2.6 - সমিধো যজতি বসন্তম্ - কৃষ্ণ যজুর্বেদ তৈত্তিরীয সংহিতা পাঠঃ

কৃষ্ণ যজুর্বেদীয তৈত্তিরীয সংহিতাযা-ন্দ্বিতীযকাণ্ডে ষষ্ঠঃ প্রশ্নঃ - অবশিষ্টকর্মাভিধানং
ও-ন্নমঃ পরমাত্মনে, শ্রী মহাগণপতযে নমঃ,

শ্রী গুরুভ্যো নমঃ । হরিঃ ওম্ ॥
সমিধো যজতি বসন্তমেবর্তূনামব রুন্ধে তনূনপাতং-যঁজতি গ্রীষ্মমেবাব রুন্ধ ইডো যজতি বর্ষা এবাব রুন্ধে বর্হির্যজতি শরদমেবাব রুন্ধে স্বাহাকারং-যঁজতি হেমন্তমেবাব রুন্ধে তস্মা-থ্স্বাহাকৃতা হেম-ন্পশবো-ঽব সীদন্তি সমিধো যজত্যুষস এব দেবতানামব রুন্ধে তনূনপাতং-যঁজতি যজ্ঞমেবাব রুন্ধ [যজ্ঞমেবাব রুন্ধ, ইডো যজতি] 1
ইডো যজতি পশূনেবাব রুন্ধে বর্হির্যজতি প্রজামেবাব রুন্ধে সমানযত উপভৃতস্তেজো বা আজ্য-ম্প্রজা বর্হিঃ প্রজাস্বেব তেজো দধাতি স্বাহাকারং-যঁজতি বাচমেবাব রুন্ধে দশ স-ম্পদ্যন্তে দশাক্ষরা বিরাডন্নং-বিঁরাড্বিরাজৈ বান্নাদ্যমব রুন্ধে সমিধো যজত্যস্মিন্নেব লোকে প্রতিতিষ্ঠতি তনূনপাতং-যঁজতি [ ] 2
যজ্ঞ এবান্তরিক্ষে প্রতি তিষ্ঠতীডো যজতি পশুষ্বেব প্রতিতিষ্ঠতি বরঃইর্যজতি য এব দেবযানাঃ পন্থানস্তেষ্বেব প্রতিতিষ্ঠতি স্বাহাকারং-যঁজতি সুবর্গ এব লোকে প্রতি তিষ্ঠত্যেতাবন্তো বৈ দেবলোকাস্তেষ্বেব যথাপূর্ব-ম্প্রতিতিষ্ঠতি দেবাসুরা এষু লোকেষ্বস্পর্ধন্ত তে দেবাঃ প্রযাজৈরেভ্যো লোকেভ্যো ঽসুরা-ন্প্রাণুদন্ত ত-ত্প্রযাজানা- [ত-ত্প্রযাজানাম্, প্রযাজত্ব-] 3
-ম্প্রযাজত্বং-যঁস্যৈবং-বিঁদুষঃ প্রযাজা ইজ্যন্তে প্রৈভ্যো লোকেভ্যো ভ্রাতৃব্যান্নুদতে ঽভিক্রাম-ঞ্জুহোত্যভিজিত্যৈ যো বৈ প্রযাজানা-ম্মিথুনং-বেঁদ প্র প্রজযা পশুভি র্মিথুনৈ র্জাযতে সমিধো বহ্বীরিব যজতি তনূনপাতমেকমিব মিথুন-ন্তদিডো বহ্বীরিব যজতি বর্হিরেকমিব মিথুন-ন্তদেতদ্বৈ প্রযাজানা-ম্মিথুনং-যঁ এবং-বেঁদ প্র [ ] 4
প্রজযা পশুভি র্মিথুনৈ র্জাযতে দেবানাং-বাঁ অনিষ্টা দেবতা আসন্নথাসুরা যজ্ঞমজিঘাগ্ং স-ন্তে দেবা গাযত্রীং-ব্যৌঁহ-ন্পঞ্চাক্ষরাণি প্রাচীনানি ত্রীণি প্রতীচীনানি ততো বর্ম যজ্ঞাযাভবদ্বর্ম যজমানায য-ত্প্রযাজানূযাজা ইজ্যন্তে বর্মৈব তদ্যজ্ঞায ক্রিযতে বর্ম যজমানায ভ্রাতৃব্যাভিভূত্যৈ তস্মা-দ্বরূথ-ম্পুরস্তা-দ্বর্ষীযঃ পশ্চাদ্ধ্রসীযো দেবা বৈ পুরা রক্ষোভ্য [পুরা রক্ষোভ্যঃ, ইতি স্বাহাকারেণ] 5
ইতি স্বাহাকারেণ প্রযাজেষু যজ্ঞগ্ং সগ্গ্স্থাপ্যমপশ্য-ন্তগ্গ্ স্বাহাকারেণ প্রযাজেষু সমস্থাপযন্ বি বা এত-দ্যজ্ঞ-ঞ্ছিন্দন্তি য-থ্স্বাহাকারেণ প্রযাজেষু সগ্গ্স্থাপযন্তি প্রযাজানিষ্ট্বা হবীগ্ষ্যভি ঘারযতি যজ্ঞস্য সন্তত্যা অথো হবিরেবাকরথো যথাপূর্বমুপৈতি পিতা বৈ প্রযাজাঃ প্রজা-ঽনূযাজা য-ত্প্রযাজানিষ্ট্বা হবীগ্ষ্যভিঘারযতি পিতৈব ত-ত্পুত্রেণ সাধারণ- [সাধারণম্, কুরুতে তস্মাদাহু-] 6
-ঙ্কুরুতে তস্মাদাহু-র্যশ্চৈবং-বেঁদ যশ্চ ন কথা পুত্রস্য কেবল-ঙ্কথা সাধারণ-ম্পিতুরিত্যস্কন্নমেব তদ্য-ত্প্রযাজেষ্বিষ্টেষু স্কন্দতি গাযত্র্যেব তেন গর্ভ-ন্ধত্তে সা প্রজা-ম্পশূন্. যজমানায প্রজনযতি ॥ 7 ॥

(যজতি যজ্ঞামেবাব রুন্ধে - তনূনপাতং-যঁজতি - প্রযাজানা ট্ট মেবং-বেঁদ প্র - রক্ষোভ্যঃ - সাধারণং - পঞ্চত্রিগ্ংশচ্চ ) (অ. 1)
চক্ষুষী বা এতে যজ্ঞস্য যদাজ্যভাগৌ যদাজ্যভাগৌ যজতি চক্ষুষী এব ত-দ্যজ্ঞস্য প্রতি দধাতি পূর্বার্ধে জুহোতি তস্মা-ত্পূর্বার্ধে চক্ষুষী প্রবাহুগ্-জুহোতি তস্মা-ত্প্রবাহুক্চক্ষুষী দেবলোকং-বাঁ অগ্নিনা যজমানো-ঽনু পশ্যতি পিতৃলোকগ্ং সোমেনোত্তরার্ধে ঽগ্নযে জুহোতি দক্ষিণার্ধে সোমাযৈবমিব হীমৌ লোকাবনযো র্লোকযোরনুখ্যাত্যৈ রাজানৌ বা এতৌ দেবতানাং- [দেবতানাম্, যদগ্নীষোমাবন্তরা] 8
