1.5 - ଦେଵାସୁରାଃ ସଂଯତ୍ତା ଆସନ୍ନ୍ - କୃଷ୍ଣ ଯଜୁର୍ଵେଦ ତୈତ୍ତିରୀଯ ସଂହିତା ପାଠଃ

କୃଷ୍ଣ ଯଜୁର୍ଵେଦୀଯ ତୈତ୍ତିରୀଯ ସଂହିତାଯା-ମ୍ପ୍ରଥମକାଣ୍ଡେ ପଞ୍ଚମଃ ପ୍ରଶ୍ନଃ - ପୁନରାଧାନଂ
ଓ-ନ୍ନମଃ ପରମାତ୍ମନେ, ଶ୍ରୀ ମହାଗଣପତଯେ ନମଃ,

ଶ୍ରୀ ଗୁରୁଭ୍ଯୋ ନମଃ । ହରିଃ ଓମ୍ ॥
ଦେଵାସୁରା-ସ୍ସଂଯଁତ୍ତା ଆସନ୍ତେ ଦେଵା ଵିଜଯମୁପଯନ୍ତୋ ଽଗ୍ନୌ ଵାମଂ-ଵଁସୁ ସ-ନ୍ନ୍ଯଦଧତେଦମୁ ନୋ ଭଵିଷ୍ଯତି ଯଦି ନୋ ଜେଷ୍ଯନ୍ତୀତି ତଦଗ୍ନିର୍ନ୍ଯକାମଯତ ତେନାପାକ୍ରାମ-ତ୍ତଦ୍ଦେଵା ଵିଜିତ୍ଯାଵରୁରୁଥ୍ସମାନା ଅନ୍ଵାଯ-ନ୍ତଦସ୍ଯ ସହସା-ଽଽଦିଥ୍ସନ୍ତ ସୋ ଽରୋଦୀଦ୍ଯଦରୋଦୀ-ତ୍ତ-ଦ୍ରୁଦ୍ରସ୍ଯ ରୁଦ୍ରତ୍ଵଂ-ଯଁଦଶ୍ର୍ଵଶୀଯତ ତ- [ତତ୍, ରଜତଗ୍ଂ] 1
ଦ୍ରଜତଗ୍ଂ ହିରଣ୍ଯମଭଵ-ତ୍ତସ୍ମା-ଦ୍ରଜତଗ୍ଂ ହିରଣ୍ଯ-ମଦକ୍ଷିଣ୍ଯ-ମଶ୍ରୁଜଗ୍ଂ ହି ଯୋ ବର୍ହିଷି ଦଦାତି ପୁରା-ଽସ୍ଯ ସଂଵଁଥ୍ସରା-ଦ୍ଗୃହେ ରୁଦନ୍ତି ତସ୍ମା-ଦ୍ବର୍ହିଷି ନ ଦେଯଗ୍ଂ ସୋ-ଽଗ୍ନିରବ୍ରଵୀ-ଦ୍ଭାଗ୍ଯସାନ୍ଯଥ ଵ ଇଦମିତି ପୁନରାଧେଯ-ନ୍ତେ କେଵଲମିତ୍ଯବ୍ରୁଵ-ନ୍ନୃଦ୍ଧ୍ନଵ-ତ୍ଖଲୁ ସ ଇତ୍ଯବ୍ରଵୀଦ୍ଯୋ ମଦ୍ଦେଵତ୍ଯ-ମଗ୍ନି-ମାଦଧାତା ଇତି ତ-ମ୍ପୂଷା-ଽଽଧତ୍ତ ତେନ [ ] 2
ପୂଷା-ଽଽର୍ଧ୍ନୋ-ତ୍ତସ୍ମା-ତ୍ପୌଷ୍ଣାଃ ପଶଵ ଉଚ୍ଯନ୍ତେ ତ-ନ୍ତ୍ଵଷ୍ଟା-ଽଽଧତ୍ତ ତେନ ତ୍ଵଷ୍ଟା-ଽଽର୍ଧ୍ନୋ-ତ୍ତସ୍ମା-ତ୍ତ୍ଵାଷ୍ଟ୍ରାଃ ପଶଵ ଉଚ୍ଯନ୍ତେ ତ-ମ୍ମନୁରା-ଽଧତ୍ତ ତେନ ମନୁରାର୍ଧ୍ନୋ-ତ୍ତସ୍ମାନ୍ମାନଵ୍ଯଃ ପ୍ରଜା ଉଚ୍ଯନ୍ତେ ତ-ନ୍ଧାତା-ଽଽଧତ୍ତ ତେନ ଧାତା-ଽଽର୍ଧ୍ନୋ-ଥ୍ସଂଵଁଥ୍ସରୋ ଵୈ ଧାତା ତସ୍ମା-ଥ୍ସଂଵଁଥ୍ସର-ମ୍ପ୍ରଜାଃ ପଶଵୋ-ଽନୁ ପ୍ର ଜାଯନ୍ତେ ଯ ଏଵ-ମ୍ପୁନରାଧେଯସ୍ଯର୍ଧିଂ-ଵେଁଦ- [ଏଵ-ମ୍ପୁନରାଧେଯସ୍ଯର୍ଧିଂ-ଵେଁଦ, ଋଧ୍ନୋତ୍ଯେଵ] 3
-ର୍ଧ୍ନୋତ୍ଯେଵ ଯୋ-ଽସ୍ଯୈଵ-ମ୍ବନ୍ଧୁତାଂ-ଵେଁଦ ବନ୍ଧୁମା-ନ୍ଭଵତି ଭାଗଧେଯଂ-ଵାଁ ଅଗ୍ନିରାହିତ ଇଚ୍ଛମାନଃ ପ୍ରଜା-ମ୍ପଶୂନ୍ ଯଜମାନସ୍ଯୋପ ଦୋଦ୍ରାଵୋଦ୍ଵାସ୍ଯ ପୁନରା ଦଧୀତ ଭାଗଧେଯେନୈଵୈନଗ୍ଂ ସମର୍ଧଯତ୍ଯଥୋ ଶାନ୍ତିରେଵାସ୍ଯୈଷା ପୁନର୍ଵସ୍ଵୋରା ଦଧୀତୈତଦ୍ଵୈ ପୁନରାଧେଯସ୍ଯ ନକ୍ଷତ୍ରଂ-ଯଁ-ତ୍ପୁନର୍ଵସୂ ସ୍ଵାଯାମେଵୈନ-ନ୍ଦେଵତାଯାମାଧାଯ ବ୍ରହ୍ମଵର୍ଚସୀ ଭଵତି ଦର୍ଭୈ ରା ଦଧାତ୍ଯଯାତଯାମତ୍ଵାଯ ଦର୍ଭୈରା ଦଧାତ୍ଯଦ୍ଭ୍ଯ ଏଵୈନମୋଷଧୀଭ୍ଯୋ ଽଵରୁଦ୍ଧ୍ଯା ଽଽଧତ୍ତେ ପଞ୍ଚକପାଲଃ ପୁରୋଡାଶୋ ଭଵତି ପଞ୍ଚ ଵା ଋତଵ ଋତୁଭ୍ଯ ଏଵୈନମଵରୁଦ୍ଧ୍ଯା ଽଽଧତ୍ତେ ॥ 4 ॥

(ଅଶୀଯତ ତତ୍- ତେନ-ଵେଦ- ଦର୍ଭୈଃ ପଞ୍ଚଵିଗ୍ଂଶତିଶ୍ଚ) (ଅ. 1)
ପରା ଵା ଏଷ ଯଜ୍ଞ-ମ୍ପଶୂନ୍ ଵପତି ଯୋ-ଽଗ୍ନିମୁଦ୍ଵାସଯତେ ପଞ୍ଚକପାଲଃ ପୁରୋଡାଶୋ ଭଵତି ପାଙ୍କ୍ତୋ ଯଜ୍ଞଃ ପାଙ୍କ୍ତାଃ ପଶଵୋ ଯଜ୍ଞମେଵ ପଶୂନଵ ରୁନ୍ଧେ ଵୀରହା ଵା ଏଷ ଦେଵାନାଂ-ଯୋଁ-ଽଗ୍ନିମୁଦ୍ଵାସଯତେ ନ ଵା ଏତସ୍ଯ ବ୍ରାହ୍ମଣା ଋତାଯଵଃ ପୁରା-ଽନ୍ନମକ୍ଷ-ନ୍ପଙ୍କ୍ତ୍ଯୋ ଯାଜ୍ଯାନୁଵାକ୍ଯା ଭଵନ୍ତି ପାଙ୍କ୍ତୋ ଯଜ୍ଞଃ ପାଙ୍କ୍ତଃ ପୁରୁଷୋ ଦେଵାନେଵ ଵୀର-ନ୍ନିରଵଦାଯାଗ୍ନି-ମ୍ପୁନରା [ପୁନରା, ଧତ୍ତେ ଶତାକ୍ଷରା ଭଵନ୍ତି] 5
ଧତ୍ତେ ଶତାକ୍ଷରା ଭଵନ୍ତି ଶତାଯୁଃ ପୁରୁଷ-ଶ୍ଶତେନ୍ଦ୍ରିଯ ଆଯୁଷ୍ଯେଵେନ୍ଦ୍ରିଯେ ପ୍ରତି ତିଷ୍ଠତି ଯଦ୍ଵା ଅଗ୍ନିରାହିତୋ ନର୍ଧ୍ଯତେ ଜ୍ଯାଯୋ ଭାଗଧେଯ-ନ୍ନିକାମଯମାନୋ ଯଦାଗ୍ନେଯଗ୍ଂ ସର୍ଵ-ମ୍ଭଵତି ସୈଵାସ୍ଯର୍ଧି-ସ୍ସଂ-ଵାଁ ଏତସ୍ଯ ଗୃହେ ଵାକ୍ ସୃଜ୍ଯତେ ଯୋ-ଽଗ୍ନିମୁଦ୍ଵାସଯତେ ସ ଵାଚଗ୍ଂ ସଗ୍ଂସୃଷ୍ଟାଂ-ଯଁଜମାନ ଈଶ୍ଵରୋ-ଽନୁ ପରାଭଵିତୋ-ର୍ଵିଭକ୍ତଯୋ ଭଵନ୍ତି ଵାଚୋ ଵିଧୃତ୍ଯୈ ଯଜମାନସ୍ଯା-ଽପରାଭାଵାଯ [-ଽପରାଭାଵାଯ, ଵିଭକ୍ତି-ଙ୍କରୋତି] 6
