഛതി । യ ഏവം-വേഁദ ॥
യോ ഹ വൈ മുഹൂര്താനാ-മ്മുഹൂര്താന്. വേദ ।
ന മുഹൂര്താനാ-മ്മുഹൂര്തേഷ്വാര്തി മാര്ച്ഛതി ॥ 41 ॥

ഇദാനീ-ന്തദാനീമിതി । ഏതേ വൈ മുഹൂര്താനാ-മ്മുഹൂര്താഃ । ന മുഹൂര്താനാ-മ്മുഹൂര്തേഷ്വാര്തി-മാര്ച്ഛതി । യ ഏവം-വേഁദ ॥
അഥോ യഥാ ക്ഷേത്രജ്ഞോ ഭൂത്വാ ഽനു പ്രവിശ്യാന്ന-മത്തി । ഏവമേവൈതാന് ക്ഷേത്രജ്ഞോ ഭൂത്വാ ഽനു പ്രവിശ്യാ-ന്നമത്തി । സ ഏതേഷാമേവ സലോകതാഗ്ം സായുജ്യ-മശ്നുതേ ।
അപ പുനര്മൃത്യു-ഞ്ജയതി । യ ഏവം-വേഁദ ॥ 42 ॥

(ന വേദൈ - വം-വേഁദാ - നുവാകാ അദ്ര്ധമാസാനാ-ഞ്ച മസാനാ-ഞ്ച നാമധേയാനി - മുഹൂര്തേഷ്വാര്തിമാര്ച്ഛതി - +നവ ച) (അ. 10)
(ഇയമഹോരാത്രാണാഗ്ം സജ്ഞാന്ന-മ്പൂര്വപക്ഷസ്യ പ്രസ്തുതമപരപക്ഷസ്യ മുഹൂര്താനാ-ഞ്ചിത്രഃ കേതുരദ്ര്ധമാസാനാ-മ്പവിത്രം-യഁജ്ഞക്രതൂനാമഗ്നിഷ്ടോമോ യജ്ഞക്രതൂനാമിദാനീ-മ്മുഹൂര്താനാ-മ്മുഹൂര്താന്. വേദേദാനീമഥോ ദ്വാദശ)
അനുവാകം 11 - അനുവാകേഷു നവസു ലേഖാസു നാഭ്യാ-ഞ്ചേഷ്ടകോപധാനം സ്വയമാതൃണ്ണോപധാന-ഞ്ചോച്യതേ
കശ്ചിദ്ധവാ അസ്മാ-ല്ലോകാ-ത്പ്രേത്യ । ആത്മാനം-വേഁദ । അയ-മഹ-മസ്മീതി । കശ്ചിഥ്സ്വം-ലോഁക-ന്ന പ്രതി പ്രജാനാതി ॥ അഗ്നിമുഗ്ധോ ഹൈവ ധുമതാന്തഃ । സ്വം-ലോഁക-ന്ന പ്രതി പ്രജാനാതി ।
അഥ യോ ഹൈവൈത-മഗ്നിഗ്ം സാവിത്രം-വേഁദ ।
സ ഏവാസ്മാ ല്ലോകാ-ത്പ്രേത്യ । ആത്മാനം-വേഁദ ।
അയ-മഹ-മസ്മീതി ॥ 43 ॥

സ സ്വം-ലോഁക-മ്പ്രതി പ്രജാനാതി ॥ ഏഷ ഉ വേവൈന-ന്തഥ്സാവിത്രഃ । സ്വര്ഗം-ലോഁക-മഭിവഹതി ॥ അഹോരാത്രൈ ര്വാ ഇദഗ്ം സയുഗ്ഭിഃ ക്രിയതേ । ഇതി രാത്രായാ ദീക്ഷിഷത । ഇതി രാത്രായ വ്രത-മുപാഗുരിതി । താനി ഹാനേവം-വിഁദുഷഃ । അമുഷ്മിന് ഁലോകേ ശേവധി-ന്ധയന്തി ।
ധീതഗ്ം ഹൈവ സ ശേവധി-മനുപരൈതി ॥
അഥ യോ ഹൈവൈതമഗ്നിഗ്ം സാവിത്രം-വേഁദ ॥ 44 ॥

തസ്യ ഹൈവാ-ഹോരാത്രാണി । അമുഷ്മിന് ഁലോകേ ശേവധി-ന്ന ധയന്തി ।
അധീതഗ്ം ഹൈവ സ ശേവധി-മനുപരൈതി ॥
ഭരദ്വാജോ ഹ ത്രിഭിരായുര്ഭി ര്ബ്രഹ്മചര്യമുവാസ ।
തഗ്ം ഹ ജീര്ണിഗ്ഗ് സ്ഥവിരഗ്ം ശയാനമ് ।
ഇന്ദ്ര ഉപവ്രജ്യോ വാച । ഭരദ്വാജ । യത്തേ ചതുര്ഥമായുര്ദദ്യാമ് । കിമേനേന കുര്യാ ഇതി । ബ്രഹ്മചര്യമേവൈനേന ചരേയമിതി ഹോവാച ॥ 45 ॥