ঁযদগ্নীষোমাবন্তরা দেবতা ইজ্যেতে দেবতানাং-বিঁধৃত্যৈ তস্মা-দ্রাজ্ঞা মনুষ্যা বিধৃতা ব্রহ্মবাদিনো বদন্তি কি-ন্ত-দ্যজ্ঞে যজমানঃ কুরুতে যেনান্যতোদতশ্চ পশূ-ন্দাধা-রোভযতোদত-শ্চেত্যৃচ-মনূচ্যা ঽঽজ্যভাগস্য জুষাণেন যজতি তেনান্যতোদতো দাধারর্চমনূচ্য হবিষ ঋচা যজতি তেনোভযতোদতো দাধার মূর্ধন্বতী পুরো-ঽনুবাক্যা ভবতি মূর্ধানমেবৈনগ্ং সমানানা-ঙ্করোতি [ ] 9
নিযুত্বত্যা যজতি ভ্রাতৃব্যস্যৈব পশূ-ন্নি যুবতে কেশিনগ্ংহ দার্ভ্য-ঙ্কেশী সাত্যকামিরুবাচ সপ্তপদা-ন্তে শক্বরীগ্ শ্বো যজ্ঞে প্রযোক্তাসে যস্যৈ বীর্যেণ প্র জাতা-ন্ভ্রাতৃব্যান্নুদতে প্রতি জনিষ্যমাণান্. যস্যৈ বীর্যেণোভযো র্লোকযো র্জ্যোতি র্ধত্তে যস্যৈ বীর্যেণ পূর্বার্ধেনানড্বা-ন্ভুনক্তি জঘনার্ধেন ধেনুরিতি পুরস্তাল্লক্ষ্মা পুরো-ঽনুবাক্যা ভবতি জাতানেব ভ্রাতৃব্যা-ন্প্রণুদত উপরিষ্টাল্লক্ষ্মা [ ] 10
যাজ্যা জনিষ্যমাণানেব প্রতিনুদতে পুরস্তাল্লক্ষ্মা পুরো-ঽনুবাক্যা ভবত্যস্মিন্নেব লোকে জ্যোতির্ধত্ত উপরিষ্টাল্লক্ষ্মা যাজ্যা-ঽমুষ্মিন্নেব লোকে জ্যোতির্ধত্তে জ্যোতিষ্মন্তাবস্মা ইমৌ লোকৌ ভবতো য এবং-বেঁদ পুরস্তাল্লক্ষ্মা পুরো-ঽনুবাক্যা ভবতি তস্মা-ত্পূর্বার্ধেনানড্বা-ন্ভুনক্ত্যুপরিষ্টাল্লক্ষ্মা যাজ্যা তস্মাজ্জঘনার্ধেন ধেনুর্য এবং-বেঁদ ভুঙ্ক্ত এনমেতৌ বজ্র আজ্যং-বঁজ্র আজ্যভাগৌ [আজ্যভাগৌ, বজ্রো] 11
বজ্রো বষট্কারস্ত্রিবৃতমেব বজ্রগ্ং সম্ভৃত্য ভ্রাতৃব্যায প্র হরত্যচ্ছম্বট্কার-মপগূর্য বষট্করোতি স্তৃত্যৈ গাযত্রী পুরো-ঽনুবাক্যা ভবতি ত্রিষ্টুগ্ যাজ্যা ব্রহ্মন্নেব ক্ষত্রমন্বার-ম্ভযতি তস্মাদ্ব্রাহ্মণো মুখ্যো মুখ্যো ভবতি য এবং-বেঁদ প্রৈবৈন-ম্পুরো-ঽনুবাক্যযা ঽঽহ প্রণযতি যাজ্যযা গমযতি বষট্কারেণৈবৈন-ম্পুরো-ঽনুবাক্যযা দত্তে প্রযচ্ছতি যাজ্যযা প্রতি [যাজ্যযা প্রতি, বষট্কারেণ] 12
বষট্কারেণ স্থাপযতি ত্রিপদা পুরো-ঽনুবাক্যা ভবতি ত্রয ইমে লোকা এষ্বেব লোকেষু প্রতিতিষ্ঠতি চতুষ্পদা যাজ্যা চতুষ্পদ এব পশূনব রুন্ধে দ্ব্যক্ষরো বষট্কারো দ্বিপা-দ্যজমানঃ পশুষ্বেবোপরিষ্টা-ত্প্রতিতিষ্ঠতি গাযত্রী পুরো-ঽনুবাক্যা ভবতি ত্রিষ্টুগ্ যাজ্যৈষা বৈ সপ্তপদা শক্বরী যদ্বা এতযা দেবা অশিক্ষ-ন্তদশক্নুবন্. য এবং-বেঁদ শক্নোত্যেব যচ্ছিক্ষতি ॥ 13 ॥

(দেবতানাং - করোত্যু - পরিষ্টাল্লক্ষ্মা - ঽঽজ্যভাগৌ - প্রতি - শক্রোত্যেব - দ্বে চ ) (অ. 2)
প্রজাপতি র্দেবেভ্যো যজ্ঞান্ ব্যাদিশ-থ্স আত্মন্নাজ্যমধত্ত ত-ন্দেবা অব্রুবন্নেষ বাব যজ্ঞো যদাজ্যমপ্যেব নো-ঽত্রাস্ত্বিতি সো-ঽব্রবী-দ্যজান্ ব আজ্যভাগাবুপ স্তৃণানভি ঘারযানিতি তস্মা-দ্যজন্ত্যা-জ্যভাগাবুপ স্তৃণন্ত্যভি ঘারযন্তি ব্রহ্মবাদিনো বদন্তি কস্মা-থ্সত্যা-দ্যাতযামান্যন্যানি হবীগ্-ষ্যযাতযাম-মাজ্যমিতি প্রাজাপত্য- [প্রাজাপত্যম্, ইতি] 14
-মিতি ব্রূযাদযাতযামা হি দেবানা-ম্প্রজাপতিরিতি ছন্দাগ্ংসি দেবেভ্যো-ঽপাক্রাম-ন্ন বো-ঽভাগানি হব্যং-বঁক্ষ্যাম ইতি তেভ্য এত-চ্চতুরবত্ত-মধারয-ন্পুরো-ঽনুবাক্যাযৈ যাজ্যাযৈ দেবতাযৈ বষট্কারায যচ্চতুরবত্ত-ঞ্জুহোতি ছন্দাগ্স্যেব ত-ত্প্রীণাতি তান্যস্য প্রীতানি দেবেভ্যো হব্যং-বঁহন্ত্যঙ্গিরসো বা ইত উত্তমা-স্সুবর্গং-লোঁকমায-ন্তদৃষযো যজ্ঞবাস্ত্বভ্যবায-ন্তে- [যজ্ঞবাস্ত্বভ্যবায-ন্তে, অপশ্য-ন্পুরোডাশ-] 15
-ঽপশ্য-ন্পুরোডাশ-ঙ্কূর্ম-ম্ভূতগ্ং সর্পন্ত-ন্তমব্রুবন্নিন্দ্রায ধ্রিযস্ব বৃহস্পতযে ধ্রিযস্ব বিশ্বেভ্যো দেবেভ্যো ধ্রিযস্বেতি স নাদ্ধ্রিযত তমব্রুবন্নগ্নযে ধ্রিযস্বেতি সো-ঽগ্নযে-ঽদ্ধ্রিযত যদাগ্নেযো- ঽষ্টাকপালো- ঽমাবাস্যাযা-ঞ্চ পৌর্ণমাস্যা-ঞ্চাচ্যুতো ভবতি সুবর্গস্য লোকস্যাভিজিত্যৈ তমব্রুবন্ কথা-ঽহাস্থা ইত্যনুপাক্তো ঽভূবমিত্যব্রবী-দ্যথা-ঽক্ষো-ঽনুপাক্তো- [-ঽনুপাক্তঃ, অবার্চ্ছত্যেব-] 16