ଵିଭକ୍ତି-ଙ୍କରୋତି ବ୍ରହ୍ମୈଵ ତଦକରୁପାଗ୍ଂଶୁ ଯଜତି ଯଥା ଵାମଂ-ଵଁସୁ ଵିଵିଦାନୋ ଗୂହତି ତାଦୃଗେଵ ତଦଗ୍ନି-ମ୍ପ୍ରତି ସ୍ଵିଷ୍ଟକୃତ-ନ୍ନିରାହ ଯଥା ଵାମଂ-ଵଁସୁ ଵିଵିଦାନଃ ପ୍ରକାଶ-ଞ୍ଜିଗମିଷତି ତାଦୃଗେଵ ତଦ୍ଵିଭକ୍ତିମୁକ୍ତ୍ଵା ପ୍ରଯାଜେନ ଵଷଟ୍କରୋତ୍ଯାଯତନାଦେଵ ନୈତି ଯଜମାନୋ ଵୈ ପୁରୋଡାଶଃ ପଶଵ ଏତେ ଆହୁତୀ ଯଦଭିତଃ ପୁରୋଡାଶମେତେ ଆହୁତୀ [ ] 7
ଜୁହୋତି ଯଜମାନମେଵୋଭଯତଃ ପଶୁଭିଃ ପରି ଗୃହ୍ଣାତି କୃତଯଜୁ-ସ୍ସମ୍ଭୃତସମ୍ଭାର ଇତ୍ଯାହୁର୍ନ ସମ୍ଭୃତ୍ଯା-ସ୍ସମ୍ଭାରା ନ ଯଜୁଃ କର୍ତଵ୍ଯମିତ୍ଯଥୋ ଖଲୁ ସମ୍ଭୃତ୍ଯା ଏଵ ସମ୍ଭାରାଃ କର୍ତଵ୍ଯଂ-ଯଁଜୁ-ର୍ଯଜ୍ଞସ୍ଯ ସମୃଦ୍ଧ୍ଯୈ ପୁନର୍ନିଷ୍କୃତୋ ରଥୋ ଦକ୍ଷିଣା ପୁନରୁଥ୍ସ୍ଯୂତଂ-ଵାଁସଃ ପୁନରୁଥ୍ସୃଷ୍ଟୋ-ଽନଡ୍ଵା-ନ୍ପୁନରାଧେଯସ୍ଯ ସମୃଦ୍ଧ୍ଯୈ ସପ୍ତ ତେ ଅଗ୍ନେ ସମିଧଃ ସପ୍ତ ଜିହ୍ଵା ଇତ୍ଯଗ୍ନିହୋତ୍ର-ଞ୍ଜୁହୋତି ଯତ୍ରଯତ୍ରୈଵାସ୍ଯ ନ୍ଯକ୍ତ-ନ୍ତତ [ନ୍ଯକ୍ତ-ନ୍ତତଃ, ଏଵୈନମଵ ରୁନ୍ଧେ] 8
ଏଵୈନମଵ ରୁନ୍ଧେ ଵୀରହା ଵା ଏଷ ଦେଵାନାଂ-ଯୋଁ-ଽଗ୍ନିମୁଦ୍ଵାସଯତେ ତସ୍ଯ ଵରୁଣ ଏଵର୍ଣଯାଦାଗ୍ନିଵାରୁଣ-ମେକାଦଶକପାଲମନୁ ନିର୍ଵପେଦ୍ଯ-ଞ୍ଚୈଵ ହନ୍ତି ଯଶ୍ଚାସ୍ଯର୍ଣଯାତ୍ତୌ ଭାଗଧେଯେନ ପ୍ରୀଣାତି ନା-ଽଽର୍ତିମାର୍ଚ୍ଛତି ଯଜମାନଃ ॥ 9 ॥

(ଆ-ଽପରାଭାଵାଯ-ପୁରୋଡାଶମେତେ-ଆହୁତୀ-ତତଃ -ଷଟତ୍ରିଗ୍ଂଶଚ୍ଚ) (ଅ. 2)
ଭୂମି-ର୍ଭୂମ୍ନା ଦ୍ଯୌ-ର୍ଵରିଣା-ଽନ୍ତରିକ୍ଷ-ମ୍ମହିତ୍ଵା । ଉପସ୍ଥେ ତେ ଦେଵ୍ଯଦିତେ ଽଗ୍ନିମନ୍ନାଦମନ୍ନାଦ୍ଯାଯା-ଽଽଦଧେ ॥ ଆ-ଽଯ-ଙ୍ଗୌଃ ପୃଶ୍ଞିରକ୍ରମୀଦସନ-ନ୍ମାତର-ମ୍ପୁନଃ । ପିତର-ଞ୍ଚ ପ୍ରଯନ୍-ଥ୍ସୁଵଃ ॥ ତ୍ରିଗ୍ଂଶଦ୍ଧାମ ଵି ରାଜତି ଵା-କ୍ପତଙ୍ଗାଯ ଶିଶ୍ରିଯେ । ପ୍ରତ୍ଯସ୍ଯ ଵହ ଦ୍ଯୁଭିଃ ॥ ଅସ୍ଯ ପ୍ରାଣାଦପାନତ୍ଯନ୍ତଶ୍ଚରତି ରୋଚନା । ଵ୍ଯଖ୍ଯ-ନ୍ମହିଷ-ସ୍ସୁଵଃ ॥ ଯତ୍ତ୍ଵା [ ] 10
କ୍ରୁଦ୍ଧଃ ପରୋଵପ ମନ୍ଯୁନା ଯଦଵର୍ତ୍ଯା । ସୁକଲ୍ପମଗ୍ନେ ତତ୍ତଵ ପୁନସ୍ତ୍ଵୋଦ୍ଦୀପଯାମସି ॥ଯତ୍ତେ ମନ୍ଯୁପରୋପ୍ତସ୍ଯ ପୃଥିଵୀମନୁ ଦଦ୍ଧ୍ଵସେ । ଆଦିତ୍ଯା ଵିଶ୍ଵେ ତଦ୍ଦେଵା ଵସଵଶ୍ଚ ସମାଭରନ୍ନ୍ ॥ ମନୋ ଜ୍ଯୋତି-ର୍ଜୁଷତାମାଜ୍ଯଂ-ଵିଁଚ୍ଛିନ୍ନଂ-ଯଁଜ୍ଞଗ୍ଂ ସମିମ-ନ୍ଦଧାତୁ । ବୃହସ୍ପତିସ୍ତନୁତାମିମ-ନ୍ନୋ ଵିଶ୍ଵେ ଦେଵା ଇହ ମାଦଯନ୍ତାମ୍ ॥ ସପ୍ତ ତେ ଅଗ୍ନେ ସମିଧଃ ସପ୍ତ ଜିହ୍ଵା-ସ୍ସପ୍ତ- [ଜିହ୍ଵା-ସ୍ସପ୍ତ, ଋଷଯ-ସ୍ସପ୍ତ ଧାମ] 11
-ର୍ଷଯ-ସ୍ସପ୍ତ ଧାମ ପ୍ରିଯାଣି । ସପ୍ତ ହୋତ୍ରା-ସ୍ସପ୍ତଧା ତ୍ଵା ଯଜନ୍ତି ସପ୍ତ ଯୋନୀରା ପୃଣସ୍ଵା ଘୃତେନ ॥ ପୁନରୂର୍ଜା ନି ଵର୍ତସ୍ଵ ପୁନରଗ୍ନ ଇଷା-ଽଽଯୁଷା । ପୁନର୍ନଃ ପାହି ଵିଶ୍ଵତଃ ॥ ସହ ରଯ୍ଯା ନି ଵର୍ତସ୍ଵାଗ୍ନେ ପିନ୍ଵସ୍ଵ ଧାରଯା । ଵିଶ୍ଵଫ୍ସ୍ନିଯା ଵିଶ୍ଵତସ୍ପରି ॥ ଲେକ-ସ୍ସଲେକ-ସ୍ସୁଲେକସ୍ତେ ନ ଆଦିତ୍ଯା ଆଜ୍ଯ-ଞ୍ଜୁଷାଣା ଵିଯନ୍ତୁ କେତ-ସ୍ସକେତ-ସ୍ସୁକେତସ୍ତେ ନ ଆଦିତ୍ଯା ଆଜ୍ଯ-ଞ୍ଜୁଷାଣା ଵିଯନ୍ତୁ ଵିଵସ୍ଵାଗ୍ଂ ଅଦିତି-ର୍ଦେଵଜୂତିସ୍ତେ ନ ଆଦିତ୍ଯା ଆଜ୍ଯ-ଞ୍ଜୁଷାଣା ଵିଯନ୍ତୁ ॥ 12 ॥

(ତ୍ଵା-ଜିହ୍ଵା-ସ୍ସପ୍ତ-ସୁକେତସ୍ତେ ନ-ସ୍ତ୍ରଯୋଦଶ ଚ ) (ଅ. 3)
