1.5 - দেবাসুরাঃ সংযত্তা আসন্ন্ - কৃষ্ণ যজুর্বেদ তৈত্তিরীয সংহিতা পাঠঃ

কৃষ্ণ যজুর্বেদীয তৈত্তিরীয সংহিতাযা-ম্প্রথমকাণ্ডে পঞ্চমঃ প্রশ্নঃ - পুনরাধানং
ও-ন্নমঃ পরমাত্মনে, শ্রী মহাগণপতযে নমঃ,

শ্রী গুরুভ্যো নমঃ । হরিঃ ওম্ ॥
দেবাসুরা-স্সংযঁত্তা আসন্তে দেবা বিজযমুপযন্তো ঽগ্নৌ বামং-বঁসু স-ন্ন্যদধতেদমু নো ভবিষ্যতি যদি নো জেষ্যন্তীতি তদগ্নির্ন্যকামযত তেনাপাক্রাম-ত্তদ্দেবা বিজিত্যাবরুরুথ্সমানা অন্বায-ন্তদস্য সহসা-ঽঽদিথ্সন্ত সো ঽরোদীদ্যদরোদী-ত্ত-দ্রুদ্রস্য রুদ্রত্বং-যঁদশ্র্বশীযত ত- [তত্, রজতগ্ং] 1
দ্রজতগ্ং হিরণ্যমভব-ত্তস্মা-দ্রজতগ্ং হিরণ্য-মদক্ষিণ্য-মশ্রুজগ্ং হি যো বর্হিষি দদাতি পুরা-ঽস্য সংবঁথ্সরা-দ্গৃহে রুদন্তি তস্মা-দ্বর্হিষি ন দেযগ্ং সো-ঽগ্নিরব্রবী-দ্ভাগ্যসান্যথ ব ইদমিতি পুনরাধেয-ন্তে কেবলমিত্যব্রুব-ন্নৃদ্ধ্নব-ত্খলু স ইত্যব্রবীদ্যো মদ্দেবত্য-মগ্নি-মাদধাতা ইতি ত-ম্পূষা-ঽঽধত্ত তেন [ ] 2
পূষা-ঽঽর্ধ্নো-ত্তস্মা-ত্পৌষ্ণাঃ পশব উচ্যন্তে ত-ন্ত্বষ্টা-ঽঽধত্ত তেন ত্বষ্টা-ঽঽর্ধ্নো-ত্তস্মা-ত্ত্বাষ্ট্রাঃ পশব উচ্যন্তে ত-ম্মনুরা-ঽধত্ত তেন মনুরার্ধ্নো-ত্তস্মান্মানব্যঃ প্রজা উচ্যন্তে ত-ন্ধাতা-ঽঽধত্ত তেন ধাতা-ঽঽর্ধ্নো-থ্সংবঁথ্সরো বৈ ধাতা তস্মা-থ্সংবঁথ্সর-ম্প্রজাঃ পশবো-ঽনু প্র জাযন্তে য এব-ম্পুনরাধেযস্যর্ধিং-বেঁদ- [এব-ম্পুনরাধেযস্যর্ধিং-বেঁদ, ঋধ্নোত্যেব] 3
-র্ধ্নোত্যেব যো-ঽস্যৈব-ম্বন্ধুতাং-বেঁদ বন্ধুমা-ন্ভবতি ভাগধেযং-বাঁ অগ্নিরাহিত ইচ্ছমানঃ প্রজা-ম্পশূন্ যজমানস্যোপ দোদ্রাবোদ্বাস্য পুনরা দধীত ভাগধেযেনৈবৈনগ্ং সমর্ধযত্যথো শান্তিরেবাস্যৈষা পুনর্বস্বোরা দধীতৈতদ্বৈ পুনরাধেযস্য নক্ষত্রং-যঁ-ত্পুনর্বসূ স্বাযামেবৈন-ন্দেবতাযামাধায ব্রহ্মবর্চসী ভবতি দর্ভৈ রা দধাত্যযাতযামত্বায দর্ভৈরা দধাত্যদ্ভ্য এবৈনমোষধীভ্যো ঽবরুদ্ধ্যা ঽঽধত্তে পঞ্চকপালঃ পুরোডাশো ভবতি পঞ্চ বা ঋতব ঋতুভ্য এবৈনমবরুদ্ধ্যা ঽঽধত্তে ॥ 4 ॥

(অশীযত তত্- তেন-বেদ- দর্ভৈঃ পঞ্চবিগ্ংশতিশ্চ) (অ. 1)
পরা বা এষ যজ্ঞ-ম্পশূন্ বপতি যো-ঽগ্নিমুদ্বাসযতে পঞ্চকপালঃ পুরোডাশো ভবতি পাঙ্ক্তো যজ্ঞঃ পাঙ্ক্তাঃ পশবো যজ্ঞমেব পশূনব রুন্ধে বীরহা বা এষ দেবানাং-যোঁ-ঽগ্নিমুদ্বাসযতে ন বা এতস্য ব্রাহ্মণা ঋতাযবঃ পুরা-ঽন্নমক্ষ-ন্পঙ্ক্ত্যো যাজ্যানুবাক্যা ভবন্তি পাঙ্ক্তো যজ্ঞঃ পাঙ্ক্তঃ পুরুষো দেবানেব বীর-ন্নিরবদাযাগ্নি-ম্পুনরা [পুনরা, ধত্তে শতাক্ষরা ভবন্তি] 5
ধত্তে শতাক্ষরা ভবন্তি শতাযুঃ পুরুষ-শ্শতেন্দ্রিয আযুষ্যেবেন্দ্রিযে প্রতি তিষ্ঠতি যদ্বা অগ্নিরাহিতো নর্ধ্যতে জ্যাযো ভাগধেয-ন্নিকামযমানো যদাগ্নেযগ্ং সর্ব-ম্ভবতি সৈবাস্যর্ধি-স্সং-বাঁ এতস্য গৃহে বাক্ সৃজ্যতে যো-ঽগ্নিমুদ্বাসযতে স বাচগ্ং সগ্ংসৃষ্টাং-যঁজমান ঈশ্বরো-ঽনু পরাভবিতো-র্বিভক্তযো ভবন্তি বাচো বিধৃত্যৈ যজমানস্যা-ঽপরাভাবায [-ঽপরাভাবায, বিভক্তি-ঙ্করোতি] 6