-ঽবার্চ্ছত্যেব-মবা-ঽঽরমিত্যুপরিষ্টা-দভ্যজ্যাধস্তা-দুপানক্তি সুবর্গস্য লোকস্য সমষ্ট্যৈ সর্বাণি কপালান্যভি প্রথযতি তাবতঃ পুরোডাশানমুষ্মিন্ ঁলোকে-ঽভি জযতি যো বিদগ্ধ-স্স নৈর্-ঋতো যো-ঽশৃত-স্স রৌদ্রো য-শ্শৃত-স্স সদেবস্তস্মাদবিদহতা শৃতকৃন্ত্যঃ সদেবত্বায ভস্মনা-ঽভি বাসযতি তস্মান্মাগ্ং সেনাস্থি ছন্নং-বেঁদেনাভি বাসযতি তস্মা- [তস্মাত্, কেশৈ-] 17
-ত্কেশৈ-শ্শিরঃ ছন্ন-ম্প্রচ্যুতং-বাঁ এতদস্মা-ল্লোকাদগত-ন্দেবলোকং-যঁচ্ছৃতগ্ং হবিরনভিঘারিত-মভিঘার্যো-দ্বাসযতি দেবত্রৈবৈন-দ্গমযতি যদ্যেক-ঙ্কপাল-ন্নশ্যেদেকো মাসঃ সংবঁথ্সরস্যানবেত-স্স্যাদথ যজমানঃ প্রমীযেত য-দ্দ্বে নশ্যেতা-ন্দ্বৌ মাসৌ সংবঁথ্সরস্যানবেতৌ স্যাতামথ যজমানঃ প্রমীযেত সঙ্খ্যাযো-দ্বাসযতি যজমানস্য [যজমানস্য, গোপীথায যদি] 18
গোপীথায যদি নশ্যেদাশ্বিন-ন্দ্বিকপাল-ন্নির্বপে-দ্দ্যাবাপৃথিব্য- মেককপালমশ্বিনৌ বৈ দেবানা-ম্ভিষজৌ তাভ্যামেবাস্মৈ ভেষজ-ঙ্করোতি দ্যাবাপৃথিব্য এককপালো ভবত্যনযোর্বা এতন্নশ্যতি যন্নশ্য- ত্যনযোরেবৈন-দ্বিন্দতি প্রতিষ্ঠিত্যৈ ॥ 19 ॥

(প্রজাপত্যং - তে - ঽক্ষো-ঽনুপাক্তো - বেদেনাভি বাসযতি তস্মা--দ্যজমানস্য - দ্বাত্রিগ্ংশচ্চ) (অ. 3)
দেবস্য ত্বা সবিতুঃ প্রসব ইতি স্ফ্যমা দত্তে প্রসূত্যা অশ্বিনো র্বাহুভ্যামিত্যাহা-শ্বিনৌ হি দেবানামদ্ধ্বর্যূ আস্তা-ম্পূষ্ণো হস্তাভ্যামিত্যাহ যত্যৈ শতভৃষ্টিরসি বানস্পত্যো দ্বিষতো বধ ইত্যাহ বজ্রমেব ত-থ্সগ্গ্শ্যতি ভ্রাতৃব্যায প্রহরিষ্যন্-থ্স্তম্ব যজুর্-হরত্যেতাবতী বৈ পৃথিবী যাবতী বেদিস্তস্যা এতাবত এব ভ্রাতৃব্য-ন্নির্ভজতি [-নির্ভজতি, তস্মান্নাভাগ-] 20
তস্মান্নাভাগ-ন্নির্ভজন্তি ত্রির্হরতি ত্রয ইমে লোকা এভ্য এবৈনং-লোঁকেভ্যো নির্ভজতি তূষ্ণী-ঞ্চতুর্থগ্ং হরত্যপরিমিতাদেবৈন-ন্নির্ভজত্যুদ্ধন্তি যদেবাস্যা অমেদ্ধ্য-ন্তদপ হন্ত্যুদ্ধন্তি তস্মাদোষধযঃ পরা ভবন্তি মূল-ঞ্ছিনত্তি ভ্রাতৃব্যস্যৈব মূল-ঞ্ছিনত্তি পিতৃদেবত্যা-ঽতিখাতেযতী-ঙ্খনতি প্রজাপতিনা [প্রজাপতিনা, যজ্ঞমুখেন সম্মিতামা] 21
যজ্ঞমুখেন সম্মিতামা প্রতিষ্ঠাযৈ খনতি যজমানমেব প্রতিষ্ঠা-ঙ্গমযতি দক্ষিণতো বর্ষীযসী-ঙ্করোতি দেবযজনস্যৈব রূপমকঃ পুরীষবতী-ঙ্করোতি প্রজাবৈ পশবঃ পুরীষ-ম্প্রজযৈবৈন-ম্পশুভিঃ পুরীষবন্ত-ঙ্করোত্যুত্তর-ম্পরিগ্রাহ-ম্পরি গৃহ্ণাত্যেতাবতী বৈ পৃথিবী যাবতী বেদিস্তস্যা এতাবত এব ভ্রাতৃব্য-ন্নির্ভজ্যা-ঽঽত্মন উত্তর-ম্পরিগ্রাহ-ম্পরিগৃহ্ণাতি ক্রূরমিব বা [ক্রূরমিব বৈ, এত-ত্করোতি] 22
এত-ত্করোতি যদ্বেদি-ঙ্করোতি ধা অসি স্বধা অসীতি যোযুপ্যতে শান্ত্যৈ প্রোক্ষণীরা সাদযত্যাপো বৈ রক্ষোঘ্নী রক্ষসামপহত্যৈ স্ফ্যস্যবর্ত্মন্-থ্সাদযতি যজ্ঞস্য সন্তত্যৈয-ন্দ্বিষ্যা-ত্ত-ন্ধ্যাযেচ্ছুচৈবৈনমর্পযতি ॥ 23 ॥

(ভজতি - প্রজাপতিনে- ব বৈ - ত্রযস্ত্রিগ্ংশচ্চ) (অ. 4)
ব্রহ্মবাদিনো বদন্ত্যদ্ভির্-হবীগ্ংষি প্রৌক্ষীঃ কেনাপ ইতি ব্রহ্মণেতি ব্রূযাদদ্ভির্-হ্যেব হবীগ্ংষি প্রোক্ষতি ব্রহ্মণা-ঽপ ইদ্ধ্মাবর্হিঃ প্রোক্ষতি মেদ্ধ্যমেবৈন-ত্করোতি বেদি-ম্প্রোক্ষত্যৃক্ষা বা ষা-ঽলোমকা-ঽমেদ্ধ্যা য-দ্বেদির্মেদ্ধ্যা-মেবৈনা-ঙ্করোতি দিবে ত্বা-ঽন্তরিক্ষায ত্বা পৃথিব্যৈ ত্বেতি বর্হি-রাসাদ্য প্রো- [বর্হি-রাসাদ্য প্র, উক্ষত্যেভ্য] 24
-ক্ষত্যেভ্য এবৈনল্লোকেভ্যঃ প্রোক্ষতি ক্রূরমিব বা এত-ত্করোতি য-ত্খনত্যপো নিনযতি শান্ত্যৈ পুরস্তা-ত্প্রস্তর-ঙ্গৃহ্ণাতি মুখ্যমেবৈন-ঙ্করোতীযন্ত-ঙ্গৃহ্ণাতি প্রজাপতিনা যজ্ঞমুখেন সম্মিত-ম্বর্হি-স্স্তৃণাতি প্রজা বৈ বর্হিঃ পৃথিবী বেদিঃ প্রজা এব পৃথিব্যা-ম্প্রতিষ্ঠাপযত্যনতিদৃশ্ঞগ্গ্ স্তৃণাতি প্রজযৈবৈন-ম্পশুভি-রনতিদৃশ্ঞ-ঙ্করো- [-রনতিদৃশ্ঞ-ঙ্করোতি, উত্তর-ম্বর্হিষঃ] 25
-ত্যুত্তর-ম্বর্হিষঃ প্রস্তরগ্ং সাদযতি প্রজা বৈ বর্হি র্যজমানঃ প্রস্তরোযজমান-মেবাযজমানা-দুত্তর-ঙ্করোতি তস্মা-দ্যজমানো-ঽযজমানাদুত্তরো-ঽন্তর্দধাতি ব্যাবৃত্ত্যা অনক্তি হবিষ্কৃতমেবৈনগ্ং সুবর্গং-লোঁক-ঙ্গমযতিত্রেধা-ঽনক্তি ত্রয ইমে লোকা এভ্য এবৈনং-লোঁকেভ্যো-ঽনক্তি ন প্রতি শৃণাতিয-ত্প্রতিশৃণীযাদনূর্ধ্ব-ম্ভাবুকং-যঁজমানস্য স্যাদুপরীব প্র হর- [প্র হরতি, উপরীব হি] 26
