2.6 - ಸಮಿಧೋ ಯಜತಿ ವಸನ್ತಮ್ - ಕೃಷ್ಣ ಯಜುರ್ವೇದ ತೈತ್ತಿರೀಯ ಸಂಹಿತಾ ಪಾಠಃ

ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಸಂಹಿತಾಯಾ-ನ್ದ್ವಿತೀಯಕಾಣ್ಡೇ ಷಷ್ಠಃ ಪ್ರಶ್ನಃ - ಅವಶಿಷ್ಟಕರ್ಮಾಭಿಧಾನಂ
ಓ-ನ್ನಮಃ ಪರಮಾತ್ಮನೇ, ಶ್ರೀ ಮಹಾಗಣಪತಯೇ ನಮಃ,

ಶ್ರೀ ಗುರುಭ್ಯೋ ನಮಃ । ಹರಿಃ ಓಮ್ ॥
ಸಮಿಧೋ ಯಜತಿ ವಸನ್ತಮೇವರ್ತೂನಾಮವ ರುನ್ಧೇ ತನೂನಪಾತಂ-ಯಁಜತಿ ಗ್ರೀಷ್ಮಮೇವಾವ ರುನ್ಧ ಇಡೋ ಯಜತಿ ವರ್ಷಾ ಏವಾವ ರುನ್ಧೇ ಬರ್ಹಿರ್ಯಜತಿ ಶರದಮೇವಾವ ರುನ್ಧೇ ಸ್ವಾಹಾಕಾರಂ-ಯಁಜತಿ ಹೇಮನ್ತಮೇವಾವ ರುನ್ಧೇ ತಸ್ಮಾ-ಥ್ಸ್ವಾಹಾಕೃತಾ ಹೇಮ-ನ್ಪಶವೋ-ಽವ ಸೀದನ್ತಿ ಸಮಿಧೋ ಯಜತ್ಯುಷಸ ಏವ ದೇವತಾನಾಮವ ರುನ್ಧೇ ತನೂನಪಾತಂ-ಯಁಜತಿ ಯಜ್ಞಮೇವಾವ ರುನ್ಧ [ಯಜ್ಞಮೇವಾವ ರುನ್ಧ, ಇಡೋ ಯಜತಿ] 1
ಇಡೋ ಯಜತಿ ಪಶೂನೇವಾವ ರುನ್ಧೇ ಬರ್ಹಿರ್ಯಜತಿ ಪ್ರಜಾಮೇವಾವ ರುನ್ಧೇ ಸಮಾನಯತ ಉಪಭೃತಸ್ತೇಜೋ ವಾ ಆಜ್ಯ-ಮ್ಪ್ರಜಾ ಬರ್ಹಿಃ ಪ್ರಜಾಸ್ವೇವ ತೇಜೋ ದಧಾತಿ ಸ್ವಾಹಾಕಾರಂ-ಯಁಜತಿ ವಾಚಮೇವಾವ ರುನ್ಧೇ ದಶ ಸ-ಮ್ಪದ್ಯನ್ತೇ ದಶಾಕ್ಷರಾ ವಿರಾಡನ್ನಂ-ವಿಁರಾಡ್ವಿರಾಜೈ ವಾನ್ನಾದ್ಯಮವ ರುನ್ಧೇ ಸಮಿಧೋ ಯಜತ್ಯಸ್ಮಿನ್ನೇವ ಲೋಕೇ ಪ್ರತಿತಿಷ್ಠತಿ ತನೂನಪಾತಂ-ಯಁಜತಿ [ ] 2
ಯಜ್ಞ ಏವಾನ್ತರಿಕ್ಷೇ ಪ್ರತಿ ತಿಷ್ಠತೀಡೋ ಯಜತಿ ಪಶುಷ್ವೇವ ಪ್ರತಿತಿಷ್ಠತಿ ಬರಃಇರ್ಯಜತಿ ಯ ಏವ ದೇವಯಾನಾಃ ಪನ್ಥಾನಸ್ತೇಷ್ವೇವ ಪ್ರತಿತಿಷ್ಠತಿ ಸ್ವಾಹಾಕಾರಂ-ಯಁಜತಿ ಸುವರ್ಗ ಏವ ಲೋಕೇ ಪ್ರತಿ ತಿಷ್ಠತ್ಯೇತಾವನ್ತೋ ವೈ ದೇವಲೋಕಾಸ್ತೇಷ್ವೇವ ಯಥಾಪೂರ್ವ-ಮ್ಪ್ರತಿತಿಷ್ಠತಿ ದೇವಾಸುರಾ ಏಷು ಲೋಕೇಷ್ವಸ್ಪರ್ಧನ್ತ ತೇ ದೇವಾಃ ಪ್ರಯಾಜೈರೇಭ್ಯೋ ಲೋಕೇಭ್ಯೋ ಽಸುರಾ-ನ್ಪ್ರಾಣುದನ್ತ ತ-ತ್ಪ್ರಯಾಜಾನಾ- [ತ-ತ್ಪ್ರಯಾಜಾನಾಮ್, ಪ್ರಯಾಜತ್ವ-] 3
-ಮ್ಪ್ರಯಾಜತ್ವಂ-ಯಁಸ್ಯೈವಂ-ವಿಁದುಷಃ ಪ್ರಯಾಜಾ ಇಜ್ಯನ್ತೇ ಪ್ರೈಭ್ಯೋ ಲೋಕೇಭ್ಯೋ ಭ್ರಾತೃವ್ಯಾನ್ನುದತೇ ಽಭಿಕ್ರಾಮ-ಞ್ಜುಹೋತ್ಯಭಿಜಿತ್ಯೈ ಯೋ ವೈ ಪ್ರಯಾಜಾನಾ-ಮ್ಮಿಥುನಂ-ವೇಁದ ಪ್ರ ಪ್ರಜಯಾ ಪಶುಭಿ ರ್ಮಿಥುನೈ ರ್ಜಾಯತೇ ಸಮಿಧೋ ಬಹ್ವೀರಿವ ಯಜತಿ ತನೂನಪಾತಮೇಕಮಿವ ಮಿಥುನ-ನ್ತದಿಡೋ ಬಹ್ವೀರಿವ ಯಜತಿ ಬರ್ಹಿರೇಕಮಿವ ಮಿಥುನ-ನ್ತದೇತದ್ವೈ ಪ್ರಯಾಜಾನಾ-ಮ್ಮಿಥುನಂ-ಯಁ ಏವಂ-ವೇಁದ ಪ್ರ [ ] 4
ಪ್ರಜಯಾ ಪಶುಭಿ ರ್ಮಿಥುನೈ ರ್ಜಾಯತೇ ದೇವಾನಾಂ-ವಾಁ ಅನಿಷ್ಟಾ ದೇವತಾ ಆಸನ್ನಥಾಸುರಾ ಯಜ್ಞಮಜಿಘಾಗ್ಂ ಸ-ನ್ತೇ ದೇವಾ ಗಾಯತ್ರೀಂ-ವ್ಯೌಁಹ-ನ್ಪಞ್ಚಾಕ್ಷರಾಣಿ ಪ್ರಾಚೀನಾನಿ ತ್ರೀಣಿ ಪ್ರತೀಚೀನಾನಿ ತತೋ ವರ್ಮ ಯಜ್ಞಾಯಾಭವದ್ವರ್ಮ ಯಜಮಾನಾಯ ಯ-ತ್ಪ್ರಯಾಜಾನೂಯಾಜಾ ಇಜ್ಯನ್ತೇ ವರ್ಮೈವ ತದ್ಯಜ್ಞಾಯ ಕ್ರಿಯತೇ ವರ್ಮ ಯಜಮಾನಾಯ ಭ್ರಾತೃವ್ಯಾಭಿಭೂತ್ಯೈ ತಸ್ಮಾ-ದ್ವರೂಥ-ಮ್ಪುರಸ್ತಾ-ದ್ವರ್ಷೀಯಃ ಪಶ್ಚಾದ್ಧ್ರಸೀಯೋ ದೇವಾ ವೈ ಪುರಾ ರಕ್ಷೋಭ್ಯ [ಪುರಾ ರಕ್ಷೋಭ್ಯಃ, ಇತಿ ಸ್ವಾಹಾಕಾರೇಣ] 5
ಇತಿ ಸ್ವಾಹಾಕಾರೇಣ ಪ್ರಯಾಜೇಷು ಯಜ್ಞಗ್ಂ ಸಗ್ಗ್ಸ್ಥಾಪ್ಯಮಪಶ್ಯ-ನ್ತಗ್ಗ್ ಸ್ವಾಹಾಕಾರೇಣ ಪ್ರಯಾಜೇಷು ಸಮಸ್ಥಾಪಯನ್ ವಿ ವಾ ಏತ-ದ್ಯಜ್ಞ-ಞ್ಛಿನ್ದನ್ತಿ ಯ-ಥ್ಸ್ವಾಹಾಕಾರೇಣ ಪ್ರಯಾಜೇಷು ಸಗ್ಗ್ಸ್ಥಾಪಯನ್ತಿ ಪ್ರಯಾಜಾನಿಷ್ಟ್ವಾ ಹವೀಗ್ಷ್ಯಭಿ ಘಾರಯತಿ ಯಜ್ಞಸ್ಯ ಸನ್ತತ್ಯಾ ಅಥೋ ಹವಿರೇವಾಕರಥೋ ಯಥಾಪೂರ್ವಮುಪೈತಿ ಪಿತಾ ವೈ ಪ್ರಯಾಜಾಃ ಪ್ರಜಾ-ಽನೂಯಾಜಾ ಯ-ತ್ಪ್ರಯಾಜಾನಿಷ್ಟ್ವಾ ಹವೀಗ್ಷ್ಯಭಿಘಾರಯತಿ ಪಿತೈವ ತ-ತ್ಪುತ್ರೇಣ ಸಾಧಾರಣ- [ಸಾಧಾರಣಮ್, ಕುರುತೇ ತಸ್ಮಾದಾಹು-] 6
-ಙ್ಕುರುತೇ ತಸ್ಮಾದಾಹು-ರ್ಯಶ್ಚೈವಂ-ವೇಁದ ಯಶ್ಚ ನ ಕಥಾ ಪುತ್ರಸ್ಯ ಕೇವಲ-ಙ್ಕಥಾ ಸಾಧಾರಣ-ಮ್ಪಿತುರಿತ್ಯಸ್ಕನ್ನಮೇವ ತದ್ಯ-ತ್ಪ್ರಯಾಜೇಷ್ವಿಷ್ಟೇಷು ಸ್ಕನ್ದತಿ ಗಾಯತ್ರ್ಯೇವ ತೇನ ಗರ್ಭ-ನ್ಧತ್ತೇ ಸಾ ಪ್ರಜಾ-ಮ್ಪಶೂನ್. ಯಜಮಾನಾಯ ಪ್ರಜನಯತಿ ॥ 7 ॥

(ಯಜತಿ ಯಜ್ಞಾಮೇವಾವ ರುನ್ಧೇ - ತನೂನಪಾತಂ-ಯಁಜತಿ - ಪ್ರಯಾಜಾನಾ ಟ್ಟ ಮೇವಂ-ವೇಁದ ಪ್ರ - ರಕ್ಷೋಭ್ಯಃ - ಸಾಧಾರಣಂ - ಪಞ್ಚತ್ರಿಗ್ಂಶಚ್ಚ ) (ಅ. 1)
ಚಕ್ಷುಷೀ ವಾ ಏತೇ ಯಜ್ಞಸ್ಯ ಯದಾಜ್ಯಭಾಗೌ ಯದಾಜ್ಯಭಾಗೌ ಯಜತಿ ಚಕ್ಷುಷೀ ಏವ ತ-ದ್ಯಜ್ಞಸ್ಯ ಪ್ರತಿ ದಧಾತಿ ಪೂರ್ವಾರ್ಧೇ ಜುಹೋತಿ ತಸ್ಮಾ-ತ್ಪೂರ್ವಾರ್ಧೇ ಚಕ್ಷುಷೀ ಪ್ರಬಾಹುಗ್-ಜುಹೋತಿ ತಸ್ಮಾ-ತ್ಪ್ರಬಾಹುಕ್ಚಕ್ಷುಷೀ ದೇವಲೋಕಂ-ವಾಁ ಅಗ್ನಿನಾ ಯಜಮಾನೋ-ಽನು ಪಶ್ಯತಿ ಪಿತೃಲೋಕಗ್ಂ ಸೋಮೇನೋತ್ತರಾರ್ಧೇ ಽಗ್ನಯೇ ಜುಹೋತಿ ದಕ್ಷಿಣಾರ್ಧೇ ಸೋಮಾಯೈವಮಿವ ಹೀಮೌ ಲೋಕಾವನಯೋ ರ್ಲೋಕಯೋರನುಖ್ಯಾತ್ಯೈ ರಾಜಾನೌ ವಾ ಏತೌ ದೇವತಾನಾಂ- [ದೇವತಾನಾಮ್, ಯದಗ್ನೀಷೋಮಾವನ್ತರಾ] 8