ଭୂମି-ର୍ଭୂମ୍ନା ଦ୍ଯୌ-ର୍ଵରିଣେତ୍ଯାହା-ଽଽଶିଷୈଵୈନମା ଧତ୍ତେ ସର୍ପା ଵୈ ଜୀର୍ଯନ୍ତୋ ଽମନ୍ଯନ୍ତ ସ ଏତ-ଙ୍କସର୍ଣୀରଃ କାଦ୍ରଵେଯୋ ମନ୍ତ୍ରମପଶ୍ଯ-ତ୍ତତୋ ଵୈ ତେ ଜୀର୍ଣାସ୍ତନୂରପାଘ୍ନତ ସର୍ପରାଜ୍ଞିଯା ଋଗ୍ଭି-ର୍ଗାର୍ହପତ୍ଯମା ଦଧାତି ପୁନର୍ନଵମେଵୈନମଜର-ଙ୍କୃତ୍ଵା ଽଽଧତ୍ତେ-ଽଥୋ ପୂତମେଵ ପୃଥିଵୀମନ୍ନାଦ୍ଯ-ନ୍ନୋପା-ଽନମଥ୍ସୈତ- [ନୋପା-ଽନମଥ୍ସୈତମ୍, ମନ୍ତ୍ରମପଶ୍ଯ-ତ୍ତତୋ ଵୈ] 13
-ମ୍ମନ୍ତ୍ରମପଶ୍ଯ-ତ୍ତତୋ ଵୈ ତାମନ୍ନାଦ୍ଯ-ମୁପାନମଦ୍ଯଥ୍ -ସର୍ପରାଜ୍ଞିଯା ଋଗ୍ଭି-ର୍ଗାର୍ହପତ୍ଯ-ମାଦଧାତ୍ଯନ୍ନାଦ୍ଯସ୍ଯାଵରୁଦ୍ଧ୍ଯା ଅଥୋ ଅସ୍ଯାମେଵୈନ-ମ୍ପ୍ରତିଷ୍ଠିତମା ଧତ୍ତେ ଯତ୍ତ୍ଵା କ୍ରୁଦ୍ଧଃ ପରୋଵପେତ୍ଯାହାପହ୍ନୁତ ଏଵାସ୍ମୈ ତ-ତ୍ପୁନସ୍ତ୍ଵୋଦ୍ଦୀପଯାମସୀତ୍ଯାହ ସମିନ୍ଧ ଏଵୈନଂ-ଯଁତ୍ତେ ମନ୍ଯୁପରୋପ୍ତସ୍ଯେତ୍ଯାହ ଦେଵତାଭିରେଵୈ- [ଦେଵତାଭିରେଵ, ଏନଗ୍ଂ ସ-ମ୍ଭରତି ଵି ଵା] 14
-ନଗ୍ଂ ସ-ମ୍ଭରତି ଵି ଵା ଏତସ୍ଯ ଯଜ୍ଞଶ୍ଛିଦ୍ଯତେ ଯୋ-ଽଗ୍ନିମୁଦ୍ଵାସଯତେ ବୃହସ୍ପତିଵତ୍ଯର୍ଚୋପ ତିଷ୍ଠତେ ବ୍ରହ୍ମ ଵୈ ଦେଵାନା-ମ୍ବୃହସ୍ପତି-ର୍ବ୍ରହ୍ମଣୈଵ ଯଜ୍ଞଗ୍ଂ ସ-ନ୍ଦଧାତି ଵିଚ୍ଛିନ୍ନଂ-ଯଁଜ୍ଞଗ୍ଂ ସମିମ-ନ୍ଦଧାତ୍ଵିତ୍ଯାହ ସନ୍ତତ୍ଯୈ ଵିଶ୍ଵେ ଦେଵା ଇହ ମାଦଯନ୍ତାମିତ୍ଯାହ ସନ୍ତତ୍ଯୈଵ ଯଜ୍ଞ-ନ୍ଦେଵେଭ୍ଯୋ-ଽନୁ ଦିଶତି ସପ୍ତ ତେ ଅଗ୍ନେ ସମିଧଃ ସପ୍ତ ଜିହ୍ଵା [ଜିହ୍ଵାଃ, ଇତ୍ଯାହ] 15
ଇତ୍ଯାହ ସପ୍ତସପ୍ତ ଵୈ ସପ୍ତଧା-ଽଗ୍ନେଃ ପ୍ରିଯାସ୍ତନୁଵସ୍ତା ଏଵାଵ ରୁନ୍ଧେ ପୁନରୂର୍ଜା ସହ ରଯ୍ଯେତ୍ଯଭିତଃ ପୁରୋଡାଶମାହୁତୀ ଜୁହୋତି ଯଜମାନମେଵୋର୍ଜା ଚ ରଯ୍ଯା ଚୋଭଯତଃ ପରି ଗୃହ୍ଣାତ୍ଯାଦିତ୍ଯା ଵା ଅସ୍ମାଲ୍ଲୋକାଦମୁଂ-ଲୋଁକମାଯ-ନ୍ତେ-ଽମୁଷ୍ମିନ୍ ଁଲୋକେ ଵ୍ଯତୃଷ୍ଯ-ନ୍ତ ଇମଂ-ଲୋଁକ-ମ୍ପୁନରଭ୍ଯଵେତ୍ଯା ଽଗ୍ନିମାଧାଯୈ-ତାନ୍. ହୋମାନଜୁହଵୁସ୍ତ ଆର୍ଧ୍ନୁଵ-ନ୍ତେ ସୁଵର୍ଗଂ-ଲୋଁକମାଯନ୍. ଯଃ ପରାଚୀନ-ମ୍ପୁନରାଧେଯାଦଗ୍ନିମାଦଧୀତ ସ ଏତାନ୍. ହୋମାନ୍ ଜୁହୁଯାଦ୍ଯାମେଵା-ଽଽଦିତ୍ଯା ଋଦ୍ଧିମାର୍ଧ୍ନୁଵ-ନ୍ତାମେଵର୍ଧ୍ନୋତି ॥ 16 ॥

(ସୈତଂ-ଦେଵତାଭିରେଵ-ଜିହ୍ଵା-ଏତାନ୍-ପଞ୍ଚଵିଗ୍ଂଶତିଶ୍ଚ ) (ଅ. 4)
ଉପପ୍ରଯନ୍ତୋ ଅଦ୍ଧ୍ଵର-ମ୍ମନ୍ତ୍ରଂ-ଵୋଁଚେମାଗ୍ନଯେ । ଆରେ ଅସ୍ମେ ଚ ଶୃଣ୍ଵତେ ॥ ଅସ୍ଯ ପ୍ରତ୍ନାମନୁ ଦ୍ଯୁତଗ୍ଂ ଶୁକ୍ର-ନ୍ଦୁଦୁହ୍ରେ ଅହ୍ରଯଃ । ପଯଃ ସହସ୍ରସାମୃଷିମ୍ ॥ ଅଗ୍ନି-ର୍ମୂର୍ଧା ଦିଵଃ କକୁତ୍ପତିଃ ପୃଥିଵ୍ଯା ଅଯମ୍ । ଅପାଗ୍ଂ ରେତାଗ୍ଂସି ଜିନ୍ଵତି ॥ ଅଯମିହ ପ୍ରଥମୋ ଧାଯି ଧାତୃଭିର୍ ହୋତା ଯଜିଷ୍ଠୋ ଅଧ୍ଵରେଷ୍ଵୀଡ୍ଯଃ ॥ ଯମପ୍ନଵାନୋ ଭୃଗଵୋ ଵିରୁରୁଚୁର୍ଵନେଷୁ ଚିତ୍ରଂ-ଵିଁଭୁଵଂ-ଵିଁଶେଵିଶେ ॥ ଉଭା ଵାମିନ୍ଦ୍ରାଗ୍ନୀ ଆହୁଵଦ୍ଧ୍ଯା [ଆହୁଵଦ୍ଧ୍ଯୈ, ଉଭା] 17
ଉଭା ରାଧସ-ସ୍ସହ ମାଦଯଦ୍ଧ୍ଯୈ । ଉଭା ଦାତାରାଵିଷାଗ୍ଂ ରଯୀଣାମୁଭା ଵାଜସ୍ଯ ସାତଯେ ହୁଵେ ଵାମ୍ ॥ ଅଯ-ନ୍ତେ ଯୋନିର୍-ଋତ୍ଵିଯୋ ଯତୋ ଜାତୋ ଅରୋଚଥାଃ । ତ-ଞ୍ଜାନନ୍ନଗ୍ନ ଆ ରୋହାଥା ନୋ ଵର୍ଧଯା ରଯିମ୍ ॥ ଅଗ୍ନ ଆଯୂଗ୍ଂଷି ପଵସ ଆ ସୁଵୋର୍ଜମିଷ-ଞ୍ଚ ନଃ । ଆରେ ବାଧସ୍ଵ ଦୁଚ୍ଛୁନାମ୍ ॥ ଅଗ୍ନେ ପଵସ୍ଵ ସ୍ଵପା ଅସ୍ମେ ଵର୍ଚଃ ସୁଵୀର୍ଯମ୍ । ଦଧତ୍ପୋଷଗ୍ଂ ରଯି- [ରଯିମ୍, ମ୍ମଯି ।] 18
-ମ୍ମଯି ॥ ଅଗ୍ନେ ପାଵକ ରୋଚିଷା ମନ୍ଦ୍ରଯା ଦେଵ ଜିହ୍ଵଯା । ଆ ଦେଵାନ୍. ଵକ୍ଷି ଯକ୍ଷି ଚ ॥ ସ ନଃ ପାଵକ ଦୀଦିଵୋ-ଽଗ୍ନେ ଦେଵାଗ୍ଂ ଇହା ଽଽଵହ । ଉପ ଯଜ୍ଞଗ୍ଂ ହଵିଶ୍ଚ ନଃ ॥ ଅଗ୍ନି-ଶ୍ଶୁଚିଵ୍ରତତମ-ଶ୍ଶୁଚି-ର୍ଵିପ୍ର-ଶ୍ଶୁଚିଃ କଵିଃ । ଶୁଚୀ ରୋଚତ ଆହୁତଃ ॥ ଉଦଗ୍ନେ ଶୁଚଯସ୍ତଵ ଶୁକ୍ରା ଭ୍ରାଜନ୍ତ ଈରତେ । ତଵ ଜ୍ଯୋତୀଗ୍ଷ୍ଯର୍ଚଯଃ ॥ ଆଯୁର୍ଦା ଅଗ୍ନେ-ଽସ୍ଯାଯୁର୍ମେ [ଅଗ୍ନେ-ଽସ୍ଯାଯୁର୍ମେ, ଦେହି ଵର୍ଚୋଦା] 19