-ত্যুপরীব হি সুবর্গো লোকো নিযচ্ছতি বৃষ্টিমেবাস্মৈ নিযচ্ছতি নাত্যগ্র-ম্প্র হরেদ্যদত্যগ্র-ম্প্রহরেদ-ত্যাসারিণ্যদ্ধ্বর্যো-র্নাশুকা স্যান্ন পুরস্তা-ত্প্রত্যস্যেদ্য-ত্পুরস্তা-ত্প্রত্যস্যে-থ্সুবর্গাল্লোকা-দ্যজমান-ম্প্রতি নুদে-ত্প্রাঞ্চ-ম্প্রহরতি যজমানমেব সুবর্গং-লোঁক-ঙ্গমযতি ন বিষ্বঞ্চং-বিঁ যুযা-দ্য-দ্বিষ্বঞ্চং-বিঁযুযা- [-বিযুযাত্, স্ত্র্যস্য জাযেতোর্ধ্ব-] 27
-থ্স্ত্র্যস্য জাযেতোর্ধ্ব-মুদ্যৌত্যূর্ধ্বমিব হি পুগ্ংসঃ পুমানেবাস্য জাযতে য-থ্স্ফ্যেন বোপবেষেণ বা যোযুপ্যেত স্তৃতিরেবাস্য সা হস্তেন যোযুপ্যতে যজমানস্য গোপীথায ব্রহ্মবাদিনো বদন্তি কিং-যঁজ্ঞস্য যজমান ইতি প্রস্তর ইতি তস্য ক্ব সুবর্গো লোক ইত্যাহবনীয ইতি ব্রূযাদ্য-ত্প্রস্তরমাহবনীযে প্রহরতি যজমানমেব [যজমানমেব, সুবর্গং-লোঁক-ঙ্গমযতি] 28
সুবর্গং-লোঁক-ঙ্গমযতি বি বা এত-দ্যজমানো লিশতে য-ত্প্রস্তরং-যোঁযুপ্যন্তে বর্হিরনু প্রহরতি শান্ত্যা অনারম্ভণ ইব বা এতর্হ্যদ্ধ্বর্যু-স্স ঈশ্বরো বেপনো ভবিতোর্ধ্রুবা ঽসীতীমামভি মৃশতীযং-বৈঁ ধ্রুবা-ঽস্যামেব প্রতিতিষ্ঠতি ন বেপনো ভবত্যগা(3)নগ্নীদিত্যাহ যদ্ব্রূযাদ-গন্নগ্নিরিত্য -গ্নাবগ্নি-ঙ্গমযেন্নি র্যজমানগ্ং সুবর্গাল্লোকা-দ্ভজেদগন্নিত্যেব ব্রূযা-দ্যজমানমেব সুবর্গং-লোঁক-ঙ্গমযতি ॥ 29 ॥

(আসাদ্য প্রা - নতিদৃশ্ঞ-ঙ্করোতি - হরতি - বিযুযা--দ্যজমানমেবা-ঽগ্নিরিতি - সপ্তদশ চ ) (অ. 5)
অগ্নেস্ত্রযো জ্যাযাগ্ংসো ভ্রাতর আস-ন্তে দেবেভ্যো হব্যং-বঁহন্তঃ প্রামীযন্ত সো-ঽগ্নিরবিভেদিত্থং-বাঁব স্য আর্তিমা-ঽরিষ্যতীতি স নিলাযত সো-ঽপঃ প্রাবিশ-ত্ত-ন্দেবতাঃ প্রৈষমৈচ্ছ-ন্ত-ম্মথ্স্যঃ প্রাব্রবী-ত্তমশপদ্ধিযাধিযা ত্বা বদ্ধ্যাসুর্যো মা প্রাবোচ ইতি তস্মান্মথ্স্য-ন্ধিযাধিযা ঘ্নন্তি শপ্তো [শপ্তঃ, হি] 30
হি তমন্ববিন্দ-ন্তম ব্রুবন্নুপ ন আ বর্তস্ব হব্য-ন্নো বহেতি সো-ঽব্রবীদ্বরং-বৃঁণৈ যদেব গৃহীতস্যাহুতস্যবহিঃ পরিধি স্কন্দা-ত্তন্মে ভ্রাতৃণা-ম্ভাগধেযমসদিতি তস্মাদ্য-দ্গৃহীতস্যাহুতস্য বহিঃ পরিধি স্কন্দতি তেষা-ন্ত-দ্ভাগধেয-ন্তানেব তেন প্রীণাতি পরিধী-ন্পরি দধাতি রক্ষসামপহত্যৈ সগ্গ্ স্পর্শযতি [সগ্গ্ স্পর্শযতি, রক্ষসা-] 31
রক্ষসা-মনন্ববচারায ন পুরস্তা-ত্পরি দধাত্যাদিত্যো হ্যেবোদ্য-ন্পুরস্তা-দ্রক্ষাগ্স্যপহন্ত্যূর্ধ্বে সমিধাবা দধাত্যুপরিষ্টাদেব রক্ষাগ্স্যপ হন্তি যজুষা-ঽন্যা-ন্তূষ্ণীমন্যা-ম্মিথুনত্বায দ্বে আ দধাতি দ্বিপা-দ্যজমানঃ প্রতিষ্ঠিত্যৈ ব্রহ্মবাদিনো বদন্তি স ত্বৈ যজেত যো যজ্ঞস্যা-ঽঽর্ত্যা বসীযান্-থ্স্যাদিতি ভূপতযে স্বাহা ভুবনপতযে স্বাহা ভূতানা- [ভূতানাম্, পতযে স্বাহেতি] 32
-ম্পতযে স্বাহেতি স্কন্নমনু মন্ত্রযেত যজ্ঞস্যৈব তদার্ত্যা যজমানো বসীযা-ন্ভবতি ভূযসীর্হি দেবতাঃ প্রীণাতি জামি বা এত-দ্যজ্ঞস্য ক্রিযতে যদন্বঞ্চৌ পুরোডাশা বুপাগ্ংশুযাজমন্তরা যজত্যজামিত্বাযাথো মিথুনত্বাযাগ্নিরমুষ্মিন্ ঁলোক আসী-দ্যমো-ঽস্মি-ন্তে দেবা অব্রুবন্নেতেমৌ বি পর্যূহামেত্যন্নাদ্যেন দেবা অগ্নি- [দেবা অগ্নিম্, উপামন্ত্রযন্ত] 33
-মুপামন্ত্রযন্ত রাজ্যেন পিতরো যম-ন্তস্মাদগ্নি র্দেবানামন্নাদো যমঃ পিতৃণাগ্ং রাজা য এবং-বেঁদ প্ররাজ্যমন্নাদ্য-মাপ্নোতি তস্মা এত-দ্ভাগধেয-ম্প্রাযচ্ছন্. যদগ্নযে স্বিষ্টকৃতে-ঽবদ্যন্তি যদগ্নযে স্বিষ্টকৃতে ঽবদ্যতি ভাগধেযেনৈব ত-দ্রুদ্রগ্ং সমর্ধযতি সকৃ-থ্সকৃদব দ্যতি সকৃদিব হি রুদ্র উত্তরার্ধাদব দ্যত্যেষা বৈ রুদ্রস্য [বৈ রুদ্রস্য, দিখ্-স্বাযামেব] 34