বিভক্তি-ঙ্করোতি ব্রহ্মৈব তদকরুপাগ্ংশু যজতি যথা বামং-বঁসু বিবিদানো গূহতি তাদৃগেব তদগ্নি-ম্প্রতি স্বিষ্টকৃত-ন্নিরাহ যথা বামং-বঁসু বিবিদানঃ প্রকাশ-ঞ্জিগমিষতি তাদৃগেব তদ্বিভক্তিমুক্ত্বা প্রযাজেন বষট্করোত্যাযতনাদেব নৈতি যজমানো বৈ পুরোডাশঃ পশব এতে আহুতী যদভিতঃ পুরোডাশমেতে আহুতী [ ] 7
জুহোতি যজমানমেবোভযতঃ পশুভিঃ পরি গৃহ্ণাতি কৃতযজু-স্সম্ভৃতসম্ভার ইত্যাহুর্ন সম্ভৃত্যা-স্সম্ভারা ন যজুঃ কর্তব্যমিত্যথো খলু সম্ভৃত্যা এব সম্ভারাঃ কর্তব্যং-যঁজু-র্যজ্ঞস্য সমৃদ্ধ্যৈ পুনর্নিষ্কৃতো রথো দক্ষিণা পুনরুথ্স্যূতং-বাঁসঃ পুনরুথ্সৃষ্টো-ঽনড্বা-ন্পুনরাধেযস্য সমৃদ্ধ্যৈ সপ্ত তে অগ্নে সমিধঃ সপ্ত জিহ্বা ইত্যগ্নিহোত্র-ঞ্জুহোতি যত্রযত্রৈবাস্য ন্যক্ত-ন্তত [ন্যক্ত-ন্ততঃ, এবৈনমব রুন্ধে] 8
এবৈনমব রুন্ধে বীরহা বা এষ দেবানাং-যোঁ-ঽগ্নিমুদ্বাসযতে তস্য বরুণ এবর্ণযাদাগ্নিবারুণ-মেকাদশকপালমনু নির্বপেদ্য-ঞ্চৈব হন্তি যশ্চাস্যর্ণযাত্তৌ ভাগধেযেন প্রীণাতি না-ঽঽর্তিমার্চ্ছতি যজমানঃ ॥ 9 ॥

(আ-ঽপরাভাবায-পুরোডাশমেতে-আহুতী-ততঃ -ষটত্রিগ্ংশচ্চ) (অ. 2)
ভূমি-র্ভূম্না দ্যৌ-র্বরিণা-ঽন্তরিক্ষ-ম্মহিত্বা । উপস্থে তে দেব্যদিতে ঽগ্নিমন্নাদমন্নাদ্যাযা-ঽঽদধে ॥ আ-ঽয-ঙ্গৌঃ পৃশ্ঞিরক্রমীদসন-ন্মাতর-ম্পুনঃ । পিতর-ঞ্চ প্রযন্-থ্সুবঃ ॥ ত্রিগ্ংশদ্ধাম বি রাজতি বা-ক্পতঙ্গায শিশ্রিযে । প্রত্যস্য বহ দ্যুভিঃ ॥ অস্য প্রাণাদপানত্যন্তশ্চরতি রোচনা । ব্যখ্য-ন্মহিষ-স্সুবঃ ॥ যত্ত্বা [ ] 10
ক্রুদ্ধঃ পরোবপ মন্যুনা যদবর্ত্যা । সুকল্পমগ্নে তত্তব পুনস্ত্বোদ্দীপযামসি ॥যত্তে মন্যুপরোপ্তস্য পৃথিবীমনু দদ্ধ্বসে । আদিত্যা বিশ্বে তদ্দেবা বসবশ্চ সমাভরন্ন্ ॥ মনো জ্যোতি-র্জুষতামাজ্যং-বিঁচ্ছিন্নং-যঁজ্ঞগ্ং সমিম-ন্দধাতু । বৃহস্পতিস্তনুতামিম-ন্নো বিশ্বে দেবা ইহ মাদযন্তাম্ ॥ সপ্ত তে অগ্নে সমিধঃ সপ্ত জিহ্বা-স্সপ্ত- [জিহ্বা-স্সপ্ত, ঋষয-স্সপ্ত ধাম] 11
-র্ষয-স্সপ্ত ধাম প্রিযাণি । সপ্ত হোত্রা-স্সপ্তধা ত্বা যজন্তি সপ্ত যোনীরা পৃণস্বা ঘৃতেন ॥ পুনরূর্জা নি বর্তস্ব পুনরগ্ন ইষা-ঽঽযুষা । পুনর্নঃ পাহি বিশ্বতঃ ॥ সহ রয্যা নি বর্তস্বাগ্নে পিন্বস্ব ধারযা । বিশ্বফ্স্নিযা বিশ্বতস্পরি ॥ লেক-স্সলেক-স্সুলেকস্তে ন আদিত্যা আজ্য-ঞ্জুষাণা বিযন্তু কেত-স্সকেত-স্সুকেতস্তে ন আদিত্যা আজ্য-ঞ্জুষাণা বিযন্তু বিবস্বাগ্ং অদিতি-র্দেবজূতিস্তে ন আদিত্যা আজ্য-ঞ্জুষাণা বিযন্তু ॥ 12 ॥

(ত্বা-জিহ্বা-স্সপ্ত-সুকেতস্তে ন-স্ত্রযোদশ চ ) (অ. 3)