ଦେହି ଵର୍ଚୋଦା ଅଗ୍ନେ-ଽସି ଵର୍ଚୋ ମେ ଦେହି ତନୂପା ଅଗ୍ନେ-ଽସି ତନୁଵ-ମ୍ମେ ପାହ୍ଯଗ୍ନେ ଯନ୍ମେ ତନୁଵା ଊନ-ନ୍ତନ୍ମ ଆ ପୃଣ ଚିତ୍ରାଵସୋ ସ୍ଵସ୍ତି ତେ ପାରମଶୀଯେନ୍ଧାନାସ୍ତ୍ଵା ଶତଗ୍ଂ ହିମା ଦ୍ଯୁମନ୍ତ-ସ୍ସମିଧୀମହି ଵଯସ୍ଵନ୍ତୋ ଵଯସ୍କୃତଂ-ଯଁଶସ୍ଵନ୍ତୋ ଯଶସ୍କୃତଗ୍ଂ ସୁଵୀରାସୋ ଅଦାଭ୍ଯମ୍ । ଅଗ୍ନେ ସପତ୍ନଦମ୍ଭନଂ-ଵଁର୍ଷିଷ୍ଠେ ଅଧି ନାକେ ॥ ସ-ନ୍ତ୍ଵମଗ୍ନେ ସୂର୍ଯସ୍ଯ ଵର୍ଚସା ଽଗଥା-ସ୍ସମୃଷୀଣାଗ୍ ସ୍ତୁତେନ ସ-ମ୍ପ୍ରିଯେଣ ଧାମ୍ନା । ତ୍ଵମଗ୍ନେ ସୂର୍ଯଵର୍ଚା ଅସି ସ-ମ୍ମାମାଯୁଷା ଵର୍ଚସା ପ୍ରଜଯା ସୃଜ ॥ 20 ॥

(ଆହୁଵଦ୍ଧ୍ଯୈ-ପୋଷଗ୍ଂ ରଯିଂ-ମେ-ଵର୍ଚସା-ସପ୍ତଦଶ ଚ ) (ଅ. 5)
ସ-ମ୍ପଶ୍ଯାମି ପ୍ରଜା ଅହ-ମିଡପ୍ରଜସୋ ମାନଵୀଃ । ସର୍ଵା ଭଵନ୍ତୁ ନୋ ଗୃହେ । ଅମ୍ଭ-ସ୍ସ୍ଥାମ୍ଭୋ ଵୋ ଭକ୍ଷୀଯ ମହଃ ସ୍ଥ ମହୋ ଵୋ ଭକ୍ଷୀଯ ସହଃ ସ୍ଥ ସହୋ ଵୋ ଭକ୍ଷୀଯୋର୍ଜ-ସ୍ସ୍ଥୋର୍ଜଂ-ଵୋଁ ଭକ୍ଷୀଯ ରେଵତୀ ରମଦ୍ଧ୍ଵ-ମସ୍ମିନ୍ ଁଲୋକେ-ଽସ୍ମି-ନ୍ଗୋଷ୍ଠେ-ଽସ୍ମିନ୍ କ୍ଷଯେ-ଽସ୍ମିନ୍ ଯୋନାଵିହୈଵ ସ୍ତେତୋ ମା-ଽପ ଗାତ ବହ୍ଵୀର୍ମେ ଭୂଯାସ୍ତ [ଭୂଯାସ୍ତ, ସଗ୍ଂହିତା-ଽସି] 21
ସଗ୍ଂହିତା-ଽସି ଵିଶ୍ଵରୂପୀରା ମୋର୍ଜା ଵିଶା ଽଽଗୌପତ୍ଯେନା ଽଽରାଯସ୍ପୋଷେଣ ସହସ୍ରପୋଷଂ-ଵଃ ଁପୁଷ୍ଯାସ-ମ୍ମଯି ଵୋ ରାଯଃ ଶ୍ରଯନ୍ତାମ୍ ॥ ଉପ ତ୍ଵା-ଽଗ୍ନେ ଦିଵେଦିଵେ ଦୋଷାଵସ୍ତର୍ଧିଯା ଵଯମ୍ । ନମୋ ଭରନ୍ତ ଏମସି ॥ ରାଜନ୍ତମଦ୍ଧ୍ଵରାଣା-ଙ୍ଗୋପାମୃତସ୍ଯ ଦୀଦିଵିମ୍ । ଵର୍ଧମାନଗ୍ଗ୍ ସ୍ଵେ ଦମେ ॥ ସ ନଃ ପିତେଵ ସୂନଵେ-ଽଗ୍ନେ ସୂପାଯନୋ ଭଵ । ସଚସ୍ଵା ନ-ସ୍ସ୍ଵସ୍ତଯେ ॥ ଅଗ୍ନେ [ଅଗ୍ନେ, ତ୍ଵ-ନ୍ନୋ ଅନ୍ତମଃ ।] 22
ତ୍ଵ-ନ୍ନୋ ଅନ୍ତମଃ । ଉତ ତ୍ରାତା ଶିଵୋ ଭଵ ଵରୂତ୍ଥ୍ଯଃ ॥ ତ-ନ୍ତ୍ଵା ଶୋଚିଷ୍ଠ ଦୀଦିଵଃ । ସୁମ୍ନାଯ ନୂନମୀମହେ ସଖିଭ୍ଯଃ ॥ ଵସୁରଗ୍ନି-ର୍ଵସୁଶ୍ରଵାଃ । ଅଚ୍ଛା ନକ୍ଷି ଦ୍ଯୁମତ୍ତମୋ ରଯି-ନ୍ଦାଃ ॥ ଊର୍ଜା ଵଃ ପଶ୍ଯାମ୍ଯୂର୍ଜା ମା ପଶ୍ଯତ ରାଯସ୍ପୋଷେଣ ଵଃ ପଶ୍ଯାମି ରାଯସ୍ପୋଷେଣ ମା ପଶ୍ଯତେଡା-ସ୍ସ୍ଥ ମଧୁକୃତଃ ସ୍ଯୋନା ମା ଽଽଵିଶତେରା ମଦଃ । ସହସ୍ରପୋଷଂ-ଵଃ ଁପୁଷ୍ଯାସ- [ପୁଷ୍ଯାସମ୍, ମଯି] 23
ମ୍ମଯି ଵୋ ରାଯଃ ଶ୍ରଯନ୍ତାମ୍ ॥ ତଥ୍ସଵିତୁ-ର୍ଵରେଣ୍ଯ-ମ୍ଭର୍ଗୋ ଦେଵସ୍ଯ ଧୀମହି । ଧିଯୋ ଯୋନଃ ପ୍ରଚୋଦଯାତ୍ ॥ ସୋମାନଗ୍ଗ୍ ସ୍ଵରଣ-ଙ୍କୃଣୁହି ବ୍ରହ୍ମଣସ୍ପତେ । କକ୍ଷୀଵନ୍ତଂ-ଯଁ ଔଶିଜମ୍ ॥ କଦା ଚନ ସ୍ତରୀରସି ନେନ୍ଦ୍ର ସଶ୍ଚସି ଦାଶୁଷେ ॥ ଉପୋପେନ୍ନୁ ମଘଵ-ନ୍ଭୁଯ ଇନ୍ନୁ ତେ ଦାନ-ନ୍ଦେଵସ୍ଯ ପୃଚ୍ଯତେ ॥ ପରି ତ୍ଵା-ଽଗ୍ନେ ପୁରଂ-ଵଁଯଂ-ଵିଁପ୍ରଗ୍ଂ ସହସ୍ଯ ଧୀମହି ॥ ଧୃଷଦ୍ଵର୍ଣ-ନ୍ଦିଵେଦିଵେ ଭେତ୍ତାର-ମ୍ଭଙ୍ଗୁରାଵତଃ ॥ ଅଗ୍ନେ ଗୃହପତେ ସୁଗୃହପତିରହ-ନ୍ତ୍ଵଯା ଗୃହପତିନା ଭୂଯାସଗ୍ଂ ସୁଗୃହପତିର୍ମଯା ତ୍ଵ-ଙ୍ଗୃହପତିନା ଭୂଯା-ଶ୍ଶତଗ୍ଂ ହିମାସ୍ତାମାଶିଷମା ଶାସେ ତନ୍ତଵେ ଜ୍ଯୋତିଷ୍ମତୀ-ନ୍ତାମାଶିଷମା ଶାସେ-ଽମୁଷ୍ମୈ ଜ୍ଯୋତିଷ୍ମତୀମ୍ ॥ 24 ॥

(ଭୂଯାସ୍ତ-ସ୍ଵସ୍ତଯେ-ଽଗ୍ନେ-ପୁଷ୍ଯାସଂ-ଧୃଷଦ୍ଵର୍ଣ-ମେକାନ୍ନତ୍ରିଗ୍ଂଶଚ୍ଚ ) (ଅ. 6)