দিখ্-স্বাযামেব দিশি রুদ্র-ন্নিরবদযতে দ্বিরভি ঘারযতি চতুরবত্তস্যা-ঽঽপ্ত্যৈপশবো বৈ পূর্বা আহুতয এষ রুদ্রো যদগ্নির্য-ত্পূর্বা আহুতীরভি জুহুযা-দ্রুদ্রায পশূনপি দধ্যাদপশুর্যজমান-স্স্যাদতিহায পূর্বা আহুতীর্জুহোতি পশূনা-ঙ্গোপীথায ॥ 35 ॥

(শপ্তঃ - স্পর্শযতি - ভূতানা - মগ্নিগ্ং - রুদ্রস্য - সপ্তত্রিগ্ংশচ্চ ) (অ. 6)
মনুঃ পৃথিব্যা যজ্ঞিযমৈচ্ছ-থ্স ঘৃত-ন্নিষিক্তমবিন্দ-থ্সো-ঽব্রবী-ত্কো-ঽস্যেশ্বরো যজ্ঞে-ঽপি কর্তোরিতি তাবব্রূতা-ম্মিত্রাবরুণৌ গোরেবা-ঽঽবমীশ্বরৌ কর্তো-স্স্ব ইতি তৌ ততো গাগ্ং সমৈরযতাগ্ং সা যত্র যত্র ন্যক্রাম-ত্ততো ঘৃতমপীড্যত তস্মা-দ্ঘৃতপদ্যুচ্যতে তদস্যৈ জন্মোপহূতগ্ং রথন্তরগ্ং সহ পৃথিব্যেত্যাহে [সহ পৃথিব্যেত্যাহ, ইযং-বৈঁ] 36
যং-বৈঁ রথন্তরমিমামেব সহান্না-দ্যেনোপ হ্বযত উপহূতং-বাঁমদেব্যগ্ং সহান্তরিক্ষেণেত্যাহ পশবো বৈ বামদেব্য-ম্পশূনেব সহান্তরিক্ষেণোপ হ্বযত উপহূত-ম্বৃহ-থ্সহ দিবেত্যাহৈরং-বৈঁ বৃহদিরামেব সহ দিবোপ হ্বযত উপহূতা-স্সপ্ত হোত্রা ইত্যাহ হোত্রা এবোপ হ্বযত উপহূতা ধেনু- [উপহূতা ধেনুঃ, সহর্ষভেত্যাহ] 37
-স্সহর্ষভেত্যাহ মিথুনমেবোপ হ্বযত উপহূতো ভক্ষ-স্সখেত্যাহ সোমপীথমেবোপ হ্বযত উপহূতাঁ(4) হো ইত্যাহা-ঽঽত্মানমেবোপ হ্বযত আত্মা হ্যুপহূতানাং-বঁসিষ্ঠ ইডামুপ হ্বযতে পশবো বা ইডা পশূনেবোপ হ্বযতে চতুরুপ হ্বযতে চতুষ্পাদো হি পশবো মানবীত্যাহ মনুর্হ্যেতা- [মনুর্হ্যেতাম্, অগ্রে ঽপশ্য-] 38
-মগ্রে ঽপশ্য-দ্ঘৃতপদীত্যাহ য দেবাস্যৈ পদা-দ্ঘৃতমপীড্যত তস্মাদেবমাহ মৈত্রাবরুণীত্যাহ মিত্রাবরুণৌ হ্যেনাগ্ং সমৈরযতা-ম্ব্রহ্ম দেবকৃত-মুপহূতমিত্যাহ ব্রহ্মৈবোপ হ্বযতে দৈব্যা অদ্ধ্বর্যব উপহূতা উপহূতা মনুষ্যা ইত্যাহ দেবমনুষ্যানেবোপ হ্বযতে য ইমং-যঁজ্ঞমবান্ যে যজ্ঞপতিং-বঁর্ধানিত্যাহ [ ] 39
যজ্ঞায চৈব যজমানায চা ঽঽশিষমা শাস্ত উপহূতে দ্যাবাপৃথিবী ইত্যাহ দ্যাবাপৃথিবী এবোপ হ্বযতে পূর্বজে ঋতাবরী ইত্যাহ পূর্বজে হ্যেতে ঋতাবরী দেবী দেবপুত্রে ইত্যাহ দেবী হ্যেতে দেবপুত্রে উপহূতো-ঽযং ঁযজমান ইত্যাহ যজমানমেবোপ হ্বযত উত্তরস্যা-ন্দেবযজ্যাযামুপহূতো ভূযসি হবিষ্করণ উপহূতো দিব্যে ধামন্নুপহূত [ধামন্নুপহূতঃ, ইত্যাহ] 40
ইত্যাহ প্রজা বা উত্তরা দেবযজ্যা পশবো ভূযো হবিষ্করণগ্ং সুবর্গো লোকো দিব্য-ন্ধামেদম-সীদমসীত্যেব যজ্ঞস্য প্রিয-ন্ধামোপ হ্বযতে বিশ্বমস্য প্রিয-মুপহূতমিত্যাহা-ছম্বট্কারমেবোপ হ্বযতে ॥ 41 ॥

(আহ - ধেনু- রেতাং - ঁবর্ধানিত্যাহ - ধামন্নুপহূত - শ্চতুস্ত্রিগ্ংশচ্চ ) (অ. 7)
পশবো বা ইডা স্বযমা দত্তে কামমেবা-ঽঽত্মনা পশূনামা দত্তে ন হ্যন্যঃ কাম-ম্পশূনা-ম্প্রযচ্ছতি বাচস্পতযে ত্বা হুত-ম্প্রা-ঽশ্ঞামীত্যাহ বাচমেব ভাগধেযেন প্রীণাতি সদসস্পতযে ত্বা হুত-ম্প্রা-ঽশ্ঞামীত্যাহ স্বগাকৃত্যৈ চতুরবত্ত-ম্ভবতি হবির্বৈ চতুরবত্ত-ম্পশবশ্চতুরবত্তং-যঁদ্ধোতা প্রাশ্ঞীযাদ্ধোতা- [প্রাশ্ঞীযাদ্ধোতা, আর্তিমার্চ্ছেদ্য-] 42
-ঽঽর্তিমার্চ্ছেদ্য-দগ্নৌ জুহুযা-দ্রুদ্রায পশূনপি দদ্ধ্যাদপশুর্যজমান-স্স্যা-দ্বাচস্পতযে ত্বা হুত-ম্প্রা-ঽশ্ঞামীত্যাহ পরোক্ষমেবৈন-জ্জুহোতি সদসস্পতযে ত্বা হুত-ম্প্রাশ্ঞামীত্যাহ স্বগাকৃত্যৈ প্রাশ্ঞন্তি তীর্থ এব প্রাশ্ঞন্তি দক্ষিণা-ন্দদাতি তীর্থ এব দক্ষিণা-ন্দদাতি বি বা এতদ্যজ্ঞ- [বি বা এতদ্যজ্ঞম্, ছিন্দন্তি যন্মদ্ধ্যতঃ] 43
-ঞ্ছিন্দন্তি যন্মদ্ধ্যতঃ প্রাশ্ঞন্ত্যদ্ভি-র্মার্জযন্ত আপো বৈ সর্বা দেবতা দেবতাভিরেব যজ্ঞগ্ং স-ন্তন্বন্তি দেবা বৈ যজ্ঞা-দ্রুদ্রমন্তরাযন্থ্স যজ্ঞমবিদ্ধ্য-ত্ত-ন্দেবা অভি সমগচ্ছন্ত কল্পতা-ন্ন ইদমিতি তে-ঽব্রুবন্-থ্স্বিষ্টং-বৈঁ ন ইদ-ম্ভবিষ্যতি যদিমগ্ং রাধযিষ্যাম ইতি ত-থ্স্বিষ্টকৃতঃ স্বিষ্টকৃত্ত্ব-ন্তস্যা ঽঽবিদ্ধ-ন্নি- [-ঽঽবিদ্ধ-ন্নিঃ, অকৃন্তন্. যবেন] 44