തഗ്ം ഹ ത്രീ-ന്ഗിരി-രൂപാന വിജ്ഞാതാനിവ ദര്ശയാ-ഞ്ചകാര । തേഷാഗ്ം ഹൈകൈകസ്മാ-ന്മുഷ്ടിനാ-ഽഽദദേ । സ ഹോവാച ।
ഭരദ്വാജേത്യാമന്ത്ര്യ । വേദാ വാ ഏതേ । അനന്താ വൈ വേദാഃ । ഏതദ്വാ ഏതൈ സ്ത്രിഭി-രായുര്ഭി-രന്വവോചഥാഃ । അഥ ത ഇതര-ദനനൂക്തമേവ । ഏഹീമം-വിഁദ്ധി । അയം-വൈഁ സര്വ വിദ്യേതി ॥ 46 ॥

തസ്മൈ ഹൈതമഗ്നിഗ്ം സാവിത്രമുവാച । തഗ്ം സ വിദിത്വാ । അമൃതോ ഭൂത്വാ । സ്വര്ഗം-ലോഁകമിയായ । ആദിത്യസ്യ സായുജ്യമ് ॥
അമൃതോ ഹൈവ ഭൂത്വാ । സ്വര്ഗം-ലോഁകമേതി । ആദിത്യസ്യ സായുജ്യമ് । യ ഏവം-വേഁദ ॥ ഏഷോ ഏവ ത്രയീ വിദ്യാ ॥ 47 ॥

യാവന്തഗ്ം ഹ വൈ ത്രയ്യാ വിദ്യയാ ലോക-ഞ്ജയതി । താവന്തം-ലോഁക-ഞ്ജയതി । യ ഏവം-വേഁദ ॥ അഗ്നേ ര്വാ ഏതാനി നാമധേയാനി ।
അഗ്നേരേവ സായുജ്യഗ്ം സലോകതാ-മാപ്നോതി ।
യ ഏവം-വേഁദ । വായോ ര്വാ ഏതാനി നാമധേയാനി । വായോരേവ സായുജ്യഗ്ം സലോകതാ-മാപ്നോതി । യ ഏവം-വേഁദ । ഇന്ദ്രസ്യ വാ ഏതാനി നാമധേയാനി ॥ 48 ॥

ഇന്ദ്രസ്യൈവ സായുജ്യഗ്ം സലോകതാ-മാപ്നോതി । യ ഏവം-വേഁദ ।
ബൃഹസ്പതേ ര്വാ ഏതാനി നാമധേയാനി ।
ബൃഹസ്പതേരേവ സായുജ്യഗ്ം സലോകതാ-മാപ്നോതി ।
യ ഏവം-വേഁദ । പ്രജാപതേ ര്വാ ഏതാനി നാമധേയാനി । പ്രജാപതേരേവ സായുജ്യഗ്ം സലോകതാ-മാപ്നോതി । യ ഏവം-വേഁദ ।
ബ്രഹ്മണോ വാ ഏതാനി നാമധേയാനി ।
ബ്രഹ്മണ ഏവ സായുജ്യഗ്ം സലോകതാ-മാപ്നോതി ।
യ ഏവം-വേഁദ ॥ സ വാ ഏഷോ-ഽഗ്നി-രപക്ഷപുച്ഛോ വായുരേവ ।
തസ്യാഗ്നി ര്മുഖമ് । അസാവാദിത്യ-ശ്ശിരഃ ।
സ യദേതേ ദേവതേ അന്തരേണ ।
തഥ്സര്വഗ്ം സീവ്യതി । തസ്മാ-ഥ്സാവിത്രഃ ॥ 49 ॥
(അയമഹമസ്മീതി - വേദ - ഹോവാച - സര്വവിദ്യേതി - വിദ്യേ - ന്ദ്രസ്യ വാ ഏതാനി നാമധേയാനി - ബ്രഹ്മണ ഏവ സായുജ്യഗ്ം സലോകതാമാപ്നോതി സപ്ത ച) । (അ. 11)
(അഗ്നേര്വായോരിന്ദ്രസ്യ ബൃഹസ്പതേഃ പ്രജാപതേ-ര്ബ്രഹ്മണ-സ്സ വൈ സപ്ത)
(സഞ്ജ്ഞാനം - ഭൂ - സ്ത്വമേവ - സംവഁഥ്സരോ-ഽസി - ഭൂ - രാജ്ഞ്യ - സവ-വിപശ്ചിതേ - പ്രജാപതി-ര്ദേവാ - നിയം-വാഁവ സരഘാ - കശ്ചിദ്ധൈകാദശ)
(സഞ്ജ്ഞാനഗ്ം - രാജ്ഞീ - മൂദ്ര്ധാ ഹൃദയ - ഏഷ സംവഁഥ്സരോ - നാദ്ര്ധമാസേഷു നവചത്വാരിഗ്ംശത്)
(സഞ്ജ്ഞാനഗ്ം - സാവിത്രഃ)
॥ ഹരിഃ ഓമ് ॥