ଅଯଜ୍ଞୋ ଵା ଏଷ ଯୋ-ଽସାମୋପପ୍ରଯନ୍ତୋ ଅଦ୍ଧ୍ଵରମିତ୍ଯାହ ସ୍ତୋମମେଵାସ୍ମୈ ଯୁନକ୍ତ୍ଯୁପେତ୍ଯାହ ପ୍ରଜା ଵୈ ପଶଵ ଉପେମଂ-ଲୋଁକ-ମ୍ପ୍ରଜାମେଵ ପଶୂନିମଂ-ଲୋଁକମୁପୈତ୍ଯସ୍ଯ ପ୍ରତ୍ନାମନୁ ଦ୍ଯୁତମିତ୍ଯାହ ସୁଵର୍ଗୋ ଵୈ ଲୋକଃ ପ୍ରତ୍ନ-ସ୍ସୁଵର୍ଗମେଵ ଲୋକଗ୍ଂ ସମାରୋହତ୍ଯଗ୍ନି-ର୍ମୂର୍ଧା ଦିଵଃ କକୁଦିତ୍ଯାହ ମୂର୍ଧାନ- [ମୂର୍ଧାନମ୍, ଏଵୈନଗ୍ଂ] 25
ମେଵୈନଗ୍ଂ ସମାନାନା-ଙ୍କରୋତ୍ଯଥୋ ଦେଵଲୋକାଦେଵ ମନୁଷ୍ଯଲୋକେ ପ୍ରତି ତିଷ୍ଠତ୍ଯଯମିହ ପ୍ରଥମୋ ଧାଯି ଧାତୃଭିରିତ୍ଯାହ ମୁଖ୍ଯମେଵୈନ-ଙ୍କରୋତ୍ଯୁଭା ଵାମିନ୍ଦ୍ରାଗ୍ନୀ ଆହୁଵଦ୍ଧ୍ଯା ଇତ୍ଯାହୌଜୋ ବଲମେଵାଵ ରୁନ୍ଧେ ଽଯ-ନ୍ତେ ଯୋନିର୍-ଋତ୍ଵିଯ ଇତ୍ଯାହ ପଶଵୋ ଵୈ ରଯିଃ ପଶୂନେଵାଵ ରୁନ୍ଧେ ଷଡ୍ଭିରୁପ ତିଷ୍ଠତେ ଷଡ୍ଵା [ଷଡ୍ଵୈ, ଋତଵ ଋତୁଷ୍ଵେଵ] 26
ଋତଵ ଋତୁଷ୍ଵେଵ ପ୍ରତି ତିଷ୍ଠତି ଷଡ୍ଭିରୁତ୍ତରାଭିରୁପ ତିଷ୍ଠତେ ଦ୍ଵାଦଶ ସ-ମ୍ପଦ୍ଯନ୍ତେ ଦ୍ଵାଦଶ ମାସା-ସ୍ସଂଵଁଥ୍ସର-ସ୍ସଂଁଵଥ୍ସର ଏଵ ପ୍ରତି ତିଷ୍ଠତି ଯଥା ଵୈ ପୁରୁଷୋ-ଽଶ୍ଵୋ ଗୌ-ର୍ଜୀର୍ଯତ୍ଯେଵ-ମଗ୍ନିରାହିତୋ ଜୀର୍ଯତି ସଂଵଁଥ୍ସରସ୍ଯ ପରସ୍ତାଦାଗ୍ନିପାଵମାନୀଭି-ରୁପ ତିଷ୍ଠତେ ପୁନର୍ନଵ-ମେଵୈନ-ମଜର-ଙ୍କରୋତ୍ଯଥୋ ପୁନାତ୍ଯେଵୋପ ତିଷ୍ଠତେ ଯୋଗ ଏଵାସ୍ଯୈଷ ଉପ ତିଷ୍ଠତେ [ଉପ ତିଷ୍ଠତେ, ଦମ ଏଵାସ୍ଯୈଷ] 27
ଦମ ଏଵାସ୍ଯୈଷ ଉପ ତିଷ୍ଠତେ ଯାଚ୍ଞୈଵା-ଽସ୍ଯୈଷୋପ ତିଷ୍ଠତେ ଯଥା ପାପୀଯାଞ୍ଛ୍ରେଯସ ଆହୃତ୍ଯ ନମସ୍ଯତି ତାଦୃଗେଵ ତଦାଯୁର୍ଦା ଅଗ୍ନେ-ଽସ୍ଯାଯୁର୍ମେ ଦେହୀତ୍ଯାହା-ଽଽଯୁର୍ଦା ହ୍ଯେଷ ଵର୍ଚୋଦା ଅଗ୍ନେ-ଽସି ଵର୍ଚୋ ମେ ଦେହୀତ୍ଯାହ ଵର୍ଚୋଦା ହ୍ଯେଷ ତନୂପା ଅଗ୍ନେ-ଽସି ତନୁଵ-ମ୍ମେ ପାହୀତ୍ଯାହ [ପାହୀତ୍ଯାହ, ତନୂପା] 28
ତନୂପା ହ୍ଯେଷୋ-ଽଗ୍ନେ ଯନ୍ମେ ତନୁଵା ଊନ-ନ୍ତନ୍ମ ଆ ପୃଣେତ୍ଯାହ ଯନ୍ମେ ପ୍ରଜାଯୈ ପଶୂନାମୂନ-ନ୍ତନ୍ମ ଆ ପୂରଯେତି ଵାଵୈତଦାହ ଚିତ୍ରାଵସୋ ସ୍ଵସ୍ତି ତେ ପାରମଶୀଯେତ୍ଯାହ ରାତ୍ରି-ର୍ଵୈ ଚିତ୍ରାଵସୁରଵ୍ଯୁଷ୍ଟ୍ଯୈ ଵା ଏତସ୍ଯୈ ପୁରା ବ୍ରାହ୍ମଣା ଅଭୈଷୁ-ର୍ଵ୍ଯୁଷ୍ଟିମେଵାଵ ରୁନ୍ଧ ଇନ୍ଧାନାସ୍ତ୍ଵା ଶତଗ୍ଂ [ଶତମ୍, ହିମା ଇତ୍ଯାହ] 29
ହିମା ଇତ୍ଯାହ ଶତାଯୁଃ ପୁରୁଷ-ଶ୍ଶତେନ୍ଦ୍ରିଯ ଆଯୁଷ୍ଯେଵେନ୍ଦ୍ରିଯେ ପ୍ରତି ତିଷ୍ଠତ୍ଯେଷା ଵୈ ସୂର୍ମୀ କର୍ଣକାଵତ୍ଯେତଯା ହ ସ୍ମ ଵୈ ଦେଵା ଅସୁରାଣାଗ୍ଂ ଶତତର୍ହାଗ୍ ସ୍ତୃଗ୍ଂହନ୍ତି ଯଦେତଯା ସମିଧମାଦଧାତି ଵଜ୍ରମେଵୈତଚ୍ଛତଘ୍ନୀଂ-ଯଁଜମାନୋ ଭ୍ରାତୃଵ୍ଯାଯ ପ୍ର ହରତି ସ୍ତୃତ୍ଯା ଅଛମ୍ବଟ୍କାରଗ୍ଂ ସ-ନ୍ତ୍ଵମଗ୍ନେ ସୂର୍ଯସ୍ଯ ଵର୍ଚସା-ଽଗଥା ଇତ୍ଯାହୈତତ୍ତ୍ଵମସୀଦମହ-ମ୍ଭୂଯାସମିତି ଵାଵୈତଦାହ ତ୍ଵମଗ୍ନେ ସୂର୍ଯଵର୍ଚା ଅସୀତ୍ଯାହା-ଽଽଶିଷମେଵୈତାମା ଶାସ୍ତେ ॥ 30 ॥

(ମୂର୍ଧାନଗ୍ଂ-ଷଡ୍ଵା-ଏଷ ଉପ ତିଷ୍ଠତେ-ପାହୀତ୍ଯାହ-ଶତ-ମହଗ୍ଂ ଷୋଡଶ ଚ) (ଅ. 7)
ସ-ମ୍ପଶ୍ଯାମି ପ୍ରଜା ଅହମିତ୍ଯାହ ଯାଵନ୍ତ ଏଵ ଗ୍ରାମ୍ଯାଃ ପଶଵସ୍ତାନେଵାଵ ରୁନ୍ଧେ-ଽମ୍ଭ-ସ୍ସ୍ଥାମ୍ଭୋ ଵୋ ଭକ୍ଷୀଯେତ୍ଯାହାମ୍ଭୋ ହ୍ଯେତା ମହଃ ସ୍ଥ ମହୋ ଵୋ ଭକ୍ଷୀଯେତ୍ଯାହ ମହୋ ହ୍ଯେତା-ସ୍ସହଃ ସ୍ଥ ସହୋ ଵୋ ଭକ୍ଷୀଯେତ୍ଯାହ ସହୋ ହ୍ଯେତା ଊର୍ଜ-ସ୍ସ୍ଥୋର୍ଜଂ-ଵୋଁ ଭକ୍ଷୀଯେ- [ଭକ୍ଷୀଯେତି, ଆହୋର୍ଜୋ ହ୍ଯେତା] 31
-ତ୍ଯାହୋର୍ଜୋ ହ୍ଯେତା ରେଵତୀ ରମଦ୍ଧ୍ଵମିତ୍ଯାହ ପଶଵୋ ଵୈ ରେଵତୀଃ ପଶୂନେଵାତ୍ମ-ନ୍ରମଯତ ଇହୈଵ ସ୍ତେତୋ ମା-ଽପ ଗାତେତ୍ଯାହ ଧ୍ରୁଵା ଏଵୈନା ଅନପଗାଃ କୁରୁତ ଇଷ୍ଟକଚିଦ୍ଵା ଅନ୍ଯୋ-ଽଗ୍ନିଃ ପଶୁଚିଦନ୍ଯ-ସ୍ସଗ୍ଂହିତାସି ଵିଶ୍ଵରୂପୀରିତି ଵଥ୍ସମଭି ମୃଶତ୍ଯୁପୈଵୈନ-ନ୍ଧତ୍ତେ ପଶୁଚିତମେନ-ଙ୍କୁରୁତେ ପ୍ର [ ] 32