-রকৃন্তন্. যবেন সম্মিত-ন্তস্মা-দ্যবমাত্রমব দ্যে-দ্যজ্জ্যাযো-ঽব-দ্যে-দ্রোপযে-ত্ত-দ্যজ্ঞস্য যদুপ চ স্তৃণীযাদভি চ ঘারযেদুভযত-স্সগ্গ্শ্বাযি কুর্যাদবদাযাভি ঘারযতি দ্বি-স্সম্পদ্যতে দ্বিপা-দ্যজমানঃ প্রতিষ্ঠিত্যৈ য-ত্তিরশ্চীন-মতি-হরেদনভি-বিদ্ধং-যঁজ্ঞস্যাভি বিদ্ধ্যেদগ্রেণ পরি হরতি তীর্থেনৈব পরি হরতি ত-ত্পূষ্ণে পর্যহরন্ত- [পর্যহরন্তত্, পূষা] 45
-ত্পূষা প্রাশ্য দতো-ঽরুণ-ত্তস্মা-ত্পূষা প্রপিষ্টভাগো-ঽদন্তকো হি ত-ন্দেবা অব্রুবন্ বি বা অযমার্ধ্যপ্রাশিত্রিযো বা অযমভূদিতি ত-দ্বৃহস্পতযে পর্যহরন্-থ্সো-ঽবিভে-দ্বৃহস্পতিরিত্থং-বাঁব স্য আর্তিমা-ঽরিষ্যতীতি স এত-ম্মন্ত্রমপশ্য-থ্সূর্যস্য ত্বা চক্ষুষা প্রতি পশ্যামীত্যব্রবীন্ন হি সূর্যস্য চক্ষুঃ [চক্ষুঃ, কি-ঞ্চন] 46
কি-ঞ্চন হিনস্তি সো-ঽবিভে-ত্প্রতিগৃহ্ণন্ত-ম্মা হিগ্ংসিষ্যতীতি দেবস্য ত্বা সবিতুঃ প্রসবে-ঽশ্বিনো র্বাহুভ্যা-ম্পূষ্ণো হস্তাভ্যা-ম্প্রতি গৃহ্ণামীত্যব্রবী-থ্সবিতৃপ্রসূত এবৈনদ্ব্রহ্মণা দেবতাভিঃ প্রত্যগৃহ্ণা-থ্সো-ঽবিভে-ত্প্রাশ্ঞন্ত-ম্মা হিগ্ংসিষ্যতীত্যগ্নেস্ত্বা ঽঽস্যেন প্রা-ঽশ্ঞামীত্যব্রবীন্ন হ্যগ্নেরাস্য-ঙ্কিঞ্চন হিনস্তি সো-ঽবিভে- [সো-ঽবিভেত্, প্রাশিতম্মা-] 47
-ত্প্রাশিতম্মা-হিগ্ংসিষ্যতীতি ব্রাহ্মণস্যোদরেণেত্য ব্রবীন্ন হি ব্রাহ্মণস্যোদর-ঙ্কি-ঞ্চন হিনস্তি বৃহস্পতের্ব্রহ্মণেতি স হি ব্রহ্মিষ্ঠো-ঽপ বা এতস্মা-ত্প্রাণাঃ ক্রামন্তি যঃ প্রাশিত্র-ম্প্রাশ্ঞাত্যদ্ভি-র্মার্জযিত্বা প্রাণান্-থ্স-ম্মৃশতে-ঽমৃতং-বৈঁ প্রাণা অমৃতমাপঃ প্রাণানেব যথাস্থানমুপ হ্বযতে ॥ 48 ॥

(প্রাশ্ঞীযাদ্ধোতা - যজ্ঞং - নি - রহরন্ত - চ্চক্ষু - রাস্য-ঙ্কিঞ্চন হিনস্তি সো-ঽবিভে - চ্চতুশ্চত্বারিগ্ংশচ্চ ) (অ. 8)
অগ্নীধ আ দধা-ত্যগ্নিমুখা-নেবর্তূ-ন্প্রীণাতি সমিধমা দধাত্যুত্তরাসা-মাহুতীনা-ম্প্রতিষ্ঠিত্যা অথো সমিদ্বত্যেব জুহোতি পরিধীন্-থ্স-ম্মার্ষ্টি পুনাত্যেবৈনান্-থ্সকৃ-থ্সকৃ-থ্স-ম্মার্ষ্টি পরাঙিব হ্যেতর্হি যজ্ঞশ্চতু-স্সম্পদ্যতে চতুষ্পাদঃ পশবঃ পশূনেবাব রুন্ধে ব্রহ্ম-ন্প্রস্থাস্যাম ইত্যাহাত্র বা এতর্হি যজ্ঞ-শ্শ্রিতো [যজ্ঞ-শ্শ্রিতঃ, যত্র ব্রহ্মা] 49
যত্র ব্রহ্মা যত্রৈব যজ্ঞ-শ্শ্রিতস্তত এবৈনমা রভতে যদ্ধস্তেন প্রমীবেদ্বেপন-স্স্যাদ্যচ্ছীর্ষ্ণা শীর্ষক্তিমান্-থ্স্যাদ্য-ত্তূষ্ণীমাসীতা ঽসম্প্রত্তো যজ্ঞ-স্স্যা-ত্প্রতিষ্ঠেত্যেব ব্রূযা-দ্বাচি বৈ যজ্ঞ-শ্শ্রিতো যত্রৈব যজ্ঞ-শ্শ্রিতস্তত এবৈনগ্ং স-ম্প্র যচ্ছতি দেব সবিতরেত-ত্তে প্রা- [সবিতরেত-ত্তে প্র, আহেত্যাহ] 50
-ঽঽহেত্যাহ প্রসূত্যৈ বৃহস্পতি র্ব্রহ্মেত্যাহ স হি ব্রহ্মিষ্ঠ-স্স যজ্ঞ-ম্পাহি স যজ্ঞপতি-ম্পাহি স মা-ম্পাহীত্যাহ যজ্ঞায যজমানাযা-ঽঽত্মনে তেভ্য এবা-ঽঽশিষমা শাস্তে-ঽনার্ত্যা আশ্রাব্যা-ঽঽহ দেবান্. যজেতি ব্রহ্মবাদিনো বদন্তীষ্টা দেবতা অথ কতম এতে দেবা ইতি ছন্দাগ্ংসীতি ব্রূযা-দ্গাযত্রী-ন্ত্রিষ্টুভ- [ব্রূযা-দ্গাযত্রী-ন্ত্রিষ্টুভম্, জগতী-] 51
ঞ্জগতী-মিত্যথো খল্বাহুর্ব্রাহ্মণা বৈ ছন্দাগ্ংসীতি তানেব ত-দ্যজতি দেবানাং-বাঁ ইষ্টা দেবতা আসন্নথাগ্নির্নোদজ্বল-ত্ত-ন্দেবা আহুতীভি-রনূযাজেষ্বন্ব-বিন্দন্. যদনূযাজান্. যজত্যগ্নিমেব ত-থ্সমিন্ধ এতদুর্বৈ নামা-ঽঽসুর আসী-থ্স এতর্হি যজ্ঞস্যা ঽঽশিষমবৃঙ্ক্ত য-দ্ব্রূযাদেত- [য-দ্ব্রূযাদেতত্, উ দ্যাবাপৃথিবী ভদ্র-মভূ-] 52
-দু দ্যাবাপৃথিবী ভদ্র-মভূ-দিত্যেতদু-মেবা-ঽঽসুরং-যঁজ্ঞস্যা-ঽঽশিষ-ঙ্গমযেদিদ-ন্দ্যাবাপৃথিবী ভদ্রমভূদিত্যেব ব্রূযা-দ্যজমানমেব যজ্ঞস্যা-ঽঽশিষ-ঙ্গমযত্যার্ধ্ম সূক্তবাকমুত নমোবাকমি-ত্যাহেদমরা-থ্স্মেতি বাবৈতদাহোপশ্রিতো দিবঃ পৃথিব্যোরিত্যাহ দ্যাবাপৃথিব্যোর্হি যজ্ঞ উপশ্রিত ওমন্বতী তে-ঽস্মিন্. যজ্ঞে যজমান দ্যাবাপৃথিবী [ ] 53