ಁಯದಗ್ನೀಷೋಮಾವನ್ತರಾ ದೇವತಾ ಇಜ್ಯೇತೇ ದೇವತಾನಾಂ-ವಿಁಧೃತ್ಯೈ ತಸ್ಮಾ-ದ್ರಾಜ್ಞಾ ಮನುಷ್ಯಾ ವಿಧೃತಾ ಬ್ರಹ್ಮವಾದಿನೋ ವದನ್ತಿ ಕಿ-ನ್ತ-ದ್ಯಜ್ಞೇ ಯಜಮಾನಃ ಕುರುತೇ ಯೇನಾನ್ಯತೋದತಶ್ಚ ಪಶೂ-ನ್ದಾಧಾ-ರೋಭಯತೋದತ-ಶ್ಚೇತ್ಯೃಚ-ಮನೂಚ್ಯಾ ಽಽಜ್ಯಭಾಗಸ್ಯ ಜುಷಾಣೇನ ಯಜತಿ ತೇನಾನ್ಯತೋದತೋ ದಾಧಾರರ್ಚಮನೂಚ್ಯ ಹವಿಷ ಋಚಾ ಯಜತಿ ತೇನೋಭಯತೋದತೋ ದಾಧಾರ ಮೂರ್ಧನ್ವತೀ ಪುರೋ-ಽನುವಾಕ್ಯಾ ಭವತಿ ಮೂರ್ಧಾನಮೇವೈನಗ್ಂ ಸಮಾನಾನಾ-ಙ್ಕರೋತಿ [ ] 9
ನಿಯುತ್ವತ್ಯಾ ಯಜತಿ ಭ್ರಾತೃವ್ಯಸ್ಯೈವ ಪಶೂ-ನ್ನಿ ಯುವತೇ ಕೇಶಿನಗ್ಂಹ ದಾರ್ಭ್ಯ-ಙ್ಕೇಶೀ ಸಾತ್ಯಕಾಮಿರುವಾಚ ಸಪ್ತಪದಾ-ನ್ತೇ ಶಕ್ವರೀಗ್ ಶ್ವೋ ಯಜ್ಞೇ ಪ್ರಯೋಕ್ತಾಸೇ ಯಸ್ಯೈ ವೀರ್ಯೇಣ ಪ್ರ ಜಾತಾ-ನ್ಭ್ರಾತೃವ್ಯಾನ್ನುದತೇ ಪ್ರತಿ ಜನಿಷ್ಯಮಾಣಾನ್. ಯಸ್ಯೈ ವೀರ್ಯೇಣೋಭಯೋ ರ್ಲೋಕಯೋ ರ್ಜ್ಯೋತಿ ರ್ಧತ್ತೇ ಯಸ್ಯೈ ವೀರ್ಯೇಣ ಪೂರ್ವಾರ್ಧೇನಾನಡ್ವಾ-ನ್ಭುನಕ್ತಿ ಜಘನಾರ್ಧೇನ ಧೇನುರಿತಿ ಪುರಸ್ತಾಲ್ಲಕ್ಷ್ಮಾ ಪುರೋ-ಽನುವಾಕ್ಯಾ ಭವತಿ ಜಾತಾನೇವ ಭ್ರಾತೃವ್ಯಾ-ನ್ಪ್ರಣುದತ ಉಪರಿಷ್ಟಾಲ್ಲಕ್ಷ್ಮಾ [ ] 10
ಯಾಜ್ಯಾ ಜನಿಷ್ಯಮಾಣಾನೇವ ಪ್ರತಿನುದತೇ ಪುರಸ್ತಾಲ್ಲಕ್ಷ್ಮಾ ಪುರೋ-ಽನುವಾಕ್ಯಾ ಭವತ್ಯಸ್ಮಿನ್ನೇವ ಲೋಕೇ ಜ್ಯೋತಿರ್ಧತ್ತ ಉಪರಿಷ್ಟಾಲ್ಲಕ್ಷ್ಮಾ ಯಾಜ್ಯಾ-ಽಮುಷ್ಮಿನ್ನೇವ ಲೋಕೇ ಜ್ಯೋತಿರ್ಧತ್ತೇ ಜ್ಯೋತಿಷ್ಮನ್ತಾವಸ್ಮಾ ಇಮೌ ಲೋಕೌ ಭವತೋ ಯ ಏವಂ-ವೇಁದ ಪುರಸ್ತಾಲ್ಲಕ್ಷ್ಮಾ ಪುರೋ-ಽನುವಾಕ್ಯಾ ಭವತಿ ತಸ್ಮಾ-ತ್ಪೂರ್ವಾರ್ಧೇನಾನಡ್ವಾ-ನ್ಭುನಕ್ತ್ಯುಪರಿಷ್ಟಾಲ್ಲಕ್ಷ್ಮಾ ಯಾಜ್ಯಾ ತಸ್ಮಾಜ್ಜಘನಾರ್ಧೇನ ಧೇನುರ್ಯ ಏವಂ-ವೇಁದ ಭುಙ್ಕ್ತ ಏನಮೇತೌ ವಜ್ರ ಆಜ್ಯಂ-ವಁಜ್ರ ಆಜ್ಯಭಾಗೌ [ಆಜ್ಯಭಾಗೌ, ವಜ್ರೋ] 11
ವಜ್ರೋ ವಷಟ್ಕಾರಸ್ತ್ರಿವೃತಮೇವ ವಜ್ರಗ್ಂ ಸಮ್ಭೃತ್ಯ ಭ್ರಾತೃವ್ಯಾಯ ಪ್ರ ಹರತ್ಯಚ್ಛಮ್ಬಟ್ಕಾರ-ಮಪಗೂರ್ಯ ವಷಟ್ಕರೋತಿ ಸ್ತೃತ್ಯೈ ಗಾಯತ್ರೀ ಪುರೋ-ಽನುವಾಕ್ಯಾ ಭವತಿ ತ್ರಿಷ್ಟುಗ್ ಯಾಜ್ಯಾ ಬ್ರಹ್ಮನ್ನೇವ ಕ್ಷತ್ರಮನ್ವಾರ-ಮ್ಭಯತಿ ತಸ್ಮಾದ್ಬ್ರಾಹ್ಮಣೋ ಮುಖ್ಯೋ ಮುಖ್ಯೋ ಭವತಿ ಯ ಏವಂ-ವೇಁದ ಪ್ರೈವೈನ-ಮ್ಪುರೋ-ಽನುವಾಕ್ಯಯಾ ಽಽಹ ಪ್ರಣಯತಿ ಯಾಜ್ಯಯಾ ಗಮಯತಿ ವಷಟ್ಕಾರೇಣೈವೈನ-ಮ್ಪುರೋ-ಽನುವಾಕ್ಯಯಾ ದತ್ತೇ ಪ್ರಯಚ್ಛತಿ ಯಾಜ್ಯಯಾ ಪ್ರತಿ [ಯಾಜ್ಯಯಾ ಪ್ರತಿ, ವಷಟ್ಕಾರೇಣ] 12
ವಷಟ್ಕಾರೇಣ ಸ್ಥಾಪಯತಿ ತ್ರಿಪದಾ ಪುರೋ-ಽನುವಾಕ್ಯಾ ಭವತಿ ತ್ರಯ ಇಮೇ ಲೋಕಾ ಏಷ್ವೇವ ಲೋಕೇಷು ಪ್ರತಿತಿಷ್ಠತಿ ಚತುಷ್ಪದಾ ಯಾಜ್ಯಾ ಚತುಷ್ಪದ ಏವ ಪಶೂನವ ರುನ್ಧೇ ದ್ವ್ಯಕ್ಷರೋ ವಷಟ್ಕಾರೋ ದ್ವಿಪಾ-ದ್ಯಜಮಾನಃ ಪಶುಷ್ವೇವೋಪರಿಷ್ಟಾ-ತ್ಪ್ರತಿತಿಷ್ಠತಿ ಗಾಯತ್ರೀ ಪುರೋ-ಽನುವಾಕ್ಯಾ ಭವತಿ ತ್ರಿಷ್ಟುಗ್ ಯಾಜ್ಯೈಷಾ ವೈ ಸಪ್ತಪದಾ ಶಕ್ವರೀ ಯದ್ವಾ ಏತಯಾ ದೇವಾ ಅಶಿಕ್ಷ-ನ್ತದಶಕ್ನುವನ್. ಯ ಏವಂ-ವೇಁದ ಶಕ್ನೋತ್ಯೇವ ಯಚ್ಛಿಕ್ಷತಿ ॥ 13 ॥

(ದೇವತಾನಾಂ - ಕರೋತ್ಯು - ಪರಿಷ್ಟಾಲ್ಲಕ್ಷ್ಮಾ - ಽಽಜ್ಯಭಾಗೌ - ಪ್ರತಿ - ಶಕ್ರೋತ್ಯೇವ - ದ್ವೇ ಚ ) (ಅ. 2)
ಪ್ರಜಾಪತಿ ರ್ದೇವೇಭ್ಯೋ ಯಜ್ಞಾನ್ ವ್ಯಾದಿಶ-ಥ್ಸ ಆತ್ಮನ್ನಾಜ್ಯಮಧತ್ತ ತ-ನ್ದೇವಾ ಅಬ್ರುವನ್ನೇಷ ವಾವ ಯಜ್ಞೋ ಯದಾಜ್ಯಮಪ್ಯೇವ ನೋ-ಽತ್ರಾಸ್ತ್ವಿತಿ ಸೋ-ಽಬ್ರವೀ-ದ್ಯಜಾನ್ ವ ಆಜ್ಯಭಾಗಾವುಪ ಸ್ತೃಣಾನಭಿ ಘಾರಯಾನಿತಿ ತಸ್ಮಾ-ದ್ಯಜನ್ತ್ಯಾ-ಜ್ಯಭಾಗಾವುಪ ಸ್ತೃಣನ್ತ್ಯಭಿ ಘಾರಯನ್ತಿ ಬ್ರಹ್ಮವಾದಿನೋ ವದನ್ತಿ ಕಸ್ಮಾ-ಥ್ಸತ್ಯಾ-ದ್ಯಾತಯಾಮಾನ್ಯನ್ಯಾನಿ ಹವೀಗ್-ಷ್ಯಯಾತಯಾಮ-ಮಾಜ್ಯಮಿತಿ ಪ್ರಾಜಾಪತ್ಯ- [ಪ್ರಾಜಾಪತ್ಯಮ್, ಇತಿ] 14
-ಮಿತಿ ಬ್ರೂಯಾದಯಾತಯಾಮಾ ಹಿ ದೇವಾನಾ-ಮ್ಪ್ರಜಾಪತಿರಿತಿ ಛನ್ದಾಗ್ಂಸಿ ದೇವೇಭ್ಯೋ-ಽಪಾಕ್ರಾಮ-ನ್ನ ವೋ-ಽಭಾಗಾನಿ ಹವ್ಯಂ-ವಁಕ್ಷ್ಯಾಮ ಇತಿ ತೇಭ್ಯ ಏತ-ಚ್ಚತುರವತ್ತ-ಮಧಾರಯ-ನ್ಪುರೋ-ಽನುವಾಕ್ಯಾಯೈ ಯಾಜ್ಯಾಯೈ ದೇವತಾಯೈ ವಷಟ್ಕಾರಾಯ ಯಚ್ಚತುರವತ್ತ-ಞ್ಜುಹೋತಿ ಛನ್ದಾಗ್ಸ್ಯೇವ ತ-ತ್ಪ್ರೀಣಾತಿ ತಾನ್ಯಸ್ಯ ಪ್ರೀತಾನಿ ದೇವೇಭ್ಯೋ ಹವ್ಯಂ-ವಁಹನ್ತ್ಯಙ್ಗಿರಸೋ ವಾ ಇತ ಉತ್ತಮಾ-ಸ್ಸುವರ್ಗಂ-ಲೋಁಕಮಾಯ-ನ್ತದೃಷಯೋ ಯಜ್ಞವಾಸ್ತ್ವಭ್ಯವಾಯ-ನ್ತೇ- [ಯಜ್ಞವಾಸ್ತ್ವಭ್ಯವಾಯ-ನ್ತೇ, ಅಪಶ್ಯ-ನ್ಪುರೋಡಾಶ-] 15
-ಽಪಶ್ಯ-ನ್ಪುರೋಡಾಶ-ಙ್ಕೂರ್ಮ-ಮ್ಭೂತಗ್ಂ ಸರ್ಪನ್ತ-ನ್ತಮಬ್ರುವನ್ನಿನ್ದ್ರಾಯ ಧ್ರಿಯಸ್ವ ಬೃಹಸ್ಪತಯೇ ಧ್ರಿಯಸ್ವ ವಿಶ್ವೇಭ್ಯೋ ದೇವೇಭ್ಯೋ ಧ್ರಿಯಸ್ವೇತಿ ಸ ನಾದ್ಧ್ರಿಯತ ತಮಬ್ರುವನ್ನಗ್ನಯೇ ಧ್ರಿಯಸ್ವೇತಿ ಸೋ-ಽಗ್ನಯೇ-ಽದ್ಧ್ರಿಯತ ಯದಾಗ್ನೇಯೋ- ಽಷ್ಟಾಕಪಾಲೋ- ಽಮಾವಾಸ್ಯಾಯಾ-ಞ್ಚ ಪೌರ್ಣಮಾಸ್ಯಾ-ಞ್ಚಾಚ್ಯುತೋ ಭವತಿ ಸುವರ್ಗಸ್ಯ ಲೋಕಸ್ಯಾಭಿಜಿತ್ಯೈ ತಮಬ್ರುವನ್ ಕಥಾ-ಽಹಾಸ್ಥಾ ಇತ್ಯನುಪಾಕ್ತೋ ಽಭೂವಮಿತ್ಯಬ್ರವೀ-ದ್ಯಥಾ-ಽಕ್ಷೋ-ಽನುಪಾಕ್ತೋ- [-ಽನುಪಾಕ್ತಃ, ಅವಾರ್ಚ್ಛತ್ಯೇವ-] 16