ଵା ଏଷୋ-ଽସ୍ମାଲ୍ଲୋକାଚ୍ଚ୍ଯଵତେ ଯ ଆହଵନୀଯ-ମୁପତିଷ୍ଠତେ ଗାର୍ହପତ୍ଯମୁପ ତିଷ୍ଠତେ ଽସ୍ମିନ୍ନେଵ ଲୋକେ ପ୍ରତି ତିଷ୍ଠତ୍ଯଥୋ ଗାର୍ହପତ୍ଯାଯୈଵ ନି ହ୍ନୁତେ ଗାଯତ୍ରୀଭିରୁପ ତିଷ୍ଠତେ ତେଜୋ ଵୈ ଗାଯତ୍ରୀ ତେଜ ଏଵାତ୍ମ-ନ୍ଧତ୍ତେ-ଽଥୋ ଯଦେତ-ନ୍ତୃଚମନ୍ଵାହ ସନ୍ତତ୍ଯୈ ଗାର୍ହପତ୍ଯଂ-ଵାଁ ଅନୁ ଦ୍ଵିପାଦୋ ଵୀରାଃ ପ୍ର ଜାଯନ୍ତେ ଯ ଏଵଂ-ଵିଁଦ୍ଵା-ନ୍ଦ୍ଵିପଦାଭି-ର୍ଗାର୍ହପତ୍ଯ-ମୁପତିଷ୍ଠତ [ମୁପତିଷ୍ଠତେ, ଆ-ଽସ୍ଯ] 33
ଆ-ଽସ୍ଯ ଵୀରୋ ଜାଯତ ଊର୍ଜା ଵଃ ପଶ୍ଯାମ୍ଯୂର୍ଜା ମା ପଶ୍ଯତେତ୍ଯାହା ଽଽଶିଷମେଵୈତାମା ଶାସ୍ତେ ତଥ୍ସଵିତୁ-ର୍ଵରେଣ୍ଯମିତ୍ଯାହ ପ୍ରସୂତ୍ଯୈ ସୋମାନଗ୍ଗ୍ ସ୍ଵରଣମିତ୍ଯାହ ସୋମପୀଥମେଵାଵ ରୁନ୍ଧେ କୃଣୁହି ବ୍ରହ୍ମଣସ୍ପତ ଇତ୍ଯାହ ବ୍ରହ୍ମଵର୍ଚସମେଵାଵ ରୁନ୍ଧେ କଦା ଚନ ସ୍ତରୀରସୀତ୍ଯାହ ନ ସ୍ତରୀଗ୍ଂ ରାତ୍ରିଂ-ଵଁସତି [ରାତ୍ରିଂ-ଵଁସତି, ଯ ଏଵଂ] 34
ଯ ଏଵଂ-ଵିଁଦ୍ଵାନଗ୍ନି-ମୁପତିଷ୍ଠତେ ପରି ତ୍ଵା-ଽଗ୍ନେ ପୁରଂ-ଵଁଯମିତ୍ଯାହ ପରିଧିମେଵୈତ-ମ୍ପରି ଦଧାତ୍ଯସ୍କନ୍ଦାଯାଗ୍ନେ ଗୃହପତ ଇତ୍ଯାହ ଯଥାଯଜୁରେଵୈତଚ୍ଛତଗ୍ଂ ହିମା ଇତ୍ଯାହ ଶତ-ନ୍ତ୍ଵା ହେମନ୍ତାନିନ୍ଧିଷୀଯେତି ଵାଵୈତଦାହ ପୁତ୍ରସ୍ଯ ନାମ ଗୃହ୍ଣାତ୍ଯନ୍ନାଦମେଵୈନ-ଙ୍କରୋତି ତାମାଶିଷମା ଶାସେ ତନ୍ତଵେ ଜ୍ଯୋତିଷ୍ମତୀମିତି ବ୍ରୂଯାଦ୍ଯସ୍ଯ ପୁତ୍ରୋ-ଽଜାତ-ସ୍ସ୍ଯା-ତ୍ତେଜସ୍ଵ୍ଯେଵାସ୍ଯ ବ୍ରହ୍ମଵର୍ଚସୀ ପୁତ୍ରୋ ଜାଯତେ ତାମାଶିଷମା ଶାସେ ଽମୁଷ୍ମୈ ଜ୍ଯୋତିଷ୍ମତୀ ମିତି ବ୍ରୂଯାଦ୍ଯସ୍ଯ ପୁତ୍ରୋ ଜାତ-ସ୍ସ୍ଯା-ତ୍ତେଜ ଏଵାସ୍ମି-ନ୍ବ୍ରହ୍ମଵର୍ଚସ-ନ୍ଦଧାତି ॥ 35 ॥

(ଊର୍ଜଂ-ଵୋଁ ଭକ୍ଷୀଯେତି - ପ୍ର -ଗାର୍ହପତ୍ଯମୁପତିଷ୍ଠତେ -ଵସତି-ଜ୍ଯୋତିଷ୍ମତୀ - ମେକାନ୍ନତ୍ରିଗ୍ଂଶଚ୍ଚ) (ଅ. 8)
ଅଗ୍ନିହୋତ୍ର-ଞ୍ଜୁହୋତି ଯଦେଵ କି-ଞ୍ଚ ଯଜମାନସ୍ଯ ସ୍ଵ-ନ୍ତସ୍ଯୈଵ ତଦ୍ରେତଃ ସିଞ୍ଚତି ପ୍ରଜନନେ ପ୍ରଜନନଗ୍ଂ ହି ଵା ଅଗ୍ନିରଥୌଷଧୀରନ୍ତଗତା ଦହତି ତାସ୍ତତୋ ଭୂଯସୀଃ ପ୍ର ଜାଯନ୍ତେ ଯଥ୍ସାଯ-ଞ୍ଜୁହୋତି ରେତ ଏଵ ତଥ୍ସିଞ୍ଚତି ପ୍ରୈଵ ପ୍ରାତସ୍ତନେନ ଜନଯତି ତଦ୍ରେତଃ ସିକ୍ତ-ନ୍ନ ତ୍ଵଷ୍ଟ୍ରା-ଽଵିକୃତ-ମ୍ପ୍ରଜାଯତେ ଯାଵଚ୍ଛୋ ଵୈ ରେତସ-ସ୍ସିକ୍ତସ୍ଯ [ରେତସ-ସ୍ସିକ୍ତସ୍ଯ, ତ୍ଵଷ୍ଟା ରୂପାଣି] 36
ତ୍ଵଷ୍ଟା ରୂପାଣି ଵିକରୋତି ତାଵଚ୍ଛୋ ଵୈ ତତ୍ପ୍ର ଜାଯତ ଏଷ ଵୈ ଦୈଵ୍ଯସ୍ତ୍ଵଷ୍ଟା ଯୋ ଯଜତେ ବହ୍ଵୀଭିରୁପ ତିଷ୍ଠତେ ରେତସ ଏଵ ସିକ୍ତସ୍ଯ ବହୁଶୋ ରୂପାଣି ଵି କରୋତି ସ ପ୍ରୈଵ ଜାଯତେ ଶ୍ଵସ୍ଶ୍ଵୋ ଭୂଯା-ନ୍ଭଵତି ଯ ଏଵଂ ଁଵିଦ୍ଵାନଗ୍ନିମୁପତିଷ୍ଠତେ ଽହର୍ଦେଵାନାମାସୀ-ଦ୍- ରାତ୍ରିରସୁରାଣା-ନ୍ତେ-ଽସୁରା ଯଦ୍ଦେଵାନାଂ-ଵିଁତ୍ତଂ ଁଵେଦ୍ଯମାସୀତ୍ତେନ ସହ [ ] 37
ରାତ୍ରି-ମ୍ପ୍ରା-ଽଵିଶନ୍ତେ ଦେଵା ହୀନା ଅମନ୍ଯନ୍ତ ତେ-ଽପଶ୍ଯନ୍ନାଗ୍ନେଯୀ ରାତ୍ରିରାଗ୍ନେଯାଃ ପଶଵ ଇମମେଵାଗ୍ନିଗ୍ଗ୍ ସ୍ତଵାମ ସ ନଃ ସ୍ତୁତଃ ପଶୂ-ନ୍ପୁନର୍ଦାସ୍ଯତୀତି ତେ-ଽଗ୍ନିମସ୍ତୁଵନ୍-ଥ୍ସ ଏଭ୍ଯ-ସ୍ସ୍ତୁତୋ ରାତ୍ରିଯା ଅଦ୍ଧ୍ଯହରଭି ପଶୂନ୍ନିରାର୍ଜତ୍ତେ ଦେଵାଃ ପଶୂନ୍ ଵିତ୍ତ୍ଵା କାମାଗ୍ଂ ଅକୁର୍ଵତ ଯ ଏଵଂ-ଵିଁଦ୍ଵାନଗ୍ନିମୁପତିଷ୍ଠତେ ପଶୁମା-ନ୍ଭଵ- [ପଶୁମା-ନ୍ଭଵତି, ଆଦିତ୍ଯୋ] 38