ভূমি-র্ভূম্না দ্যৌ-র্বরিণেত্যাহা-ঽঽশিষৈবৈনমা ধত্তে সর্পা বৈ জীর্যন্তো ঽমন্যন্ত স এত-ঙ্কসর্ণীরঃ কাদ্রবেযো মন্ত্রমপশ্য-ত্ততো বৈ তে জীর্ণাস্তনূরপাঘ্নত সর্পরাজ্ঞিযা ঋগ্ভি-র্গার্হপত্যমা দধাতি পুনর্নবমেবৈনমজর-ঙ্কৃত্বা ঽঽধত্তে-ঽথো পূতমেব পৃথিবীমন্নাদ্য-ন্নোপা-ঽনমথ্সৈত- [নোপা-ঽনমথ্সৈতম্, মন্ত্রমপশ্য-ত্ততো বৈ] 13
-ম্মন্ত্রমপশ্য-ত্ততো বৈ তামন্নাদ্য-মুপানমদ্যথ্ -সর্পরাজ্ঞিযা ঋগ্ভি-র্গার্হপত্য-মাদধাত্যন্নাদ্যস্যাবরুদ্ধ্যা অথো অস্যামেবৈন-ম্প্রতিষ্ঠিতমা ধত্তে যত্ত্বা ক্রুদ্ধঃ পরোবপেত্যাহাপহ্নুত এবাস্মৈ ত-ত্পুনস্ত্বোদ্দীপযামসীত্যাহ সমিন্ধ এবৈনং-যঁত্তে মন্যুপরোপ্তস্যেত্যাহ দেবতাভিরেবৈ- [দেবতাভিরেব, এনগ্ং স-ম্ভরতি বি বা] 14
-নগ্ং স-ম্ভরতি বি বা এতস্য যজ্ঞশ্ছিদ্যতে যো-ঽগ্নিমুদ্বাসযতে বৃহস্পতিবত্যর্চোপ তিষ্ঠতে ব্রহ্ম বৈ দেবানা-ম্বৃহস্পতি-র্ব্রহ্মণৈব যজ্ঞগ্ং স-ন্দধাতি বিচ্ছিন্নং-যঁজ্ঞগ্ং সমিম-ন্দধাত্বিত্যাহ সন্তত্যৈ বিশ্বে দেবা ইহ মাদযন্তামিত্যাহ সন্তত্যৈব যজ্ঞ-ন্দেবেভ্যো-ঽনু দিশতি সপ্ত তে অগ্নে সমিধঃ সপ্ত জিহ্বা [জিহ্বাঃ, ইত্যাহ] 15
ইত্যাহ সপ্তসপ্ত বৈ সপ্তধা-ঽগ্নেঃ প্রিযাস্তনুবস্তা এবাব রুন্ধে পুনরূর্জা সহ রয্যেত্যভিতঃ পুরোডাশমাহুতী জুহোতি যজমানমেবোর্জা চ রয্যা চোভযতঃ পরি গৃহ্ণাত্যাদিত্যা বা অস্মাল্লোকাদমুং-লোঁকমায-ন্তে-ঽমুষ্মিন্ ঁলোকে ব্যতৃষ্য-ন্ত ইমং-লোঁক-ম্পুনরভ্যবেত্যা ঽগ্নিমাধাযৈ-তান্. হোমানজুহবুস্ত আর্ধ্নুব-ন্তে সুবর্গং-লোঁকমাযন্. যঃ পরাচীন-ম্পুনরাধেযাদগ্নিমাদধীত স এতান্. হোমান্ জুহুযাদ্যামেবা-ঽঽদিত্যা ঋদ্ধিমার্ধ্নুব-ন্তামেবর্ধ্নোতি ॥ 16 ॥

(সৈতং-দেবতাভিরেব-জিহ্বা-এতান্-পঞ্চবিগ্ংশতিশ্চ ) (অ. 4)
উপপ্রযন্তো অদ্ধ্বর-ম্মন্ত্রং-বোঁচেমাগ্নযে । আরে অস্মে চ শৃণ্বতে ॥ অস্য প্রত্নামনু দ্যুতগ্ং শুক্র-ন্দুদুহ্রে অহ্রযঃ । পযঃ সহস্রসামৃষিম্ ॥ অগ্নি-র্মূর্ধা দিবঃ ককুত্পতিঃ পৃথিব্যা অযম্ । অপাগ্ং রেতাগ্ংসি জিন্বতি ॥ অযমিহ প্রথমো ধাযি ধাতৃভির্ হোতা যজিষ্ঠো অধ্বরেষ্বীড্যঃ ॥ যমপ্নবানো ভৃগবো বিরুরুচুর্বনেষু চিত্রং-বিঁভুবং-বিঁশেবিশে ॥ উভা বামিন্দ্রাগ্নী আহুবদ্ধ্যা [আহুবদ্ধ্যৈ, উভা] 17
উভা রাধস-স্সহ মাদযদ্ধ্যৈ । উভা দাতারাবিষাগ্ং রযীণামুভা বাজস্য সাতযে হুবে বাম্ ॥ অয-ন্তে যোনির্-ঋত্বিযো যতো জাতো অরোচথাঃ । ত-ঞ্জানন্নগ্ন আ রোহাথা নো বর্ধযা রযিম্ ॥ অগ্ন আযূগ্ংষি পবস আ সুবোর্জমিষ-ঞ্চ নঃ । আরে বাধস্ব দুচ্ছুনাম্ ॥ অগ্নে পবস্ব স্বপা অস্মে বর্চঃ সুবীর্যম্ । দধত্পোষগ্ং রযি- [রযিম্, ম্মযি ।] 18
-ম্মযি ॥ অগ্নে পাবক রোচিষা মন্দ্রযা দেব জিহ্বযা । আ দেবান্. বক্ষি যক্ষি চ ॥ স নঃ পাবক দীদিবো-ঽগ্নে দেবাগ্ং ইহা ঽঽবহ । উপ যজ্ঞগ্ং হবিশ্চ নঃ ॥ অগ্নি-শ্শুচিব্রততম-শ্শুচি-র্বিপ্র-শ্শুচিঃ কবিঃ । শুচী রোচত আহুতঃ ॥ উদগ্নে শুচযস্তব শুক্রা ভ্রাজন্ত ঈরতে । তব জ্যোতীগ্ষ্যর্চযঃ ॥ আযুর্দা অগ্নে-ঽস্যাযুর্মে [অগ্নে-ঽস্যাযুর্মে, দেহি বর্চোদা] 19