-ಽವಾರ್ಚ್ಛತ್ಯೇವ-ಮವಾ-ಽಽರಮಿತ್ಯುಪರಿಷ್ಟಾ-ದಭ್ಯಜ್ಯಾಧಸ್ತಾ-ದುಪಾನಕ್ತಿ ಸುವರ್ಗಸ್ಯ ಲೋಕಸ್ಯ ಸಮಷ್ಟ್ಯೈ ಸರ್ವಾಣಿ ಕಪಾಲಾನ್ಯಭಿ ಪ್ರಥಯತಿ ತಾವತಃ ಪುರೋಡಾಶಾನಮುಷ್ಮಿನ್ ಁಲೋಕೇ-ಽಭಿ ಜಯತಿ ಯೋ ವಿದಗ್ಧ-ಸ್ಸ ನೈರ್-ಋತೋ ಯೋ-ಽಶೃತ-ಸ್ಸ ರೌದ್ರೋ ಯ-ಶ್ಶೃತ-ಸ್ಸ ಸದೇವಸ್ತಸ್ಮಾದವಿದಹತಾ ಶೃತಕೃನ್ತ್ಯಃ ಸದೇವತ್ವಾಯ ಭಸ್ಮನಾ-ಽಭಿ ವಾಸಯತಿ ತಸ್ಮಾನ್ಮಾಗ್ಂ ಸೇನಾಸ್ಥಿ ಛನ್ನಂ-ವೇಁದೇನಾಭಿ ವಾಸಯತಿ ತಸ್ಮಾ- [ತಸ್ಮಾತ್, ಕೇಶೈ-] 17
-ತ್ಕೇಶೈ-ಶ್ಶಿರಃ ಛನ್ನ-ಮ್ಪ್ರಚ್ಯುತಂ-ವಾಁ ಏತದಸ್ಮಾ-ಲ್ಲೋಕಾದಗತ-ನ್ದೇವಲೋಕಂ-ಯಁಚ್ಛೃತಗ್ಂ ಹವಿರನಭಿಘಾರಿತ-ಮಭಿಘಾರ್ಯೋ-ದ್ವಾಸಯತಿ ದೇವತ್ರೈವೈನ-ದ್ಗಮಯತಿ ಯದ್ಯೇಕ-ಙ್ಕಪಾಲ-ನ್ನಶ್ಯೇದೇಕೋ ಮಾಸಃ ಸಂವಁಥ್ಸರಸ್ಯಾನವೇತ-ಸ್ಸ್ಯಾದಥ ಯಜಮಾನಃ ಪ್ರಮೀಯೇತ ಯ-ದ್ದ್ವೇ ನಶ್ಯೇತಾ-ನ್ದ್ವೌ ಮಾಸೌ ಸಂವಁಥ್ಸರಸ್ಯಾನವೇತೌ ಸ್ಯಾತಾಮಥ ಯಜಮಾನಃ ಪ್ರಮೀಯೇತ ಸಙ್ಖ್ಯಾಯೋ-ದ್ವಾಸಯತಿ ಯಜಮಾನಸ್ಯ [ಯಜಮಾನಸ್ಯ, ಗೋಪೀಥಾಯ ಯದಿ] 18
ಗೋಪೀಥಾಯ ಯದಿ ನಶ್ಯೇದಾಶ್ವಿನ-ನ್ದ್ವಿಕಪಾಲ-ನ್ನಿರ್ವಪೇ-ದ್ದ್ಯಾವಾಪೃಥಿವ್ಯ- ಮೇಕಕಪಾಲಮಶ್ವಿನೌ ವೈ ದೇವಾನಾ-ಮ್ಭಿಷಜೌ ತಾಭ್ಯಾಮೇವಾಸ್ಮೈ ಭೇಷಜ-ಙ್ಕರೋತಿ ದ್ಯಾವಾಪೃಥಿವ್ಯ ಏಕಕಪಾಲೋ ಭವತ್ಯನಯೋರ್ವಾ ಏತನ್ನಶ್ಯತಿ ಯನ್ನಶ್ಯ- ತ್ಯನಯೋರೇವೈನ-ದ್ವಿನ್ದತಿ ಪ್ರತಿಷ್ಠಿತ್ಯೈ ॥ 19 ॥

(ಪ್ರಜಾಪತ್ಯಂ - ತೇ - ಽಕ್ಷೋ-ಽನುಪಾಕ್ತೋ - ವೇದೇನಾಭಿ ವಾಸಯತಿ ತಸ್ಮಾ--ದ್ಯಜಮಾನಸ್ಯ - ದ್ವಾತ್ರಿಗ್ಂಶಚ್ಚ) (ಅ. 3)
ದೇವಸ್ಯ ತ್ವಾ ಸವಿತುಃ ಪ್ರಸವ ಇತಿ ಸ್ಫ್ಯಮಾ ದತ್ತೇ ಪ್ರಸೂತ್ಯಾ ಅಶ್ವಿನೋ ರ್ಬಾಹುಭ್ಯಾಮಿತ್ಯಾಹಾ-ಶ್ವಿನೌ ಹಿ ದೇವಾನಾಮದ್ಧ್ವರ್ಯೂ ಆಸ್ತಾ-ಮ್ಪೂಷ್ಣೋ ಹಸ್ತಾಭ್ಯಾಮಿತ್ಯಾಹ ಯತ್ಯೈ ಶತಭೃಷ್ಟಿರಸಿ ವಾನಸ್ಪತ್ಯೋ ದ್ವಿಷತೋ ವಧ ಇತ್ಯಾಹ ವಜ್ರಮೇವ ತ-ಥ್ಸಗ್ಗ್ಶ್ಯತಿ ಭ್ರಾತೃವ್ಯಾಯ ಪ್ರಹರಿಷ್ಯನ್-ಥ್ಸ್ತಮ್ಬ ಯಜುರ್-ಹರತ್ಯೇತಾವತೀ ವೈ ಪೃಥಿವೀ ಯಾವತೀ ವೇದಿಸ್ತಸ್ಯಾ ಏತಾವತ ಏವ ಭ್ರಾತೃವ್ಯ-ನ್ನಿರ್ಭಜತಿ [-ನಿರ್ಭಜತಿ, ತಸ್ಮಾನ್ನಾಭಾಗ-] 20
ತಸ್ಮಾನ್ನಾಭಾಗ-ನ್ನಿರ್ಭಜನ್ತಿ ತ್ರಿರ್ಹರತಿ ತ್ರಯ ಇಮೇ ಲೋಕಾ ಏಭ್ಯ ಏವೈನಂ-ಲೋಁಕೇಭ್ಯೋ ನಿರ್ಭಜತಿ ತೂಷ್ಣೀ-ಞ್ಚತುರ್ಥಗ್ಂ ಹರತ್ಯಪರಿಮಿತಾದೇವೈನ-ನ್ನಿರ್ಭಜತ್ಯುದ್ಧನ್ತಿ ಯದೇವಾಸ್ಯಾ ಅಮೇದ್ಧ್ಯ-ನ್ತದಪ ಹನ್ತ್ಯುದ್ಧನ್ತಿ ತಸ್ಮಾದೋಷಧಯಃ ಪರಾ ಭವನ್ತಿ ಮೂಲ-ಞ್ಛಿನತ್ತಿ ಭ್ರಾತೃವ್ಯಸ್ಯೈವ ಮೂಲ-ಞ್ಛಿನತ್ತಿ ಪಿತೃದೇವತ್ಯಾ-ಽತಿಖಾತೇಯತೀ-ಙ್ಖನತಿ ಪ್ರಜಾಪತಿನಾ [ಪ್ರಜಾಪತಿನಾ, ಯಜ್ಞಮುಖೇನ ಸಮ್ಮಿತಾಮಾ] 21
ಯಜ್ಞಮುಖೇನ ಸಮ್ಮಿತಾಮಾ ಪ್ರತಿಷ್ಠಾಯೈ ಖನತಿ ಯಜಮಾನಮೇವ ಪ್ರತಿಷ್ಠಾ-ಙ್ಗಮಯತಿ ದಕ್ಷಿಣತೋ ವರ್ಷೀಯಸೀ-ಙ್ಕರೋತಿ ದೇವಯಜನಸ್ಯೈವ ರೂಪಮಕಃ ಪುರೀಷವತೀ-ಙ್ಕರೋತಿ ಪ್ರಜಾವೈ ಪಶವಃ ಪುರೀಷ-ಮ್ಪ್ರಜಯೈವೈನ-ಮ್ಪಶುಭಿಃ ಪುರೀಷವನ್ತ-ಙ್ಕರೋತ್ಯುತ್ತರ-ಮ್ಪರಿಗ್ರಾಹ-ಮ್ಪರಿ ಗೃಹ್ಣಾತ್ಯೇತಾವತೀ ವೈ ಪೃಥಿವೀ ಯಾವತೀ ವೇದಿಸ್ತಸ್ಯಾ ಏತಾವತ ಏವ ಭ್ರಾತೃವ್ಯ-ನ್ನಿರ್ಭಜ್ಯಾ-ಽಽತ್ಮನ ಉತ್ತರ-ಮ್ಪರಿಗ್ರಾಹ-ಮ್ಪರಿಗೃಹ್ಣಾತಿ ಕ್ರೂರಮಿವ ವಾ [ಕ್ರೂರಮಿವ ವೈ, ಏತ-ತ್ಕರೋತಿ] 22
ಏತ-ತ್ಕರೋತಿ ಯದ್ವೇದಿ-ಙ್ಕರೋತಿ ಧಾ ಅಸಿ ಸ್ವಧಾ ಅಸೀತಿ ಯೋಯುಪ್ಯತೇ ಶಾನ್ತ್ಯೈ ಪ್ರೋಕ್ಷಣೀರಾ ಸಾದಯತ್ಯಾಪೋ ವೈ ರಕ್ಷೋಘ್ನೀ ರಕ್ಷಸಾಮಪಹತ್ಯೈ ಸ್ಫ್ಯಸ್ಯವರ್ತ್ಮನ್-ಥ್ಸಾದಯತಿ ಯಜ್ಞಸ್ಯ ಸನ್ತತ್ಯೈಯ-ನ್ದ್ವಿಷ್ಯಾ-ತ್ತ-ನ್ಧ್ಯಾಯೇಚ್ಛುಚೈವೈನಮರ್ಪಯತಿ ॥ 23 ॥

(ಭಜತಿ - ಪ್ರಜಾಪತಿನೇ- ವ ವೈ - ತ್ರಯಸ್ತ್ರಿಗ್ಂಶಚ್ಚ) (ಅ. 4)
ಬ್ರಹ್ಮವಾದಿನೋ ವದನ್ತ್ಯದ್ಭಿರ್-ಹವೀಗ್ಂಷಿ ಪ್ರೌಕ್ಷೀಃ ಕೇನಾಪ ಇತಿ ಬ್ರಹ್ಮಣೇತಿ ಬ್ರೂಯಾದದ್ಭಿರ್-ಹ್ಯೇವ ಹವೀಗ್ಂಷಿ ಪ್ರೋಕ್ಷತಿ ಬ್ರಹ್ಮಣಾ-ಽಪ ಇದ್ಧ್ಮಾಬರ್ಹಿಃ ಪ್ರೋಕ್ಷತಿ ಮೇದ್ಧ್ಯಮೇವೈನ-ತ್ಕರೋತಿ ವೇದಿ-ಮ್ಪ್ರೋಕ್ಷತ್ಯೃಕ್ಷಾ ವಾ ಷಾ-ಽಲೋಮಕಾ-ಽಮೇದ್ಧ್ಯಾ ಯ-ದ್ವೇದಿರ್ಮೇದ್ಧ್ಯಾ-ಮೇವೈನಾ-ಙ್ಕರೋತಿ ದಿವೇ ತ್ವಾ-ಽನ್ತರಿಕ್ಷಾಯ ತ್ವಾ ಪೃಥಿವ್ಯೈ ತ್ವೇತಿ ಬರ್ಹಿ-ರಾಸಾದ್ಯ ಪ್ರೋ- [ಬರ್ಹಿ-ರಾಸಾದ್ಯ ಪ್ರ, ಉಕ್ಷತ್ಯೇಭ್ಯ] 24
-ಕ್ಷತ್ಯೇಭ್ಯ ಏವೈನಲ್ಲೋಕೇಭ್ಯಃ ಪ್ರೋಕ್ಷತಿ ಕ್ರೂರಮಿವ ವಾ ಏತ-ತ್ಕರೋತಿ ಯ-ತ್ಖನತ್ಯಪೋ ನಿನಯತಿ ಶಾನ್ತ್ಯೈ ಪುರಸ್ತಾ-ತ್ಪ್ರಸ್ತರ-ಙ್ಗೃಹ್ಣಾತಿ ಮುಖ್ಯಮೇವೈನ-ಙ್ಕರೋತೀಯನ್ತ-ಙ್ಗೃಹ್ಣಾತಿ ಪ್ರಜಾಪತಿನಾ ಯಜ್ಞಮುಖೇನ ಸಮ್ಮಿತ-ಮ್ಬರ್ಹಿ-ಸ್ಸ್ತೃಣಾತಿ ಪ್ರಜಾ ವೈ ಬರ್ಹಿಃ ಪೃಥಿವೀ ವೇದಿಃ ಪ್ರಜಾ ಏವ ಪೃಥಿವ್ಯಾ-ಮ್ಪ್ರತಿಷ್ಠಾಪಯತ್ಯನತಿದೃಶ್ಞಗ್ಗ್ ಸ್ತೃಣಾತಿ ಪ್ರಜಯೈವೈನ-ಮ್ಪಶುಭಿ-ರನತಿದೃಶ್ಞ-ಙ್ಕರೋ- [-ರನತಿದೃಶ್ಞ-ಙ್ಕರೋತಿ, ಉತ್ತರ-ಮ್ಬರ್ಹಿಷಃ] 25
-ತ್ಯುತ್ತರ-ಮ್ಬರ್ಹಿಷಃ ಪ್ರಸ್ತರಗ್ಂ ಸಾದಯತಿ ಪ್ರಜಾ ವೈ ಬರ್ಹಿ ರ್ಯಜಮಾನಃ ಪ್ರಸ್ತರೋಯಜಮಾನ-ಮೇವಾಯಜಮಾನಾ-ದುತ್ತರ-ಙ್ಕರೋತಿ ತಸ್ಮಾ-ದ್ಯಜಮಾನೋ-ಽಯಜಮಾನಾದುತ್ತರೋ-ಽನ್ತರ್ದಧಾತಿ ವ್ಯಾವೃತ್ತ್ಯಾ ಅನಕ್ತಿ ಹವಿಷ್ಕೃತಮೇವೈನಗ್ಂ ಸುವರ್ಗಂ-ಲೋಁಕ-ಙ್ಗಮಯತಿತ್ರೇಧಾ-ಽನಕ್ತಿ ತ್ರಯ ಇಮೇ ಲೋಕಾ ಏಭ್ಯ ಏವೈನಂ-ಲೋಁಕೇಭ್ಯೋ-ಽನಕ್ತಿ ನ ಪ್ರತಿ ಶೃಣಾತಿಯ-ತ್ಪ್ರತಿಶೃಣೀಯಾದನೂರ್ಧ್ವ-ಮ್ಭಾವುಕಂ-ಯಁಜಮಾನಸ್ಯ ಸ್ಯಾದುಪರೀವ ಪ್ರ ಹರ- [ಪ್ರ ಹರತಿ, ಉಪರೀವ ಹಿ] 26