স্তামিত্যাহা ঽঽশিষমেবৈতামা শাস্তে যদ্ব্রূযা-থ্সূপাবসানা চ স্বদ্ধ্যবসানা চেতি প্রমাযুকো যজমান-স্স্যাদ্যদা হি প্রমীযতে ঽথেমামুপাবস্যতি সূপচরণা চ স্বধিচরণা চেত্যেব ব্রূযা-দ্বরীযসীমেবাস্মৈ গব্যূতিমা শাস্তে ন প্রমাযুকো ভবতি তযোরাবিদ্যগ্নিরিদগ্ং হবিরজুষতেত্যাহ যা অযাক্ষ্ম [ ] 54
দেবতাস্তা অরীরধামেতি বাবৈতদাহ যন্ন নির্দিশে-ত্প্রতিবেশং-যঁজ্ঞস্যা ঽঽশীর্গচ্ছেদা শাস্তে-ঽযং-যঁজমানো-ঽসাবিত্যাহ নির্দিশ্যৈবৈনগ্ং সুবর্গং-লোঁক-ঙ্গমযত্যাযুরা শাস্তে সুপ্রজাস্ত্বমা শাস্ত ইত্যাহা ঽশিষমেবৈ তামা শাস্তে সজাতবনস্যামা শাস্ত ইত্যাহ প্রাণা বৈ সজাতাঃ প্রাণানেব [ ] 55
নান্তরেতি তদগ্নির্দেবো দেবেভ্যো বনতে বযমগ্নের্মানুষা ইত্যাহাগ্নির্দেবেভ্যো বনুতে বয-ম্মনুষ্যেভ্য ইতি বাবৈতদাহেহ গতির্বামস্যেদ-ঞ্চ নমো দেবেভ্য ইত্যাহ যাশ্চৈব দেবতা যজতি যাশ্চ ন তাভ্য এবোভযীভ্যো নমস্করোত্যাত্মনো-ঽনার্ত্যৈ ॥ 56 ॥

(শ্রিতঃ - তে প্র - ত্রিষ্টুভ - মেত-দ্- দ্যাবাপৃথিবী - যা অযাক্ষ্ম- প্রাণানেব - ষট্চত্বারিগ্ংশচ্চ ) (অ. 9)
দেবা বৈ যজ্ঞস্য স্বগাকর্তার-ন্নাবিন্দ-ন্তে শংযুঁ-ম্বার্হস্পত্যমব্রুবন্নিম-ন্নো যজ্ঞগ্গ্ স্বগা কুর্বিতি সো-ঽব্রবীদ্বরং-বৃঁণৈ যদেবা-ব্রাহ্মণোক্তো-ঽশ্রদ্দধানো যজাতৈ সা মে যজ্ঞস্যা-ঽঽশীরসদিতি তস্মা-দ্য-দ্ব্রাহ্মণোক্তো-ঽশ্রদ্দধানো যজতে শংযুঁমেব তস্য বার্হস্পত্যং-যঁজ্ঞস্যা ঽঽশীর্গচ্ছত্যেত-ন্মমেত্যব্রবী-ত্কি-ম্মে প্রজাযা [প্রজাযাঃ, ইতি যো-ঽপগুরাতৈ] 57
ইতি যো-ঽপগুরাতৈ শতেন যাতযাদ্যো নিহন-থ্সহস্রেণ যাতযাদ্যো লোহিত-ঙ্করবদ্যাবতঃ প্রস্কদ্য পাগ্ংসূন্-থ্স-ঙ্গৃহ্ণা-ত্তাবত-স্সংবঁথ্সরা-ন্পিতৃলোক-ন্ন প্রজানাদিতি তস্মা-দ্ব্রাহ্মণায নাপ গুরেত ন নি হন্যান্ন লোহিত-ঙ্কুর্যাদেতাবতা হৈনসা ভবতি তচ্ছংযোঁরা বৃণীমহ ইত্যাহ যজ্ঞমেব ত-থ্স্বগা করোতি ত- [ত-থ্স্বগা করোতি তত্, শংযোঁরা] 58
-চ্ছংযোঁরা বৃণীমহ ইত্যাহ শংযুঁমেব বার্হস্পত্য-ম্ভাগধেযেন সমর্ধযতি গাতুং-যঁজ্ঞায গাতুং-যঁজ্ঞপতয ইত্যাহা ঽঽশিষমেবৈ তামা শাস্তে সোমং-যঁজতি রেত এব ত-দ্দধাতি ত্বষ্টারং-যঁজতি রেত এব হিত-ন্ত্বষ্টা রূপাণি বি করোতি দেবানা-ম্পত্নীর্যজতি মিথুনত্বাযাগ্নি-ঙ্গৃহপতিং-যঁজতি প্রতিষ্ঠিত্যৈ জামি বা এত-দ্যজ্ঞস্য ক্রিযতে [ক্রিযতে, যদাজ্যেন] 59
যদাজ্যেন প্রযাজা ইজ্যন্ত আজ্যেন পত্নীসংযাঁজা ঋচমনূচ্য পত্নীসংযাঁজানামৃচা যজত্যজামিত্বাযাথো মিথুনত্বায পঙ্ক্তি প্রাযণো বৈ যজ্ঞঃ পঙ্ক্ত্যুদযনঃ পঞ্চ প্রযাজা ইজ্যন্তে চত্বারঃ পত্নীসংযাঁজা-স্সমিষ্টযজুঃ পঞ্চম-ম্পঙ্ক্তিমেবানু প্রযন্তি পঙ্ক্তিমনূদ্যন্তি ॥ 60 ॥

(প্রজাযাঃ - করোতি তত্ - ক্রিযতে - ত্রযস্ত্রিগ্ংশচ্চ ) (অ. 10)
যুক্ষ্বাহি দেবহূতমাগ্ং অশ্বাগ্ং অগ্নে রথীরিব । নি হোতা পূর্ব্য-স্সদঃ ॥ উত নো দেব দেবাগ্ং অচ্ছা বোচো বিদুষ্টরঃ । শ্রদ্বিশ্বা বার্যা কৃধি ॥ ত্বগ্ং হ যদ্যবিষ্ঠ্য সহস-স্সূনবাহুত । ঋতাবা যজ্ঞিযো ভুবঃ ॥ অযমগ্নি-স্সহস্রিণো বাজস্য শতিনস্পতিঃ । মূর্ধা কবী রযীণাম্ ॥ ত-ন্নেমিমৃভবো যথা ঽঽনমস্ব সহূতিভিঃ । নেদীযো যজ্ঞ- [যজ্ঞম্, অঙ্গিরঃ ।] 61
-মঙ্গিরঃ ॥ তস্মৈ নূ নমভিদ্যবে বাচা বিরূপ নিত্যযা । বৃষ্ণে চোদস্ব সুষ্টুতিম্ ॥ কমু ষ্বিদস্য সেনযা-ঽগ্নেরপাকচক্ষসঃ । পণি-ঙ্গোষু স্তরামহে ॥ মা নো দেবানাং-বিঁশঃ প্রস্নাতীরিবোস্রাঃ । কৃশ-ন্ন হাসুরঘ্নিযাঃ ॥ মা নঃ সমস্য দূঢ্যঃ পরিদ্বেষসো অগ্ং হতিঃ । ঊর্মির্ন নাবমা বধীত্ ॥ নমস্তে অগ্ন ওজসে গৃণন্তি দেব কৃষ্টযঃ । অমৈ- [অমৈঃ, অমিত্রমর্দয ।] 62
-রমিত্রমর্দয ॥ কুবিথ্সুনো গবিষ্টযে-ঽগ্নে সংবেঁষিষো রযিম্ । উরুকৃদুরু ণস্কৃধি ॥ মা নো অস্মি-ন্মহাধনে পরা বর্গ্ভারভৃদ্যথা । সংবঁর্গগ্ং সগ্ং রযি-ঞ্জয ॥ অন্যমস্মদ্ভিযা ইযমগ্নে সিষক্তু দুচ্ছুনা । বর্ধা নো অমবচ্ছবঃ ॥ যস্যাজুষন্নমস্বিন-শ্শমীমদুর্মখস্যবা । ত-ঙ্ঘেদগ্নির্বৃধা-ঽবতি ॥ পরস্যা অধি [ ] 63