-ତ୍ଯାଦିତ୍ଯୋ ଵା ଅସ୍ମାଲ୍ଲୋକାଦମୁଂ-ଲୋଁକମୈଥ୍ସୋ-ଽମୁଂ-ଲୋଁକ-ଙ୍ଗତ୍ଵା ପୁନରିମଂ-ଲୋଁକମଭ୍ଯଦ୍ଧ୍ଯାଯ-ଥ୍ସ ଇମଂ-ଲୋଁକମାଗତ୍ଯ ମୃତ୍ଯୋରବିଭେନ୍ମୃତ୍ଯୁସଂଯୁଁତ ଇଵ ହ୍ଯଯଂ-ଲୋଁକ-ସ୍ସୋ-ଽମନ୍ଯତେମ-ମେଵାଗ୍ନିଗ୍ଗ୍ ସ୍ତଵାନି ସ ମା ସ୍ତୁତ-ସ୍ସୁଵର୍ଗଂ-ଲୋଁକ-ଙ୍ଗମଯିଷ୍ଯତୀତି ସୋ-ଽଗ୍ନିମସ୍ତୌ-ଥ୍ସ ଏନଗ୍ଗ୍ ସ୍ତୁତ-ସ୍ସୁଵର୍ଗଂ-ଲୋଁକମଗମଯଦ୍ଯ [ଲୋକମଗମଯଦ୍ଯଃ, ଏଵଂ-ଵିଁଦ୍ଵାନଗ୍ନି-] 39
ଏଵଂ-ଵିଁଦ୍ଵାନଗ୍ନିମୁପତିଷ୍ଠତେ ସୁଵର୍ଗମେଵ ଲୋକମେତି ସର୍ଵମାଯୁରେତ୍ଯଭି ଵା ଏଷୋ-ଽଗ୍ନୀ ଆ ରୋହତି ଯ ଏନାଵୁପତିଷ୍ଠତେ ଯଥା ଖଲୁ ଵୈ ଶ୍ରେଯାନଭ୍ଯାରୂଢଃ କାମଯତେ ତଥା କରୋତି ନକ୍ତମୁପ ତିଷ୍ଠତେ ନ ପ୍ରାତ-ସ୍ସଗ୍ଂ ହି ନକ୍ତଂ-ଵ୍ରଁତାନି ସୃଜ୍ଯନ୍ତେ ସହ ଶ୍ରେଯାଗ୍ଶ୍ଚ ପାପୀଯାଗ୍ଶ୍ଚାସାତେ ଜ୍ଯୋତିର୍ଵା ଅଗ୍ନିସ୍ତମୋ ରାତ୍ରିର୍ଯ- [ରାତ୍ରିର୍ଯତ୍, ନକ୍ତମୁପତିଷ୍ଠତେ] 40
-ନ୍ନକ୍ତମୁପତିଷ୍ଠତେ ଜ୍ଯୋତିଷୈଵ ତମସ୍ତରତ୍ଯୁପସ୍ଥେଯୋ ଽଗ୍ନୀ(3)-ର୍ନୋପସ୍ଥେଯା(3) ଇତ୍ଯାହୁ-ର୍ମନୁଷ୍ଯାଯେନ୍ନ୍ଵୈ ଯୋ-ଽହରହରାହୃତ୍ଯା-ଽଥୈନଂ-ଯାଁଚତି ସ ଇନ୍ନ୍ଵୈ ତମୁପାର୍ଚ୍ଛତ୍ଯଥ କୋ ଦେଵାନହରହର୍ଯାଚିଷ୍ଯତୀତି ତସ୍ମାନ୍ନୋପସ୍ଥେଯୋ ଽଥୋ ଖଲ୍ଵାହୁରାଶିଷେ ଵୈ କଂ-ଯଁଜମାନୋ ଯଜତ ଇତ୍ଯେଷା ଖଲୁ ଵା [ଖଲୁ ଵୈ, ଆହିତାଗ୍ନେ-] 41
ଆହିତାଗ୍ନେ ରାଶୀ-ର୍ଯଦଗ୍ନିମୁପତିଷ୍ଠତେ ତସ୍ମାଦୁପସ୍ଥେଯଃ ପ୍ରଜାପତିଃ ପଶୂନସୃଜତ ତେ ସୃଷ୍ଟା ଅହୋରାତ୍ରେ ପ୍ରା-ଽଵିଶ-ନ୍ତାଞ୍ଛନ୍ଦୋଭି-ରନ୍ଵଵିନ୍ଦ-ଦ୍ଯଚ୍ଛନ୍ଦୋଭି-ରୁପତିଷ୍ଠତେ ସ୍ଵମେଵ ତଦନ୍ଵିଚ୍ଛତି ନ ତତ୍ର ଜାମ୍ଯସ୍ତୀତ୍ଯାହୁର୍ଯୋ-ଽହରହରୁପ ତିଷ୍ଠତ ଇତି ଯୋ ଵା ଅଗ୍ନି-ମ୍ପ୍ରତ୍ଯଙ୍ଙୁପ ତିଷ୍ଠତେ ପ୍ରତ୍ଯେନମୋଷତି ଯଃ ପରାଂ-ଵିଁଷ୍ଵ-ମ୍ପ୍ରଜଯା ପଶୁଭି ରେତି କଵାତିର୍ଯଙ୍ଙିଵୋପ ତିଷ୍ଠେତ ନୈନ-ମ୍ପ୍ରତ୍ଯୋଷତି ନ ଵିଷ୍ଵ-ମ୍ପ୍ରଜଯା ପଶୁଭିରେତି ॥ 42 ॥

(ସିକ୍ତସ୍ଯ-ସହ-ଭଵତି-ଯୋ-ଯତ୍-ଖଲୁ ଵୈ-ପଶୁଭି-ସ୍ତ୍ରଯୋଦଶ ଚ) (ଅ. 9)
ମମ ନାମ ପ୍ରଥମ-ଞ୍ଜାତଵେଦଃ ପିତା ମାତା ଚ ଦଧତୁର୍ଯଦଗ୍ରେ । ତତ୍ତ୍ଵ-ମ୍ବିଭୃହି ପୁନରା ମଦୈତୋସ୍ତଵାହ-ନ୍ନାମ ବିଭରାଣ୍ଯଗ୍ନେ ॥ ମମ ନାମ ତଵ ଚ ଜାତଵେଦୋ ଵାସସୀ ଇଵ ଵିଵସାନୌ ଯେ ଚରାଵଃ । ଆଯୁଷେ ତ୍ଵ-ଞ୍ଜୀଵସେ ଵଯଂ-ଯଁଥାଯଥଂ-ଵିଁ ପରି ଦଧାଵହୈ ପୁନସ୍ତେ ॥ ନମୋ-ଽଗ୍ନଯେ ଽପ୍ରତିଵିଦ୍ଧାଯ ନମୋ-ଽନାଧୃଷ୍ଟାଯ ନମଃ ସମ୍ରାଜେ । ଅଷାଢୋ [ଅଷାଢଃ, ଅଗ୍ନିର୍ବୃହଦ୍ଵଯା] 43
ଅଗ୍ନିର୍ବୃହଦ୍ଵଯା ଵିଶ୍ଵଜି-ଥ୍ସହନ୍ତ୍ଯ-ଶ୍ଶ୍ରେଷ୍ଠୋ ଗନ୍ଧର୍ଵଃ । ତ୍ଵତ୍ପିତାରୋ ଅଗ୍ନେ ଦେଵା-ସ୍ତ୍ଵାମାହୁତଯ-ସ୍ତ୍ଵଦ୍ଵିଵାଚନାଃ । ସ-ମ୍ମାମାଯୁଷା ସ-ଙ୍ଗୌପତ୍ଯେନ ସୁହିତେ ମା ଧାଃ ॥ ଅଯମଗ୍ନି-ଶ୍ଶ୍ରେଷ୍ଠତମୋ ଽଯ-ମ୍ଭଗଵତ୍ତମୋ ଽଯଗ୍ଂ ସହସ୍ରସାତମଃ । ଅସ୍ମା ଅସ୍ତୁ ସୁଵୀର୍ଯମ୍ ॥ ମନୋ ଜ୍ଯୋତି-ର୍ଜୁଷତାମାଜ୍ଯଂ ଁଵିଚ୍ଛିନ୍ନଂ-ଯଁଜ୍ଞଗ୍ଂ ସମିମ-ନ୍ଦଧାତୁ । ଯା ଇଷ୍ଟା ଉଷସୋ ନିମ୍ରୁଚଶ୍ଚ ତା-ସ୍ସ-ନ୍ଦଧାମି ହଵିଷା ଘୃତେନ ॥ ପଯସ୍ଵତୀରୋଷଧଯଃ- [ପଯସ୍ଵତୀରୋଷଧଯଃ, ପଯସ୍ଵ-] 44
ପଯସ୍ଵଦ୍ଵୀରୁଧା-ମ୍ପଯଃ । ଅପା-ମ୍ପଯସୋ ଯତ୍ପଯସ୍ତେନ ମାମିନ୍ଦ୍ର ସଗ୍ଂ ସୃଜ ॥ ଅଗ୍ନେ ଵ୍ରତପତେ ଵ୍ରତ-ଞ୍ଚରିଷ୍ଯାମି ତଚ୍ଛକେଯ-ନ୍ତନ୍ମେ ରାଦ୍ଧ୍ଯତାମ୍ ॥ ଅଗ୍ନିଗ୍ଂ ହୋତାରମିହ ତଗ୍ଂ ହୁଵେ ଦେଵାନ୍. ଯଜ୍ଞିଯାନିହ ଯାନ୍. ହଵାମହେ ॥ ଆ ଯନ୍ତୁ ଦେଵା-ସ୍ସୁମନସ୍ଯମାନା ଵିଯନ୍ତୁ ଦେଵା ହଵିଷୋ ମେ ଅସ୍ଯ ॥ କସ୍ତ୍ଵା ଯୁନକ୍ତି ସ ତ୍ଵା ଯୁନକ୍ତୁ ଯାନି ଘର୍ମେ କପାଲାନ୍ଯୁପଚିନ୍ଵନ୍ତି [ ] 45