-ತ್ಯುಪರೀವ ಹಿ ಸುವರ್ಗೋ ಲೋಕೋ ನಿಯಚ್ಛತಿ ವೃಷ್ಟಿಮೇವಾಸ್ಮೈ ನಿಯಚ್ಛತಿ ನಾತ್ಯಗ್ರ-ಮ್ಪ್ರ ಹರೇದ್ಯದತ್ಯಗ್ರ-ಮ್ಪ್ರಹರೇದ-ತ್ಯಾಸಾರಿಣ್ಯದ್ಧ್ವರ್ಯೋ-ರ್ನಾಶುಕಾ ಸ್ಯಾನ್ನ ಪುರಸ್ತಾ-ತ್ಪ್ರತ್ಯಸ್ಯೇದ್ಯ-ತ್ಪುರಸ್ತಾ-ತ್ಪ್ರತ್ಯಸ್ಯೇ-ಥ್ಸುವರ್ಗಾಲ್ಲೋಕಾ-ದ್ಯಜಮಾನ-ಮ್ಪ್ರತಿ ನುದೇ-ತ್ಪ್ರಾಞ್ಚ-ಮ್ಪ್ರಹರತಿ ಯಜಮಾನಮೇವ ಸುವರ್ಗಂ-ಲೋಁಕ-ಙ್ಗಮಯತಿ ನ ವಿಷ್ವಞ್ಚಂ-ವಿಁ ಯುಯಾ-ದ್ಯ-ದ್ವಿಷ್ವಞ್ಚಂ-ವಿಁಯುಯಾ- [-ವಿಯುಯಾತ್, ಸ್ತ್ರ್ಯಸ್ಯ ಜಾಯೇತೋರ್ಧ್ವ-] 27
-ಥ್ಸ್ತ್ರ್ಯಸ್ಯ ಜಾಯೇತೋರ್ಧ್ವ-ಮುದ್ಯೌತ್ಯೂರ್ಧ್ವಮಿವ ಹಿ ಪುಗ್ಂಸಃ ಪುಮಾನೇವಾಸ್ಯ ಜಾಯತೇ ಯ-ಥ್ಸ್ಫ್ಯೇನ ವೋಪವೇಷೇಣ ವಾ ಯೋಯುಪ್ಯೇತ ಸ್ತೃತಿರೇವಾಸ್ಯ ಸಾ ಹಸ್ತೇನ ಯೋಯುಪ್ಯತೇ ಯಜಮಾನಸ್ಯ ಗೋಪೀಥಾಯ ಬ್ರಹ್ಮವಾದಿನೋ ವದನ್ತಿ ಕಿಂ-ಯಁಜ್ಞಸ್ಯ ಯಜಮಾನ ಇತಿ ಪ್ರಸ್ತರ ಇತಿ ತಸ್ಯ ಕ್ವ ಸುವರ್ಗೋ ಲೋಕ ಇತ್ಯಾಹವನೀಯ ಇತಿ ಬ್ರೂಯಾದ್ಯ-ತ್ಪ್ರಸ್ತರಮಾಹವನೀಯೇ ಪ್ರಹರತಿ ಯಜಮಾನಮೇವ [ಯಜಮಾನಮೇವ, ಸುವರ್ಗಂ-ಲೋಁಕ-ಙ್ಗಮಯತಿ] 28
ಸುವರ್ಗಂ-ಲೋಁಕ-ಙ್ಗಮಯತಿ ವಿ ವಾ ಏತ-ದ್ಯಜಮಾನೋ ಲಿಶತೇ ಯ-ತ್ಪ್ರಸ್ತರಂ-ಯೋಁಯುಪ್ಯನ್ತೇ ಬರ್ಹಿರನು ಪ್ರಹರತಿ ಶಾನ್ತ್ಯಾ ಅನಾರಮ್ಭಣ ಇವ ವಾ ಏತರ್ಹ್ಯದ್ಧ್ವರ್ಯು-ಸ್ಸ ಈಶ್ವರೋ ವೇಪನೋ ಭವಿತೋರ್ಧ್ರುವಾ ಽಸೀತೀಮಾಮಭಿ ಮೃಶತೀಯಂ-ವೈಁ ಧ್ರುವಾ-ಽಸ್ಯಾಮೇವ ಪ್ರತಿತಿಷ್ಠತಿ ನ ವೇಪನೋ ಭವತ್ಯಗಾ(3)ನಗ್ನೀದಿತ್ಯಾಹ ಯದ್ಬ್ರೂಯಾದ-ಗನ್ನಗ್ನಿರಿತ್ಯ -ಗ್ನಾವಗ್ನಿ-ಙ್ಗಮಯೇನ್ನಿ ರ್ಯಜಮಾನಗ್ಂ ಸುವರ್ಗಾಲ್ಲೋಕಾ-ದ್ಭಜೇದಗನ್ನಿತ್ಯೇವ ಬ್ರೂಯಾ-ದ್ಯಜಮಾನಮೇವ ಸುವರ್ಗಂ-ಲೋಁಕ-ಙ್ಗಮಯತಿ ॥ 29 ॥

(ಆಸಾದ್ಯ ಪ್ರಾ - ನತಿದೃಶ್ಞ-ಙ್ಕರೋತಿ - ಹರತಿ - ವಿಯುಯಾ--ದ್ಯಜಮಾನಮೇವಾ-ಽಗ್ನಿರಿತಿ - ಸಪ್ತದಶ ಚ ) (ಅ. 5)
ಅಗ್ನೇಸ್ತ್ರಯೋ ಜ್ಯಾಯಾಗ್ಂಸೋ ಭ್ರಾತರ ಆಸ-ನ್ತೇ ದೇವೇಭ್ಯೋ ಹವ್ಯಂ-ವಁಹನ್ತಃ ಪ್ರಾಮೀಯನ್ತ ಸೋ-ಽಗ್ನಿರಬಿಭೇದಿತ್ಥಂ-ವಾಁವ ಸ್ಯ ಆರ್ತಿಮಾ-ಽರಿಷ್ಯತೀತಿ ಸ ನಿಲಾಯತ ಸೋ-ಽಪಃ ಪ್ರಾವಿಶ-ತ್ತ-ನ್ದೇವತಾಃ ಪ್ರೈಷಮೈಚ್ಛ-ನ್ತ-ಮ್ಮಥ್ಸ್ಯಃ ಪ್ರಾಬ್ರವೀ-ತ್ತಮಶಪದ್ಧಿಯಾಧಿಯಾ ತ್ವಾ ವದ್ಧ್ಯಾಸುರ್ಯೋ ಮಾ ಪ್ರಾವೋಚ ಇತಿ ತಸ್ಮಾನ್ಮಥ್ಸ್ಯ-ನ್ಧಿಯಾಧಿಯಾ ಘ್ನನ್ತಿ ಶಪ್ತೋ [ಶಪ್ತಃ, ಹಿ] 30
ಹಿ ತಮನ್ವವಿನ್ದ-ನ್ತಮ ಬ್ರುವನ್ನುಪ ನ ಆ ವರ್ತಸ್ವ ಹವ್ಯ-ನ್ನೋ ವಹೇತಿ ಸೋ-ಽಬ್ರವೀದ್ವರಂ-ವೃಁಣೈ ಯದೇವ ಗೃಹೀತಸ್ಯಾಹುತಸ್ಯಬಹಿಃ ಪರಿಧಿ ಸ್ಕನ್ದಾ-ತ್ತನ್ಮೇ ಭ್ರಾತೃಣಾ-ಮ್ಭಾಗಧೇಯಮಸದಿತಿ ತಸ್ಮಾದ್ಯ-ದ್ಗೃಹೀತಸ್ಯಾಹುತಸ್ಯ ಬಹಿಃ ಪರಿಧಿ ಸ್ಕನ್ದತಿ ತೇಷಾ-ನ್ತ-ದ್ಭಾಗಧೇಯ-ನ್ತಾನೇವ ತೇನ ಪ್ರೀಣಾತಿ ಪರಿಧೀ-ನ್ಪರಿ ದಧಾತಿ ರಕ್ಷಸಾಮಪಹತ್ಯೈ ಸಗ್ಗ್ ಸ್ಪರ್ಶಯತಿ [ಸಗ್ಗ್ ಸ್ಪರ್ಶಯತಿ, ರಕ್ಷಸಾ-] 31
ರಕ್ಷಸಾ-ಮನನ್ವವಚಾರಾಯ ನ ಪುರಸ್ತಾ-ತ್ಪರಿ ದಧಾತ್ಯಾದಿತ್ಯೋ ಹ್ಯೇವೋದ್ಯ-ನ್ಪುರಸ್ತಾ-ದ್ರಕ್ಷಾಗ್ಸ್ಯಪಹನ್ತ್ಯೂರ್ಧ್ವೇ ಸಮಿಧಾವಾ ದಧಾತ್ಯುಪರಿಷ್ಟಾದೇವ ರಕ್ಷಾಗ್ಸ್ಯಪ ಹನ್ತಿ ಯಜುಷಾ-ಽನ್ಯಾ-ನ್ತೂಷ್ಣೀಮನ್ಯಾ-ಮ್ಮಿಥುನತ್ವಾಯ ದ್ವೇ ಆ ದಧಾತಿ ದ್ವಿಪಾ-ದ್ಯಜಮಾನಃ ಪ್ರತಿಷ್ಠಿತ್ಯೈ ಬ್ರಹ್ಮವಾದಿನೋ ವದನ್ತಿ ಸ ತ್ವೈ ಯಜೇತ ಯೋ ಯಜ್ಞಸ್ಯಾ-ಽಽರ್ತ್ಯಾ ವಸೀಯಾನ್-ಥ್ಸ್ಯಾದಿತಿ ಭೂಪತಯೇ ಸ್ವಾಹಾ ಭುವನಪತಯೇ ಸ್ವಾಹಾ ಭೂತಾನಾ- [ಭೂತಾನಾಮ್, ಪತಯೇ ಸ್ವಾಹೇತಿ] 32
-ಮ್ಪತಯೇ ಸ್ವಾಹೇತಿ ಸ್ಕನ್ನಮನು ಮನ್ತ್ರಯೇತ ಯಜ್ಞಸ್ಯೈವ ತದಾರ್ತ್ಯಾ ಯಜಮಾನೋ ವಸೀಯಾ-ನ್ಭವತಿ ಭೂಯಸೀರ್ಹಿ ದೇವತಾಃ ಪ್ರೀಣಾತಿ ಜಾಮಿ ವಾ ಏತ-ದ್ಯಜ್ಞಸ್ಯ ಕ್ರಿಯತೇ ಯದನ್ವಞ್ಚೌ ಪುರೋಡಾಶಾ ವುಪಾಗ್ಂಶುಯಾಜಮನ್ತರಾ ಯಜತ್ಯಜಾಮಿತ್ವಾಯಾಥೋ ಮಿಥುನತ್ವಾಯಾಗ್ನಿರಮುಷ್ಮಿನ್ ಁಲೋಕ ಆಸೀ-ದ್ಯಮೋ-ಽಸ್ಮಿ-ನ್ತೇ ದೇವಾ ಅಬ್ರುವನ್ನೇತೇಮೌ ವಿ ಪರ್ಯೂಹಾಮೇತ್ಯನ್ನಾದ್ಯೇನ ದೇವಾ ಅಗ್ನಿ- [ದೇವಾ ಅಗ್ನಿಮ್, ಉಪಾಮನ್ತ್ರಯನ್ತ] 33
-ಮುಪಾಮನ್ತ್ರಯನ್ತ ರಾಜ್ಯೇನ ಪಿತರೋ ಯಮ-ನ್ತಸ್ಮಾದಗ್ನಿ ರ್ದೇವಾನಾಮನ್ನಾದೋ ಯಮಃ ಪಿತೃಣಾಗ್ಂ ರಾಜಾ ಯ ಏವಂ-ವೇಁದ ಪ್ರರಾಜ್ಯಮನ್ನಾದ್ಯ-ಮಾಪ್ನೋತಿ ತಸ್ಮಾ ಏತ-ದ್ಭಾಗಧೇಯ-ಮ್ಪ್ರಾಯಚ್ಛನ್. ಯದಗ್ನಯೇ ಸ್ವಿಷ್ಟಕೃತೇ-ಽವದ್ಯನ್ತಿ ಯದಗ್ನಯೇ ಸ್ವಿಷ್ಟಕೃತೇ ಽವದ್ಯತಿ ಭಾಗಧೇಯೇನೈವ ತ-ದ್ರುದ್ರಗ್ಂ ಸಮರ್ಧಯತಿ ಸಕೃ-ಥ್ಸಕೃದವ ದ್ಯತಿ ಸಕೃದಿವ ಹಿ ರುದ್ರ ಉತ್ತರಾರ್ಧಾದವ ದ್ಯತ್ಯೇಷಾ ವೈ ರುದ್ರಸ್ಯ [ವೈ ರುದ್ರಸ್ಯ, ದಿಖ್-ಸ್ವಾಯಾಮೇವ] 34