দেহি বর্চোদা অগ্নে-ঽসি বর্চো মে দেহি তনূপা অগ্নে-ঽসি তনুব-ম্মে পাহ্যগ্নে যন্মে তনুবা ঊন-ন্তন্ম আ পৃণ চিত্রাবসো স্বস্তি তে পারমশীযেন্ধানাস্ত্বা শতগ্ং হিমা দ্যুমন্ত-স্সমিধীমহি বযস্বন্তো বযস্কৃতং-যঁশস্বন্তো যশস্কৃতগ্ং সুবীরাসো অদাভ্যম্ । অগ্নে সপত্নদম্ভনং-বঁর্ষিষ্ঠে অধি নাকে ॥ স-ন্ত্বমগ্নে সূর্যস্য বর্চসা ঽগথা-স্সমৃষীণাগ্ স্তুতেন স-ম্প্রিযেণ ধাম্না । ত্বমগ্নে সূর্যবর্চা অসি স-ম্মামাযুষা বর্চসা প্রজযা সৃজ ॥ 20 ॥

(আহুবদ্ধ্যৈ-পোষগ্ং রযিং-মে-বর্চসা-সপ্তদশ চ ) (অ. 5)
স-ম্পশ্যামি প্রজা অহ-মিডপ্রজসো মানবীঃ । সর্বা ভবন্তু নো গৃহে । অম্ভ-স্স্থাম্ভো বো ভক্ষীয মহঃ স্থ মহো বো ভক্ষীয সহঃ স্থ সহো বো ভক্ষীযোর্জ-স্স্থোর্জং-বোঁ ভক্ষীয রেবতী রমদ্ধ্ব-মস্মিন্ ঁলোকে-ঽস্মি-ন্গোষ্ঠে-ঽস্মিন্ ক্ষযে-ঽস্মিন্ যোনাবিহৈব স্তেতো মা-ঽপ গাত বহ্বীর্মে ভূযাস্ত [ভূযাস্ত, সগ্ংহিতা-ঽসি] 21
সগ্ংহিতা-ঽসি বিশ্বরূপীরা মোর্জা বিশা ঽঽগৌপত্যেনা ঽঽরাযস্পোষেণ সহস্রপোষং-বঃ ঁপুষ্যাস-ম্মযি বো রাযঃ শ্রযন্তাম্ ॥ উপ ত্বা-ঽগ্নে দিবেদিবে দোষাবস্তর্ধিযা বযম্ । নমো ভরন্ত এমসি ॥ রাজন্তমদ্ধ্বরাণা-ঙ্গোপামৃতস্য দীদিবিম্ । বর্ধমানগ্গ্ স্বে দমে ॥ স নঃ পিতেব সূনবে-ঽগ্নে সূপাযনো ভব । সচস্বা ন-স্স্বস্তযে ॥ অগ্নে [অগ্নে, ত্ব-ন্নো অন্তমঃ ।] 22
ত্ব-ন্নো অন্তমঃ । উত ত্রাতা শিবো ভব বরূত্থ্যঃ ॥ ত-ন্ত্বা শোচিষ্ঠ দীদিবঃ । সুম্নায নূনমীমহে সখিভ্যঃ ॥ বসুরগ্নি-র্বসুশ্রবাঃ । অচ্ছা নক্ষি দ্যুমত্তমো রযি-ন্দাঃ ॥ ঊর্জা বঃ পশ্যাম্যূর্জা মা পশ্যত রাযস্পোষেণ বঃ পশ্যামি রাযস্পোষেণ মা পশ্যতেডা-স্স্থ মধুকৃতঃ স্যোনা মা ঽঽবিশতেরা মদঃ । সহস্রপোষং-বঃ ঁপুষ্যাস- [পুষ্যাসম্, মযি] 23
ম্মযি বো রাযঃ শ্রযন্তাম্ ॥ তথ্সবিতু-র্বরেণ্য-ম্ভর্গো দেবস্য ধীমহি । ধিযো যোনঃ প্রচোদযাত্ ॥ সোমানগ্গ্ স্বরণ-ঙ্কৃণুহি ব্রহ্মণস্পতে । কক্ষীবন্তং-যঁ ঔশিজম্ ॥ কদা চন স্তরীরসি নেন্দ্র সশ্চসি দাশুষে ॥ উপোপেন্নু মঘব-ন্ভুয ইন্নু তে দান-ন্দেবস্য পৃচ্যতে ॥ পরি ত্বা-ঽগ্নে পুরং-বঁযং-বিঁপ্রগ্ং সহস্য ধীমহি ॥ ধৃষদ্বর্ণ-ন্দিবেদিবে ভেত্তার-ম্ভঙ্গুরাবতঃ ॥ অগ্নে গৃহপতে সুগৃহপতিরহ-ন্ত্বযা গৃহপতিনা ভূযাসগ্ং সুগৃহপতির্মযা ত্ব-ঙ্গৃহপতিনা ভূযা-শ্শতগ্ং হিমাস্তামাশিষমা শাসে তন্তবে জ্যোতিষ্মতী-ন্তামাশিষমা শাসে-ঽমুষ্মৈ জ্যোতিষ্মতীম্ ॥ 24 ॥

(ভূযাস্ত-স্বস্তযে-ঽগ্নে-পুষ্যাসং-ধৃষদ্বর্ণ-মেকান্নত্রিগ্ংশচ্চ ) (অ. 6)