ଵେଧସଃ । ପୂଷ୍ଣସ୍ତାନ୍ଯପି ଵ୍ରତ ଇନ୍ଦ୍ରଵାଯୂ ଵି ମୁଞ୍ଚତାମ୍ ॥ଅଭିନ୍ନୋ ଘର୍ମୋ ଜୀରଦାନୁର୍ଯତ ଆତ୍ତସ୍ତଦଗ-ନ୍ପୁନଃ । ଇଦ୍ଧ୍ମୋ ଵେଦିଃ ପରିଧଯଶ୍ଚ ସର୍ଵେ ଯଜ୍ଞସ୍ଯା-ଽଽଯୁରନୁ ସ-ଞ୍ଚରନ୍ତି ॥ ତ୍ରଯସ୍ତ୍ରିଗ୍ଂଶ-ତ୍ତନ୍ତଵୋ ଯେ ଵିତତ୍ନିରେ ଯ ଇମଂ-ଯଁଜ୍ଞଗ୍ଗ୍ ସ୍ଵଧଯା ଦଦନ୍ତେ ତେଷା-ଞ୍ଛିନ୍ନ-ମ୍ପ୍ରତ୍ଯେତ-ଦ୍ଦଧାମି ସ୍ଵାହା ଘର୍ମୋ ଦେଵାଗ୍ଂ ଅପ୍ଯେତୁ ॥ 46 ॥

(ଅଷାଢ-ଓଷଧଯ-ଉପଚିନ୍ଵନ୍ତି-ପଞ୍ଚଚତ୍ଵାରିଗ୍ଂଶଚ୍ଚ) (ଅ. 10)
ଵୈଶ୍ଵାନରୋ ନ ଊତ୍ଯା-ଽଽ ପ୍ର ଯାତୁ ପରାଵତଃ । ଅଗ୍ନିରୁକ୍ଥେନ ଵାହସା ॥ ଋତାଵାନଂ-ଵୈଁଶ୍ଵାନରମୃତସ୍ଯ ଜ୍ଯୋତିଷସ୍ପତିମ୍ । ଅଜସ୍ର-ଙ୍ଘର୍ମମୀମହେ ॥ ଵୈଶ୍ଵାନରସ୍ଯ ଦଗ୍ଂସନାଭ୍ଯୋ ବୃହଦରିଣାଦେକଃ ସ୍ଵପସ୍ଯଯା କଵିଃ । ଉଭା ପିତରା ମହଯନ୍ନଜାଯତାଗ୍ନି-ର୍ଦ୍ଯାଵାପୃଥିଵୀ ଭୂରିରେତସା ॥ ପୃଷ୍ଟୋ ଦିଵି ପୃଷ୍ଟୋ ଅଗ୍ନିଃ ପୃଥିଵ୍ଯା-ମ୍ପୃଷ୍ଟୋ ଵିଶ୍ଵା ଓଷଧୀରା ଵିଵେଶ । ଵୈଶ୍ଵାନର-ସ୍ସହସା ପୃଷ୍ଟୋ ଅଗ୍ନି-ସ୍ସନୋ ଦିଵା ସ- [ଦିଵା ସଃ, ରିଷଃ ପାତୁ ନକ୍ତମ୍ ।] 47
ରିଷଃ ପାତୁ ନକ୍ତମ୍ ॥ ଜାତୋ ଯଦଗ୍ନେ ଭୁଵନା ଵ୍ଯଖ୍ଯଃ ପଶୁ-ନ୍ନ ଗୋପା ଇର୍ଯଃ ପରିଜ୍ମା । ଵୈଶ୍ଵାନର ବ୍ରହ୍ମଣେ ଵିନ୍ଦ ଗାତୁଂ-ଯୂଁଯ-ମ୍ପାତ ସ୍ଵସ୍ତିଭି-ସ୍ସଦା ନଃ ॥ ତ୍ଵମଗ୍ନେ ଶୋଚିଷା ଶୋଶୁଚାନ ଆ ରୋଦସୀ ଅପୃଣା ଜାଯମାନଃ । ତ୍ଵ-ନ୍ଦେଵାଗ୍ଂ ଅଭିଶସ୍ତେରମୁଞ୍ଚୋ ଵୈଶ୍ଵାନର ଜାତଵେଦୋ ମହିତ୍ଵା ॥ ଅସ୍ମାକମଗ୍ନେ ମଘଵଥ୍ସୁ ଧାରଯାନାମି କ୍ଷତ୍ରମଜରଗ୍ଂ ସୁଵୀର୍ଯମ୍ । ଵଯ-ଞ୍ଜଯେମ ଶତିନଗ୍ଂ ସହସ୍ରିଣଂ-ଵୈଁଶ୍ଵାନର [ଵୈଶ୍ଵାନର, ଵାଜମଗ୍ନେ] 48
ଵାଜମଗ୍ନେ ତଵୋତିଭିଃ ॥ ଵୈଶ୍ଵାନରସ୍ଯ ସୁମତୌ ସ୍ଯାମ ରାଜା ହିକ-ମ୍ଭୁଵନାନା-ମଭିଶ୍ରୀଃ । ଇତୋ ଜାତୋ ଵିଶ୍ଵମିଦଂ-ଵିଁ ଚଷ୍ଟେ ଵୈଶ୍ଵାନରୋ ଯତତେ ସୂର୍ଯେଣ ॥ ଅଵ ତେ ହେଡୋ ଵରୁଣ ନମୋଭିରଵ ଯଜ୍ଞେଭିରୀମହେ ହଵିର୍ଭିଃ । କ୍ଷଯନ୍ନସ୍ମଭ୍ଯମସୁର ପ୍ରଚେତୋ ରାଜନ୍ନେନାଗ୍ଂସି ଶିଶ୍ରଥଃ କୃତାନି ॥ ଉଦୁତ୍ତମଂ-ଵଁରୁଣ ପାଶମସ୍ମଦଵା-ଽଧମଂ-ଵିଁମଦ୍ଧ୍ଯମଗ୍ଗ୍ ଶ୍ରଥାଯ । ଅଥା ଵଯମାଦିତ୍ଯ [ ] 49
ଵ୍ରତେ ତଵା-ଽନାଗସୋ ଅଦିତଯେ ସ୍ଯାମ ॥ ଦଧିକ୍ରାଵ୍.ଣ୍ଣୋ ଅକାରିଷ-ଞ୍ଜିଷ୍ଣୋରଶ୍ଵସ୍ଯ ଵାଜିନଃ ॥ ସୁରଭିନୋ ମୁଖା କର-ତ୍ପ୍ରଣ ଆଯୂଗ୍ଂଷି ତାରିଷତ୍ ॥ ଆ ଦଧିକ୍ରା-ଶ୍ଶଵସ ପଞ୍ଚ କୃଷ୍ଟୀ-ସ୍ସୂର୍ଯ ଇଵ ଜ୍ଯୋତିଷା-ଽପସ୍ତତାନ । ସହସ୍ରସା-ଶ୍ଶତସା ଵାଜ୍ଯର୍ଵା ପୃଣକ୍ତୁ ମଦ୍ଧ୍ଵା ସମିମା ଵଚାଗ୍ଂସି । ଅଗ୍ନି-ର୍ମୂର୍ଧା, ଭୁଵଃ । ମରୁତୋ ଯଦ୍ଧଵୋ ଦିଵ-ସ୍ସୁମ୍ନାଯନ୍ତୋ ହଵାମହେ । ଆ ତୂ ନ [ଆ ତୂ ନଃ, ଉପ ଗନ୍ତନ ।] 50
ଉପ ଗନ୍ତନ ॥ ଯା ଵ-ଶ୍ଶର୍ମ ଶଶମାନାଯ ସନ୍ତି ତ୍ରିଧାତୂନି ଦାଶୁଷେ ଯଚ୍ଛତାଧି । ଅସ୍ମଭ୍ଯ-ନ୍ତାନି ମରୁତୋ ଵି ଯନ୍ତ ରଯି-ନ୍ନୋ ଧତ୍ତ ଵୃଷଣ-ସ୍ସୁଵୀରମ୍ ॥ ଅଦିତି-ର୍ନ ଉରୁଷ୍ଯତ୍ଵଦିତି-ଶ୍ଶର୍ମ ଯଚ୍ଛତୁ । ଅଦିତିଃ ପାତ୍ଵଗ୍ଂହସଃ ॥ ମହୀମୂଷୁ ମାତରଗ୍ଂ ସୁଵ୍ରତାନାମୃତସ୍ଯ ପତ୍ନୀମଵସେ ହୁଵେମ । ତୁଵିକ୍ଷତ୍ରା-ମଜରନ୍ତୀ-ମୁରୂଚୀଗ୍ଂ ସୁଶର୍ମାଣମଦିତିଗ୍ଂ ସୁପ୍ରଣୀତିମ୍ ॥ ସୁତ୍ରାମାଣ-ମ୍ପୃଥିଵୀ-ନ୍ଦ୍ଯାମନେହସଗ୍ଂ ସୁଶର୍ମାଣ ମଦିତିଗ୍ଂ ସୁପ୍ରଣୀତିମ୍ । ଦୈଵୀ-ନ୍ନାଵଗ୍ଗ୍ ସ୍ଵରିତ୍ରା-ମନାଗସ-ମସ୍ରଵନ୍ତୀମା ରୁହେମା ସ୍ଵସ୍ତଯେ ॥ ଇମାଗ୍ଂ ସୁ ନାଵମା-ଽରୁହଗ୍ଂ ଶତାରିତ୍ରାଗ୍ଂ ଶତସ୍ଫ୍ଯାମ୍ । ଅଚ୍ଛିଦ୍ରା-ମ୍ପାରଯିଷ୍ଣୁମ୍ ॥ 51 ॥