ದಿಖ್-ಸ್ವಾಯಾಮೇವ ದಿಶಿ ರುದ್ರ-ನ್ನಿರವದಯತೇ ದ್ವಿರಭಿ ಘಾರಯತಿ ಚತುರವತ್ತಸ್ಯಾ-ಽಽಪ್ತ್ಯೈಪಶವೋ ವೈ ಪೂರ್ವಾ ಆಹುತಯ ಏಷ ರುದ್ರೋ ಯದಗ್ನಿರ್ಯ-ತ್ಪೂರ್ವಾ ಆಹುತೀರಭಿ ಜುಹುಯಾ-ದ್ರುದ್ರಾಯ ಪಶೂನಪಿ ದಧ್ಯಾದಪಶುರ್ಯಜಮಾನ-ಸ್ಸ್ಯಾದತಿಹಾಯ ಪೂರ್ವಾ ಆಹುತೀರ್ಜುಹೋತಿ ಪಶೂನಾ-ಙ್ಗೋಪೀಥಾಯ ॥ 35 ॥

(ಶಪ್ತಃ - ಸ್ಪರ್ಶಯತಿ - ಭೂತಾನಾ - ಮಗ್ನಿಗ್ಂ - ರುದ್ರಸ್ಯ - ಸಪ್ತತ್ರಿಗ್ಂಶಚ್ಚ ) (ಅ. 6)
ಮನುಃ ಪೃಥಿವ್ಯಾ ಯಜ್ಞಿಯಮೈಚ್ಛ-ಥ್ಸ ಘೃತ-ನ್ನಿಷಿಕ್ತಮವಿನ್ದ-ಥ್ಸೋ-ಽಬ್ರವೀ-ತ್ಕೋ-ಽಸ್ಯೇಶ್ವರೋ ಯಜ್ಞೇ-ಽಪಿ ಕರ್ತೋರಿತಿ ತಾವಬ್ರೂತಾ-ಮ್ಮಿತ್ರಾವರುಣೌ ಗೋರೇವಾ-ಽಽವಮೀಶ್ವರೌ ಕರ್ತೋ-ಸ್ಸ್ವ ಇತಿ ತೌ ತತೋ ಗಾಗ್ಂ ಸಮೈರಯತಾಗ್ಂ ಸಾ ಯತ್ರ ಯತ್ರ ನ್ಯಕ್ರಾಮ-ತ್ತತೋ ಘೃತಮಪೀಡ್ಯತ ತಸ್ಮಾ-ದ್ಘೃತಪದ್ಯುಚ್ಯತೇ ತದಸ್ಯೈ ಜನ್ಮೋಪಹೂತಗ್ಂ ರಥನ್ತರಗ್ಂ ಸಹ ಪೃಥಿವ್ಯೇತ್ಯಾಹೇ [ಸಹ ಪೃಥಿವ್ಯೇತ್ಯಾಹ, ಇಯಂ-ವೈಁ] 36
ಯಂ-ವೈಁ ರಥನ್ತರಮಿಮಾಮೇವ ಸಹಾನ್ನಾ-ದ್ಯೇನೋಪ ಹ್ವಯತ ಉಪಹೂತಂ-ವಾಁಮದೇವ್ಯಗ್ಂ ಸಹಾನ್ತರಿಕ್ಷೇಣೇತ್ಯಾಹ ಪಶವೋ ವೈ ವಾಮದೇವ್ಯ-ಮ್ಪಶೂನೇವ ಸಹಾನ್ತರಿಕ್ಷೇಣೋಪ ಹ್ವಯತ ಉಪಹೂತ-ಮ್ಬೃಹ-ಥ್ಸಹ ದಿವೇತ್ಯಾಹೈರಂ-ವೈಁ ಬೃಹದಿರಾಮೇವ ಸಹ ದಿವೋಪ ಹ್ವಯತ ಉಪಹೂತಾ-ಸ್ಸಪ್ತ ಹೋತ್ರಾ ಇತ್ಯಾಹ ಹೋತ್ರಾ ಏವೋಪ ಹ್ವಯತ ಉಪಹೂತಾ ಧೇನು- [ಉಪಹೂತಾ ಧೇನುಃ, ಸಹರ್ಷಭೇತ್ಯಾಹ] 37
-ಸ್ಸಹರ್ಷಭೇತ್ಯಾಹ ಮಿಥುನಮೇವೋಪ ಹ್ವಯತ ಉಪಹೂತೋ ಭಕ್ಷ-ಸ್ಸಖೇತ್ಯಾಹ ಸೋಮಪೀಥಮೇವೋಪ ಹ್ವಯತ ಉಪಹೂತಾಁ(4) ಹೋ ಇತ್ಯಾಹಾ-ಽಽತ್ಮಾನಮೇವೋಪ ಹ್ವಯತ ಆತ್ಮಾ ಹ್ಯುಪಹೂತಾನಾಂ-ವಁಸಿಷ್ಠ ಇಡಾಮುಪ ಹ್ವಯತೇ ಪಶವೋ ವಾ ಇಡಾ ಪಶೂನೇವೋಪ ಹ್ವಯತೇ ಚತುರುಪ ಹ್ವಯತೇ ಚತುಷ್ಪಾದೋ ಹಿ ಪಶವೋ ಮಾನವೀತ್ಯಾಹ ಮನುರ್ಹ್ಯೇತಾ- [ಮನುರ್ಹ್ಯೇತಾಮ್, ಅಗ್ರೇ ಽಪಶ್ಯ-] 38
-ಮಗ್ರೇ ಽಪಶ್ಯ-ದ್ಘೃತಪದೀತ್ಯಾಹ ಯ ದೇವಾಸ್ಯೈ ಪದಾ-ದ್ಘೃತಮಪೀಡ್ಯತ ತಸ್ಮಾದೇವಮಾಹ ಮೈತ್ರಾವರುಣೀತ್ಯಾಹ ಮಿತ್ರಾವರುಣೌ ಹ್ಯೇನಾಗ್ಂ ಸಮೈರಯತಾ-ಮ್ಬ್ರಹ್ಮ ದೇವಕೃತ-ಮುಪಹೂತಮಿತ್ಯಾಹ ಬ್ರಹ್ಮೈವೋಪ ಹ್ವಯತೇ ದೈವ್ಯಾ ಅದ್ಧ್ವರ್ಯವ ಉಪಹೂತಾ ಉಪಹೂತಾ ಮನುಷ್ಯಾ ಇತ್ಯಾಹ ದೇವಮನುಷ್ಯಾನೇವೋಪ ಹ್ವಯತೇ ಯ ಇಮಂ-ಯಁಜ್ಞಮವಾನ್ ಯೇ ಯಜ್ಞಪತಿಂ-ವಁರ್ಧಾನಿತ್ಯಾಹ [ ] 39
ಯಜ್ಞಾಯ ಚೈವ ಯಜಮಾನಾಯ ಚಾ ಽಽಶಿಷಮಾ ಶಾಸ್ತ ಉಪಹೂತೇ ದ್ಯಾವಾಪೃಥಿವೀ ಇತ್ಯಾಹ ದ್ಯಾವಾಪೃಥಿವೀ ಏವೋಪ ಹ್ವಯತೇ ಪೂರ್ವಜೇ ಋತಾವರೀ ಇತ್ಯಾಹ ಪೂರ್ವಜೇ ಹ್ಯೇತೇ ಋತಾವರೀ ದೇವೀ ದೇವಪುತ್ರೇ ಇತ್ಯಾಹ ದೇವೀ ಹ್ಯೇತೇ ದೇವಪುತ್ರೇ ಉಪಹೂತೋ-ಽಯಂ ಁಯಜಮಾನ ಇತ್ಯಾಹ ಯಜಮಾನಮೇವೋಪ ಹ್ವಯತ ಉತ್ತರಸ್ಯಾ-ನ್ದೇವಯಜ್ಯಾಯಾಮುಪಹೂತೋ ಭೂಯಸಿ ಹವಿಷ್ಕರಣ ಉಪಹೂತೋ ದಿವ್ಯೇ ಧಾಮನ್ನುಪಹೂತ [ಧಾಮನ್ನುಪಹೂತಃ, ಇತ್ಯಾಹ] 40
ಇತ್ಯಾಹ ಪ್ರಜಾ ವಾ ಉತ್ತರಾ ದೇವಯಜ್ಯಾ ಪಶವೋ ಭೂಯೋ ಹವಿಷ್ಕರಣಗ್ಂ ಸುವರ್ಗೋ ಲೋಕೋ ದಿವ್ಯ-ನ್ಧಾಮೇದಮ-ಸೀದಮಸೀತ್ಯೇವ ಯಜ್ಞಸ್ಯ ಪ್ರಿಯ-ನ್ಧಾಮೋಪ ಹ್ವಯತೇ ವಿಶ್ವಮಸ್ಯ ಪ್ರಿಯ-ಮುಪಹೂತಮಿತ್ಯಾಹಾ-ಛಮ್ಬಟ್ಕಾರಮೇವೋಪ ಹ್ವಯತೇ ॥ 41 ॥

(ಆಹ - ಧೇನು- ರೇತಾಂ - ಁವರ್ಧಾನಿತ್ಯಾಹ - ಧಾಮನ್ನುಪಹೂತ - ಶ್ಚತುಸ್ತ್ರಿಗ್ಂಶಚ್ಚ ) (ಅ. 7)
ಪಶವೋ ವಾ ಇಡಾ ಸ್ವಯಮಾ ದತ್ತೇ ಕಾಮಮೇವಾ-ಽಽತ್ಮನಾ ಪಶೂನಾಮಾ ದತ್ತೇ ನ ಹ್ಯನ್ಯಃ ಕಾಮ-ಮ್ಪಶೂನಾ-ಮ್ಪ್ರಯಚ್ಛತಿ ವಾಚಸ್ಪತಯೇ ತ್ವಾ ಹುತ-ಮ್ಪ್ರಾ-ಽಶ್ಞಾಮೀತ್ಯಾಹ ವಾಚಮೇವ ಭಾಗಧೇಯೇನ ಪ್ರೀಣಾತಿ ಸದಸಸ್ಪತಯೇ ತ್ವಾ ಹುತ-ಮ್ಪ್ರಾ-ಽಶ್ಞಾಮೀತ್ಯಾಹ ಸ್ವಗಾಕೃತ್ಯೈ ಚತುರವತ್ತ-ಮ್ಭವತಿ ಹವಿರ್ವೈ ಚತುರವತ್ತ-ಮ್ಪಶವಶ್ಚತುರವತ್ತಂ-ಯಁದ್ಧೋತಾ ಪ್ರಾಶ್ಞೀಯಾದ್ಧೋತಾ- [ಪ್ರಾಶ್ಞೀಯಾದ್ಧೋತಾ, ಆರ್ತಿಮಾರ್ಚ್ಛೇದ್ಯ-] 42
-ಽಽರ್ತಿಮಾರ್ಚ್ಛೇದ್ಯ-ದಗ್ನೌ ಜುಹುಯಾ-ದ್ರುದ್ರಾಯ ಪಶೂನಪಿ ದದ್ಧ್ಯಾದಪಶುರ್ಯಜಮಾನ-ಸ್ಸ್ಯಾ-ದ್ವಾಚಸ್ಪತಯೇ ತ್ವಾ ಹುತ-ಮ್ಪ್ರಾ-ಽಶ್ಞಾಮೀತ್ಯಾಹ ಪರೋಕ್ಷಮೇವೈನ-ಜ್ಜುಹೋತಿ ಸದಸಸ್ಪತಯೇ ತ್ವಾ ಹುತ-ಮ್ಪ್ರಾಶ್ಞಾಮೀತ್ಯಾಹ ಸ್ವಗಾಕೃತ್ಯೈ ಪ್ರಾಶ್ಞನ್ತಿ ತೀರ್ಥ ಏವ ಪ್ರಾಶ್ಞನ್ತಿ ದಕ್ಷಿಣಾ-ನ್ದದಾತಿ ತೀರ್ಥ ಏವ ದಕ್ಷಿಣಾ-ನ್ದದಾತಿ ವಿ ವಾ ಏತದ್ಯಜ್ಞ- [ವಿ ವಾ ಏತದ್ಯಜ್ಞಮ್, ಛಿನ್ದನ್ತಿ ಯನ್ಮದ್ಧ್ಯತಃ] 43
-ಞ್ಛಿನ್ದನ್ತಿ ಯನ್ಮದ್ಧ್ಯತಃ ಪ್ರಾಶ್ಞನ್ತ್ಯದ್ಭಿ-ರ್ಮಾರ್ಜಯನ್ತ ಆಪೋ ವೈ ಸರ್ವಾ ದೇವತಾ ದೇವತಾಭಿರೇವ ಯಜ್ಞಗ್ಂ ಸ-ನ್ತನ್ವನ್ತಿ ದೇವಾ ವೈ ಯಜ್ಞಾ-ದ್ರುದ್ರಮನ್ತರಾಯನ್ಥ್ಸ ಯಜ್ಞಮವಿದ್ಧ್ಯ-ತ್ತ-ನ್ದೇವಾ ಅಭಿ ಸಮಗಚ್ಛನ್ತ ಕಲ್ಪತಾ-ನ್ನ ಇದಮಿತಿ ತೇ-ಽಬ್ರುವನ್-ಥ್ಸ್ವಿಷ್ಟಂ-ವೈಁ ನ ಇದ-ಮ್ಭವಿಷ್ಯತಿ ಯದಿಮಗ್ಂ ರಾಧಯಿಷ್ಯಾಮ ಇತಿ ತ-ಥ್ಸ್ವಿಷ್ಟಕೃತಃ ಸ್ವಿಷ್ಟಕೃತ್ತ್ವ-ನ್ತಸ್ಯಾ ಽಽವಿದ್ಧ-ನ್ನಿ- [-ಽಽವಿದ್ಧ-ನ್ನಿಃ, ಅಕೃನ್ತನ್. ಯವೇನ] 44