অযজ্ঞো বা এষ যো-ঽসামোপপ্রযন্তো অদ্ধ্বরমিত্যাহ স্তোমমেবাস্মৈ যুনক্ত্যুপেত্যাহ প্রজা বৈ পশব উপেমং-লোঁক-ম্প্রজামেব পশূনিমং-লোঁকমুপৈত্যস্য প্রত্নামনু দ্যুতমিত্যাহ সুবর্গো বৈ লোকঃ প্রত্ন-স্সুবর্গমেব লোকগ্ং সমারোহত্যগ্নি-র্মূর্ধা দিবঃ ককুদিত্যাহ মূর্ধান- [মূর্ধানম্, এবৈনগ্ং] 25
মেবৈনগ্ং সমানানা-ঙ্করোত্যথো দেবলোকাদেব মনুষ্যলোকে প্রতি তিষ্ঠত্যযমিহ প্রথমো ধাযি ধাতৃভিরিত্যাহ মুখ্যমেবৈন-ঙ্করোত্যুভা বামিন্দ্রাগ্নী আহুবদ্ধ্যা ইত্যাহৌজো বলমেবাব রুন্ধে ঽয-ন্তে যোনির্-ঋত্বিয ইত্যাহ পশবো বৈ রযিঃ পশূনেবাব রুন্ধে ষড্ভিরুপ তিষ্ঠতে ষড্বা [ষড্বৈ, ঋতব ঋতুষ্বেব] 26
ঋতব ঋতুষ্বেব প্রতি তিষ্ঠতি ষড্ভিরুত্তরাভিরুপ তিষ্ঠতে দ্বাদশ স-ম্পদ্যন্তে দ্বাদশ মাসা-স্সংবঁথ্সর-স্সংঁবথ্সর এব প্রতি তিষ্ঠতি যথা বৈ পুরুষো-ঽশ্বো গৌ-র্জীর্যত্যেব-মগ্নিরাহিতো জীর্যতি সংবঁথ্সরস্য পরস্তাদাগ্নিপাবমানীভি-রুপ তিষ্ঠতে পুনর্নব-মেবৈন-মজর-ঙ্করোত্যথো পুনাত্যেবোপ তিষ্ঠতে যোগ এবাস্যৈষ উপ তিষ্ঠতে [উপ তিষ্ঠতে, দম এবাস্যৈষ] 27
দম এবাস্যৈষ উপ তিষ্ঠতে যাচ্ঞৈবা-ঽস্যৈষোপ তিষ্ঠতে যথা পাপীযাঞ্ছ্রেযস আহৃত্য নমস্যতি তাদৃগেব তদাযুর্দা অগ্নে-ঽস্যাযুর্মে দেহীত্যাহা-ঽঽযুর্দা হ্যেষ বর্চোদা অগ্নে-ঽসি বর্চো মে দেহীত্যাহ বর্চোদা হ্যেষ তনূপা অগ্নে-ঽসি তনুব-ম্মে পাহীত্যাহ [পাহীত্যাহ, তনূপা] 28
তনূপা হ্যেষো-ঽগ্নে যন্মে তনুবা ঊন-ন্তন্ম আ পৃণেত্যাহ যন্মে প্রজাযৈ পশূনামূন-ন্তন্ম আ পূরযেতি বাবৈতদাহ চিত্রাবসো স্বস্তি তে পারমশীযেত্যাহ রাত্রি-র্বৈ চিত্রাবসুরব্যুষ্ট্যৈ বা এতস্যৈ পুরা ব্রাহ্মণা অভৈষু-র্ব্যুষ্টিমেবাব রুন্ধ ইন্ধানাস্ত্বা শতগ্ং [শতম্, হিমা ইত্যাহ] 29
হিমা ইত্যাহ শতাযুঃ পুরুষ-শ্শতেন্দ্রিয আযুষ্যেবেন্দ্রিযে প্রতি তিষ্ঠত্যেষা বৈ সূর্মী কর্ণকাবত্যেতযা হ স্ম বৈ দেবা অসুরাণাগ্ং শততর্হাগ্ স্তৃগ্ংহন্তি যদেতযা সমিধমাদধাতি বজ্রমেবৈতচ্ছতঘ্নীং-যঁজমানো ভ্রাতৃব্যায প্র হরতি স্তৃত্যা অছম্বট্কারগ্ং স-ন্ত্বমগ্নে সূর্যস্য বর্চসা-ঽগথা ইত্যাহৈতত্ত্বমসীদমহ-ম্ভূযাসমিতি বাবৈতদাহ ত্বমগ্নে সূর্যবর্চা অসীত্যাহা-ঽঽশিষমেবৈতামা শাস্তে ॥ 30 ॥

(মূর্ধানগ্ং-ষড্বা-এষ উপ তিষ্ঠতে-পাহীত্যাহ-শত-মহগ্ং ষোডশ চ) (অ. 7)
স-ম্পশ্যামি প্রজা অহমিত্যাহ যাবন্ত এব গ্রাম্যাঃ পশবস্তানেবাব রুন্ধে-ঽম্ভ-স্স্থাম্ভো বো ভক্ষীযেত্যাহাম্ভো হ্যেতা মহঃ স্থ মহো বো ভক্ষীযেত্যাহ মহো হ্যেতা-স্সহঃ স্থ সহো বো ভক্ষীযেত্যাহ সহো হ্যেতা ঊর্জ-স্স্থোর্জং-বোঁ ভক্ষীযে- [ভক্ষীযেতি, আহোর্জো হ্যেতা] 31
-ত্যাহোর্জো হ্যেতা রেবতী রমদ্ধ্বমিত্যাহ পশবো বৈ রেবতীঃ পশূনেবাত্ম-ন্রমযত ইহৈব স্তেতো মা-ঽপ গাতেত্যাহ ধ্রুবা এবৈনা অনপগাঃ কুরুত ইষ্টকচিদ্বা অন্যো-ঽগ্নিঃ পশুচিদন্য-স্সগ্ংহিতাসি বিশ্বরূপীরিতি বথ্সমভি মৃশত্যুপৈবৈন-ন্ধত্তে পশুচিতমেন-ঙ্কুরুতে প্র [ ] 32