সংবঁতো-ঽবরাগ্ং অভ্যা তর । যত্রাহমস্মি তাগ্ং অব ॥ বিদ্মা হি তে পুরা বযমগ্নে পিতুর্যথাবসঃ । অধা তে সুম্নমীমহে ॥ য উগ্র ইব শর্যহা তিগ্মশৃঙ্গো ন বগ্ংসগঃ । অগ্নে পুরো রুরোজিথ ॥ সখায-স্সং-বঃ ঁসংযঁঞ্চমিষগ্গ্ স্তোম-ঞ্চাগ্নযে । বর্ষিষ্ঠায ক্ষিতীনামূর্জো নপ্ত্রে সহস্বতে ॥ সগ্ং সমিদ্যুবসে বৃষন্ন -গ্নে বিশ্বান্যর্য আ । ইডস্পদে সমিধ্যসে স নো বসূন্যা ভর । প্রজাপতে, স বেদ, সোমা পূষণে, মৌ দেবৌ ॥ 64 ॥

(যজ্ঞ - মমৈ - রধি - বৃষ - ন্নেকান্ন বিগ্ংশতিশ্চ ) (অ. 11)
উশন্তস্ত্বা হবামহ উশন্ত-স্সমিধীমহি । উশন্নুশত আ বহ পিতৄন্. হবিষে অত্তবে ॥ ত্বগ্ং সোম প্রচিকিতো মনীষা ত্বগ্ং রজিষ্ঠমনু নেষি পন্থাম্ । তব প্রণীতী পিতরো ন ইন্দো দেবেষু রত্নম ভজন্ত ধীরাঃ ॥ ত্বযা হি নঃ পিতরঃ সোম পূর্বে কর্মাণি চক্রুঃ পবমান ধীরাঃ । বন্বন্নবাতঃ পরিধীগ্ং রপোর্ণু বীরেভিরশ্বৈর্মঘবা ভবা [ভব, নঃ ।] 65
নঃ ॥ ত্বগ্ং সোম পিতৃভিঃ সংবিঁদানো-ঽনু দ্যাবাপৃথিবী আ ততন্থ । তস্মৈ ত ইন্দো হবিষা বিধেম বযগ্গ্ স্যাম পতযো রযীণাম্ ॥ অগ্নিষ্বাত্তাঃ পিতর এহ গচ্ছত সদঃ সদ-স্সদত সুপ্রণীতযঃ । অত্তা হবীগ্ংষি প্রযতানি বর্হিষ্যথা রযিগ্ং সর্ববীর-ন্দধাতন ॥ বর্হিষদঃ পিতর ঊত্যর্বাগিমা বো হব্যা চকৃমা জুষদ্ধ্বম্ । ত আ গতা-ঽবসা শ-ন্তমেনা-ঽথা-ঽস্মভ্যগ্ং [-ঽস্মভ্যম্, শং-যোঁররপো দধাত ।] 66
শং-যোঁররপো দধাত ॥ আ-ঽহ-ম্পিতৄন্-থ্সুবিদত্রাগ্ং অবিথ্সি নপাত-ঞ্চ বিক্রমণ-ঞ্চ বিষ্ণোঃ । বর্হিষদো যে স্বধযা সুতস্য ভজন্ত পিত্বস্ত ইহা-ঽঽ গমিষ্ঠাঃ ॥ উপহূতাঃ পিতরঃ সোম্যাসো বর্হিষ্যেষু নিধিষু প্রিযেষু । ত আ গমন্তু ত ইহ শ্রুবন্ত্বধি ব্রুবন্তু তে অবন্ত্বস্মান্ ॥ উদীরতামবর উ-ত্পরাস উন্মদ্ধ্যমাঃ পিতরঃ সোম্যাসঃ । অসুং- [অসুম্, য ঈযুর বৃকা] 67
-ঁয ঈযুর বৃকা ঋতজ্ঞাস্তে নো-ঽবন্তু পিতরো হবেষু ॥ ইদ-ম্পিতৃভ্যো নমো অস্ত্বদ্য যে পূর্বাসো য উপরাস ঈযুঃ । যে পার্থিবে রজস্যা নিষত্তা যে বা নূনগ্ং সুবৃজনাসু বিক্ষু ॥ অধা যথা নঃ পিতরঃ পরাসঃ প্রত্নাসো অগ্ন ঋতমাশুষাণাঃ । শুচীদয-ন্দীধিতি মুক্থশাসঃ, ক্ষামা ভিন্দন্তো অরুণীরপ ব্রন্ন্ ॥ যদগ্নে [যদগ্নে, কব্যবাহন পিতৄন্] 68
কব্যবাহন পিতৄন্. যক্ষ্যৃতাবৃধঃ । প্র চ হব্যানি বক্ষ্যসি দেবেভ্যশ্চ পিতৃভ্য আ ॥ ত্বমগ্ন ঈডিতো জাতবেদো-ঽবাড্ঢব্যানি সুরভীণি কৃত্বা । প্রাদাঃ পিতৃভ্যঃ স্বধযা তে অক্ষন্নদ্ধি ত্ব-ন্দেব প্রযতা হবীগ্ংষি ॥ মাতলী কব্যৈর্যমো অঙ্গিরোভি র্বৃহস্পতির্ ঋক্বভি র্বাবৃধানঃ । যাগ্শ্চ দেবা বাবৃধুর্যে চ দেবান্-থ্স্বাহা-ঽন্যে স্বধযা-ঽন্যে মদন্তি ॥ 69 ॥
ইমং-যঁম প্রস্তরমাহি সীদাঙ্গিরোভিঃ পিতৃভিঃ সংবিঁদানঃ । আত্বা মন্ত্রাঃ কবিশস্তা বহন্ত্বেনা রাজন্. হবিষা মাদযস্ব ॥ অঙ্গিরোভিরা গহি যজ্ঞিযেভির্যম বৈরূপৈরিহ মাদযস্ব । বিবস্বন্তগ্ং হুবে যঃ পিতা তে-ঽস্মিন্. যজ্ঞে বর্হিষ্যা নিষদ্য ॥ অঙ্গিরসো নঃ পিতরো নবগ্বা অথর্বাণো ভৃগব-স্সোম্যাসঃ । তেষাং-বঁযগ্ং সুমতৌ যজ্ঞিযানামপি ভদ্রে সৌমনসে স্যাম ॥ 70 ॥

(ভবা - ঽস্মভ্য - মসুং - ঁযদগ্নে - মদন্তি - সৌমনস - এক-ঞ্চ ) (অ. 12)
(সমিধ - শ্চক্ষুষী - প্রজাপতিরাজ্যং - দেবস্য স্ফ্যং - ব্রহ্মবাদিনো ঽদ্ভি - রগ্নেস্ত্রযো - মনুঃ পৃথিব্যাঃ - পশবো - ঽগ্নীধে - দেবা বৈ যজ্ঞস্য - যুক্ষ্বো - শন্তস্ত্বা - দ্বাদশ )
(সমিধো - যাজ্যা - তস্মান্নভা-ঽগগ্ং - হি তমন্বি- ত্যাহ প্রজা বা - আহেত্যাহ - যুক্ষ্বা হি - সপ্ততিঃ )
(সমিধঃ, সৌমনসে স্যাম)
॥ হরিঃ ওম্ ॥
॥ কৃষ্ণ যজুর্বেদীয তৈত্তিরীয সংহিতাযা-ন্দ্বিতীযকাণ্ডে ষষ্টঃ প্রশ্ন-স্সমাপ্তঃ ॥
(বাযব্যং - প্রজাপতি - রাদিত্যেভ্যো - দেবা - বিশ্বরূপঃ - সমিধঃ - ষট্) (6)
॥