-ರಕೃನ್ತನ್. ಯವೇನ ಸಮ್ಮಿತ-ನ್ತಸ್ಮಾ-ದ್ಯವಮಾತ್ರಮವ ದ್ಯೇ-ದ್ಯಜ್ಜ್ಯಾಯೋ-ಽವ-ದ್ಯೇ-ದ್ರೋಪಯೇ-ತ್ತ-ದ್ಯಜ್ಞಸ್ಯ ಯದುಪ ಚ ಸ್ತೃಣೀಯಾದಭಿ ಚ ಘಾರಯೇದುಭಯತ-ಸ್ಸಗ್ಗ್ಶ್ವಾಯಿ ಕುರ್ಯಾದವದಾಯಾಭಿ ಘಾರಯತಿ ದ್ವಿ-ಸ್ಸಮ್ಪದ್ಯತೇ ದ್ವಿಪಾ-ದ್ಯಜಮಾನಃ ಪ್ರತಿಷ್ಠಿತ್ಯೈ ಯ-ತ್ತಿರಶ್ಚೀನ-ಮತಿ-ಹರೇದನಭಿ-ವಿದ್ಧಂ-ಯಁಜ್ಞಸ್ಯಾಭಿ ವಿದ್ಧ್ಯೇದಗ್ರೇಣ ಪರಿ ಹರತಿ ತೀರ್ಥೇನೈವ ಪರಿ ಹರತಿ ತ-ತ್ಪೂಷ್ಣೇ ಪರ್ಯಹರನ್ತ- [ಪರ್ಯಹರನ್ತತ್, ಪೂಷಾ] 45
-ತ್ಪೂಷಾ ಪ್ರಾಶ್ಯ ದತೋ-ಽರುಣ-ತ್ತಸ್ಮಾ-ತ್ಪೂಷಾ ಪ್ರಪಿಷ್ಟಭಾಗೋ-ಽದನ್ತಕೋ ಹಿ ತ-ನ್ದೇವಾ ಅಬ್ರುವನ್ ವಿ ವಾ ಅಯಮಾರ್ಧ್ಯಪ್ರಾಶಿತ್ರಿಯೋ ವಾ ಅಯಮಭೂದಿತಿ ತ-ದ್ಬೃಹಸ್ಪತಯೇ ಪರ್ಯಹರನ್-ಥ್ಸೋ-ಽಬಿಭೇ-ದ್ಬೃಹಸ್ಪತಿರಿತ್ಥಂ-ವಾಁವ ಸ್ಯ ಆರ್ತಿಮಾ-ಽರಿಷ್ಯತೀತಿ ಸ ಏತ-ಮ್ಮನ್ತ್ರಮಪಶ್ಯ-ಥ್ಸೂರ್ಯಸ್ಯ ತ್ವಾ ಚಕ್ಷುಷಾ ಪ್ರತಿ ಪಶ್ಯಾಮೀತ್ಯಬ್ರವೀನ್ನ ಹಿ ಸೂರ್ಯಸ್ಯ ಚಕ್ಷುಃ [ಚಕ್ಷುಃ, ಕಿ-ಞ್ಚನ] 46
ಕಿ-ಞ್ಚನ ಹಿನಸ್ತಿ ಸೋ-ಽಬಿಭೇ-ತ್ಪ್ರತಿಗೃಹ್ಣನ್ತ-ಮ್ಮಾ ಹಿಗ್ಂಸಿಷ್ಯತೀತಿ ದೇವಸ್ಯ ತ್ವಾ ಸವಿತುಃ ಪ್ರಸವೇ-ಽಶ್ವಿನೋ ರ್ಬಾಹುಭ್ಯಾ-ಮ್ಪೂಷ್ಣೋ ಹಸ್ತಾಭ್ಯಾ-ಮ್ಪ್ರತಿ ಗೃಹ್ಣಾಮೀತ್ಯಬ್ರವೀ-ಥ್ಸವಿತೃಪ್ರಸೂತ ಏವೈನದ್ಬ್ರಹ್ಮಣಾ ದೇವತಾಭಿಃ ಪ್ರತ್ಯಗೃಹ್ಣಾ-ಥ್ಸೋ-ಽಬಿಭೇ-ತ್ಪ್ರಾಶ್ಞನ್ತ-ಮ್ಮಾ ಹಿಗ್ಂಸಿಷ್ಯತೀತ್ಯಗ್ನೇಸ್ತ್ವಾ ಽಽಸ್ಯೇನ ಪ್ರಾ-ಽಶ್ಞಾಮೀತ್ಯಬ್ರವೀನ್ನ ಹ್ಯಗ್ನೇರಾಸ್ಯ-ಙ್ಕಿಞ್ಚನ ಹಿನಸ್ತಿ ಸೋ-ಽಬಿಭೇ- [ಸೋ-ಽಬಿಭೇತ್, ಪ್ರಾಶಿತಮ್ಮಾ-] 47
-ತ್ಪ್ರಾಶಿತಮ್ಮಾ-ಹಿಗ್ಂಸಿಷ್ಯತೀತಿ ಬ್ರಾಹ್ಮಣಸ್ಯೋದರೇಣೇತ್ಯ ಬ್ರವೀನ್ನ ಹಿ ಬ್ರಾಹ್ಮಣಸ್ಯೋದರ-ಙ್ಕಿ-ಞ್ಚನ ಹಿನಸ್ತಿ ಬೃಹಸ್ಪತೇರ್ಬ್ರಹ್ಮಣೇತಿ ಸ ಹಿ ಬ್ರಹ್ಮಿಷ್ಠೋ-ಽಪ ವಾ ಏತಸ್ಮಾ-ತ್ಪ್ರಾಣಾಃ ಕ್ರಾಮನ್ತಿ ಯಃ ಪ್ರಾಶಿತ್ರ-ಮ್ಪ್ರಾಶ್ಞಾತ್ಯದ್ಭಿ-ರ್ಮಾರ್ಜಯಿತ್ವಾ ಪ್ರಾಣಾನ್-ಥ್ಸ-ಮ್ಮೃಶತೇ-ಽಮೃತಂ-ವೈಁ ಪ್ರಾಣಾ ಅಮೃತಮಾಪಃ ಪ್ರಾಣಾನೇವ ಯಥಾಸ್ಥಾನಮುಪ ಹ್ವಯತೇ ॥ 48 ॥

(ಪ್ರಾಶ್ಞೀಯಾದ್ಧೋತಾ - ಯಜ್ಞಂ - ನಿ - ರಹರನ್ತ - ಚ್ಚಕ್ಷು - ರಾಸ್ಯ-ಙ್ಕಿಞ್ಚನ ಹಿನಸ್ತಿ ಸೋ-ಽಬಿಭೇ - ಚ್ಚತುಶ್ಚತ್ವಾರಿಗ್ಂಶಚ್ಚ ) (ಅ. 8)
ಅಗ್ನೀಧ ಆ ದಧಾ-ತ್ಯಗ್ನಿಮುಖಾ-ನೇವರ್ತೂ-ನ್ಪ್ರೀಣಾತಿ ಸಮಿಧಮಾ ದಧಾತ್ಯುತ್ತರಾಸಾ-ಮಾಹುತೀನಾ-ಮ್ಪ್ರತಿಷ್ಠಿತ್ಯಾ ಅಥೋ ಸಮಿದ್ವತ್ಯೇವ ಜುಹೋತಿ ಪರಿಧೀನ್-ಥ್ಸ-ಮ್ಮಾರ್ಷ್ಟಿ ಪುನಾತ್ಯೇವೈನಾನ್-ಥ್ಸಕೃ-ಥ್ಸಕೃ-ಥ್ಸ-ಮ್ಮಾರ್ಷ್ಟಿ ಪರಾಙಿವ ಹ್ಯೇತರ್ಹಿ ಯಜ್ಞಶ್ಚತು-ಸ್ಸಮ್ಪದ್ಯತೇ ಚತುಷ್ಪಾದಃ ಪಶವಃ ಪಶೂನೇವಾವ ರುನ್ಧೇ ಬ್ರಹ್ಮ-ನ್ಪ್ರಸ್ಥಾಸ್ಯಾಮ ಇತ್ಯಾಹಾತ್ರ ವಾ ಏತರ್ಹಿ ಯಜ್ಞ-ಶ್ಶ್ರಿತೋ [ಯಜ್ಞ-ಶ್ಶ್ರಿತಃ, ಯತ್ರ ಬ್ರಹ್ಮಾ] 49
ಯತ್ರ ಬ್ರಹ್ಮಾ ಯತ್ರೈವ ಯಜ್ಞ-ಶ್ಶ್ರಿತಸ್ತತ ಏವೈನಮಾ ರಭತೇ ಯದ್ಧಸ್ತೇನ ಪ್ರಮೀವೇದ್ವೇಪನ-ಸ್ಸ್ಯಾದ್ಯಚ್ಛೀರ್ಷ್ಣಾ ಶೀರ್ಷಕ್ತಿಮಾನ್-ಥ್ಸ್ಯಾದ್ಯ-ತ್ತೂಷ್ಣೀಮಾಸೀತಾ ಽಸಮ್ಪ್ರತ್ತೋ ಯಜ್ಞ-ಸ್ಸ್ಯಾ-ತ್ಪ್ರತಿಷ್ಠೇತ್ಯೇವ ಬ್ರೂಯಾ-ದ್ವಾಚಿ ವೈ ಯಜ್ಞ-ಶ್ಶ್ರಿತೋ ಯತ್ರೈವ ಯಜ್ಞ-ಶ್ಶ್ರಿತಸ್ತತ ಏವೈನಗ್ಂ ಸ-ಮ್ಪ್ರ ಯಚ್ಛತಿ ದೇವ ಸವಿತರೇತ-ತ್ತೇ ಪ್ರಾ- [ಸವಿತರೇತ-ತ್ತೇ ಪ್ರ, ಆಹೇತ್ಯಾಹ] 50
-ಽಽಹೇತ್ಯಾಹ ಪ್ರಸೂತ್ಯೈ ಬೃಹಸ್ಪತಿ ರ್ಬ್ರಹ್ಮೇತ್ಯಾಹ ಸ ಹಿ ಬ್ರಹ್ಮಿಷ್ಠ-ಸ್ಸ ಯಜ್ಞ-ಮ್ಪಾಹಿ ಸ ಯಜ್ಞಪತಿ-ಮ್ಪಾಹಿ ಸ ಮಾ-ಮ್ಪಾಹೀತ್ಯಾಹ ಯಜ್ಞಾಯ ಯಜಮಾನಾಯಾ-ಽಽತ್ಮನೇ ತೇಭ್ಯ ಏವಾ-ಽಽಶಿಷಮಾ ಶಾಸ್ತೇ-ಽನಾರ್ತ್ಯಾ ಆಶ್ರಾವ್ಯಾ-ಽಽಹ ದೇವಾನ್. ಯಜೇತಿ ಬ್ರಹ್ಮವಾದಿನೋ ವದನ್ತೀಷ್ಟಾ ದೇವತಾ ಅಥ ಕತಮ ಏತೇ ದೇವಾ ಇತಿ ಛನ್ದಾಗ್ಂಸೀತಿ ಬ್ರೂಯಾ-ದ್ಗಾಯತ್ರೀ-ನ್ತ್ರಿಷ್ಟುಭ- [ಬ್ರೂಯಾ-ದ್ಗಾಯತ್ರೀ-ನ್ತ್ರಿಷ್ಟುಭಮ್, ಜಗತೀ-] 51
ಞ್ಜಗತೀ-ಮಿತ್ಯಥೋ ಖಲ್ವಾಹುರ್ಬ್ರಾಹ್ಮಣಾ ವೈ ಛನ್ದಾಗ್ಂಸೀತಿ ತಾನೇವ ತ-ದ್ಯಜತಿ ದೇವಾನಾಂ-ವಾಁ ಇಷ್ಟಾ ದೇವತಾ ಆಸನ್ನಥಾಗ್ನಿರ್ನೋದಜ್ವಲ-ತ್ತ-ನ್ದೇವಾ ಆಹುತೀಭಿ-ರನೂಯಾಜೇಷ್ವನ್ವ-ವಿನ್ದನ್. ಯದನೂಯಾಜಾನ್. ಯಜತ್ಯಗ್ನಿಮೇವ ತ-ಥ್ಸಮಿನ್ಧ ಏತದುರ್ವೈ ನಾಮಾ-ಽಽಸುರ ಆಸೀ-ಥ್ಸ ಏತರ್ಹಿ ಯಜ್ಞಸ್ಯಾ ಽಽಶಿಷಮವೃಙ್ಕ್ತ ಯ-ದ್ಬ್ರೂಯಾದೇತ- [ಯ-ದ್ಬ್ರೂಯಾದೇತತ್, ಉ ದ್ಯಾವಾಪೃಥಿವೀ ಭದ್ರ-ಮಭೂ-] 52
-ದು ದ್ಯಾವಾಪೃಥಿವೀ ಭದ್ರ-ಮಭೂ-ದಿತ್ಯೇತದು-ಮೇವಾ-ಽಽಸುರಂ-ಯಁಜ್ಞಸ್ಯಾ-ಽಽಶಿಷ-ಙ್ಗಮಯೇದಿದ-ನ್ದ್ಯಾವಾಪೃಥಿವೀ ಭದ್ರಮಭೂದಿತ್ಯೇವ ಬ್ರೂಯಾ-ದ್ಯಜಮಾನಮೇವ ಯಜ್ಞಸ್ಯಾ-ಽಽಶಿಷ-ಙ್ಗಮಯತ್ಯಾರ್ಧ್ಮ ಸೂಕ್ತವಾಕಮುತ ನಮೋವಾಕಮಿ-ತ್ಯಾಹೇದಮರಾ-ಥ್ಸ್ಮೇತಿ ವಾವೈತದಾಹೋಪಶ್ರಿತೋ ದಿವಃ ಪೃಥಿವ್ಯೋರಿತ್ಯಾಹ ದ್ಯಾವಾಪೃಥಿವ್ಯೋರ್ಹಿ ಯಜ್ಞ ಉಪಶ್ರಿತ ಓಮನ್ವತೀ ತೇ-ಽಸ್ಮಿನ್. ಯಜ್ಞೇ ಯಜಮಾನ ದ್ಯಾವಾಪೃಥಿವೀ [ ] 53