বা এষো-ঽস্মাল্লোকাচ্চ্যবতে য আহবনীয-মুপতিষ্ঠতে গার্হপত্যমুপ তিষ্ঠতে ঽস্মিন্নেব লোকে প্রতি তিষ্ঠত্যথো গার্হপত্যাযৈব নি হ্নুতে গাযত্রীভিরুপ তিষ্ঠতে তেজো বৈ গাযত্রী তেজ এবাত্ম-ন্ধত্তে-ঽথো যদেত-ন্তৃচমন্বাহ সন্তত্যৈ গার্হপত্যং-বাঁ অনু দ্বিপাদো বীরাঃ প্র জাযন্তে য এবং-বিঁদ্বা-ন্দ্বিপদাভি-র্গার্হপত্য-মুপতিষ্ঠত [মুপতিষ্ঠতে, আ-ঽস্য] 33
আ-ঽস্য বীরো জাযত ঊর্জা বঃ পশ্যাম্যূর্জা মা পশ্যতেত্যাহা ঽঽশিষমেবৈতামা শাস্তে তথ্সবিতু-র্বরেণ্যমিত্যাহ প্রসূত্যৈ সোমানগ্গ্ স্বরণমিত্যাহ সোমপীথমেবাব রুন্ধে কৃণুহি ব্রহ্মণস্পত ইত্যাহ ব্রহ্মবর্চসমেবাব রুন্ধে কদা চন স্তরীরসীত্যাহ ন স্তরীগ্ং রাত্রিং-বঁসতি [রাত্রিং-বঁসতি, য এবং] 34
য এবং-বিঁদ্বানগ্নি-মুপতিষ্ঠতে পরি ত্বা-ঽগ্নে পুরং-বঁযমিত্যাহ পরিধিমেবৈত-ম্পরি দধাত্যস্কন্দাযাগ্নে গৃহপত ইত্যাহ যথাযজুরেবৈতচ্ছতগ্ং হিমা ইত্যাহ শত-ন্ত্বা হেমন্তানিন্ধিষীযেতি বাবৈতদাহ পুত্রস্য নাম গৃহ্ণাত্যন্নাদমেবৈন-ঙ্করোতি তামাশিষমা শাসে তন্তবে জ্যোতিষ্মতীমিতি ব্রূযাদ্যস্য পুত্রো-ঽজাত-স্স্যা-ত্তেজস্ব্যেবাস্য ব্রহ্মবর্চসী পুত্রো জাযতে তামাশিষমা শাসে ঽমুষ্মৈ জ্যোতিষ্মতী মিতি ব্রূযাদ্যস্য পুত্রো জাত-স্স্যা-ত্তেজ এবাস্মি-ন্ব্রহ্মবর্চস-ন্দধাতি ॥ 35 ॥

(ঊর্জং-বোঁ ভক্ষীযেতি - প্র -গার্হপত্যমুপতিষ্ঠতে -বসতি-জ্যোতিষ্মতী - মেকান্নত্রিগ্ংশচ্চ) (অ. 8)
অগ্নিহোত্র-ঞ্জুহোতি যদেব কি-ঞ্চ যজমানস্য স্ব-ন্তস্যৈব তদ্রেতঃ সিঞ্চতি প্রজননে প্রজননগ্ং হি বা অগ্নিরথৌষধীরন্তগতা দহতি তাস্ততো ভূযসীঃ প্র জাযন্তে যথ্সায-ঞ্জুহোতি রেত এব তথ্সিঞ্চতি প্রৈব প্রাতস্তনেন জনযতি তদ্রেতঃ সিক্ত-ন্ন ত্বষ্ট্রা-ঽবিকৃত-ম্প্রজাযতে যাবচ্ছো বৈ রেতস-স্সিক্তস্য [রেতস-স্সিক্তস্য, ত্বষ্টা রূপাণি] 36
ত্বষ্টা রূপাণি বিকরোতি তাবচ্ছো বৈ তত্প্র জাযত এষ বৈ দৈব্যস্ত্বষ্টা যো যজতে বহ্বীভিরুপ তিষ্ঠতে রেতস এব সিক্তস্য বহুশো রূপাণি বি করোতি স প্রৈব জাযতে শ্বস্শ্বো ভূযা-ন্ভবতি য এবং ঁবিদ্বানগ্নিমুপতিষ্ঠতে ঽহর্দেবানামাসী-দ্- রাত্রিরসুরাণা-ন্তে-ঽসুরা যদ্দেবানাং-বিঁত্তং ঁবেদ্যমাসীত্তেন সহ [ ] 37
রাত্রি-ম্প্রা-ঽবিশন্তে দেবা হীনা অমন্যন্ত তে-ঽপশ্যন্নাগ্নেযী রাত্রিরাগ্নেযাঃ পশব ইমমেবাগ্নিগ্গ্ স্তবাম স নঃ স্তুতঃ পশূ-ন্পুনর্দাস্যতীতি তে-ঽগ্নিমস্তুবন্-থ্স এভ্য-স্স্তুতো রাত্রিযা অদ্ধ্যহরভি পশূন্নিরার্জত্তে দেবাঃ পশূন্ বিত্ত্বা কামাগ্ং অকুর্বত য এবং-বিঁদ্বানগ্নিমুপতিষ্ঠতে পশুমা-ন্ভব- [পশুমা-ন্ভবতি, আদিত্যো] 38