ಸ್ತಾಮಿತ್ಯಾಹಾ ಽಽಶಿಷಮೇವೈತಾಮಾ ಶಾಸ್ತೇ ಯದ್ಬ್ರೂಯಾ-ಥ್ಸೂಪಾವಸಾನಾ ಚ ಸ್ವದ್ಧ್ಯವಸಾನಾ ಚೇತಿ ಪ್ರಮಾಯುಕೋ ಯಜಮಾನ-ಸ್ಸ್ಯಾದ್ಯದಾ ಹಿ ಪ್ರಮೀಯತೇ ಽಥೇಮಾಮುಪಾವಸ್ಯತಿ ಸೂಪಚರಣಾ ಚ ಸ್ವಧಿಚರಣಾ ಚೇತ್ಯೇವ ಬ್ರೂಯಾ-ದ್ವರೀಯಸೀಮೇವಾಸ್ಮೈ ಗವ್ಯೂತಿಮಾ ಶಾಸ್ತೇ ನ ಪ್ರಮಾಯುಕೋ ಭವತಿ ತಯೋರಾವಿದ್ಯಗ್ನಿರಿದಗ್ಂ ಹವಿರಜುಷತೇತ್ಯಾಹ ಯಾ ಅಯಾಕ್ಷ್ಮ [ ] 54
ದೇವತಾಸ್ತಾ ಅರೀರಧಾಮೇತಿ ವಾವೈತದಾಹ ಯನ್ನ ನಿರ್ದಿಶೇ-ತ್ಪ್ರತಿವೇಶಂ-ಯಁಜ್ಞಸ್ಯಾ ಽಽಶೀರ್ಗಚ್ಛೇದಾ ಶಾಸ್ತೇ-ಽಯಂ-ಯಁಜಮಾನೋ-ಽಸಾವಿತ್ಯಾಹ ನಿರ್ದಿಶ್ಯೈವೈನಗ್ಂ ಸುವರ್ಗಂ-ಲೋಁಕ-ಙ್ಗಮಯತ್ಯಾಯುರಾ ಶಾಸ್ತೇ ಸುಪ್ರಜಾಸ್ತ್ವಮಾ ಶಾಸ್ತ ಇತ್ಯಾಹಾ ಽಶಿಷಮೇವೈ ತಾಮಾ ಶಾಸ್ತೇ ಸಜಾತವನಸ್ಯಾಮಾ ಶಾಸ್ತ ಇತ್ಯಾಹ ಪ್ರಾಣಾ ವೈ ಸಜಾತಾಃ ಪ್ರಾಣಾನೇವ [ ] 55
ನಾನ್ತರೇತಿ ತದಗ್ನಿರ್ದೇವೋ ದೇವೇಭ್ಯೋ ವನತೇ ವಯಮಗ್ನೇರ್ಮಾನುಷಾ ಇತ್ಯಾಹಾಗ್ನಿರ್ದೇವೇಭ್ಯೋ ವನುತೇ ವಯ-ಮ್ಮನುಷ್ಯೇಭ್ಯ ಇತಿ ವಾವೈತದಾಹೇಹ ಗತಿರ್ವಾಮಸ್ಯೇದ-ಞ್ಚ ನಮೋ ದೇವೇಭ್ಯ ಇತ್ಯಾಹ ಯಾಶ್ಚೈವ ದೇವತಾ ಯಜತಿ ಯಾಶ್ಚ ನ ತಾಭ್ಯ ಏವೋಭಯೀಭ್ಯೋ ನಮಸ್ಕರೋತ್ಯಾತ್ಮನೋ-ಽನಾರ್ತ್ಯೈ ॥ 56 ॥

(ಶ್ರಿತಃ - ತೇ ಪ್ರ - ತ್ರಿಷ್ಟುಭ - ಮೇತ-ದ್- ದ್ಯಾವಾಪೃಥಿವೀ - ಯಾ ಅಯಾಕ್ಷ್ಮ- ಪ್ರಾಣಾನೇವ - ಷಟ್ಚತ್ವಾರಿಗ್ಂಶಚ್ಚ ) (ಅ. 9)
ದೇವಾ ವೈ ಯಜ್ಞಸ್ಯ ಸ್ವಗಾಕರ್ತಾರ-ನ್ನಾವಿನ್ದ-ನ್ತೇ ಶಂಯುಁ-ಮ್ಬಾರ್ಹಸ್ಪತ್ಯಮಬ್ರುವನ್ನಿಮ-ನ್ನೋ ಯಜ್ಞಗ್ಗ್ ಸ್ವಗಾ ಕುರ್ವಿತಿ ಸೋ-ಽಬ್ರವೀದ್ವರಂ-ವೃಁಣೈ ಯದೇವಾ-ಬ್ರಾಹ್ಮಣೋಕ್ತೋ-ಽಶ್ರದ್ದಧಾನೋ ಯಜಾತೈ ಸಾ ಮೇ ಯಜ್ಞಸ್ಯಾ-ಽಽಶೀರಸದಿತಿ ತಸ್ಮಾ-ದ್ಯ-ದ್ಬ್ರಾಹ್ಮಣೋಕ್ತೋ-ಽಶ್ರದ್ದಧಾನೋ ಯಜತೇ ಶಂಯುಁಮೇವ ತಸ್ಯ ಬಾರ್ಹಸ್ಪತ್ಯಂ-ಯಁಜ್ಞಸ್ಯಾ ಽಽಶೀರ್ಗಚ್ಛತ್ಯೇತ-ನ್ಮಮೇತ್ಯಬ್ರವೀ-ತ್ಕಿ-ಮ್ಮೇ ಪ್ರಜಾಯಾ [ಪ್ರಜಾಯಾಃ, ಇತಿ ಯೋ-ಽಪಗುರಾತೈ] 57
ಇತಿ ಯೋ-ಽಪಗುರಾತೈ ಶತೇನ ಯಾತಯಾದ್ಯೋ ನಿಹನ-ಥ್ಸಹಸ್ರೇಣ ಯಾತಯಾದ್ಯೋ ಲೋಹಿತ-ಙ್ಕರವದ್ಯಾವತಃ ಪ್ರಸ್ಕದ್ಯ ಪಾಗ್ಂಸೂನ್-ಥ್ಸ-ಙ್ಗೃಹ್ಣಾ-ತ್ತಾವತ-ಸ್ಸಂವಁಥ್ಸರಾ-ನ್ಪಿತೃಲೋಕ-ನ್ನ ಪ್ರಜಾನಾದಿತಿ ತಸ್ಮಾ-ದ್ಬ್ರಾಹ್ಮಣಾಯ ನಾಪ ಗುರೇತ ನ ನಿ ಹನ್ಯಾನ್ನ ಲೋಹಿತ-ಙ್ಕುರ್ಯಾದೇತಾವತಾ ಹೈನಸಾ ಭವತಿ ತಚ್ಛಂಯೋಁರಾ ವೃಣೀಮಹ ಇತ್ಯಾಹ ಯಜ್ಞಮೇವ ತ-ಥ್ಸ್ವಗಾ ಕರೋತಿ ತ- [ತ-ಥ್ಸ್ವಗಾ ಕರೋತಿ ತತ್, ಶಂಯೋಁರಾ] 58
-ಚ್ಛಂಯೋಁರಾ ವೃಣೀಮಹ ಇತ್ಯಾಹ ಶಂಯುಁಮೇವ ಬಾರ್ಹಸ್ಪತ್ಯ-ಮ್ಭಾಗಧೇಯೇನ ಸಮರ್ಧಯತಿ ಗಾತುಂ-ಯಁಜ್ಞಾಯ ಗಾತುಂ-ಯಁಜ್ಞಪತಯ ಇತ್ಯಾಹಾ ಽಽಶಿಷಮೇವೈ ತಾಮಾ ಶಾಸ್ತೇ ಸೋಮಂ-ಯಁಜತಿ ರೇತ ಏವ ತ-ದ್ದಧಾತಿ ತ್ವಷ್ಟಾರಂ-ಯಁಜತಿ ರೇತ ಏವ ಹಿತ-ನ್ತ್ವಷ್ಟಾ ರೂಪಾಣಿ ವಿ ಕರೋತಿ ದೇವಾನಾ-ಮ್ಪತ್ನೀರ್ಯಜತಿ ಮಿಥುನತ್ವಾಯಾಗ್ನಿ-ಙ್ಗೃಹಪತಿಂ-ಯಁಜತಿ ಪ್ರತಿಷ್ಠಿತ್ಯೈ ಜಾಮಿ ವಾ ಏತ-ದ್ಯಜ್ಞಸ್ಯ ಕ್ರಿಯತೇ [ಕ್ರಿಯತೇ, ಯದಾಜ್ಯೇನ] 59
ಯದಾಜ್ಯೇನ ಪ್ರಯಾಜಾ ಇಜ್ಯನ್ತ ಆಜ್ಯೇನ ಪತ್ನೀಸಂಯಾಁಜಾ ಋಚಮನೂಚ್ಯ ಪತ್ನೀಸಂಯಾಁಜಾನಾಮೃಚಾ ಯಜತ್ಯಜಾಮಿತ್ವಾಯಾಥೋ ಮಿಥುನತ್ವಾಯ ಪಙ್ಕ್ತಿ ಪ್ರಾಯಣೋ ವೈ ಯಜ್ಞಃ ಪಙ್ಕ್ತ್ಯುದಯನಃ ಪಞ್ಚ ಪ್ರಯಾಜಾ ಇಜ್ಯನ್ತೇ ಚತ್ವಾರಃ ಪತ್ನೀಸಂಯಾಁಜಾ-ಸ್ಸಮಿಷ್ಟಯಜುಃ ಪಞ್ಚಮ-ಮ್ಪಙ್ಕ್ತಿಮೇವಾನು ಪ್ರಯನ್ತಿ ಪಙ್ಕ್ತಿಮನೂದ್ಯನ್ತಿ ॥ 60 ॥

(ಪ್ರಜಾಯಾಃ - ಕರೋತಿ ತತ್ - ಕ್ರಿಯತೇ - ತ್ರಯಸ್ತ್ರಿಗ್ಂಶಚ್ಚ ) (ಅ. 10)
ಯುಕ್ಷ್ವಾಹಿ ದೇವಹೂತಮಾಗ್ಂ ಅಶ್ವಾಗ್ಂ ಅಗ್ನೇ ರಥೀರಿವ । ನಿ ಹೋತಾ ಪೂರ್ವ್ಯ-ಸ್ಸದಃ ॥ ಉತ ನೋ ದೇವ ದೇವಾಗ್ಂ ಅಚ್ಛಾ ವೋಚೋ ವಿದುಷ್ಟರಃ । ಶ್ರದ್ವಿಶ್ವಾ ವಾರ್ಯಾ ಕೃಧಿ ॥ ತ್ವಗ್ಂ ಹ ಯದ್ಯವಿಷ್ಠ್ಯ ಸಹಸ-ಸ್ಸೂನವಾಹುತ । ಋತಾವಾ ಯಜ್ಞಿಯೋ ಭುವಃ ॥ ಅಯಮಗ್ನಿ-ಸ್ಸಹಸ್ರಿಣೋ ವಾಜಸ್ಯ ಶತಿನಸ್ಪತಿಃ । ಮೂರ್ಧಾ ಕವೀ ರಯೀಣಾಮ್ ॥ ತ-ನ್ನೇಮಿಮೃಭವೋ ಯಥಾ ಽಽನಮಸ್ವ ಸಹೂತಿಭಿಃ । ನೇದೀಯೋ ಯಜ್ಞ- [ಯಜ್ಞಮ್, ಅಙ್ಗಿರಃ ।] 61
-ಮಙ್ಗಿರಃ ॥ ತಸ್ಮೈ ನೂ ನಮಭಿದ್ಯವೇ ವಾಚಾ ವಿರೂಪ ನಿತ್ಯಯಾ । ವೃಷ್ಣೇ ಚೋದಸ್ವ ಸುಷ್ಟುತಿಮ್ ॥ ಕಮು ಷ್ವಿದಸ್ಯ ಸೇನಯಾ-ಽಗ್ನೇರಪಾಕಚಕ್ಷಸಃ । ಪಣಿ-ಙ್ಗೋಷು ಸ್ತರಾಮಹೇ ॥ ಮಾ ನೋ ದೇವಾನಾಂ-ವಿಁಶಃ ಪ್ರಸ್ನಾತೀರಿವೋಸ್ರಾಃ । ಕೃಶ-ನ್ನ ಹಾಸುರಘ್ನಿಯಾಃ ॥ ಮಾ ನಃ ಸಮಸ್ಯ ದೂಢ್ಯಃ ಪರಿದ್ವೇಷಸೋ ಅಗ್ಂ ಹತಿಃ । ಊರ್ಮಿರ್ನ ನಾವಮಾ ವಧೀತ್ ॥ ನಮಸ್ತೇ ಅಗ್ನ ಓಜಸೇ ಗೃಣನ್ತಿ ದೇವ ಕೃಷ್ಟಯಃ । ಅಮೈ- [ಅಮೈಃ, ಅಮಿತ್ರಮರ್ದಯ ।] 62
-ರಮಿತ್ರಮರ್ದಯ ॥ ಕುವಿಥ್ಸುನೋ ಗವಿಷ್ಟಯೇ-ಽಗ್ನೇ ಸಂವೇಁಷಿಷೋ ರಯಿಮ್ । ಉರುಕೃದುರು ಣಸ್ಕೃಧಿ ॥ ಮಾ ನೋ ಅಸ್ಮಿ-ನ್ಮಹಾಧನೇ ಪರಾ ವರ್ಗ್ಭಾರಭೃದ್ಯಥಾ । ಸಂವಁರ್ಗಗ್ಂ ಸಗ್ಂ ರಯಿ-ಞ್ಜಯ ॥ ಅನ್ಯಮಸ್ಮದ್ಭಿಯಾ ಇಯಮಗ್ನೇ ಸಿಷಕ್ತು ದುಚ್ಛುನಾ । ವರ್ಧಾ ನೋ ಅಮವಚ್ಛವಃ ॥ ಯಸ್ಯಾಜುಷನ್ನಮಸ್ವಿನ-ಶ್ಶಮೀಮದುರ್ಮಖಸ್ಯವಾ । ತ-ಙ್ಘೇದಗ್ನಿರ್ವೃಧಾ-ಽವತಿ ॥ ಪರಸ್ಯಾ ಅಧಿ [ ] 63