-ত্যাদিত্যো বা অস্মাল্লোকাদমুং-লোঁকমৈথ্সো-ঽমুং-লোঁক-ঙ্গত্বা পুনরিমং-লোঁকমভ্যদ্ধ্যায-থ্স ইমং-লোঁকমাগত্য মৃত্যোরবিভেন্মৃত্যুসংযুঁত ইব হ্যযং-লোঁক-স্সো-ঽমন্যতেম-মেবাগ্নিগ্গ্ স্তবানি স মা স্তুত-স্সুবর্গং-লোঁক-ঙ্গমযিষ্যতীতি সো-ঽগ্নিমস্তৌ-থ্স এনগ্গ্ স্তুত-স্সুবর্গং-লোঁকমগমযদ্য [লোকমগমযদ্যঃ, এবং-বিঁদ্বানগ্নি-] 39
এবং-বিঁদ্বানগ্নিমুপতিষ্ঠতে সুবর্গমেব লোকমেতি সর্বমাযুরেত্যভি বা এষো-ঽগ্নী আ রোহতি য এনাবুপতিষ্ঠতে যথা খলু বৈ শ্রেযানভ্যারূঢঃ কামযতে তথা করোতি নক্তমুপ তিষ্ঠতে ন প্রাত-স্সগ্ং হি নক্তং-ব্রঁতানি সৃজ্যন্তে সহ শ্রেযাগ্শ্চ পাপীযাগ্শ্চাসাতে জ্যোতির্বা অগ্নিস্তমো রাত্রির্য- [রাত্রির্যত্, নক্তমুপতিষ্ঠতে] 40
-ন্নক্তমুপতিষ্ঠতে জ্যোতিষৈব তমস্তরত্যুপস্থেযো ঽগ্নী(3)-র্নোপস্থেযা(3) ইত্যাহু-র্মনুষ্যাযেন্ন্বৈ যো-ঽহরহরাহৃত্যা-ঽথৈনং-যাঁচতি স ইন্ন্বৈ তমুপার্চ্ছত্যথ কো দেবানহরহর্যাচিষ্যতীতি তস্মান্নোপস্থেযো ঽথো খল্বাহুরাশিষে বৈ কং-যঁজমানো যজত ইত্যেষা খলু বা [খলু বৈ, আহিতাগ্নে-] 41
আহিতাগ্নে রাশী-র্যদগ্নিমুপতিষ্ঠতে তস্মাদুপস্থেযঃ প্রজাপতিঃ পশূনসৃজত তে সৃষ্টা অহোরাত্রে প্রা-ঽবিশ-ন্তাঞ্ছন্দোভি-রন্ববিন্দ-দ্যচ্ছন্দোভি-রুপতিষ্ঠতে স্বমেব তদন্বিচ্ছতি ন তত্র জাম্যস্তীত্যাহুর্যো-ঽহরহরুপ তিষ্ঠত ইতি যো বা অগ্নি-ম্প্রত্যঙ্ঙুপ তিষ্ঠতে প্রত্যেনমোষতি যঃ পরাং-বিঁষ্ব-ম্প্রজযা পশুভি রেতি কবাতির্যঙ্ঙিবোপ তিষ্ঠেত নৈন-ম্প্রত্যোষতি ন বিষ্ব-ম্প্রজযা পশুভিরেতি ॥ 42 ॥

(সিক্তস্য-সহ-ভবতি-যো-যত্-খলু বৈ-পশুভি-স্ত্রযোদশ চ) (অ. 9)
মম নাম প্রথম-ঞ্জাতবেদঃ পিতা মাতা চ দধতুর্যদগ্রে । তত্ত্ব-ম্বিভৃহি পুনরা মদৈতোস্তবাহ-ন্নাম বিভরাণ্যগ্নে ॥ মম নাম তব চ জাতবেদো বাসসী ইব বিবসানৌ যে চরাবঃ । আযুষে ত্ব-ঞ্জীবসে বযং-যঁথাযথং-বিঁ পরি দধাবহৈ পুনস্তে ॥ নমো-ঽগ্নযে ঽপ্রতিবিদ্ধায নমো-ঽনাধৃষ্টায নমঃ সম্রাজে । অষাঢো [অষাঢঃ, অগ্নির্বৃহদ্বযা] 43
অগ্নির্বৃহদ্বযা বিশ্বজি-থ্সহন্ত্য-শ্শ্রেষ্ঠো গন্ধর্বঃ । ত্বত্পিতারো অগ্নে দেবা-স্ত্বামাহুতয-স্ত্বদ্বিবাচনাঃ । স-ম্মামাযুষা স-ঙ্গৌপত্যেন সুহিতে মা ধাঃ ॥ অযমগ্নি-শ্শ্রেষ্ঠতমো ঽয-ম্ভগবত্তমো ঽযগ্ং সহস্রসাতমঃ । অস্মা অস্তু সুবীর্যম্ ॥ মনো জ্যোতি-র্জুষতামাজ্যং ঁবিচ্ছিন্নং-যঁজ্ঞগ্ং সমিম-ন্দধাতু । যা ইষ্টা উষসো নিম্রুচশ্চ তা-স্স-ন্দধামি হবিষা ঘৃতেন ॥ পযস্বতীরোষধযঃ- [পযস্বতীরোষধযঃ, পযস্ব-] 44
পযস্বদ্বীরুধা-ম্পযঃ । অপা-ম্পযসো যত্পযস্তেন মামিন্দ্র সগ্ং সৃজ ॥ অগ্নে ব্রতপতে ব্রত-ঞ্চরিষ্যামি তচ্ছকেয-ন্তন্মে রাদ্ধ্যতাম্ ॥ অগ্নিগ্ং হোতারমিহ তগ্ং হুবে দেবান্. যজ্ঞিযানিহ যান্. হবামহে ॥ আ যন্তু দেবা-স্সুমনস্যমানা বিযন্তু দেবা হবিষো মে অস্য ॥ কস্ত্বা যুনক্তি স ত্বা যুনক্তু যানি ঘর্মে কপালান্যুপচিন্বন্তি [ ] 45
বেধসঃ । পূষ্ণস্তান্যপি ব্রত ইন্দ্রবাযূ বি মুঞ্চতাম্ ॥অভিন্নো ঘর্মো জীরদানুর্যত আত্তস্তদগ-ন্পুনঃ । ইদ্ধ্মো বেদিঃ পরিধযশ্চ সর্বে যজ্ঞস্যা-ঽঽযুরনু স-ঞ্চরন্তি ॥ ত্রযস্ত্রিগ্ংশ-ত্তন্তবো যে বিতত্নিরে য ইমং-যঁজ্ঞগ্গ্ স্বধযা দদন্তে তেষা-ঞ্ছিন্ন-ম্প্রত্যেত-দ্দধামি স্বাহা ঘর্মো দেবাগ্ং অপ্যেতু ॥ 46 ॥

(অষাঢ-ওষধয-উপচিন্বন্তি-পঞ্চচত্বারিগ্ংশচ্চ) (অ. 10)
বৈশ্বানরো ন ঊত্যা-ঽঽ প্র যাতু পরাবতঃ । অগ্নিরুক্থেন বাহসা ॥ ঋতাবানং-বৈঁশ্বানরমৃতস্য জ্যোতিষস্পতিম্ । অজস্র-ঙ্ঘর্মমীমহে ॥ বৈশ্বানরস্য দগ্ংসনাভ্যো বৃহদরিণাদেকঃ স্বপস্যযা কবিঃ । উভা পিতরা মহযন্নজাযতাগ্নি-র্দ্যাবাপৃথিবী ভূরিরেতসা ॥ পৃষ্টো দিবি পৃষ্টো অগ্নিঃ পৃথিব্যা-ম্পৃষ্টো বিশ্বা ওষধীরা বিবেশ । বৈশ্বানর-স্সহসা পৃষ্টো অগ্নি-স্সনো দিবা স- [দিবা সঃ, রিষঃ পাতু নক্তম্ ।] 47
রিষঃ পাতু নক্তম্ ॥ জাতো যদগ্নে ভুবনা ব্যখ্যঃ পশু-ন্ন গোপা ইর্যঃ পরিজ্মা । বৈশ্বানর ব্রহ্মণে বিন্দ গাতুং-যূঁয-ম্পাত স্বস্তিভি-স্সদা নঃ ॥ ত্বমগ্নে শোচিষা শোশুচান আ রোদসী অপৃণা জাযমানঃ । ত্ব-ন্দেবাগ্ং অভিশস্তেরমুঞ্চো বৈশ্বানর জাতবেদো মহিত্বা ॥ অস্মাকমগ্নে মঘবথ্সু ধারযানামি ক্ষত্রমজরগ্ং সুবীর্যম্ । বয-ঞ্জযেম শতিনগ্ং সহস্রিণং-বৈঁশ্বানর [বৈশ্বানর, বাজমগ্নে] 48
বাজমগ্নে তবোতিভিঃ ॥ বৈশ্বানরস্য সুমতৌ স্যাম রাজা হিক-ম্ভুবনানা-মভিশ্রীঃ । ইতো জাতো বিশ্বমিদং-বিঁ চষ্টে বৈশ্বানরো যততে সূর্যেণ ॥ অব তে হেডো বরুণ নমোভিরব যজ্ঞেভিরীমহে হবির্ভিঃ । ক্ষযন্নস্মভ্যমসুর প্রচেতো রাজন্নেনাগ্ংসি শিশ্রথঃ কৃতানি ॥ উদুত্তমং-বঁরুণ পাশমস্মদবা-ঽধমং-বিঁমদ্ধ্যমগ্গ্ শ্রথায । অথা বযমাদিত্য [ ] 49
ব্রতে তবা-ঽনাগসো অদিতযে স্যাম ॥ দধিক্রাব্.ণ্ণো অকারিষ-ঞ্জিষ্ণোরশ্বস্য বাজিনঃ ॥ সুরভিনো মুখা কর-ত্প্রণ আযূগ্ংষি তারিষত্ ॥ আ দধিক্রা-শ্শবস পঞ্চ কৃষ্টী-স্সূর্য ইব জ্যোতিষা-ঽপস্ততান । সহস্রসা-শ্শতসা বাজ্যর্বা পৃণক্তু মদ্ধ্বা সমিমা বচাগ্ংসি । অগ্নি-র্মূর্ধা, ভুবঃ । মরুতো যদ্ধবো দিব-স্সুম্নাযন্তো হবামহে । আ তূ ন [আ তূ নঃ, উপ গন্তন ।] 50
উপ গন্তন ॥ যা ব-শ্শর্ম শশমানায সন্তি ত্রিধাতূনি দাশুষে যচ্ছতাধি । অস্মভ্য-ন্তানি মরুতো বি যন্ত রযি-ন্নো ধত্ত বৃষণ-স্সুবীরম্ ॥ অদিতি-র্ন উরুষ্যত্বদিতি-শ্শর্ম যচ্ছতু । অদিতিঃ পাত্বগ্ংহসঃ ॥ মহীমূষু মাতরগ্ং সুব্রতানামৃতস্য পত্নীমবসে হুবেম । তুবিক্ষত্রা-মজরন্তী-মুরূচীগ্ং সুশর্মাণমদিতিগ্ং সুপ্রণীতিম্ ॥ সুত্রামাণ-ম্পৃথিবী-ন্দ্যামনেহসগ্ং সুশর্মাণ মদিতিগ্ং সুপ্রণীতিম্ । দৈবী-ন্নাবগ্গ্ স্বরিত্রা-মনাগস-মস্রবন্তীমা রুহেমা স্বস্তযে ॥ ইমাগ্ং সু নাবমা-ঽরুহগ্ং শতারিত্রাগ্ং শতস্ফ্যাম্ । অচ্ছিদ্রা-ম্পারযিষ্ণুম্ ॥ 51 ॥