ಸಂವಁತೋ-ಽವರಾಗ್ಂ ಅಭ್ಯಾ ತರ । ಯತ್ರಾಹಮಸ್ಮಿ ತಾಗ್ಂ ಅವ ॥ ವಿದ್ಮಾ ಹಿ ತೇ ಪುರಾ ವಯಮಗ್ನೇ ಪಿತುರ್ಯಥಾವಸಃ । ಅಧಾ ತೇ ಸುಮ್ನಮೀಮಹೇ ॥ ಯ ಉಗ್ರ ಇವ ಶರ್ಯಹಾ ತಿಗ್ಮಶೃಙ್ಗೋ ನ ವಗ್ಂಸಗಃ । ಅಗ್ನೇ ಪುರೋ ರುರೋಜಿಥ ॥ ಸಖಾಯ-ಸ್ಸಂ-ವಃ ಁಸಂಯಁಞ್ಚಮಿಷಗ್ಗ್ ಸ್ತೋಮ-ಞ್ಚಾಗ್ನಯೇ । ವರ್ಷಿಷ್ಠಾಯ ಕ್ಷಿತೀನಾಮೂರ್ಜೋ ನಪ್ತ್ರೇ ಸಹಸ್ವತೇ ॥ ಸಗ್ಂ ಸಮಿದ್ಯುವಸೇ ವೃಷನ್ನ -ಗ್ನೇ ವಿಶ್ವಾನ್ಯರ್ಯ ಆ । ಇಡಸ್ಪದೇ ಸಮಿಧ್ಯಸೇ ಸ ನೋ ವಸೂನ್ಯಾ ಭರ । ಪ್ರಜಾಪತೇ, ಸ ವೇದ, ಸೋಮಾ ಪೂಷಣೇ, ಮೌ ದೇವೌ ॥ 64 ॥

(ಯಜ್ಞ - ಮಮೈ - ರಧಿ - ವೃಷ - ನ್ನೇಕಾನ್ನ ವಿಗ್ಂಶತಿಶ್ಚ ) (ಅ. 11)
ಉಶನ್ತಸ್ತ್ವಾ ಹವಾಮಹ ಉಶನ್ತ-ಸ್ಸಮಿಧೀಮಹಿ । ಉಶನ್ನುಶತ ಆ ವಹ ಪಿತೄನ್. ಹವಿಷೇ ಅತ್ತವೇ ॥ ತ್ವಗ್ಂ ಸೋಮ ಪ್ರಚಿಕಿತೋ ಮನೀಷಾ ತ್ವಗ್ಂ ರಜಿಷ್ಠಮನು ನೇಷಿ ಪನ್ಥಾಮ್ । ತವ ಪ್ರಣೀತೀ ಪಿತರೋ ನ ಇನ್ದೋ ದೇವೇಷು ರತ್ನಮ ಭಜನ್ತ ಧೀರಾಃ ॥ ತ್ವಯಾ ಹಿ ನಃ ಪಿತರಃ ಸೋಮ ಪೂರ್ವೇ ಕರ್ಮಾಣಿ ಚಕ್ರುಃ ಪವಮಾನ ಧೀರಾಃ । ವನ್ವನ್ನವಾತಃ ಪರಿಧೀಗ್ಂ ರಪೋರ್ಣು ವೀರೇಭಿರಶ್ವೈರ್ಮಘವಾ ಭವಾ [ಭವ, ನಃ ।] 65
ನಃ ॥ ತ್ವಗ್ಂ ಸೋಮ ಪಿತೃಭಿಃ ಸಂವಿಁದಾನೋ-ಽನು ದ್ಯಾವಾಪೃಥಿವೀ ಆ ತತನ್ಥ । ತಸ್ಮೈ ತ ಇನ್ದೋ ಹವಿಷಾ ವಿಧೇಮ ವಯಗ್ಗ್ ಸ್ಯಾಮ ಪತಯೋ ರಯೀಣಾಮ್ ॥ ಅಗ್ನಿಷ್ವಾತ್ತಾಃ ಪಿತರ ಏಹ ಗಚ್ಛತ ಸದಃ ಸದ-ಸ್ಸದತ ಸುಪ್ರಣೀತಯಃ । ಅತ್ತಾ ಹವೀಗ್ಂಷಿ ಪ್ರಯತಾನಿ ಬರ್ಹಿಷ್ಯಥಾ ರಯಿಗ್ಂ ಸರ್ವವೀರ-ನ್ದಧಾತನ ॥ ಬರ್ಹಿಷದಃ ಪಿತರ ಊತ್ಯರ್ವಾಗಿಮಾ ವೋ ಹವ್ಯಾ ಚಕೃಮಾ ಜುಷದ್ಧ್ವಮ್ । ತ ಆ ಗತಾ-ಽವಸಾ ಶ-ನ್ತಮೇನಾ-ಽಥಾ-ಽಸ್ಮಭ್ಯಗ್ಂ [-ಽಸ್ಮಭ್ಯಮ್, ಶಂ-ಯೋಁರರಪೋ ದಧಾತ ।] 66
ಶಂ-ಯೋಁರರಪೋ ದಧಾತ ॥ ಆ-ಽಹ-ಮ್ಪಿತೄನ್-ಥ್ಸುವಿದತ್ರಾಗ್ಂ ಅವಿಥ್ಸಿ ನಪಾತ-ಞ್ಚ ವಿಕ್ರಮಣ-ಞ್ಚ ವಿಷ್ಣೋಃ । ಬರ್ಹಿಷದೋ ಯೇ ಸ್ವಧಯಾ ಸುತಸ್ಯ ಭಜನ್ತ ಪಿತ್ವಸ್ತ ಇಹಾ-ಽಽ ಗಮಿಷ್ಠಾಃ ॥ ಉಪಹೂತಾಃ ಪಿತರಃ ಸೋಮ್ಯಾಸೋ ಬರ್ಹಿಷ್ಯೇಷು ನಿಧಿಷು ಪ್ರಿಯೇಷು । ತ ಆ ಗಮನ್ತು ತ ಇಹ ಶ್ರುವನ್ತ್ವಧಿ ಬ್ರುವನ್ತು ತೇ ಅವನ್ತ್ವಸ್ಮಾನ್ ॥ ಉದೀರತಾಮವರ ಉ-ತ್ಪರಾಸ ಉನ್ಮದ್ಧ್ಯಮಾಃ ಪಿತರಃ ಸೋಮ್ಯಾಸಃ । ಅಸುಂ- [ಅಸುಮ್, ಯ ಈಯುರ ವೃಕಾ] 67
-ಁಯ ಈಯುರ ವೃಕಾ ಋತಜ್ಞಾಸ್ತೇ ನೋ-ಽವನ್ತು ಪಿತರೋ ಹವೇಷು ॥ ಇದ-ಮ್ಪಿತೃಭ್ಯೋ ನಮೋ ಅಸ್ತ್ವದ್ಯ ಯೇ ಪೂರ್ವಾಸೋ ಯ ಉಪರಾಸ ಈಯುಃ । ಯೇ ಪಾರ್ಥಿವೇ ರಜಸ್ಯಾ ನಿಷತ್ತಾ ಯೇ ವಾ ನೂನಗ್ಂ ಸುವೃಜನಾಸು ವಿಕ್ಷು ॥ ಅಧಾ ಯಥಾ ನಃ ಪಿತರಃ ಪರಾಸಃ ಪ್ರತ್ನಾಸೋ ಅಗ್ನ ಋತಮಾಶುಷಾಣಾಃ । ಶುಚೀದಯ-ನ್ದೀಧಿತಿ ಮುಕ್ಥಶಾಸಃ, ಕ್ಷಾಮಾ ಭಿನ್ದನ್ತೋ ಅರುಣೀರಪ ವ್ರನ್ನ್ ॥ ಯದಗ್ನೇ [ಯದಗ್ನೇ, ಕವ್ಯವಾಹನ ಪಿತೄನ್] 68
ಕವ್ಯವಾಹನ ಪಿತೄನ್. ಯಕ್ಷ್ಯೃತಾವೃಧಃ । ಪ್ರ ಚ ಹವ್ಯಾನಿ ವಕ್ಷ್ಯಸಿ ದೇವೇಭ್ಯಶ್ಚ ಪಿತೃಭ್ಯ ಆ ॥ ತ್ವಮಗ್ನ ಈಡಿತೋ ಜಾತವೇದೋ-ಽವಾಡ್ಢವ್ಯಾನಿ ಸುರಭೀಣಿ ಕೃತ್ವಾ । ಪ್ರಾದಾಃ ಪಿತೃಭ್ಯಃ ಸ್ವಧಯಾ ತೇ ಅಕ್ಷನ್ನದ್ಧಿ ತ್ವ-ನ್ದೇವ ಪ್ರಯತಾ ಹವೀಗ್ಂಷಿ ॥ ಮಾತಲೀ ಕವ್ಯೈರ್ಯಮೋ ಅಙ್ಗಿರೋಭಿ ರ್ಬೃಹಸ್ಪತಿರ್ ಋಕ್ವಭಿ ರ್ವಾವೃಧಾನಃ । ಯಾಗ್ಶ್ಚ ದೇವಾ ವಾವೃಧುರ್ಯೇ ಚ ದೇವಾನ್-ಥ್ಸ್ವಾಹಾ-ಽನ್ಯೇ ಸ್ವಧಯಾ-ಽನ್ಯೇ ಮದನ್ತಿ ॥ 69 ॥
ಇಮಂ-ಯಁಮ ಪ್ರಸ್ತರಮಾಹಿ ಸೀದಾಙ್ಗಿರೋಭಿಃ ಪಿತೃಭಿಃ ಸಂವಿಁದಾನಃ । ಆತ್ವಾ ಮನ್ತ್ರಾಃ ಕವಿಶಸ್ತಾ ವಹನ್ತ್ವೇನಾ ರಾಜನ್. ಹವಿಷಾ ಮಾದಯಸ್ವ ॥ ಅಙ್ಗಿರೋಭಿರಾ ಗಹಿ ಯಜ್ಞಿಯೇಭಿರ್ಯಮ ವೈರೂಪೈರಿಹ ಮಾದಯಸ್ವ । ವಿವಸ್ವನ್ತಗ್ಂ ಹುವೇ ಯಃ ಪಿತಾ ತೇ-ಽಸ್ಮಿನ್. ಯಜ್ಞೇ ಬರ್ಹಿಷ್ಯಾ ನಿಷದ್ಯ ॥ ಅಙ್ಗಿರಸೋ ನಃ ಪಿತರೋ ನವಗ್ವಾ ಅಥರ್ವಾಣೋ ಭೃಗವ-ಸ್ಸೋಮ್ಯಾಸಃ । ತೇಷಾಂ-ವಁಯಗ್ಂ ಸುಮತೌ ಯಜ್ಞಿಯಾನಾಮಪಿ ಭದ್ರೇ ಸೌಮನಸೇ ಸ್ಯಾಮ ॥ 70 ॥

(ಭವಾ - ಽಸ್ಮಭ್ಯ - ಮಸುಂ - ಁಯದಗ್ನೇ - ಮದನ್ತಿ - ಸೌಮನಸ - ಏಕ-ಞ್ಚ ) (ಅ. 12)
(ಸಮಿಧ - ಶ್ಚಕ್ಷುಷೀ - ಪ್ರಜಾಪತಿರಾಜ್ಯಂ - ದೇವಸ್ಯ ಸ್ಫ್ಯಂ - ಬ್ರಹ್ಮವಾದಿನೋ ಽದ್ಭಿ - ರಗ್ನೇಸ್ತ್ರಯೋ - ಮನುಃ ಪೃಥಿವ್ಯಾಃ - ಪಶವೋ - ಽಗ್ನೀಧೇ - ದೇವಾ ವೈ ಯಜ್ಞಸ್ಯ - ಯುಕ್ಷ್ವೋ - ಶನ್ತಸ್ತ್ವಾ - ದ್ವಾದಶ )
(ಸಮಿಧೋ - ಯಾಜ್ಯಾ - ತಸ್ಮಾನ್ನಭಾ-ಽಗಗ್ಂ - ಹಿ ತಮನ್ವಿ- ತ್ಯಾಹ ಪ್ರಜಾ ವಾ - ಆಹೇತ್ಯಾಹ - ಯುಕ್ಷ್ವಾ ಹಿ - ಸಪ್ತತಿಃ )
(ಸಮಿಧಃ, ಸೌಮನಸೇ ಸ್ಯಾಮ)
॥ ಹರಿಃ ಓಮ್ ॥
॥ ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಸಂಹಿತಾಯಾ-ನ್ದ್ವಿತೀಯಕಾಣ್ಡೇ ಷಷ್ಟಃ ಪ್ರಶ್ನ-ಸ್ಸಮಾಪ್ತಃ ॥
(ವಾಯವ್ಯಂ - ಪ್ರಜಾಪತಿ - ರಾದಿತ್ಯೇಭ್ಯೋ - ದೇವಾ - ವಿಶ್ವರೂಪಃ - ಸಮಿಧಃ - ಷಟ್) (6)
॥